حكاية حياة
..................................................................
نزلت من الدار للجنينة نجري قعمزت عالدرجاحة
وقعدت نبكي الكلام الي كان مكتوب يفجع طعني في وسط قلبي الرسالة كان مكتوب فيها
"تاريييتك غبي وانضحك عليك صدقتها حبركت مغتصبة والجو اهوا وعاساس يوسف طلق مروة لانها دست عليه تي كان مهذا ليش يوسف سيب الحوش فترة وخوتها قاطعوها وسالم سيبلهم الحوش بكل وامها ماتت من حسرتها مراتك الي انت فرحان بيها واختك هنه الاثنين$$ودايرات العار وحدة مسحاته في راجلها الاول وجاتك والتانية قاعدة تهدد في خوها ياتردني يانفضح اختك وشوف جوك انت للعلم بس انا صاحبها الي جربتها لكي وكان لي شرف التجربة الاولى ههههههههه ياعبيط"
قعدت نرعش مع بعضي ونبكي وبعدها ناضن عليا اعصاب المعدة قعدت نرجع ركبت للدار لقيته مقعمز عالسرير وراسه بين يديه خشيت اطوحت فالسرير ماكانش عندي نية ندوي قعدن دموعي ينزلن بلا صوت ونفكر كيف حد يقول فيا هكي ومن يعرف القصه اصلا وكيف يقدر يقول اتهامات هكي هذا خراب بيوت حرام عليهم ناضت عليا معدتي صبيت نجري رجعت لحقني للحمام
فارس.كنك
انا موطية راسي ونرجع لملي شعري لاورة لييين كملت ونضت مدلي منشف
قعدت نمسح ونبكي
فارس.ك كنك تبكي توا مريضه
انا.اه مش عارف
فارس.خش ارقدي عندي مشوار
انا.وين
فارس.مشوار وخلاص
"وطلع وسيبني عرفته مضايق وخايف يحمق يفش غله فيا خشيت للسرير وقعدت نبكي نين ادموعي عبن المخدة و خداني النوم قعد في واحد يجري ورايا وانا نجري كان ماسك موس وانا قعدت نعيط لماما يامامااااا
نضت على يد تمسح في دمعة واقفه على خدي قعدت نبحت فيه ونبكي
فارس.انت قريتيها صاح
انا هزيت راسي وقعدت نبكي بصوت عالي
فارس تنهد وحط يده على راسي.باهي خلاص ليش البكا
انا.رد بالك تصدق الكلام الي فالرسالة كذب كلله راه والله كذب
فارس.عارفه كذب
انا.خزي من الي يقول عليا هكي
فارس.من الي يعلم اصلا انا هذا الي بيجنني من عارف القصه ومن يقدر يقول هكي الكلام كبيييييير هذا لو انحقه نقتله
انا.مش عارف بننجن من التفكير انقهرت
فارس.تو مع الوقت نعرفه انا عديت لليبيانا قالولي مسجلة باسم واحد مصري يعني اكيد الي واخدها شاريها منها
انا.ربي ينتقم منه هالحقير
فارس قعد يبحت فيا حسيت تبحيتته تخوف
انا.كنك
فارس.مش عارف
انا.نادم صاح
فارس.على شن
انا.عشان خذيت وحدة زيي وراها ماضي وقصص وبلا بدل ماتاخد وحدة عادية
فارس.حبيتك انت انا
انا ابتسمت.ماتشكش فيا
فارس.نشك في روحي ونشكش فيك
انا.بس منو الي عنده مصلحه فهالكلام بس
فارس.اكيدة وحدة من المعجبات ابتاعي
انا.هههههههه
فارس.ايوه اضحكي وبطلي نكد وتو مع الوقت نعرفوه اكيد بنت حرام ولا ولد حرام وفي بالة حاجه
انا.زعمك
فارس.اااه صدقيني
انا.هي بس شيلني لحوش علي بنسيقه
فارس.وين العمال
انا.مش كيف لازم من برمتي انا تسييقة العمال تهنيش
فارس.باهي يعني اول مشية لحوش هلك ماشية تسيقي
