العدد الي يشوف الرواية مشاء الله و الي يلعقو و يصوتو
أقل 😭😭
على الاقل تصويت مطلبتش اكثر من هكي
..................................................................
وبرمت لقت علي مصبي جنب البوابة طلعتله
علي.وينك نرن ماترديش
سهى.اه لا شي كنت ندوي مع البنات
علي.اااه باهي هي اطلعي
سهى.هي
"وطلعت هي وياه للسيارة روح بيها"
علي.كنك انت
سهى.كني
علي.حسيك مرتبكة
سهى.لالا شي تيالك
علي.اممم به
سهى.ندير غدا بتقعد ولا بتطلع للمكتب
علي.لالا ديري حمد قاعد فالمكتب
سهى.شن ندير
علي.ديريلنا مكرونة محببه
سهى.تمام به"وخشت بدلت وطلعت للمطبخ وعلي رقد فالصالة مقابل المكيف وسهى دارت الغدا وكل مرة يخطر عليها كلام خليفة تخاف معش عرفت شن تدير تحكي ولالا
سهى.تعال كول هي
علي.هي
"وقعمز ياكل معاها وهي ماكلتش"
علي.كولي كنك سرحانة
سهى.عندش نية كول انت تو بعدين ناكل
علي.حاسك فيك حاجة بحتي فيا كنك
سهى.والله ماكني حاجة باهي
علي.باهي تمام
سهى.صحة"وصبت للدار ارقدت شوية هكي ولحقها علي رقد عالسرير خشت في حضنه"
علي.تي نعرفك انا متأكد في حاجة لكن براحتك تبيش تقوليها خليك ساكتة
سهى.خليني نرقد بس
علي.ارقدي
سهى.الاماعين شن درتلهن
علي.حطيتهن فالحوض بعد تنوضي اغسليهن
سهى.تمام به
"وسكتت شويه بعدها"
سهى.اوعدني مستحيل تسيبني ولاشي يفرق بينه
علي.وعد مستحيل شي يفرق بينه ومستحيل نسيبك
سهى مسكت فيه بقوة ورقدت وعلي حتى هوا رقد
#عندي_انا
انا كنت فالحوش خطرت عليا مشيتنا للدكتورة رنيت علي فارس
انا.حبيبي
فارس.ياعيونه
انا.الدوا الي وصفاته ليا الدكتورة جبتش ليا
فارس.تو نجيبه وانا جاي الروشيته فالسيارة
انا.تمام
فارس.شن الغدا
انا.حبيبي عازمني علي غدا في مطعم
فارس.اعزموني معاكم
انا.مبردك
فارس.هههههههه
انا.والله بجد نبي نعدي لتوسكانا فيه جو
فارس.باهي وتي روحك نجيب الدوا ونجي نعدوله
انا.تمام انحبك
فارس.حتى انا
"وصكرت"
انا.احسن افتكينا من حوسة الغدا
وركبت للمكيف قعدت ننضف فيه كملته وخشيت للدار لبست عباية😒ومحرمة تركية ودرت كحل وقلوس خش فارس للدار
فارس.واتية
انا.ااه واتية جبته
فارس.اهن فالشكارة
انا فتحت الشكارة لقيت فيها باكو دوا فتحته لقيته حبته كبيييرة
انا.حي علمه هذي كلها حبة
فارس.هههههههههههههه كم وحدة
انا.مكتوب وحدة فالاسبوع زعمك قصدهم نقسمها كل يوم طشة من الحبه
فارس.لاياهبله كل اسبوع حبة كاملة
انا.تي والله ماتخش لحنجرتي كلا هذي
فارس.انت حطيها في فمك وعيطي فارااااااس تو تشوفيها كيف تخش
انا.تو امتى عيطت انا هكي
فارس.كل يوم تعيطي فيها العيطة هذي
مذكرة لما خشلك فار فالهواري
