...............
#حكاية_حياة
#حلقة32
#بعد_اسبوعين
سالم.انا سألت عليه الراجل ياحياة والحق ماشاء الله عليه
انا.كويس يعني
سالم.ممتاز بكل
انا.بس يعني
سالم.بس شنو في حاجه
انا.لا بس
سالم.موافقه براحتك رافضه فش مشكله
انا.يعني مش عارف شن نقول
يوسف.شن في
انا.كل شي يقول اني مفروض نوافق وكل حاجه مفروض تخليني نوافق بس!
بس مانبيش نوافق حاجه جواية تقولي اني مش حنتريح
يوسف.حياة انت خليه يجي ويدير مقابلة وادوي معاه بلكي تتريحيله
سالم.شوفيه فالمقابله وبعدها ساهل
انا.به
#تاني_يوم
جاني يوسف.اطلعي هي الراجل بره
انا صبيت و كنت مترددة ونطربق في صوابعي
يوسف جا يلايا قعدت نبحت فيه.حياة تخافيش غصب محد حيغصبك وتجربتك،الاولى خلاص انسيها شتان بينهن انا عارف انك ممكن خايفه من مسؤولية العيال وهكيى لكن صدقيني انا شفتهم العيال هاديين وكيوت بكل بذات البنوتة توجع والله
انا.بس يايوسف انا مزلت صغيرة كيف بنعاني تلات اعيال واعمارهم صعبة
يوسف.هما مع باتهم اطلعي شوفيهم وشوفي باتهم واحكمي
انا.بس
يوسف.حياة باختصار فارس طلعيه من راسك لانه مستحيييل مستحيييل انه يتقدملك حتى بعد وفاة مراته
انصدمت من كلامه.ليش فكرت هكي
يوسف.انا اكثر حد يفهمك من عيونك
انا تنهدت.هيا نطلعوا نشوفوه
يوسف.حكمي عقلك مش العاطفه
انا.به
"طلعت للمربوعة وكان الراجل ومعاه عياله مقعمزين "
الراجل.اهلين حياة انا قاسم
انا.اهلين
قاسم قعد ساكت بحت فيا شويه وبعدها البنت صبت من مكانها فنص فيها
قاسم عيط.قعمزي
البنت خافت وجت بتقعمز.
انا بروحي خفت من النته.تعالي حبيبتي
"البنت صبت فالنص جيت لعندها ومسكتها من يدها وقعمزت بيها"
انا.شن اسمك ياسموحة
ملك.اسمي ملك
سالم.انا طالع للشارع نشوف يوسف ونجي
انا.تهبلي يالوكه محلاه اسمك
ملاك.وانت
انا.اسمي حياة قوليلي حيو
ملاك.انبه
انا.وخوتك شن اسمهم
ملاك.احمد ومحمد
انا.ياخيه يهبلو ربي يحفظهم لكي
قاسم.حياة انا مش صغير يعني موضوع حب وانظر شنو وحركات ماعندش فيهن انا نبي مراة تحوس عليا وعلي عيالي نروح نلقا حوشي مضموم ومراتي ريحتها سمحه وغداها واتي
انا انصدمت من كلامه.بيبي ستر
قاسم.لا حشاك مش هكي
انا.اللي قلته يقول هكي
قاسم.لا مش قصدي لكن انا حسيتك صغيرة وخفت تبني احلام انا مش قدها
انا.اهاااا
قاسم.والصراحة عجبتيني يعني لو موافقه نتموا علي بركة الله الفاتحه ب اسبوعين
انا.ب ب ب بس
قاسم.اوكي خودي وقتك وفكري
انا.بس تقدر تخلي يعني صبايا يجن نتفقوا علي حاجات بينه يعني ونقوللهن بعدها اذا كنت موافقه ولالا
قاسم.اا ا اوكي حقك تمام هي عيال
انا خشيت للكوجينه جبتلهم شكلاطه وعصير عندي فالرف عطيتها لهم
ملك.ثكرا
انا.😄😄
"وطلع قاسم وانا خشيت وشويه هكي وخشوا يوسف وسالم من الشارع"
يوسف جا بيخشلي
سالم.خليها توا بروحها
يوسف.زعمك
سالم.اااه انا مروح تبي حاجه
يوسف.سلامتك
"طلع سالم ويوسف خش لداره اما انا كنت في دوامة تانيه بكككل شن ندير نوافق لا الزيزة هذي حتكون مدفنه على قيد الحياة الراجل كان يقصد انه ماتتوقعيش مني رومنسيه اللي نبيه وخلاص ويبي شغاله لاه ولعياله وحتى مرتب ماتاخدش باهي ماهو هذا اللي صاير هنا مع طشه فروق انا هنا نضم ونسوي وعالنت وخلاص يعني مش عايشه حياة بلكي هنكي نلهى مع العيال يوجعوا القلب والله ناخد فيهم اجر ونشوفهم ،وحتى قاسم كويس مش خاطي ممكن اسلوبه خانه فالتعبير بس
