تعليقات طوال وسماح حلقة بكرة طويله وسمحه ايواه😄
حكاية حياة
19
انا حليت النقال وبديت نخش في صفحات الاخبار
انا.علييييييي تعاااااااال بسرررررعه شوف
علي بحت في نقالي ودغري عيونه دمعن لبس.جاكته وخدا المفاتيح وطلع يجري
انا.يناعلييييييا شباب بلادي رحتو كلكم طراطيش حي عليا يوسف وماما حييييييه
*الصور كانن لجثث ابتاع شباب ماتو فانفجار سيارة مفخخه قدام ال1200*
"التاريخ7/2/2015*
ركبت نجري دقيت علي عيت سالم
حلتلي هدى.كنك حيو
انا.كلميلي سالم بسرعه
هدى.شن في كنك خوفتيني
انا.مفجرين قدام ال1200 سيارة
هدى.هيييييييه يناعليا*وخشت تجري وانا نزلت*
سالم.كنك
هدى.اطلع بسرعه مفجرين سيارة فال1200
سالم.لااا *وصبا بسرعه لبس سورية وسروال*وهوا نازل
هدى.سااالم ارجى
سالم.نعم
هدى خدت منديل معطر وقربت منه بدت تمسح فالروج
سالم.ختم الجودة
هدى.اسكت بس خلاص كملت انزل هي
سالم.انزلي مع حيو وصكرن الباب وردن بالكن مع بعضكن
هدى.حاضر
*نزل سالم بجري ركب فالسيارة وعدى وانا نلف فالحوش قلبي مقبوووض وحاسه روحي خايفه ياربي متوريني فيهم سو ياااارب*
وقعدت نبرم فالحوش وهدى تهدي فيا ولعت الt.vمافيشي حاجه
هدى.خزي هالقنوات الليبيه مافيهن فايده
انا.كي قلتهن
*ورنيت علي سالم*
انا.الو
سالم.ايوا حيو
انا.ها شن صار طمني
سالم بصوت مخنوق.الحمدلله كويسين
انا.سالم ادوي ماتدسش عليا شن في ماما صارتلها حاجه
سالم.لالا امك مش في جيهة الضربه ماصارلها شي بس
انا.يوسف شن صارله
سالم.جايته خبطه في كراعه بسيطه
انا.يناعلييييا خييي
سالم.خلاص بلاش مفاوله اسكتي
انا.نبي نجي نبي نشوفه
سالم.تو نجي ونشيلك لاه اصبري
انا.وعد
سالم.حاضر والله
انا.باهي نرجا فيك
وقعدت نبرم فالحوش وحاسه سالم داس عليا حاجه صوته كانه في حاجه صايرة
قعدت نبرم فالحوش وخلاص مش ثادرة نقعمز حااسه نااار راكبه فيا وهدى مرة تحاول تهديني ومرة تمسك بنتها قلت نرن علي مروة نقوللها
انا.الو
مروة.الو
انا.مروة نوضي
مروة.نعم
انا.يوسف انفجرت فيه السيارة فالمستشفى
مروة.شنوووووه شن تقولي انت
انا.قالو جايته في كراعه بسيطه
مروة.والله بسيطه
انا.مش عارف قالها ليا سالم وصكر
مروة.حيي عليا شن بندير توا
انا.مش عارف انا رنيت عليك انت بيش تقوليلي
مروة.حي عليا كيف بنعديله بعد بكرة عندنا خطوبة فارس نوتي مش فاضيه
انا.خطبتوله
مروة.اها نبي نعزمك لكن حسيتها شينه عشان عميمة وهكي قلت ندزلكم قرعتكم وخلاص
انا.كبر مقدارك امتى العرس
مروة.بعد شهر من الخطوبه
انا.يعني في شهر3
مروة.اها تو ندزلك الكرت تيالي بعد اسبوعين يوتن
انا.اهاا صكري توا نرن علي سالم نشوفه
مروة.رني عليا طمنيني بعدها
انا.اوكي
"صكرت منها وانا تخطيت مرحلة الحرق والنار هوا بكرة خطوبته ويوسف فالمستشفى التمت عليا من اكثر اتنين نحبهم وفكرت في ماما اللي مرات تقعد سمعت الانفجار وزاد قلبها هم اخرى وخطر عليا بابا اللي محتاجتله في وقت زي هذا يحضني ويقولي ماتخافيش يابنتي كل شي حيكون بخير"
