منقووووووووولة
#حكاية_حياة
#حلقة72
ثاني يوم
سهى.حيو انا نبي توتة
انا.نعطيك من عندي؟
سهى.لالا مايجيش عليا دبشك
انا.باهي انزلي جيبي وتعالي هو مش قاعد راه
سهى.ماه كان جا تو يهزب
انا.حنشوفلك من البلكوني لو جا نرن عليك تركبي بسرعة
سهى.تمام
"ونزلت فتحت الباب وخشت وانا نشوف من البلكوني شميت بنة دخان حسيت كبدي زعمت عديت نجري نرجع"
علي وقتها درس السيارة وخش للحوش لقا الباب مفتوح عرفها جوا
خش سهى سمعت صوت مفاتيحه صكرت باب الدار ونست نقالها عالطاولة برة
انا جيت للبلكوني اخرى لقيت سيارته مدرسه رنيت عليها
علي خش لوسط الحوش وانا نرن بحت لقاني انا فتح المكالمة
انا.سهى بسرعة علي جا للحوش
علي.انت اختي انا ولا اختها؟
قعدت نضحك من الصدمة اخر شي نتوقعه ان هو يرد عليا صكرت عليه قلت اكيدة خلاص هدا وتو تطلع ويتفاهمو
علي.اطلعي مش جاي شورك اركبيلها هي
سهى فتحت باب الدار ومعاها التوتة وطلعت
سهى.تبيني نركب
علي كشخ.لا انزلي!اها اركبي شن ترجي قتلك وجك هنا نبيش نشوفه وخوذي دبشك كله كان تبيه
سهى.عليوة غير اسمعني بس
علي.سهى كلمة وحدة!انهي
سهى قعدت تبكي.به براحتك
وخدت توتتها وركبتلي تبكي!
انا.لالا ماتقوليش مزال حامق انا توقعت تصالحو ويسلكن الامور
سهى.راسه ناشف
انا.ههههههههه وقعدت مبتسمة خطر عليا فارس لما يزعل ونقعد نراضي فيه كيف ييبس في راسه لكن مجرد مانبكي بالذات لو عيوني في عيونه مستحيل يقدر يقاوم اينعم مرات يسكتني وبعدها يكمل الزعلة😂بس المهم مستحيل يخليني نبكي
سهى.هههههههه انت بتكمليها سرحان وابتسامات
انا.هييييييييه خليها ساكتة💔
ومشت الليلة ورقدنا وانا عقلي مش معاها بكل
#تاني_يوم
جت أم سهى للحوش في العشية!
سهى.الو
امها.ايوا ماما انا لوطة ندق وينك
سهى.اه مش قلتلك فوتيها الجية اليومين هذين
امها.غير افتحي بس معقولة نوصل لعند بنغازي وبتخليني فم الباب
سهى.به حاضر جايتك"وصكرت"
انا.شن بتديري توا
سهى.مش عارف مش عارف
انا.خششيها للحوش وتصرفي عادي
سهى.ولما يجي خلاص موعد مرواحته قريب عالمغرب
انا.تو ندبرله انزلي بس عيب امك ترجى
"نزلت سهى تجري حلتلها"
امها.خير يامامي كيف حالك
سهى.خيرات حبيبتي"وسلمت عليها"
"وخشن جوا"
سهى.مش قتلك فوتي الايام هذين في جو شين
امها.مانقدرش تعرفيني نجيش بنغازي واجد
سهى.باهي به
"وقعدن يحكن وانا نزلت سلمت عليها وقعدت شوية وركبت خليتهن براحتهن وقعدت نصنت عالباب نين سمعته انفتح نزلت نجري"
علي.تي غير كنك تجري راك تتعكفي انت ثقيلة توا
انا.علي تعال اركب نبيك
علي.هذي شن ادير جوا ومن عندها
انا.غير اركب معايا بس
علي.عليش
انا.امها جايتها بالله عليك ماتحرجها قدامها هي مابتش تشوه صورتك وتقول بينكم مشاكل
علي.مش بينا مشاكل هي غالطة في حقي وماتبيش تحكي
