حكاية حياة

الحلقة الاخيرة

حكاية حياة
.........................

فوووووووت و تعليق حبايبي
.............................................
انا.حبيبي نوض
فارس.الساعه8الصبح ياحيو بدري
انا.وقت ماهو بنعدي لشقة سالم نجيب الحاجات والصالة نأكد عالطباخة والحاجات وبعدها نعدي للكوافير ومش حنطلع من هنا الا العشرة
فارس.به به مكثر هرجتك
انا.ههههههه نوض بس
"فارس خش للحمام وانا لبست الديشنمر وصبيت قدام المرايا"
انا.فارااااااااااس
فارس طلع من الحمام.كنك
انا.شنو هذا شنوووو
فارس.هههههههه هذا الحب على هيئة دوائر
انا.هذا اسمه توحش وتعضعض واستكلاب وكل حاجة الا حب تي كيف بنعدي للكوافير والقفطان اصلا توب وال ااااااااه شن ندير فيك بس
فارس.رقعيهن حطي كريم اساس
انا.انت عض وانا نرقع
فارس.هههههه مش حلالي
انا.صايع
فارس.معاك بس
انا.نهارك مع غيري
"وخشيت للحمام"
دوشت ولفيت بمنشف وخليت شعري مبلول وطلعت لبست سروال وبلوزة ونزلت لقيته مطيب قهوة
انا.كيف صار حليب وقهوة
فارس.اها الشاهي كمل
انا.امم به
فارس.تروحي عالحوش مه
انا.ااه بس تتكي بيا على شقة سالم ناخذ منها باقي الحاجات
فارس.تمام
انا جيت قعمزت عالطاولة وبديت نشرب
وهوا قعمز مقابلني قعدت نبحت في عيونه
فارس.كنك
انا.نحبك
فارس.حتى انا نحبك
انا بحتت فيه لقيت خده فيه علامة
انا.ههههههههههههه القدر انتقملي
فارس.كنك
انا.عنديش كريم اساس للسمر
فارس.حي على امك قصدك
انا.اها
فارس.تي نقتلك
"وصبه يجري ورايا ركبت نجري للدار لحقني"
انا.ههههههه تستاهل حتى انا رقبتي معلمة
فارس.كيف نغطيها هذي توا وبنعدي لعلي نصبي معاه انا
انا.قعمز عالكرسي تو نديرلها جو
فارس.ناقص غير هذ ندير مكياج
انا.به اطلع ودبر كيف تغطيها
فارس.عليك قصة وسط خدي ازح
انا.قعمز قعمز
فارس.امري لله هو الي يحب هبله كيفك شن يرجى ولا يتوقع
انا.تي اسكت اسكت عاساس داير فيا خير
"قعمز عالكرسي وانا قعدت نقلبش لين لقيت الكونتور مختارته ادكن من بشرتي حطيته لاه ووزعته عليها"
فارس.ها تمام
انا.لا مزال روج وتسريحة
فارس كرني قعمزني في كتره ويديه في وسطي
انا.بطل تضغط بقوة وسطي
فارس.شعرك مبلول ويلمع
انا.كنك
فارس باسني على خدي.نحبببك
انا.رد بااااالك تفكر حتى فالي في بالك اه
فارس.شنو مثلا هكي
"وحط فمه على رقبتي"
انا.ورانا طلعه عاد
فارس.باهي وكان
"ويدوي وانفسه على رقبتي"
انا ندوي ودايخه.تي بنطلعوا هيا
فارس باسني
وووووووو
انا.يابختييي وقت
فارس.هيا توا الساعه9لحقي وتي روحك على مادوشت وطلعت السيارة ساخنه
انا.تمام به
"وصبيت انا للدولاب وتيت لبسته هوا ولبستي الاخرى😒😂وطلعت الشنطه الي حاطة فيها قفطاني واكسسواراتي"
