................
#بعد_اسبوعين
نضت فالصبح وبالأحرى انفجعت فالصبح لأني كوبست مرة اخرى وزي كل ليله باللي صار
خديت نقالي و طلعت للصاله
يوسف.صباح الخير
ماما.فكوني منها المشيه والله ماشور شي ساد المرة الاولى عديتو وماروحتوا الا وانا بنموت
علي.فكونا من الحس وكترت الوجيج ماعندكم عليش ماشيين
سالم.تي كيف يارا عنجد هذ تنكتب علينا كرسنا في حيشانا فالثورة
علي.تي اين ثورة ياراجل تخليهمش يضحكو عليك والله ماصاير منها
سالم.احكي.هنا.عندك اليوم بنعدي للجبهه والشباب برة يرجو جماعة الشارع كلهم بيعدوا معانا
وليد.صبو هي
انا.ربي يحميكم
يوسف.ان شاء الله
ماما.انتم التلاته والله قلبي مايتحمل
يوسف.ادعيلنا ياامي
ماما.ربي ينصركم عليه هالظالم
يوسف.يارب
علي.انا مش عاجبتني مشيتكم وتو تشوفو حتجي علي روسكم
انا.غير قول خير وانته مصكرها
علي.صكري فمك راه ننوضلك
سالم.كنك معاها يارا صدقت فيك
يوسف.هيا صبو نطلعوا
وليد.هيا
علي.حتى.انا ورايا فتحت المحل
"طلعوا وانا ضميت مع ماما الحوش وبعدها بديت ندكر.فالتاريخ ووووو
انا.حي عليا الدورة متاخره 9ايام😲
حي عليا كان مايصير اللي في بالي حيييي عليا
رنيت علي مروة صحبتي
انا.الو ميمي شنج
مروة.حيو تمام الحمدلله انت وينك
انا.قاعده فهالحياة امك تخدم فصيدليه صاح
مروة.اها
انا.جيبلي تحليل حمل وماتساليش عليش
مروة.كيف
انا.جيبيلي تحليل حمل
مروة.امممممم به
انا.اوكي نراجيك فالعشيه
مروة.اوكي.بايي
انا.باي
#فالعشيه وزعت ماما تعدي لفتحيه
انا.اهلا كيف حالك
مروة.تمام الحمدلله
انا.تفضلي خشي
"خشينا قعمزنا فالصاله"
مروة.انا جبت التحليل وتو نعطيه لكي بشرط تحكيلي شن تبي فيه وشن صايرلك
عيوني تعبو دموع دغري كنت مستحقه حد ندويله ونحكيله السر هذا تمه ثقييييل عليا💔
انا.هذك اليوم مدكرة اللي رنيت عليك
مروة.اها
انا.صكرت منك وبديت ندير فيها ووووو
مروة.هيييييييه وكيف ساكته انت
انا.تو نلقا حل
مروة.كان انا مكانك راهو قتلت روحي
انا.خلاص ازح يامروة ماتكبريش القصه تو لما نكبر نلقا حل المهم توا اختبار الحمل
مروة.قصدك انت شاكه في روحك حامل😲
انا.اها😭😭😭😭
مروة لا حبيبتي تخافيش
حضنتها وبديت نبكي بعبرتي
مروة.صبي خشي ديري التحليل توا
انا.عليش
مروة.عشان لو في لا قدر الله حمل نجيبلك حبوب تنزيل
انا.شكرا والله علي تصبايتك معايا
مروة.عدي هي
#خشيت_ودرت_التحليل_وطلعت_بيه
انا.هاكي شوفيه نعرفش في حمل ولالا
مروة
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
مروة.انت حامل💔
انا طحت على اركابي ووبديت نعيط ونخبط في وجهي كيف وشن بندير
مروة.خلاص بس اسكتي تو وانا مروحه نتكي علي ماما ناخد منها الحبوب وبكرة نجيبهن لكي
انا.وشن دنبه يموووت شن ذنبه
مروة.محد لاه ذنب الا الحيوان اللي اغتصبك
انا.الله لا يسامحه الله لا يربحهه
مروة.بس غريبه معقوله من اول مرة تحملي
انا.مش عارف
مروة.تشربي في كمون انت
انا.اها قالولي يخشش البطن نازله عليه ديما نشرب فيه
مروة.ياسلام هذا السبب معناته
انا.الله يقهره في عمره كيف ماقهرني
مروة.ياااااارب توا نعدي نروح بيش نحلق علي ماما فالصيدليه
انا.به
"طلعت مروة وانا بديت نفكر في همي وجعني اللي في بطني نبيه ومانبيشي بس هوا لازم يموت والا نموت انا وياه"
