#حكاية_حياة #حلقة67 كانوا اثنين صياع بسلاحهم فم الباب علي.نعم شنو الراجل كره من سوريته.معانا يلا علي.معاكم وين فوضى هيا الراجل.فوضى ااه "كره من سوريته علي وخر وضربه بوني التموا عليه ضربوه سهى طلعت تجري حقتهم وهما كروه بره ركبوه فالسيارة وطلعوا وهي تعيط سمعتها نزلت نجري" انا.شن في سهى.ناعليا كرروه ياناعلييي علي خذوه ويضربو فيه يا حيو ااه "وطاحت عالوطا قعدت مقعمزة في مكانها تبكي وشوية وبدا النزيف" انا معش فهمت شي ارتكبت وتوترت طبست شمرت سهى لجوا الحوش بالمحوتك والنزيف ابتاعها ماوقفش قعدت نبرم انا.سهى سهى كنك سهى سهى صبي خشي للحمام سهى سهى.خذوه ياحيو بسلاحهم حي عليا ياحيو حي علياااا!"وطاحت في مكانها اغمى" فتحت النقال يوسف مسافر رنيت على سالم7مرات ماردش وهدى حتى هيا نرن ماتردش قعدت نقلب في النقال لقيت رقم فارس مافكرتش رنيت عليه رن نين فصل الرنة الاولى والتانية رد فارس ساكت وانا نبكي فارس.حيو كنك انا.فارس وينك انا خايفة فارس فجأة صوته علا وصوت كأنه صبا من مكانه.كنك شن في انا.في وحدين جو كروا علي من الحوش وسهى حامل واغمى عليها وانا ماعرفتش شن ندير ومافش سيارة فالحوش تعال شن ندير "وانهرت قعدت نبكي" فارس.رني على سالم ياحيو بسرعة انا.مايردش فارس.رني على مراته ولا شوفي حد من الجيران انا.صاح صاح،تو نشوف عيت عمي محمد فارس.غبية انا.غبية لاني رنيت عليك فارس.غبية لانك رنيتي عليا وانا في تركيا وتبيني نجيك انا.ماعرفتش شن ندير فارس.خلاص صكري ورني عليه وبعدها طمنيني هي انا.به تمام "ولبست عبايتي وطلعت لحوش عيت جيرانه عمي محمد وعياله الاثنين طولوا شوي باش فتحوا بعدين واحد منهم فتح" انا.اهلا الشاب.اهلين يا اختي تفضلي انا.معليش يا خويا انا جارتكم عيت&&&& الشاب.اها تفضلي يااختي انت اخت علي ويوسف ولا؟ انا.اها انا هي ياريت بس واحد منكم يساعدني مرات خويا مغمى عليها ومافش حد في الحوش الشاب.حاضر نولع السيارة نقربها وانت لبسيها وجيبيها انا.حاضر هي "وعديت لبست سهى وصبيتها طلعت بيها وانا بروحي كنت نتكركر وحركتي صعبة!" الشاب خذاها مني وركبها ترددت في الركبة بعدين ركبت وخلاص" الشاب طلع بينه لعند طوارئ ال1200خدوا مني سهى وقعدوا يسعفوا فيها انا.خلاص ياخويا روح حوشك اسفة تعبناك معانا الشاب.اسمي خالد وعيب تقوليش هكي نحن جيران وهذا واجبي انا.باهي خلاص روح تعبناك الشاب.لالا قاعد معاكم نين يجي واحد من خوتك انا.باهي شكرا "وطلعت نقالي سكنت لهدى وسالم نين ردت هدى" انا.الو هدى.الو انا.هدى عطيني سالم بسرعة هدى.ساتم نوض بسرعة تبيك حيو هاك سالم.ها ازح ليل ليل انا.سالم في وحدين جو كرو علي من الحوش وسهى داخت عليا وسعفتها انا وخالد ولد عيت &^&تعالي في ال1200 سالم.تي كيف وكرو من وخالد من يطلع تي شن تحكي انت! انا.وقت اسئلة هو تعاال في 1200 سالم.اني جايك هي اصبري بس "وصبى بسرعة لبس دبشه" هدى.شن في سالم.شي شي ردي ارقدي هدى.