حكاية حياة

الجزء الثاني

#حكاية_حياة
#الجزء_الثاني
#حلقة52

................

فارس قعد يبحت فيا وراقيتله
انا.شنو
فارس.مش عارف
انا.كيف مش عارف يعني
فارس.حياة انا تعبت
انا.من شنو
فارس.من الرقم الي  ديما يرن من قبل وكنت نسكت في روحي نقول بالك واحد مكسد بس المرة هذي رقم جديد وقال حتى اسمك يسال؟
انا.باهي انا شن ذنبي
فارس.مش ذنبك بس
انا.بس انت تعبت ومعش تبيني صااح
فارس.مستحيل ياهبله انا يوم الي نكون معش نبيك وقتها نكون انهبلت انت اكسجيني ياحياة انت وتيييني افهميها
انا تنهدت
فارس.انسي خلاص
انا.الي خاطري نعرفه من بس
فارس.حتى انا خاطري نعرف
انا.ربي يبعد علينا شر عيال الحرام يارب
فارس.وبنات الحرام حتى هنه
انا.وحتى بنات الحلال ربي يبعدهن عليناواي بنات اصلا ربي يبعدهن
فارس.هههههههههه
انا.نحبك
فارس.نموت فيك نوضي ديريلنا قهوة وحطي من البكلاوة الي امس
انا.باهي هي
"وصبيت درتها لروحي سادة وهو بحليب وجيت"
فارس.يعطيك الصحه
انا.سلمك"وقعدت نشرب وسارحة"
فارس.في شن سارحة
انا.بنعدي لدكتورة
فارس.عليش
انا.لنا توا4شهور مزوزين وماحملتش
فارس.لالا فش داعي مزال بدري
انا.لالا بنعدي بنطمن
فارس.ولو طلع فيك حاجة
انا.مش عارف
فارس.فوتي مش لازم نعرفوا
انا.لالا نعرفوا اقل حاجة نبنيش امل عالفاضي
فارس.باهي خلينه بكرة نعدوا باهي
انا.به
فارس.طفلتي تبي تقعد ام"وكرني في كترة باسني على خدي"
انا.هههههههههه زعمك لو جبت نجيب بنت ولا عيل
فارس.الي يجي من ربي كويس
انا.خاطري نجيب ستة ولاسبع بناات يقعدن خوات مع بعضهن
فارس.حي علما 6ولا7كيف بنقدرهن هذين
انا.تقدرهن عادي
فارس.لالا واعرات البنات بالذات كان بيطلعن كيفك عصبيات وروسهن مسكرة"وخبطني بيده على راسي"
انا.وكني انا؟
فارس حط يده على عيونه وتنهد.انتتييي ماهذا الي خايف منه انت يبقن كيفك ويجيهن حد يحبهن لو بيطلعن كيفك حينحبن اكيد وانا نغار عليهن مش بناتي هنه
انا.تي بالشويه بالشويه مزااال بدري
فارس.هههههههه
انا.الله تخيل وتجيني تقولي ياماما فلان الي معانا فالجامعه رن عليا الساعه3فالليل سألني كيف حالك
فارس.مزلتي مذكرتيها
انا.ههههههههههه كنت واضح من اول مكالمة تعرفش تلف وتدور
فارس.هههههههههه باهي والعيال
انا برمت وبديت نرسم على وجه ولحيته.يكونوا كلهم هكي نفسك فالشكل والعيون واللحية والفم والطبع والبنه وكل شي ويعاملوا خواتهم كيف ماايعامل فيا يوسف
فارس.بتموتي علييه يوسف هذا
انا.نحببه احسن خو فالتاريخ والله نسمع في بنات يدون على خوتهن نقعد نحمد في ربي مية مرة ومرة انهم جوني هكي
