حكاية حياة

الجزء الثاني

صبايا راهو طلعتلي ناقصه مش كاملة الحلقة و ما يخرج نزلتلكم هدا لين ينزلي الباقي و نزله أهنئ منبيش نخليكم تستنو

#حكاية_حياة
75 والاخيرة💔اقروا بالشوية😭مش هاين عليا نكتب اخر حلقة والله💔😭😭😭😭اقروا كل حرف برووووحه مادابيكم تقسموها على 3ايام.
$$$$$$
علي.فارس اطلع بره
فارس وكلنا انصدمنا من كلمة علي انا دغري عرفته مزال مصمم على موضوع ان يبينش نرد
فارس طلع وعلي في جرته
علي.انا شن قتلك؟قتلك اختي تبعد عنها صاح
فارس.بس انا نبيها!
علي.مادامك تبيها
"وضربه بوني بس يعتبر خفيف"
علي.هذا الكف الي عطيته لها هذك اليوم ومزال قاهرني ياامسخ
فارس بحت فيه ومستغرب
علي.خلاص مش تبيها؟روح بيها معاك لكن اسمع من توا اه مش مشفشفة وحدة توا اثنين!نهااارك نسمعهن زعلانات ولا نبكيهن امانة في رقبتك يافارس
فارس.تحكي جديات
علي.جديات يا رفيقي!مستحيل نلقى لحياة واحد يخاف عليها زي خوتها غيرك
فارس.ربي يقدرني ونحافظ عليها هي وصابرين
علي.اقنعاتك ببيينا يعني
فارس.هههههههههه ااه
علي.طبعا هي جوا تحرق وتقولك هذا شكله يبيش يخليه يردني
فارس.ههههههههههه والمعنى
علي.المعنى انك اختفي شوية نين نعطيك رنة خش
فارس قرب عليه واظبطه.منور يااصلي
علي.نورك يا رفيقي وان شاء الله يرزقكم ربي بالذرية الصالحة مغير اعقلوا وراس هلكم راسي معش يتحمل
فارس.هههههه ان شاء الله
"وعدا فارس"
يوسف طلع لحقهم لقا علي بيخش
يوسف.شنو
علي حكاله الي صار
يوسف.خليك خليك هنا
"خش لسالم"
يوسف.سالم تعال بسرعة علي وفارس يضاربو وقدرتش نحزها بينهم
انا.هييييه
"طلع سالم واختفوا شوية وخشوا"
علي.هذا معش نشوفه هنا ااه!حقه علينا يوم في الاسبوع يشوف بنته
انا.به"ووطيت راسي قدرتش نناقشه بأي وجه حنحكي اصلا وهما مانوا يضاربو بسببي"
علي.ردي عليا مش هذا الي تبيه
انا.ايوه بس
علي.بس شنو؟
انا.ماه حرام بيينا تعيش بينا مشتته
علي.ماه كنت تقولي تعيش بيننا ولا تعيش في حوش مش مستقر
انا.ماه تو بلكي نخلوه يستقر
يوسف.حوش ولا ذرة هو؟
انا بحتت فيه.وقت حناطة هوا
علي.كنك حامقة انت!ماه ماتبيش ولا غيرتي رايك
انا.شي شي
علي.لكن حصل ضربة ماكنة بش مرة اخرى معش يوريني وجه هنا طروح بنشوف بنتي من توا
يوسف.تي نقولك حاجة ملا فكه اصلا
سالم.قلتلكم من الاول مش عاجبني ومانبيشي واحسن فكونا منه المرخي
انا.مش مرخي
علي.انت تدافعي عليه؟
انا.لا بس قصدي يعني
علي.اها به
انا قعدت ساكتة ونحرق!عليش هكي عاد ماصدقت ردينا نحن!
"دق الباب  رفعت عيوني لقيته فارس خاش ومعاه باقة ورد وعلبة شكلاطة"
علي.مااتفقنش على هكي نحن!ههههههههه
سالم.قسمة عدل الشكلاطة لنا والورد تاخده حياة
يوسف صبه خذا الشكلاطة من فارس
وانا مزلت نبحت فيه وقعدوا كلهم يضحكوا
انا.قصدكم مقلب؟
فارس.ههههه مش شوري هما الي خططوله
علي.ها تبيه ولا نلزوه
انا.لزوه واطلعوا كلكم اصلا مانبيش نشوفكم!حرام عليكم انا مريضة اعصابي تالفة معقولة هكي
سهى.حرام عليك ياعلي رعشتها وهي نافس
مروة.لالا قصدكم مقلب!وانا الي قعدت نحرق حرام عليكم
علي.ههههههههه سمله عليك الي ماتتحملن
انا بحتت فيه وكشخت
علي.افردي وجك خير مانغير رايي
انا ضحكت
علي.ههههههه  دغري ضحكت
انا.تي لا مشي هكي عاد
علي.ها ماله شنو عاد
انا.تيء
سالم ماسك ليث.خلاص سيبها ركبت عليها
انا.ههههههههههه مش غير ركب
وقعدت نبحت فيه وهو خش قعمز عارفته خاطره يحكي لكن مش قدامهم كلهم
قعدوا يبصروا ويضحكوا ويحكوا ونحن الاثنين نجاملوا
اسو.عميمة عطيني البيبي
انا.اركبيلي هنا نقدرش نعطيه لكي
"رفعها ليا سالم وقعدت تلعب عليه نين كمل وقت الزيارة"
انا.امتى بنروح
يوسف.تو نشوفوا الممرضة
"وطلعوا شافوها قالتلهم بكرة الصبح تطلع لازم دكتورة المرور الصباحي تديرلها خروج"
انا.تمام به
يوسف.هي تبي حاجة"وخذا علبة الشكلاتة"كلا هذي جت في عيني وعين مروة
انا.سلامتك،وصحة عليكم
مروة.يوسف عيب ردها
يوسف.ههههههههه
علي.حتى نحن بنتوكلوا خلاص لكن قبلها هات نصها العلبة تاخذهش كلها
يوسف.اطلع وتو نقسموها بره
فارس.بيش تتفضلو بندير الاسبوع بعد بكرة
علي.ان شاء الله
انا.خليكم شوية مزال بدري راه
سالم.معش فيها مغرب والعيال بيرقدو
انا.سالم كيف حالهم العيال الفترة هذي من شاقي بيهم
سالم.خوات هدى كل يوم تجي وحدة من الصبح لليل
انا.باهي خليك شوية نبيك
سالم.به تمام
وطلعوا كلهم وفارس طلع قال امه بره بيجيبها😒
سالم.شن ياحيو
انا.والله والله الموضوع واعر عليا ومش قادرة نخش فيه لكن مافيهش
