حكاية حياة
.........................
يوسف.انزلي
انا جيت قعمزت يلاه.كنك معصب
يوسف.مش معصب
انا.لما تدخن تبقى معصب
يوسف.اها
انا.بس بنته سمحه بككل
يوسف.هههههههه
انا.بجد يايوسف والله خلاص رد انته ومروة
يوسف.انت تبيش تملي من نفس السؤال ونفس الطلب
انا.والله عشانك يعني واجعني حالك وحالها
يوسف.خليها تشوف نصيبها ونشوف نصيبي خلاص
انا قعدت نبكي
يوسف.كنك توا عليش الدموع
انا.اسكت تره😡"وكان مقعمز عالكرسي الطويل رقدت.وحطيت راسي علي كراعه وغمضت عيوني"
يوسف.والله
انا مارديتش عليه قعدت نبكي وبدون صوت
يوسف.حيو خلاص كنك
انا نتيت فيه.اسكت
يوسف.حيو انت مادخلكش الموضوع بيني وبينها
انا.لا دخلني
يوسف.القصه مش فيك القصه اني مرة رنيت عليها نبكي بعلو،صوتي عليييييك حلفتها وشهدتها كانهي تعرف حاجه ندوي بيش نساعدك وقالت ماتعرفش والموقف هذا تكرر اكثر من مرة رنيت عليها من الاردن وقلتلها قوليلي سبب مقنع لرفض حياة وانا حنوقف الموضوع مباشرة وانكرت انها تعرف انا مستحييل نرد لوحدة ،كذبت عليا الكذب هذا كله مستحيييييل
انا قعدت نبكي اخرى.
يوسف.ورس حيو خلاص معش تفتحي الموضوع وانا معش نبي نرتبط اصلا
وحسيت بحاجه نزلت علي وجهي كان دموعه ينزلن ويمسح فيهن يبينش نفطنلهن
انا تنهدت.به
يوسف.صبي انزلي لوطه ارقدي نكمل الدخان وننزل
انا.فوته يافيفا عارفه مضر
يوسف.مضر لكن ينفس مرة مرة
انا.تدوي جد
يوسف.اااه
انا.هات طرف الواحد يجرب حسني مضايقه
يوسف.هاكي هه
انا.والله"ومسكته"
يوسف.اها بيشش نطوحك من السطاح بعدها
انا خديت شفطه علي طول نفسي
يوسف.ينعنشكلك "فكه مني" تي كنك انت كنك
انا كانن عيوني حمر ونكح قعد يخبط فيا علي ظهري
يوسف.تي شن قربك في عمه بس نبصر لما مديته لكي
انا.نحسابش يحرق هكي
يوسف.غبيه الواحد يبصرش معاك بكل
انا.عطيني وحداخر
يوسف مسك فمي.حيو
انا.اممممممم
يوسف.اسكتي خليني ندخنه برواق ولا انزلي
انا فكيت يده ونزلت لوطه علي طالع وسماطه الحوش مافيشي حد
خديت النقال
انا.الو
هاجر.الو حيو
انا.ياعيون حيو تجيني بكرة نطلعوا للسوق بنشري قفطان للبيان
هاجر.اوكي به بس من بيشيلنا
انا.يوسف خويا
هاجر.فوتي معناته
انا.لالا دويتله والله مش حيجي شورك
هاجر.اكيد
انا.اكيد
هاجر.تمام به😘وتيتي باقي الحاجات
انا.اها حجزت فيهن كلهن لكن من نعزم
هاجر.اعزمي عمامك وهكي وهل امك
انا.هل ماما فالشرق وماجوش حتى في عرس سالم مابالك بياني
هاجر.اممم وهل هدى وشوفي سهى بلكي تجي هي ومامتها بحكم انكم لكم سنه خاطبينها
انا.تو نشوفها
هاجر.والجارات وانا طبعا وصحباتك
انا.ممكن بنات الجامعه اكثر شي مروة ومروة عاد فارس خوها
هاجر.خلاص معناته بتحني؟
انا.شن رايك مرات نقول فوتيها
هاجر.لالا يوم الخميس الصبح عدي لحناية حلوة ترسملك نقشه حلوة
انا.لالا فوتي خوتي معايا فالحوش شن منظري قدامهم بيها عيب
هاجر.باهي البسي توتة طويله وماتكثريهش انت نقشه خفيفه
انا.به تمام
هاجر.ولازم تجيبي سفرجيات للتقديم
انا.عليش
هاجر.لانه من عندك غيري انا وهدى
انا.لالا هدى فوتيها ناوية الشر
هاجر.هههههههع كنها
انا.وين نندري عليها مع احترامي لكونها اختك يعني
هاجر.لا عادي حتى نحنه فايتتنا طول النهار غير مظبطه سالم
انا.هههههههه يعني نشوف سفرجيات
هاجر.اااه
انا.وشن مزال اخرى
هاجر.جبتي اماعين عزومة مه
