فوووت و تعليق 😍 حبايبي
حكاية حياة😘
#فالصبح
يوسف.حييااة نوضي
انا نضت مستغربة فيه قبل ننوض بروحي لما نفطنلهم ونديرلهم فطوورهم
انا.كنك
يوسف.نوضي بندويلك
انا.شنو
يوسف.مروة
انا نطيت من مكاني.كنها😍
يوسف.نبي نن ننشيلك يعني
انا.تشيلني نباركلها قصدك😲😟
يوسف.لا ازح نبيك يعني تقوليلهم نبي نردها
انا صبيت وحضنته.واخيرا ياعديم الاحساس
يوسف.فالعشيه نجي نشيلك
انا.به
"وطلعوا هما ودرتلهم روتينهم وكنت فرحانه مابيتش نرن عليها نقوللها خليها مفاجئة"
#عند_مروة
فاطمه.موافقه
مروة.موافقه اااه خليهم يجو ونديروا رؤية
فاطمه.حبيبتي مش توافقي لانك بتقهري يوسف ولا هكي وخلاص وافقي لانك انت تبي تتخطيه خلاص
انا.وهذا اللي بيصير ياماما
فاطمه.به تو نرن عليهم نقوللهم
#عندي_انا
انا.الو
فارس.الو حبيبتي شن الجو
انا.تمام جايتكم في حوشكم
فارس.كنه عليش
انا.نبي نصالح بين يوسف ومروة هوا قاللي لو هي موافقه تردلي نبي نردها
فارس.اهااااا به
انا.كنك
فارس.اشمعنا توا
انا.ماهو قتله مروة جايها عريس وموافقه عليه خافها تريح منه
فارس.وهذا وين صحله يعني مداعكه هي
انا.تي وين نندري عليه ينتحر المهم ردوا لبعضهم حرام يحبوا بعضهم هما
فارس.باهي كويس انا والله يوسف معزته خاصة كيف هوا كيف سالم
انا.وعلي
فارس.لا عاد علي صحبة من الابتدائي
انا.خطرها على علي😂خذذا قفص جيسي في داره
فارس.ههههههههه تو نجيبلك غيرها
انا.خليها تشمني انا مش حد تاني
فارس.به
انا.صكر هي باي
فارس.باي"صكر"
"قعدت نراجي على أحر من الجمر ليين يجي وقت العشيه"
"فالعشيه"
خش يوسف بروحه الساعه 4ونص لقاني لابسة وواتية
يوسف.هي
انا.هي
"طلعت انا وياه حاولت ندوي حسيته كان يلقى يبقى ساكت فتته"
"وصلنا غادي نزلت بسرعه دقيت الباب ويوسف درس كويس ولحقني فتحلنا فارس"
فارس.شن تدير جاي هنا
يوسف.علي سماحت وجك جاي
فارس.ماسرع مارايفتلي امس وانته معايا
يوسف.حول حول باتك قاعد
فارس.قاعد ااه خشو خير يا حياة
يوسف.حياة امشي قدامي
انا وجهي ميتين لون موقف احراااج
يوسف خش للمربوعة معاه فارس وانا خشيت للداخل دقيت الباب طلعتلي عميمة فاطمه
فاطمه.خير ياحياة كيف حالك
انا.خيرات ياعميمة
فاطمه.تفضلي
"طبعا مستغربةفي جيتي عالاخر"
"مروة طلعت من الدار حقتني فهمت كل شي بدت تبحت فيا وخلاص"
انا.تبيش تسلمي
مروة جتني وحضنتني حضنتها بعدها وخرت.اسفه
انا.على شنو
مروة.تو تعرفي
انا.به
"وقعمزنا عالصالون دوينه شويه"
انا.عميمة فاطمه بنقولك حاجه
فاطمه.شنو
انا.راهو جايينكم انا ويوسف اليوم نبو نردوا مروة
فاطمه.كييف😬
انا.عارفة انه هوا غلطان واللي تبوها حاضر لكن صار بينهم خلاف ومحوتك بيش انحل وهوا جاي اليوم اسف ويبي يردها
فاطمه.انحلت المشكله بينهم يعني
انا.ااه باذن الله وهوا نادم يعني