قعمزت فالصاله واتكيت عالساس ومديت كرعيا وبديت نبكي علي علو صوتي وبعبرتي
هدى.حييو؟؟كنك شن صار حد فيهم صارتله حاجه كنك
انا.يناااعلييييا حظي الاسود ياهدى ينااعلييييييا ماعنديش حظ في شي ولا في حد اللي نحبه بكرة خطوبته باتي توفا خويا تفجرت فيه سيارة والله اعلم بحاله امي فالمستشفى وابسط فجعه حتقتلها بات دفنته من وانا صغيييرة وفوق هذا كله بنزوز بالغصب من واحد مانبيشي و و الاشر من هكي حاجه مش قادرة لا نحكي لاندوي عليها من همي الاسود عليش عايشه انا علييييييييش عليييييييييييييييش ياربيييي اااااه
"وقعدت نبكي علي علو صوتي وهدى تبكي معايا لين اذن الفجر صبيت توضيت وصليت وقعدت ندعي لين طلع الضي ورنيت علي سالم"
انا.ها ياسالم مش قتلي تو نجي نشيلك
سالم.مانقدرش نجيك المكان مليان جرحى وقتلى والجيش مالي المكان بنقعدو مع يوسف وامك خليك في مكانك
انا.يعني صايرتلهم حاجه صااح
سالم.مش صايرلهم شي
انا.صوتك مايقولش هكي
سالم.خلاص ياحياة مش وقتك راه ندوي معاك بالمحوتك
"صكرت عليه وفتحت النقال قعمزت عالنت بدن يطلعن الصور هذوما الحرس ابتاع المستشفى اللي جت يلاهم السيارة اشلاااء وهذوم الناس اللي كانو فقسم الطوارئ صور يقطعن القلب انقهرت منظرهم يوجع صكرت ورقدت علي سريري نفكر خطر فارس بين عيوني خشيت علي صفحتة لقيته منزل "لمن إبتعدت عنهم إني لكم أشتاق وأندم على تركي لكم وأعلم مدى شوقكم لي"
هه ضحكني شن خطرها حسيت روحي نبي نقهره خشيت نزلت علي صفحتي"سلاما على من ظن أنه الأهم وهو لم يتخطى دائرة المعارف"
دارلي لايك ابتاع راهو عرفتها شوري
ماعدلتش واجد كنت حاسه بحقد عليه اصلا
ههه علي من نكذب تي كان نحقه توا قدامي مش حنتحمل حنحضنه مرايييييفففففه عليييييه نين خلاااص
خداني النوم في مكاني نضت قيس ال10هكي علي خشت علي
"خش يجري لداره ودار يوسف"
انا.علي شن صار
علي.نحكيلك بعدين
انا.احكيلي توا ولا شيلني معاك اييوه
علي.امك ماصارلها شي الانفجار مش جيهته وتو نروح بيها توا بس يوسف
انا.كنه يوسف احكي
علي.الانفجار كان قريب منه لانه كان فالجنينه بره جايته شظيه كبيرة في كراعه ولو ماسعفناشي برة حيبتروها لاه
انا..😳😳😳😳
"طلع علي وسيبني مصبيه في مكاني ومصدومه رنيت علي مروة"
انا.الو
مروة.ها حيو شن صار فيه بالله
انا.جايه فيه شظيه واحتمال يبتروله كراعه
مروة.لاااا ماتقوليهش ووووه عليا
انا.والله توا قالها ليا علي من الصدمه مش عارف شن نقول
مروة.ياربي نجيه ليا مش حمل نفقده والله
انا.ييارب
مروة.بالسلامه
انا.باي
"صكرت منها وبرمت عالحوش وولعت قرآن وبديت ندهي ربي ينوضه بالسلامه شويه هكي خش سالم معاه ماما"
انا.حمدلله علي سلامتك
ماما.الله يسلمك
سالم.انا راكب نوتي شنطتي لاني بنعدي معاه علي جوازه طايح
انا.باهي تمام حالته خطيره