انا.اااه
هاجر.تمام معناته كل شي واتي بتديريه فالمربوعة طبعا
انا.اكيدة والرجاله فالمربوعة الخارجيه يقرو الفاتحه اكيده والجو اهوا
هاجر.خلاص تمام خوك يبي يدير عشا
انا.لالا فالعشيه كل شي بيتم اصلا يعني عزومتهم كيف عزومتنا
هاجر.اوكي تبي مزين تجيك فالحوش ولا تعديلها
انا.لالا نعديلها شغل ابتاع الحوش نحبش
هاجر.في وحدة اسمها $$$$شوفيها
انا.تو بكرة ناخد الفلوس ونعدي نحجز فيها
هاجر.نعدو تكي عليا نعدي معاك
انا.تمام
هاجر.شن مزال اخرى
انا.خلاص كل شي تمام
هاجر.الحمدلله فرحتلك ياحيو والله
انا.عقبالك ياارب
هاجر تنهدت.مااضني مع هالهم
انا.كنك
هاجر.فوتي مش وقت نكد
انا.لا ادوي والنبي كنك
هاجر.حبيبي فالجبهه ياحيو كل مايقولو الجيش قدم ولا وخر نقعد بنمووت نين نرن عليه فالليل يطمني عليه وانه كويس نحبه ويحبني وعلاقتنا تهبل فاوقات يدزلي فاغاني وصور لاه من وسط المحور كاتب اسمي برصاصة ولا حاجه هك
انا.ياخيا
هاجر.لكن خلاص خايفه عليه والله وهوا ميبيش يرد
انا.اصبري عليه ياقلبي وتحملي ربي يرده لكي طيب
هاجر.ياارب هي باي
انا.باي
#صكرت_منها
ولقيت يوسف خاش لداره بيرقد خشيت داري حتى انا ورقدت
#الساعه2_فالليل كان النقال يرن
انا رفعته.الو
فارس.الو حبيبتي
انا.حبيبي نعسانه بنرقد تو يطلعولي هالات نقعد نعاني فيهن فالعرس
فارس.ههههههه باه قبل بنقولك هديتك فم الباب لكن خلاص تو نروح بيها
انا نطيت.شنو
فارس.حلي الباب تلقيها
انا.بس
فارس.انا مش قاعد والله هي بس قاعده
انا.ههههههه به"خليت التلفون علي وذني"
"لبست جاكت التوته وطلعت لوسط الحوش لقيتهم راقدين طلعت فتحت باب الحوش لقيت قفص صغير ابتاع قطوس رفعته وقعدت نبحت لقيت فارس مصبي بعييد ويبحت فيا "
فارس.خوديها وخشي
انا.ههههه به انحبك والله
فارس.نموت فيك خشي راه تديريلنا جريمه
"خديتها وصكرت الباب وخشيت بيها للصاله"
انا.حيي تهببل
فارس.اااه سميها
انا.اممم
فارس.شنو
انا.مش عارف شن نسميها
فارس.سميها جودي
انا.من جودي هذاه
فارس.صحبتي الجديدة
انا.وشيلها لها معناته😡
فارس.هههههههه هبله وربي تي سميها هي
انا.ذكر ولا انثى
فارس.انثى
انا.نسموها جيسي
فارس.جيسي حلو
انا.ااه
فارس.طلعتيها ولالا
انا.لالا اهو طلعتها
"وحليت القفص ومسكتها طلعتها كانت كييووت وصغيرة تهببل حطيتها في كتري وقعدت نمشي عليها وهي هاديه"
انا.ليش لونها اسود ومنفجه
فارس.حقيتها خطرتي عليا اصلا
انا.ههههههههه ليش
فارس.شعرك اسود،ومنفج
انا.ههههههه بس هذي هاديه
فارس.لالا نعسانه بس تو بكرة تشوفيها
انا.صااح
فارس.اااه اسمعي علميها تعدي للجنان وتحفر فالرملة بيش تبدش تدير فيها فالحوش
انا.حي علما كيف بنوريها لخوتي شن نقوللهم
فارس.عادي تدققيش قوليلهم جتني هدية من صحبتي امس وخلاص
انا.امم به
فارس.انا بنصكر حتى انا نبيش هالات عالعرس
انا.هههههههه باي
فارس.انحبك
انا.انحبك اكثر
فارس.لا انا اكثر
انا.لا انا اكثر
فارس.انا جبتلك قطوس يبقى انا اكثر
انا.تو نجيبلك كلب عادي
فارس.كلب يعضك نحبهنش
انا.ليش كنهن الهاسكي
فارس.تعرفيهن بكم الهاسكي انت
انا.ههههههه
فارس.صكري هي
انا.به
صكرت منه وقعدت نبحت فالقطوس
انا.جيسي ياخيا تهببلي عيونك زرق
"خشيت للدار وحطيتها جنبي ونسيت نصكر قفصها كويس ورقدت"
#فالصبح
نضت علي صوت يوسف يضحك وعلي يعيط طلعت نجري.