سالم.عارفك شن بتقولي!اساسا هي وصية المرحومة لكن مش قادر
انا.مش لازم تاخد مكان هدى لكن اقل شي تقعد بنية كويسة تراعي العيال خواتها هاجر ازوزت والباقيات الي مامخطوبة معطية فيها كلمة!لعند امتى بيعانن العيال!راه مهما تكفلنا بيهم مش زي الي عايشة معاهم في الحوش حنكونوا
سالم.وااعر يا حيو!قبل ماتتوفى قالتلي رد بالك من عيالنا وجيبلهم الي تصلح بيهم وتحل مكاني لهم!وين بنلقى شخص يحل مكان امهم
انا.تو نلقالك انا وحدة باهي!ونوعدك نتابعها
سالم.عندي شرط واحد
انا.شنو
سالم.تكون عقيم
انا.معناها ياارملة يامطلقة
سالم.اكيد يعني
انا.ان شاء الله خير ومسكت اسو بستها ونزلت
"وطلع سالم والعيال وخش فارس وامه"
امه.خير خير الحمدلله على السلامة
انا.الله يسلمك
امه.وين بنية الغالي عطيها ليا"مديتها لها ومسكتها باستها"اااه فطومة الصغيرة
انا.صابرين اسمها😁
امه.صابرين!كنه فاطمة من ايش يشكي
انا.مايشكي من شي بس انا خاطري في صابرين
امه.وانا جتتها وبنسميها فاطمة ياك الا صابرين  اسم مندروا عليه صليبي ولا يهودي
فارس.امي خلي الموضوع على جنب توا
انا.بتكرر نفس الغلطة؟تبيش تحل الموضوع وقتي بتأجله وخلاص
امه لوت شوربها
فارس حسيته كيف الي ينكر بحبلين مسكين قلت نتواطا عشانه وخلاص
انا.باهي يا عمتي البنت الجاية فاطمة لكن هذي صابرين خلاص قلناه للناس
امه.الي ماتجي مع العروس ماتجي مع امها
انا.ان شاء الله نشوفها عروس سلمك😁😂
امه.باهي ان شاء الله تشوفيها عروس
"وقعدت شوية وحكت كم حاجة"
امه.تو دامنك رديتي لعقلك وحوشك اوينه راه مودة فصخت خطبتها وقالت معش تبي
انا رفعت حاجبي.هههههههه مش هي فصخت!فارس يبيهش
فارس بحت فيا وفنص
امه.الي هو المهم ماهيش جاية
انا.ربي يبعتلها النصيب بعيدا عن المتزوجين اصلا خراب البيوت العامرة حرام
امه.العامرة!لا والله عامرة
انا.كيف
امه صبت وحطت 10جنيه على البنت
انا.خليك ياعمتي اشربي عصير
امه.لالا صحة تصبحوا على خير وعقبال اسبوع البنت
فارس طلع معاها وصلها لعند الباب شكله عمي جايبها وتحشم يخش وردلي
خش وصكر الباب
انا ابتسمتله جاني وقرص خشمي
فارس.تمليش من الملاطعة والعناد انت
انا.ههههههههه امك هي الي بدت
فارس.عمتي مش امك
انا.باااااه اطلق
فارس.لالا قوية دوتك وانت مصكر خشمك
انا.باهي خلاص اطلقه ساد خشم بنتك افنش زيك
فارس.ههههههههه عاساس انت مش افنش"وطلقه"
انا.لا انا واقف وسمح مفروض خذاته مني وخذت منك انت شعرك
فارس.اها مسيكينة بتقعد تعاني في الشفاشيف
انا.هههههههههه مش كنت تتغزل بيه شعري في مذكراتك
فارس.وانت شن قراك فيهن ياطشة
انا.زرقت عليك
فارس.حتى انا زارق عليك شن كاتبة على لحيتي ماتشوفيش روحك😌
انا لما قال لحيتي خطر عليا الموقف ابتاعه قعدت نبحت فيها جذابة بشكل!
فارس.هههههههه وين رحتي
انا.شوية بس
ومسكت بيينا وحولت الغطاء وطلعت يدها بحتت فيها لقيتها فيها علامة سودة ونفس طريقة ورسمة لحية فارس وشكلها وباينة كأنها مرسومة شعر رسم
انا.هههههههه حي عليااا
فارس.تره كنك
انا.شوف يدها"ومديتها لاه"
فارس قعد يبحت.انت توحمتي علي لحية
انا.ااه"ومديت يدي وحطيتها علي لحيته وقعدت نلمس فيها"توحمت علي هذ وعارف امتى!لما شلتني للمستشفى
فارس.وكنك مالمستيها وقتها
انا.كبريائي عاد
فارس.معقولة ازح!كنت لمستيها شوفي كبريائك شن دار للبنت علامة سودة في يدها
انا.عادي على الاغلب حتحول لما تكبر
فارس.بس شكلها جاي سمح كيف هذك الحوتة
انا.هههههههههه
فارس جاب كرسي وقعمز وقعدنا نلعبوا في بيينا ونحكولها ونحكوا مع بعضنا
انا.شوف كيف تبحت ياخيا
فارس.ومبتسمة اخرى
انا.ياحياتي انا"وقعدت حاضنتها شوية نين رقدت"
فارس.نقولك حاجة
انا.شنو
فارس.هاتيها
"وخذاها مني"
انا.وين شايلها🙁
فارس.غرف الاطفال
انا.لالا🙁
فارس.ما لالاش من اولها بتضايقني
انا.ههههههههه نبيها عاااد
فارس.تو ياما تمسكيها
"وشالها وجا لقاني مصبية من مكاني بصعووبة وماسكة في السرير مسك وسطي كله يوجع فيا"
فارس.ليش صبيتي"وجاني مسكني من وسطي"
انا حضنته وقعدت نبكي من جدي مرايفة علييه وعلى صوته وضحكته وحنيته وعصبيته وعيونه ودوته وتدليعه ليا وكل حاجة
فارس.غير خلااص كنك
"وقعمزنا على الكرسي وانا في كتره كان واسع شوية يشيلنا"
فارس.وخري بس بنحكو
انا ضغطت راسي عصدره زيين.لالا
فارس.هههههه قصدكم الدلوعة هذي قعدت ام!حي عليا حييه
انا قعدت شوية اخرى وبعدين وخرت
فارس.ها تمام؟
انا.ااه تمام
رفع كرعيا فوق كرعيه وجابني بالجنب قعدت مقعمزة عليه وراسي على صدره
فارس.كنك ليش تبكي
انا.عشان مرايفة عليك!