انا.هههههههههههههه عادي ماهو عزمناهم هنا مرة وخلاص ااه خطرت عليا
فارس.شنو
انا.مازرتش عميمة
فارس.عمتك تو نزوروها
انا.احسن حاجه خالاتي مرينه عليهن ونحنه في سوسة
فارس.تي كنك انت ماسكه فالموضوع
انا.ماهنه زعلانات اصلا كان مازرتهنش راهن دارن قصة
فارس.كنهن عليش
انا سكتت وقعدت نبحت فيه
فارس.ادوي كنك
انا.فوت خلاص خلينه نعدوا هي
فارس.تي ليش زعلانات احكي
انا.لاني مازرتهنش المرة الاولى
فارس.ا اها به
انا.هيا نوض
"ونضت من عالسرير طلعت لبسة حلوة وخديت معاها بجامة حطيتها في شنطه"
فارس.انا نسخن فالسيارة باهي
انا.به اني نازلة
"نزل هوا وانا لبست لبستي وحطيت الوشاح ولبست كويش وطلعت"
فارس.وين وين وين
انا.كنك
فارس.عبايتك
انا.فروسي عروس وجوي سمح فوتها العباية والله
فارس.عبايتك بلا نقاش تي منظرك فضيحه سروال ضابط والبلوزة لعند الركبة وياريتها حتى لونها هادي
انا.عليك حصلة
"وركبت سلحتها ولبست البجامه ولبست عليها العباية ونزلتله ركبت فالسيارة وخبطت الباب بقوة"
فارس.ههههههههههه عنجد منظرك
انا.اسكت
فارس.عصبية
انا.اسكت
فارس.وحماقة
انا.اسكت
فارس.وانا نغار عليك
انا.باهي شن فيها كلهن يلبسن فيهن توا هذي موضتهن ليش التخلف ابتاعك هذاه عباية عباية عروس انا
فارس بحت فيا.عروس تلبسي قصير وملون ويقعدوا يتفرجوا عليك
انا.من حوش للحوش هي مانمشيش في سوق انا
فارس.لا فالسوق خمار
انا.شنووووووه
فارس.ههههههه بالشوية راك تقتليني
انا.خمار هذا لو تطربق السما عالوطا مانلبسه
فارس.حتى لو اقنعتك بيه
انا.مش حتقنعني بيه اصلا
فارس.هو انا كنت نبصر بموضوع الخمار لكن حطيتيه في راسي تو نقنعك بيه وتلبسيه بقنااعة
انا.تو نشوفوا شن رايك تخيط عليا بطانية وتحطني في صندوق فالدولاب بالمرة
فارس.فيها تفكير ونقعد انا بس نفتح نشوفك وبعدها نصكر عليك ومحد يشوفك غيري
انا.مريض
فارس.بيك ياهبله خلاص افرديها
انا بحتت فيه رفعت حاجبي.نبي كيندر
فارس.هههههههههه حاضر به طفله
انا.عمري22سنه الا راه
فارس.انا الي شايب صاح
انا.شايبي انا بس
فارس.ههههههههههه
"ودرس عالدكان خذا عصير وحاجات وركب"
فارس.هاكي هه"ومدها ليا"
انا خديتها حليتها وبديت ناكل فيها وهوا يسوق قعدت نبحت فيه شكله يهبل كل يوم نحبه اكثر نملش من التبحيت فيه والمناقرة معاه
فارس.خلاص خلاص عارف روحي وسيم لكن مش لدرجة تنستهي فيا
انا.هههههههههه مغرور مانستهتش فيك
فارس.في من مالا
انا.حاجة اخرى
"وصلنا فم الحوش درس السيارة ونزل دق الباب فتحله علي"
علي.اووو نسيب شن الجو
انا نزلت من السيارة
علي.خشوا تفضلوا
انا.خير
علي.خيرات وينك ياابلة حتى رن بالتليفون تعرفيشي
انا.عادي يعني دققتش
علي.خشو بس
"خشيت انا وياهم كان الحوش حلو بككل"
علي.شن رايكم
انا.لاقوة الا بالله
علي.تو انت كان عديتو لشقة يوسف وجيتك غادي هنا مافيش اثاث
انا.تي لا جاية بنسيقها انا
علي.سيقوها العمال امس
انا.فرقت تسييقهم
فارس.ههههههه
علي.باهي تو نجيبلك الحاجات وسيقيها
انا.تمام به تو نبدا عدي جيبهن