انا.كنكم
لقيت علي مصبي بعيد ويوخر والقطوس تقدم عليه بشويه ويوسف بيموت ضحك
علي.شن جابها هذي هنا تي طلعوا امها
انا طبست شمرتها.علي بالشويه قطوسه راه
علي.نحبهنش لزيها شيليها راه تطلع منجربه
انا.لا هذي جيسي مطعمه جبتها ليا جوجو امس
علي.لا جيسي لا حواء قبقاب طوحيها فالشارع ولا رديها لصحبتها
انا.تو نخليها في قفصها كنك انته خايف منها
يوسف كان يمسح في دموعه من الضحك.اااه يخاف منهن عشان زمان عضاته وحدة"ورد يضحك اخرى"
علي.لا مش خوف نحبهنش مش كويسات
انا.اهاااا اوكي صدقتك" خديتها ورديت بيها للدار"
انا.الو
فارس.صباح الحب على احلى حيو
انا.ياعيون حيو
فارس.كنك
انا.انته كنت عارف انه علي يخاف من القطاطيس صاح
فارس.لاااااااااااااااه😁
انا.مش عارف
فارس.ابدا ولا مرت عليا اصلا ولا كنت نعرف انه عنده معاهن عقدة من وهو صغير ولا نبي ننتقم منه علي موقف الكرت ولا اي حاجه
انا.خزي عليك باهي وانا نحسابك عشاني
فارس.اول ماشريتها عشانك بس عاساس تبقى عندي فالحوش ولما تجيني تاخديها بعدها خطرت عليا الفكرة
انا.اهااا به به تعال خودها وجيبلي فكرونه
فارس.عنجد فكرونه
انا.هههعهه
فارس.امتى بتشري قفطان البيان
انا.اليوم بلكي نطلع نشريه
فارس.والله انا نطلعك وتشريه
انا.ومعانا مروة راه
فارس.ومعانا مروة😑
انا.خلاص تو نقول لخوتي وبكرة تعال
فارس.به
انا.تمام
فارس.نبي نطلع للعمل انا بالسلامه
انا.باي
"صكرت"
وحطيت جيسي علي سريري وطلعت للمطبخ درت الفطور وحطيته
انا.هيا كان بتفطرو عليييي فيفاااا
جا علي وقعمز وبعدها يوسف طلع من الدار وبدينه نفطرو جت القطوس تجري وقعمزت في كتر علي
علي.حوليييها حوليييييها ازح
يوسف رد يضحك اخرى بهستيريه
انا.علي راجل طولك وعرضك وتشيل في حديد خايف من هالمفعوصه الصغيرة
يوسف.ههههههه والله نقولها لسوسو هههههههههه وووووو بطني
علي.مانخافش ازح هك نحبهنش
"قعدت القطوس تماوي بشويه،وبعدها رقدت"
علي.حي علما رقدت
انا.ههههههه حباتك شكلها
يوسف.ههههههه جذاب خوك للقطط وشبيهاتها"كان يدوي علي سهى عشان عيونها تقول قطوس"
انا.عهههههههههههه
علي قعد يفطر وكاز منها ومرة مرة يبحت فيها وكملنا فطورنا
علي.حوليها بنصبي
خديتها وشلت حطيتها علي سريري ورديت شلت الصفرة وهما الاثنين طلعوا رد علي الساعه11
علي.هاكي هذين الاربع الاف
انا.تمام شكرا والله
علي.مش بينه ياعبيطه فلوسك هذين
"جت القطوس تجري ولصقت في كرعيه دفها"
انا.حررام عليك حباتك والله
"ردت الصقت فيه اخرى"
علي طبس مسكها ورفعها وقعد يشير عليا
علي.اهيا صاحبتك مش انا عديلها
"ومدها ليا مسكتها هوا طلع وانا صكرت الباب ورديت بنرقد حطيتها يلايا قعدت تماوي طشه وبعدين رقدت وانا رقدت"
#لييين_العشيه
نسمع في دق عرفته يوسف
حليتله
يوسف.هيا كان بتطلعي للسوق
انا.باهي هي
يوسف.راقدة طبعا
انا.هههههههه اااه
يوسف.شكلك تمسكي انت المحل وانا نقعد فالحوش نرقد تي ظلم هذا،راه خوك علي لما درت البيان نقطهن ليا تنقيط الفلوس مش اربع الاف مرة وحدة
انا.عليك حسد فيك
يوسف.ههههه وين جيسي
انا.في سريري راقدة
يوسف.صكري عليها فالقفص راه تدير شي خارقه
انا.به يوسف بنقولك
يوسف.شنو
انا.قفطان البيان مش طلعت انا وياك ومروة شريناه
يوسف.اااه
انا.خلاص مفروض توا نطلع انا ومروة وفارس نشروه
يوسف.اااه يعني
انا.يعني لو جا بياخدني ومعاه مروة عادي
يوسف.معاه مروة اااه ويبقى فم باب المحل
انا.تمام به
يوسف.تمام هي
"طلعنا وتكينا علي هاجر"
هاجر.هاي
انا.هاي
يوسف.وعليكم السلام
هاجر.😒😒😒
انا.ههههههه شن جوك ياجوجو
هاجر.تمام
وقعدنا ساكتين وهكي نين وصلنا للمزين حجزنا فيها وبعدها حجزنا في طاقم سفرجيات ولفينه خدينا حاجات غريبه هاجر قالتلي تستحقيلهن زي الكواغط ابتاع الكبايات والستيكرز والفيونكات والكبايات و التفساس.....الخ وحجزنا في بكلاوة نحطوها مع الباسطي
انا.خلاص يوسف كملنا تيالي معش عندنا وين نعدوا
هاجر.والقفطان
انا بهمس.لالا بنطلع مع فارس نشريه
هاجر بهمس.ياحظك😂
انا.هههههه مانحكيلك
هاجر.عقبالي ياارب
انا.يارب
"وصلنا فم حوشها نزلت"
يوسف.حانطه بككل
انا.ااه جوها احلى من هدى
يوسف.ههههه اها توا نحطك فالحوش ونعدي لمحل ونبي نروح نلقى وكال زي البشر مليت من حاجت المطاعم والوكال الغريب اللي تديري فيه
انا.ههههه شن تبي مثلا
يوسف.كسكسو رز بازين مش طول النهار مكرونة بصلصلة لازانيا سوفليه مرقة دجاج اندومي الشوربة الخاثرة هذاه ابتاع الفطر
انا.هههههههه اهدى اهدى باهي تو ندير كسكسو
يوسف.بالتقليه
انا.اشررط اخرى
يوسف.شايلك للسوق ساعتين لف
انا.هههههههع تأمر حاضر
"وصلنا للحوش نزلت صكرت الباب وخشيت لداري سلحت وفتحت لجيسي القفص لحقتني وخشيت للكوجينه بديت فالكسكسو"
رن فارس حليت المايك وحطيته عالطاولة.