انا.هههههههههه
فارس.كل مانذكر منظرك فوق الزيانة ننشرط ضحك
انا.بطل هزوة هيا بنطلعوا
فارس.هيا باهي
"وطلعت انا وياه للسيارة ومشينا لتوسكانا"
فارس.قعمزي هي
قعمزت مقابلته وطلب وجبة غدا لكن طولت ماجت ونحنه نرجوا
انا.فارس شن تبحت ورايا
فارس.شي شي
انا.نهارك شنو
فارس.انسي خلاص
"صبيت من مكاني وحيت قعمزت يلاه لقيت وحدة مكياجها لوين ووين مقابلته وتضحكله"
قرصته في كراعه من لوطة
فارس وجه قعد حمر.تي كنك
انا.عليش تبحت فيها
فارس.تي هي تضحكلي انا عدلتش عليها لكن بحتت هكي بس
انا.لييش بحتت
فارس قعد يحاول يفك يدي.تي بطلي حولي يدك واعرة قطعتيني حولي
انا.صبي قعمز مقابلني
فارس.باهي حولي يدك
انا حولت يدي
فارس.عنجدده تقول بينسه
انا.صبي قعمز مقابلني
فارس.بنعدي للحمام قبل
"وصبه للحمام قعدت نبحت فالبنت ونكشخ"
البنت تدوي لصحبتها بصوت عالي.بيموتن علي هالرجالة
انا ماعدلتش عليها فارس رد وقعمز مقابلني
انا.كنك طولت
فارس.شن درتيلها في غيابي
انا هزيت كتوفي.فنصت فيها بس
فارس.هههههههه
انا.معش تضحك
فارس.عليش
انا.تو ترد تبحت فيك اخرى
فارس.تي الجو هذا مفروض انا نديره لكي مش العكس
انا.المكان مليان بنات وعائلات رجالة كبار فالسن بكل يعني ابهات كان نحسابه هكي ماجيتش
فارس.هههههههههههه اهو جا الغدا تغدي ونطلعوا بعدها
انا.به
"وحطوا الغدا قعدنا ناكلو كان حلو بكل"
فارس.شن رايك
انا.يهببل
فارس.نطلبوا حلو ولانطلعوا
انا.لالا نطلعوا
فارس.تمام به "ودفع الفاتورة وطلعنا للسيارة"
فارس.بتتعبي هكي راه
انا.عليش
فارس.تغاري بزيادة
انا.ماهو البنات رايحات اوفر معقوله هذا منظر جاية بيه واخرى تضحكلك وجوها سالك
فارس بده يمشي بالسيارة.بس انت عارفة اني نبحتش في غيرك خلاص فوتيها
انا.امممممم به انت تبحتش في غيري اكيد
فارس.مستحيل
انا مسكت يده
فارس.نعدوا للاقونا ولا وين
انا.مش عارف المهم فكني من الحوش طول الوقت فيه
فارس.به نعدوا للاقونا
انا.باهي بنقولك حاجة
فارس.شنو
انا.نبي نقرا توا اهم دفعتي مع مروة الاسبوع الجاي امتحاناتهم نعدي ناخد المنهج ونلحق نمتحن اقل شي بيش مايفصلونش ونكمل قرايتي
فارس.لنقنك فوتيه الموضوع هذا انت عليش بتقري بتشتغلي صاح خلاص انا مش منقص عليك شي عليش تشتغلي
انا.مش قصة شغل بس نبي حاجة خاصة بيا ليا انا مكان نطلعله كل يوم ونقعد فيه ونغير جو وندير صحبات اقل شي كلا هكي ملل وحبس طول الوقت انا حتى اللمات والحاجات هذين نفوت فيهن نحبهنش
فارس.فوتي شوفي حاجة تانية وراس حيو
انا.باهي انا واخدة دورة انقليزي ست سنوات من قبل وواخدة الشهادة ابتاعها ونقدر نقري بيها خليني نقري فالمدرسة الي في جنبنا سنة اولى وتانية ابتدائي
