#حكاية_حياة
......
#يوسف
كنت فالكافي رنت عليا أمي فهمتش شي لكن صوت عياط وهيا،تدوي بسرعه انفجعت طوحت كباية السنترة وطلعت نجري
#علي
عديت للعمارة تميت إجراءات البيع وموضوع الشقه في راسي ركبت بنأكد دورت الشقه بحتت لنقنه الشقه رقم 6دقيت الباب وفتحتلي
#انا
دق الباب فتحته وانا متوقعه انه البواب كيف امس لكن اللي شفته فجعني علي
اها علي مصبي قعد،يبحت فيا،ومفنص
علي.انت انت شن،تديري هنا مش سافرتي مع راجلك شن جابك هنا
انا من الخوف قعدت نبكي.انا انا انا
علي.انت شنو ووين راجلك
فالبداية بنكدب بنقوله طالع ولا اي حاجه لكن خلااااص لعند امتى داسه وخايفه منه انا مادرتش شي غلط نخاف منه وخليهم يديرو اللي يبو
انا.راجلي طلللقني
علي شرع عيونه ويعيط.شنووو وعليش من اول شهر
انا.عشان انا مغتصبه
علي بصدمة لدرجة صوته مافيشي حيل.حياة انت عارفه شن تقولي
انا.اها عارفه مجدي خاف عليا منكم وطلقني وقاللي اقعدي هنا فترة وبعدين روحي لهلك
علي بده يعيط.يعني انت مش عفيفه يعني سودتي وجهنا ياللي ماعندكش شرااااااف"وقدم شوري مسكني من شعري وضربني كف طحت و عيطت وقعدت نوخر منه لحقني وصباني وقعد يهز فيا من كتوفي شن تقولي انت شن تقولي
انا.نقول فالحق ياعلي وخر
علي.تي حنقتلك مش نوخر حطيتي روسنا فالترااااااب سودتي وجي قدام مجدي واخرى ساتر عليييك خايف علييك من الفضيييحه ياساقطه ياصايعه وبده ماسكني ويهز فيا وانا نفك في روحي منه بعدها حسيته من كثرت ماهو راقيله نين فقد قعد يمسك فيا ويطوح ويمسك ويطوح قعدت نعيط علي علو صوتي نين جا البواب حز بينا"
علي داهش.اطلعي قدامي للسيارة اطلعييييي
انا.مش طالعه مانيش"طبعاً كنت لابسه محرمة الصلاة كرني من دبشي ونزلت في جررته وانا عارفه انه فالحوش حتكون نهايتي غمضت عيوني وسلمت لحقته خلاااص خلي حياتي تنتهي اصلاً شن نبي فيها لا يوم سمح لا نوم هني لا حوش لا عيال لا شهادة
علي.سودتي وجي حرااام عليييك حراااااام عليك"وطوحني فالسيارة من لاورة "وطول الطريق وهوا معصب ويخبط ويجري بسرعه جنونية وانا راسي لوطة ونبكي وصلنا مادرسش السيارة حتى طفاها فالنص فتح الباب وكرني للحوش اول ماخشينا فكيت روحي وخشيت نجري لداري اقل شي نبيش هدى تشهد عليا توا
علي.هاربة توا ياحقيرة "ولحقني للدار"
انا كنت مصبية جنب السرير ونرعش.علي انا مادرتش حاجه غلط
علي قدم شوري ومسكني من رقبتي وقعد يخنق فيا .اها مادرتيش شي غلط ولا حاجه غللط راجلك مطلقك،لانه مش شريفة ومسافر وحضرتك في شقة بروحك
انا قعدت ماسكه يديه ونفك فيه.اطلقني حول اطلقني
"علي خشت ماما"
ماما.علي شن في حياااة!!شن شن هذا