علي.به
"طلع علي وفارس قعمز على كرسي وانا سلحت العباية"
انا.اركب جيبلي التوبو من السطاح
فارس.به
"ركب جابه ليا وجا علقته في شيشمة الكوجينه وبديت نلف بيه فالحوش عبيته مية وبعدها برمت علي فارس بالتوبو تعبه امية
فارس.ينعن عبيتيني
انا.ههههههه
"صبه وجاني"
انا.وخر راهو نعبيك
فارس قعد يقدم
انا.وخخر"وطلقت عليه التوبو قعد يجري ورايا نين مسكني من ورايا وفكه مني"
فارس عضني في رقبتي.ليش المنابشة
انا.وخر عيب تو يجي علي
فارس.منابشيه
انا.هههههههه وخر بس
"وخر بالتوبو وقعد يبحت فيا"
انا.رد باالك نمرض راه شتا وصقع
فارس.وانا عادي
انا.انت تتحمل
"طلقه عليا"
انا.عنشكلك تعبييت
فارس.ههههههههه
انا.خلاص خلاص صوت علي جا عيب
"وخشيت نجري للدار عاساس نسيق فيها وهو خش"
علي.كنك مبلول
فارس.اه لا زلقت حياة كترت امية
علي.حياة
انا.نعم
علي.اهن جبت منظفات وهكيي
انا.اوكي به"وطلعتله مبلولة كلي"
علي.حتى انت زلقتي
انا وجهي قعد حمررر احراااج
علي.هي فارس نكسدوا برة خليها تكمل
انا بحتت فيه.نعم
علي.شنو
انا.تفضل عاونني نقدرش الحوش كله عنجد تعال يافارس نكسدوا برة "بحتت في فارس"وانت طالع معندكش مشكله نتعب انا عادي
فارس.هاتي هي
" وخذوا هما الاثنين سياقات ومكانس وكل واحد استلم دار وبده ينضف فيها ساعتين وكملنا الحوش كللله"
انا.خلاص ظهري
علي.بس فعلا فرق بين التنظيفه هذي وتنظيفة العمال
انا.يعرفوش يحكوا زوايا وسيسان كويس حتى انتم برمت وراكم
فارس.باهي مبروك عليك عقبال نشوفوا عيالك ياخيي
علي.يبارك فيك
انا.خلاص تمام هكي بكرة جيب فرش وهي قالت بتجيب دبشها وحاجتها الاسبوع الجاي
علي.يوم الاربعاء
انا.خلاص تو نجي من الظهر وتو نكلم نسرين وفاطمه وهاجر يعاونني نضيفوهم من شقة سالم
علي.شوفي جوك انا تيالي يجوا يفرشوا ويروحوا عليش متعبة روحك انت
انا.لا عيب عنجد هذ مش مزوزة مقطوع من شجرة هي نين ماتلقش من يصبيله
علي.باهي به
انا خشيت لبست عبايتي ووشاحي وطلعت لقيت فارس مسخن السيارة
ركبت معاه وهوا عطس
فارس.شكلي مرضت
انا.حتى انا حاسة راسي مصدع وخشمي مصكر
"وصلنا للحوش خشينا خشيت للحمام دوشت ولبست بجاما موف وطلعت لقيته عالسرير بدبشه راقد سلحتله الشخشير والسورية وبسته على خده وطلعت للحوش برمت عليه كله وبخرته بعدها خلاص حسيت روحي معش لاقية جهد ونعطس وخشمي اصكر خشيت للدار ورقدت"
نضت تاني يوم لقيت فارس متكي على حافة السرير ومكمل باكو مناديل
انا.صبح يامخنن اعععع
فارس.هذا لعب المية الي امس
انا.اه اه اه اتشووووووه
فارس مدلي منديل.هاكي هي
انا.عليك قصة مش جو برد بكل
فارس.خشمك حمر ههههه
انا.من غادي حمر يبالك نعطس
فارس.نوضي ديريلنا سحلب
انا.عنديش جهد
فارس.تي نوضي بلا تنبلة
انا.مش نايضه تعبت
فارس دفني من عالسرير
انا.تي ااااه
فارس.ديريلي سحلب
انا.بنرقد"وجيت بنخش للسرير دفني"
انا.بطل سماطه نبي نرقد
فارس.نبي سححلب
انا.ديره بروحك
فارس.نوسخلك المطبخ وتحصلي فيه
