#حكاية_حياة
#حلقة73
سالم.حبيبتي
هدى.ااااه ياروح حبيبتك ياعيونها حبيبتك تعبت خلااص تعبت كم ليا نعاني لا متت لا تريحت
سالم.معش تقولي هكي حرام عليك حتصحي وتردي نبوك معانا يا هدهودتي
هدى.قولي الشعر الي كنت تقولي فيه لما نتوجع
سالم جا يلاها حضنها وهما الاثنين كانو يبكو
سالم.غير ويش يوجع فيك ياغاليتي قلبي فداك وصحتي وعافيتي
فداك انظاري
ياجنتي يشفيك ربي الباري
وايدوم حسك ياقمر في ادياري
ياام العيون مهلعة عسلية
هدى.ااااه ياغالية
سالم.غير ويش يوجع فيك ياغاليتي عمري فداك وقلبي وصحتي ودنيتي وعافيتي كلها مغير قوليلي بس
هدى.سالم نحبك رد بالك على عيالنا راك في يوم تاخدك الدنيا وتنساهم ازوز بس رد بالك تحب غيري ديرلي صدقة جارية ارجوك امسك روحك وادفني في ليبيا فاسرع وقت نبيش نطول وتأكد انا حنكون ديما متريحة وفي قبري فرحانة اني عرفتك وحبيتك وعشت معاك
سالم حضنها وقعد يبكي بدموعه💔
طووووط طوووووط طووووووط
سالم.لااااا ياهدااااااا ماتسيبينيش ماتعديش وتسيبيني ماتخليليش امانة كبيرة هكي وتمشي ماتخلينيش بقلب مكسور وتمشي ماتديريهش ياهداااااااا
ووخرها قعد يبحت فيها كانت مبتسمة و عارفة انها ماتت في احن مكان في الدنيا حضن اكثر انسان حبها
سالم.حرام عليك تديريش هكي حرام عليك تسيبينش انا واسو وليث بروحنا نبوك معانا
انت ديما تقوليلي انا المرأة الحديدية ليش ضعفتي ليش خليتيه يهزمك مش قلتيلي انا حنكون قاهرة السرطان؟قهرك السرطان وقهرني فيك يا هدااااااا
وقعد يعيط منهار
خشوا الدكاترة يجروا والممرضين كروه لاورة
الدكتور.استاذ حول لو سمحت ارجوك لازم نديروا انعاش وصاعق كهربائي
سالم.خلاص ماتحاولوش!ماتأذوهش اكثر خذيتوا من جسمها وصحتها مايكفي سيبوها
الدكتور قعد يبحت فيه ومتأثر كان عارف ان خلاص الروح سلمت وان هذا مجرد اجراء روتيني
الدكتور.نغسلوها ونبدوا في اجرائات الدفن؟
سالم.مش عارف مش عارف!هي ديما تساعد فيا في الحاجات هذين تعرفني نعرفش فيهن وديما لما نحير نسألها ليش عدت وسيبتني نعرفش نعيش بلاهااا نعرفش
الدكتور غطا الجثة وخلاه وسالم قعد يبكي شوية بعدين تذكر كلامها ووصيتها طلع برة الغرفة ورن على علي
علي.الو ايوا سالم طمنا شن صاير معاكم
سالم.عطاتك عمرها!