طلع
انا.اطلع يابختي الاسود خنخش هي
فارس.الناس تقول نعيما حبيبي
انا.نعيما حبيبي هذا لما نقعدوا نايضين رايقين مش نجري كيف الهبله
فارس.واحلى هبله اخرى
انابسته على خشمه.ياعيون الهبله هيا طولنا
فارس.خش هي علي مالبست
"خشيت دوشت وجففت شعري المرة هذي وطلعت لبست عبايتي وخديت الكونيتور ونزلت نجري لقيته فالسيارة ركبت معاه"
فارس.باينه
انا.ااه ارجى
"وحطيتله عليها عالسريع"
انا.تمام هكي حاول تسلمش بالخد
فارس.به به وانت
انا.تو الكوافير تغطيه بكريم الاساس
فارس.هههههه تمام
"وطلعنا بالسيارة لشقة سالم خذيت منها الحاجات وشلتهن للطباخه فالقاعه وطلعت للكوافير"
انا.حبيبي قيس ال12جيبلي اي حاجه ناكلها
فارس.من عيوني حاضر
انا.راك تجيب حاجة دجاج نحبش زفرته جيب لحم
فارس.اوكي عارف
انا.ههههه به باي
"وطلع وانا خشيت للكوافير طولت بيش بدت تمكيج فيا"
انا.معليش نبيه سموكي
الكوافير.اوكي يمشي معاك انت عيونك واسعات
انا.اها عارفة بس اظبطيييه ااه
الكوافير.حاضر
"كنت انا فالكوافير نوتي في روحي وسهى العروس وهدى حتى هنه يوتن فارواحهن"
"وكانو الرجالة ملتمين مع بعضهم يهدرزوا ويشفطوا مع بعضهم"
علي.ياجماعة الساعه كم
فارس.الساعه2
علي.علييييك مزااال وقت
يوسف.مستعجل مالا
علي.اها عندك مانع
فارس.قصدكم اثنين توا
علي.اااه
فارس.حي حي
علي.شنو
فارس.خطر عليا موضوع مهم نسيته بكل
فارس.انسى انسى
"وطلع من يلاهم جاني فالكوافير"
الكوافير.مدام ممكن تطلعي قوزك برة
انا.هذا وييين خطر عليه ارجي شويه
"صبيت طلعت كنت دايرة الميكاب وتديرلي فالتسريحه"
فارس.حي عالسماحة
انا.طالعه سمحه
فارس.تهبلي"وقدم شوري"
انا وخرت.وقف مكانك الروج بروحه حقه ثلاثين جنيه
فارس.يناعليا جيبي
انا.ههههههههههه شن جبتلي
فارس.شاورما لحم وهمبورغة
انا.تمام بكل ميرسي حبيبي
"وجيت خذيتها منه ورديت وخرت"
فارس.هههههه باهي امتى نجيك
انا.ثلاثة ونص هكي العرس يبدا من الخمسه لكن لازم نعدي بدري جو اخت العريس
فارس.ههههههه به تمام
"وطلع وانا رديت للكوافير"
#ومشن_الساعتين
فارس.هيا اطلعي
انا.اوكي طالعه
"طلعت ركبت"
فارس.عليك عنااااد مغطية وجهك بالوشاح بيش تحطيش خمار
انا.ههههههههه نحبش بكل حسيه هكي يخنق فيا ماعارف عندي فوبيا من الاماكن الضيقه
فارس.كيف يعني
انا.لما نلبسه معش نجيب نفس ونحس روحي بننخنق
فارس.معقوله
انا.والله هذا عليش نعاند عليه
فارس.اسف والله كنتش نحسابه هكي كان مهذا راه دويتلكش عليه
انا.لا عادي يعني توقعتهش تفرق معاك
فارس.كيف تفرقش"ورفع يدي باسها"معقوله حبيبتي يضيق نفسها
انا.ياخيا حبيبي يخاف عليا