انا.ضم حوستك
فارس.اممممم به راك تجي تدوي بعدها بس واذكري قلية الدحي
انا.لا خلاص به سيب المطبخ في حاله بس
فارس.هههههههه
انا.مش عارف كيف قدرت توصل الدحي لاعلى رفة فالدولاب بس حتى البكرج استعملته بيش تقلي دحي
فارس.انت مش فاهمه
انا تربعت عالسرير.فهمني ههههههههه
فارس.انا تكسر مني الدحي
انا.اها
فارس.فتوكلت على الله طلعت صونية وعجنته مع بعضه كله
انا شرعت عيوني.اهااا
فارس.وجبت الصفاي والبكرج وصفيته من القشر وقليته
انا.يعني لو خليتك توا تدير سحلب احتمال كبيير نلقاك مطلع طنجرة مناب ولا معصدة
فارس.احتمال وارد فاختصري الموضوع وديريلي سحلب
انا.ههههههههههه جو تهديد
فارس.للاسف
انا صبيت للكوجينه طيبت السحلب وحطيتله مكسرات وزبيب وحليب وقرفه وركبت بيه للدار لقيته مطلع بطانية ثقيله وحدخرى خشيت يلاه ومديتله المق
فارس.خياااالي الطعم ويدفي
انا.اااه سمح فالشتا
فارس سكت قلت ننابشه
انا.حبيبي صقعانه
فارس.جيبي بطانية 7كيلو انهي فوق الدولاب
انا.نطقلهش بعيدة وفوق الدولاب
فارس.خلاص معناها اقعدي واسكتي مش حنوض انا من تحت البطانية صقع
انا.ازح شي شي مش رومنسي بكل بدال ماتقولي انا ندفيك والجو هذا لالا شي
فارس.ياسلام ياسلام تقولي ازح حضرتك
انا.ااه ماشيه فيا مرة مرة
فارس.نردوا للموضوع الاصلي تبيني ندفيك
انا.لا خلاص تو نجيب البطانيه
فارس مسكني حطني في كتره وحضني
فارس.دفيتي
انا.ههههههه ااااه خلاص
"وسكتنا شويه وبعدها رقدنا اخرى"
"ومشن الايام نين جا يوم الاربعاء"
انا.حبيبي هيا وقت تأخرت
فارس.باهي هي
انا.طلع السطلين هذين وتو نجيب انا حفاظه الخلوط
فارس طبس خذا السطلين وانا خذيت الحفاظه وطلعنا
فارس.الليلة بايته
انا.اااه
فارس.عليش البيات فوتيه
انا.ماهو بنلم الحوسة ونبرم عالدبش وندير كل شي مانكمل الا ال10 بتروح بيا خطر وقصة واستيقافات نخاف عليك
فارس.لالا نقعد معاك ونروحوا طريق الهواري امان فيهش شي
انا.اممم به بس يوم عزومة الرجالة بنبات
فارس.معناها تروحي من الزفة للحوش
انا.امممم ياسي به نمر ناخد الحاجات من شقة سالم ونروحوا
فارس.تمام
انا.ههههههه عليك طروح
فارس.ماهو جو قلق نبات بلاك
انا.ترايف عليا
فارس.لا مش قصة ارياف نبي حس فالحوش
انا.قطوس بوك مالا
فارس.ههههههههههههههه تعرفي قعدت نتعمد فالموضوع عشان تعابير وجهك هذين
انا.بلا سماطه والله خليك رومنسي
فارس.حاضر المرة الجايه خطرها عالقطاطيس وين جيسي
انا.فارس بيخليها عنده
فارس.حي علي فارس الي واخد عقلك
انا.قصدي علي
فارس قعد يبحت فيا ومبتسم
انا.عليش الابتسامه السخيفه
فارس.عجبتني اللقطه تفكري فيا حتى وانا معاك
انا.ماهو حايرة زعمك فارس حط السطول كويس ولا انكبن
فارس.سطل😑
انا.من
فارس.جدي
انا.هههههههههههه وحدة بوحدة
فارس.خلاص وصلنا انزلي هي
انا.هي نزلي السطول يالي جدك سطل
فارس.الله يرحمه انسب وهو مادخلش
انا.عهههههههههه
نزلت للحوش وهوا نزلي السطول والباكو
فارس.نصلي العشاء ونجي نروح بيك