فارس.ويبدى فيها احتكاك واختلاط ومدرسين وقصة
انا.يادي الاحتكاك والاختلاط تي بعبايتي باحترامي وكل شي لا نجي شورهم لا يجو شوري تعقدش الموضوع
فارس.فوتي من الاخير شوفي حاجة صبايا هكي
انا.حاجة صبايا كيف يعني
فارس.شوفي نادي
انا.بس انا مانبيش ننقص
فارس.عدي غيري جو وهدرزي وروحي
انا.نادي $$$$ نعدي
فارس.مش عارف شوفيه
انا.معناته ديرلي سيارة
فارس.عليش السيارة
انا.بيش نعديله كل يوم
فارس.تو نشيلك انا
انا.به تو نشوف ونحنه مروحين تكي بيا عليه نشوفه
فارس.تمام"ورفع يدي باسها"
فارس.عليش التكشيخ توا
انا.تدويلي انا على غيرتي وانت حرمتني حتى من قرايتي عشان تغار
فارس.نغار عليك منهم ومن نظراتهم وكل حاجة
انا.به به وين شلتنا
فارس.جنينة الجلاء يعجب فيا جوها اكثر من لاقونا زحمة ودراه كبد
انا.بس مليانة شلتت
فارس.هما في حالهم ونحن في حالنا
انا.تمام به
"نزلت معاه بس حاسة بغصة في قلبي موضوع القرايا هذا قاهرني ماقدرتش ننساه"
فارس.ياطشة وين سرحانة
انا.شي شي
فارس.باهي خشي هي
"خشينه للحديقة وقعدنا نتمشوا لين وصلنا فالحيوانات"
انا.حي ياخيا شوف غادي
فارس.شنو
انا.القردة الكبيرة.معاها قردة صغيرررونة بككل وشكلها يهببل سمووحة
فارس.قردة ازح عنجد سموحة
انا.اهياه شوفها كيف كيوت
فارس.هههههههه عنجد كيوت
انا.والله تهبببل ياخيا"ومديتلها سبول"
انا.ااااه خبشتني الكلبة
فارس.ههههههههه طوحيه لها مش نين تجي تكره منك
انا.خلينه نعدوا خلاص زحمت
فارس.تركبي فالقارب
انا.بالعباية عليك منظر
فارس.عادي مادققيش
انا.باهي هي
"وعدينه شور القوارب ركبنا في واحد"
فارس.راكبتيلهن من قبل
انا.ديما نركبلهن انا ويوسف وسالم ههههههه مرة طاح يوسف وشمرناه انا وسالم ههههههههه قعدت بنتة شينه
فارس.هههههههه وعلي
انا.لالا علي داير روحة كبير يقعد مع ماما
فارس قعد يبحت فيا
انا.هيي سوق وين سرحت
فارس.شي شي
انا.به سوق
فارس قعد يسوق بيه وانا نلعب بالمية نين وصلنا
جيت بنطلع مدلي الراجل يده فتته وصبيت بروحي طلعت الي معاه قعدوا يضحكوا عليه وفارس لحقني ويضحك
فارس.تزلييبطة ثلاثية الابعاد
انا.ماهو كان مسكت في يده وطلعت راك قلبت وجك
فارس.هذا ماناقص تمسكي في يده
انا.هههههههههههه نعدوا للدراجيح
فارس.نعم
انا.الدراجيييح
فارس.من بتدرجحي
انا.ذات العيون العسلية
فارس.ذات ال22سنة
انا.عمر مراهقه وقلب طفلة
فارس.وعقل هبله
انا سيبته وعديت قعمزت وبديت ندرجح ونضحك وهو يبحت فيا ومبتسم بعدها نزلت
فارس.تزحلقي بالمرة
انا.نديرها راه
فارس.تقدريش حتتحشمي وتخافي
انا.كم تراهن
فارس.100جنيه