انا.عيوني كنك ران توا
فارس.بكرة نطلعوا نشروا القفطان راه خلاص معش فيها الخميس انا مش فاضي
انا.لالا خوتي قالو لأ
فارس.عنجد لأ كيف هكي
انا.ههههههه نبصر بكرة تعال فالعشيه نطلعوا
فارس.تمام
انا.اليوم طلعت للسوق شريت حاجات اخرى
فارس.تي مش قتلك قوليلي قبل ماتطلعي للسوق
انا.ههههههه والله رانه عليك بنقولك ونسيت
فارس.غبيه
انا.المهم خايفه فالعرس شن بندير
فارس.ليلة مشتركه هوا كان هذا خودي الفرقه والعشا وخلاص
انا.القصه اني مانعرفش عرس سالم داراته ماما كله وانا مش من النوع اللي يشارك في العراس والمناسبات بنات عمي ازوزن كلهن كان عديت فالحنه نفوت الزفه
فارس.ههههههه عقده
انا.نحبش المناسبات
فارس.غير راك تديريها ليا تحضري البيان وتفوتي الزفه
انا.عهههههههههعهع اها خلاص يومين واجد نحضر يوم بس
فارس.هههههههه
انا.اااااااه
فارس.كنك
انا.انكبت المية الساخنه علي يدي.
فارس.حطيها تحت المية المسقعه بسرعه
انا نبكي.حطيتها واااعرة
فارس.ادعكيها بتلجه
انا.به،به
"وقعدت ندعك فيها بتلجه"
فارس.شن جابها لكي المية
انا.ندير في كسكسو
فارس.انت ياطشه تديري في كسكسو
انا.طشه صحيح 23سنه توا قريب
فارس.بس قصيرة
انا.مش قصيرة انته اللي طوييييل وعريييض وسمووح وشعرك يهبببل وعيونك خيااال ولحيتك بروحها تقتل
فارس.حيه عالدق يا هذا كله فيا
انا.اسكت خلاص
فارس.عليش نسكت تحشمتي يعني.
انا.اسكت خلاص.
فارس.عههههههه ياطشه
انا.انته اللي طويل بزيادة انا طولي كويس
فارس.ههههههه به
انا.ههههههه خلاص طاب الكسكسو
فارس.صحه
انا.عقلبك
فارس.ياقلبي
انا.حييي جيسي تهبببل بكل وتدير في طروح
فارس.كيف
انا.مرة ترقد ومرة تشقلب علي بطنها وتنط من فوق التلاجه ودوارتها تلصق في علي
فارس.هههههه ماهو اول ماجتني شممتها جاكت علي بيش تحفظه
انا.هههههههههه حرام عليك
فارس.صكري هي
انا.كم مكالمه فاليوم نحنه
فارس.مش عارف بس انا قعدت نشري فالكروت بالشريط
انا.هههههه باي
*وصكرت*
وقعمزت عالنت نشرت خاطرة ليا كاتبتها وقعدت نرجى فيهم نين يروحو روحو
خش يوسف لداره وكلا علي وهوا يسلح فالكويش جاته جيسي تجري لصقت فيه
علي.ياحول الله"وقعد يضحك"شن قصتها هذاه لصقت فيا ازح
انا.مش عارف حتى انا تلصقش فيا هكي علي.هذي شكلها واحد اول ماجت مشممها حاجه فيها بنتي
انا.ا اا ا
علي.من جابها لكي
انا.صحبتي
علي.صحبتك اهاااااا
انا.😅😅😅😅
علي.شن مطيبه
انا.كسكسو
علي.ههههههه واخيرا حاجه طبيعيه
انا.تي كنكم اول امس واكلين مقطع
علي.وامس مكرونه بصلصله وقبلها شوربة ماجي ولا الهني الخاثرة تقول حساء خضر وحاجات وحدخرات غريبات
انا.هههههههه حرام عليكم سمحه ماجي
علي.حطيلنا بس
خشيت حطيتلهم يتعشو وجيسي في كتر علي حولها ردت ركبت سلم بالامر الواقع وخلاها نين رن نقاله ونحنه ناكلو
علي.الو
علي.شنوووه
"وصبى من مكانه يجري خدا المفاتيح والنقال وولع السيارة وطلع يجري"
#يتبع
#حكاية_حياة
#حلقة39
علي.الو
سهى.علي تعال بسرعه انا تحت الكوبري خبطت واحد فالسيارة وهوا نزل ويهزب فيا يبيني ننزل وانا مصكرة علي روحي وخايفه
علي.شنوووووو
"وصبه يجري من مكانه للسيارة لحقه يوسف"
يوسف.كنك
علي.شي شي سهى دايرة حادث
يوسف.باهي تمام
"خش يوسف للحوش وعلي عده بسرعه لسهى في دقيقتين كان عندها من كتر مايجري نزل بسرعه من السيارة مايحقش في شي عده للراجل لقاه مصبي ويخبط علي سهى في باب السيارة وهي خايفه وترعش كره من دبشه وبده فيه وبدوا يضاربوا لكن علي قدره وجابه طايح"
الراجل.خلااص يارا وخر سيبه قتلته
علي.وين كنتوا لما كان يتهجم عالمرا فالحين توا تحزوا
"ووخر جا للسيارة دق علي سهى فتحت البطمه فتحلها الباب طلعت بسرعه وحضناته وقعدت تبكي
علي نزل بيها للسيارة.بطلي بكا خلاص نهينه القصه اسكتي
سهى.نبي نروووح
علي.عدي لكرسي اللي عالجنب نروح بيك ونعدي للحوش هي
سهى.به بس بابا
علي قعد ماسكها ومستكين
سهى.باهي خلاص اطلقني
علي.هههههههه
"ووخر انزلت خشت في كرسي الجانبي وعلي ركب لكرسي السواق وولعها وبده يسوق"
سهى.تعبتك معايا
علي.مانحكيلك مسيب كسكسو وجايك نجري وتكيت عركه وحصلت بوني خطير بكل علي عيني واظطبتيني فالشارع وشهدوا علينا الناس وتوا بنرد اخرى ناخد سيارتي ونروح نلقا الكسكسو بارد والفرخه حياة تنبالة ومش حتسخنه.