سالم.وقفو النزيف لكن الضربه هالكه العضم والعضلات يستر الله ادعيله
انا.يااااارب
"ركب سالم ووراه هدى
هدى.حبيبي قصدك بتسيبني
سالم.الله غالب حبيبتي ينعدي مع يوسف وعلي جوازه طايح
هدى.ربي طمنكم عليه ويرده بالسلامه
سالم.ان شاء الله
"وصكر الشنطه وجا فم الباب"
سالم.بالسلامه
هدى عيونها ملياانات دموع.بالسلامه
"سالم حظنها وباسها علي راسها وفمها"
سالم.حتبقي ديما معايا
هدى.اكيد💖
"ونزل بالشناطي خشلي"
انا.سامو كل يوم رن عليا وطمني عليه والنبي
سالم.حاضر
انا حضنته.ربي مايوريني فيكم سو
باسني علي راسي وطلع
وانا خششت ماما للدار واطمنت عليها وخدت دواها ورديت نقرا في قرآن اخرى"
قيس ال4فالعشيه خش علي
انا.شن صار
علي.اسقدو هما الاثنين في اسعاف طائر شور الاردن بس الحمدلله النزيف وقف وحالته نوعا ما مستقرة
انا.ربي مايوريني فيه سو
علي.ان شاء الله انا خاش نرقد وماتواعنيش لو كان ايش
انا.اوكي تمام
"طبعا تعلمت من غلطي ماكلمتش حد لانه ماعنديش لهم جهد خليهم بعد يروح بالسلامه ان شاء الله"
مروة.الو حيو شن صار
انا.شالوه للأردن مسكين بس حالته استقرت الحمدلله
مروة.الحمدلله ياربي
انا.اوكي تبي حاجه بنرقد انا
مروة.لالا باي
"صكرت منها وظلمت الحوش ولعت الدفايه وخشيت رقدت الفجعه علي ارهاق العزومه علي التعب طحت كيف الميتين"
نضت الساعه9فالليل نسمع في هدرزة فالمربوعة
مجدي.ها ياعلي شن رايك
علي.شن نقولك معقوله لا عرس لا شي
مجدي.المشيه تقدمت الله غالب وتحددت بعد اسبوعين و4ايام من اليوم بالزبط وانا نبي نعدي معاها فشن رايكم موافقين
علي.لالا هي موافقه وانا موافق تو نقول للعزوز ويشوفن حاجتهن عالسريع
مجدي.انتم ديرو حفلتكم وانا نجي ناخدها
علي.تمام بس امتى بالزبط
مجدي.انا المشيه حتكون 25/2 يوم20ينفع
علي.اوكي تمام
مجدي.هي تبي حاجه
علي.بالسلامه
"وصبا مجدي.بيطلع انا خشيت للدار نجري هذا شن يدير شن يخرف دارها ووافق وبيزوزني غصب عني"
سكتت مادويتش درت روحي راقدة وماما شكلها من التعب ماناضتش كملت لعند تاني يوم نضت.
حطيت صفرة فطور وقعمزنا نزلت هدى
ماما.هدى خليك معانا الفترة هذي نين يرد سالم ويوسف باهي.
هدى.حاضر
قعدت ناكل وبعدها صبت هدى
هدى.انا راكبه نبدل لأسو ونجي
ماما.باهي حبيبتي
"ركبت"
علي.امي في عريس انا حكيت عليه لحياة وراهو وافقت وهوا موفرله كل شي تبيه ويبي يسفرها تقرا معاه بره وعرسهم بعد20يوم لانه السفرة تقدمت
انا.مش قتلك مش موافقه
علي.موافقه وغصبا عنك
انا.علي ماتديرش شي تندم عليه
علي.انا نبي نندم عندك مانع وعرسك بعد20يوم ورفض ماتفكريش
انا.حرام عليك انا مانبيش مانبيش
علي.عليش عطيني سبب واحد مقنع
انا.هك مانبيش
علي.طالما هك يبقا تطلعي انت زامك توتي حاجتك كلها
انا.حتندم ياعلي وتو تشوف
علي.تشككينش فيك يافرخه
منظره وهوا يفنص خوفني لو كان في اي فكرة مني اني نعترفله فهي طارت من منظره مافيش قدامي الا حل واحد.