"علي طلقني وبرم مسك ماما من يدها وحط يده علي كتفها"
علي.اطلعي انت خليني نربيها"وشالها للباب وصكر وبرم عليا"
فك السير ابتاعه.انت خليتك علي راحتك وهذا جزاتي قرنتي بيا توا يانقتلك يانربيك
"وبده فيا ضرب قعدت نعيط بعلو صوتي مرر وقت،وهوا يضرب حاولت نهرب نمسكه نخليه يبطل ماقدرتش كان معمي بشكل رهيب يضرب ويعيط ويكسر قعدت نسمع في صوت الباب يدق دق واااجد بعدها انقفع وخش يوسف جريت،كرست وراه
علي.يوسف تدخلش حول
يوسف.شن في كنكم كنك حياة
علي يدوي وداهش.اختك الحقيرة وسختنااااا وسختنااااا حطت روسنا فالتراب
يوسف برم عليا كنت نبكي ونعيط ودبشي مشرط وشعري حالتي كانت بائسة عالأخر مثيرة للشفقة
يوسف.حياة ادوي علي شن يقول ادوي
"ماما خشت"
ماما.كنك شن في عليش هكي ياعلي
علي.اسالي بنتك
يوسف.انته اطلع بس
علي.مش طالع نبي نقتلها
يوسف مسكه وطلعه بره الدار
علي.لكن والله نردلك توا دهشت ومزاال نين نكمل عقابك نقتلك والله نقتلك
يوسف دفه وسكر الباب.خلااص ياراجل
"وبرم عليا" ماما خدتني قعمزتني عالسرير
يوسف.حياة شن يقول علي شن في
انا.والله العظيم مانكدب والله
يوسف بصوت فيه الرعشه.احكي باه انا مزلت مش فاهم ومانبيش نفهم غلط ادوي شن صاير
انا.انا مغتصبه ومجدي طلقني وعشان خايف عليا من الفضيحه خلاني في شقته وسافر قاللي بعد فترة روحي لهلك عاساس اطلقتي
يوسف مصبي في مكانه ويبحت بيا.يعني انت و
انا قاطعته.ماتقولهش لاني والله مادرت حاجه من اللي في بالكم
يوسف.ها معناته ادوي اختصري وغوشتيني
انا.مذكر زمان فال2011الثورة يوم اللي رنيت عليك وقتلي تو يجيكم سالم اووول ايام فالثورة ابتاع القبعات الصفر
يوسف.اها
"خش علي"
يوسف.اطلع ياعلي
علي.نبي نسمع قصتها كدبتها ولا اللي بتقوله
انا ندوي ونبكي.كنت فالحوش وماما طلعت خش عليا ماقدرتش نقاومه دار اللي يبيهه و هرب وانا خفت وقتها خفت ندوي ماكنتش عارفه ولا فاهمه كويس دسيت كل شي وكل حاجه ومادويتش
يوسف.حياة شن تحكي انت
ماما قعدت تبكي
يوسف.الكلام اللي تقولي فيه مايصدقش مايصدقش
انا.نحلفلك عالمصحف والله مانكدب وحتى حتى عندي شاهد
يوسف.من
انا.مروة
يوسف يفنص.من
انا.مروة صحبتي شاهدة علي كل شي تاني يوم من اللي صار رنيت عليها وجتني وحكيتلها كل شي
يوسف.مستحيل مستحيل
"وطلع من الدار"
علي.ليش هكي بس شن درنالك نحنه والله ماقصرنا معاك
انا.ماتدويليش هكي انا ماغلطتش ماغلطتش
علي.تي تبي تمشيها عليها كدبتك هداه
انا.حرام عليك والله مانكدب
علي قدم شوري،صبتله ماما.اطلع من الدار
علي.مانيش طالع خليني نقتلها
ماما بعياط ونت نين تخوف.اطلع
"طلع علي من الدار برمت عليا"