سهى.المفروض تقول تعبك راحه ولا ولايهمك ياعديم الرومنسيه
علي.ههههههههههههه تو انا بنفهم خبطتيه عليش نزلك
سهى.ماههوووو
علي.ماهو شنو
سهى.ماهو هو الغلطان وانا نزلت وهزبته
علي مسك فرينو.شنووو
سهى.هزبته
علي.قصدك نزلتي فالشارع وقعدتي تعيطيله
سهى.لالا ماعيطتش هزبت عادي
علي.ازح شن دواك معاه قايلك تخبطي كملي طريقك وانت ساكته
سهى.وجعتني السيارة
علي.ومش واجعك الموقف
سهى.علي عااد.
علي.سهى بلا طروح تهزيب وتعلاي صوت فالطريق حركات المسترجلات مانحبهنش
سهى.به
علي.انزلي هي
سهى.اوكي هات المفتاح
علي فكه ونزل من السيارة صكرها ومدلها المفتاح
سهى.شكرا
علي.😒
"وعده علي كرعيه خذا تكسي للمكان وركب في سيارته وروح للحوش خش"
انا.حمدالله علي سلامتها ان شاء الله مش خطيرة
علي.لالا خبطه عاديه
انا.ااااه به
علي.تبي حاجه
انا.لالا
علي.باهي تصبحي علي خير
انا.وانته بخير
"وخش لداره ويوسف يتفرج في داره وانا خشيت لداري رقدت"
سهى رنت على علي
سهى.الو
علي.ها الو
سهى.كنك تكشخ فهمني بس
علي.لانك غلطانه وتكابري
سهى.ااه
علي.شن تبي توا
سهى.بنهدرز معاك
علي.هدرزي مع اللي هزبتيه فالشارع وشهدوا عليك الناس
سهى.حبيبي عااااد حمقت وهزبته خلاص
علي.تو عاجبك الموقف
سهى.باه خلاص موقف وعده شن ندير
علي.معش تعاوديها مرة اخرى خبطك فوتيه وعدي
سهى.حاضر به
علي.وقولي انحبك
سهى.ماابردك تي انا نحرق وانته تشفط
علي.ههههههههههههههه بس والله تظبيطه لا قوة الا بالله
سهى.عليوة نصكر عليك راه
علي.نقتلك بعدها
سهى.تقتلني وبعدها معش يقعد في انا
علي.يكون احسن
سهى.انته امتى بتتحرك وتقعد رومنسي
علي.تي انت نقعد رومنسي تقولي نصكر عليك وتغيري الموضوع نفوت الرومنسيه تقولي اقعد رومنسي وحق ربي خاطب متخلفه عقليا انا
سهى.اكيد متخلفه عقليا كيف نتحملك مالا
علي.باه يامتخلفتي
سهى.نعم يامتخلفي
علي.انا بنصكر ونرقد
سهى.مرقد جدي بنحكيلك شن صار معايا اليوم
علي.ياهمي نايض من ال7الصبح انا
سهى.ياقلبي ربي يساعدك
علي.تصبحي علي خير انحبك
سهى.وانا نموت فيك
"وصكرت"
#عندي_انا
فارس.الو
اناا.الو حبيبي شن جوك
فارس.تمام بكرة نجيك فالعشيه انا ومروة نشرو القفطان راه
انا.تمام عارفه
فارس.بنسالك
انا.نعم
فارس.انت جيتي في عرسي
انا.اه شن قلت
فارس.جيتي في عرسي
انا.اااه
فارس.ليش
انا.ماقدرتش القهرة والحسرة في قلبي ماخلانيش نسمع بعرسك ومانعديش
فارس تنهد.شخصيتك قوية بشكل يخوف
انا.مايخوفش انته الاوفر بس
فارس.لا تخوف تطلعي بروحك من شقه وتعدي لا تخافي ولا شي وتحضري عرس وتروحي افرضي شافك حد ولا اي حاجه
انا.كل الي همني وقتها اني نشوفك
فارس.غيري الموضوع
انا.شن نشريه القفطان
فارس.كيف
انا.القفطان شن شكله شن نوعه
فارس.بكرة فالمحلات نعرفو عنديش عليهن
انا.امممم به
فارس.صكري هي بنرقد
انا.به تصبح عخير
*صكرت*
جت في بالي خاطرة كتبتها ونزلتها:-
انثى قوية ملأى بالعنفوان مخيفة وكبريائها ليس له حدود تخيف الجميع ولا تخاف احدا حتى من يحبها يخشاها.
