حكاية حياة
........................... .......... . ............ ...... .............. ..........
وووووه عليا ووووووه ينااعلييا
انا فتحت عيوني بالشويه.كنكم شن في
عميمة.خال هدى توفا
انا جيت بنصبي.هيييييه يناااري
عميمة.ارجي بس نحولك الحنه تخربيهش
انا قعدت نبكي.ديما هك انا وجه نحس مش لروحي بس حتى للي نحبهم
عميمة.اسسس الراجل لاه كم يوم فالعناية بلاه الكلام هذا اهدي
'بدن يهدن وبطلن نديب قعد بكا بس'
عميمة.خلاص صبي هي
انا صبيت للحمام غسلت الحنه وكانت سوووودة صابغه وطلعت جيت لهدى
انا.عظم الله اجركم ياهدى
هدى تبكي وهاجر مظبطتها
جا سالم خش.هي اطلعن نوصلكن هي
انا نبكي.ارجى بنجي معاكم
هدى.لا ورس حييو سألتك بالله ديري عرسك كامل وعدي لكوافيرتك وافرحي خالي راجل كبير وهذا عمره وانت مادخلكش
انا نبكي.عزيلي عميمة
هدى.حاضر يوصل
"وطلعت هي وهاجر جت بتمسك اسو'
انا.لالا خليها اسو تو يروحلك بيها سالم فالليل
هدى.به حاجتها كلها فالشنطه
انا.تمام
"طلعن هنه الاثنين ومعاهن سالم والحوش كان يدق فتحته لقيت الجارات خشن بسرعه انا خشيت لعميمة
عميمة.تو عليك طروح الراجل لاه كم يوم فالعناية وعارفينه بيموت عليش النديب رعشنك ولمن علينا الناس
انا.مسكينات وجعهن
عميمة طلعتلهن فالصاله.مافي شي قريب هدى توفا
الجارات.ااااه فجعتونا يابتي
'وطلعن مع بعضهن"
عميمة.ماهن مستعجلات عالحليب والتمر دغري استفن
انا.هههه كنك معصبه
عميمة.خوك يوسف لتوا ماجابش الفيلو وجا
انا.الساعه كم
عميمة.الساعه10
انا.به مزال بدري
عميمة.عيني ماتضرك
انا.كنك
عميمة.بالك هادي ورايقة عادة العرايس يقعدن متوترات ومعصبات الوقت هذا
انا.حلمت حلمه سمحه حسيت روحي متريحه
عميمة.شن حلمتي
انا.حلمت بماما تمشطلي في شعري
عميمة وجها انغصر.وبعدها
انا.رقدت علي كراعها مشطتلي وباستني على راسي وبعدها نضت
عميمة.اااه به
انا.حسيت روحي متريييحة
عميمة.ان شاء الله ديما ياربي خشي للحمام واطلعي افطري هي
"طلعت من داري القيت البنات قايمات الحوش اللي تستشور والتدير فالفلو وكل وحدة توتي في حاجه"
خشيت غسلت وجهي حاسة روحي فرحاااانه ومتريحة طلعت للمطبخ فطرت حليب باكو وتلات تمرات وطلعت للصاله
نسرين.حيو من يعدي معاك
انا.مش عارف لكن اسو نبيها معايا
احلام.نعدي معاك انا
انا.به تمام ترديلي بالك من اسو باهي
احلام.به
وخشيت للدار فتحت نقالي لقيت فارس دازلي رسالة