فارس.وحتى انا مرايف عليك وعلى صوتك وضحكتك وشعرك وكلامك وكل حاجة فيك لكن انت الي اخترتي البعد صح ولالا
انا.انت جبرتني!
فارس.وتوا ليش ردينا
انا.لانك قلتلي الي تبيها نوصلوا لحل فيها
فارس.به وانت راسك على صدري وبالجو السمح ماتتنرفزيش قوليلي شن تبي
انا عجبني وضع البيبي الي قعدت فيه سقمت روحي كويس وحكيت.اولا نبي نت تعودت عليه
فارس.معناها النقال الي بتخشي بيه مايقعدش فيه صور لك ولا اي حاجة شخصية
انا.معناها بيقعد عندي نقالين
فارس.مش يوسف عنده لاب مايبيش
انا.ااه
فارس.تمام خوديه منه
انا.به
فارس.شن اخرى
انا.نبي نكمل قرايتي
فارس.انتسبي كلية الاقتصاد وعدي امتحني وروحي باهي
انا.بااه
فارس.خلاص؟
انا.لالا نبي نشتغل
فارس.شن مثلا
انا.مش عارف
فارس.ههههههه باهي نقولك حاجة
انا.شنو
فارس.انت شن خاطرك مثلا بتشتغلي
انا.مش موضوع المهم يقعد عندي حاجة نديرها وانت مش قاعد
فارس.المدرسة الي يلانا
انا.اها
فارس.خودي فيها دوام حصتين بسسسسس
انا.امممم به تمام
فارس.خلاص؟
انا.حاجة وحدة اخيرة
فارس.شنو
انا.يوم الجمعة جمعة نعدوا لهلك وجمعة لا
فارس.بس صعب هكي هلي لازم بنعديلهم خاصة بعد زيزة مروة فضا عليهم الحوش
انا.اممممم والحل؟
فارس.الحل انك توصلي لتفاهم بينك وبين امي وتوقفن حربكن
انا.بس
فارس.مابسش
انا.معناها الغداء وقيس ال2نروحوا مش لعند العشاء
فارس.بااه حتى هو راي
انا.حتى هو راي نروحوا تقعد معايا مش تطلع!
فارس.ههههه معاك بيينا توا تكسديش
انا.لالا دخلنيش
فارس.باهي تمام من عيوني
انا بسته على صدره.وانت
فارس.عرم حاجات اولا لما تحمقي اسكتي لين تهدي!
انا.بعدها
فارس.بعد ماتهدي نتفاهموا لانك تعجني في الدنيا"ومسك وجي بيده كلها"زي ماعجنت وجك توا لما تقعدي حامقة"
انا.وبعدها
فارس.امي معش تتناقري انت وياها خوديها على قصاد عقلها وحاضر نعم بيش مانقعدش في حرب بينكن مش عارف مع من نجي
انا.بس هي
فارس.عشاني يا ستي تحمليها عارف لسانها حار لكن عشاني
انا.بااه
فارس.كثرة الخلطة والمكالمات والدراه هذا نحبش يعني اوكي اشتغلي بس نروح نلقى حوشي مضموم وغدايا واتي مش نلقاك مزال ماروحتي ولا نلقى بيينا تبكي والغداء محروق وانت مشفشفة مش ناقصة الحكاية هم في الشارع وهم في الحوش
انا.ههههههههه تو نديرله بروتين شعري الي طول الوقت تشكي من شفاشيفه
فارس.نقتلك بعدها نبيه هك
انا.وشن اخرى
فارس.وبس
انا.وانا عندي شرط اخير
فارس.شنو
انا.بيينا تاخدش مكاني
فارس.ههههههه عاد انت وشطارتك تخليها تاخده ولالا
انا.اهو حذرتك
فارس رفعني وباسني على فمي وانا اندمجت معاه بعدين وخرت
انا.هييه خلاص مستشفى حي علينا
فارس.ههههههههه بعدك مرات في كاميرات
انا.تخيل يقعدوا يقولو عليك برادة وجه عندهمش حوش
فارس بحت في السقف.عندنا حوش لكن هي عنايدية وسيباته
انا.لا هو العنايدي!