ماما.احكيلي من هوا ووامتى وليش ونوعدك مانخليهمش يجو شورك
انا.شن تحكي
ماما.من دار فيك هكي وزواج ولا غير شرعي
انا.انت مش مصدقتيني
ماما.كلامك مايصدقش والانكار مش حل اعترفي خلينا ننهوا الموضوع ونجيبوه يسترك وخلاص انا مزلت ندوي نبيش نغصبك ولا نكلم علي
قعدت نبكي.والله مانكدب والله
ماما صبت من يلايا وصكرت باب الدار وطلعت للصاله وانا تكومت فالسرير وقعدت نبكي
علي.شن ياامي
ماما.خليها ياعلي توا
علي.كيف نخليها كيف
ماما.علي تخلينيش نقولك الله يغضب عليك خليها في حالها بلكي كان هدت تحكيلنا كل حاجه ونقدرو نصلحوا الوضع
علي.تي ياامي هذي تبي قتل
ماما.ويوم بكرة كان جاك ربي وقالك اختك اللي قتلتها وهي مظلومة شن ذنبها شن بتقوله
علي.انت مصدقه الكدب اللي تقول فيه
ماما.مزال شاكة فيه مش قادرة نصدقه ومش قادرة نكدبه فالنهاية بنتي
علي.وين يوسف
ماما.مش عارف طلع اكيدة في حاجة بيديرها
#يوسف
يوسف.الو
مروة.الو حبيبي
يوسف.وين قاعده
مروة.في حوش هلي طالعه للعزا ماهو قتلك بنشيل لماما بدش
يوسف.خليك في مكانك
مروة.عليش
يوسف.بنشيلك لمكان
مروة.ماقلتش لبابا
يوسف.تو نقوله انا"صكر عليها"
خمس.دقايق وكان فم الباب كان يجري بكل
يوسف نزل للحوش فتحتله مروة خش للمربوعة
خليل مستغرب.خير يايوسف
يوسف.ياعمي نبي،نستأذنك ناخد مراتي في مشوار ضروري
خليل.ا ا اا
يوسف.لازم ياعمي ونوعدك مش اكثر من ساعة
خليل.انتم طلعتوا مع بعض اكثر من مرة تجيش توا وتدير طروح الاستئذان
يوسف.طلعت معاها لانها مراتي ومن وراك لانه مروة متحشمه منك بس
خليل استك.اا.اا. باه يايوسف توكل
يوسف.اسف ياعمي كترت فالدوة معاك مغير معصب
خليل.يصير خير توكل انته ومراتك توة
طلع يوسف ولقا مروة فم الباب
يوسف خشي توضي
مروة.شنو
يوسف.خشي توضي والحقيني للسيارة
مروة.اوكي به كنك انته
"طلع وشوية ولحقاته ركبت فالسيارة وبده يسوق مادوش بكل"
مروة.يوسف😳سوق بالشويه حبيبي خفت والله
"ماردش عليها سكتت وصلو للحوش"
مروة.يوسف عيب ماتجيش شن ندير في حوشكم شن تقول امك وهدى
يوسف بده يعيط.انزلااايي
مروة رعشت نزلت تجري.به به به
"خشت للحوش ولحقها يوسف صكر الباب وكرها من يدها وهي تفك في روحها
مروة.يوسف كنك يوسف
"خطمو عالصاله لقت ماما وعلي فالصاله"
ماما.تي ليش هكي شن دخل مراتك
يوسف ماردش عليها فتح الباب ودفها للدار
مروة خشت وشافتني فهمت كل شي غطت وجها بيدها وقعدت مغطية عيونها قعدت نبحت فيها
خش علي وقعد مصبي عالباب ومن العصبيه يطربق في صوابعه ووجه حمر وماما وراه
يوسف.مروة امسكي المصحف اللي قدامك
مروة.ا اا ع عليش
يوسف بعياط.امسكيه
"طبست امسكاته"
يوسف.انت عارفه انه حياة مغتصبة
مروة.ا ااا اا اا