"اليوم انت نصيبي وحلالي،اليوم انت حبي ومراتي،اليوم انت انا وانا انت،نبقوا ديما مع بعضنا ومايفرقش بينه ولا حاجه زواجنا اليوم ثمرة حب دامت خمس سنييين مرينه بيها بظروف صعبة واختبارات واجدة ونجحنا فيهن كلهن واثبتنا للدنيا انه حبنا مش مجرد لعب حبنا عشق وغرام وانغماس للاعماق حبنا حاجه اسمى واوسع واكبر من انه يوصفنها الكلمات نحبببببك مش مجرد كلمة نقولها لكي انحبك يعني انت الانسان اللي نبي نفتح عيوني عليه كل صبح انت الانسان اللي نبي نهدرز معاه كل عشيه انت الانسان اللي نبي نكمل حياتي كلها ونعيشها معاه ونموت وهي مصبيه جنبي وتراعي فيا
حياة نبي نقولك اني نحبببببك ونعشقك ومتيم بيك ومغرم ليك وكل كلمات العشق توصفش اللي حاس بيه تجاهك ولو تشوفي قلبي قديش يدق توا ممكن تفهمي شن نقصد وفرحتي بأنه اليوم عرسنا فرحة كبيييييرة مستحيل نوصفها
حبيبك وراجلك:-فارس"
قريت الرسالة ودموع الفرحه ينزلن على خدودي بقوة حسيت روحي اسعد انسانه فالدنيا وكل اللي نبيه عندي
مسكت النقال وكتبتله
"فارس
حبيبي وراجلي والانسان اللي تمنيت نكمل معاه طول عمري وتحققت امنيتي
انت عارفني نعرفش ندوي ونعبر زي ماانت تدير لكن بنقولك اني نحبك ونموت فيك ونتمنى فرحتنا هذي تدوم ونبقوا طول عمرنا مع بعضنا
حبيبت ومراتك:-حياة"
دزيتها لاه شويه هكي ورن عليا
فارس يبكي.صباح الخير
انا نبكي.قصدك تبكي
فارس.ااه
انا.ياحبيبي مش مصدقه اليوم عرسنا خلاص
فارس.وربي نحبك
انا.عارفه وعارفه اخرى انك لوسيبتني نموت
"عميمة خشت"
عميمة.هي صبي ياحنه خوك جا عدي للكوافير
انا.حاضر هي حبيبي اول مانوصل الكوافير نرن عليك
فارس.تمام به نحبك
"صكرت ولبست عبايتي وطلعت للباب لقيت يوسف مصبي جنب الباب يديه في جيوبه ويبحت فالوطا"
انا.فيفا
يوسف.مبروك اطلعي للسيارة هي
انا قعدت مصبيه ونبحت فيه.بحت فياكنك
يوسف رفع وجه وبحت فيا كانن عيونه مليانات دمووع حضنته وقعدت نبكي وهوا يبكي
انا.كنك تبكي تو انت
يوسف.فرحانلك بس
انا.حنرايف عليكم
يوسف.حتى نحنه حنرايفو عليك واساسا انا حنلصق عندك غادي
انا.ههههههههه تعال ديما
يوسف.وازوزتي يامشفشفه وبتسيبينا وتخليني مع الثقيل علي بروحي
انا رديت نبكي.وينه علي
يوسف.فم الباب
انا.كلمه ليا
يوسف.خليه يبيش يخش
انا.كلمه بس
"يوسف طلع وشويه خش هو وياه"
علي مدلي يده.مبروك عليك
انا قعدت نبحت فيه وبعدها حضنته
علي حط يديه على شعري.خلاص بس عليش البكا
انا.حنرايف عليكم
علي.حتى نحنه تو نرايفو عليك وانت مانكش بعيدة نعزق حيطه تجي في شقتك كل ماترايفي علينا تعالي حوش هلك ديما مفتوح
انا.حاضر
علي.خلاص اطلعي هي
انا.به
"وطبست شمرت اسو وطلعت للسيارة لحقني يوسف"
انا.وين احلام
يوسف.اهي جت
"ركبت احلام للسيارة"
احلام.خير
يوسف.خيرات ياطيرتي
"وولع السيارة وبده يمشي"
اسو.ميمة عندها حنه
يوسف.انت كنك ماعديتي مع امك
اسو.نبي ميمة
يوسف.هههههه اصدقت مالها ومال العزية
انا.هههههههه اها
يوسف.شن تبي انت يااسو
اسو.ثنو
يوسف.يوم اللي بتنا عندكم شن تبي
