حكاية حياة
............ .. ........ ..... ...... .. . ...... .... . ... . ..... . . . ...... .. ...
انا.فارس بنسألك
فارس.شنو
انا.لما كنت متزوجة مجدي
فارس.حياة ام السيرة المعفنه هذي معش تجيبيها
انا انصدمت من ردة فعله.كنك
فارس.ماتدويليش علي ايام زيزتك بكل
انا.كنت بنسالك بس
فارس.فوتي
انا.كنت انته اللي عالشط ومتع السيارة ورانا
فارس.ااه غيري السيرة
انا.عليش لحقتنا
"فارس صكر عليا"
انا.عليك قصه هذا كنه صكر
رديت رنيت عليه صكر عليا دزيتله نحكي معاك ليش صكرت
انا.تو ماهو حكالي علي علاقته بوداد
رديت رنيت عليه اخرى
فارس.نعم
انا.كنك صكرت
فارس.بتفتحي سيرة مانبيش ندوي فيها
انا.سؤال نبيك تجاوبه كنت وخلاص عليش لحقتنا
فارس نت فيا.قلنا غيري السيرة
فجعتني نته جت قوية قعدت نبكي
فارس صوته وطا.ييي ياحيو عليش تبكي
انا.كنك تهزب انته
فارس.مانهزبش عصبتيني بس
انا.ماتعصبش عليا نحبش حد يعصب عليا بعدين ماهو تدويلي علي وداد ونموت ميت موتة من غيرتي ونسكت عادي ليش لما جيت بنسالك بس درت هذا كله
فارس.انا لما ندوي عوداد حسيتك عادي كنتش نحسابك تغاري وانا نغار نحبش تدوي عليه فوتي ياحيو
انا.به
فارس.معش تبكي كان كل مرة بنعصب فيها بتبكي يكمل عمرك دموع راه نحبش نبكيك وانت عارفة اني عصبي
انا.مانتنش فيا وتقولي ماتبكيش انا حتى خوتي ماينتوش فيا
فارس.حاضر ياستي والله ماننت ياطفلة
انا.ياسامط
فارس.ههههههه قستيه القفطان
انا.اه لالا قستش
فارس.شن بتديري بكرة
انا.بنوتي حاجت الحفلة كنه عليش
فارس.نسال بس
انا.فارس
فارس.ياعيونه
انا.هدرز اي حاجه ملل
فارس.زي شنو مثلا
انا.احكيلي عليك وانته صغير
فارس.اممممم كنت صايع للصراحة فالثانوي بس عقلت في سنه سادسة درت علاقة ببنت جيرانه مسكني باتي نبوس فيها تحت دروجنا
انا.هيييييه طيح سعدك
فارس.اه والله بس تعرفي ركني طريحة مستحيل ننساها
انا.في سادسة ياعديم الانسانية البنت كم عمرها
فارس معايا فالفصل
انا.هييييييه كبيرة تفهم
فارس.تي اااه
انا.طحت من عيني
فارس.ههههههه عاساس ماكانش عندكك هكي ولا هكي انت
انا.لالا صح طول عمري في مدرسة مختلطه بس يوسف معايا وكل حاجتي معاه حتى فالفطور نقعد معاه هوا واصحابه وفالاعدادي نجيه عالسريع ناخد حاجاتي ونعدي واخر سنتين الثانوي بس طلع هوا من المدرسة وانا وقتهااا"وخنقتني العبرة"
فارس.وبعدها فالجامعه
انا.لالا الجامعه وقتها كنت مش فاضيه حضرتك متربع في قلبي كانشي بعد ترد ندير وجيج
فارس.لا كلا الجامعه فوتيها
انا.فايتتها نين بلكي يبدو يقروا نلحق معاهم
فارس.لالا حتى كان بدوا يقروا خطف ووجيج وطلوع وخشوش وقصه
انا.بس كيف هكي
فارس.ااه ياحيو عاد بهدله هكي
انا.زعمك
فارس.اااه وشن اخرى
انا. احكيلي انته فالجامعه
فارس.طبعا قريت كمجرد تمشاي وقت وبيش تقعد عندي شهادة بس الا فالحقيقه انا معتمد عالعمل فالعمل الحر
انا.يعني
فارس.توا عندي مطعم فاتح فال$$$وززار فال$$$$وهكي يعني اعمال حرة مأجرهن ونشرف عليهن ومشاريع وهكي