فارس.ههههههه انزلي هي
انا.به
فارس.فش حاجة قبل ماتنزلي
انا.في سندوتش شاورما لاورا
فارس.نبي حلو
انا.لالا حلو هذا مستحيل حطيت دم قلبي فالمكياج
فارس.ههههههههه انزلي هي
"نزلت خشيت للقاعه ولقيت البنات مش مكلات توزيع الحاجات عالطاولات صبيت عليهن نين وزعن كل شي واقيت خوات سهى قاعدات حتى هنه يشرفن على حاجاتهم وقعدنا نهدرزوا رن نقالي"
انا.الو
ابتسام.الو حيو بسرعه وين القاعه
انا.$$$$
ابتسام.تمام
انا.جاية توا
ابتسام.ااه نبي نلحق نهدرز معاك
انا.بعد شنو ياكلبة كم لكي ماتندريش عليا بكل من عرسي مارنيتيش حتى
ابتسام.والله مشغولة باهي المراحل نااار كل يوم امتحان او اثنين هلكتني
انا.ربي يعينك تعالي نراجي فيك بيش نهدرزوا
ابتسام.تمام فالطريق
"10دقايق وخشت"
انا.بيسسو "وحضنتها"
ابتسام.خير حبيبتي كيف حالك
انا.وينك والله غبتي لكي واجد
ابتسام.ماقتلك عاد
انا.باهي به كنك جاية بدري
ابتسام.ههههه بيش نلحق نهدرز معاك تعالي احكيلي شن جوك مع فارس
انا.يهبل يهبل يهبل حياتي معاه خيييااال
ابتسام.ياخيا ربي يهنيك
انا.الحمدلله
ابتسام.باهي شن يصير فالرواية قررتي تكتبيها
انا.اها اكيد امتى بتبدي
ابتسام.نبدا بعد نكمل مدرستي بيش نعطيها حقها
انا.باهي تمام
ابتسام.حيو بتحطي في بالك حاجات واااجد اولهن بتعاملي مع تعليقات واجد وسلبية وكلام يجرح من ناس مش فاهمه القصه كويس وناس تحسابك تكذبي وناس ياااما حتقول بتتقبليهن كلللهن وفي نفس الوقت تبي تفضيلي روحك كلللل يوم انك تحكيلي وانا نكتب بيش نحافظوا عالواقعية
انا.بس كيف بتحافظي عالواقعية قصدك بنذكرلك الحوارات وكل شي مستحيل
ابتسام.لالا طبعا بس مثلا تقوليلي اليوم هذكي صار وصار وانا نكتب الحوار ونوريه لكي وانت تقوليلي قريب او لا
انا.باهي وحوارات مثلا بين علي وسهى او هدى وسالم او بين الشباب برة وهكي
انا.لا هذين نقعدوا نتوقعوا توقع عرفتي كيف يعني مثلا قصة علي وسهى حلوة تبقى كيف ماهيا نضيفوها حلوة وقصة مروة ويوسف حتى هيا حلوة
انا.بس مروة ويوسف لتوا ماردوش كيف حتديري انا نبي الختام يكون اليوم عرس علي يكون النهاية خلاص
ابتسام.خليها زي ماصار فالواقع
انا.وهدى وسالم يعني فيهمش اي حاجة تنحكى
ابتسام.نضيفولهم شويه دراما مثلا يعني وحدة بتخرب عليهم وهكي
انا.تمام حلو بس خايفة
ابتسام.من شنو
انا.ننكشف
ابتسام.لالا صدقيني
انا.بس توعديني وحدة تموت وتحيا قدامك تعطيهش اكاونتي ولا اي شي
ابتسام.حاضر حنلتزم بالسرية التامة نوعدك
انا.شن اخرى
ابتسام.ولا شي خلاص كله مظبوط حنبدى فيها فرمضان
انا.تمام تعرفي فارس شن قالي لما جيتي سلمتي يوم العرس
ابتسام.ناعليا فارس دوا عليا شن قال
