اسفه على تاخير كنت مشغولة
#حكاية_حياة
#بعد_4شهور
وداد.حبيبي
فارس.نعم
وداد.الحوش ناقصه مونة وحاجات.واجد
فارس.شنو وشنو
وداد.كتبتهن لكي في ورقة عالتلاجه
فارس.اوكي به تو نطلع نجيبهن حركه من مكانك لا ااه سمعتي الدكتورة
وداد.حنبقى في مكاني حاضر
فارس.تمام"وباسها علي خدها وطلع"
عدى للسوبر ماركت وقعد ياخد فالحاجات سمع صوت انفجار قريب سيب السله وطلع يجري الدخاخين طالعات من جيهتهم معش شاف شي خمس دقايق وكان قدام الحوش القذيفه جايه فالدور التاني منه حل الباب وخش يجري كانت دارهم فالدور اللوطي خشلها لقاها طايحه والدم يلاها مغطي الدنيا
وداد تعيط وتبكي.فااارس
فارس.جيت حبيبتي جيت
وداد.بنموووت خلاص بنموووت بطني والوجع ااااه
"طبس عليها لفها بالفوطه وطلع يجري حطها فالسيارة فالكرسي القدامي وطاه لها وبده يجري وهوا ماسك يدها"
وداد.فارس
فارس.نعم
وداد.اوعدني بحاجه
فارس.شنو
وداد.لو متت
فارس.بعيد السو تقوليش هكي
وداد.لو متت ازوز البنت اللي صورها في تليفونك
فارس تلقائي.حياة
وداد.اها حياة
فارس.فكك منها توا
وداد.لو متت والنبي ازوزها كانهي مش مزوزة لانه حبك لها حرام هكي يريح
فارس.امتى علمتي بيها
وداد.مرة انته روحت مضايق بككل وخشيت تحت الدوش وطلعت تفرجت علي صورها وبكيت فطنتلك لكن مابيتش نخش خليتك خداك النوم وخليت النقال مفتوح تفرجت عالصور ومعاك الحق تحبها هكي سمحه بكل بعدين اكثر من مرة تقول في اسمها وانته راقد
فارس.ماتقوليش هكي توا انت حتعيشي ونعيش معاك حياة خلاص ماضي
وداد.اوعدني هذي وصيتي انك تنفذها
فارس قعد يبكي.حاضر بس ان شاء الله لا
وداد.حبيتك وحبيت كل شي فيك حتى حبك ليا اللي كنت ديما حاسه انه في وحدة مشاركتني فيه وانه ناقص لكن نحبه
فارس بحت في عيونها.انا صاح نحبها بس والله حتى انت نحبك ونحب طفولتك وجوك وكل شي ولي فترة تمرش علي بالي الا ذكرى
وداد ابتسمت.صاح
فارس.اااه"وباسها علي فمها باسها وعيونه كانو شلال دموع وعيونها كذلك في هذك الوقت مش بس شفايفهم تلاقن عيونهم والدموع تلاقن مع بعض واندمجن
"وصلو للمستشفى شمرها ونزل بيها يجري ماكانش حد فاضيلهم هذوم جرحى الجيش وهذوم مصابي القذيفه حطها علي سرير الطوارئ وطلع يجري للسيارة جاب مسدسه"
فارس.تعالو شوفوها ولا والله نفرغ في اللي قاعدين
جاته دكتورة نساء تجري بعد كلمنها صحباته شافتها وبعدين كلمت الممرضات وخدنها خشن بيها غرفة العمليات ماطولنش واجد ساعه وطلعن
فارس.ها شن صار
الدكتورة.عظم الله اجرك أستاذ المدام ضعيفه اصلا ونزفت واجد قدرتش تتحمل توفت والجنين اللي في بطنها كذلك لانه مزال صغير
فارس معش عرف شن يدير خشلها الغرفه وقعد مصبي يلاها ويبكي
وبعدها طلع من الغرفه ورن علي مروة وامه وهلي هل وداد وفي نص ساعه كانو كلهم ملتمين في حوش هل وداد لانه باتها حلف العزا يصير في حوشه