مروة.اها
انا جيت بندوي خش فارس
فارس.مروة قالك باتي تعالي والبسي حجابك
مروة.اه به
"وصبت لبست وشاحها وطلعت وفارس قعمز معانا"
فاطمه بدت تبحت فيه وتفنص
#عند_يوسف
يوسف.عمي خليل شن نقولك انا
خليل.شنو
يوسف.جايكم نبي نرد مروة
خليل.لعبة هيا
يوسف.لا حشاكم لكن كانت بينه مشكله وانا رقتلي والحمدلله حليناها واللي تبوها حاضر
خليل.باهي شن هي المشكله اللي تخليك بدل ماتحاول تحلها ولا حتى تدويلي وتخشش ناس عقال فيها تطلق دغري
فارس.مش مهم المشكله المهم انه نادم خلاص
خليل.باهي يعني انا والله ماني عارف مانقول انته غلطان
يوسف.سامحني ياعمي واللي تبيها انا فيها عارف روحي غلطت
خليل.كانك عليا مسامحك والشروط نتفقوا فيهن بعدين لكن مروة زعمك توافق تردلك
فارس.تو نكلمها
"وخش علينا كلم مروة وطلعت"
مروة.السلام عليكم
"وجن عيونها في عيون يوسف وطتهن وخشت قعمزت يلا باتها"
خليل.يامروة اهو قدامك يوسف جاي يبي يردك وقال انه نادم
مروة قعدت ساكته
خليل.انا نصبي ونخليكم تدووا انتم تعتبروا مزوزين سنتين وتوا مانكمش صغار وتعرفوا مصلحتكم
"وطلع وسيبهم"
يوسف.ميمو
مروة رفعت عيونها بحتت فيه ورفعت حاجبها.نعم
يوسف.نبي نردك يعني خلاص سامحتك لكن رد بالك مرة تانية تكدبي عليا ولا تدسي
مروة.لا طيب والله فيا سامحتني وبتردلي نرقص معناته معليش انا توا نعتبر مخطوبة وانته صفحة من حياتي وطويتها
يوسف.لا مش مخطوبة
مروة.مخطوبة
يوسف.باهي نبي نردك قتلك
مروة.مانبيش نردلك
يوسف.عنجد تبيش ترديلي تي لنا شهور مطلقين وانت ماسكه فيا وتوا تبيش ترديلي اعقلي بالله عليك وبطلي اهبال
مروة.كنت ماسكه فيك عشان تجينيش لحظه نقول ظلمت روحي فيها وحاولتش نستسمحه كنت ماسكه فيك لاني حاسه روحي غلطانه لكن توا انته الغلطان وانا اللي مستحيل نسامحك عارف ليييش لانك تخليت عليا وهنتني وذليتني وسيبتنيي وكللللهن عشان غلطه وحدة وانته عارف انها مش ذنبي واني كنت وقتها بين نارين بينك وبين اختك انته تقول ادوي واختك تقول تدويش كنت نندير في هذا كله وداسه خايفه لو قتلك يصير مايصير تقول فضحتي اختي فالنهاية اختك صحبتي من قبل لانعرفك وحتبقى ديما هك وانته اللي خشيت بينه يوسف معليش اطلع
يوسف.اقلبيها عليا توا باهي وعاساس انا اللي غلطان وانا اللي درت كل شي
مروة.انا كنت حاسة اني غلطانه بس لما فكرت لقيت روحي مش غلطانه ومع ذلك وعشان اي حاجه حلوة بينه حاولت نتمسك بيك باي طريقة لكن وصلت لمرحلة اكتشفت انك بايعني خلاص تبينيش من مجرد حاجه زي هذي سيبتني وتوا راد وعاساس احمدي ربك راني سامحتك ورديلي تي والله ماتصير ولا تنكتب عليا نردلك بعد تسييبتك ليا وانته عارفني لما نحلف مستحيل نرد
"وقعدت تبكي بالعبرة"
يوسف.مروة حبيبتي كنك اهدي خلاص ماتبينيش اوكي تو نطلع.