خشت ماما هدرزت انا وياها شويه وبعدها حليت التيفي وكانن الاخبار مايبشرنش الشباب مقدمين علي اجدابيا
#الساعه12
ماما.رني علي خوتك شوفيهم شن صايرلهم
انا.الو
يوسف.الو
انا.وينكم وكنه صوتك
يوسف.ماكنه شي صكري بيبان الحوش وردي بالك من امك وتو شويه ونجوكم
انا.اول يوم عديتوا وتبو تروحو دغري غريبه المرة اللي فاتت اربع ايام ماحقينكمش
يوسف.اه يصير خير صكري توا
انا.يوسف سألتك بالله شن في احكيلي قوللي شن صار
يوسف.مافي شي قلنالك خلاص ازح صكري
انا.باه باه
صكرت منه وقلبي مش متريح في حاجه انا متاكده
ماما.ها شن قالك
انا. قاللي يبو يروحو
ماما.يستر الله قلبي مش متريحه واحد منهم صايرتله حاجه حاسه روحي مضااايقه
انا.تفاوليش عليهم
ماما.يااااارب نجيهم ليا قلتلهم فوتوها المشيه قلتلهم لكن صكرو روسهم يااارب نجيهم ليا ياااااارب
طلعت قعمزت فالصاله وولعت المكيف حسي روحي حاااميه حي عليا اعراض وحم هذينه بعدك امس كله دواخ وترجيع
شويه هكي
وطلعت ماما يلايا الصور عالتلفزيون مايبشرنش وبعدها رنت مروة
مروة.حلي نت بسرعه شوفي شن صاير
انا.كيف نعرفش
مروة.دزي علي&&&ليبيانا تو يفتحولك وخشي عالقوقل وشوفي ياناعليا الشباب والمظاهرات والساحه والجبهه يفرررحو والله
انا.يستر الله ياااارب
مروة.شوفي هي
"صكرت منها وحليت باقة نت عالليبيانا وشفت الاخبار كانن سمحات وشينات فنفس الوقت شباب بلادك يموتو هذا شي شين بككككل بس
بس اقل شي حرروا ينغازي من معمر عقبال باقي ليبيا
وانافاتحه فيس ونفكر خش خويا يوسف وسالم دبشهم معبا دم وسواد وتراب
ماما.هيييه شن صاير فيكم وو.و.و وين وليد
يوسف.زغرتي وليد شهيد"وطلع وسيبنا و سالم بده يمسسك فيا وفي امي ويقوللنا ماتندبنش ماتبكنش هذا شهيد ويهزب فينا يبينا نبطلو"
خش علي وكان يبكي اظبط امي
وامي تقوله يناعليا وليدي ياناعليا كبدي ياناعليا حنييييين فيا ياناعلييييا غالي عليا وووووه وليد مات قلتلكم من الصبح ماتعدوش قلتلكم فوتوها المشيه قلتلكم ياناعليا معمر ربي يقهرك كي ماقهرتني في ولدي ربي يقهرك ربي يقهرك ربي يقهرك يناعليييييا وليدي ياناعليا حسيتها والله من بدري حاسته بتصير فيه حاجه والله قلبي مقبوض عليه من بدري
علي.خلاص ياامي خلاااص اولدك شهيد ياامي
امي.للولولوللالوللوللليييييييييييييييييش ربي يقبلك ياكبدي ربي يقبلك ياعمري نشوفك فالجنه ياغالي هنشوفك في الجنه ياحبيبي نشوفك فالجنه يااااااارب
انا بعد الكلام هذا معش قعد عندي عزم قعدت نعيط علي طول رقبتي وبعدها بده الحوش يتعبا والصبايا خشن وكثرن خوتي طلعوا ونصبو الخيمه وكملت علينا اول ليله كللللها دموع وليد رغم انه منطوي ومش خاش فينا واجد بس كان طيب وغالي علينا كللنا ربي يرحمك ياحبيبي ربي يرحمك يالغالي
قعدت واعيه لعند الساعه6 الفجر ومروة صحبتي معايا وانا نبكي امي كانت تبكي في دار المقعد ومعاها صبايا والباقيات راقدات فالديار
مروة.حياة انت حياااة
انا.نعم
مروة.جبتهن لكي
انا.شنو
مروة.الحبوب ازح نسيتي
انا اهاااا ادكرت مش وقتهن فوتي
مروة.ها مثلا نخلوك نين تكبر بطنك وتحصلي ويعرفوك
انا.باهي الحبوب هذينه شن يديرن
مروة.حينزلن الجنين ويصيرلك نزيف وتستحقي تنظيف
انا.هييييه وكان يعرفو وكيف بنعدي للمستشفى