تي انا نضحك علي رروحي😑
،بس شنو شنو شنو اااااه
صبيت غسلت وجهي وتوضيت وصليت استخارة قلت خليني نشوف الصبايا اللي يدزهن ونفهم منهن كم حاجه ونشوف الاستخارة طلعت للصاله لقيت يوسف مولع المكيف وراقد يتفرج
يوسف وهوا يبحت فالتلفزيون.ها شن صار
انا جيت قعمزت يلاه.خليني نلفها في راسي كلامه اليوم مايطمنش
يوسف.شن قال
انا.فش داعي
يوسف.تي ادوي ازح
انا.قاللي تحللميش مني برومنسيه راهو انانبي حوش مضموم وتراعي عيالي ونروح نلقى غدايا واتي ومش عارف من قاله اني نبي نسيب قرايتي
يوسف.وكيف بتقري وانت شايفه وضع البلاد
انا.تو نشوف اكيد حيبدوا فالقراية ونقدر نقرا
يوسف.مش وقتها ياحيو خليها نين تكمل الحرب
انا.نقصد يعني كلامه يقول انه يبي شغاله بعدين يايوسف هذي مدفنه مش زواج بنكمل عمري نعاني في عيال غيري وخلاص حنكبر قبل وقتي اللي في عمري مزالن في حواشين هلهن يقرن ومافكرنش في زيزة وفي ولا شي
يوسف.باهي ياستي بكرة تو نرن عليه ونقوله مصارش نصيب
انا.لالا ماهو
يوسف.شنو
انا.حرام العيال وجعوني حسيته واعر فيهم بعدين هوا بلكي مايقصدش زي مافهمته انه معاملته حتكون جافه وهكي بلكي قصده بس انه مايخلينيش نتوقع اني حنعيش دور العروس وهكي
يوسف.اها ممكن
انا.بس مهما كان من حقي يعني نعيش دور العروس واصلا"يوسف مسك فمي"
يوسف.ازف شن جابني كنت في شقتي مريح راسي مكتر هرجتك اسكتي
انا حولت يديه.اطلقني
يوسف.نقولك حاجه خشي لدارك وخودي اول.دبدوب وهدرزي معاه وبعد تكملي قوليلي
انا.زعمك
يوسف.صدقيني اااه
انا.خزي والله مش كيف الخوت كلا انته بدل ماتسمعني وتنصحني تقولي ادوي للدبدوب
يوسف.تي تحشمي عوجك وين تلقيه الخو اللي يركب قرون ويخليك تهدرزيله علي العريس اللي متقدملك
انا.الله غالب كان عندي خوات ره مفتكه من جميلتك
يوسف رن نقاله طلع بحت فيه وبين صبه للدار
انا.من
يوسف.مكالمه شغل"وصكر الباب"
يوسف.الو
مروة.الو
يوسف.من معايا
مروة.الاخت اللي قريت فاتحتها سنتين وسيبتها قبل العرس بشهر
يوسف.شوفي نصيبك وانسيني وانسي حبنه
مروة اطربقت فيها الضحكه.تي تحسابني رانه عليك عليش انته😂😂😂
يوسف باستغراب.شنوه
مروة.انا رانة نقولك حسبي الله ونعم الوكيل فيك انته قطعتلي نصيبي واللي يجي بيزوزني يوخر عشان قرية الفاتحه سنتين
يوسف.وشن تبي
مروة.غلطتك صلحها
يوسف. مش ملزم
مروة.كيف مش ملزم
يوسف.اعتبريها غلطه بغلطه
مروة.يوسف حرام عليك ماغلطتش فيك
يوسف.باهي ياستي ماغلطتيش انا معش نبيك خلاص
مروة.ولا انا نبيك بس يكون في علمك انه مش حنسامحك عاللي درته فيا انته وسخت سمعتي الا موضوع الحب هذا عندي خط ولوح
يوسف.انا خط ولوح
مروة.اها يايوسف"وصكرت عليه"
سمية.يياهبله شن درتي
مروة حضنتها وبدت تبكي
سمية.شن هذا وشن الكلام اللي قلتيه
مروة.قهرني قهرني قهرني مش عارف كيف رنيت عليه وقلت هكي انا كنت معاهدة روحي نفوته بس قدرتش والله
سمية.خلاص بس اسكتي
مروة.مرايفه عليييييه بنمووووت خلاص مش قادرة ياسيمو مش قادرة امس لقيت وحدة حقيرة اسمها جوجو تدحنس في اكاونته وتعلق
سمية.حتى انت ضيفي وخليه ينقهر