مروة بالضبط اطلع هي
يوسف بحت فيها بكسرة.متأكدة
مروة.بكل اخرى
يوسف.ربي يوفقك"وطلع من المربوعة وخشت عليا مروة تجري وتبكي لدارها"
انا. حي كنها"وصبيت نجري لحقتها لدارها"
انا.مروة كنك
مروة طبست تحت سريرها طلعت علبة طلعتلي منها حديدة مدتها ليا
انا.شنو
مروة.عطيها ليوسف قوليله هذي مارديتهش لما رديت الدبش وفي حديدة وحدخرى خديتها من دارك لكن انقطعت وراحت مني وتو نعطيك حقها لو تبي
انا.قصدك
مروة.ااه ياحيو انا مستحيييل نردله
انا.كييف لعند امس دوينه
مروة.لالا خلااص
انا.مروة عاااد
مروة.حيو اسفه اللي بيني وبين خوك انتهى من زمان من لما دزيتله وذليت روحي لاه وتكبر عليا حاسه روحي انكسرت قدامه"
انا.مروة سامحيه زي ماسامحك وردو حياتكم تبدوش تقهروا في بعضكم انتم تحبوا بعضكم
مروة.صدقيني الحب مش كل شي في حب اللي ينهينا ويقهرنا خوك يوسف انا نعرفه مش حينساها وحيبدى يذكر فيا بيها كل مرة
انا.يعني فيش امل
مروة.اااه اسفه
انا.به بس😞
مروة.خلاص ياحيو انت شفتيشي كيف كان مصبي يقولي سامحتك ورد بالك تكذبي عليا مرة تانيه معش نبي ندوي فالموضوع
انا طلعت من الدار نبكي نزلت لوطه
فاطمه.كنكم ياحيو
انا.تبيشي ياعميمة قالت خلاص
فاطمه.براحتها معاها حق خوك مادار خير
انا.اسفه والله
فاطمه.انت مادخلكش
انا.انا بالذات دخلني
فارس.حياة يوسف قالك اطلعي
انا.به
"وطبست خديت شنطتي وطلعت ركبت فالسيارة ويوسف مسح دموعه ومتع السيارة بسرعه نين شنطتي طاحت"
انا.اهدى حتى الباب ماصكرته
يوسف نزل بقوة جابها عطاها ليا وصفق الباب ورد ركب وبده يجري.
انا قعدت نبكي
يوسف.اسكتتتتتيييييييي
انا انفجعت من عيطته.كنك
يوسف.بطلي بكا
انا.مادخلكش بنبكي دموعي هنه
يوسف.تستاهلش
انا.انته اللي ماتستاهلش
يوسف.انت بالذات تسكتي
انا حسيتها وجعتنييي.كييف يعني
يوسف.كله منك اصلا
انا.بارك الله فيييييييك
وسكتت معش دويت وهوا معش دوا درس السيارة نزلت للحوش اطوحت عالكنبه في وسط الحوش وبديت نبكي نين دخت ورقدت
وعيت علي صوت علي يواعي فيا
علي.حيياة حياة
انا.نعم
علي.اسم الله كنك
انا.كني
علي.عيونك منفخااات ووجهك اسود ومطوحه فالصاله
انا.لا شي باكيه بس
علي.هل مروة ارفضوا
انا.ااه رافضين"وصبيت من عالكنبه"
علي خش لدار يوسف لقاه مظلم الضي وراقد طلع خش للكوجينه
انا.مادرتش وكال راه
علي.باهي اقليلي حتى دحي
انا.به
"خشيت بالعباية بكل قليلته دحيتين وحطيتهن في تبسي عالطاولة وخشيت لداري نسمع في علي يضبح"
علي.جو عمالة وافدة هذا
انا.نامنننننننن"نعايب عليه" وقتك هوا"وصفقت الباب"