فارس.بس خوتك كلهن يعني غريبين طبعهم تو بجديات مروة نعاملها كويس بس نضرب فيها ونهزب ونتحكم ونراقب خوتك لأ يعني كم مرة تقولي في حاجات نين نستغرب زي مرة قلتي عمرهم مافتشوا نقالي وهكياهي
انا مسكت يديه قعدت نلعب بيهن.لانه الي ربتنا ماما ولانها من زمان تعاني في قلبها وكانت حاسة انها حتسيبنا فديما تربي فيهم عاساس مالياش غيرهم ويحنوا عليا وهكي حتى ضرب عمرهمش مدوا يدهم
فارس.معقوله
انا.والله!يعني مش بكل بكل زمان وانا صغيرة شناطتي واجدة وعلي كان كيف بابا فمرة مرة يضرب فيا بس بسيطه بكل
فارس.ولما كبرتي
انا.مرة وحدة بس
فارس.امتى
انا.لما قلت لمجدي راني رافضه خش عليا ضربني كف
فارس.تو هي حاجة وعدت بس نبي نعرف خوك ليش سكر راسه على مجدي وبالغصب وبالاستعجال هذا كله وقتها رغم اني نحبش امها السيرة هذي
انا.نقولك وماتزعلش
فارس.قولي
انا.لانه كان يبيني نقرا وقتها عرفت كيف ومجدي قدملي اوراقي نكمل معاه قراية البشري برة
فارس.اهااااا
انا.وباهي وانت
فارس قعد يضحك
انا.ادوي ماانضربتش وانت صغير
فارس.هي مرة ولا اتنين تشرد كنت
انا.متشرد
فارس.ماكبرت لين باتي مسكين دهش في جرتي
انا.قتلك نعزموا هلك وهلي بكرة
فارس.من يعني
انا.عيت علي وسالم ويوسف وهلك عميمة ومروة وعمو
فارس.اعزميهم بروحهم
انا.علييش
فارس برم وجه لوجهي.تي عليا انا يامشفشفه
انا غمضت عيوني.شنو
فارس.حليهن
انا.لأ ادوي شنو
فارس.تبي تلمي يوسف ومروة صاح
انا فتحت عين وحدة.ااه
فارس رفع حاجبة صكرت عيني
انا.بطلها ردة الفعل العصبية واطلق وجك
فارس.حلي عيونك
انا.مانش حالتهن نين تفرد وجك
فارس ضحك
انا.ايييوه  اطلقني"وفكيت يديه"
انا.خليهم يلتموا ويدووا بلكي يردوا لبعضهم
فارس.هذا ماناقص عليا نركب قرون ونجيب اختي لطليقها
انا.حبيبي عاااد
فارس.حبيبتي فكيني منه الجو هذا نطيقش بكل
انا.شن فيها انا عازمتهم وكان دووا باهي
فارس.اعزمي هلك بروحهم وهلي بروحهم ولا كان تبيهم مع بعضهم الرجالة برة والصبايا جوه
انا.امممممم به الحل الثاني
فارس.وكان لقيتهم بروحهم وانت مخططه
انا.عاد شن دخلني كان خويا خش ولا اختك طلعتله
فارس.اختك طلعتله لمي لسانك يابنت
انا.قصدي اختك  الشريفة المحترمة تبجلت وطلعتله
فارس.ههههههه الي هو ماتطلعيهش لاه اااه خير ماتجي على راسك انت
انا.خلاص فوتها تو نعزم كل حد بروحه بيش مايتلاقوش وتدفها في راسي
فارس.ههههههه اييواه مالك ومال الوجيج انت تخشي في حاجات مش شورك
انا.يعني ماهو مروة طول الوقت تكشخ عليا تحسابني نبيش نخلي يوسف يجي يخطبها
فارس.وكنها بتموت هيا خلاص ولا شنو عليك قلة حيا
انا.تخلينيش نندم اني نحكيلك
فارس.باهي كملي
انا.خلاص هذا هو تحسابني انا نبيش نخلي يوسف يجي ويوسف يعني كم مرة يقولي المرة الي فاتت مخطوبين سنتين المرة هذي نبي نعدي نحدد الفاتحة والعرس مغييير وقت بس