انا.الي هوا المهم تحكيش قدام امها
علي.لا عليش خليها تعرف بيش بلكي تعقلها لكن ياربي هي الام بروحها ماقامت حوشها
انا.تي شن قصتهم هل سهى
علي.باتها مطلق أمها ومزوز مش وحدة لالا اثنين وامها عدت لهلها في طرابلس وحوشهم ديما عرايك ومشاكل بين صبايا باتها
انا انصدمت لان سهى كانت مبينتلنا ان حوش هلها جنة وجو حلو وهياجة ولا الاحلام
انا.تي كيف بس فهمني مش كانوا عيلة كويسة على قولة سهى بعدين نذكر زمان لما جيناهم وهي في المستشفى كانوا تمام
علي.طول عمرهم في بينهم مشاكل طلاقهم وزيجته والطلاق صارن مؤخرا لكن ديما في مشاكل وانا شاهد عليهم
ماتتخيلوش الصدمة الي انا فيها
علي جا بيخش
انا. غير خليها بس
علي.حياة ساد تدخلتي في موضوع حرجتها صدقيني كان عدت لهلها بالذات هل باتها وجربت فرق المعاملة راه تربت
انا.حتى ولو هي غالطة ماتحرجهش قدام امها
علي.به بس بشرط
انا.شن
علي.تروح معاها معش نبيها تقعد هنا بكل نين امتى مايصحلي نعدي ناخدها
انا.تي كنك تحكي هكي وتعامل فيها هكي انت حرام تستغل نقطة ضعفها هكي راه!وووو منك
علي بنت.حياة
حسيت روحي اذكرت روحي ومع من نحكي سكتت وعلي خش للحوش
علي.السلام عليكم
سهى ارتبكت ووجها يتفسرش
علي.اووو عمتي عندنا خير شن الاخبار امتى وصلتي من طرابلس
امها.الحمدلله كيف حالك عليوة
علي.الحمدلله بخير سهى طاسة امية بالله
سهى.حاضر"وخشت جابتله ومشت العشية وهو يجامل فيها وهي تمشي في الجو باي طريقة نين جت امها بتروح"
علي.عمتي سهى روحي بيها معاك
سهى شرعت عيونها
امها.خير ان شاء الله
علي.تو هي تحكيلك كان تبي لكن توا خوديها معاك "وخش للدار"
امها.كنكم شن في
سهى.صايرة بينه مشكلة كبيرة خوديني معاك توا وتو نحكيلك
امها.رغم اني قاعدة عند خالتك ومش جو نثقلو عليها لكن هاتي دبشك هي الله غالب
سهى خقنتها العبرة وخشت جابت توتين ولبست عباية وطلعت مع امها سمعت صوت الباب تسكر طلعت ونزلت"
انا فتحت الباب لقيتها راكبة مع امها وماشية
انا.هييييه دارها اللئيم
وخشيتله جوا
انا.علي وينك
علي طالع من الحمام في شرت للركبة
علي.سهى ااه حياة نعم
انا.وينك
علي.شوية بس نلبس خليك
"ولبس وطلع"
انا.سهى وين
علي.قلت لامها تاخدها فوتيها خلاص
انا.حرام عليك ليش هكي تعامل فيها!خسارة الهدايا والحياة الوردية
علي.خسارة فيها خلاص فوتي الموضوع
انا.من مايغلطش معقولة هكي تدير حرام عليك عااد
علي حمق.غمي فصختك واطلعي من الموضوع قلنا
انا وجعتني منه الكلمة بكل ركبت قعدت نبكي والليل ركب هو فوق
علي.حيو نبو عشاء يوسف جاي
انا.قوله يركب
علي.شوية مزال ماوصل
انا.به"وبرمت وجي"
علي.نحكي معاك انا نبي عشاء
انا.مش مدايرة
علي.يعني
انا.تبي عشاء شوف مراتك ولا دير بروحك
علي.به منورة تو تنفعك سهى الي مصبية معااها