ورقدت
#تاني_يوم
نضت الصبح درت الفطور كالعادة لخوتي ورديت رقدت نضت الساعه10 ولقيت
فارس دازلي مسج يصبح عليا فيه دازة الساعه 9
برمت عالحوش ودرت شوربة ماجي للغدا ورديت رقدت
#فالعشيه
نضت رن عليا يوسف
انا.نعم
يوسف.مروح عالمغرب راه مش حنجي نتغدى
انا.به تمام دايرتلكم شوربة ماجي بالفطر والطماطم تهبل
يوسف.زمري😐
انا.ههههههههه زي ماقتلك طالعه مع فارس ومروة نشري قفطان
يوسف.كم واخدة معاك
انا.الفين
يوسف.تمام
انا.حسيهن واجد
يوسف.اشري وردي الباقي
انا.به باي
يوسف.حياة عباية
انا.بلوزة طويله زي ابتاعت هذك اليوم
يوسف.عباية
انا.افففف به😐
يوسف.ووجهك فاضي بالسلامه
انا.في عينك تقول طرف بطاطا لأ
يوسف.هههههه به يابطاطا المهم انت عارفه ماتبديش كيف المهرج
انا.ههههههه باي
"صكرت منه خشيت درت كحل ومسكرة وقلوس ولبست عبايتي ومحرمة تركية حلوة وقبال راقي"
انا.الو
فارس.فم الباب اطلعي هي
انا.هي
"جيت فتحت الباب وطلعت ركبت للسيارة"
انا.السلام عليكم😄
مروة وفارس.عليكم السلام
مروة.شن خطرها الطروح عرس وبيان وتعالولي نشري قفطان ياحيو مانكش اول زيزة راه ولا حتى فارس
انا انصدمت من كلمتها عالاخر
فارس.مروة كنك
مروة.ماكني شي لكن موضوع المشيه هذا مش عاجبني حسيه ماشور شي شن بيقولو الناس
فارس.واحد مطلع خطيبته تشري قفطان البيان ماكلهم يديرو فيها
مروة.لا طروح جدد هذين
انا.ااه تعلمتهن منك
مروة.😳
فارس كيف اللي فهم قصدي.خلاص بس
انا.☺
"وصلنا قدام محل حلو فالفويهات ونزلنا"
مروة.شن رايك في هذا
انا.لالا مش حلو لونه
مروة.اهاا وهذا
انا.خليني بس تو نلقا حاجه حلوة ونوريك
مروة.اففف به
انا.كنك ياميمي
مروة.كني شي
انا.والله كنك من السيارة مش عاجبتيني
مروة.تبيش تخلي خوك يردني انت
انا.لعند امس قتله جايينها عرب وبتوافق قاللي تشوف نصيبها والله حاولت معاه ياميرو مايبيش
مروة.والله!يعني حتى لما خديتك لخويا مزال معند راسه
انا.اهاا يعني انت تدخلك عشان ناخد فارس كان عاساس يايوسف راهو زوزت اختك خلاص ردني
مروة.تبي الحق اااه يعني كانهو عشانك اهو حليت مشكلتك لكن بجد ياحيو خليه يردني
انا.مروة مش فيدي الموضوع كان مهذا راه خليته
مروة.تمشيش عليا انت ويوسف مع بعضكم ديما ومستحيل يردك كان تبيه يردني تعرفي كيف تقنعيه
انا.والله مايبي مروة بنغصبه عليك خلاص انسيه
مروة قعدت تبكي.نحببه ياحيو نحبببببه كان مهذا ماذليتش روحي بهالطريقه مش قادرة خلااص نحلم بيه نتخيل فيه نذكر في كل شي ونقرا في محادثاتنا والشعر اللي كان يدزلي فيه وكل شي ماقدرتش ننساه ياحيو
انا وجعتني قعدت نبكي.خلاص بس نحاول معاه لكن نوعدكش لانه مصكر راسه وانا قتله مستحيل نطلبلك غيرها
مروة.قصدك هوا حاط في باله
انا.اااه كم مرة دوالي علي وحدات يبيني نطلبهن لاه وانا نطلع منهن في عيوب
مروة جففت دموعها.خلاص بس خلينا ننقوا قفطان
انا.هي
"طبعاً فارس فم الباب"
انا.شن رايك في هذا
مروة.حلوو بككل
"كان قفطان كحلي ضابط عالجسم كلله لعند لوطه ومن فوق كمين عريضات طايحات عالجنب وفتحته علي شكل قلب"
مروة.خشي قيسيه
انا.كم حقه
مروة.870
انا.باهي تمام
'خشيت لحجرة القياس لبسته وقعدت نبحت فالمراية كان خيااالي"
انا.مروة خشي شوفيه
"انفتح الباب وانا نبحت فالمراية وعاطيته بظهري كان فارس خاش"
انا.فاررس😲
فارس.اششش بس
انا.اطلع حرام منظره فضيحه
فارس.بعد بكرة بنقعد راجلك بنشوفه بس
انا.بس
فارس.ابرمي من لقدام
انا برمت قعد يبحت فيا