فارس.ياسلام
انا.اهاا
فارس.ومن قاله انه نحنه نبو نعطوها لاه اصلا
انا.عنجد هذ
فارس.ااه
انا.لالا والله رن توا على هلك اعزمهم يجوا ورن على خوتك وهكي
فارس.باهي وشن بتديري
انا.تو نديروا كسكسو بالتقلية ومحشي ومصير وبعدها تو نوتي تشيز كيك وعصير فراولة وكيوي وشكلاطه عندي وتو نجيب موالح من السوق
فارس.سريب مطنطن
انا.ههههههههههه بس اغلبيته عندي يعني
فارس.باهي كويس
انا.نطلعوا
فارس.وين
انا.للسوق توا قريب الساعه5نعدوا للمول ندهوروا شويه ونروحوا
فارس.باهي نوضي هي
"وصبيت للدار شويه ولحقني"
فارس.عباية ااه
انا.به حفظته الدرس هذا بس حتى انت فكني من طروح كويش وخاتم وعطرك فايح وشعرك جل ونظارات كلهن لأ اااه فطنتلها الي هذك اليوم في المحل مغير سكتت
فارس.ههههههههههه انا راجل عادي
انا.والله حلوة هذي
فارس.باهي به
انا.هي
"ولبست العباية وربطت المحرمة التركية"
فارس.اطلقيها عليش مخنوقة هكي
انا.هذا ستايلهن هك
فارس.لالا اطلقيها
انا.لالا فوته جو عزايز هذكي
فارس.خلاص البسي وشاح عادي
انا.لالا عااد
فارس.باهي غيري اللون البسي لون قاتم اقل حاجة
انا.معش نبي نعدي اوكي
فارس.بلا زعل شكلك سمح نبيهمش يحقوك هكي
انا.بس نحبش التحكم هذا انا يدره في كبدي
فارس قعمز يلايا عالسرير
انا.حول من يلايا ياسامط
فارس.حتى انا مانيش مصبي ومعش بنعدي
انا.كنه عليش
فارس.مانك خليتيني نلبس سورية مقلمة وشكلها مبيني كبير ونظارات حولتهن وجل لا وكل حاجة لا واخرى فرحت لأني حسيتك تغاري عليا
انا.بتهي البس النظارات وخليني نلبس المحرمة هذي شكلها حلو عليا
فارس.ههههههههههههه لأ
انا ضربته على صدره.ياساااامط
فارس ضربني على كتفي.
انا.ااه واعرة
فارس.وحدة بوحدة
انا ضربته.مثقل يدك
فارس دفني عالسرير
انا.لااا
فارس.ههههه كنك
انا.نبي نعدي
فارس اطوح يلايا
انا.نوض بنعدوا
فارس باسني وطلقني
انا.نوض هي
فارس.لازم
انا.اااه
فارس.مشكله شكلك يهبل يسيبش"وباسني اخرى وصبى وانا صبيت"
انا ربطت المحرمة ولبست الكعب وهو ربط كويشه وطلعنا
انا.خاطري نشري كويشات
فارس.كويشات شنو
انا.يقعدن نايك وهكي
فارس.تو غادي نشرو
"وركبنا للسيارة وقعد يسوق"
انا.نشروا بالمرة حاجات عزومة بكرة
فارس.يعني نخشوا للمجمع الي لوطة قبل
انا.ااه
"ووصلنا غادي نزلنا مع بعضنا"
فارس.كان قويتي يدك اخرى عالباب راه انفك
انا.هههههههههههههههه
فارس.وطي صوتك فالشارع رانا
انا.باهي به
"وقعدنا نمشوا مع بعضنا نين وصلنا
جوا وخذا سلة وقعدت نمشي وناخذ"
فارس.يااابلة راهن 300معايا توا بس
انا.ههههههههه باهي ماكثرتش انا