انا.مش مصبية مع حد اصلا انا مادخلنيش ومفروض نطلع منها ونصكر فصختي !وقعدت نبكي
علي.لا حول ولا قوة الا بالله تو انت كنك تتخنقي
انا.كني شي قايلي كلمة لا أسلوب لا منطق وانا نحاول اني انا نساعدك
علي. به خلاص اسكتي و ماتبكيش
انا.واو بصراحة إبداع في انك تراضي الواحد انت كان الله في عون سهى
علي.ههههههه شن تبيني نديرلك مثلا
انا.مانبي شي"ولويت وجهي"
علي.باه نبي عشاء
انا.😒يا من؟
علي.ياحياة
انا.تؤتؤ مش حياة
"وسمعنا صوت يوسف يفتح في الباب"
علي.ياحيو مثلا؟
أنا.وشن معاها
علي.ههههه شن معاها
انا.كلم يوسف أسأله
علي.هههههههه والله
انا كشخت عليه
علي طلع ضبحله"
علي.يوسف
يوسف.ها
علي.عصا على ظهرك اركب شن تدير
يوسف.نقلبش في ثلاجتك ازح ديما فيها وكال سمح كنها ناشفة توا
علي.غير اسمع حياة لما تلوي وجهها كيف تراضي فيها انت
انا ضحكت
يوسف.انت الغلطان ولا هي الغلطانة وتبي تدفها فيك
علي.للاسف انا الغلطان
يوسف.تي حي علمك حييييه غريبة شن درتلها
علي.هزبتها
يوسف.عليش شن دارت المشفشفة
انا.مادرت شي تعارك هو وسوسو ولما سيباته وعدت مع أمها فش غله فيا فش غله فيا
يوسف.ههههههه تحمليه الله غالب الواد قلبوا بيوجعوا
انا.وعايز حد يدلعوا حييييه
علي.اسكت انت وياها عليك قلة حيا
يوسف.المهم نبي وكال انا
علي.اركب هنا مافش شي لوطة ناشفة
يوسف.مشعفتك سهى ماله
انا.ههههههههههه لها كم يوم حرجانة عندي
يوسف راكب عالدروج وجا يلا علي.وعقاب حرمان اخرى!تي انت شكله عملتك طين
علي.اس يا امسخ اس والله إلا هي الي غالطة
انا خشيت وهما شوية وخشوا
علي.هيا بس ديريلنا عشاء
انا.مش دايرة خليك جعان ماقالك حد احكي معايا هكي
علي.هيا بس يا حياة
انا.تؤتؤ مش حياة
علي.مالا من
يوسف.حيو
علي.باه هيا يا حيو
انا.حيو ال ايش
يوسف.هههههههههههه
علي.حيو ثقيلة الدم تي هيا
انا.يوسف علمه انا تعبت"وخشيت للدار"
علي.شن بيعلمني
يوسف.انا خبرة في اني نزعلها ونراضيها وهي مستحيل تتنازل
علي.اها والمعنى
يوسف.المعنى انك تقعد تشكر فيها نين ترضى
علي.عنها والله مارضت خش انت ديرلنا عشاء
يوسف.اسف نبي نصيحتها نقدرش نخونها
علي.هههههههه التميتوا عليا يعني
انا طلعت ورقصتله حواجبي
علي.باه هيا ديري عشاء
انا.انت شنو
علي.انا اسف
انا.على شن
على.على اني حكيت معاك هكي
انا.يا من
علي.ياحيو
انا.الايش
علي.السمحة الكويسة الطيبة الي مفش منها
انا.هههههههه اييييوه
يوسف.هههههههه سجلت الاعتراف هذا فيديو حنذلك بيه أن شاء الله
علي.عنشكلك بكل احذفه خيرلك وانت خشي ديري عشاء هيا
انا.نديرلكم ماجي؟
يوسف.لا ورأس أمك انا مال منها ومن النواشف مادابيك حساء
علي.اووو حساء توا مش مكروه بكل
"خشيت ندير فيه وحسيت بحركة في بطني عليك إحساس يهبل"
يوسف.باهي عليش معاقبتك سهى شن داير