وين ماشي سالم.حياة رنت شكله صايرلهم قصة فالحوش وعلي مش قاعد فهمتش شي هدى.نجي معاك سالم.لالا خليك مع عيالك "وطلع للسيارة وجاني فالحوش بسرعة" سالم.انا فم الباب وينكم انا.قاعدين في القسم الي فوق "شوية هكي وركبلي" سالم.فهميني علي كنه كيف يعني كروه انا.مش عارف سهى قالتلي جو وحدين كروه ماكروه مافهمتش كيف سالم.حي علما قصدك خطفوه انا.مش عارف مش عارف سالم.يستر الله وخلاص"رن عليه رن شويه بعدها طلعله مشغول وانقفل النقال" سالم.تي شنو هذا يستر الله وخلاص انا.شنو سالم.نقاله رن وصكر عليا وبعدها انقفل انا.معناها خطفوه جديات حي علياا خيي خطفوه سالم.تي باهي انتم كيف جيتوا هنا انا.خالد ولد عيت****طلعتله جانا سالم.ازح كنك مارنيتي؟شن يطلع فيك يا عليك طروح!عقابات الليل مع ولد الجيران اطلقتي وقعدتي منطلقة عاد انا.تي شن تقول انت!رنيت عليك كم مرة مارديتش"وقعدت نبكي"وقت كلامك هذا يعني هذا الي طلع معاك سالم.خلاص اسكتي مستشفى الناس يحقوا فينا انا.فتته وقعمزت "شوية هكي وعديت انا وياه لسهى لوطة وقالولنا انها أجهضت الجنين بسبب الصدمة ولان حملها اول حمل وضعيف بكل" انا.سهى ربي يعوضك سهى.يناعليا علي ياحيو خذوه قدامي ضربوه وكروه للسيارة بسلاحهم يناعليا بيقتلللوووه بسلاحهم ياحيو انا قعدت نبكي معاها وسالم برة الغرفة سالم.الو العقيد.اووو سلومة سالم.خير ياباشا شن الاخبار كيف حال الشباب العقيد.قاعدين جوهم تمام سالم ياباشا كيف صار دازين لخويا كارينه من حوشه بتوته انتم تيالي تعرفونه معاكم من زمان ولا كيف ياافندي علي بالذات مصبي معاكم بقلب ورب العقيد.مادزينش حد شوركم كيف ياسلوما نحن نبرموش عالي معانا سالم.كيف يصير ياباشا في مسلحين خاطفين علي مالهش ساعتين وين الجيش والشرطة والجو الي تحكو عليه العقيد.خوك عندي ياسالم وبكرة يكون عندك سالم.ان شاء الله ياباشا هي تبي حاجة العقيد.تسلم ياغالي وبارك للسلطان سالم.يوصل"وصكر" انا.ها ياسالم شن قالك سالم.قتله قالي تو ندوروه يعني مش شور الجيش الي واخدينه هذوم اكيد جماعة بينه وبينهم موضوع انا.زعمك سالم.اكيده ااه يستر الله ان شاء الله غير يقعدوا موضوعهم فدية ولا حاجة عادية انا.يناعلييا ربي يسترها معانا يارب ربي يفك اسره "وقعدنا الليلة هذكي كلها فالمستشفى مع سهى" #عند_علي ركبوه الاثنين للسيارة وعدوا بيه لمكان مزرعة برة بنغازي ونزلوه كتفوه علي.تي شن تبوا ازح ادووا وانا تقول خاطفيني بكاكيش "وانفتح الباب وخش" علي بحت فيه بهزوة وضحك.هههههههههه توقعتك انت يامنحط خليفة اضربه كف.احترم نفسك علي.تي اوكي ياجو يانرد ضربتي ياقوي انت تي كانك راجل راني ماخليتكش تتمعيل هكي خليفة.صكر فمك ياحقير "وقعد يضرب فيه بواني" علي تفل دم.اضرب لبكرة لكن اذكر اني لما ضربتك بواني كنت طالقك وماقدرتش تدافع عن نفسك يابزوية خليفة.مزال ماشفت شي تي حنربيك علي.متربيين من هلنا مش كيفك ياسنكوح خليفةضربه بوني على خشمه علي.