فارس.باهي افطني تكثريش ماكنتش عابي بيها انا البضاعه
انا.اوكي تمام
"وقعدت نشري نين وصلت في رف الكيندر"
فارس.هههههه كملت الي فالحوش
انا.ههههههه اخر طرف كليته امس
فارس خذا باكوين حطهن فالسلة
انا.مش قلت مامعاكش رايحة غالية فوتها
فارس.مش خسارة فيك بعدين عندي كان مهذا نزرق للحوش نجيبهن ونجي
انا.تمام هي
"ومشينا للتسليك"
عمر.اووو فروسة
فارس.او ياباشا كيف الاخبار
عمر.هنه هنه فش جديد انت شن جوك
فارس.عايشين ياطيري
عمر.اوكي هذين90جنيه
فارس طلع دفعهن لاه
فارس.اوكي يامدير تبي حاجة رن عليا
عمر.خيرك سابق يافروسة
"وطلعنا حطيناهن فالسيارة وفارس خذا فلوس من الدرج وردينا ركبنا"
انا.نبي الكويش هذا
فارس.هذا رجالي
انا.ماهذا المطلوب
فارس.هههههه باهي هي خودديه
"وخديته وعدينه بيه سلك وطلعنا"
فارس.تتعشي هنا ولا نروحوا للحوش
انا.لالا هنا بنت الوكال تسهف
فارس.هههههههه
"ولفينا شويه وبعدها جينه بنركبو"
انا.خلينا نركبوا الاصانصير
فارس.عليش
انا.فيه جو
فارس.تي بلاه جو العيال الصغار هذا اصنصير هو
انا ركبت فالاصنصير قعد يبحت فيا وبعدها ركب
انا مسكت في يده
فارس.كنك
انا.يخوف
فارس.وعليش ركبتي دامه يخوف
انا.هك
فارس.هي اطلعي
"وطلعنا للدور الثالث بحتت فالدروج ونزلت"
فارس.تي كنك نزلتي
انا.فيهن جو"وقعد ينزل فارس صبى مكانه"
انا.تعال هي
فارس.باهي هي
"وركب عالدروج ينزل انا ركبت عاللي يركبن فوق فارس بده يفنص فيا"
فارس.تحركي من مكانك نعزقك من الدور الثالث
انا.هههههههه باهي اركب هي
فارس ركب وانا جيت بننزل لحقني  مسك يدي
انا.بتعزقني توا
فارس.اااه  شهدي هيي
انا.ههههههههه
فارس.عاجبك الناس يبحتوا فينا هكي
انا.مرة فالعمر فوتهم بعدين عادي مش باينة الوحيدين الي ركزوا الشباب هذكوم
"وركبنا اخرى😜للدور الثالث وقعمزنا طلب بيتزا وبدينه ناكلو"
فارس.زحم بكل
انا.اااه
فارس.نوضي نروحوا
انا.خلينه نطلبوا تشيز كيك ونسكافي ونروحو
فارس.فالحوش فالحوش
انا.تي هيا بلاش نكد وكان زحمة
فارس.تي قصة ومعاكسات سمطت
انا.خلينه بس
فارس طلب تشيز كيك ونسكافي وقعدنا ناكلو ونهدرزوا
فارس.خلاص اسكتي وانت قرمتي الدنيا كلها
انا.هههههههههه
فارس.هيا صبي
انا.هيا
"وطلعنا للسيارة وصلنا للطابلينو لقيناه ضرب نين بكل"
انا.مش كان قعدنا فالهواري خير
فارس.هنا اقرب لمحلاتي وشغلي
انا.بعد خطرها مش قتلي بتعدي تسافر لتركيا نعدوا مع بعضنا
فارس.قصة هالتأشيرة تبيش تطلع ياريتني حتى هالعسكري
انا.سماطة بكل
فارس.انزلي هي
"ونزلنا للحوش خذيت الحاجات ستفتهن فالدولاب"
انا.السااعه كم
فارس.8توا
انا.باهي رن على هلك هي
وخذيت نقالي رنيت على سالم وعلي ويوسف عزمتهم قالولي تو نجوا.