علي.اسكت وتفتحش دلالة واجد
يوسف.تي غير كنكم بس
علي.متعاركين
يوسف.من الغلطان
علي.هي ولولا اني عاد العشرة رآه طلقتها
يوسف.تؤتؤتؤ لالا ياراجل توصلش للطلاق مهما كان رد بالك
علي.لالا ماتوصلش لكن هن مرات يقعدن يبن تربية تو تمشي لهلها يومين تروح كويسة
يوسف.بس نصيحة غلط هكي عركتكم شاهد عليها انا وحياة مفروض فيما بينكم
علي.كان الموضوع هادي هي الي ركبت الحياة وحكتلها كل حاجة رغم أن قايللها نحبش حد يحكي
يوسف.بس مهما كان انت كثرت في الدوة ماتجيش
علي.ان شاء الله خير
يوسف.ههههههه باهي عليش حامق وتهزب انت
علي.اس يا مسخ
"وكسدوا عندي شوية حطينا تعشينا ونزل علي رقد"
انا.باهي شن تبيني قلت
يوسف حكالي الي صار والي سمعه وكل حاجة
يوسف.من الأخير حسيها تدير في دراما جو انا المظلومة ولا زعمك جديات كلامها مع أمها
انا.يوسف سواء تدير أو تديرش انت عليش تعامل فيها هكي ماتجيش
يوسف.انا مش قصة نعامل فيها أو لا صدف موقف وصار
انا.صدقني مروة صحبتي قبل ما انت تعرفها وامها هي الي حرفة وانا عارفة الشي هذا كويس عشان هكي علي ماصار ماخربتش علاقتي بيها ولا قطعتها لأن في النهاية محد بيعصي أمه على خاطر صحباته
يوسف.زعمك
انا.انت روح توا وخليها فترة تهدأ وبعدين احكي معاها ورد بالك مرة ثانية تدير جو عزق الكلام ولا أي حاجة!تخشش مشاكل برة بينكم
يوسف.حاضر بس ردي انت وياها زي قبل يا حيو مكالمات وضحك وجو
انا ملامح وجهي تغيرن
يوسف.هي قالت ترن عليك وتحاول تردوا زي قبل وانت ماتبيش تردي معاها
انا.مزلت راقيلي منها عشان قالتلي موضوع مودة مش صاير منه وطلع صاير منه انا نحبش الكذب وهي شكلها متوقعة اني نسأل فيها بيش كان قالتلي اها صاير نقوللها الغيه راه ناخدكش ليوسف فكذبت عليا
يوسف.وانت عليش تسألي أساسا
انا ارتبكت.اااه اصلا هني عشان هني هذاه
يوسف.هني هذاه ههههههه
انا جيت بنحكي وتحرك البيبي اخرى.ااااه ياماما اااه
يوسف.كنك
انا تحشمت. شي شي
يوسف.تي غير كنك احكي
انا.يتحرك خبطني في بطني بقوة
يوسف.جديات عادي نلمسه
انا.ههههههههه حي عجو الأطفال حييييه وانا الي نحسابك بتتحشم
يوسف حط يده على بطني وقعد يحس فيه وهو تقول حس بيه قعد يخبط بقوة ويوسف عيونه دمعن.ربي يحفظها لكي
انا.ان شاء الله بس ليش درتها بنت اقتنعت
يوسف.مش عارف حسيتها بنت هي تبي حاجة
انا.لالا سلامتك
يوسف.باي"ونزل روح وخش الحوش كالعادة مروة تتحاشى فيه قعد كم يوم و كلامهم رسمي بكل وكل مايدورها يلقاها تبكي ولما بيحكي معاها ويفتح الموضوع تفوته
يوسف.ميمي
مروة.نعم
يوسف.تعالي
مروة جاته.نعم تبي حاجة
يوسف.ممكن تقعمزي
مروة.ورايا حاجات نديرهن
يوسف.مغير تعالي"وصبالها مسكها من يدها"
برملها وجها وقعد يبحت في عيونها.اسف
مروة.به
قعد يقدم نين لصقت في الساس