انا.اهااا وشن شهادتك
فارس.اقتصاد
انا.خلااص بنرقد تعبت
فارس تصبحي علي خير ياقلبي
انا.انته من اهل الخير
"صكرت منه وحسيت بضيقه في قلبي طلعت للصاله بحتت في دار يوسف القيته راقد بدبشه مسكين فقد فيها الثقه مرايف عليها لكن حاس انها ممكن تطعنه مرة اخرى خويا مايسامحش بكل"
بحتت في علي لقيته يكلم في سهى ويغالب فالنعاس وجيسي راقدة علي بطنه خشيت للدار هوا سكت قدمت خديتها وطلعت وانا ساكته للصاله خديت نقالي رنيت علي بنت عمي
انا.الو
نسرين.الو
انا.بيش تجن بكرة تساعدني
نسرين.اااه قاللنا بابا فاتحتك الجمعه
انا.بتجن مه
نسرين.انا وأحلام جايات ااه وماما
انا.تمام به وعميمة وفاطمه
نسرين.جايات قلتلهن
انا.نجك ياخيا انا والله مش عارف كيف نسيت نكلمكن
نسرين.طول عمرك عبيطه وتعرفيش فالمناسبات
انا.هههههههه باي
نسرين.باي
جيت نبي نصكر سمعت امها تدويلها
نسرين.هذي حيو تو كيف كلمت بيش تجن بكرة هذا وين اذكرتنه
امها.مسكينه عاد لاام لا اخت تجري بروحها لهت
نسرين.بكل توجع
امها.عمتك قالتلي نباتوا معاها من بكرة والبيان والسبت نروحوا
نسرين.عليش مش عرسها هوا بيان
امها.تبي من يساعدها مهما كان وتبي عاقلة تصبي عليها وتشور
نسرين.مفروض من قبل
امها.شن نديرو وعلي مارنش الا اليوم الصبح عاد
نسرين.يلا فالفرح نعاونوها من البداية
"صكرت النقال وخدين جيسي وخشيت بيها لداري قعدت حاطتها في كتري ونمشي بيدي عليها استغفر الله مضايقه هكي حاسة بضيقة ياربي فرج عليا حطيتها في قفصها وصبيت توضيت وصليت وخشيت رقدت
حلمت بأمي تبحت فيا وتقولي كنك ياحياة كنك يابنيتي شن فيك
نضت من الحلم مفجوعة ونبكي وحالتي حالة ماما كانت حاسة بيا وعارفه انا فيش نفكر وعارفة كمية التشتت اللي حاسة بيها والضغط كل اللي كنت نبيه اني نحضنها ونبكي نرقد علي كراعها وتمشطلي شعري في عز مانا نفكر
خش عليا يوسف يجري
انا.كنك
يوسف.انت اللي كنتي تبكي بصوت عالي وتعيطي ردت الحالة هذكي
انا.لالا كابوس رد ارقد
يوسف.اكيد
انا.ااه رد ارقد
يوسف.به تمام
"وطلع وانا صبيت صليت ورديت رقدت"
نضت تاني يوم نوعا ما متريحة
وتيت لخوتي الفطور افطروا
علي.خليك مع اختك اليوم
يوسف.عليش
انا.نبي نطلع نستلم الحاجات اللي عربنا فيهن
يوسف.اااه به تمام
"طلع علي من الحوش وانا مزلت في مكاني نفطر خشت هاجر"
انا.جوجو"وحضنتها"
هاجر.جايتك من الصبح نعاونك
انا.ميرسي ياقلبي بجد
هاجر.خوتك قاعدين
انا.يوسف فالمطبخ يفطر
هاجر.اه به
انا.شن نديروا باه حسي روحي حايرة
هاجر.تو تجي هدى ونبدوا فالشغل انت مع هدى حلوة وحاجات هكي وفالعشيه عدي للحناية وانا تو نوتي الحاجات كلهن والموالح والحاجات اللي فالفريز وهكي ونوتوا المربوعة نغيروا قعدتها وهكي بيش تتوسع وخلاص انت مش دايرة حاجة كبيرة
انا.تو يجن بنات عمي قالن بيجن تو يساعدنك
هاجر. باهي تمام قولي ليوسف يطلع يجيب الحاجات هي
انا.نعدي معاه