انا.ها بيجوا
فارس.اااه بيجوا
انا.تمام بكل
#عند_علي
علي.سوسو حياة عازمتنا بكرة لحوشها
سهى.بنعدوا
علي.ااه ماحبيتهش اول مرة تعزم ونردها
سهى.صاح بعد الزورة عديتلهش بكل
علي.ااه
سهى.باهي تو نخش ندير شكل حلو ولا مالح نشيله معايا
علي.تو نشروا كان هذا
سهى.لالا ماتجيش تو ندير انا
علي.باهي يعطيك الصحة بس مش عندك امتحان السبت
سهى.حيي صاااح وامتى بنقرى علييك قصة
علي.عدي اقري وتشيليش معاك تو نشروا
سهى.باهي تجي تشرحلي
علي.مش اختصاصي بكل
سهى.لا هذي احصاء ثقيلة الدم
علي.باهي هي
"وجابت كتاباتها للسرير وهوا جا قعمز يلاهاا وبده يشرح"
علي.فهمتي
سهى.ااه فهمت تو نحنه بشري مالنا وماله هالكلام
علي.عشان لما يجيك تحليل تعرفي نسبته وهكي
سهى.اهااا
علي.شن مزالك اخرى
سهى.مزال واجد
علي.باهي حتى انا بنقرا اصلا
سهى.ههههههههههه
علي.كنك
سهى.تو كنت متريح مالك وماله تحضى فالماجستير ياعليك تعب
علي.ههههههه دوارة تعب
سهى.شكله
علي.تعالي هي
سهى.شن
علي.اتكي على صدري واقري وانا نقرا نين نكملوا
سهى.هكي نرقد
علي.لما ترقدي نواعيك
سهى.خلاص تمام هي
"ورقدت على صدره وبدوا يقروا لييين خذاهم النوم همه الاثنين ناض علي بحت فيهم حول الكتابات وسقمها عالسرير ورقد"
#عند_سالم
سالم.كلبوزتي
هدى.سالم بطل منابشة ااه
سالم.كنك راقيلك
هدى.قتلك نبي اجازة تنوض تجيبلي شغل المكتب للحوش تو عارف كبدي دارهه تزيد فيا
سالم.ماهو قلتي جيب راجل بدالي ومافيش ولا ذكر نقدر نعطيه الوظيفه نجيب بنت بدالك بتقيميها فوق راسي تحملي وخلاص
هدى.اااااه استغفر الله ياربي كان ناقصني هموم انا كان ناقصني
سالم.بكرة الجمعه عازمتنا حياة عالغدا قلتلها تو نجوا
هدى.خود بنتك وعدوا انا حنرقد احسن حاجة
سالم.عنجد هذ
هدى.ساتم ورراس غلاوتي عندك فكني منها تو نتعاركوا انا رايحة حساسة واختك عصبية ومايصير شي وحمي جايني عالبشر انا حتى روحي مش طايقتها
سالم.اخررر مرة تحملي اثنين سادييييين تي شنو هذا مرطزة
هدى.بكككل
سالم.حتى انت مساعدة كان تصفي نيتك تقدري تديري لكن انت عاجبك الجو وتبي هكي
هدى.كيف يعني
سالم.يعني كم لنا ماقعدنا بروحنا كم لنا ماطلعنا طول الوقت وحم ومزاط ودراه كبد
هدى قعدت تبكي
سالم.تيييييه توا بتبدي تبكي عليش
هدى.تو انت تهزب وتعيط والمشكله  انت السبب ياانت وهذا كله متحملة ونقول من ربي لكن هك وحمي هك بختي الاسود هك شن ندييير تحق فيا طول الليل ترجيع مانرقدش بكلل نقعد مسبلة عالنوم فالنهار تقهرنيش بكلامك هكي تيالي لما كنت عادية كنت تاخد في حقك وزيادة
سالم.خلاص حقك عليا لكن متمزط رايفت علييك بس
هدى.كان عالارياف حتى انا مرايفه ومتحمله
سالم.هههههههه خلاص اصبري
#عند_هل_فارس
مروة.منو
عميمة.فارس يعزم قال تعالو تغدوا عندي عازم خوت حيااة
مروة.حييي صااح
عميمة.هذا وين خطرلها
مروة.كنك معاها انت ههههههههه
عميمة.مرخية وتدلع وخوك مش متحمل فيها قشة هذك اليوم خشيت للكوجينة لقيته يعاون فيها
مروة.باهي بعدها