طبس بالشوية.زعلانة
مروة برمت وجها.لا مش زعلانة باردة انا عليش بنزعل من طشة كلام يوجع القلب
يوسف رفع وجها وخلاها تبحت فيه
يوسف.اشششش" وباسها على فمها"وتوا
مروة وطت وجها
يوسف.نحبك انا
مروة.به مزلت زعلانة حول
يوسف حضنها وباسها عرقبتها.وتوا
مروة ماردتش
يوسف دغدغها.وتوا
قعدت مبتسمة
وخر بيها للكرسي وحطها في جنبه.ليش الزعل فهميني انا نبصر معاك كنت انت حمقتي وكبرتي الموضوع خلينا ندوو بعقل بلا نفترة
مروة.مش بصارة الموضوع انت قاصده وقاصد تحكي هكي وقاصد تعزق كلام وقاصد هذين كلهن
يوسف.نعترف ان قاصد بس لو قلتيلي الكلام الي قلتيه عالسرير من قبل و بهداوة راه فهمت وبطلت
مروة.مانقدرش يايوسف ماما نحكي عليها خلاص فوت الموضوع
يوسف.بس عيب تحكي معاها هكي راه
مروة اسكتت شوية بعدها.سمعتها؟
يوسف.خشيت وانت تحكي
مروة زفرت.والله هيا تحاول تدير حاجات كويسة وماتبيش تقتنع ان الحاجات هذين مش الصح
يوسف.ربي يهديها حبيبتي
مروة.اجمعين
يوسف.تو الكلام الي قلتيه جديات كله ولا دراما
مروة.لا جديات والله!
يوسف.ربي يهنيها يارب ويبعد عليها الناس الي يكرهوها
مروة.ان شاء الله بس يوسف حاول تدويلها والله فارس رافض وحتى مودة تبيش لكن انا مش قادرة نحكي لان منظري يقعد اعي وفي نفس الوقت ماما حالفتلي وحرام هما الاثنين
يوسف.انت فاهمة القصة كويس وعارفة خوك
مروة.يوسف فارس هذا طبعه حتى مراته الاولى هك دارلها مش جديد عليه الكلام هذا
يوسف.براحتها الشي هذا حاليا بين يديهم انا على قولتها عارف حاجة وغايبات عليا عشرين
مروة.ربي يفرجها عليهم حتى هم الدنيا كلها ضدهم
يوسف.نحن نقدروا نكونوا معاهم
مروة.زعمك
يوسف.اكيد خلينا بس توا "ورفعها"نكونوا مع بعضنا وبعدين نكونوا مع الدنيا كلها
مروة.ههههههههههه نحن ديما مع بعضنا
ووووووووووو
#ومشن_يوم_ورا_يوم
في يوم كنت قاعدة انا وعلي دق الباب
علي.من
انا كنت فوق وبدون مبالغة حسيت بيه هو فم الباب دقته نعرفها من مليون دقة طلعت عالدروج
علي فتح الباب لقاه فارس
فارس.السلام عليكم
علي.عليكم السلام تفضل
فارس.لا يزيد فضلك انا بس جاي نبي حياة شوية
علي.خير شن تبي فيها
فارس.هي مزالت تعتبر مراتي وحامل بولدي وانا المفروض نطمن على صحته خاصة ان كنت مسافر وماقدرتش ندير واجبي وقتها
علي.الواجب هذا داروه معاها خوتها وبالزايد وهي تعدي كل اسبوعين للدكتورة وصحة العيل تمام
فارس.تمام به بس خليها تنزل حاجزلها عند دكتورة
علي.عليش
فارس.نبي نعرف جنس الجنين تيالي من حقي
علي لوا وجهه.تو نشوفها تبي او لا
فارس.به نرجا فيك
"وطلع يرجا في السيارة"
علي ركبلي وانا خشيت ورديت الباب
علي.حيو فارس لوطة
انا رغم اني سمعت المحادثة كلها.كنه شن جابه
علي.جاي قال يبي يشيلك يطمن على صحة الجنين ويعرف جنسه!