مروة.انا نقولك خوديهن توا وديرو روحه اغما عليك نرن علي خويا ونشيلك ونخش معاك ونقوله ابقا برة عيب البنت اتحشم ويديرولك حاجتك كلللها
انا بس اكيده حيطلبو عليا اوراق
مروة. لالا المستشفا مليان جرحا والمهم ينهوا وخلاص مش حيدققوا معاك
انا.باهي هاتي
مروة.هاكي حبتين
انا.هاتي
"خديت الحبتين خدن ممكن ربع ساعه وبعدها بده فيا الالم والنزيف
مروة.الو فارس
فارس.ها شنو
مروة.وينك
فارس.راقد في خيمه العزا
مروة.تعال بسرعه اسعف معايا حياة
فارس.تو نقول لواحد من خوتها
مروة.تي لا لا نتحشم نركب معاهم ولازم نعدي معاها
فارس. عليش ماشيه
مروة.نشرحلك عاد يافارس
فارس.لبسيها بسرعه اني جاي
"شويه هكي وجا فارس وكان لحية سودة كثيفه وشعر اسود عيون سود واسعات وبشرة بنيه كانه هندي20"لبست عبايتي واتكيت علي مروة ولبست هيا كعب عالي وخدت خمار وطلعت ولما وصلنا فم الباب انا معش شالني كرعيا جا فارس يجري وشمرني وقعد يبحت فيا
#فارس
لما شمرتها كان شكلها يهبل بكل عيونها دبلانات ووجها حزين وضعيفه بس باينه سمحه ورقيقه
فارس.كنها
مروةة.مسكينه مريضه بككل بسرعه للمستشفا هيا
فارس.اوكي تمام
"عدينه بسرعه وخشت بيا لقسم امراض النساء ودارولي تنظيف ومروة لبست خمارها في وقتها"
الممرضه.معليش وين زوجها او حتى كتيب العائله ابتاعها
مروة.فالحوش والله
الممرضه.باهي نبو اوراق رسميه بيش نكتبوهن فالملف ابتاع الحاله
مروة.انا سلفتها وخويا برة وهيا جايه قاعده عندنا عشان راجلها جريح يناري امس فالجبهه ومش جايبه اوراق وتوا لما سمعت بخبارت خوها طيحت ياناري
الممرضه.اها يناري ربي يرحمه
مروة.نقدرو نطلعوا بيها
الممرضه.اها هيا المفروض نديرولها دخول ولازم من اوراق معاها لانه حالات هكي مشكوك فيها لكن انت شايفه حال المستشفا مافيش حتى دكاتره
مروة.كتر خيركم مافيش دوا ولا حاجه
الممرضه.لالا تاخد حاجه تقويلها دمها بس
مروة.اوكي تمام
"طبعا انا سمعت الحوار واندهشت فالكدب اللي قالاته بس اتقنت الدور وكانها وحده كبيرة
"وطلعت انا وياها وقريب من الباب سلحت الخمار ودساته وطلعنا للسيارة وانا مش حاسه بكرعيا من الوجع ركبنا للسيارة
فارس.الحمدلله علي سلامتك ياحياة
انا.الله يسلمك
فارس.عظم الله اجركم
انا.اجرنا واجركم على الله
*بعدها سكتنا نحنه الاثنين وهوا كان مرة مرة يبحت فيا لكن ماكنتش فاضيتله الهم اللي فيا سااادني*
#فارس
واضح انها شايله همممم كبييير اكبر من حملها نظرتها تخميمها وتبحيتتها.
حطنا في الحوش نزلنا وكانت الساعه10
ماما.وين كنت انت ومروة
مروة.جتها الدورة قويه ياعميمه واغما عليها شلتها ضربنالها ابرة مسكن انا وخويا
ماما.كان يندري علي يقتلك
#عند_الرجاله
علي.وين كنت يافارس نضنا الصبح لقيناكش
فارس تحشم يدوي.كنت عندي مشوار والله
علي.اها به
"وطلع رن علي مروة"
فارس.الو مروة
مروة.نعم
فارس.مافيش داعي حياة تحكي لخوتها اني سعفتها اصله مابيتش نقولها لهم خفت نسببلها مشكله
مروة.احسن مادرت من بدري تهزب تقولي ليش ماكلمتي خوتي
فارس.تمام خلاص
"صكرت مروة منه وقالتلي وحمدت ربي انه قاللهمش وهكي نكون نهيت اول محنه في حياتي كلللها ومزااال ياما جاي"
طبعا طول ايام العزا وانا علي سريري ومش لاقيه جهد والكل يحسابها جايتني قويه اااه لو يعرفو شن فيا
#يتبع