عميمة.قتله اطلع مش سراكة رجالة تضم فالكوجينة قاللي تعبانة وانت تقدرش تساعديها قلت نساعدها انا بعدين وين بنتك
مروة.هذا الي فالح فيه بنتك انا نقرا وحتى الوقت العادي مش فاضيه
عميمة.وهي تحسابيها دوت لالا ساااكتة مادوت كلمة عاجبها طلعت وسيبتهم
مروة.تي مش مهنية عليه ومريحتنا كويس
عميمة.لا بس تنشط روحها بكرة بنعدي للحوش ونشوفه مارالا مخمج هالباير
مروة.حتى لو لقيتي دود يمشي عالساس تدخليش الموضوع مش شورنا هو راضي وعاجبه ومتريح تقلقيشي منها ويطلقها
عميمة.انت ماتدخلش وانا تو نعرف داها بعدين يطلقها النهار المبارك ناخذله سالمة
مروة.موضوع سالمة الي مابا يفض هذاه
#تاني_يوم
نضت من الصبح وتيت كل حاجة وبرمت عالحوش وحطيت الكسكسو يبوخ وقرضت خضرة المصير على خشت سهى
انا.اهلا
سهى.اهلين
انا.وين علي
سهى.فتحلنا فارس وقعد معاه
انا.اهاااتو نسلم عليه بعدين
سهى.بديتي تحوسي
انا.شبه كملت خضرة المصير بس
سهى.هذا راهو شيش وبيتزا بس مجمدات راه
انا.خليهن نحطوهن مع الشاهي بعدين
"وخشت عميمة ومروة طلعت سلمت عليهن"
مروة.شن جو
انا.تمام كويس وانت
مروة.تمام
"وخشت اسو"
انا.اسو خييير
اسو.عميييمةثنجو
انا.تمام وين ماما
اسو.ماما راقدة
انا.هههههههههههه
مروة.كنها
انا.هدى وحمها وااااعر
مروة.مسكينه ربي يصبرها
انا.ان شاء الله
"ورديت للكوجينه وعميمة وسهى وقعمزن في الصالة وانا نهدرز معاهن لانه المطبخ بار ومقابل الصالة ومروة تعاون فيا واسو طلعت تلعب بعدها جت"
اسو.عميمة يبيك عمو فيفا
انا.يوسف جا؟
"وغسلت يديه وطلعت للمربوعة لقيته مصبي فم الباب"
يوسف.اووو المشفشفه
انا.وينكم ماتجونا
يوسف.ياحلوة معجونا
انا.اسكت خلاص انا كبرت توا😌
يوسف.ههههههه صدقتك
انا.هههههه
"وخش للمربوعة وانا وراه سلمت على علي عادي وبعدها سالم"
انا.وين هدى
سالم.تبيش تجيك
انا.احسن
سالم.ههههههههه مريضه قالتلي خود بنتك وعدوا
انا.امممم به سلملي عليها
يوسف.طروح الصبية الواعرة  سلملي عليها جو نهارك اسود غير نشوفك
علي.هههههههههه رسمى حتى سهى الي اكبر منها تخاف منها قالت اختك واعرة
انا.مش واعرة والله
سالم.ابدا ولا واعرة ولاتنفصلي ولاتعطي في يباري فالوريد ولا شي
انا.مظلومة اانا والله
يوسف.فارس حياة عصبية ولالا
انا فنصت فيه.احكي
فارس.تي اوكي فنصي وقولي مش عصبية ونخوفش
يوسف.ههههههههههههههههه
علي.تي انت كنك ناكرتيها هذا الحق
انا.لاه انتم تبالغوا
يوسف.خلاص خلاص وجها انحمر وحمقت
انا.ههههههههههههه
سالم.عقبيلي مقعد لهدى
انا.ملزومة بيها كان تبي راهي حضرت
"اطربقوا كلهم ضحك"
سالم.هاه بالاثبات
انا.خزي تتفقوا عليا
فارس.ماانت هك رد فعلك ديما كلمة تحرق وواعرة
انا.به به
"وطلعت وسيبتهم قعدت نمشي برة وحطينه الغدا وبعدها قيلو فطنت لمروة مختفية طلعت للجنان صبيت ورا الباب لقيتها هي ويوسف يدووا قعدت نبحت فطنت لحد ورايا لقيته فارس مربع يديه ويفنص فيا وشكله يخوف"
#يتبع..
شفتوا الحلقة الطويلة هذي!نبي تعليقات اسماح واطوال زيها 💙🚶