اسو.نبي بوثة وخاتم وكيكة زي ميمة
انا.😳😳😳😳
يوسف.ومن عطاهن لكي
اسو.انت
يوسف.انا من
اسو.امو اوسف
يوسف.ههههههه
"وصلنا للكوافير نزلنا نحنه الثلاثة"
انا.خير
الكوافير.اهلا عروس انت
انا.ااه عروس ونطلع من هنا الثلاثة راه القاعة في اجدابيا
الكوافير.علييك قصة به هي معناها نبدوا فيك
احلام.انا معاها
الكوافير.ياوداااد تعالي
وداد.اوكي به
"وبدت ياسمين فيا ووداد في احلام واسو تلف فالمحل وتلعب"
رن عليا فارس
انا.الو
فارس.شن تديري توا
انا.فالميكاب قاعدة وانت
فارس.نحلق
انا.من الاخير تجيني بلحيتك كيف اللوزة المزلطه والله ماني مروحة معاك راه
فارس.ههههههههه عنجد هذ
انا.اهو قتلك
فارس.هههههههه حاضر نخففها بس
انا.اوكي
فارس.شعرك شن حتديريله
انا.تسريحه
فارس.تغديتي
انا.لالا
فارس.تو نجيبلك
انا.لالا ناكلش راه نقدرش
فارس.عليش
انا.نقدرش ناكل بطني توجعني
فارس.باهي خودي شكلاطه راهو يغما عليك
انا.اوكي به صكر هي
فارس.نتلاقوا
انا.تمام
"صكرت منه وبدت ترسملي في رسمة العين واحلام كملت مكياجها لبست اسو ودارتلها روج وشفشفت شعرها بجل ولبستها الكندرة"
وقعد الوقت يمشي وانا نمكيج ونفكر شن ندير الليلة وكيف نصرف مابيتش نخلي فارس يدوي فالموضوع هذا بكل
لييين جت الساعه 4تقريبا كملت مكياج وبحتت في روحي فالمراية اللي فالكوافير كلهن قعددن يسمن ويقولن ماشاء الله المكيااج طالع خرافة لبست الفيلو وثبتنلي التاج والطرحه وقعدت نبحت في روحي فالمراية
احلام.بحتي هنا نصورك هي
"خديت انا وياها صورة"
انا.ها نعدوا
احلام.يوسف جاي فالطريق
انا.عميمة ترن
انا.الو
عميمة.ها حيو وينك
انا.خلاص كملت كل حاجه وقاعدة نرجاا في يوسف
عميمة.تمام معناته نقوللهم يوزعوا العشا
انا.ااه شن جو القاعه والحاجات
عميمة.الله اكبر الديكور ابتاع القاعه كله حلو العشاء شفته ماشاء الله حاجات الطاولة الفرقه كل حاجه تمام بكل وتهبل
انا.به كويس
عميمة.وهل راجلك حتى هما قايمين حاجتهم وكل شي كويس
انا.مافيش مشاكل ولا حاجه
عميمة.صارت تكه بينهن في بعضهن عالبونبنيرات وانحلت بعدها طلعت ناسيات باكو فالسيارة
انا.به كويس باي
"صكرت"
احلام.هي يوسف بره
انا.هي
"لبست البرنوس وطلعتني احلام ركبت فالسيارة وركبن هن الاثنين"
يوسف.وين بتعدوا
اناا.شنو
يوسف.انا خاطري في مول الحياة
احلام.كنك
يوسف.هههههههه عنجد ملامحكن اهدن را يرقا عليكن الضغط
انا.وقت حناطتك هوا
يوسف.حبيبة عمو
اسو.نعم
يوسف.حي علمك شن اللي في وجك هذا
اسو.لوج ومستلرة وتحل
يوسف.وشن معقبه للعروس
احلام همستلها.قوليله عقبتلها العريس
اسو.عقبتلها العريث
انا.😳😳
يوسف.هههههه ياجالطه
اسو.😄😄😄
"وصلنا للقاعه احلام نزلت وجتني"
يوسف.حيو بحتي هنا
