......
انا.هههههه اصحاب فارس انا عادتك زي خويا الكبير اي اصحاب
فارس.اه اها صح معاك حق لخبطت فالكلمه💔
انا.باهي شن كنت بتقول
فارس.اه لا كنت بنقولك راهو ندخن
انا.اهااا ربي يبعدك عليه بس عادي يعني حريتك الشخصيه شن دخلني انا
فارس.اه لا مش عارف نبي نرقد تصبحي عخير
انا.وانته من اهله😊💔
"صكرت منه وانا عارفه شن كان حيقول وانا تعمدت نقوله خويا الكبير بيش مايقوليش انه يحبني وتخرب علاقتنا خلينا هكي علاقه بدون مسمى ومش مفروض علينا فيها اي التزامات مانبيش نرتبط بيه لاني غير صالحه لهكي شي
بس!ومشاعري واحساسي وانسانيتي ياربي ساااعدني يااارب طلع حبه من قلبي ياااارب.
#فارس
كنت نبي نعترفلها بحبي بنقوللها كل شي وقلت حتى لو رفضت عادي بس قالتلي عادتك خويا الكبير يعني هيا بروحها حاسه فرق العمر اللي بيني وبينها انسحبت من المحادثه وصكرت وانا في قلبي 100كلمةو كلمة بس فالنهاية قررت اني نحبها من بعيد ونخليها تعيش حياتها واكيد حتلقا من يحبها ويكون من جيلها وفي عمرها💔
#تاني_يوم
نضت فالصبح وانا حاسه روحي مضاايقه فطرت ورنيت علي يوسف
انا.الو فيفا
يوسف.نعم😐
انا.نبي نطلع ندهور مضايقه
يوسف.وين بتعدي الوضع برا مايمطنش
انا.مادخلنيش نبي نبطلع
يوسف.وتي روحك نجيك نشيلك لمروة كسدي عندها
انا.مانبيش امها مروة نبي مطلع ندهور قتلك
يوسف.نشيلك للسندباد بعدين فالليل
انا.اممممم به
يوسف.من يعدي معاك
انا.نبيش يعدي معايا حد انا وياك وماما بس سمعتني بسسسسسس
يوسف.ههههههه كنك راقيلك منها انت
انا.كانك قريب تعال نهدرزو كملت رصيدي
يوسف.اصلا فم الحوش انا ديريلي.مق قهوة
"خش هوا وانا درت كبايتين قهوة وحده ليا بحليب وحطيت بشكوط وجيته في داره"
يوسف.باهي احكي
انا.شن نحكي
يوسف.كنك انت ومروة
انا.رايحه تمزط الكبد من يوم صاحباتك
يوسف.هههههههه عليش
انا.ماتحكيش الا عليك ويوسف انظر شنو ويوسف انظر ايش
يوسف.وانت عليش راقيلك منها
انا.معش قعدت صحبتنا كيف قبل
توا حتى هدرزة معاها نحبش نهدرز
يوسف.تبي الحق
انا.اها
يوسف.انت اصلا متغيرة حتى معانا نحنه اللي خوتك
انا.كيف
يوسف.تنوضي الصبح وانت تقول كنت في حرب مش راقدة لا صباح الخير لا غيرو
انا.فوت فالصبح تعدلش عليا واجد
يوسف.باهي عليش؟هذا اللي بنعرفه انت شن تحلمي فالليل نين تبكي وتنوضي تعيطي ونفسك مقطوع وفالصبح تبدي مضايقه
انا.كوابيس
يوسف.نكملك تطلعي تفطري وانت سرحانه ومرات نفطلك تدمعي تعدي للمدرسة ايام المدرسة وكلا توا تخشي للدار وتمسكي النقال تطلعي عالغدا تتغدي تضمي الحوسة تهدرزي معانا شويه تردي للدار اخري معش تطلعي الا تاني يوم ناهيك عن انك نكديه بكككل وحتى ماما مضايقه عليك
انا.لهدرجة
يوسف.واشر.اخرى
انا.من امتى الكلام هذا
يوسف من عزا وليد الله يرحمه وانت هك
انا.يعني الفسس فيا