يوسف بعياط وعصبية.تعرفي ولالا
مروة دموعها نزلن.اها نعرف وحق هالمصحف نعرف
يوسف.تحكي القصه وكيف وشنو زي ماحكتها حياة ولو اختلف حرف نقتلكن انتن الاثنين
مروة.انا انا كانت رنت عليا وقالت
يوسف.احكيلي حياة وين كانت ومنين خش عليها وشن صار ويوم شنو مانهدرزش معاك انا
مروة.حياة كانت فالحوش وووكان كان اول ايام الثورة وزقب عليها من المنور وهيا كانت متسبحة تيالي ولحقها للدار اغتصبها وطلع وهيا خافت دست كل شي وجا سالم"
انا تنهدت براحة شويه لانه كلامها نفس كلامي بالظبط
يوسف.احلفي عاللي قلتيه
مروة ودموعها ينزلن وتبكي.وحق هالمصحف اللي بين يديا اللي قلته كله صاح وحكاته ليا حياة وماكدبتش في ولا حرف
يوسف.احلفي انك مش متفقه انت وياها
مروة.وحق هالمصحف مانا متفقين
يوسف.كنتي تعلمي باللي بينها وبين مجدي
مروة.ااه كنت نعلم
يوسف.وعارفه انها في شقه بروحها
مروة.ااه عارفه بس يايوسف
يوسف.بس شنو
مروة تبكي بالعبرة وموطية صوتها.مجدي دار فيها اللي سادها تكونوش انتم والزمان عليها ساد اللي داره مجدي
يوسف بحت فيا.مجدي شن دار وكيف عرف
انا .كنت ندوي انا ومروة تاني يوم العرس تطمن عليا سمعني شن،قلتلها شويه،حكيتله كل حاجه
يوسف غمض عيونه وعصرهن.بعدها
انا قعدت نبكي.قعد يكسر فالشقه ويخبط وبعدها طلع وتاني يوم روحلي سكران ضربني نين اغمى عليا معش شفت شي وبعدها وسكتت
يوسف.بعدها شنو ولا جيتي عند هذي وتحشمتي
انا.بعدها اغتصبني وثالث يوم فاتني قعدنا في حالة سودة لا يعبر فيا لا يدوي بعدها جابني هنا عندكم
يوسف.يوم اللي جيتينا الاثار اللي على ايديك ورقبتك منه صااح"شفت عيونه تعبن دموع لكن عصر عيونه ومسحهن"
انا.اها منه"وقعدن دموعي ينزلن وصوتي مخنوق" رووحنا منكم رنت عليا مروة قالتلي شن صار حكيتلها يحسابني ندوي مع راجل ضربني مرة اخرى ماعقبش مادار فيا وطلع وقعدنا لاندوو لا شي بعدين شالني للشقه طلقني وقاللي اقعدي فيها فترة وعدي لهلك عاساس اطلقتي وكان سألوك قولي هوا يبينش وخلاص
يوسف خبط راسه بيديه
وكانت وراه المكتبه ضربها بيده طيحها تكسرت
انا ومروة عيطنا
يوسف.لييييش ياحياة مادويتيش ليييش حراااام علييييك ياحياة حرام علييييك ليييش هكي
انا.قلتلكم مانبيش نزوز قلتلكم
يوسف.ليييش ماقلتي السبب قبل ماننفضحوا ليش ماقلتي شن بيقولو الناس شن منظرنه قدام مجدي شن منظرنااااااااا"وقدم قعد ماسكني من كتوفي ويهز فيا وانا دموعي ينزلن اول مرة يوسف يضربني ويمسكني او حتى يعصب عليا"
انا.لو كنت قاعد لما غصبني علي راه دويتلك لكن هوا خفت ندويله
"طلقني وبرم علي مروة"
مروة كانت تبحت فيه وتبكي