مروة تبكي.عظم الله اجرك فارس
فارس.اجرنا واجرك على الله
مروة.مسكينه ماتت صغيرة
فارس.قتلتها هالحرب السودة اللي لاخلت كبير لاصغير
مروة.ربي يعوضنا
"ومشن ايام العزا بنكدهن وزعلهن"
#يوم_الاربعين
ام فارس.فارس نبيك في موضوع
فارس.نعم
ام فارس.تبيش تزوز انته ولا كيف توا صكرنا الاربعين
فارس.فوتي الموضوع توا
ام فارس.توا بس لكن بعد تصكر شهرين بندورلك وحدة.كويسه راه
فارس.يصير خير
#عند_سالم
سالم.انا تو نطلع نجيب العمال وانت ابدي.جيبي الحاجات لميهن فالباكوات بيش يشيلوهن
هدى.جيب خواتي يساعدني
سالم.به تو نجيبهن هي
"وطلع سالم وشويه هكي وجابلها خواتها كانن 6"هاجر21/تسنيم19/حلا16/احلام14/فاطمه10/مودة9"
هدى.ايييواه ابدن فالترتيب هي
هاجر.كلمي حيو
هدى.لالا فوتي تو مرات تقول مكلمتني نحوسلها
هاجر.ههههههه مخوفتك ااه
هدى.تبي الحق اااه موقف بيني وبينها عمره ماصار لكن فارضه روحها وشخصيتها علينا كلنا حتى خوتها مش كيف خوتك اضرب عيط كسر وغير شن تبي مافيش بينها وبينهم الا الاحترام والله تخافي تغلطي فيها
هاجر.حرام عليك كم مرة نهدرز معاها كويسه
هدى.كويسه وتهبل لكن تخوف كلامها ديما لاه معاني وتحسيها قوية بكل
هاجر.بننزل نكلمها انا ياخوافه
"ونزلتلي هاجر تجري"
هاجر دقت الباب.اهلا
انا طلعت من الدار سلمت عليها.هجوري شن الجو
هاجر.تمام الحمدلله اركبي معانا
انا.وين
هاجر.نبو نلم دبش شقه هدى عشان بينتقلو وهكي وجايات البنات
انا.وكنها ماكلمتني؟ولا حتى قالت رانا بننتقلو
هاجر.😳والله خوك هو اللي امس كيف قاللها بننقلو
انا.اهااا
هاجر.هي تركبي
انا.نفطر بس
هاجر.باهي هي
"وركبت هاجر وشويه ولحقتها ولعنه الديجي وبدينه نلمو فالباكوات ونحطو فم الشقه كملنا جو العمال بدو يشيلو
سالم.هي انزلن كلكن اركبن فالسيارة بيش نستفوه اليوم
انا.بتسكن اليوم
سالم.لا اليوم بنروحو للحوش ونرقدو عندك لوطه وبكرة نيشلو حولي وجو ونستقرو غادي خلاص
انا.اهاا به
"ونزلت لبست عبايتي وطلعت معاهن ركبنا فالسيارة"
انا.اسو حبيبت عميمة تعالي معايا لاورة
هدى.لالا خليها تو تضيق عليك
هاجر بهمس.مخوفة اختي يالعطيبه
انا.هههههه والله مادايرتلها حاجه
هاجر.عارفتها هي خوافة
انا.ههههه بس يصير مني صبية واعرة وجو ااه
هاجر.مانحكيلك من نتت امبكري ابتاعت كنهها ماقالت
انا.والله ججت هكي قصدتهش
هاجر.هههههه عادي بالجو هي
فاطمه.شن توتون
هاجر.حاجات كبار
فاطمه.سخيفات يعني
انا غطيت وجهي بيديا وقعدت نحق في سالم كاتم الضحكه ووجه حمر وهاجر تضرب في فاطمه
انا.الله يفضحك
هاجر.ديما نقوللها وطي صوتك شي فضايحيه
انا.عادي عادي
"ووصلنا غادي وبدينه نستفو وكل حاجه نين طاح سعدنا"
في مكان تاني
---------
يوسف كان راقد في سريرة دق الباب