انا عديت شورها.ههههه حنركب رآه
فارس بده يبحت.مش حتقدري عيب ومنظرك والعباية
انا بديت نركب
فارس.تي هيييه ياهبلة انزلي
انا.مش حنفوت ال100
فارس.انزلي ونعطيهن لكي
انا.فات الأوان ؛وركبت وازلحقت
فارس.حي عالهبال والعار حيييه فضحتيني
انا صبيت وجاية شوره
فارس.تجيش شوري نعرفكش انا
انا بصوت واطي.ياهوووه هذا راجلي رآه
فارس بصوت واطي.لا نعرفهش العيله هذاه
انا.هعهههههههع عليك هبال ماتقول مزوزين وكبار
فارس.هههههه هيا بس نروحوا مغرب
انا.هيا ههههههههههههه
"بدينه نمشوا فارس جا بيطلع النافورة انحلت عليه بلاته"
فارس.عنجدها
انا.ههههه عنجد منظرك حي عليك تو تمرض
فارس.هيا بس تو نقب في الطريق
"وطلعنا للسيارة"
انا.تكي بيا على يوسف ليا زمان ماشفته
فارس.باهي هي
"وساق بينا لعند وصلنا لعمارة يوسف نزلنا من السيارة وركبناله"
يوسف فتح الباب.اووو المشفشفه شن الجو فروسة شن الجو
فارس.تمام والله
انا. وين ماتجينش بكل
يوسف.مش فاضي بكل والله نطلع من المحل نعدي للقطعه نبني نروح قيس توا مدهكل عالاخر نخش ناكل ونرقد
انا ترا وخر خليني نخش
يوسف.هههههههه خليها يوم تاني
انا.وخر وريني الشقه
يوسف.هههههه مش حيعجبك المنظر لكن خشي
انا خشيت للشقة انفجعت المطبخ مليان اماعين امسخات والدبش مطوح في كل مكان والحمام محوس
انا.شنو هذا
يوسف.شنو
انا.هذا شنو المنظر هذا كنك انت معقوله هكي والدبش مش قتلك شيله لمغسلة ولا جيبة ليا والاماعين وريتك كيف تستعمل غسالة الاماعين تي شنو هذا
يوسف.اهدي بس حوسة بسيطة
انا سلحت العباية
فارس.حي حي تو بتبدا ماصدقت حصلت حاجة تضمها
يوسف.هههههههههه هوس نظافة
انا.مش هوس نظافة انت مخمممممج "وخشيت للمطبخ لقيت صونية رفعت مغطتها"تي اعععع قصدك هذي قرعتك من العزومة هذك اليوم قاعدة يععععععععع يامعفن
يوسف.اوكي يافارس انت اقعد معاها انا نازل لوطة نين تكمل
فارس.لا تعال انت حوست انت تتحمل الهزايب راسي مش زايد عليا
انا.تتمحقنوش عليا انتم الاثنين يوسف تعال هنا
يوسف.شن تبي فيا
انا.تعااااااال
فارس.اهياه العيطة الي حكيتلك عليها عيطيها تو تخش الحبه
يوسف.ههههههههههه "وخشلي فالمطبخ"
انا.الحوض كنه مصكر هكي
يوسف.مش عارف
انا.سررحه
يوسف.لا شكرا
انا.سرحه راه خيرلك تي كيف تاكل منه اعععععع بشبو بشبو بشبو"وركبت فوق الطاولة"تقتله
يوسف قتله .تي بشبو صغير كنك
انا ضربته علي يده.القصه انه صغير يامخمج يامعفن تي هذا دووود الكوجينه دوود
يوسف.تي باهي خلاص رشة مبيد تحل الموضوع
انا حليت رف المنظفات وبديت نحوس ونهزب نين ستفت الاماعين كلهن فالغسالة ونظفت المطبخ كلله
يوسف.يعطيك الصحة