علي.لا يارا عظم الله اجرك
سالم رد يبكي اخرى
علي.سالم اطلع دير اجرائات جيبتها انا مش حنقول لهلها الا لما تجيبها وتجي بيش مانقعدوش كم يوم نرجو
سالم.علي تعال ولا دز يوسف انا عاجز مش قادر ندير شي
علي.قضاء الله ياراجل"وخنقاته العبرة"كنك توا اهدا وروح تريح وبكرة اطلع دير اجرائاتك
سالم انهار.كيف بنترييييياااااح وراحتي عند ربي كيف وهي سيبتني وعدت كيف وهي خلتلي حبها امانة وعيالها امانة وجسمها امانة كييييف
علي يسمع فيه وساكت
سالم.رد ياعلي كيف بنتريح قولي كيف بنقوللهم غسلوها وكفنوها كيييف حبيبتي الي عمره مادفاها الا حضني ترقد في التراب كيييييف نحكي معاك قولي كيييف اه حبيبتي الي عمرها كله معايا كيف نخليها تتحاسب بروحها وتعدي بروحها وتندفن بروحها كييييف تخاف من الظلام ياعلي تخااف منه ياعلي كيف بنخليها فيه
علي يسمع فيه ويبكي كلامه كان حااار كان يحكي بحرقة حرقة حبيب الله مايذوقها لكم ولا يذوقها لمسلم لنقااانها واعرة واسألو مجرب💔
سالم.انا مش حنقدر ندير هذا كله واحد منكم يجي يروح بالجثث الاثنين
علي.اين جثث الاثنين من قصدك؟
سالم.انت مش عارف ان في ناس واجدة جثث حتى لو كانوا يمشوا!خوك توا واحد منهم جثة يخش ويطلع منها النفس
علي.استهدى بالله واذكر الله وخش صلي وادعيلها وبكرة الصبح يا انا يايوسف نكونو عندك
سالم.به به
وصكر منه ركبلي
علي.حياة
انا بحتت فيه وحسيتها لنقني عرفتها باينة كانت في وجها.ماتقولهش ياعلي وراس اميمة الغالية ماتقولها
علي.عطاتك عمرها
انا.يناعليييييي هدى "وحطيت يدي على فمي"يناعليييي ياطيبة يناعليييي خويا وعيالها لمن سيبتييييهم قوليلي بس"وحضني علي قعدت نبكي وهو يسكت فيا"
علي.اسكتي توا واهدي مانبش حد يعلم نين نعدوا نجيبوها ونجوا
انا.من بيعدي
سالم.انا بنعدي تو نرن على واحد توا يحجزلي والصبح ولا العشية نكون عنده غير انزلي وتيلي شنطتي
انا.به حاضر تو نوتيها عالسريع خليني نرن عليه بس
علي.كان ماعندكش لاه عزم فوتيه
انا.عنجد ماعنديش لاه عزم تي خويا
وخذيت نقال علي ورنيت
سالم.الو
انا.ايوا سالم عظم الله اجرك ياخيي
سالم.ماتت ياحيو الي ديما توصي فيا عليك ماتت الي تقولي الا اختك ماتت،الي كل مانغيب عليك تقولي عديلها الي ديما توصي فيا بيكم وتقولي ماتقطعهمش ماتت،الي ماعمرها شكتلي منكم ولا شكيتوا منها عدت لربي ياحياة عدت لربي وخلتنييييي خلت عيالها وخلتني
انا معش قدرت انهرت بالبكاء كان يقهر كلامه وبكاه
علي.قتلك ماتقدريش ماترنيش
انا معش قدرت نصبي مقعمزة في مكاني وخلاص
علي.حياة حياة صبي بس"وصباني للصالون قعمزت عليه ونبكي"
انا.ليش هكي ياعلي الدنيا تاخذ في الطيبين ديما ليش هكي السرطان حرمنا منها زي ناس ثانية واجد ليش هكي ليييش
علي.حياة خلاص استهدي بالله واذكري ربي وادعيلها ربي يرحمها ويسامحها
انا.ربي يغفرلها ويرحمها ويسامحها يااارب اجعل مرضها شفيع لها يارب
وصبيت وتيتله الشنطة وهو رن على صاحبه
علي.الو
صاحبة.او عليوه شنجو
علي.لنقنك بالجو نبي طيارة الفجر للاردن
صاحبه.والله مافيها ياطير وحدة ومليانة