فارس.تهبلي
انا.خلاص اطلع تو تفطن مروة ولا صاحب المحل حي عليا
فارس قدملي وانا قعدت مصبيه في مكاني لف يديه ورا ظهري قدمني لاه وطبس علي فمي حطيت يدي علي فمه وبستها هوا فالبداية فنص بعدها باس يدي ووخر
فارس.صبرني ياربي لعند بعد بكرة
انا.اطلع خلاص
فارس.نحبك يابشه
انا.ههههههه بشه جديدة هذاه
فاررس.هههههه ماشيه معاك بالكحل هكي
انا.انحبك حتى انا اطلع هي
فارس.به به وانت تلزي
"وطلع صبا فم الباب وبرم بحت فيا"
فارس.نقولك ملاحظه
انا.شنو
فارس.جسمك فالقفطان يقتل
انا.فاراااااس😠
"طلع بسرعه،وصكر الباب نسمع فيه يضحك وانا بروحي زرتني الضحكه"
لبست العباية وطلعت بالقفطان
انا.مروة هذا ناخده ليا ولا تجيبوه انتم
مروة.لالا خوديه لكي ابتاعنا خليه يكون قصير احلى
انا.به تمام
"حطيته عالكشير جا فارس صبه يلايا ووين جيت بندفع"
فارس.لالا خلي تو ندفع
مروة.لالا خليها تدفع هذا قفطانهم تو تشري انته قفطان الاخر
فارس.باهي ساهل كم هذا
الراجل.870
فارس طلع ومدهن لاه
"وطلعنا"
انا بهمس.ماكانش في داعي تدفع الاخر ندفع حقه انا
فارس.مش مالي عينك الي قدامك
انا.ماتجيش يافارس والله لانه هذا بنلبسه عند هلي وانتم بتجيبوا قفطان ومفروض انا ندفع حق قفطانا
فارس.به ومن يعلم ماتعدليش عالماديات واجد كنك
انا.شوف تبحيتات اختك تو تعرف كني
فارس برم كانت مروة تمشي ورانا ومن كترت ماراقيتلها نين عيونها خاشات علي حواجبها
فارس برم زارته الضحكه.كنها
انا.ماهو لما شرينه قفطان البيان خليتها تسلك بروحها بس وقتها وضع يوسف يفرق ماكانش عنده فلوس
فارس.هههههههههه يناري وجعك خيك لكن فارس عادي
انا.خزي باهي تو نوصلو للسيارة نطلعلك حقه لكن وينها اصلا هيا
فارس.حطيتها اخر الشارع
انا.كان يحقني علي توا معش تحز
فارس.هههههههه
انا.ارجى بنخش للمحل ابتاع الشكلاطات هذا نبي
فارس.تبي كيندر مه
انا.ههههههه اااه
"خشينا للمحل وكان ملييياااااان"
مروة فطنتلها عدت للجزء ابتاع الجولاطي وانا خديت اربع طروف كيندر وجيت بنسلكهن لقيت فارس😱حي علمك
جيت يلاه.فارس تو يقولو مجاعه شن بندير بيهن باكوين
فارس.يسدنك من هنه للعرس
انا.ااااه اكيده
فارس.هههههه خلاص تمام
انا.به حطهن في شكارة سودة عليك فضيحه
فارس.بس مش نجي للفرح نلقاك سمينه اكره مانكره السمن
انا.اصلا نحبش السمن انا ويكمل كله حرق اللي ناكله
فارس.سلامتك من الحرق كنك
انا.ههههعهههههه لما نحمق نحرق نين جني اعصاب معدة
فارس.اوووو باهي وين مروة بيش نطلعوا
"برمنا لقينا مروة مختفيه يلا قسم الجولاطي عديت لقيتها فاتحه التلاجه ومطبسه عاساس بتاخد لكن كانت تبكي وتشهق"
انا.مروة كنك
مروة قعدت تمسح بسرعه.شي شي
انا.كنك ياقلبي شن في
مروة.ماكني شي مضايقه بس
انا.سلامتك تعالي هي
طلعت وخديت انا تلاته جولاطي بيش فارس مايفطنش وطلعنا.
فارس. نروحوا السيارة قربت راه
مروة.لالا مزال قفطان اللي نشيلوه لها دام انها دايرة بيان
انا.كيف
مروة.بجد كنتش نحسابك دايرة بيان بيان عاساس نجي انا وماما نلقوك انت واربع خمس صبايا قريباتك نلبسوك الدبله والطاقم ولا يخش فارس يلبسها لكي ونقعدوا شويه ونروحوا لكن توا بنروح نحاول نوتي حاجة بيان عالسريع
انا.باهي خلاص خليها كيف ماقلتي كانها خطوبة وانا عادي ماعزمتش واجدين اصلا نديروها خطوبة مش بيان
مروة.هكي يكون احسن حتى لكي ماشور شي بيان راه
انا.ااه صح
طلعنا ركبنا فالسيارة وفارس مادوش لين ولعت السيارة.