انا.بس مش من حقه هو كم لاه مايندريش عليه
علي.صدقيني هو جاي بيش يقول حارمتني من ولدي ومن حقي وانظر شنو ويسبل انزلي وعدي معاه باش يبقى في نظر نفسه والكل الغلطان
انا.بس ياعلي
علي.نقالك معاك صار اي شي كلميني
انا.تمام به
ولبست عبايتي ونزلت لقيته فم الباب فتحت الباب وانا نرعش مع بعضي من الرياف وركبت
انا.السلام عليكم
فارس.وعليكم السلام
"وبده يسوق وساااكت وفجأة نقاله رن"
فارس.الو مودي
مودة.اشيه مودي شن في
فارس.اها قاعد شايلها ياقلبي للمستشفى
مودة.هههههه حرام عليك اعصاب البنت
فارس.الله غالب حبيبتي الواحد لازم يدير الي عليه خلاص قريب نتريحو "بحت فيا"انت كم مزالك وتجيبي؟
أنا بحتت فيه بنص عين ومارديتش"
وهو كمل المكالمة ويدلع فيها ويحكي عاساس شايلني غصبا عنه وكأني واجب بيقضيه
قعدت نسمع فيه ونتمنى لو نديروا حادث او السيارة تنقلب أو أي حاجة أن شاء الله ولو نموت أو هو يموت في مكانه اي شي يخلي المكالمة تنتهي كيف نحط نفسي في موقف هكي بس وهو كيف يحكي معاها هكي قدامي هكي وكيف يحكي اصلا عليا هكي!فجأة نفسي بده يثقل نسمع في الصوت ومش قادرة نفرزه ارتخيت وحسيت كأني انبليت و فاتحة عيوني بس طايحة
فارس صكر النقال دغري وبرملي .حياااة حياة حيو ردي عليا كنك"ومسكني قعد يهز في وجي وانا مش قادرة نرد نشوف فيه بس نسمع في الكلام مغبش"
درس قدام المستشفى وجا فتح الباب ورفعني كنت ننزف بقوة طلعني بسرعة للطوارئ وخذني منه الممرضات وكان هو الحاجة الوحيدة الي مركزة عليها نين غبت عن الوعي شوية هكي ونضت ممكن ساعتين لقيته جنبي وماسك يدي وانا عالسرير
نفتح في عيوني بالشوية
فارس.حيو نضتي
انا بحتت فيه وقعدت نبكي.
فارس.والله مافي بينه شي وراسك ياعمري انا كنت نحمق فيك بس والله مانقصد نأذيك حياة بحتي فيا "ومسك وجي قعد يبحت في عيوني"انت عارفة ان انا مستحيل نقصد نأذيك ماكنتش متوقع انك تزعلي هكي
انا لويت وجهي.اصلا مش شورك عاساس يهمني
فارس ابتسم.الممرضة قالت الي صار بسبب صدمة قوية أو زعلة
انا كشخت
فارس مابش يطلق وجي قعد ماسكة وانا قعدت نرجا فيه يقول أي شي يدل على أنه مزال يبيني وحنرد
فارس وهو مزال ماسكني.صدقيني مستحيل في يوم نأذيك ولا حتى نقصد الشي هذا
انا.بس عادي توجعلي قلبي!