علي جا فتح الباب ويبحت فيا مصدوم اكثر حتى من راقيله يعني بيني وبينه احترام خويه الكبييير حتى هدرزة معاه نهدرزش بدلالة
علي.كنك انت
انا.كنيي
علي.الدوة والنفترة وين ماشيه بيهن
انا بديت نتنفس بقوة وعيون تعبن دموع ونفنص
علي.اسم الله كنك"وطلع جابلي مية وجا"
انا نبكي ونشرب.تصور يوسف قاللي هذا كله منك يعني انا شن نبيله غير كل خييير ومصبيه معاه وغلطة وعدت يجي الوحيد اللي توقعته يكون معايا ديمه ويعايرني
"وقعدت نبكي بالعبرة وحضنت علي"
علي كان مستغرب اصلا اني ندويله وفالموضوع هذا بالذات .خلاص اسكتي هوا يفترش بس ميقصدش
انا.والله طول الوقت حاسه بالذنب ونحاول نصالحهم لكن خللااااااص شن ندير نقتل روححي نمووت شن ندير تعاقبت مية مليون مرة على نفس الغلطه سااااااادني والله سادني سادني سادني"وقعدت نشهق بقوة"
علي.حيو اهدي كنك خلاص كلمة وقالها تبديش حساسة هكي حتى هوا متأثر يعني وقال كلمة فوتيها لاه ليش البكا هذا كلله خلاص بس اسكتي
انا مزلت نبكي
علي.صبي صبي
انا.شنو
علي.تعالي
"وصبا بيا وماسكني من كتوفي فتح دار يوسف وولع الضي يوسف مسح عيونه دغري"
يوسف.ازح افرضو مش لابس تعرفوش تدقوا انتم
علي.مش فارقة لابس ولا مش لابس معايا كنك مع اختك
يوسف.كنها من جا شورها مش هي اللي مراتها سيبتها
علي.تسكر انته مه توقعتها منك اصلا عنجد مراتها سيبتها
يوسف.انته رايق تنكت عاد سهى شهرين وتكون عندك وجوك تمام وحضرتها بعد شهر عرسها ويوسف طز فيه يقعد فالشقه الفاضيه بروحه عنه والله مارد صااح
انا انصدمت من كلامه
علي.تي شن تفترش انته كنك تخشش فالمواضيع في بعضهن
يوسف صبا من السرير وبده يخبط في صدره.انا خسرت مرااااتي اللي نحبها من تلات اسنين بسببها وحضرتها شن خسرت ولا حست،ولا صار فيها اصلا
انا رقتلي من كلمته.خسرت مراتك لانك قلبك اسود وحقود وتشيل في قلبك انا مادخلنيش انته اللي طلقتها عشان غلطه مش هي اللي ارتكبتها وانته اللي اعتذرتلك كم مرة ومابيتش تسامحها جيت توا لما جوها عرسان ماشيلها وتقوللها خلاص سامحتك وبنردك كلبة بوك هيا ولا ماعندهش كرامة ولا شنو
يوسف.اطلعي امشي عليش جايه
علي.كنكم انتم الاثنين ازح انا مصبي قدامكم راه احترم نفسك انته وياها
يوسف.عليش جبتها
علي.نبي نصالحكم عمري ماشفتكم متعاركين لكن حضرتك وييييين قلبك اسود ياما شايل وياما جايب تطليقت مراتك غلطتك مش غلطت حد تاني وقرار سخيف وسريع اتخذته وعاندت عليه وحتى لما عرفت غلطك مااعترفتش بيه لالا جيت وكانك مش غلطان وعاساس انته سامحتها
يوسف.هي الحقيرة السبب فيه القرار السخيف الي.....