انا.هي انت راجلي
ابتسام.نقعيه واشربي اميته عادي اصلا
انا.هههههههه
ابتسام.هههههه ياخيا تهبلي والله
انا.من ذوقك حتى انت تهبلي
ابتسام.خلاص عدي شوفي ضيوفك بدوا يجوا وانا خليني هنا اصلا عازمة صحباتي
انا.ههههههههههه كيف عزمتيهن
ابتسام.عندي شلة وين مانقوللهن عندي عرس يلتمن كلهن ويجن بعيد عنك مهاليع عراس
انا.عادي هههههههه
ابتسام.ههههههههههههه
"مشيت انا للريسبشن برة وجت مروة وهدى وبدت القاعة تتعبى وانا نستقبل ونخشش"
#عند_علي
علي.الو
سهى.الو حبيبي
علي.ها كملتي
سهى.اها كملت وجاي ولد عمي شايلني للقاعة
علي.يعني ساعات ونكونوا مع بعضنا في نفس الحوش
سهى.ااها
علي.نحبببك
سهى.نموت فيك حبيبي خلاص باي
علي.باي
"وصكرت منه وطلعت لولد عمها جابها للصالة"
انا.اوكي يابنات بتخش العروس خلاص
"طفوا الضي وداروا عليها سبوت وخشت لجوا على اسماء الله الحسنى"
انا.ماشاء الله طالعه تهببببل
هدى.اها حسيتها حلوة
انا بحتت فيها وعديت
هدى.حيو اسمعي بس حيو
انا.نعم
هدى.والله موقف امس ماهو مني باهي خوك سالم عارفتيه وعارفه مواقفه انت
انا.اها بروحه بروحه دوا وقال كنك
هدى.انا قتله غريبة حيو عزمتش هلي عالفاتحه ناض رن عليك سألك
انا.كنتي سألتيني بدال ماتمليه عليا وهذي مش اول مرة ياهدى تديريها طروح تمليه عليا وهو يجي يهزب ويدوي عشانك عيب والله
هدى.والله ياحيو نقعد نهدرزله عادي ينوض خوك يدوي ويفترش
انا.حصل خير ياهدى مرة اخرى وجعاتك مني حاجة ادويلي تخششيش بينه
هدى.حاضر به المهم تزعليش مني
انا.نزعلش منك انت زي اختي الكبيرة
هدى.تمام
انا.وين المشفشفه الصغيرة
هدى.مع هلي عالطاولة
انا.تو نشوفها
"وبرمت لقيت مروة وعميمة على طاولتهن جيت قعمزت معاهم"
انا.كيف حالك ياعميمة
عميمة.كويسه
انا.وانت ميمي شن جوك وينك مغطسه
مروة.من المغطس انا ولا انت الي من لما ازوزتي ماشفناك الا فالزورة
انا.ههههههههه مشغولة
عميمة.مشغولة وشاغلة ماشاء الله عليك
انا.كيف ياعميمة
عميمة.ماتقولو نجوا لهله نتغدوا جمعه نكسدوا عشية شي شي شي طول النهار عند هلك
انا.عند هلي؟من هلي ياعميمة قوليلي معليش؟هالخوات والام الملتمات راس علي ويوسف نمر عليهم شباب في حوش بروحهم بالك يبو حاجة بس والباقي كله فالحوش ديما
عميمة.وعليش عابدة هالحوش ديما فيه كنكم ماتطلعوا
انا.ياعميمة انا طبعي هك بيتوتية نحبش نطلع
عميمة.باهي شن هالموضوع بيتوتية شن مالي انا كنك ماتجي فالعشيه قدام الجارات يقولن كنتها معاها مش مزوزة لكي توا مش عارف كم مزوزة ماريناك الا مرة
انا.اسفه ياعميمة حقك عليا حاضر كل جمعه عندك
عميمة.لا ياحنه مازوزته بيش يقعد كل جمعه عندي