انا.اااه ان شاء الله
فارس.تمام
انا بسته على خده ووخرت
فارس.راح فيها الوضوء تو كيف بنصلي العصر
انا.تو نجي ناخدها
فارس.ههههههههه تعالي وكان خديتيها بحقها
انا.شخيف امشي اطلع
فارس طلع وانا ركبت لشقة سالم ربع ساعه وجت هدى وفاطمه ونسرين وعميمة ماجتش لانها تقدرش تركب الدروج
انا.طولو صاح
هدى.عنجد طولوا تو الساعه3ونص
انا.صاح ساعتي مقدمه معناته باهي شن جوكم
فاطمه.انت احكيلنا جوك مع الطرف
انا.عادي يعني زي اي راجل ليبي
نسرين.عنجد هذ قصدك مش رومنسي
انا.عادي يعني جوه عادي
فاطمه.خايفه من العين يافرخه
انا.هههههههههههه لا مش هكي
نسرين.احكي وبطلي طروح معناته
انا.ماهو تو تقولن تفشك براجلها وتدير في طروح
فاطمه.لالا عادي
انا.يناعليييي بناااات لما يطلع الصبح نين ترقالي نبيش نصبي من علي صدره يهبببل عطره ولحيته ودبشه ولا لما يرفع حواجبه نمووووت ورمنسي رومنسي رومنسي وديما نتعاندوا ونشفطوا
لعند لما جينه نسيقوا شقة علي لعبنا بالمية نين قلنا يانا
هدى.ههههههه خطرتي عليا اول ايام سالم طاهقه بيه هك كنت
انا.وتوا
هدى.لا توا عادي يعني مش كرهته لالعكس حبيته اكثر بس الاوفر اعجاب هذا نقص مع الوقت وقعدت متعودة عليه تبيلنا تنشيطه
انا.ههههههه احرجي شهر ولا اتنين
هدى.هههههههه لا ياحنه انا عزا خالي ماجاني نوم لاني متعودة عالرقدة على يده
نسرين.قلبي يانا يانا يانا
فاطمه.نكمل طول الليل بكا
انا.هههههههههههه مسكينات سينقلز
فاطمه.خزي عليك والله
انا.ههههههههههه انت قلتي احكي
نسرين.انروح اليوم ندور اي حد نرتبط بيه حتى بصلة
فاطمه.احسبيني حتى انا في بصلة
انا.ههههههه حي حس العرب جو
نزلنا عالدروج لقيناهم جايين استقبلناهم وركبنا
هدى.شكلهم ناس من كتر ماهم هاي نين خاربين
نسرين.ااه فطنتي خالتها رايحة كي الملكه اليزابيث نظارات صغار وقونة زرقة وكيوت هك
انا.طيح سعدكن تقرمن في عرب كنتنا
نسرين.ههههههههه
انا.هيا هدى ننزلو النسكافيه
هدى.هي
"نزلنا قدمنالهم الحاجات"
وقعدنا نحوسوا عليهم وبعدها طلعوا روحوا
فاطمه.كيف صار روحوا بلا حتى مايغنوا وجو هك
نسرين.نذكر لما فرشنا دبش حوش حيو قلبناها
انا.ههههههههه اوفر هاديين كلهم سمعتلهمش عياط عرايك شي شي كله منظم وكيوت
هدى.هي ننزلو نتفرجوا قبل مايجي خوك
انا.ههههههه هي
"ونزلنا كلنا للشقه وبدينا نتفرجوا عالي جايبينه كله"
هدى.ماشاء الله كله حلووو وراقي عليك تأثيثة تهبل
انا.اااه عجبتني فاطمه نسرين وينكن
"دورتهن لقيتهن في دار النوم"
انا.طيييح سعدكن شن تديرن
فاطمه.تعالي تفرجي الراقية شن جايبه
انا.شنو
فاطمه.شوفي"لبسة رقص مصرية"
انا.حي علي امه😱ههههههههه وانا نقول الراقية الكيوت تاريتها سوسو اسم على مسمى
علي.حياااااااة
انا رعشت مكاني.حيييي علما
"صكرت الدار بسرعه وطلعت للصالة وطلعت لقيته مصبي فم الشقه
علي.شن اديرن جوا
انا.اه ا ا لاشي نتمموا بعدهن ونطلعوا بس
علي.في حاجة اسمها خصوصية عيب خاشة لشقت المرا تفتشي في حاجتها عيييب