"وقعدنا نضحكوا"
انا.فاراااس"بدلع"
فارس.راح فيها فارس ياعيون فارس نعم
انا.جعانة
فارس.تو نطلبوا دلفري
انا.عندك ارقام مطاعم
فارس قرصني في جنبي
انا.اااه هههههه
فارس.يالظالمة شهرين عايش عالدلفري
انا.هههههه يناري حبيبي رايح نااقص حسيتك بس احسن لان تفاحة ادم ردة طلعت"وحطيت يدي عليها"
فارس.سمله عليا والله
انا.تو نروحوا وبعد الاربعين نشد صحتي ونديرلك مقروض وعصبان والحاجات الي تحبهن كلهن
فارس.وقبل الاربعين
انا.كملها ديلفري
فارس.حسبي الله ونعمة الوكيل
انا.هيييه في من
فارس.في الظالم
انا.اااه نحساب
"قعدنا نرجوا نين جا الديلفري كلينا وكنت جعاااانة"
فارس.حتى هن اسبوعين بلا وكال
انا.مش مصدقة انهن اسبوعين وااو
فارس.مرن عليا سنين خاصة اخر4ايام كان المفروض خلاص تنوضي
انا.هههههه يناري سوري فجعتكم
فارس.حسيت الدنيا وقفت بيا تعرفي مهما كان صعب ايام حرجتك بس يكفي انك حية لكن تقعدي قدامي مهددة بالموت واني نعيش مع بنتنا بروحي هذي الصعبة والي قدرتش نفكر فيها
انا.ياخيا حبيبي
فارس حل بيبسي وبده يشرب
انا.وابتاعي وين
فارس.لالا انت بترضعي بنتي خودي عصير اهو
انا.لا عاااد تو نخشلها عالرضاعة
فارس.لالا رضعيها سنتين طبيعي تاخد حقها وبعدها انطلقي وكولي زي ماتبي
انا.باهي هاك حلها ليا
"مسكها بيحلها ليا انا خديت البيبسي وشربت منها بسرعة"
فارس فكها من على فمي.عنااااد راس مسكر مهما نخرف شي شي راااس مسكر
انا.هههههههه خاطري فيها عااد تحمقش
فارس.خلاص خذيتي منها هاكي العصير توا
انا.هههه به اسمع
فارس.نعم
انا. بيينا سجلتها ولالا
فارس.سجلتها ااه
انا.الاسبوع تبي تديره كبير ولا
فارس.اها طبعا!عشاء لهلك كلهم وهلي
انا خطر في بالي ان مفروض الاسبوع والجيبات على هل المرا!عليك قصة تو كيف بندير💔ماما كانت ديما تقولي اول جيبة لكي اسبوع حفيدتي نديرلها الي مايندار ونسبحها وعرم حاجات💔لو خليته هو يديره عمتي بتمسكها ليا عزارة سنين لقدام
فارس.وين سرحتي
انا.ااه لا شي ان شاء الله بسلامتها يارب
"وكملنا وكالنا ونحكوا عادي نين خلاص تعبنا"
انا.بنررقد خلاص
فارس.حتى انا حاس روحي مرهق
انا.وين بترقد
فارس.هههههه عالكرسي وامري لله
انا صكر الباب بالمفتاح تو ندنالك عالسرير
فارس.زعمك😈
انا.ترقد بسس مش اكثر
فارس.بااه
"وصبا صكر الباب بالمفتاح وخش معايا في السرير حطيت راسي على صدره"
فارس.حيو ترقديش ارفعي راسك بنقولك حاجة
انا.شنو"ورفعت راسي باسني"
فارس.ههههه مرايف عليييك
انا.حتى اناااا بس خلاص بنرقد
"وحطيت راسي على صدره وهو قعد ينابش اخرى مرة  يلعب بشعري ومرة ينغزني ومرة يمشي صوابعه على ظهري نين رفعت روحي وبسته على رقبته وخليت وجي عليها و حطيت يدي على عيونه"
انا.ارررقد بنرقد
فارس.حاااضر به"ورقدنا"
#عند_علي
سهى.حبيبي
علي.نعم
سهى.اسمع فارس قال بعد بكرة بيدير اسبوع بنته
علي.باهي والمعنى
سهى.المعنى اول جيبة على هل المرا راه!
علي.كيف يعني!
سهى.المفروض ان الحولي ابتاع الاسبوع وحاجة العشاء وكل حاجة على هلها!كان عميمة حية راه قالتها لكي وراه وتتلها حاجتها من قبل ومفروض نشيلو معانا دبش للبنوتة
علي.وكنك ماقلتيها من قبل تيالي حياة حتى دبش لبنتها شرتش ولالا
سهى.لالا شرتش!انا توا كيف خطر عليا الموضوع ماكنتش نحسابها بترد فقلت عادي لو بتجيب عندنا معناها بنديروه نحن
علي.قصة معناها بكرة نتعبك معايا تطلعي تجيبي الفترش ابتاع الصبايا والحاجات هذين!وانا بعد بكرة ناخد معايا الحولي والخضرة وحاجة العشاء الكبيرة غير اكتبيها في ورقة ونعدولها تمام كان هذا خودي معاك مروة
سهى.حاضر من عيوني فيهش تعب!لكن مروة ماتجيش لان هل راجلها تعتبر💔خسارة هدى في الحاجات هذين قبل ديما مع بعضنا
علي.تو بيزوز وحدة اخرى هو الايام هذين حياة حتدورله
سهى.هيييييه توقعتهش منه!معقولة حرام عليه هدى
علي.شن الحرام!هي موصيته يزوز وهو اصلا يبيش بالزر مني ومن حياة!قاعد لا وكال مسقم وعياله متشردين كل يوم تجيهم وحدة من خوات هدى تغير وتوكل وهو يطلع من الصبح  يروحش الا الليل بسش يضايقهنش مش حال هكي
سهى.بس مهما كان يزوزش وهي صكرتش سنة
علي.لالا هكي حرام عليه عشان عياله اقل شي
سهى.قصدك تزوز بعدي
علي.هههههههههه الي نشوف فيه حنموت قبلك
سهى.كيف شن قصدك
علي.حتجلطيني شي يوم
سهى.ان شاء الله بيش ماتاخدش غيري
علي.ماه مرات تاخدي انت
سهى.مستحيل
علي.خلاص غيري السيرة انا بنرقد مرررهق
سهى.نقولك حاجة تفرحك؟انا قبل بنديرلها حفلة ومفاجئة لكن هكي مش حنفضا نديرهن
علي.شنو
سهى.بحت فيا قبل
علي برم بحت فيها
سهى.اناااااا
علي.هبله
سهى.لاه
سهى.اناااا
علي.بتسيبي القراية
سهى.لاااه اناااا
علي.عطيني تلميح
سهى خذت المخدة وحطتها علي بطنها
علي فرح بكل.هههههههه عندك غازات
سهى ضرباته بالمخدة.مبردك تي حامل
علي حضنها.مبروك حبيبتي عرفتها من اول مرة
سهى.اها واضح من الحاجات الغبية الي اتقرحتهن
علي.هههههههههههه ان شاء الله على خير
سهى.ان شاء الله
"ورقدوا هما الاثنين"
#عند_يوسف
مروة.احسن شي انهم ردوا واخيرا
يوسف.الحمدلله ربي يهنيهم
"رن نقال مروة"
مروة.ايوا ماما
امها.راجلك يلاك
مروة صبت من يلاه خشت للدار.لالا
امها.ريتيها المعفنة سمت بنتها صابرين ولا دارتلي قدر لا خاطر
مروة.خديتي بخاطرها انت ايام فارس مسيبها؟عديتيلها وهي حامل ومعاك مصروف قولة هذا لبنتنا؟امي انت ماتندريش عليها بكل ايام وهي حامل  وتوا تبيها تاخد بخاطرك!وانت ساد غير الرعاش الي رعشتيه لها وهي حامل!