انا.هييييييييه
"علي ضرب يوسف كف"
يوسف بده يفنص فينا من الصدمه
علي.تحترم نفسك وتعرف انك تدوي علي اختك
يوسف.تي اقعدوا في امها ازح
"وجا بيطلع علي مسكه من دبشه عند رقبته ووقفه في مكانه وقعد يدوي بلا مايبحت فيه"
علي.تي راك تماديت رااااه اذكر انته من
يوسف.ماتمدش يدك
علي.نمدها ونكسرك اخرى وطلوع مافيش وحق ربي تطلع انبلغ فيك وخليك كان طلعت بحقها
"وطوحه جوه الدار وكرني وطلع"
انا قعدت مصبيه فالصاله مصدومة
علي.خشي لدارك انت الاخرى
"خشيت للدار وقعدت نبكي رن نقالي"
انا.الو
فارس.مزلتي تبكي
انا جيت بنقوله بعدين حسيتها شينه في حقهم ندوي عليهم.اااه
فارس.خلاص بس اهدي هوا تو يزوز وهي جايها عريس ومش أول اثنين يطلقوا
انا.بس انا السبب
فارس.الموضوع كان انت بس السبب كان انه اختي كذبت ودست وخوك قلبه اسود ومايسامحش يعني حتى لو ازوزوا ماكنوش حيقدموا
انا.صاح
فارس.يعني لو ماكانش مروة لها علاقة بيك وازوزو هم الاثنين راهم توا مطلقين نأكدلك طباعهم مايركبنش اختىزتبي واحد يسامح وخوك يبي وحدة تغلطش
انا قعدت نرشف في دموعي وبعدها رديت نبكي اخرى
فارس.خلاص عاااد حبيبتي تبديش تبكي نقدرش نتحمل هكي
انا.مضايقه بكل ممكن تسكر نبي نرقد
فارس.ترقدي مش تبكي
انا.بنرقد والله
فارس.به ارقدي وانا تو نرن عليك بعد ساعتين نطمن عليك
انا.تمام نحبك
فارس.نموت فيك
"صكرت وخطرت عليا الحديدة طلعتها وطلعت عديت لداره لقيته مقعمز عالسرير ويدخن
طوحتها لاه"
انا.قالتلك الاخرى سرقتها من دارك وانقطعت مني تو ندزلك حقها كم حقها.
يوسف حل الدرج بقوة نين انفك وطلع حديدة طوحها ليا عالوطا بحتت فيها عرفتها شن جابها عنده رديت للدار وسيبتها
#رقدت
نضت تاني يوم من كثر ماني راقيتلي نين يديه يرعشن حاسه روحي مضغوطه وحااااااامقه"
طلعت لقيت يوسف يوتي في روحه مابيتش ندويله
يوسف.وتيلي فطور
انا.مش ملزومة بيك
"خشيت للحمام وصفقت الباب"
طلعت صليت وخشيت للمطبخ درت فطور حطيته عالطاولة وجا علي قعمز ياكل بعدها جا يوسف صبيت للدار
علي.اليوم العشيه تصكر المحل وتجي تشيلها للسوق اكيدة بتوتي لعرسها
يوسف.تعاللها انت
علي.يوسف نقولش كلمتي مرتين تجيها وغصبا عنك
يوسف.به"وينفخ"
علي.بحت فيا
يوسف بحت فيه
علي.مريحك اللي وصلتله مزعل اختك وانتم طول عمركم مع بعضكم وخسرت مراتك من كترت مانك شايل ماتسودش قلبك هكي حياة امس من البكا نين وجها اسود قعدت ننابش فيها خايفها تصيرلها حاجه انفصلت عليا من كتر ماهي مضايقه، من البكا لدرجة اني مظبطها وتخض وترعش معقوله تعايرها كنك ازح لييش حتى انا اللي دايرتني واعر وانظر شنو عمري حتى مادويتلها كنك
يوسف قعد عيونه حمر وبيبكي وكاتمها
علي.حاول معاها كم مرة هنه مش كيفنا لما يشيلن ماينسنش يومين تلاته لكن يردن ويسامحن