انا.فتشتش تفرجت بس كنك مش انت بروحك قتلي يبقى ديما حوشك وحوش العيله
علي.حوشك وحوش العيله من امتى تخشي لداري انت عندك دار امك قتلك امتى ماتجيها تعالي لكن داري حتى زمان انا نحبش حد يخشلها مابالك توا
انا.به به خلاص ياعلي اسفه انا خششت البنات يتفرجن عادي ديما نديروا فيه الموضوع هذا
علي.لا مش عادي خلاص حصل خير
انا.به
"طلعت من يلاه ركبت وهوا طلع من الحوش والبنات ركبنلي"
فاطمه.يناعليا سمعني كللله مني اسفه والله ياحيو
انا.قتلكن من الاول فوتنها دار النوم
نسرين.صح والله ماكانش مفروض نخشوا عيب
هدى.عادي والله ديما نخشوا ونتفرجوا على دبش العروس خوك زودها
انا.خزي من اول ماجت تغير
نسرين.حرام عليك الظلم ياحيو معقبلك دار امك وقالك امتى ماتجي الحوش حوشك لكن داره يعني خصوصية ومعاه حق عيب خشتك لها تجيش توا تدفيها فيه معاه حقق بكل
انا.ممكن اااه
هدى.خلاص سالم جا باي
"نزلت هدى وشويه هكي ونسرين وفاطمه جاهن خوهن وانا رنيت على فارس"
انا.ايوا حبيبي خلاص كملت
فارس.هي انزلي حبيبتي انا لوطه
انا.تمام
"صكرت الشقه ونزلت الحفاظه الي لميت فيها البواقي وقرعة يوسف ونزلت"
فارس.شن جو الحفلة
انا.كويسة
فارس.كنها الطشه حامقه شن صار
انا.&&&&&&&&
فارس.غلطانه ياحيو معقوله تتهزو على دبش المرا وخاشين لدارها
انا.عادي يعني كلنا انديروا فيها
فارس.لا والله مروة ماخلتش ولا وحدة من بنات عمي يخشن للحوش حوستهن وحاجتهن كلها فالمطبخ والدار البرانيه كانشي خشن للصالون بس
انا.ييي عليا خلاص عارفة اني غلطت والله البنات خشن باهي😞انا لحقتهن لانهن كلمني بس "وقعدت نبكي"
فارس.حيي عالهبله خلاص اسكتي بس
انا مزلت نبكي
فارس وقف السيارة وبرم عليا قعد يمسحلي في دموعي
فارس.خلاص حبيبتي يمشي الجو عليش الدموع
انا.موقف ساامط بكل يهزب فيا عشانها
فارس.تدخليهش فالموضوع شن دخلها
انا سكتت وقعدت نبحت فيه
فارس.خلاص باهي
انا.راك تنسى تكي على شقة يوسف جايبتله قرعته
فارس.به تمام
"ومشى بالسيارة نين وصلنا شقة يوسف قالي بيجيب حاجات من الدكان وانا ركبت فوق دقيت فتحلي"
يوسف.اوووو المشفشفه
انا.وينك اليوم جيتش
يوسف.جتنيش نية نعدي ثقلاء نسابات علي للمليون
انا.خههههههههه مانحكيلك ثقل اشر من الحديد
يوسف.هههههه جبتيليي حاجة
انا.اااه اهياه قرعتك"ومديتله الحفاظه"
يوسف.اوو عليك جو خلوط وحلويات وموالح هياجة اليوم
انا.من الاخير انا قعدتك هذي مش عاجبتني وانت قتلي بترد مروة هيا حرك روحك
يوسف تنهد.الله غالب نرضى بيها ونردها عشانك بس
انا.حلفتلك
فارس.السلام عليكم
يوسف.اوووو نسيب شن الجو
فارس.تمام هي بنروح وقت
انا.باهي هي
فارس.هي
انا.خلاص كيف مااتفقنا ااه
يوسف.خليها فترة ياحيو في بالي موضوع ننهيه وبعدها ساهل
انا.به
"ونزلت انا وفارس كان ساااكت"
مشى بينه نين وصلنا لمكان وبده القصف
انا.حييي علينا
فارس.اهدي بس "ووقف السيارة"
"بووووووووم"
انا.فاااارااااااسسس
#يتبع
.......
فوووووت و تعليق 😍😍