امها.عاد انت عديتيلهم وصبيتي معاهم وهي خذت ولدي لهم وقعدت انا نصفق بروحي وكلكم ضدي تو ينفعوكم عيت&&&
مروة.يااماما مش هكي
امها.المهم بعد بكرة الاسبوع فارس قال
مروة.ااه عزمنا امبدري
امها.طبعا الكيد بيجي على ولدي!المفروض على هلها المناسبة
مروة.ماما حرام عليك البنت لا ام لا خوات من بيديرها لها والرجالة يعرفوش في هالحاجات
ماما.لا ياحنة مادامها كانت ناوية تحنن قلب ولدي بالبنت وتردله مفروض موتية حاجتها البنت حتى صاكو دبش ماشفتلها
مروة.مش عارف ياماما ولدك ماهوش خصيص!يقدر يديرلها اسبوع كبير خلي بينهم وتعزريهش بيها ريحينا ساد حرجتها الاولى نصها منك
امها.وانت راك تمشيلها بكرة!عدي على وقت العزومة تتكي عليا ونعدو مع بعضنا انت تعتبري صبيتها راه
مروة.به حاضر
امها.كيف حال راجلك
مروة.كويس الحمدلله
امها.وحملك شن اخباره
مروة.كويس مدهشني الوحم شوية بس ماشي الحال
امها.ان شاء الله على سلامة رد بالك راك تتنكدي ولا تضغطي على روحك يقعد كله رعاش في العيل بعدين
مروة.لا الحمدلله متريحة
امها.هي تصبحي على خير
مروة.وانت من اهله سلميلي على بابا
امها.يوصل و
يوسف خشلها في الدار.كملتي مع امك
مروة حطت النقال تحساب امها صكرت.ااه لكن كيف عرفتها ماما
يوسف.اصلا ماتصبيش الا لما تقعد هيا!عشان تقعد تقرم في هلي وانت تعرفيش تردي لما تقعدي يلايا
مروة.ردينا لنفس الموال؟
يوسف.تي عاد معش تحشمت امك وبطلت مفروض تحترمنا عشانك لكن شي شي
مروة.شن قصدك؟
يوسف.قصدي معش تخليها تحكي علي هلي وانت في حوش ولدهم خير ماوحق ربي قوليلها نشيلك لها تقعدي عندها بيش تقرمن زي ماتبن
مروة.تو انا شن دخلني نين تحكي معايا هكي؟هي الي حكت وانا حتى ردي عليها اغلبه في صفكم!تحاسبنش على كلامها عاد
يوسف.انا قلت الي عندي ووصليه لها بلكي تتحشم!
مروة سكتت ورفعت النقال لقت امها مزالت فاتحة وتسمع فيهم
مروة.الو
امها.كيف تخليه يحكي عليا هكي
يوسف برم عرفها كانت تسمع في التلفون
مروة.وووووو عليا وعلى ايامي السود انت من تركينة وهو من تركينة حرقتو دمي راكم معش عرفت كيف نرضيكم انتم الاثنين تبوني نختار واحد على حساب واحد
امها.اهدي بس مش كويس لك البكاء انت حامل
مروة.صكرت التلفون وصبت
يوسف.مروة غير تعالي بس
مروة فاتاته وطلعت لدار المعيشة صكرتها وقعدت تبكي
يوسف جا بيلحقها لقا امها ترن خذاه ورد عليها
يوسف.الو ايوا عمتي
امها.الو انت كيف تحكي عليا هكي
يوسف.وانت كيف تحكي لبنتك على هلي واختي هكي تي عيب عليك راه!كانك تفهمي في الاصول يا عمممتي مفروض تدويش علي عرب بنتك هكي وهي في حوش ولدهم
امها.وعاساس انتم تفهموا في الاصول الي بنتكم بهالحال!لا تحترم عمتها لا تقدرها
يوسف.لا حول ولا قوة الا بالله شن تبي انت توا
امها.عطيني بنيتي مسيكينة حامل والرعاش مش لها ترعش فيها
يوسف.ياعمتي دامنك عارفتيها الرعاش مش لها ماتخلينيش نرعشها!احترمي  هلي نحترمكم ونحترمها!كلا انها تقعد تحكي معاك علينا في حوشي لا مانرضاهش!انت ترضيها حياة تقعمز تقرمكم في حوش فارس
امها سكتت
يوسف.ردي عليا بهذي بس ترضيها؟
امها.لا مانرضاها
يوسف.معناها حتى انا مانرضاهش!يوم نجيبها في حوشك احكي كيف ماتبوا كلا في حوشي لا والله
امها.ماتبينيش نكلم بنتي
يوسف.لا كلميها ونقعد غلطان كان منعتها لكن احترموني انا وهلي وانتن تحكن وحاضر
امها.ان شاء الله خير
يوسف.هي تبي حاجة
امها.عطيها لي
يوسف.مصكرة الدار وتبكي
امها.باهي راضيها وراس وسيفة مسيكينة حامل وترعش مرات يصيرلها حاجة
يوسف في عقله يناري على اختي الي ماعقبتي مادرتي فيها وهي حامل
يوسف.حاضر هي بالسلامة"وصكر عليها ودق على دار المعيشة"
يوسف.ميمي حلي الباب
مروة.مانيش حالة سيبني في حالي
يوسف.حلي بس نبيك
مروة.نبيكش!ومادابيك تقفل تليفوني اقعد فيها انت وماما ان شاء الله نموت وتتريحو
يوسف.باهي تفاهمت انا وياها امك
مروة.قصدك حكيت معاها
يوسف.حلي الباب بس مليت من العياط من ورا الباب
"مروة فتحتله"
يوسف مسحلها دموعها.بنيتي حامل مش لها الرعاش
مروة ابتسمت.ماما قالتها
يوسف.ااه مسكينة ترعش عليك
مروة.تو نرن عليها بعدين لكن شن حكيتوا
يوسف.قلتلها يوم نجيبلك بنتك قرمينا زي ماتبي لكن مادامها في حوشي ماتحكوش علي هلي هكي
مروة.وشن قالت
يوسف.قالت به
مروة.به
يوسف.افردي وجك توا
مروة.لأ
يوسف.عليش
مروة.لانك تبي تشيلني لهلي لمجرد حاجة زي هكي!لا تحبني والله
يوسف.ييي عاد صدقتيها
مروة.ااه ووجعتني
يوسف حضنها.اسف
مروة.خليني نحس انك اسف
يوسف.ااااسفففففف
مروة.معش تقولها نشيلك لهلك خير مانعدي ونخليك كيف فارس
يوسف.ههههههههه حاضر
مروة.به بنقولك حاجة
يوسف.شنو
مروة.خلاص خلاص
يوسف.شنو احكي
مروة.مفروض جيبتها على هلها راه!