يوسف.نوعا ما اها
انا.بس حتى مروة تمزط
يوسف.عليش
انا.كيف علييش هك تمزط
يوسف.هههههههههه به
انا.اوكي انا بنرقد باي
"وانا طالعه من الدار قابلني سالم"
سالم.اوووو حيو مسيبه دارها وتضحك اخرى انظر شن في
يوسف يعيط من جوا الدار.مش قتلك
انا.حرام عليكم لهدرجة نكديه
سالم.لا الصراحه فتي مرحلة النكد حتى علي النكدي بكل قعد اسعد منك
علي من وراه.هذا اللي طلع معاك انا نكدي
سالم.اها نكدي مافيش شك وحياة اشر منك
انا.هههههههه
"وكانو هما التلاته يضحكو شكلهم كان يهبل تمنيت نوقف هاللحظه معش نطلع منها"
#قعدنا_وفالليل
انا.يوسف هيا لبست
يوسف.هيا كلمي ماما
ماما.انا واتيه هيا هي
"طلعنا وجونا سمح وصلنا غادي ولعبت وجو فطنت ليوسف مختفي"
دورته لقيته فالمطعم مع مروة
انا.احم احم
يوسف برم بالشويه هو ومروة.😳😳
انا.ماتقدرش مرة تطلعني بلاها يعني
مروة.بطلي حسد ياحنه
انا.في شن بنحسدك في خويا
يوسف.خلاص انتن الاثنين بلا عرايك
انا.عليش كلمتها وانت ياحنه شن جابك
مروة.جايه مع ماما
انا.اهااااا سبحان الله بالصدفه
يوسف.حيو خلاص
انا.عليش مكلمها
يوسف.نبي نهدرز معاها
انا.اهاا وماما من معاها
يوسف فالجنينه شن بيصيرلها
انا.باهي تمام يايوسف خليك مع مروة
يوسف.ياربي انا تعالي يامروة وياحياة نعدة نقعمزو مع امي
مروة.لالا
يوسف.باهي نعدو مع بعضنا كلنا
انا.لا
مروة.لا
يوسف.ازح كنتن صحبات شن غيركن
مروة.ماتغيرناش لكن اختك معش تنطاق
انا.انت اللي تنطاقي يعني
يوسف.باهي خلاص بلا عرايك حياة عدي لامي ومروة عدي لامك وانا بنتفرج عالمباراة هي انا اصلا غلطان بنصاحبكن
انا.😐به
"عديت ومروة عدت وانا ماشيه شور ماما"
انا.ماما ماما كنك
لقيتها الصبايا ملتمات عليها وهيا مغما عليها عديت نجري ليوسف
انا.يوووسف يوووسف تعال
يوسف.كنك شن في
انا.ماما ماما"وقعدت نخبط في وجي"
طلعلها يجري وانا لحقته ولحقتنا مروة يوسف شمرها وطلع بيها للمستشفى وانا معاه
مروة.الو فارس
فارس.نعم
مروة.تعال بسرعه روح بينا
فارس.كنه عليش
مروة.كنت انا وحياة مع بعضنا وامها اغمى عليها وسعفوها للمستشفى لازم نعدو معاهم
فارس.اوكي اوكي اني جايك امك والبنات خليهن
مروة.تمام هي
"شويه هكي وجاهة فارس لحقتنا"
فالمستشفا
انا.يوسف حي عليا ماما حي عليا ماما😢
يوسف.خلاص بطلي بكا تو تصح
"مع طلعت الدكتور"
انا.كنها يادكتور كنها
الدكتور.صايرلها جلطه شكلها مش واخده دواها
انا.مش عارف😔
يوسف.كيف معقوله مش مركزة معاها ياحياة
انا.مركزة لكن ليا كم يوم ماشفتش الشريط ونسال فيها تقولي ناخد شكلها فايته
الدكتور.حالتها خطيرة واجد يستر الله
انا.قعدت نبكي وطلعت من العرفه نجري
وخبطت في حد رغم اني مش متأكده لكن مش عارف ليش حسيت انه المكان الوحيد اللي حنحس فيه بالامان قعدت في مكاني ماوخرتش بكيت بعبرتي ووو
#يتبع