يوسف.انخطبببت ياعلي انخطببت مروة اللي طول عمرها معايا وليا خطبها غيري بيجيها بيشوفها ويشوف تفاصيلها ويكلمها
علي.باهي زي ماقدرت تسيبها الفترة هذي كلها تقدر تسيبها ديمه
يوسف.ماكنتش فاهم تسييبتي لها بالزبط كنت ديما حاس روحي فترة ونصالحها لما ندوي كنت نقول نهائي لكن كنت ديماا نتخيل فالنهاية انا وياها مع بعضنا
علي.ماكنتش مقدر الموقف صح تحساب روحك ايام علاقة تسيبها وتردها
يوسف.انا غبي نستاهل عاقبتها على حاجه لما فكرت فيها فعلا مش ذنبها وقهرتها وتكبرت عليها نستااااهل اللي داراته كله وزيادة
علي.قصتك معقدة الليل كله ندورلها في حل مافيش
يوسف.خلاص اللي صار صار تبي تعدي تتوكل انا ورايا محل تبي حاجه
علي.اطلع وتعاللها فالعشيه
يوسف.حاضر
"وطلع يوسف من الحوش"
علي.انا طالع بعدين يجي يوسف يشيلك للسوق بيش تبدي توتي للعرس
انا.😬😬😬
علي.نفترة وعرايك فوتيهن سادة اللي فيه
انا.بس
علي."بتهزيبه"مابسش صالحيه انت الصغيرة
انا.حاضر به😡😡
علي.وراك تنسي توكلي جيسي امس وكلتهش
انا.حاضر حاجه اخرى😠😒
"طلع علي من الحوش وانا صبيت برمت ووكلت جيسي اللي مش وقت عمها وبعدين جيت للنقال"لقيته كميت مكالمه ورساله من فارس"
انا.الو
فارس.صباح الخير ياعمري هذا وين نضتي شغلتيني
انا.اه لالا برمت عالحوش ووكلت القطوس وتوا جيت للنقال لقيتهن
فارس.اها ولا هامك البهيم اللي مشغول عليك وطول الليل يرن وواجعتيه رقدتي تبكي
انا.لاا مش هكي لكن
فارس.ها لكن شنو
انا.قصدي نسيته بس
فارس.نسيتيني يعني ازح الليل كله وانا نفكر مسكينه رقدت تبكي حي كان تصيرلها حاجه مش كويس ترقد زعلانه وحضرتك عااادي اخر من في بالك انا
انا.شن يافارس شن تبي توا ها نرد نبكي اخرى ولا بتهزبني حتى انته ولا شنو تبي
فارس.كنك تدوي هكي
انا.ندوي كيف مانبي وكيف مايعجبني تبي تمشي الجو باهي تبيش صكر
فارس.انت كيف تدويلي وتنتفري هكي
انا.فارس فوتني
فارس.نفوتك به غير راه نلقاك ترني بس
"وصكر عليا"
حدفت النقال عالوطا وصبيت للحمام درت دوش من كترت الحمق مالاحظتش انه المية ساااخنه طلعت من الحمام لبست توتة وقعمزت جبت برينقلز من الدولاب وبديت ناكل فيه كملت اتنين كبااار نين سمعت الباب فتح خش عليا يوسف
يوسف.صبي كان بتعدي للسوق
بحتش فيه بكل صبيت لبست عبايتي وطلعت
يوسف.وين تعدي
انا.وين مانبي"وركبت للسيارة وصفقت الباب"
يوسف.كنك عالباب
انا فتحت الباب اخرى ورديت صفقته
يوسف.ازح بطلي
انا هزبته.امشي راه خيرلك انته الاخر
يوسف.ناض عليها بوريها
انا.اها بوريها تو نوريك بوري السوادين الاصلي راه امشييي
يوسف بده يمشي بالسيارة وساكت وصلنا لمحل مستلزمات افراح
انا.وقف هنا
"ونزلت للمحل وشفت😱"
#يتبع