يوسف.اطلعي للسيارة انت "بحت في علي"وانته تقربها نتفاهموا
علي.مزلت بتدافع عليها انته
يوسف بعياط وعصبيه.ماهو ياحيوان كانهي مش خايفه منك ومن ضربك ومن دراه كبدك راهي قالت في وقتها وماصارش اللي صار وبعدين واضح انها ماتكدبش وهي ومروة نفس الكلام وتيالي اللي شافاته ساااادها واللي داره فيها مجدي ساااادها
علي.بس
يوسف.بس شنو هااا
علي.مش عارف راقيلي منها اناا بنفش غلي هي تستاهل
يوسف.كانك راجل دور اللي دار فيها هكي وفش غلك وبعدين انته شايييل نص ذنبها زوزتها غصبن عنها وانا مش قاعد لو كنت قاعد راهي دوتلي ولا لو كنت خو مسقم ومش داير طروح الواعر وقاطعها راهي اطمنتلك ودوتلك
ماما.كنها مادوتلي انا مش انا امها
يوسف.امها؟؟حضرتك وين كنتي لما كنه مسيبينها معاك وطالعين؟؟لو كنتي مصاحبتيها راهي حكتلك لكن طول الوقت وانت مافيش في بالك غير انك تزوزيها وتكبريها وتقهري بيها فتحيه وخيريه وخلاص
ماما.انته كيف تدوي معايا هكي
يوسف.لانه هذا الصح انا نبيش نناقش حد واللي يجي شورها حيبقا كلامه معايا انا انت هيا للسيارة
"طلعت مروة تجري وخش يوسف طبق باب الدار عليا ولانه مقفوع ثبته بمنشف وطلع للسيارة"
مروة.يوسف انا
يوسف.انت تسكتي
مروة.والنبي سامحني"ومسكت،يده" انا
يوسف كر يده.اسكتيييي اسكتي
مروة.ب بب ببه
"مروة كانت عارفه طبع يوسف كويس وعارفة انه مستحيل يسامحها علي حاجة هكي كان صعب طبعه حنون وكويس وكل شي لكن ديمه يقوللها نحبش الكذب والخيانه اي شي تاني ععادي وهي تعتبر دارت الاتنين"
وصلو للحوش
يوسف.انزلي
مروة اطمنت تحسابه بيحطها ويعدي نزلت للحوش دقت ولقاته وراها تنهدت وخشت خش معاها للمربوعة
يوسف.السلام عليكم
خليل.عليكم السلام
يوسف.عمي مروة طالق
مروة اشهقت بملو وفمها وقعدت تبكي وطلعت تجري
خليل.كييف وشنو وليش يوسف شن في
يوسف.انا مانبيش مروة بنتكم كويسه وماشاء الله عليها لكن العيب فيا انا نبيهش
خليل.بعد سنتين وقبل العرس بشهر تقول نبيهش
يوسف.خير من اني نزوزها ونطوحها لكي بعد شهرين حامل ونبدو نعانو مزلنا عالشط
خليل.ساكت
يوسف.هي تبي حاجه
خليل.سلامتك وحاجتك توصلك
يوسف.لالا مانبيش شي وتصبحو علي خير
"وطلع" عدى شور البحر وقعمز علي شطه وبده يبكي
"بكا كما يبكي الرجل على امرأة"
عيط علي صوته وخبط وعزق حيط فش غله وبعدها ركب سيارته وروح للحوش لقا سيارة سالم
#قبل_نص_ساعه
كنت فالدار نبكي
وبره خشوا سالم وهدى واسو لقوا امي فالصالة تبكي وعلي يدخن
سالم.كنكم شن في
علي.هدى خودي بنتك واركبي للشقه
هدى.😳
سالم.كنك
علي.لو سمحتي يعني تيالي مافيش بينه الا الاحترام لكن ياريت تركبي
هدى.حاضر"وشمرت اسو وركبت"
سالم.كنكم شن في.