هاجر.لالا دزيه بروحه تتعرضيش للشمس اليوم بشرتك،
انا.به
طلعت للصاله
انا.يوسف عدي للمحلات اللي حجزنا فيهن وجيب الحاجات
يوسف.عدي معايا نعديش بروحي
انا.لالا بروحك
يوسف.نعرفش فيهن الحاجات هذين تعالي معايا
"هاجر طلعت من الدار"
هاجر.عليك طروح كسر رقبة صدقت هدى اللي تقول بلبول عدي للمحلين مدلهم لورقة واستلم السطول شن الواعر فالموضوع ماهيش ذرة ولا عملية
يوسف.😳😲كنها والعة هذي
انا.مزطتها اشر مني
يوسف.باهي هاتي الاوراق لكن مادخنيش كان تلخبطن
هاجر.تي راك بتستلم وكال مش اطفال من غرفة ولادة خايفهم يتلخبطوا
انا.ههههههههههههههه
يوسف.عليك جالطه ازح
"وطلع من الحوش"
انا.طيح سعدك
هاجر.مزط كبدي
انا.هههههههه
هاجر.حس الباب يدق
"وطلعت فتحت لقيتها هدى جايبه معاها طبق حلويات"
انا.خير خير"وطبست شمرت اسو وبستها"حبيبت عميمة وينك لاتجي لاتدوي
هدى.والله الا قلة فضوة وبعدين حسيتك تبيليش خلطة
انا.امتى قلت نبيلكش خلطه
"وخشينا حطت الطبق فالكوجينه وطلعت"
هدى.كم مرة نرن ماترديش وبعدها طلعتي للسوق وماقلتيش اطلعي معايا حسيتك تبينيش يعني
انا.ياهدى انت تيالك راه بالنسبه للتليفون انا لانه فيه استاكه فالمكالمات الفائتة وهكي وكلا طلعات السوق مرة مع يوسف حجزت الحاجات ومرة مع فارس شريت القفطان
هدى.غريبة فارس كم مرة يرن علي يوسف يقوله تعال نبيك يقول مطلع حيو للسوق تشري في حاجة الحفله
انا.هههههه تنبال يبيش يطلع من المحل
هدى.اسفه والله
انا.لالا عادي والله انا عادتك زي خيتي الكبيرة واستغربت اللي ماجيتيش ساعدتيني وهكي
هاجر.لعند امتى الدوة هذي كمل نص اليوم
هدى.استلمي انت من يوسف وانا نشوف حيو
انا.شن نندير
هدى.دايرة حلوة
انا.ااه
هدى.خلاص معناته قعمزي نبدو فالفتله
انا.😭😭😭😭
هدى.ههههههههههه
"وشويه ودق الباب طلعت انا واسو نفتحوا"
يوسف.اووو المشفشفات الاثنين التمن
انا.جبتهن
يوسف.اااه
انا.نزلهن هي
"وبده يوسف ينزل وانا نحط فالقوراج نين حطيتهن كلهن برمت لقيت اسو حالة سطل البيتزا وتاكل"
انا.طح سعدك يامهلوعة
اسو.نمحه هي
انا.باهي اللي جايبه بالزايد
اسو.نبو ثكلاته
انا.تبي عينك
اسو.نبي ثكلاااااااتااااااااااا"وبدت تعيط"
يوسف.سكتيها كنها
اسو.ثكلاتااااا
يوسف.عدي ياعمو تحت سرير عمتك في باكوين كندر زيطي فيهن
"صبت اسو تجري"
انا.تعالي هنا يامشدقه ابتاعي هذين
يوسف.عيلة ازح كلا انت
انا.هههههههه خلاص عدي هي
يوسف.به
هوا جا بيطلع ودرست سيارة عيت عمي ومعاهم عمتي نزلن كلهن وخشن يسلمن وفود😂
خشيت جوة القيت الحوش مقلوب هدى تسيح في شمعة وهاجر تنكت فالمربوعة وعمتي فاتحه الفريز
عميمة.وين لوزك
انا.قصدك للرز بالخلطه
عميمة.اااه
انا.فالتلاجه محطوط ومقلي راه شريته
عميمة.قصدك كل حاجه واتيه
انا.اااه حتى الزبيب شريته مقلي
ونسرين علقت الاذاعه وولعن اغاني
عميمة باهي معناته هاتي شوال رز ننقوه هي
انا.فالجنان قاعد
"طلعت عميمة ومرات عمي وانا قعدت البنات جابن سفرة وعرم سفناري وبدن فالسلاطات
