الحلقة 9
حكاية حياة ...
.............................................
وطلعت من الغرفه نجري
وخبطت في حد رغم اني مش متأكده من لكن حسيت انه المكان الوحيد اللي حنحس فيه بالامان قعدت في مكاني ماوخرتش بكيت بعبرتي وقعد يمشي بيده علي ظهري وبعدها
فارس.حياة😳خلاص تو تصح امك اسكتي بس
انا.ماما يافارس مانقدرش نقعد بلاها والله مانقدر
فارس.تو ربي ينوضها لكي سالمه ادعيلها بس
انا وخرت ونمسح في دموعي.اسفه خبطت فيك
فارس.ههههههه خبطتي بس
انا ابتسمت ووطيت راسي
"طبعا مروة مصبيه وتبحت مش عاجبها.الوضع ومش قادرة تدوي"
مروة.وين مكانها عميمه
انا.غادي مانقدرش نخش حالتها خطيرة
مروة.اها ربي ينوضها بالسلامه
"جا يوسف من بعيد عديتله"
انا.ها شن قالو
يوسف.دارولها دخول اليوم
انا.تو نقعد معاها
يوسف.نقعد انا وياك خليك معاها نجيب حاجات من الحوش ونقول لعلي وسالم نقالي سيبته عالطاوله ان شاء الله غير ياخده صاحب الكافي
انا.حي علما😱حتى انا نسيت نقالي عالطاوله ابتاع المطعم
مروة.تو نعدي انا وفارس نجيبوهن لكم
يوسف.ياريت والله علي ماجبت حاجات من الحوش
فارس.تمام تو نعدي
يوسف.شكرا علي تصبايتكم معانا والله
فارس.عيب ياراجل ماتقولش هكي نحنه عشرة عمر
"وطلعوا هما الاثنين يوسف.فالحوش"
يوسف.سالم انا وحياة بايتين فالمستشفى راهو امك جتها جلطه وحالتها خطيرة شويه
سالم.لا ياراجل نعدي معاكم
يوسف.مش حتستفيد شي مصكرين الزيارة ومحد يقدر يخش
سالم.باهي عليش قاعده هيا البلاد وضعها مايطمنش وانته عارف
*طبعا الكلام هذا2012*
يوسف.باهي نقعد معاها انا وتو نقول لفارس ومروة يروحو بيها
سالم.باهي تمام
*طلع يوسف وسالم مسك النقال"
سالم.الو حبي
....،كنك صكرت حبيبي
سالم.امي راقده فالمستشفى
....؛لاباس عليها
"عرفتوها من؟؟تو نحكيلكم من"
#قبل3شهور
سالم.ياهدى أستاذه هدى
هدي.نعم
سالم.اعتقد طلبت منك التقرير باللغه العربيه وتفصيلي في نفس الورقه ليش مغيره فيه
هدى.حسيت انه هكي احسن
سالم.كم مرة طلبت منك انك تديري الشغل زي مانقولك وبلا تلبيزك
هدى.احترم نفسك وماتقولش تلبيز
سالم.هذا اسمه تلبيز
هدى.مش عاجبك شغلي اطردني انا هذا اللي نبيه
سالم.مانيش طاردك
هدى.وعليش
سالم.نحبك الله غالب
هدى وجها انحمر وطلعت تجري
سالم.ههههههههه
؛؛؛؛
عبير.هدى كنك وجك حمر ومرتبكه
هدى.سالم قاللي نحبك
عبير.واخيرا
هدى.عنشكلك
عبير.هههههه عاساس يعني واضح للبنات كلهن انك تحبيه وهو يحبك طول النهار اناقرو وتعاركو وانتم الاثنين راكبين علي بعضكم اصلا
هدى.بس توقعتش يقولها بالطريقه هذي
عبير.احكيلي احكيلي
~~~~~~~~~~~~~~~~~~~~~~
وهكي مواقف ومواقف وخذا رقمها وبدو يحكو💜وهما الاثنين يحبو بعضهم💜
~~~~~~~~~~~~~~~~~~~~~~
مروة.تعال نعدو لصاحب المطعم اكيده عنده
فارس.عدي جيبي نقال يوسف من الكافي وتو نجيب نقال حياة بسرعه مستعجل
مروة.😶امممم به
*عدت مروة للكافي لقت النقال والمفاتيح والمحفظه عالطاوله محد قربهن خدتهن وجت*
*فارس عدا لقا صاحب المطعم مخلي النقال عنده قاله انه يعرف صاحبته
الراجل.معليش شن يظمنلي انك ماتبيش تسرقه
فارس.تو نرن عليه قدامك
*رن عليه*
الراجل.اها اوكي صورتك عالشاشه هاك هه
*خدا فارس النقال ولقاها مسجلته
*فارس💔*
فارس.ليش القلب المكسور ياحياة💔
*طلع لقا مروة جايه من الكافي خداها وعدو للسيارة*
مروة.يناري عميمه وجعتني والله