انا.اه به به😒
مروة.حيو
انا.نعم
مروة.خوك يوسف وين مختفي
انا.في شقته كنه
مروة.توقعته يجي يدير حركة اي حاجة لكن شي تحركش بكل
انا.ماني عارفة شن بنديرله
مروة.حركيه ادويله انت قادرة تخليه يجي ويرد عاد الموضوع فيدك
انا.ياما دويتله يبيش
مروة.تي يوسف يردلكش كلمة
انا.حاضر به تو نقوله
"وصبيت من يلاهن وسيبتهن عليك الي يدرهن الكبد رن عليا علي"
انا.الو
علي.قوليلها تطلع هي
انا.هييييه عنجد هذ خش طلعها
علي.نبيش نخش قوليلها تطلع
انا.حرام عليك تكسرش خاطرها خش وخودها دغري تقعدش ياسي
علي.كلمة هيا
انا.معليش علي مش عناد الحكاية غير الناس تو يقعدوا يقولو شكله انظر شن فيه شكله مغصوب شكله بنت عمه الي تحبه ماخلاتش يخش وشكله وشكله بتكسرلها فرحتها حرام عليك
عميمة.هاتيه هاتيه
انا.هاكي
عميمة.علي كلمة وحدة خش خودها من يدها واطلعوا فكنا من كلام الناس راه خيرلك راه
علي.باهي به
"وخشلي جوا"
علي.عاجبك هكي داك راسي بين البنات
انا.مرة فالعمر خش بس
وخش هوا وانا ماسكه يده نين وصلنالها رفعلها الطرحه وباسها على راسها
انا.قعمز
علي.تي
انا.قعمزززز
علي قعمز وجنبه سهى
سهى.شن صار مش قتلي تطلعي برة وتعاركنا عليها ميت عركة
علي.هههههههه عمتي هزبت خشيت
سهى.نجيها عميمة
علي.عاجبك اه
سهى.اااه
علي باهي بنصبي
سهى.عميييييمة تعاااالي
علي.ههههههههههههههه اس اس
انا جبت المصورة
المصورة.مزال في اربع صور فالالبوم دام انه غير راية العريس وخش نصوركم هي
علي.😠😡
انا.😁
سهى.😍
"وصورتهم اربع صور"
علي.هيا بس
سهى.هي
انا.بتطلعوا
علي.اااه
انا.باهي هي
"وطلعوا هما الاثنين وعلي ماسك يد سهى وانا وراهم وخانقتني العبرة نين وصلوا للريسبشن لبستها امها البرنوس وانا قعدت مصبيه جنبه حط يده على كتفي"
علي.حوشي ديما حوشك وانا ديما خوك وسهى لو ماتبيكيش انت تخشي وهيا تطلع عمرك ماتقولي انا خلاص معش عندي حوش هل انا ديما قاعد"
انا.ربي يخليك ليا ولا يحرمني منكم كلكم ياارب"وقعدت نبكي"
علي.خلاص ياهبله بطلي بكا
انا.فرحانتلك بس
علي برمني لاه ومسحلي دموعي
انا.خلاص هي سهى لبست برنوسها بتطلع عدي
علي.هي
"وبرم عدالها مسكها من يدها وطلعوا هما الاثنين"
انا.ربي يحفظكم ويخليكم يارب
ورديت للقاعه قعدت نشرف عالصبايا نين روووحن كلهن ماقعدش الا انا وخوات العروس لمينا الحاجات
فارس.ها حبيبتي تطلعي
انا.ااه حبيبي
فارس.تمام فم القاعه انا
"ولبست عبايتي وطلعت ومعايا الحاجات نزل خذاهن حطهن فالسيارة من لاورة وركبنا"
فارس.للحوش
انا.لا حوش هلي قبل نحط حاجات وناخد الاخرات
فارس.باهي هي
"وولع السيارة وبده يمشي"
#عند_علي