انا.راهو حاجزة واتي
نسرين.شن حاجزة واتي
انا.سلطه البابايا وسلطة المشروم
نسرين.خلاص معناته الجزر المبشور وبابا غنوج وحمص نديرو
انا.ههههههه به
أحلام.جبتي شكلاطه تقديم
انا.ااه فوق الدولاب قاعدة
احلام.شن شكلها
انا.الصفرة
احلام.هاتيها باهي نزينوها بشريطه
انا.في شرائط صفر شرتهن هاجر لما طلعنا
احلام.تمام
وخدت المثرد وشريط وبدت تلصق وانا نبحت فيهن جوهن يهبل
هدى.هيا ياحنه كان بنبدا فيك
انا.جيتك هي
وبدت فيا هدى وهنه يشتغلن ويوتن
فاطمه.شن العصير
انا.حجزت في راني مع الشكلاطه وقزوزة مع المووالح
فاطمه.وينهن باه
انا.فالقوراج خششتهنش ثقال
فاطمه.عندك ستيكرات
انا.اااه شريتهن انا وهاجر لما طلعنا
هاجر.مش قتلك نستحقولهن
نسرين.هههههههه
انا.توقعتش تبن تجن ونديروا اصلا
نسرين.نسيبوك بروحك ياهبله
انا قعدت نبكي.
نسرين.صدق يوسف اللي يقول دراما
هاجر.بكل تي عليش تبكي
انا.هكي تهبلن والله
هدى حطت الشمعه علي خدي وحولتها بسرعه.اااااه
هدى.هههههههه كملي بكاك توا هي
انا.ههههههههه
"وهكي كمل اليوم هدى استلمتني من اظافري لعند وجهي وجسمي وكل شي والبنات اللي توتي واللي تدير نيييين كملنا كلنا فالعشيه"
هاجر.عندكم دربوكة
نسرين.ههههههههه في اااه في دار عميمة عيشه فوق الدولاب
انا.لالا فوتن عيب
عميمة.عليش عيب جيبيها يانسرين
مرات عمي.لايابتي راهي مطلقه ماهيش اول زيزة
عميمة.مش اول وحدة تطلق عادي يعني
مرات عمي.بالحق ياحيو عليش اطلقتي
انا.اه اصله"سكتت لانهم من قبل لما علموها امي كانت تقوللهم زعلة وبيردوا ولما توفت ماما مشن ايام العزا ومحد دقق وكل ما يسالوني نتهرب نبكي اي حاجه لكن توا فش مهرب"
هدى.ماهو طلع متزوز
عميمة.هيييييه
هدى.مزوز اجنبيه من بره
عميمة.يابتي
مرات عمي.وكان صبرتي عليه شن فيها وكان مزوز
عميمة.لا من اولها كذب عليش طز فيه
هاجر جابت الدربوكة.يديكم هي
"وبده الجو"
هاجر.يامبروك علي غاليتي ياقوالة مرحب جيتي
عميمة.ياهذا اليوم تنميته طلبت العالي ولقيته
مرات عمي.ياهذا اليوم عليه ندور هذا اليوم ربيع منور
نسرين.حصلتي فارس متسمي لا تشكي لاتقولي يمي
هاجر.حصلتيه جدع ياريما حصلتي سمح التبسيما
عميمة.يابنية كان جيتي لامك مشكورة ماوالي يذمك
مرات عمي.ايوالله ايوالله
"احلام صبت ترقص"
هاجر.والعيله مشوشة تشويش العيله تبي طرف حشيش
نسرين.ولعت ياحي عليها ولعت ويش يطفيها
فاطمه.ولعت ولعت ولعت ولعت ماعاد طفت
حي حييي حي حييي حيييي
كان جوهن يهبل انسجمت معاهن
عميمة.ارجو اقلبو شوي نغنوا غرباوي لي زمان عليه
مرات عمي.ويالابسة القبقاب طقة طقة
البنات.هييييي هيييييي
عميمة.خفي على الزليز دافع حقه
البنات.هيييييه هييييييييه
هاجر.ياواقفه عالبير شن قلتيله
البنات.هييييييه هيييييه
هاجر.هوا وقف وانت تبسمتيله
البنات.هيييييه هيييييي
و ياليل برة برة يانهار تعالى تعالى ياليل برة برة يانهار تعالى تعالى
هاجر نطت.فاضيين ونبو رجالة