ماما.فهميني ليش رافضه كنك من دون البنات
انا.ماتسالينيش نبيش نجاوب
ماما.يعمي بدال ماتجي بالجو السمح تجي بالغصب
انا.ماتقهرينيش اخرى خلااااص
ماما.خلاص من بكرة نطلعو نوتو الحاجات
انا.عليش ونحنه مسافرين
ماما.لازم حاجات واجد لكي انا نقصد توت وارواب ولوشنز ومعطرات وكريمات واقنعه ومكياج
انا.اهااا باهي اطلعي واشريهن انا نبيش
ماما.غير اطلعي وصفي النيه
انا.حاضر تو نطلع
"وطلعنا للاسواق وبدينه فالشرا ماكانش في فرصه اني نعترض علي نخاف ندويله ويوسف وسالم مش قاعدين ماكانش قدامي الا مجدي"
#تاني_يوم
خشيت صفحة فارس لقيتهم يباركوله بالخطوبه قعدت نبكي ومقهورة وبعدها رنيت علي جيجي وحده من صحباتي فالجامعه مش واجد بس اهو قلتلها نزلي في صفحتي انه مبروك تحديد عرسي وهكي.
ورنيت علي مروة
انا.الو
مروة.الو
انا.باركيلي
مروة.شنو
انا.عرسي يوم20/2
مروة.شنووووه
انا.اها
مروة.وكيف تبي تديري كان يفضحك
انا.قررت خلاص مليت من الدس ننفضح ويصير اللي يصير وخلاص
مروة.حياة انت مجنونه وهبله انت حتقتلي روحك علي احتمال يقتلك
انا.عادي خير مانعيش حياة الخوف هذي طول العمر
مروة.ربي يهديك ويعطيك عقل
انا.اجمعين
خشيت علي صفحتي لقيت جيجي منزله كلام اللي.يقراه يقول شكله حب وعلاقه اللي فرحانين هالفرحه علقتلها يبارك فيك ياغلايا كللله الحمدلله صبرت ونلت سنة ماهيش طشه
جيجي.مبروك عقبال مانشوفو عيالك
"ومعش رديت قعدت نبحت فيه كان اون لاين شويه هكي وفصل عرفته شاف المنشور حسيت بانتصار بلذه مسرع مااختفت وجا مكانها قهر وحزن وكآبه انا شن ندير وين ماشيه شن اخرت الطريق اللي انا ماشيه فيه عرسي بعد19يوم وانا مش_بنت_يعني فضيحه بجلاجل طردت كل هالافكار وقلت وقتها يحلها حلال.
رقدت ونضت تاني يوم طلعت للسوق شريت انا وماما حاجات واجد وروحت
علي.حياة مجدي جاي بيدوي معاك
انا.شن يبي
علي.اطلعي عيب
انا.به😑
"طلعت كان مقعمز عالكرسي قعمزت مقابله"
مجدي.كيف حالك ياحياة
انا.كويسه😐
مجدي.شن جوك
انا.كويس
مجدي.كنك معصبه
انا.لاني مانبيكش ومغصوبه عليك
مجدي.شن تقولي انت
انا.اها هذي الحقيقه
مجدي.وليش توا كيف قلتي بعد دزيت اوراقك وحجزت تذكرة باسمك
انا.امتى.حقيتك اصلا
مجدي.اوووففف
انا.تبيش تلغي
مجدي.نقدرش اصلا
انا.وعليش
مجدي.معجب بيك وبديت نحبك انت وعنادك
انا.وانا مانحبكش
مجدي.تو تحبيني
"وصبا بيطلع انا طلعت وجاه علي"
علي.كنك يارا خليك للعشا
مجدي.ليش غصبت اختك عليا
علي.شنوو
مجدي.ليش غصبتها وهيا ماتبيش
علي.مش مغصوبه تدلع وخايفه لانها وحيدة.وهكي تبيش تسيب امها لكن اول ايام قالت موافقه
مجدي.يعني دلع وخوف بس
علي.اها
مجدي.نستاذن وراي شغل
علي.اوكي
"طلع مجدي.وعلي جاني كيف الثور الهايج"
علي.حياااااااة
#يتبع