يوسف.ازح من اللي يدق وطلع فتح لقاه علي
علي دفه.خش جوا
يوسف.تي كنك اتدف
علي صبا في وسط الحوش.لعند امتى الحاله هذي
يوسف.حالة شنو
علي.المحل وسيبته وحوش هلك وقاطعته وعايش عيشه ماتنفعش بكل تي مكب.هذا مش شقه
يوسف.انا عاجبتني الحياة هذي
علي.اسمع انا مانعرفش المحل بكرة ينفتح ولا نقطع عليك المرتب ابتاعه ودور كيف تصرف وترد للحوش وبكرة سالم ماشي لفيلته الجديدة حتجي وتحضر معانا وتروح للحوش وتصالح اختك اللي تعبت نفسيتها وهي طول الليل تبكي وحالتها حاله غلطت مش اول واحد يغلط خلاص سامحها وانسا كلا طروح انا خسرت حب حياتي انا مكتأب وشويه وتدير البوم حزين وتكتب حرفها بشفرة علي يدك تبي تردلها مراتك بينك بينها وتعرفها كويسه ولالا تبيش تردلها كثر الله ماكثر الصبايا تو نقول لعمتي تخطبلك وخلاص راك سمطتها حتى اللي يسالني عليك نعرفش شن نقوله والله حزين عشان طلق مراته
يوسف.انته مش حاس بيا
علي.اوصفلي احساسك ياابو قلب كبير ها
يوسف.بطل مهتكه
علي.تي شن تبيني نديرلك انشف ازح
يوسف.باختصار شن تبي
علي.بكرة تفتح الدكان والعشيه تجي لفيلة سالم وتحضر معانى خشته وتصالح حياة
يوسف.هي اللي غالطه
علي.وجت اعتذرت وسمعتها كلام ماشاء الله عليه وانته عارف انك انته بالذات حياة تتحملش فيك شي
يوسف ساكت
علي.بكرة نرن عالمصري نلقاك فاتح اااه وتعدي معايا حوش سالم ودبشك يرد للحوش
يوسف.ولا
علي.تبيها بالتهديد انته يعني؟؟ولا ندزلك الدواعش ونقوللهم صايع ويحشش فالشقه ويجيب في صبايا وراهو جاسوس للجيش وكان طلعت منهم بحقها وانته عارفهم
يوسف يتأفف.
علي.يوسف بالعقل راك كبير خلاص رد لحياتك مش حاله هذي
يوسف.باهي به
علي.حترد ااه
يوسف.حاضر يصير خير لكن موضوع حياة.فوته
علي.اها نين تخش في حاله نفسيه ولا تكتأب ولاتقتل.روحها كيف ماحاولت هذك الليله بيش تتريح صاح
يوسف.مش بالغصب مزلت راقيلي منها
علي.باهي حاول معليش اخت وحدة وطول عمركم مع بعضكم
يوسف.يصير خير
علي طلع من الباب.وموضوع انك تدخن هذا جديد
يوسف.فشت غل
علي.كم لكي تدخن
يوسف.شهور
علي.يهديك ربي شن بنقولك الناس تضايق تعدي لربي وانته تضايق تعصيه وتدخن
يوسف.خلاص وانته اللي يسمعك يقول حقني نسكر
علي.كان خليتك اخرى راك درتها
يوسف.باهي يارا نزلت فيا خلاص
"طلع علي صكر الباب ويوسف خش للشقه"
#تاني_يوم
نضنا كلنا انا وهدى واسو وخوات هدى وسالم وعلي قال بيلحقنا فالعشيه
طلعناا لفيلة سالم
وجاب حوليين*خروفين*وبده يذبح ذبح الاول وجا وقت التاني هوا طبس والباب دق
سالم.حياة عدي انت حلي هذا اكيد علي جا
انا.مش قال.بيجي فالعشيه
سالم.تي عدي
انا.به به
"وطلعت عديت للباب فتحته كان يوسف"
فتحت الباب وقعدت متنحه بعدها عطيته بظهري وبديت نمشي بنخش الحوش خفت ندويله يكسفني
يوسف.حيوتي