فارس.ليش وجعك مش انت ماتبينيش؟
أنا.بس حتى لو تحكيش عليا هكي وتبحت فيا باشمئزاز وتقولي كم مزالك ولو عشان العشرة الي بينا
فارس.ما انت وجعتيني كم مرة وماعديتش العشرة وعادي ولا انت عادي وانا لا
انا.ليش كل ماقلبي يرطب عليك تعجن الدنيا ليش خلاص يافارس سيبني ارجوك"ونزلن دموعي على يده مسحهن ووخر"
فارس.حيو💔مش قصدي الي صارلك والله
انا.قصدك الي فبطني نزل
وفتحت عيوني بقوة وحطيت يدي عليها لقيت بطني مزالت قاعدة
فارس.لالا بس صارلك نزيف بسيط ووقفوه ودارولك ابرة تثبيت
انا.شكرا كثر خيرك ممكن ترن على علي يجي يروح بيا
فارس.تو نروح انا بيك
انا.شكرا مشوار واحد كان حيخسرني بنتي مش مستعدة نغامر اخرى
فارس سكت وطلع نقاله رن على علي
علي.ايوا فارس
فارس.علي تعال روح بيها
علي.كنها شن صارلها وينها عطيها ليا
انا خديت النقال.الو
علي.حيو شن صارلك دارلك حاجة الي يلاك
انا.لالا تمام غير دخت غادي واسعفوني تعال روح بيا انت
علي.والله ياحيو السيارة بتاريتها هابطة ونعاني فيها كان مافش شي روحي معاه
انا.باهي تمام وصكرت
فارس.تروحي معايا
انا.اااه بس قبلها مش تبي تشوف جنس الجنين وهذا عليش جاي
فارس.ياريت
انا.💔
"ونزلنا للدكتورة الي حاجز عندها راجينا شوية وبعدين خشينا عليها قعمزت عالكرسي وحطت السونار على بطني"
فارس.ها شنو يادكتورة
الدكتورة.والله للأسف مش باين!عاطي بظهره
فارس.حركيه به!
أنا قعدت نضحك
فارس.نحكي جديات ترا حاولي تهزيه
الدكتورة.هههههههههه مايصير شي جنينكم عنيد
انا وفارس في نفس الوقت.طالعلك!
الدكتورة.هههههههه
فارس.انت العنيدة
انا.لا انت!
"وصبيت كان وسطي يوجع بكل وحاسة روحي مدروخة مسكت في فارس وقعدت نمشي وهو حاط يده في وسطي وانا ماسكة يده ومتكية عليه تي علي من نكذب؟ نحبه ونبيه!
كملنا مشي وهو ساكت بس حاسة بيه ونسمع في نبض قلبه ونبضي الي كان اشر منه كنت نرجا فيه يفتح الموضوع يحاول ولو لمرة يقولي مرايف عليك بس وكنت حنرد معاه دغري بس💔ماقالش!
فتحلي باب السيارة ركبت وجا هو ركب وبده يسوق
فارس.لو حسيتي بأي حاجة ولا الم رني عليا باهي
انا هزيت راسي ببه مارديتش
فارس رفع يدي.اسف عالي صار "وباسها"
خلااااص يافارس الي تدير فيه يجرح فيا يحسس فيا اني حقيرة ونستاهلكش يافارس خلااص
انا.فارس
فارس.نعم
انا.كان بجد
فارس.مستحيل يكون بجد مستحيل نشوف غيرك حتى لو ان خلاص سيبنا بعضنا وحتى لو معش تبيني ومعش بينا شي انا مستحيل نشوف لغيرك ياحيو ولا حتى نفكر في الموضوع
انا.باهي ومودة
فارس.هههههه نحن توا مطلقين"الكلمة هذي وجعتني وسط قلبي"مزلتي بتغاري يعني
انا.خلاص لو ماتبيش تجاوب براحتك
فارس. ياهبلة مودة لا تبيني لا نبيها قاعدين نمشوا في امي وامها نين نلقوا حل ننهوا بيه هالارتباط
انا.به
فارس.هههههههه