مرةة.زعمك
سمية.اااه صدقيني احتمال كبير يكون مش عارف الخطوة اللي دارها بالزبط يعني يحساب روحه ايام العلاقه يسيبك شهر ويرد وهكي
مروة.يوسف مش هكي
سمية.كلهم هكي صدقيني
مروة.تو نشوف
سمية.بس صاح الكلام اللي قلتيه
مروة.اها صاح انا نعتبر مطلقه واخر مراة جت خطبتني قالتلها ماما هي كانت فاتحه بس في حوش هلها يعني قالتلها نحنه نبوها ورايدينها لكن بنديرولها فحص عند طبيب شرعي يعني
سمية اشهقت
مروة ردت تبكي اخرى.واكثر والله ياسيمو واكثر
سمية.اهدي بس اهدي حبيبتي
مروة النقال يرن
مروة.الو
انا.الو
مروة.خير حياة شنجوك
انا.انت رنيتي علي يوسف توا
مروة.ليش تسالي
انا.ماندريش من رن عليه طلع للجنان كمل قرطاس دخان
مروة.حي عليه اطلعيله حوليه منه ياحياة فالاردن قالوله عندك حاجه فالحويصلات ابتاع الرئة مش كويس عليه
انا.مزلتي تخافي عليه
مروة.كيف خوفك علي فارس بالضبط
انا.فارس تمه ماضي خلاص انا جايني عريس واحتمال كبير بنوافق
مروة.ربي يهنيك
انا.ويردكم لبعضكم ياااارب
مروة.خلاص يوسف نعرفه مستحيل نردو
انا.بس مزال يحبك
مروة.خوك قلبه اسود انا نعرفه يمسك فالغلطه ويدسها ويحاسبك عليها مية مرة
انا.اسفه دمرتلك حياتك وكل شي بسببي
مروة.نوعا ما تعويض عشان صبيت في وجهك انت وفارس
انا.تقوليش هكي انت كنت خايفه فارس يحرجني ولا ينسحب ويكسفني
مروة.صكري توا لاني بنرقد
انا.ارقدي وانا نطلع لمجنون ليلى اللي بره
مروة.قولي لقيسي اني مت شوقاً
فماذا عساي افعل
انا.تداري هواكي وتكتمي شوقكي
مروة.ولكن والله لست اقدر
انا.فليس لكي من الموت بد فذاك لكي الانقى واطهر
مروة.عنجد وجك مالقيتي الا هالقصيدة
انا.هههههه انت بديتيها
مروة.في نهاية حلوة بككل تو نقولها لكي ولا ارجي اهو دز رساله عالمسنجر
"وصكرت عليا"
انا طلعت للجنان.يوسف
يوسف.حياة بالله عليك
انا.باهي مروة قالتلي قوليله اني مت شوقا فماذا افعل
يوسف.تداري هواها وتكتم سرها فذاك عليها بالفعل استر
انا.لكنها لا تقدر
يوسف.ليس لها من الموت بد فذاك لها انقر واطهر
انا.عنجدك في نهاية تانيه حلوة
يوسف.لالا النهاية هذكي مش لنا
انا.عارف بعد قلتلها يدخن فالجنان شن قالت
يوسف.اكيد شهقت وممكن سكتت،شويه،وبعدين قالتلك عدي.حوليه منه لانه يتحملش هكي قالو فالاردن
انا.حافظها
يوسف.ااه
انا.انته ماتأذيش فيها هي بس راه انته تهلك في روحك
يوسف تنهد.انا بنرقد
انا.تصبح عخير
"خش.لداره،وخشيت لداري رقدت وانا مقهورة عليهم هم الاثنين"
الرساله اللي دزها يووسف لمروة.مزلتي.كل مانتعاركو،تفترشي في كلام يعصب وبعدها تبدي تبكي عشان قلتيه امتى بتعلمي تمسكي لسانك انت
مروة حمقت من رسالته.لما نزوز
يوسف.صاحبي يدور تو نقوله عليك
مروة.فيك الخير والله لكن قوله علي ست جوجو اللي تدحنس في ايميلك
يوسف.لالا هذكي شوري
مروة.اها اكيد شورك🐕
"ودارتله بلوك وارقدت"
#تاني_يوم
#عند_علي
علي.الو
سهى.الو شن جو
علي.تمام وانت
سهى.تمام
علي.شن تديري
سهى.مكسدة في داري عالفيس
علي.اهاا تبيش تقوليلي حاجه
سهى.حاجه زي شنو
علي.حاجه هكي خاطري فيها
سهى.تبدا بحرف شنو
علي.حرف انحبك
سهى.اهاا لالا نبيش
علي.ههههه عليش
سهى.هكي عشان مزال
علي.امتى بتقوليها
سهى.قتلك من قبل نبي هكي مناسبة حلوة نقولها لكي فيها