نسرين تعيط.ووووووك
هاجر.ههههههههه
احلام.عنجدك مش غييير
انا.طيح سعدكن انتن مزلتن تدون هكي فارس قاللي تقعديش مع بنات يدون هكي
هاجر.ااه خايف علي اخلاقك هههههههه
انا.هههههههههههه
عميمة.هههههههههههه صبي هي كان بتعدي تحني
انا.من تعدي معايا
هاجر.مش انا
نسرين.نحبش بنتها
فاطمه.قلتش لبابا
احلام.حسين يخلينيش
هدى.بنعدي معاك بنقول لسالم بيقولي حني
انا.وحني
هدى اهمستلي.والاثار علي رقبتي كيف نحولهن فالصبح خوك ينكلب لما نحني
انا.ههههههههه هي بس
هدى.هي نقوله بس
هدى.الو
سالم.الو
هدى.نعدي مع حيو للحناية باهي
سالم.تمام لكن حني معاها
هدى.لالا عليش
سالم.حني سمحه عليك والله
هدى.امممممم به
سالم.معاك فلوس مه
هدى.اااه معايا
سالم.تمام"صكرت"
هدى.هي
"وطلعت نا وياها ليوسف فالسيارة شالنا للحناية"
الحناية.شنو
انا.حنه غصن رفييييع علي يدية الاثنين بس
الحناية.تمام وانت
هدى.لالا حنة مدامات نبي
الحناية.اوكي انت ننقشلك عالسريع وبعدها نبدوا فيك انت
"وبدت فيا خدتش نص ساعه الا وهي مكملة وقعدت نرجى فيها تصبغ وهدى عدت معاها للدار الاخرى بيش تقعمز وبدت تحني لكن قعدت مش حاسة بروحي جلدي يحك ومش لاقية نفس وبعدها معش شفت ضي بككل
#بعد_فترة
نضت فالمستشفى بحتت لقيت فارس ويوسف مصبيين بحتت في يديه لقيت الحنه صابغة فيهن سووودة
فارس يبحت فيا.وعيتي
انا.اااه نضت
يوسف.تو عليك هبال حنه حاطات فيها بنزينه
فارس.مش عارف كنكن
انا.وين هدى
يوسف.لا هذكي مصارلها شي روحت للحوش بحنتها وانت قريب متي ودارولك نفس صناعي
انا.المهم صبغت وماتشوهتش خلاص ساهله بنروح
فارس.صبي هي
"وصبيت من السرير نزلت كنت لابسه عباية ووشاح"
طلعت مع يوسف ركبت لسيارته وفارس ركب سيارته.
انا.شن جابه فارس
يوسف.الحناية لما اغمى عليك طلعت نقالك ورنت عليه
انا.اااه كنها مقالت لهدى
يوسف.وين نندري اساليها
انا.الساعه كم
يوسف.2فالليل
انا.هييييييه
يوسف.اااه من بدري ونحنه معاك فالمستشفى
انا.نحسابها المغرب ولا العشا
يوسف.لالا طولنا بكل
"وصلنا للحوش وخشينا يوسف للمربوعة وعلي كان راقد فيها طلعلي"
علي.حمدالله على سلامتك
انا تحشمت وتخزرطت عالاخر.الله يسلمك
علي.خشي ارقدي وتريحي وكان حسيتي بضيقه نفس قولي مش تسكتي البنزينه مش ساهله
انا.به تمام
"وخشيت للحوش جوه"
هدى.ناعليا حمدالله عالسلامه
انا.الله يسلمكن
هدى.كله من الحناية الغبية حاطه بنزينه حسيتها اصلا
انا.عادي عادي
هدى.المهم انت كويسه
انا.طشة ضيق نفس كنكم مكبرين القصه
هدى.تمام به
انا.شن كملتوا الحاجات
هدى.اااه كملن كل شي
انا.يعطيكن الصحه والله ماننسى تصبايتكن معايا
هدى.خشي تريحي هي
انا.تمام
وخشيت لقيتهن مفرشات اللي راقدة واللي بترقد
نسرين.حيو كويسه
انا.ااه
نسرين.يوسف قاللنا كويسه غير المستشفى يبالغو
انا.اااه الحمدلله
نسرين.باهي كويس
"خشيت للدار اطوحت عالسرير ومعش حسيت بالوقت ولا الزمان ومعش حسيت بشيييييييي
#يتبع
