#حكاية_حياة #الحلقة_الاخيرة💙 عمي.قعمزي سلم بنيتي انا.نديرلك قهيوة ونجي عمي.بااه بس تعرفيها قهوتي كيف اه مية مسقعة وعلى نار هادية نيييين تفور بعد تفور تحطي كاشيك قهوة وكاشيك صكر وتحركي وتردي عالنار تدير وجه وجيبيها لي نا نصبها" انا.حاضر "وخشيت درتها لاه بطقوسة الخاصة وجيته لقيته ماسك بيينا وحاطلها خلال ذهب في دبشها" انا.محلاهاا سلمك جياب يا عمو عمي.سلمك تو احكيلي كيف وليش رديتي انا تنهدت.والله يا عمي ماني عارفة هو جا وقال ردي وعشان البنية وانا ماهانش عليا نرده ولا حتى ان صابرين تربى بيننا رديت عمي.باهي والي حرجتي عشانه حكيتي معاه فيه انا.حكيت معاه لكن خايفة يقعد كلام وخلاص عمي.والله هذا شي في يدك تو انت دامك خديتي منه كلمه امسكي فيها واول ماتصحي وبنتك تمسك روحها قوليله هي وزني عليه فارس الي انا بوه ما يمشي معاي الا بالزنين انا.ان شاء الله عمي.وصارت حاجة ولا دره كبدك رني علي نجيه واسمعي انا.نعم عمي.عمتك راهي طيبة وحابة البنية وحتى انت خاشة خاطرها لكن هي واعرة ولسانها واعر حاولي انت ترطبيها انا.والله يا عمي ماعقبت مادرت لكن مافيش فايدة عمي.من قبل عندها من يسود قلبها عليك لكن توا خلاص يعني مرة واثنين تو يمشي جوكن راه حتى فارس واحل بينكن وشكالي امبدري قالي امها تبي اسم وامي تبي نسمي عليها وانا شن ندير وهن الاثنين وحلت بينهن حتى جية يوم الجمعة قعدت شايل همها من مناقرتهن انا.والله يا عمي بالنسبة للاسم فانا حالمة بأمي وهي تقولي حلي الباب جايتك صابرين عمي.معناها خلاص البنية اسمها صابرين على الحلمة والجاية على عمتك بيش ترضى وانت توا خشيلها واعرفي كيف تكسبيها على خاطر فارس الا هي عارفها بالي داراته معاك ماتستاهل انا.حاضر نحاول عمي.ان شاء الله ربي يبارك فيك وفي بنيتك عليم الله انك بنية كويسة وتستاهلي كل خير انا.تسلم يا عمو هي تبي حاجة عمي.لا توكلي تو مرالا عمتك تحرق طلعت معش خشتلنا انا.ههههههههههه ان شاء الله ربي يحنن قلبها عليا عمي.ان شاء الله "وخذيت بيينا وخشيت فطنتلها تبحت فيها وتبيش في نفس الوقت تقولي مديها ليا عديتلها" انا.هاكي يا عمتي امسكيها عمتي.لالا غير شيليها نحبش شمرهم العيال الصغار انا.تي كيف تحبيش شمرهم مش بتقولك يا جديدة هههههه عمتي.ههههههه لا ماتقولي جديدة انا صغيرة"وخذتها مني مسكتها وقعدت تلعب فيها بعدين مسكت شنطتها وطلعت علبة فيها حديدة اسم لكن فاضية بلا اسم ولبستها لها" عمتي.اونا بعد تفضوا شيلوها واكتبولها عليها انا.ان شاء الله سلمك جيابة وتعيشي وتجيبيلها بتاتها عمتي.ان شاء الله "سمعت دق الباب وفارس فتح طلعوا عيت علي جو خشت سهى ومعاها سلت دبش شكلها حلو الحق" انا.خير خير كيف حالك سهى.خيرات خير يا حاجة كيف حالك عمتي.الحمدلله بخير سهى.وراس مريوة تعالي خششي معايا مروة.حاضر هي "وطلعنا نحن الثلاثة تاريتهم جايبين سلات دبش اطفال ومستلزمات وسرير وردي ومثردين نوع حلو وبكلاوة وشكلاطة تقديم الحق مش مقصرة في حاجة" انا.ياخيا تعبتوا ارواحكم سهى.ريت هالحاجة الكبيرة بعدين هذي بنيت خالو ههههههههه امس واليوم كله وهو كلمتين والتالتة بنت حيو انظر كنها بنت حيو انظر ايش انا.هههههه ربي يخليها لاه غاليين عليه العويلة الصغار بكل سهى.خطرها عالعويلة الصغار انا حامل انا.هههههه ماشاء الله ماشاء الله ربي يهنيكم وخشينا حطينا الدبش كله على جنب في وسط الحوش ودرنا عزومة العشية كلها" سهى.حيو هيا كان بتسبحيها انا.وعليش سهى.تي لازم تتسبح اليوم تعالي بس نقولك تجيبي توا مسبح في وسط الحوش وتقعمزي تسبحيها وتحطي في المسبح تحتها ارباع وخمسينات حديد وهكي انا.