فارس.اها حتى انا وجعتني
مروة.باهي زعمك نقعد مع حياة
فارس. لالا ماتقعديش حتى حياة مش حنخليها تقعد البلاد مش جوها بكل
مروة.وانته شن دخلك فيها
فارس.تو ندوي لخوها
مروة.اهااا عطيني نقالها
فارس.خليه معايا
مروة.عليش
فارس.تو نعطيه لها
مروة.فارس في شي بينك وبينها
فارس.شنو
مروة.في شي بينك وبين حياة
فارس.لا طبعا حياة كيف خيتي الصغيرة
مروة.اهاا وعليش الاهتمام هذا كله
فارس.اهتمام عادي بلا شورخ
مروة.اها ان شاء الله
*وصلو للمستشفا نزلت مروة وفارس قاللها بيدرس ويجي وجتنا لقتني انا ويوسف كييف واصل*
مروة.اهوا نقالك
يوسف.تمام بكل مالقيتش نقال حياة
مروة.لقيته لكن نسيته عند فارس
يوسف.باهي تو يجيبه انت روحي راه حتى حياة مش حتقعد
انا.لالا بنقعد مع ماما مانيش مروحه
*علي جيت فارس*
يوسف.اووو فارس
فارس.شن اخبارها
يوسف.كيف ماهيه قالو حالتها استقرت شويه
فارس.باهي تمام حياة هاكي
انا.شكرا تعبتك
فارس.ولا يهمك
يوسف.فارس روح بيهن
انا.مانيش مروحه بنقعد مع ماما
فارس بنبرة قويه.حياة😠بلا عناد روحي عليش قاعده هنا والمستشفا مليان صياع
انا وطيت راسي ورقتها ليا دوته.باه😡
يوسف.خلاص روح بيهن
*طلعنا ركبنا فالسيارة*
مروة.فارس ارجا شويه نسيت جاكتي عالكرسي
فارس.عدي جيبيها
*نزلت مروة وعدت*
فارس.باهي احكيلي
انا.نعم*بتكشيخ*
فارس.كنك راقيلك
انا.عليش تروح فيا بنقعد مع ماما
فارس.نبيش الصياع هذوم يشوفوك ولا يعاكسوك
انا وجهي سخن ووطيت راسي.اها
فارس.باهي قوليلي ليش القلب المكسور
دغري خطر عليا.😱
فارس.مزعلك انا؟؟
انا.لا مش هكي عادي يعني مسميته هكي
فارس.كيف عادي يعني
انا.هكي وخلاص تو نغيره
فارس.لا تغيرش خليه هكي لانه حتى انا مسميك هكي
انا دغري فهمت قصده يعني اني كاسرة قلبه زي مانا قلبي مكسور بسببه
نزلن دموعي دغري بس بلا صوت
وفارس معش دوا بكل
#فارس
بعد شفت اسمي في نقالها وشفت ردت فعلها لما سالتها واكثر من تصرف منها يدلن على انها تحبني خاصة لما خشت في حضني امبدري الانثى مستحيل تحضن حد الا اذا حست معاه بالامان وماتحسش بالامان الا مع اللي تحبه
انا متأكد من الشي هذا
لكن ليش كاسر قلبها زعمك شن تقصد طبعا حتى انا مسميها "حياة💔"لانها كاسرة قلبي لما قالت نحنه خوت😔 لما خديت نقالها تفرجت عالصور خديت صورها عجبتني طفله وملامحها خيال بس في كسرة في عيونها واضحه كسرة تدل انها شايله هممم كبير باذن الله نحوله لها حتى لو عادتني خوها عادي نحوله لها بصفتي خوها
#عند_مروة
نزلت من السيارة تجري للمر
يوسف ماسك الجاكه ويبحت فيها.هههه
مروة.حبيبي هات بسرعه نسيتها بنرد للسيارة
يوسف.نسيتيها صدقتك
مروة.ههههه باهي هات هي
يوسف.قولي نحبك قبل
مروة.هاتها قبل
يوسف.نحببببك
مروة.حتى انا هات هيا
يوسف.حتى انت شنو
مروة.حتى انا نحبك ونموت فيك يااحلا واحسن حاجه في حياتي هاتها هيا
يوسف.هاكي هه
*مسكتها وجت بتعدي*
يوسف.مروة
برمت عليه.نعم
يوسف.شمي الجاكه
مروة شمتها.هيييه عطرك😍
يوسف.حضنتها عقبال مانحضنك انت
مروة وجها سخن وعدت تجري
*ركبت فالسيارة*
فارس.طولتي بكل
مروة.ماحوتك لقيتها التنظيف محولينها
انا بحتت فيها بنص عين.😒😒
مروة.ههههههه اس
*وصلني للحوش وبعدها عدى وانا خشيت مشوشه عالاخر من ناحيه ماما ومن ناحيه فارس ومن كل شي خديت دوش باااارد ورقدت*
#فالليل سمعت صوت تخبيط وبكا جاي من دار.......
#يتبع