انا.مزال ماكملت اطلع لم الدبش الي فالصالة
يوسف.خلاص روحي وقت اخرتي حتى راجلك
انا.حوشنا مش بعيد من هنا خليني نكمل
فارس.خليك كملي نرجى فيك
انا خشيت لداره.يوسسسساااااااف
يوسف بحت في فارس.حي علما خشت لداري
فارس.هههههههههههه نفس نغمة فاراااااااااس
يوسف.هههههههههههه قصدك حتى في الحوش تلحن هي
فارس.ههههه الحان وحياتك
انا طلعت.خش طلع باكو البيتزا الي معفن نين خضر من الدار انا مش حنقربه
فارس.انا نازل نجيب حاجات ونجي
انا.به تمام
"ونزل"
انا.خش للدار طلعه
يوسف.هههههههه "وخش حطه في شكارة"
انا.امتى بتزوز انت
يوسف.بلكي لما نكمل بني
انا.وكم مزاله البني
يوسف.مزال واجد
انا.اممممم باهي اخطبها بس
يوسف.قصدك مروة تي طلعي الموضوع من رأسك بكل
انا.انت قتلي كان صارت وازوزت ناخذ مروة
يوسف.خلاص ماله مانيش مزوز
انا.علييك عنااد فيك
يوسف.خلاص بس روحي تو نكملها
انا.خليني نكملها ساهله خلاص اطلع لم الدبش فالصالة تو نروح بيه نغسله
يوسف.به
"وطلع لم الدبش كله حطه في شكارة"
وانا ضميت الدار كلها وطلعت للحمام نضفته بمنضف وحكيته وطلعت"
انا.خلاص كملتها كلها
يوسف.يعطيك الصحة
انا.سلمك حافظ عليها ماتبدش تطوح وخلاص البشبو يجيبلك حساسية راه
يوسف.تي قصة موضوع الاماعين هذاه
انا.لالا مش قصة تاكل اسلت وحط فالغسالة
يوسف.حاضر به
انا رنيت علي فارس
انا.لوطة انت
فارس.ااه
انا.نازلتلك هي
فارس.هيا
"صكرت ولبست عبايتي ووشاحي"
انا.بالسلامة تعالي غادي باهي
يوسف.حاضر تو نجي
انا.تسلم عليك
يوسف.من
انا.مروة
يوسف تنهد
انا.طمنها وطمني دوتكم هذك اليوم شن القصد بيها تبيها ولا ماتبيهش فهمني
يوسف.يصير خير ياحيو
انا.به براحتك ماتحكيش بالسلامة
يوسف.بالسلامة
"ونزلت لفارس ومعايا دبش يوسف خذاه مني حطه فالسيارة من لاورة وركب"
انا.قهرني
فارس.تو يزوز خليه ياخذ راحته ويعيش حريته دامنه عازب
انا.بس حرام هكي
فارس.لالا بالعكس حسيت جوه تمام ومتريح تركبيش على روحك
انا.زعمك
فارس.ااه صدقيني
انا.به
"وقعدت ساكتة لييين وصلنا نزلنا للحوش خشيت للدار بدلت ولبست روب بودري وحطيت ميكاب وخديت الحبه محوتك بيش بلعتها وطلعت للمطبخ شربت عصير ورديت للدار لقيته مبدل دبشه وطالع"
فارس.زمطتيها
انا.محوووتك
فارس.ههههههه
اناا.حط علي فلم سمح علي ماولعت عالدبش
فارس.به هي
انا.فكني من الرعب سامط
فارس.به
"وخشيت للحمام ولعت عالدبش وطلعتله فالصاله قعمزت واتكيت على صدره"
فارس.في بنه غريبة
انا.شنو
فارس.بنتك تايت
انا.هههههه تدوي جد
فارس.والله بنتك منضفات
انا.اكيدة علقن فيا من الحمام
فارس.امتى بتطلعي منه هوس النظافة هذا