يوسف.جديات؟
مروة.ااه بكرة شوف  علي وعدوا مع بعضكم لان ماما حتعزرها بيها لو درتولهش
يوسف.به تمام باي الي وقضتيني بعدم امك مش عزارة
مروة.شن اتفقنا نحن
يوسف.باه باه
#ثاني_يوم
نضنا على صوت دق
فارس.حبيبتي
انا.امممم
فارس.نوضي باب الغرفة يدق حولي بنصبي عيب
انا.ههههههه به حاضر
"ونضنا سقم هو شكله وانا تسقمت على السرير وفتح الباب"
الممرضة.قلب فندق مش مستشفى "وخشت قفعت الباب بقوة"تصكير ديار ورقاد مفروض مرافق معاها مرا هذا قسم نساء
فارس.دافعينلك فلوس يعني نقلبوه حتى ملهى مادخلكش!ويرافقها الي يعجبها مادامها غرفة مغلقة
الممرضة بحتت فيه وسكتت
فارس.لا ذوق لا اسلوب الناس تقول صباح الخير
انا قعدت نفنص فيه.خلاص بس
الممرضة تمتمت وجتمي دارتلي فحوص دورية   ودكتورة المرور الصباحي قالتلي حالك كويسة وتجينا  مراجعة الاسبوع الجاي ودارتلي خروج وطلعنا❤خشيت وحدي وطلعت تلاتة"
فارس مسك يدي وهو ماسك بيينا باليد الاخرى وانا ماسكة الصاكو
ركبت للسيارة مدها ليا  وركب هوا
قعدت نبحت فيها وفيه ومبتسمة
فارس.ها حوشكم ولا حوشنا
انا.كيف
فارس.تعدي لحوش هلك انت وياها  زي المرة الي فاتت ولا حوشي
انا.لالا المرة هذي نبي حوشي
فارس.تعرفي في يومها كنت نرجا منك في حرف واحد بس اي حاجة راه روحت بيك حوشنا
انا.حتى انا
فارس.جديات
انا.والله وقتها كنت في اقصى درجات الانهيار النفسي واكتئاب الحمل والضغط
فارس رفع يدي وباسها.بعيد السو عليك من الانهيار
"وولع السيارة وبدينا نمشوا"
انا.بيينا يا نمحتي انت بحخيير
فارس.ناضت
انا.ااه فتحت عيونها وتبحت ياخيا السماحة
فارس.طالعة لباتها😎
انا.لا طالعتلي انا سموحتي
"وقعدت نحكي معاها ليين وصلنا،تعرفو لما درس قلبي رعش!اذكرت حاجات وااجد صارن هنا قديش مارايفت عليه هالمكان،وفاوقات واجد حسيت ان عمري ماتريحت الا فيه"
انا.فارس تعال خودها مني نقدرش نتحرك بيها نخاف تطيح
فارس.خليك نفتح الباب معناها بس
"وفتح الباب وجاني خذاها مني ونزلت وخشينا"
فارس.نورتي،المكان مرايف عليك كيف صاحبه
انا ضحكتله.وانا مرايفه عليهم هم الاثنين اكثر
وبرمت نبحت كان نظيف الحوش ومرتب
انا.فارس انا نعرفك تنبال مستحيل انت تكون محافظ على الحوش وتضم فيه هكي من الي ضمه
فارس.ههههههه رنيت اول امس على وحدة جت نضفاته كله
انا.اول امس!شن عرفك اني بنردلك اول امس
فارس.ههههههههه انا عارف انك بترديلي من وانا في تركيا
انا.حي عالثقة"وحطيت بيينا عالسرير"
فارس جا مسك يديا.نعرفك تقدريش تعيشي بلايا ولا انا نقدر
انا حطيت يديا على وجهه.لاني نحبك
فارس.حتى انا"وجا بيبوسني بيينا بدت تبكي"
انا وخرت ومسكتها.ها يامامي ها
فارس قعمز يلانا.شن طروح التخريب هذين يابنت!امك وباتك ماكانوش فاضيينلك
هي لما حكا برمت عليه دغري
فارس.تفنص
انا بحتت فيها لقيتها تبحت فيه وكيف المفنصه قعدت نضحك.والله عاد بتاخذ منها مامتها
فارس.جيعانة رضعيها تو تسكت
انا.مزال مانعرفش
فارس.تي عنجد ماتعرفيش موضوع ساهل بكل
انا.باهي اطلع تو نحاول
فارس.ههههه تتحشمي يعني
انا.اطلع بس
فارس.طالع به"وباس بيينا"وطلع
انا قعدت نبحت فيها وهي تبحت فيا
انا.تو كيف بنرضعك اه!عارفتيني مانعرفش ليش تبكي
وقعدت نتعانى انا وياها نييييين رضعت كان واعر بكل في البداية بعدين سلك
"خش فارس"
انا.هيييه مش قتلك اطلع
فارس.ههههههههههه عنجد منظرك بكل
انا.يابارد!شن الي في يدك هذين
فارس جا يلايا كانن طاقمين
انا.حييي محلاااهن
فارس جا ورايا وحول شعري على جنب ولبسني الطوق بالشووية وباسني على رقبتي بالشووية
فارس.تبيديه بالهناء
انا.عليش متعب روحك حبيبي
فارس.شاريه من ايام وانا في تركيا
انا.هههههههه وحطيت راسي على صدره
فارس.غير كملي الي في يدك راه تشرق
انا.معش بت تكمل وانا تعبت
فارس.حوليها باه
انا.ماه تبكي
فارس.حوليها بس
انا.غمض عيونك معناها
فارس.باه"غمضهن حولت صدري منها دسيته وهي بدت تبكي"
فارس مسكها سكتت دغري
انا.هيييه واشمعنى عندي انا تبكي ياامسخة
فارس.بنيت بابا هي"وطلع طاقمها حتى هي كان سلسلة ودنادين وحديدة لبسهن لها كلهن"