باهي انت عليش الخطفة والجو شن بتثبت يعني خليفة.شن تبيني نسكتلك عالي درته فيا تحقش فيا راجل قدامك علي.ماريتلك رجولة ياسمح الزول شعر لتحت الكتف ووجه مافيش شعره خزيه خليفة.وحق ربي ننسيك رجولتك الله علي.انت تعرف العقيد$$$$ ورب العزة اول مايعلم انا وين وانت شن تدير حيوريك انت والشلتت الي معاك خليفة.تي تهدد انت مش خايفين منك ولا منه طز فيكم "وجا واحد من الاثنين الي معاه كره" الراجل.خليفة اتفقنش على هكي تي راه يقعد جديات كلامه نريحو فيها خليفة.تي يارا خليك راجل ازح وبعدين مش قتلك نعطيكم حقها خلاص تو نعطيكم حقها الراجل.ان شاء الله اخرها خير وخلاص خليفة سيبه ورد لعلي علي.رجالتك كزو ياطير خليفة.خزي ياراجل الفضلة علي الكلمة حرقتله دمه قعد ساكت خليفة.وين لسانك مش من بدري تلاطع وضربتني انت وصاحبك علي.كترة الدوة للصباية وحضرتك ماشاءالله مشلااط خليفة ضربه.احترم نفسك علي قعد يبحت فيه بهزوة وخليفه بده يضرب فيه وعلي متحمل ومغمض عيونه قعد يعطي فيه بواني نين تعب وعلي مابش يدير شي غير ان يتألم مرة مرة بس #تاني_يوم نضنا فالصبح فالمستشفى وخذينه سهى وروحنا وانا وياها في حالة سودة سالم.حياة انت حامل وهي نافس وترعشن تو تصيرلكن حاجة خلاص اهدن تو ندوروه اكيدة واحد طامع يبي فلوس ولا حاجة انا.يوسف قتله سالم.لالا انا.تقولش خليه يسافر ماصدقنا ازوز سالم.يارا مراته وجه نوو يقطع يستر الله كان ماتجيب رقبته انا.لنقنها نو باهي انت شن بتدير كيف بتلقاه حي عليا مرات يقتلوه هذوم سالم.تي عليش بيقتلوه بس وهو لاهو داعشي لا هو مع الجيش انا.باهي وشن بتدير كيف بتطلعه سالم.تو نقعدوا ندوروا فيه مش قصة مع الجيش يطلع يطلع واحتمال تو يرنوا علينا يبوا فدية انا.ربي يطمنا عليه يارب نخش نقعد يلا سهى نشوفها سالم.باهي تمام وانا نبي نعدي توا بيش نجري عليه انا.به ورن عليا طمني سالم.تمام "وطلع من الحوش" خشيت يلا سهى سهى.شن قالك سالم ياحيو انا.اه لا قالي تو نلقوه ساهله مش صعبة سهى.يناري عليش خاطفينه حبيبي وهو لاهو مع هذوم لا هذوم ولا يحب المشاكل انا.انظر شن القصة انت ارقدي توا وتريحي على مدرتلك كبدة نزفتي واجد سهى.شكراً تعبتك معايا انا.عفوا "وطلعت من الغرفة للمطبخ وقعدت نذكر فالاحداث حتى انا عليك غباء رنيت على فارس وهو هنك في تركيا" "مسكت النقال لقيت منه رنه رنيت" انا.الو فارس.الو ياحيو اول ماسمعت كلمة حيو خنقتني العبرة تي علي من نكذب مراااايفه علييييه وعلي صوته وضحكته وكل حاجة فارس.حيو كنك تبكي علي صارتله حاجة انا.خ خ خاطفينه وحدين فارس.ياحول الله وشن درتوا انا.سالم كلم واحد صاحبهم فالجيش وهكي وقالي مش حناخدوا وقت الا ونعرفوه وين فارس.باهي كويس تخافيش علي ماعندش خلفية سياسية يعني ممكن كلها كلها يبو فلوس بس انا.اها قالها سالم وقعدت انا ساكتة وهوا ساكت فترة طويلة بعدها قالي فارس.متريحة هكي انا.شنو فارس.