انا.مشكلة هذا كله وامك تقول عليا بايرة
فارس.انت مش فاهمة أصلك امي شن قصتها
انا.شن قصتها
فارس.فوتي توا وخلينا نتفرجوا
انا.امممم به
"وسكتنا قعدنا نتفرجوا"
#عند_سهى
عدت للجامعة زي العادة وحطها عليي لانها سيارتها خاربة حضرت محاضرتها وفالمرواح رنت على علي يروح بيها وقعدت ترجا فيه جاها خليفة
خليفة.عبرنا يالسمح
سهى جت بتمشي
خليفة.اسمعي هنا وبحتي فيا مش كان ازوزتي خلاص،لا ياماما ان خليفة والي نبيها نديرها فاهمه ولالا تطلعي معايا وغصبا عنك ولا والله نفضحك فالجامعة كلها وخلي راجلك ينفعك وقتها تعالي بالطيب احسن
سهى.حرام علييك شنو هذا خاف ربي
خليفة.كنك ماخفتيه وقت كلمتيني
سهى.حسبتك راجل وكلمتك
خليفة.وغصبا عنك راجل ها ياسمحة خلصينا امتى تجيني
سهى.مستحييييل تحلم انت نقتل روحي ولا نديرها"وجت بتعدي"
خليفة مسكها من يدها وبرمها.بحتي فيا لما ندويلك
سهى.اطلقني
خليفة هزها.انا الي نبيها ناخدها فاهمه ولالا تعاندينش
"سهى كرت يدها وعدت وسيباته رن نقالها"
علي.هيا حبيبتي انا برة
سهى.تمام به
"وطلعتله ركبت للسيارة"
سهى.مسرع ماجيت
علي.قريب كنت نقيم في حوش واحد هنا
سهى.اهااا
علي.كنك
سهى.كني
علي.وجك حمر ومرتبكة ويديك يرعشن شن في
سهى.لا شي انت تيالك
علي.احكي شن في حتى امس نفس الحالة
سهى.مافي شي والله من الشمس وجي بلكي
علي.اممم به
سهى.ورعشة يديا ممكن هبوط اصلى حتى راسي يوجع
علي.كولي كويس باهي انت فاطنلك حتى فطور تفطريش
سهى.تو نفطر تنزل تغدى
علي.لالا نرد للعمل والساعه2 نروح
سهى.تمام به ربي يوفقك
"ونزلت للحوش وهي مرتبكه وخايفه مش عارفة تحكيله هل يتقبل القصه او لا ولاماتحكيلش وتدسها كانت مرتبكة بكل خشت بتدير الغدا حرقت روحها بالمية الساخنة وهي تدير كملاته وقعمزت تبكي وبطنها توجع فيها من الخوف على خشت علي"
خش دورها فالحوش لقاها فدار المعيشه تبكي
علي.كنك
سهى.شي شي"ومسحت دموعها"
علي قعمز يلاها.كنك حبيبتي شن في
سهى.حرقت يدي بس تشغلش روحك.
علي.واضح في سبب تاني احكيه شنو من لما روحتي وانت مرتبكة هك.
سهى.علي انا زماااان يعني قبل ماننخطبلك وهكي
علي.اها
سهى.بنحكيلك بس والنبي اهدى وارجاني نين نكمل
علي.احكي شن في كنك
سهى.نا كنت دايرة علاقة مع واحد اسمه خليفة معايا فالدفعه ولما تعاركنه وسيبته جن امك واختك يخطبن فيا وافقت عشان نقهره، بس بعدها حبيتك بجد وحبيت كل شي فيك ونسيته لكن هوا توا رد ويدويلي ويلحق فيا يبيش يخليني في حالي.
علي كان يبحت فيها ومفنص.انت كيف دسيتي عليا هذا كله
سهى.خفت نحكيلك تسيبني
علي.وعاساس توا مش حنسيبك يعني سهى انت
#يتبع...
ادعولي شهادتي الخميس❤