انا.ربي يخليك لها طول العمر وتجيبلها
فارس باسها.ان شاء الله يارب
انا.توا خليني نبرم على الحوش وانت رقدها بما انكم متفاهمين
فارس.نرقدها ونرقد حتى انا تااعب
انا.به تمام
"وطلعت وخليتهم دوشت وغيرت دبش المستشفى وطبخت حلبة😖ودرت كم حاجة في الحوش عشان بكرة وخشيت للدار بنرقد،بحتت لقيت فارس مرقد بيينا على بطنه!والاقوى ان هو راقد وهي واعية وتحرك في يديها😂😂"
انا.احسن شي درتيه يا بيينا رقدتيه وفكيتينا من هرجتا هههههههه طالعة لامك شاطرة
وخذيتها قعدت نلعب فيها لييين رقدت حطيتها في النص ورقدت حتى انا،ما نضنش الا على المغرب تعشينا وغيرت لبيينا"كانت اول مرة وقريب رجعت وفارس يبحت فيا ويضحك"
وبعدين جيت بنرقدو اخرى حطيت بيينا عالسرير ورقدت وشوية وخش فارس خذا بيينا حطها في الطرف
انا.لا تو تطيح! جيبها في النص
فارس.مش حتطيح خليها بس"ودناني ورقد جنبي"
انا.ههههههههه هذا عليييش انت لالا مخططك مش صاير منه
فارس ضحك.وعليش
انا.حظر
فارس كشخ
انا.40يوم
فارس من جد جده.عليييش 40مش 5ايام هن
انا معش قدرت نتحمل متت ضحك منظره كيف قالها مسكين وحامق من جده
انا.اسمه نفاس هذا 40يوم حظر
فارس رقتله بكل
برمت عليه وبسته على خده
انا.خليك في البوس الاخوي ههههههههه
فارس.باهي جيبي بيينا جيبي هذا عليش الرسول وصى بالتعدد
انا.تعدد عينك
فارس.شنو
انا.قتلك صلى الله عليه وسلم
فارس.اهاا
"جبتها في النص
وجيت بنرقد رن تلفوني"
انا.الو
بيس.الو حيو
انا.خييراات لك كم يوم في بالي بنرن عليك شن اخبار قرايتك وكل حاجة
بيس.اسسس ماتحكيش معايا بكككل!تجيبي وتردي لفارس مانعلمهش الا من سهى
انا.والله اسبوعين في المستشفى يابيس اليوم كيف دارولي خروج  وروحت
بيس.وكيف رديتي باه؟احكيلي احكيلي
"طلعت من الدار"
انا.يااحنة بعد جبت صارلي نزيف وانيميا وماغاب بلا خشيت اسبوعين في غيبوبة وفارس وعلي هما الاثنين في المستشفى معايا شكله حاكيله وقايله نبيها يوم الي نضت خشلي فارس وحكا معايا في البداية خفت وبعدين وافقت
بيس.واتفقتوا ولا زي مارحتي زي ماجيتي
انا.والله قتله شن نبي وقال باهي انظر باهي ولا غير يمشي فيا
بيس.هههههههههه يمشي فيك اكيدة
انا.خزي ياامسخه فروسي يديرهش
بيس.حي حي مش كان الحقير الي تبيش ترديله
انا سكتت
بيس.الحب وعمايله
انا.بالضبببط مستعدة نقعد معاه توا حتى لو رد في كلامه تي عارفة بعد ردينا وروحوا كلهم حضنته وقعدت نبكي بعبرتي عشان بس مرايفة علييه
بيس.ربي يخليكم لبعضكم شخص زي فارس يتعوضش رد بالك منه
انا.ان شاء الله يارب
بيس.تو عن اذنك بنصكر ورايا قرايا😭
انا.موفقة ان شاء الله ياارب"وصكرت"
"ورقدت لعند قيس ال1ونص2هكي بدت بيينا تعيط"
انا.فاراسس بيينا تبكي
فارس.سكتيها
انا.تباليش انت تبالك وتسكت عندك
فارس.حيو خوديها واطلعوا برة بنرقد ورايا بكرة مشية سوق السعي بدري
انا  نضت مسكتها وقعدت نزازي بيها وهي شي مابت تسكت
فارس.اطلعي بيها بررة بنرقد
انا.مش بنتي بروحي راه عنجد اطلعي بيها برة
"وهي صكرت راسها ماتسكت وتبكي من جدها رضعتها غيرت كفولتها مابتش وانا مرررهقه بنرقد"
انا.خلاص ياماما خلااص"وقعدت نبكي"
فارس ناض وقعد يبحت فيا وفيها
فارس.باه هيا طفلة وطبيعي بتبكي وانت ياحنة اثنين يزنن فوق راسي واجد راه
انا نبكي.ماتبش تسكت وجعتني حرام نين وجها قعد اسود زعمك كنها
فارس.هاتيها يس
"ومسكها صبه بيها وقعد يهز فيها ليين سكتت رد بيها عالسرير رقد وحطها على صدره رقدت"
انا نمسح في دموعي.من اولها خذت مكاني
فارس.تي تاخد السرير كله مش غير مكانك المهم تسكت
انا كشخت. هذا لالا حولها حطها في النص
فارس.ايواا نسكت صابرين تبدي انت حضانة ماه
انا.تحكيش معايا هكي
فارس.باهي تعالي اتكي علي يدي هي
انا.مانبيش
فارس كرني وحطني على يده.اسسسسس بنرقد
انا.هههههههههه
فارس.كان الله في عوني كنت في طفلة قعدت في اثنين
انا.ههههههههه قول كنت في حيو قعدت في اثنين
فارس.في الحالتين معاناة مافرقتش
انا.هههههههه