علي.مجدي طلق حياة
سالم.لا ياراجل معقوله
علي.البنت طلعت
سالم.قصدك
علي.اها مطلقها وحاطها فالشقه يبيهش تنفضح وقاللها بعد فترة روحي لهلك
سالم.تي والله نقتلها اليوم وينها
علي.اصبر الموضوع مش بإرادتها هي مغتصبه وبشهادتها هي وصحبتها
سالم بعصبية.وصدقتوها
علي.واضح انها صادقة التفاصيل وكل شي لو كانت كدابه راهي كان في فرق فالدوة
سالم.تي كيف هكي كييف
علي.هذا اللي صار
سالم.وينها
علي.فالدار
"سالم جا فتح عليا الدار كنت غامة وجهي فالمخدة ونبكي"
سالم.حياة شن اللي يقول فيه خوك
انا.اللي سمعته
سالم.مش اللي سمعته"وجا مسكني من دبشي"مش اللي سمعته تي شن سمعتنا قداام الناااااااس شنو ااااه"وبده يضرب فيا"
"علي يسمع ماعدلش خشت امي تجري وبدت توخر فيه ماقدراتش علي خشة يوسف
جا يجري كره
سالم.حوللل حول تي كلله بسببك مدلعها نين ركبتلنا القرون
يوسف.وخر
سالم.زيد اخرى زيد نين تجيبهم لكي للحوش هنا تخش للدار تلقاهم ساعتها تديرلها حد
يوسف.تي راهي اختك راه يعني مفروض تكون واثق فيها وتدافع عنها
سالم.وشن جابتلنا الثقه فيها شن جابت ودف يوسف وبحت فيا ادوي توا من ووينه وانا نجيبه غصباً عنه يزوزك ويستر عليك
يوسف.تي انته بتفهم ولا مسكر راسك
سالم.شن بنفهم شن نفهم
انا صبيت من مكاني.ارجى اذكرت حاجه
سالم.شن اذكرتي
انا.هذك اليوم يوم اللي طلعت انته ويوسف ووليد الله يرحمه للمظاهرة مش انته جيت بعدها قعدت معايا
سالم.ادكرت اها
انا.مدكر باب المنور وباب الدار اللي مقفوعات
سالم شرع اعيونه.اها اذكرتهن
انا.خلاص يومها قفع باب الكوجينة ولحقني للدار
سالم قعد يخبط في وجه.لييش مادويتي لييش مادويتي
انا.خفت خفت خفت كنت صغيرة وخفت
وكبرت وخفت تصدقونيش ومشت حياتي فالخوف وخلاص
سالم.ياربي استرنا ياربي
يوسف طلعه وطلع معاه وانا رديت للسرير رقدت.
#مروة
أعتقد كلكم كنتوا تكرهوني عشان مواقفي بين حياة وفارس بس صدقوني انا عارفه خويا متخلف ومليان عقد كنت خايفه لو ازوز حياة يفضحها عشان هكي كنت نبعد فيهم من بعضهم ماكنتش متوقعه انه حياة تزوز غصب لانها معروفه دلوعة خوتها توقعتش في يوم يغصبوها وهيا بروحها كانت تقول نبيش نزوز فماكنتش نبي خويا يتعلق بيها ولما ازوزت مجدي ندمت وقعدت حاسة بتأنيب الضمير قعدت نقول لو خليتها لفارس بلكي كان في احتمال ولو بسيط يسترها بس مجدي شن حيدير ليلة عرسها كملتها كلها على اعصابي وخايفه ولما عرفته طلقها بكيت عليها نين نفخت عيوني والله وجعتني حسيت اني احد اسباب اللي هي فيه لما خشيت للدار شفتها عرفت انها نكشفت واني خلاص فقدت يوسف كنت نقدر نحافظ عليه ونقول مانعرفش شي لكن تيالي حان وقت اني نصبي مع حياة بعد اللي درته فيها حكيت كل شي وانا عارفة انه يوسف حيطلقني حنخسر حب حياتي وكل شي وفعلاً هذا اللي صار طلقني
كنت ديما شايلة هم هالسر وخايفه منه كنت ديما حاسة انه حتصيرلي بسببه حاجه ياريتك ماحكيتيلي💔
كنت راقدة في داري ونبكي سمعت هرجة برة عرفت انه وداد وفارس جو طبعاً ماما فالعزا وانا طلعتلهمش شويه هكي وخش فارس
فارس.مروة باتك قال يوسف طلقك صاح الكلام هذا
مروة.اها صاح
فارس.كنه عليش
مروة.في موضوع بينه واطلقنا خلاص مش اول وحدة
فارس.عرف موضوع حياة
مروة.😳😳😳
#يتبع