"كانوا الاثنين مرتبكين اشر من بعضهم نين وصلوا للحوش وخشوا هما الاثنين"
علي.تفضلي
يهى.زيد فضلك
"علي جا قدامها رفعلها البرنوس وباسها على راسها"
علي.ربي يديمك نعمة
سهى ابتسمت
علي.اهيا الدار من هن خشي بدلي
سهى.اوكي به
"وخشت للدار بدلت ولبست روب ابيض قفطان دانتيل كمامه عالكتوف وطويل للركبه وكله فصوص ويلمع وضابط ولبست عليه الطرف ابتاعه وطلعت لقاته مدوش ومبدل"
علي.تهبلي
سهى.ابتسمت
علي.نصلوا
سهى.هيي
"وصبت وراه صلى بيها"
بعدها سهى صبت خشت للدار تمسح فالمكياج ولحقها علي
وووووووووووووو
#عندي_انا
فارس.شن جو الحفلة
انا.تهبل بكل بس
فارس.بس شنو
انا.مامتك زعلانه
فارس.عليش
انا.قالتلي ماتجينيش بكل
فارس.ااه صح عدينالهم مرة وحدة بس عيب
انا.بس مش بقصد يعني هي قعدت تهزب وهك
فارس.واخدة وحيدها وماتزوريش فيها تحملي مايجيك
انا.خزي عليك شنو واخدة وحيدها مش ماسكتك عليها انا
فارس.هههههههه تو الجمعه نتغدوا عندهم
انا.به
"ووصلنا للحوش"
فارس.معاك مفتاح😈
انا.ااااه
"وفتحت الباب وخشيت للدور الفوقاني نحط فالحاجات وسمعت صوت دربكه لوطة بحتت من الدروج لقيت عرم رجالة بينهم فارس يدقوا على باب الشقه"
فارس.ياعلي افتح نبوا نتعشوا
سمير.افتح قول للمدام تطيبلنا مكرونة
"دقدقددققددقدقدقدقدقدققدقدقدقدقددقدققدقدقدقددقدقدقدقدقدقدقدقدقدقدقدقدقدقدققق"
حمد.افتح ياقرقاض افتح
سمير.هاك شنطه الدبش ياعلي
فارس.هههههههههه خلاص خلاص هديتوا الباب
حمد.هيا قبل مايطلعلنا بالمسدس يفرغ فينا بعدك شايله معاه
مؤيد.حي علما
فارس.هههههههههه اطلعوا من حوش انساباتي هي
مؤيد.معيله ازح كلا انت
سمير.هيا هي
#عند_علي
سهى.هيييه شنو هذا
علي.ازح نسيت المفتاح عند حياة واكيد فارس خذاه
سهى.قصدك بصارة
علي.اااه مقلب
سهى.عليك ثقالة
علي.ههههههههههههه
سهى.اطلعلهم
علي.لالا بعدها معش تحز خليهم هكي توا يملوا وخلينا في حالنا
سهى.ههههههه به
#عندي_انا
"طلعوا كلهم انا نزلت بحتت فالشقه و وطلعت للباب الخارجي صكرته وحسيت قلبي اصكر معاه خلاص اليوم صكرت حوش هلي وننساه اليوم الحوش الي تربيت وكبرت فيه وعشت فيه ايام حياتي قعد ملك مرا تانية تتحكم فيه مهما قال خويا بس هذي الحقيقة طلعت وانا نبكي بالعبرة نين وصلت للسيارة"
فارس.كنك تبكي
انا.حوش هلي قعد ملك مرا تانيه
فارس.عندك حوشك ملكك الخاص
انا.بس حوش هلي لاه ميزة خاصة
فارس.خلاص بطلي بكا ياعمري
انا.حاضر به
فارس.نعدوا لمصوراتي
انا.ياريت
فارس.تمام هي
" ومشينا لمصوراتي نعرفوه"
نزلنا نحن الاثنين ماسكين في يدين بعضنا وبدت المصورة تصور فينا
المصورة.تهبلوا ماشاء الله عليكم
انا.من ذوقك