انا.على شن تضحك؟
فارس تنهد بقوة خطر عليا موقف فيه نفس التنهيدة
(انا كنت نحكيله على حاجة وهو
تنهد وبعدها قالي.نحبك تعرفي
ديما يدير فيها اللقطة هذ ونحبها منه بكل)
صارلي زي الطفل الي يرجا في حد يعطيه حلوة قعدت نرجا فيه يقولها بعد التنهيدة زي كل مرة لكن المرة هذي مقالهش
تكا في وسط الطريق جاب كبدة وعصير عنب وشكلاطة كندر وركب للسيارة
فارس.حياة خاطرك في حاجة متوححمة على حاجة
جيت بنقول لا قدرتش عارفته من زمان خاطره نتوحم ونطلب منه وماقدرتش نقوله أن خاطري نلمس لحيته ومتوحمة عليها
انا.نبي كيوي بس
فارس.بس؟حاضر من عيوني كله الا بنتي يطلع وجها فيه شعر كيوي
انا.هههههههه
فارس.حيو خلي جونا ديما هكي باهي! حتى لو مطلقين نقعدوا كيف الأصدقاء باهي
انا.كيف
فارس.نقعدوا كيف توا هك نحكوا عادي وباحترام وضحك
انا.ان شاء الله اكيد
"وبده يسوق برمت نبحت فيه اذكرت لحيته قعد خاطري بنلمسها بكل بأي طريقة ومش قادرة حكتني يدي في نفس المكان حكيتها
نين قربنا من الحوش نزل جاب كيوي وركب للسيارة
فارس.ان شاء الله على سلامة وتبي اي شي رني عليا انا في البلاد
انا.ان شاء الله
ونزلت للحوش وهو حط الشكاير وعده ركبتهن تحشمت من علي يشوفهن وركبت قعدت فوق
كان موقف غريب حسيت بعاصفة مشاعر بشكل غريب لكن نعترف اني مبتسمة عشان عرفت ان مايبيش مودة وانها ماتبيشي حتى لو أن تصرفاته اليوم يقولن انت معش يبيني💔بس المهم الي تبيه امه مش حيصير!
#عند_سالم
كان ماشي هو وهدى عشان تاخذ الجرعة بزها لها الدكتور وحاولت تمشي داخت جسمها كان ناااقص ووجها شاااحب خلاص وصلت حدها والمرض كلا من جسمها واجد نقصت نص وزنها شعرها وشعر جسمها ورموشها وحواجبها كلهن طاحن
الدكتور.اسف استاذ سالم المريضة حالتها النفسية سيئة والصحية اسوء لازم تبات عنى اليوم
سالم.تبات وين ماتبات المهم صحتها انا قلت من الاول خلوها هنا
الدكتور.ادخل معها ممكن وجودك قربها يدعمها
سالم.ان شاء الله
"وصبا يلا باب غرفتها بكا نين وسع خاااطره وبعدين مسح عيونه وخشلها"
سالم.حبيبتي
هدى.ااااه ياروح حبيبتك ياعيونها حبيبتك تعبت خلااص تعبت شهور تعاني لا ماتت لا تريحت
سالم.معش تقولي هكي حرام عليك حتصحي وتردي نبوك معانا يا هدهودوتي
هدى.سالم قولي الشعر الي كنت تقولي فيه لما توجعت هذك اليوم
سالم جا يلاها حضنها وهما الاثنين كانو يبكو
سالم.غير ويش يوجع فيك ياغاليتي قلبي فداك وصحتي وعافيتي
فداك انظاري
ياجنتي يشفيك ربي الباري
وايدوم حسك ياقمر في ادياري
ياام العيون مهلعة عسلية
هدى.ااااه ياغالية
سالم.غير ويش يوجع فيك ياغاليتي عمري فداك وقلبي وصحتي ودنيتي وعافيتي كلها مغير قوليلي بس
#يتبع
الصورة معبرة عن موقف حياة وفارس💙بكل
قولولي لو حسيتوها تعبر كيف حسيتوا بهالشي أو عن شن تعبر؟❤