"ورقدنا لعننند ثاني يوم ناض فارس قيس ال6ونص7هكي بيش يطلع نضت معاه لبس ووتيتله فطوره ال8ونص رن علي"
انا.الو صباح الخير
علي.صباح النور حليلي الباب
انا.حي برة قصدك اني جاية
"وطلعت فتحت الباب لقيته هو ويوسف جايبين حوالا وخضرة  وحاجة العزومة كلها تقول بتات"
انا.اسفة بس مانبيش نعطيها بيينا
علي.هههههههههه
يوسف.وين غزال القارة
فارس طلع لقاهم.ماشاء الله ماشاء الله عليش تعبتو ارواحكم
علي.بنيتنا عاد مافيهش تعب
فارس.ههههه كنت طالع توا بنجيب
علي.لا عنجد تجيب العزومة كلها علينا
يوسف.وينها هيا
انا.والنبي خليها ماصدقتها رقدت الليل كله وانا نعاني فيها لو ناضت ترقدش الا عند فارس
يوسف.اشمعنى
فارس.سحر😎 الابهات ياعزيزي
انا.هههههههههههههه جديات والله
يوسف.عقبالنا
"وقعدوا يخششوا هوا وفارس وخشيت انا ويوسف جوا طلعتله بيينا وعاها وقعد يلعب فيها"
انا.غريبة كيف خطرت عليكم
يوسف.سهى قالتها لعلي اول امس ان لازم نحن نجيبوا وهكي قبل مانعرفوهش طلعت امس الحق جابت دبش وسلات وحاجات عرم وهو طلعت انا وياه من الصبح جبنا هذين
انا.وانت مروة قالتهش لكي؟
يوسف.ههههههههه تعاركت انا وياها وتراضينا يوم الي روحنا منكم في جرت امها
انا.كنها
يوسف.نفس الموال
انا.ربي يهديها معش ريحتنا
يوسف.خلاص تو تهدى عمي هو الي واكلها بكل
انا.ربي يعطيه صحته
بيينا كيف الي دارت صوت
يوسف.ها بنيت خالو  الصفرة
انا.ههههههه
يوسف حط عليها 50وحطها وطلع لعلي
شوية انا درتلهم قهوة وخشو هما الثلاثة حطينا نشربوا فيها
علي.هاتيها ترا،ومسكها وقعد يلعب فيها
علي.نسختك وانت صغيرة
انا.جديات
علي.فرق الخشم بس هي افنش
انا بحتت في فارس وهزيتله حواجبي
علي.ربي يحفظها ويطلعها من حفظة كتاب الله وحط عليها 100
انا.ربي يخليكم لها ان شاء الله
علي.هي بالسلامة تبي حاجة
انا.لالا سلامتكم جايين في الليل اه عالعشاء
علي.ااه اكيد فارس تذبح توا ولا العشية
فارس.لالا توا حنطلع نشري واحد مني انا وناخد هذا ونعدي بيهن السلخانة
علي.تمام تبي حاجة رن هيا يوسف
يوسف.هيا
"وطلعوا هما الاثنين"
فارس.هو اينعم مرات نحسيه عاطيها لروحه بس لنقنا صاحب واجب كلا علي
انا.هههههههه عاطيها لروحه
فارس.للاخير
انا.ربي يخليه ليا يارب
فارس.ان شاء الله
"وطلع فارس للسوق والسلخانة وانا بديت نوتي في حاجة العشاء الاخرى ورقدت بيينا ورنيت على طباخة وغسالة اماعين يجن بعدين ومشا الوقت نييين جت العشية روح فارس اسبح ويالاه لحق كلا ورقد شوية وجت عمتي وعمي اول وحدين وبعدهم يوسف ومروة وسالم وعياله"
عميمة مقعمزة وتحكي من راس خشمها وعمي مع فارس ويوسف برة خش فارس
فارس.حيو تعالي عطيني بيينا باتي يبيها
انا.تو نطلعها لاه انا بنشوفه عمو
فارس.به تمام
"وطلع فارس خشيت خديت وعطرتها وطلعت بيها"
عمي.ماشاء الله ماشاء الله"ومسكها مني وقعد يأذن في وذنها"
انا قعدت نبحت فيه ومبتسمة
عمي.كيف حالك يابنيتي
انا.الحمدلله يا عمي
عمي.فارس ترا خود نسيبك واطلعوا شوي لهاشارع تهبكم الريح
انا.ههههههههه
عمي بحت في بيينا.نلزوه باتك باهي مانبوه بكل
فارس.باه يا باتي باه صبي يا يوسف
يوسف.ههههههه واكلة عليك الجو هي وبنتها
فارس.ديما مظلوم انا"وطلع هو ياه"
عمي.قعمزي سلم بنيتي
انا.نديرلك قهيوة ونجي
عمي.بااه بس تعرفيها قهوتي كيف اه مية مسقعة وعلى نار هادية نيييين تفور بعد تفور تحطي كاشيك قهوة وكاشيك صكر وتحركي وتردي عالنار تدير وجه وجيبيها لي نا نصبها"
انا.حاضر
"وخشيت درتها لاه بطقوسة الخاصة وجيته لقيته ماسك بيينا وحاطلها خلال ذهب في دبشها"
انا.محلاهاا سلمك جياب يا عمو
عمي.سلمك تو احكيلي كيف وليش رديتي
انا تنهدت.والله يا عمي ماني عارفة هو جا وقال ردي وعشان البنية وانا ماهانش عليا نرده ولا حتى ان صابرين تربى بيننا رديت
عمي.باهي والي حرجتي عشانه حكيتي معاه فيه
انا.حكيت معاه لكن خايفة يقعد كلام وخلاص
عمي.والله هذا شي في يدك تو انت دامك خديتي منه كلمه امسكي فيها واول ماتصحي وبنتك تمسك روحها قوليله هي وزني عليه فارس الي انا بوه ما يمشي معاي الا با