فارس.خلاص نروحوا
انا.لو تتكي بيا عالمحل هذا نشري كندرة واكسسوارات فيش مانع لانه قصه كان بنطلع بكرة اخرى
فارس وقف.انزلي هي
"نزلت انا وياه"
انا.مروة انزلي
مروة.لالا بنقعد راسي صداع
انا.به
"خشيت للمحل كان حلو بككل خديت الاكسسوارات اللي نبيهن عالفيروزي وحذاء فضي حلو وعالي وطبعا سلك فارس"
فارس.كنها مروة مريضه
انا.مضايقه عشان يوسف وهكي انا نعرفها
فارس.تستاهل
انا.مااقسى قلوبكم كلا انتم
فارس.امشي قدامي امشي راه نوريك القسوة صاح
انا.تو بتوريني القسوة وامبدري تقولي يابشة
فارس.هههههههه بشة والله تمشي معاك حسيها
انا.هههههههه هيا بس
"وطلعنا ركبنا للسيارة وبده فارس يسوق ويشفط نين وصلنا للحوش نزلت وكانت قيس المغرب"
خشيت لقيت علي ويوسف قاعدين
خشيت بسرعه لداري حطيت الحاجات وبدلت حسيت باحساس سااامط
طلعت لوسط الحوش
علي.وين جيسي
انا.اه
علي.القطوس وين
انا.مصكرة عليها في قفصها
علي.هههههه وانا نقول ليش ماجتنيش تجري اطلقيها
انا خشيت للدار طلقتها وفعلا طلعت تجري لعلي
شمرها وحطها علي كتفه
انا.هههههههه حباتك
علي.اها فيها جو شن العشا
انا.شوربة ماجي
علي.انت ماعندكش غيرها ماتكملش منك بكل
انا.ههههههه سمحه كنها
علي.كرهتها
انا.بكرة رز مبوخ اليوم تقبلوها
علي.هههههههه باهي حطي هي
انا.يوسف وين
علي.راقد في داره
"خشيت عليه لقيته مطوح عالسرير بدبشه ومظلم الدار"
انا.مرايف عليك لدرجة انها كملت المشيه تشهق بالعبرة من البكا
يوسف.اطلعي ياحيو
اانا.طالعه
"وطلعت خشيت للمطبخ حطيت الوكال وناديتهم علي جا وكله يوسف قال مانبيش كلينا وكملنا وشلت السفرة ضميتها وخشيت للدار كسدت عالنت نشرت خاطرة مكتوب فيها
"دلالك لي يافارسي ماهو الا اعتراف بحجم حبك لي ولتعلم دائما اني ابادلك المشاعر ذاتها"
"رن عليا فارس"
انا.الو
فارس.شن جوك توا
انا.تمام بكل ناكل في كندر
فارس.ههههه صحه
انا.قول شن
فارس.شنو
انا.علي والقطوس قعدوا اصحاب
فارس.والله
انا.اااه امبدري قاللي اطلقيها وينها وتوا مرقدها علي بطنه في داره
فارس.ههههههههه سلكن امورهم يعني باهي كويس قتلك
انا.شنو
فارس.معش تنشري كتاباتك خليهن خاصات بيك
انا.لييش
فارس.كتاباتك اللي ناشرتيهن فضائح راه
انا.كيف
فارس.واضحه فيهن بكل باينه شخصيتك وباين شن تقصدي يعني معقوله حياتك الخاصه منشورة هكي
انا.هذين كتاباتي وطول عمرك تحبهن شن تغير توا
فارس.نحب نقراهن مش تنشريهن والكل يقراهن
انا.يعني
فارس.خليهن حاجه خاصه بيك معش تنشريهن
انا.😟😔
فارس.حيو مش عشان شي لكن انت وااضحه بككل ماتكتبيش في حاجات مبهمه اللي يقرا كلامك يفهم شن تقصدي قصة حياتك كلها فالبوستات
انا.اوكي به
فارس.خليهن في كراس حلوة زي من قبل كراستك الاولى ووريهن ليا
انا.به به
فارس.زعلت البشه
انا.لا مازعلتش😑
فارس.لا.زعلت من نبرة الصوت ابتاع خاطاني هذي
انا.باهي خاطاني معناته
فارس.لالا مانيش مصكر نين تضحكي
انا.مانيش
فارس.اضحكي
انا.مانيش
فارس.تي اضحكي
انا.ازح مانبيش نضحك
فارس.كيف ياطير ماشور شي هكي الدنيا ماتسواش راه
انا.مرة مرة الواحد ينظم امورة يارفيقي دنيا غدارة
فارس.مانحكيلك يابوصاحب
انا.تهد معايا علي عيت الحول بندير معاهم طحنه
فارس.طاح سعد عمك شن عرفك بيهم عيت الحول
انا.هههههههه نسمع بيهم بس
فارس.اااه تتعامليش معاهم مرة مرة
انا.ههههههههههه لالا مزال
فارس.وناوية عليها اخرى
انا.اكيدة ياطيري الحشيش للرجاله
فارس.راه نجي نعضك راه
انا.هههههههههه عنجد تعضني
فارس.بطليها الدوة هذي
انا.ليش ماتدويش معايا هكي
فارس.هكي ندوي مع اصحابي ومعاك انت بطريقة وحددخرى
انا.لالا خلينه ندوو كيف الاصحاب ياطيري فيها جو
فارس.باه ياطيرتي ونعدي لاصحابي نقوللهم نحبك ونموت فيك
انا.هعهعهههههههههههههههههههه
فارس.هارب منهم انا مش ندوي معاك زيهم
انا.ياخيا نحبك
فارس.ليش لازم تقولي ياخيا قبل نحبك
انا.ههههههههه مشيها ياطيري
فارس.مسكتي فيها
انا.فارس
فارس.ياعيونه
انا.بنسألك سؤال
فارس.شنو
انا.------
فارس.😡😡😡
انا.💔😵😞😞😟
#يتبع