والله جديدات عليا هالحاجات هههه سهى.بطولة عمرك بس اسمعي سبحيها انت عمتك الكلبة خسارة فيها القدر بعد الترعيش الي رعشاته لك وانت حامل تعطيهش لها انا.هههههه لا عيب عمتي تقوليش هكي،بعدين على خاطر فارس سهى.سملللله ياحنه انا.ههههههههه "وصبيت جبت الي قالت عليهن سهى ووتيتلها دبشها وحطيتهن قدام عمتي" انا.هيا عميمة سبحيها عميمة.لالا سبحيها انت انا.لا عيب كبيرة العيلة هي الي تسبحها مفروض عميمة.باهي يا حنة كبر شانك مروة غمزتلي ابتسمتلها "وسبحتها عميمة ومروة صورت كل حاجة وعطينا الارباع والخمسينات لليث واسو ومديت لسهى تلبسها بما انها الكنة الكبيرة تعتبر "تقاليد غريبة"وبعدها مشا الجو عادي تعشينا ودزيت مقعد لخوات هدى ومقعد لعيت عمتي وعمي وبدوا بالواحد يروحوا نييين روحوا كلهم وخش فارس" انا.ااااه مرهقه وتعبانه فارس.شن درتي لامي الي طالعة توصي عليك مع بيينا انا.نعامل فيها معاملة من الظل للظل تعال مغييير يا زويلي ارضي عليا فارس.هههههههههههههه تو شوية شوية وتحبك انا.مانبيهش تحبني في النهاية الحب مش بالغصب لكن تتقبلني بس فارس.ههههههه باااه تو امتى يحول الحظر انا.40يوم قلنا فارس.هههههه عقلك خارب نحكي على حظر الفيس انا.هههههههههههه خطرت عليا سهى جابت الجهاز امبدري ويوسف جاب اللاب تو نعلقهن بعدك ليا زماااان فارس بحت فيا بالجنب.ان شاء الله اخرها خير بس اسمعي علي جاب جيبة طيبة خضرة وحولي وحاجة العزومة كلها منه ودبش البنت وسرير وين هذا كله انا.ماه لازم اول جيبة على هل العروس عرفت كيف فارس.جديات انا.ااه لكن بتوتي روحك 9اشهور وبترده كله فارس.مراته على طريق انا.ااه "بيينا بدت تبكي" انا.لااااا ناضت فارس.عدي رضعيها ولا سكتيها بناكل بعدين تعالي نتفرجوا انا.به وتي حلو بس خاطري فيه بكل وكليتش منه امبدري "وخشيت رضعتها وخذاني النوم " فارس.هههههههه بيينا دزيتها ترقدك رقدتيها ارقدي ارقدي بنية بابا وجا باسها وباسني ورقد حتى هو. //////// وهكي كملت روايتي وحكايتي انا امل من حكاية حياة الحكاية الي ماكانتش ساهلة ولا بسيطة بس كانت حلوة لان كان فيها ناس تحبني ونحبهم حتى انتم الي تقروا منهم عشتوا معايا رحلة عمر كامل ومزال حكايتي مستمرة اكيد بس بالنسبة لكم هذي نهايتها خلاص نتمنى استمعتوا بيها والاهم اتعضتوا منها وان شاء الله ربي يعيشكم حكاية خير منها بالف مرة ونحب نشكر بسومة على الجهد الي بذلاته معايا فيها #نتلاقوا_على_خير واكيد مش حنقطعكم مرة مرة لما يصيرلي حدث مهم حندزه لكم خليكم قريبين #الكاتبة_ابتسام اااااااه مش مصدقة انها كملت☹والله الموضوع صعب عليا باهي عشت معاها عمر الرواية نهايتها صعبة عليا بكل نتمنى استمعتوا بيها زي مااستمتعت واستنوني في رواية جاية لاني مش حنسيب الكتابة اكيد💙 #دمتم_بود ^^^^^^^^^^^ #الخاتمة انا.بيينا بحتي في المرا هي فارس.بحتي فيها خليها تصورنا يا عنايدية هيا انا.هههههههههههه المصورة قعدت تشكشك بيديها نين بيينا بحتت فيها وصورتنا انا.تره وريني محلاهااا ربي يخلينا لبعضنا فارس.والسنة الجاية معانا شخص رابع انا بصوت واطي.معاك عينك فارس.شنو انا.قتلك ان شاء الله خير هات الصورة نشوفها بس وامسك بنتك "شوفوا الصورة معايا او حتى تخيلوها انا لابسة بشت عنابي ووشاح بنفس اللون وفارس سروال جينز وسورية زرقة وبيينا لابسة فستان مشماشي حلو وشعيراتها طولن شوية مصبيين ومبتسمين لكم وللحياة" #وداعا "شن رأيكم في بيينا؟💙هذي صورتها💚"
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