وقفت مكاني وعيوني تعبن دموع مابيتش نبرم نسمع فيه يقدم قعدت جامدة نوخر عليه نكمل لقدام ونسيبه حتى انا مجروحة منه مش هوا بس اللي زعلان صبى يلايا كتف بكتف ويبحت قدامنا
يوسف.مش عارف من مفروض يعتذر
انا.بعد تعرف قولي"وجيت بنعدي مسكني من كتوفي وبرمني لاه"
يوسف.زعلانه يامشفشفه
انا قعدت نبي نبكي وماسكتها نبيش نضعف حتى انا راقيتلي ولو بكيت حتخرب
انا.ش.شش شن رايك
يوسف.رايي انه نحنه الاثنين غلطنا في حق بعضنا
قعدت نبكي.اسفه والله كنت ب*حضني*
يوسف.اششش خلاص خلينا ننسو
انا.بس في حاجه لازم نقولها انا لما رنيت عليك في الاردن
يوسف وخرني ومسك فمي.مزالت دوتك واجدة عارف خلاص انك رنيتي عليا بتقوليلي وكنت مريض اسكتي
انا ابتسمت ومحوتك دويت.اطلق فمي
يوسف.اطلقي ظهري
انا.لالا مزال"ورديت حضنته اخرى"
انا.عارف انك الوحيد اللي ممكن نضعف قدامه ونبكي ونحكي ليش هكي
يوسف.اسف والله ماعد نسيبك لكن كنت راقيتلي بس
انا.تو في حد طبيعي ترقاله مني انا
يوسف.مبدأيا ليس على المهبول حرج ولا مش عارف شن يقولو
انا وخرت.خطرها عالهبال
يوسف.شنو
انا.شن جابك بعد هذا كله
يوسف برم وانا معاه لقينه علي مصبي عالباب ويبحت فينا ورافع حاجبه ومتقزز
علي.ازح انتم الاثنين تقول كنتوا ممثلين خليجيين زمان
يوسف.تي اصلك ماعندكش مشاعر كان مهذا راك حسيت
علي.انا ماعنديش مشاعر
انا.لالا عنده لكن يطلعش فيهن لنه
يوسف بحت فيا بتبحيته خبيثه.لمن يطلعن اكيد تعرفي
انا.لسهى طبعا حييي كان نحكيلك عالمستشفى
علي،فنص.اين مستشفى
انا.وحدة ممرضه غادي صحبتي رنت عليا عارف شن قالتلي
يوسف.شنو
علي.تعرفي تسكتي ولانجيك
انا.جيبلي كندر
علي.العادة السامطه ابتاعك
يوسف.ههههههههه انا نجيبلك واحكيلي
انا.كانت سهى يناري في غيبوبة ولمما ناااضت
علي.اسكتي "وجا قدملي"
يوسف.تي ادوي قهرتيني
انا.قاااا للهاااا ااااا
علي جاني يجري وانا بديت نجري ويوسف يجري ورانا
يوسف.تي ادوي
علي.نذبحك بعدها
انا ندوي وداهشه.تي اوكي ياداعش
"نين وصلنا فيهم في الجنان من لاورة وقفنا كلنا بسرعه انا قعدت مصبيه داهشه ويوسف يضحك وعلي دار روحه يدور في حاجه في جيوبه بيش مايبانش انه كان يجري
سالم.كنكم جيتو هكي انتم اوووو يوسف جيت
يوسف.اهو نقدرش نفوت شوايات وقالو هدى دايرة السلاطه السامطه ابتاع الكوسة هذاه معقوله نغيب
هدى.وكنها اسلاطة الكوسه تهبببل
يوسف.كنها شي
انا بهمس.كأنها عيل عنده اسهال بس
"وسمعنا علي بده يضحك ونحنه الاثنين نضحكو تمنيت ماما قاعدة تشوفنا ونحنه هكي لنا فترة ماالتمينا وضحكنا ولعبنا"
علي.تبي كيندر
انا.لالا شكراً
سالم.حيو ترفض كيندر شن السر
انا.لا ماهو في رواية اسمها المستشفى بنحكيها لكم
سالم.شن دخل هذي في هذي
انا.تو تعرف بعدين
علي.تعرفي لو ماتسكتي يصير فيها كلام تاني
انا.هفففففف به