"ولبست العباية وطلعت انا وفارس للريسبشن نستلموا فالالبوم لقيت شاب كان معايا فالدفعه"
الشاب.معليش لو مش غلطان انسه حياة صح
انا.اها تفضل
الشاب.عرفتينيش انا عبدالحميد
انا.اهاا تشرفنا اذكرتك معايا فالجامعه صاح
الشاب.اييوا
انا.هذا زوجي فارس
عبدالحميد.اهلين استاذ فارس كيف حالك
فارس.الحمدلله هي
عبدالحميد.تفضلوا"مدلنا الكرت وجا فارس بيدفع"
عبدالحميد.لالا علي المرة هذي
فارس.اه به
"وطلعنا نحن الاثنين للسيارة"
فارس.منو هذا
انا.كان معايا فالجامعه ديما يشرحلي ياخيا شاب خدوم وكيوت بكل
فارس.وحضرتك تدوي معاه بأريحيه
انا.وانت معايا وعرفتك عليه كنك يعني
فارس.مش عارف ضايقني الموقف معش تدوي معاهم
انا.بطلهن الطروح هذين كان استاذي راه
فارس.الي هو
انا.حبيبي بنرد نقرا فالجامعة صحباتي قالنلي دفعتنا بدت
فارس.لالا حبيبتي فوتي
انا.عليش
فارس.وجيج وقصة وحرب وخطف واختلاط لنقنك فوتي
انا.بس كيف هكي بنقعد بلا قراية وبلا شغل انا نحبش نقعد ربة منزل بعد القراية هذا كله
فارس.فوتيها توا بعد يصقم الوضع اقري فترة ويسقم
انا.افففففف به
فارس مسك يدي باسها وقعد يسوق نين وصلنا نزلت وهوا درس السيارة ولحقني
انا سلحت العباية وكان قفطاني اسود بنقشة الحورية ومن فوق رسمة قلب عالصدر وكله فصوص والتسريحة كنت ملوية شعري الاسود وزايده خصلات ومنفجته فارس جا من ورايا وحط يديه في وسطي وقعد يدوي في رقبتي
فارس.شنو السماحة هذي
انا.سمحه
فارس.تهبببلي
انا.ميرسي حبيبي
فارس.تعالي نركبوا فوق
انا.خاطري نرقصوا
فارس.تو نولعوا المنظومة
ركبت انا وياه فوق وعلقت النقال فالمنظومة وولعت اغنية سلو وبدينه نرقصوا ووراسي على راسه وعيوني فعيونه
انا.نوعدك نحبك طول العمر
فارس.وانا نحبك مية عمر وعمر
انا.اوعدني نعيشوا مع بعضنا في حياة كلها تفاهم وانسجام لو ضايقك شي مني احكيلي ولو تضايقت منك بشي نحكيلك تخليش علاقتنا تبرد وتوصل لمرحلة انه معش ندووا ابدا
فارس.نوعدك نجدد حبنا كل يوم
انا.وتجيبلي ورد وكيندر طول العمر
فارس.طول ماانت طفلة وتصرفاتك يحسسن فيا اني باتك وحبيبك مش مجرد زوجك وانا نجيبلك في ورد وكيندر
انا.ماتبحتش في غيري حتى لو عجباتك خليك واثق تلقش من تحبك زيي
فارس.مستحيل نشوف لغيرك طول العمر
انا.وانت شن تبي مني
فارس.نبيك انت زي ماانت ابقي ديما الطفلة العصبية المليانة انوثة العاقلة الهبله والغبية بذكاء خليك ديما حيو الي حبيتها خمس اسنين رد بالك تقولي في يوم خلاص تزوجنا وانتهى كل شي وتتغيري خليك ديما زي ماانت خلينا ديما كأنه في علاقة
انا.وعد
فارس باسني علي فمي وحضني وحضنته وغمضت عيوني
#النهاية
هذي نهاية روايتي انا حياة