علي.باهي حلي الباب
سهى.عليش
علي.عازمك عمطعم انا تو ندوي لباتك
سهى.لالا عادي بابا تو نقوله
علي.تمام وتي روحك هي
"شويه هكي كان فم الباب طلعتله وعدو لمطعم$$$"
سهى.يهببببل
علي.اها عاجبني لاه فترة
سهى.والمناسبة
علي.انها اول مرة نطلعوا مع بعضنا في مكان برواحنا
سهى.والمستشفى
علي.هههههههه حلوات ايامه الصراحة
سهى.😳
علي.بس في ممرضه حاكيه اللي صار كللله لاختي حياة
سهى.عليك فضييييحه😱
علي.مش غير خاصة اني داير جو الاخ الكبير الغامض ريحت الهيبه بكل
سهى.هههههه عادي
علي.ناخدو غذا ولا حلو وعصير
سهى.لالا متغديه انا فوت الغدت
علي.به تمام انا ماشي نجيب حاجه"طلع شويه وبعدين رد قعمز يلاها"
سهى.رد مكانك
علي.هنا خير
"وجاهم النادل وطفو الضوايا حطو قدام سهى وعلي تبسي"
سهى.عشان دبلة الخطوبة اللي راحت فالمستشفى وعشان مش انا لبستها لكي جبتلك هذ"ورفع المغطه"
سهى.واو تهبببل
علي مسك يدهها ولبسها لها وباسها
سهى.نحبببببببببك
علي.وانا نموت فيك
سهى كانت تبحت فيه ومبتسه
علي.واخيرا يعني
سهى.ههههههههه
علي.سمحه طالعه منك
سهى.كل شي مني سمح
علي.حي عالثقه
سهى.مالا شن
علي.اوكي تو نخلوهم يجيبو حلو جعت
سهى.هههههه فوت الشكولاطه وجهي والحبوب
علي.كراميل
سهى.اوكي
علي.تشيز كيك الكراميل
سهى.تمام
"وجابولهم الطلبية بدو ياكلو ويدوو عادي وبعدها روح بيها وصلو فم الباب"
سهى.ميرسي بجد يوم حلو
علي.انت احلى
سهى بدت تبحت فيه وعلي قدم شورها يبي يبوسها حطت يدها علي فمه
سهى.هذي ضريبة البيان بدون فاتحه سوري يابيبي حراااام
علي.عنشكله
سهى.ههههههههه
"ونزلت وعلي جانا فالحوش"
#بعد_أربع_ايام
جن الصبايا هل قاسم وقعمزت معاهن
امه.ياحنه نقولك من تو المرحومة بسليمتها كانت مش عادة حوش هله بكل وانت مانك واخدة راجل من ميتم عنده هل تراعيم وتهدرزي معاهم تنزليلهم العشيه وتكسدي عندهم
انا.اها صح
امه.ونقولك من توا مش من اول ماتزوزي تحملي مزال بدري تديريش دورت المرحومة اول ماعالجت عالحمل دفت 3عيال في 4سنين
انا.اها اها
امه.وراهو وليدي لباس وهندامه ديمه سمح ولازم تفطنيله نبيش نشوفه متشرتل وطايح سعده
انا.صح اها
امه.وايوواه ونحنه والله تريحتلك وحسيتك كيف بنيتي والفاتحه وليدي قاللي بعد اسبوعين
انا ماكنتش حنسمحلها تورطني.تو نقول لخويا سالم يرد عليكم بالموافقه ولالا ويحدد هواا وقت الفاتحه
امه دارت بشوربها حرركة.مش.عارف كيف نوصفها لكم فاطنيلها لما وحدة تقول يابتي وتشفط هوا من تحت سنونها ان شاء الله وصلت.وانت مزلتي تفكري يابتي
انا.نبي نصلي استخارة
امه.اااه به صلي ونراجوك والزواز قسمه ونصيب يايام
انا.اهلين بيكم
"وشويه هكي من المجاملات وبعدها روحن وهنه جايبتلي اختناق اووووف قعدت نصلي في استخارة وكل شي نبي نعرف نوافق ولالا عقلي يقول اه قلبي يقول لا قلبي يقول اه عقلي يقول لا كم سبب يخلني نرفض وكم سبب يخلني نوافق
#مررر_اسبوع
سالم جانا فالحوش.حيو
انا.نعم
سالم.خلاص لنقنك سمطتيها الحماعه يرجو يا اها يا لا
انا.شن بنقولك"ورن نقالي"
انا شويه نرد ونجي
انا.الو
مروة.بسرعه ردي بكملتين مزلتي تحبي فارس
انا.شنو
مروة.تحبي فارس؟؟
#يتبع
الحلقة فيها شوية دراما زيادة عن الحقيقة.شوية بس😉