يوسف.خلاص خوات هدى يبحتن فينا يحسابنا متخلفين
علي.بالنسبه لكي انته وحياة الكلام حقيقي اصلاً
يوسف.تي عدي ياابتاع سهى
علي رفع حاجبه.انا اللي كنت دافن روحي فالشقه صاح
يوسف.باه خلاص فوت الموضوع توا
سالم كان مقعمز عالشواية يشوي.وحق ربي متخلفين"وبحت في خوات سهى اللي كانن مقعمزات جنب بعضهن"فوتنهم راهم ديما هك
هدى.هههههههههههه
"جيت قعمزت يلا هاجر ويوسف وعلي عدو لسالم اللي يشوي واللي يقطع"
هاجر.الطرف اللي معاك شن موضوعه😎
انا.محجوز نوعا ما😟
هاجر.كيف😶
انا.مزوز ومطلق
هاجر.هيييه صغير
انا.لا ماهو فاتحه وبعدين صار قصه طلقها
هاجر.باهي مش مشكله شوفيه لنا
انا.لالا يابتي مراته صحبتي وبنردهم لبعضهم
هاجر.اوف ديما الطروف موخودين ونحصلو غير اللي روسهم طروف جبنه😐
انا.ههههههههههه حلوة هذي😂
هاجر.كان مش عارفه هدى تهنينيش راه خديت سالم😂
انا.ههههههههههههه راجل اختك
هاجر.شن نديرلك كان امك مادارتش فينا خير علي طرف نين يقتل وسالم اشر منه ويوسف حييييييه عليا
انا.بت احترمي نفسك😒
هاجر.ههههههههههه باهي خلاص
انا عديت يلا يوسف كان يقطع
يوسف.الطرف اللي تضحك فاضيه
انا.وطي عيونك
يوسف.عليش ازح
انا.مروة كنها
يوسف.مروة انتهت وانهي الموضوع خلاص
انا.يوسف حرام عليك
يوسف.خلاص ياحياة
انا.حندوو بعدين فالموضوع مش توا
يوسف.نبيش ندوي
انا.مش بعناد هي
"وعديت لهاجر وقعدنا نهدرزو ليييين العشيه جت ام هدى وباتها وقعدو معانا"
ام هدى.حياة هديوة قالتلي تطلقتي
انا.اها😧
ام هدى.عندي قريبي مراته توفت وسيبتله تلات عيال
انا.اها
ام هدى.وهو يدور في وحدة وهكي يعني ليش ماتشوفيه
انا.نزوزه يعني
ام هدى.اها انت فكري فالموضوع ولو عجبك حندوي لخوك سالم ونجو نخطبوك رسمي
انا.يصير خير
ام هدى.كنك حسيتك عجبكش الكلام
انا.لالا عادي لكن لاني مش مفكرة فالزواج توا
ام هدى.ليش يابنيتي
انا.هكي خلاص
ام هدى.انا عديني كيف امك وانت يابنيتي مانك صغيرة توا كبيرة وتفهمي خوك سالم وطلع من الشقه وخوك علي لاهي في عمله وهدى قالتلي انه خاطب وعرسه قريب ومراته بتسكن معاك فالحوش وراهو مهما كانت كويسه محتى بتكون زي امك واختك اكيد حتقعدن في مشاكل ونقاير وبتضايقك وراهو اختك اختك لين تموت وخوك خوك لين يزوز يعني علي كان صبى مرة معاك عشرين مع مراته فسلم بنيتي فكري كويس
انا قعدت ساكته كلامها كله صحح وانا عارفته لكن نماطل ونفوت
ام هدى.انا نضغطش عليك وراهو الراجل كويس وطيب وماشاء الله عليه وانت شوفي جوك
انا.ادوي لسالم وتو نقوله يسألو عليه
ام هدى.صاااح فرحتيني والله سلم بنيتي
انا.😊😊"مش عارف ليش جا في بالي فارس زعمك كنت حاطهةفي بالي انه يزوزني بعد وفاة مراته استغفر الله عليك تفكير حقير بعدين بعد اللي صار بين يوسف واخته مستحيييل"
#وفالليل روحن ام هدى وباتها والبنات وبقينه نحنه بس.