انا.نعم
"طلع شيشه فيها مية رقية بخ بيها عليا وشربني منها وصكرها"
انا.خش معايا راه
يوسف.كنه عليش
انا.بنصورو
يوسف.فوتي قلق
انا.لالا انزل من الاخير وكلم حتى علي وسالم بنصور
يوسف.به به لكن خلي البرنوس معناته بيش علي مايتحشمش يطلع
انا.اكيدة عاد
"نزلت مع احلام خشيت للقاعه ونزلت البرنوس من على راسي
عميمة.الله اكبر علييك ماشاء الله
انا.سمحه
عميمة.تجنني ربي يحفظك
انا.مزال نبيش نخش بنصور مع خوتي قبل
عميمة.به هي
"خش يوسف ومعاه علي وسالم كلهم لابسين بدالي"
سالم.مبروك ياحياة ان شاء الله بهناك
انا خنقتني العبرة
يوسف.لااا لااا صورو معاها وخلونا نطلعوا هي قبل ماتبدى تبكي
انا جيت صبيت بين يوسف وعلي وسالم صورتنا المصورة صورتين
علي كان متخزرط.هي اطلعوا
"طلعوا هما الثلاثة وعميمة جت فكتلي البرنوس وسقمت الطرحه"
عميمة.هيا تخشي
انا.هي
جن البنات التمن عليا
عميمة.لالا خشن كلكن جوا وقولن للd.jتولع اغنية الخشه هي
انا.مختارتلها اغنية طلي بالابيض
"جيت بنخش ولعنها ليا قعدت نخش والبنات يشيرنلي نشيرلهن والمصورة قدامي تصور في فيديو"
طلي بالابيض طلي
يا زهرة نيسان
طلي يا حلوة وهلي
بالوج الريان
حبيبك ماسك أيديك
طلي والكل حواليك
وصلت للمسرح قعمزت كنت مبتسمه ونبحت
جتني نسرين واحلام وفاطمه ومروة
انا.طالعه حلوة
مروة.ماشاء الله تهبلي
انا.شن جو العرس نقصت حاجه
نسرين.كله تمام انت شنو
انا.لا كويسه الحمدلله
نسرين.باهي كويس مش خايفه حتى خشتك جت واثقه وحلوة تهبببل
احلام.اااه تحسيها هكي مليانه ثقه وتأشر
انا.حلوة صاح؟
مروة.بككل
انا.به تمام وين اسو
احلام.قاعدة تتعشى
"جت المصورة"
انتصار.معليش بنات خلني نصورها هي
البنات سيبني ونزلن وبدت المصوراتيه تصور في لقطات حلوة وانا نمشي معاها
كان جوي حلو نين قالوا العريس جا بطني تلبكت وقلبي بده ينبض بسرعه جتني نسرين
نسرين.اهدي وخليك واثقه
انا.به
"وطتلي الطرحه حطتها على وجهي وقعدت مصبيه ماسكه الباقة"
خش فارس شايل باقة ورد روز احمر حلللوة
قعد يمشي وانا نبحت فيه وهوا يبحت فيا ومبتسم نيييين وصل فيا صبا قدامي وبده يبحت في عيوني وبعدها مدلي الباقة ورفعلي الطرحه وباسني علي راسي وهمس في وذني
فارس.طالعه تهبلي
انا.حتى انت طالع تهبل
فارس.قعمزي هي
"قعمزنا وقعد ماسك في يدي"
انا.شن رايك فالتنسيق
فارس.لاقوة الا بالله
انا.والطاولات
فارس.خايفهم يقولو العريس مفجوع كان مهذا راه قعمزت كليت
انا.هههههههههههههههههه
فارس.اس فضحتينا اس
انا.نحبببببك
فارس.ماتخلينيش نعضك توا
انا.😳سخيف
فارس.صبي نرقصوا هي
انا.هي"شيرت للديجي"
طفوا الضي وداروا سبوتليت علينا نحنه الاثنين ودخان وجو حلو كنت متفقه مع بنات الصاله عليهن.