طبعا متعودين تقولولي حياة بس اسمي الحقيقي امل
انا بجد بجد حبيتكم وتعلقت بيكم ونقرا في تعليقاتكم على كل حلقة ونفرح بيهن ونضحك ونبتسم ونزعل كانت حاجة حلوة جدا اني نشوف كل هالدعم منكم من ناس دعموني وصبوا معايا بدون مايعرفوني دعموني لانهم حسوا بيا وبمعاناتي نذكر اول يوم نشرت فيه بيس القصه في قروب رواياتي كان يوم عالمي ليا محوتك بيش فتحت النت وقعدت نتبع فالتعليقات واندمجت فالحلقه وتذكرت مأساتي من البداية
وقعدت نتبع فيها كيفكن واشر وكل حلقة نحكي لبيسو الحدث ونشوفها كيف تنزلها وعشان نعطيها حقها لنقنها ابدعت ابدعتت ابدعت فووووق الوصف ووصلت احساسي بكل تفاصيله ونحب نشكرها على مجهودها وتعبها لانها في مرات واجد تكون مشغولة وكل شي وتحاول تكتب ووتوفق بيني وبين مشاغلي وبينها وبين مشاغلها وبينكن وبين زنينكن ياعسولات وللصراحة تحملت حاجات وتعليقات كانن سب حتى في شخصها هيا عشان انا ماكنتش فاضيه نحكيلها والبنات يحسابنها تبيش تنزل وهكي فدرتلها نظام الالف لايك بيش اقل حاجة نحصل وقت نحكيلها ونذكر مرة لما قالتلكن حيو تتابع فالتعليقات قولنلها كلمة قعدت نقرا ونبكي كان كلام حلو ويفرح وبجد حبيته واجد وذكرني بشخصيتي القديمة ودعمني عشان ناخد اهم قراراتي الي حتشوفنه فالجزء الثاني بإذن الله
ونحب نختم بالكلمات هذين عشان بيسوا قالتلي شوقيهن للجزء الثاني😈:-
يمكن في لحظة معينة المشاعر تعمي عقولنا عن التفكير وتخلينا ناخذوا قرارات متسرعه نندموا عليها بعدين اشد الندم وتكسرنا وتقهرنا لكن انسانة زيي تحدت كل هالصعاب مش حتجي فالنهاية وترضى بأي شي وكل شي انا حاربت5سنين وحنحارب اخرى واخرى نين نحصل النهاية الي نبيها وحربي هذي حتجي في صالح ناس واجد وحتدمر حياة ناس واجد.
وفالنهاية للصراحة مانعرفش النهاية لأني لحد الآن مالقيتش لروحي نهاية ومزال اهدافي واسعه ومستمرة وحنحققها
#انتظروني_فالجزء_الثاني
#النهاية
ممكن توجعتوا من كلمة النهاية لانها تعني انكم معش تقروا حلقات شن تقولوا للي تعودت على مدى شهرين انها كل يوم تعيش في قصة حيو وتكون هيا حياة
حكاية حياة بالنسبة ليا مش مجرد رواية حكاية حياة قضية حبيت نوصلها للعام وننشرها قصة واقعية لبنت ظلمها مجتمعها وظلمت نفسها وبهدلها زمانها وابتسمتلها فالنهاية الحياة بس ياترى كانت ابتسامة فرح ولا كان تهكم القدر على فرحتها الهشه فالجزء الثاني حتعرفوا.
للعلم مش حنبدا فيه الا بعد نكمل امتحانات ثالثة ثانوي السنه الجاية عشان نفضالها ونعطيها حقها زي هذ وتكون حيو حلت مشاكلها وقدرت تركز معايا فالنشر❤
#شكرا_للمتابعه
#بيس
#نهاية_حكاية_حياة