علي.انا طالع للدكان لازم نجرد مع المصري قبل لانروح حياة يوسف تو يروح بيك
انا.تمام بكككل
سالم.كلا انا بنخش نرقد لاني طايح من التعب
"خش سالم للدار وهدى حطت اسو في.دارها رقدتها وجتني"
انا.هيا يايوسف نبي نعدي خلاص
يوسف.صبي للسيارة هي
هدى..خليكم نتعشوا
انا.لالا شكرا ومبروك عليكم الحوش حبيبتي "وزلفتلها 100جنيه😭"
هدى.خليهن يابتي
انا.لا ولا حاجة هذين حق تحفه ولاحاجه سمحه للحوش
هدى.😃😃😃
"وطلعت للسيارة"
يوسف.قلبك طلع معاهن
انا.والله هذين اخر حاجه فضلت معايا
يوسف.مامعاكش بكل قصدك
انا.لا منفضه
يوسف.هو حتى انا اشر منك لاني كنت فايت المحل اصبري لبداية الشهر
انا.لا عادي تبي تروح معايا للحوش اه
يوسف.لالا بنحطك ونعدي للشقه
انا برمت عليه.يوسف عاااد والنبي رد للحوش بطل سماطه
يوسف.لالا فوتي
انا.نبيش نقعد فيه بروحي حتى عيت سالم عدو والله نقعد نذكر في ماما وكل حاجه ونبكي جو شين وعلي قال بيجرد يعني حيروح متأخر خليك معايا نين يروح علي بس"وقعدت نبكي"
يوسف.تي.عليش تبكي نبصر معاك والله بنرد خلاص
انا مسحت عيوني.صاح
يوسف.ااه والله'ووقف عالدكان نزل جاب شوكلاطات وحاجات وهكي وركب"
"وصلنا للحوش نزلت وهو لحقني خشين قعمزنا في وسط الحوش بدلت لبست توته،وطلعت قعمزت معاه
انا.وين الكندر
يوسف.اهو
انا.ايواه"وفتحته كليتها"عليش تبيش ترد مروة
يوسف.حيو صكري الموضوع
انا تربعت.لالا مش مصكرته نبي سبب مقنع خلاص مش سامحتني سامحها حتى هي
يوسف.فرق كبير بينك وبينها
انا.شن الفرق انا اللي دسيت وحلفتها تدويش وكل شي ومسكينه صبت معايا،حرام عليك يوسف تبقاش قلبك اسود
يوسف.انت كنت خايفه ومتحشمه وكنت بتدويلي ومقدرتش وسامحتك لانك اختي ونقدرش نقاطعك طول عمري لكن مروة اكثر من ميييت مرة محلفها اذا كانت تعرف شن المضايقك وتقول نعرفش هذي دست عليا حاجه هكي معناته لقدام ونحنه متزوجين وين نندري عليها شن تدس
انا.بس حتى هي تعلمت من غلطها متأكدة مستحيل تدس عليك حاجه تانيه خلاص يايوسف انتم حب سنتين ومعاها تنهيش كل شي
يوسف.لو تحبني راهي مادستش حاجه هكي
انا.انته تبيش تقتنع صاح
يوسف.بالظظبط نبيش قرار وخديته خلاص
انا.حرام عليك والله تعشم فيك هيا
يوسف.غيري الموضوع خلاص
انا.بس
يوسف.خلاص ازح تو نعدي نبات فالشقه ونريحك من وجي
انا.عناد"وصبيت للكوجينه جبت صونيه"
حطيت فيها الشبس وقعدت ناكل وهوا عالفيس
يوسف.شن اسمها البنت هذكي
انا.اين
يوسف.اللي تضحك جنبك
انا.اهاا هاجر كنها
يوسف.شن اسم اكاونتها
انا.عليييش!
يوسف.بنضيفها عليش يعني
انا برمت عليه.مزلت ضايفها مروة
يوسف.ارجي شويه"وبحث عليها"اها قاعدة
انا.عمرك ماضفت بنات غيرها تبداش تقهر فيها
يوسف.مافش بيني وبينها شي عليش بتنقهر
انا.انته قلبك حجر شكلك
يوسف.لما نكره نكره للعمق ولما نحب نحب للعمق
انا.بس اللي يحب يسامح ويغفر ويتفهم
يوسف.بس مايخونش ومايكذبش
انا.الدوة معاك عبث
يوسف.خلاص اسكتي وخلينا نتفرجو
انا.به😐
#بعد_اسبوعين
سالم.انا سألت عليه الراجل ياحياة والحق ماشاء الله عليه
انا.كويس يعني
سالم.ممتاز بكل
انا.بس يعني
سالم.بس شنو في حاجه
انا.لا بس
سالم.موافقه براحتك رافضه فش مشكله
انا.
#يتبع
......................................................