قرار الطلاق مريحك انا قعدت ساكته لان فعلا مش عارفه الجواب فارس.طالما سكتي يبقى عاجبك اوكي مش حنكون في طريقك اقري واشتغلي واطلعي زي ماتبي وافتكي من عربك انا.فارس انت عارف ان هذين كلهن اسباب جانبية فارس.والسبب الرئيسي شنو انا.الشك وقلة الثقة والمكالمة هذكي فارس.شك وقلة ثقة حبي لكي وغيرتي عليك شك وقلة ثقة انا.فارس تقول هكي الحب مش هكي فارس. تمام به تصبحي على خير انا.فارس فارس.نعم انا تنهدت.تصكرش فارس.شن تبي انا.خايفة فارس.من شنو انا.من كل حاجة خايفة"وقعدت نبكي"من قراري وتبعاته ومن خطفة علي ومن البنت الي في بطني ومن المسؤولية ومن كل شي فارس.بنت الي في بطنك انا ابتسمت.ااه فارس.كيف عرفتيها درتي صورة انا.لالا لكن حاسة بيها بنت فارس.به تتحرك انا.لالا مزال حتى بطني مابانتش واجد فارس.اهاا به انا.فارس مزلت تحبني فارس.شنو انا.مزلت تحبني فارس.الي يبدلك بالفول شن تديرله انا.شن تديرله فارس.بدله بقشوره انا.فهمتش فارس.يعني الي يبدلك بالغالي بدله بالرخيص انا.بس مابدلتكش بالرخيص انا قتلك نبي نقرا بس وهذي حاجة مهمه مش تافهه فارس.وانا قتلك انتسبي في كلية الاقتصاد وعدي امتحني وروحي لكن انت صكرتي راسك يانحضر يابلاش حطيتك في مقارنه انا ولا انك تحضري طلعت اهون عندك من مجررد طلعات انا.يافارس انت ماتبيش تفهم فارس.اها انا راسي مصكر ومانبيش نفهم هي بالسلامة انا.ارجى فارس زفر.ها ياهمي انا.همك وغصبا عنك فارس.شن تبي اخرى انا.انا مش عالقراية بس فارس.ماعندكش مشكلة حتى ولو عالقرايا بس عادي وتو ورقتك واتية عندي اول ماتجيبي نوقعها لكي انا.لهدرجة مستعجل موتي حتى الورقة فارس.اها طبعا ورايا خطيبة ترجا فيا انا.خ خ خطيبة شنو فارس.نسيتي ان عمتك خطبتلي مودة وهي شرطت ماتجيش الا وانا تام موضوعي معاك انا.اهاااااا مش كنت ماتبيهاش وعاديت أمك وخالتك عشان تاخدني وتسيبها فارس.وللاسف اثبتي للكل اني كنت غلطان وأنه مفروض سمعت كلام امي انا.ربي يوفقكم أن شاء الله فارس.ويوفقك في حياتك العلمية ونشوفك احسن محاسبة انا.باالسلامة فارس.تنسيش ان بنتي في بطنك ماتشربيش قهوة وماتحرقيش وماتخليش اعصاب المعدة يوجعنك انا.ملح"وصكرت عليه" ااااه عليييش رنيت علييه ودويت معاه عليك كلام غبي قلته مفروض مارنيتش دامني بنضعف هكي ياربي ااااه موضوع الخطبة طلع جديات ومروة الكلبة قالتلي ان مش صاير منها ومجرد كذب خزي تكذب عليا تخافني نخرب عليها مع يوسف وطلعت من المطبخ عديت لدار المعيشة وقعدت فاتحة فيس خطرت عليا صفحته خشيتلها لقيت منذ3دقائق:- الله من دلع النساء و كيدهن ومن جنونك يا حياتى ما الحل؟ يا مشكلة يا مدللة ما الحل؟ يا مشاغبة يا مُتعِبَة ما الحل؟ "تتسرعين فتغضبين فتندمين فتطلبين مغازلاتي" الله من دلع النساء و كيدهن و من جنونك يا حياتي محبوبتي محبوبتي أنتي الشجر و أنا المطر لولا جميل عناقنا ما كان فى الدنيا ثمر نحن بأحلى مكان و ثالثنا الحنااان من أين يأتى النوم؟ من أين يأتى النوم؟ همس يذيب الصدر و وسادة كالجمر من أين يأتى النوم؟ من أين يأتى النوم؟ الله من دلع النساء و كيدهن الله من دلع النساء و كيدهن و من جنونك يا حياتى الله من كرم النساء و فضلهن على افتعال المشكلات الله من كرم النساء و فضلهن على افتعال المشكلات. ومعلقله مؤيد.هاريك الحب ياصاحبي شن يقصد يعني!عاساس توا ندمت ونبيه يصاالحني ولا كيف؟تي يملح صدق روحه علا الي يعبره ولا يرن عليه بحتت في صورته الشخصية لقيته مغيرها حاط وحدة جديدة وراسم فيها لحيته رسمه تهببببل🔥قعدت نبحت فيها وخاطري نلمسها بيدي بعدين حسيت حاجة حكتني في يدي حكيتها وبعدين صكرت النقال وطلعت درت لسهى فطور وقعدت نرجى في سالم يرن يطمني جا العصر ومارنش رنيت عليه انا.هاياسالم شن صار سالم.ماعرفنش عليه شي ياحيو والله ماعاد عرفت ماندير انا.ياعليك قصة وخلاص ومارنوش ماقالوش شن يبو سالم.لا مارنوش انا.اوففففففف سالم.صكري صكري"وصكر عليها" وخشيت انا يلا سهى وقعدنا ندووا انا.زعمك من خاطفه؟ سهى.مش عارف والله خايفه عليه بنموت انا.باهي ماتعرفيش حد معين يقعد بينهم عداوة ولا حاجة سهى سكتت شويه بعدها عيطت.خلييفة حي علييا قتله حيديرها اهو رد عليه حي علييا انا.شنو شن في فهميني سهى.رنيلي على سالم بسرعة انا.باهي به"ورنيت عليه مديته لها" سهى.الو سالم.ايوه حياة سهى.انا سهى ياسالم سالم.كنك شن في سهى.سالم في واحد اسمه خليفة ال$$$ يشتغل كان في كافيتيريا الجامعة وقصير واسمر كان بينه وبين علي مشكلة ومرة خطفه هو وحمد وضربوه اكيد هوا توا رد سالم.حي علما وكنك مادويتي من قبل عاوديلي اسمه ووين يسكن سهى.خليفة ال&&&يسكن في$$$$ سالم.اكيدة هو معناها تو نشوفه هي"وصكر" الملازم.شن ياسالم سالم.ياافندي في واحد______، الملازم.تمام تو نعدوا نشوفوه "وطلعوا بسيارتين سالم بسيارته والملازم وعسكري بسيارتهم لحوش خليفه" نزل العسكري دق الباب فتحله خو خليفة الشاب.تفضل العسكري.انت عندك خو اسمه خليفة الشاب.ااه العسكري.كلمه الشاب.بايت فالمزرعة والله كنه في حاجة العسكري.وين مكانها المزرعة الشاب.اه نعرفش العسكري.اركب للسيارة حتوصلنا لها انت الشاب ارتبك العسكري.هيا ازح"ودفه بقوة للسيارة ركب في كرسي السواق" العسكري.سيدي خليفة بايت فالمزرعة معناته هو الي خاطفه وخوه تو يوصلنا لها توا الملازم.تمام هي "وطلعوا بالسيارة وخو خليفة يسوق ومرتبك" #عند_علي خليفة ضرب وضرب نين تعب وعلي مابش يدوي حرف وحتى بكى بلا صوت دموع وخلاص خليفة.وحق ربي هيا ماتسوى لكن نقتلك ونزوزها ونتعبها وتو تشوف علي.معش تجيب سيرتها على لسانك خليفة جاب المسدس وحطه على راسه. علي.بتقتلني اقتل عادي بس هيا مش حتطق فيها خليفة.تحبني واول مانجيها حتوافق وحنزوزها وحتشوف ولا كيف بتشوف وانت اصلا بتكون ميت #وسحب_المسدس وحطه على راسه خليفة.شهد "وطلق" #يتبع
.............
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