فارس صبه من مكانه ومدلي يده مسكتها وصبيت حط يديه في وسطي وحطيت يديه ورا رقبته وحط راسه على راسي وبدينه نرقصوا.
فارس.انحبك
انا.نموت فيك
فارس.اوعديني
انا.شنو
فارس.لو في يوم صارت بينه اي مشكله كانت تسيبينش خليك ديمه معايا
انا.نوعدك انه يكونش بينه مشاكل اصلا
فارس.نوعدك نحبك لعند اخر يوم في عمري
انا.حتى انا
فارس.ونبي منك بنات صغار كيفك ونفسك بشعرهن الاسود المنكش وبشرتهن البيضه والنمشات الصغيرات والعيون العسليات نبيهن يكونن زيك
انا.ونبي منك عيال يكونو نفسك بشعرك الاسود وعيونك السود وبشرتهم القمحية وغمزتهم الوحيدة وعضلاتهم وعصبيتهم اللذيذة ويكبروا ويديروا نفس عطرك ويلبسوا كيفك يكونوا نسخك المصغرة
فارس.يااارب
انا.ابتسمت
فارس طبس باسني علي فمي حسيت رعشه فجسمي كللله وسخنت ووجي قعد حمر وهوا وخر
"البنات يعيطن"
انا.عييب قدام الناس
فارس.فكيك منهم خليك معايا
انا.به
"ومسكني بيدي قعمزنا عالكراسي"
جتني نسرين.
نسرين.ياحنه وين ماشيه انت عيب امسكي راجلك
انا.كنك
نسرين.كلهم يدووا عيب يابنت تحسابوا ارواحكم اتراك
انا.فكك منهم بالله الناس هذوم دمروا الي يكفي من حياتي نبي نستمتع بكل لحظه خليهم يدووا
نسرين.باهي انت حرة
فارس همسلي.كنك
انا.قالتلي خفوا عيب
فارس.ماعيبش حلالي
انا.ههههههه حلوة حلالك بطل صياعه البوسه ماكانتش ضمن المخطط عاساس نرقصوا بس
فارس.تي عادي
انا.هي نصوروا
فارس.هي
"جت المصورة"
انتصار.حط يديك في وسطها
فارس.اووو تمام بكل وشن نحط اخرى
انا.فارس بطل تعليقات سخيفه
فارس.هههه به
"وبدن المصورة تصور انسجمنا معاها وخدينه كم لقطه حلوة"
المصورة.هي تعالوا للتورتة هي
انا.هي
"صبى فارس ومسك يدي صبيت انا وياه مشينا للجيهه الاخرى من المسرح"
جت نسرين حطتلنا تبسي وكباية وماصتين وشوكه وموس
خديت انا الموس ومسك هوا يديا وقصينه نحنه الاثنين مثلث طلعناه بالشوكه للتبسي
فارس خذا قص طرف وحطه في فمي
انا.اممم تهبل الطعمه والشكل
فارس.مش قتلك ضامنه
انا خديت قصيت وحدة ووكلتها لاه
فارس خذا طشة كريمه ولبزلي خشمي
انا.هههه بطل
فارس مسحها ليا بالمنديل
انا ابتسمت
فارس.توا شنو
انا.توا نردوا نقعمزوا ونسلموا ونصوروا مع الفروخ الصغار كلهم كنوع من التقاليد وبعدين خلاص
فارس.خلاص شنو😍
انا.خلاص كملت الحفله نروح لهلي وتروح لهلك
فارس.والله
انا.والله
فارس.هههههههههه
"ومسكني من يدي وقعمزنا عالكراسي"
اسو جت تجري
اسو بحتت في فارس.امو فالس
فارس.نعم
اسو.نبي بوثة حتى انا
فارس شمرها وباسها علي خدها ونزلها
اسو.لالا هن"وشيرت على فمها"زي ميمة
انا.ياصايعه راجلي هذا
اسو.لازلي حتى انا
فارس.تعالي يالازلي
"وباسها علي فمها باساته علي خده"
اسو طلعتلي لسانهاا.
انا.به يااسو به
فارس.خياليه الفرخه هذ نسختك الصغيرة وحانطه
انا.هههههههههههه اااه
وقعدنا شويه وبعدها جتني احلام
احلام.خلاص قالتلك عميمة اطلعوا روحوا
انا.به تمام
فارس.هيا نروحوا
انا.ااه هيا
"وصبيت انا وياه"
انتصار.ارجوا ارجوا فارس انته صبي وبحت فيهن دير هكي"وخلاته كانه يبحت وعاض شاربه" وجتني انا خلتني نمسك الباقة كاني بنرميها للي ورايا ولمت البنات ورايا كلهن ولقطت لقطه حلوة
انتصار.شن رايك
انا.حييي تهبببل
احلام.ارمي الباقه هي
انا.وااحد اتنين ثلاثة
"وعزقتها جت في يد مروة"
مروة.اااه🙈
انا.خلاص دورك الجاي
مروة.شكله هك
فارس.هيا
"ومسكت في يده وخديت الباقه اللي جابها هوا وبدينه نمشوا طلعنا للريسبشن الي بره
عميمة جتني.مبروك عليك ياغاليه يابنت الغاليه
انا خنقتني العبرة وهي بدت تبكي
عميمة سقماته ليا.قيمي حوشك ورد بالك من راجلك
انا.حاضر
"وبرمت علي فارس"
عميمة.رد بالك منها يافارس حياة دلوعت خوتها وهلها وغالية علينا رد بالك تزعلها ولا تجرحها والله ماتربح
فارس.حاضر ياعمتي بين عويناتي حياة
جتني مروة حضنتني وقعدت تبكي وانا نبكي وبعدها جن احلام ونسرين وفاطمه وحضنني وقعدنا نبكوا
عميمة تمسح في دموعها.خلاص وخرن كنكن تبكن فيها مش كويس وخرن
انا قعدت نمسح في دموعي جتني اسو
انا.ياقلبي انت"وطبست عليها وحضنتها وقعدت نبكي حضنت الكل يومها كنت ندور في حضن دافي نحس فيه بالامان كيف حضن ماما بس مالقيتش زيه مافيش كيف الام مهما جبنا بدائل حضنها وبنتها غير تمنيتها شافتني في فرحتي"
فارس.هي ياحيو
مروة.بالسلامه ربي معاكم
"ومسك يدي وبدينه نمشوا"
فارس مدلي منديله.خلاص امسحي دموعك يابكاية
انا.حاضر"وقعدت نمسح"
فارس.ههههه دراما كوين
انا طلعت لقيت يوسف مصبي فم الصاله
يوسف.رد بالك منها
فارس.حاضر في عيوني
انا.يوسف
يوسف.نعم
انا.رد بالك من روحك باهي ومعش تروح متأخر تخلينيش مشغوله عليكم
يوسف.هههه ياهبله كنك
انا.خايفه عليكم نبيش نسيبكم بروحكم
يوسف.تخافيش صدقيني خلاص علي بيزوز وانا بنعدي لشقتي واحتمال نزوز
انا.من
يوسف.قتلك من قبل يوم اللي نزوز من نزوز
انا.به ياريت
فارس.هيا بس طولنا مصبيين
"ومشينا للسيارة كانت سيارة مكشوفه وحلوة ركبني وصكرلي الباب وركب هوا"
فارس.رد بالك تحولي البرنوس راهوا الموكب ورانا
انا.اوكي به
"وقعد يسوق وماسك يدي ويبوس فيها مرة مرة"
في نص الطريق سمعت صوت طلق رصاص والسيارة بدت تمتع
فارس.لا ازح"ويبرم فالدومان بقوة"
انا.ووووووووووه
#يتبع