علي.مش مشكلة ان شاء الله نسافر مصبي لازم منها
صاحبه.تعال بكرة وندبرلك الاوراق ان شاء الله بس واحد يتأخر ولا يلغي ولا اي حاجة
علي.تمام اجريلي عليها"وصكر
حجزله الطيارة وقاله بكرة الفجر
علي.اوكي انا حجزت وبكرة ماشيله
انا.تمام به
علي.ماتقوليش لحد ياحياة اه
انا.كان رن عليا حد وسأل مش حنقدر ياعلي نكذب ماتجيش
علي.ياحياة بالعقل بيديروا عزا توا والاجرائات مرات يتأخرن يوم ولا اثنين ثلاثة ونجيبوها ونديروا عزاء اخر ونوضوا عليهم الجرح اخرى بالعقل الحكاية
انا.حاضر حاضر
علي.ماشي نجيب سهى تقعد معاك
انا.ليل حي عليك
علي.الي هوا مسافر الفجر ولازم حد معاك
"وطلع عدالها"
دق الباب شوية هكي وطلعله ولد خالتها
منير.ها ياخونا تفضل
علي.ترا بالله كلملي سهى
منير.باهي الي جيت خذيتها الواحد يرمي في بلاه عالناس!امها تسيبها وتروح وانت مخليها عندنا
علي.احترم نفسك خيرلك وكلمها خير ماتوا تشوف شي عمرك ماشفته
منير.تي باهي باهي اعصابك بس
"وخش شوية وطلعتله"
علي.السلام عليكم
سهى.وعليكم السلام
علي.خشي البسي واطلعي معايا
سهى.كنك شن في انت وجك تقول في حاجة
علي.وطي حسك اه
سهى.كنك شن في
علي.هدى عطاتك عمرها
سهى.هيييييييه"وبدت تبكي"ان لله وان اليه راجعون ياروحي ياهدى صغيرة حرااام
وبدت تبكي
علي خش للحوش.خلاص بس اسكتي تو تفجعي العرب
سهى.حرام ياعلي والله طيبة ماتستاهل وعيالها ايتام حرام والله
علي.كان تشوفي سالم كيف يحكي عليها
سهى زادت بكاء اخرى.بعدك يحبها بشكل
علي قعد يبحت فيها كيف تبكي حضنها
علي.خلاص بس اهدي وادعيلها بالرحمة حرام عليك تعذبيها هكي
سهى.ربي يرحمها ويرحمنا يااارب
علي.خشي قوليلهم وجيبي دبشك انا مسافرله الفجر نجيبه هو وياها وانت خليك مع حياة
سهى.به حاضر
وخشت لخالتها
سهى.خويلة نبي نروح مع علي
خالتها.باهي الي جا تحشم على وجه وخذاك هالي مطوحك
سهى ماردتش خذت دبشها وطلعت
" ركبت في السيارة"
سهى.علي بنقولك حاجة
علي.شنو
سهى.اسفة عالشي الي درته وعارفة ان هو غلط ياريت تسامحني بس والله كنت حاسة ان هذا الصح
علي.حصل خير معش تاخدي قرارات من راسك وانا اسف على جيتي الوقت هذا ووخذتك هكي رغم اني نعتبر لازك ومفروض ناخذك في النهار وبإذن هلك ويحقلهم يديروا الي يبوه ووحدة غيرك ماترضش تطلع كانت
سهى.ماتقولش هكي في اي وقت ومهما كان الشي الي صاير بينه وقت تحتاجي او نحتاجك لازم نلقوا بعض
علي.ان شاء الله يارب
سهى.بس ياريت بعد يكمل العزاء نحكوا في الي صار لان انت غلطت فيا واجد لكن الله غالب مش ظرف ان الواحد يحكي
علي.ان شاء الله خير
"ووقف ونزل خش لقاني مولعة قرآن ومقعمزة نبكي اول ماخشت اضبطتها وبكينا نيييين قلنا بس"
علي.خلاص ياحول الله حرام عليكن هكي
"سكتنا وكل مرة وحدة تقول حاجة عليها ولا تبكي وكلا عن نفسي ماغاب عليا والي هذك الليلة بابا وماما وخالتي وهدى وحظي معاهن بكيت عليهم كلهم"
علي.الو ايوا يوسف
يوسف.اه علي شن في صوتك شين
علي.هدى عطاتك عمرها
يوسف.لا حول ولا قوة الا بالله ماتقولهش ياراجل ربي يصبر سالم
علي.ان شاء الله يارب جيب مروة وتعال اقعد مع اختك وسهى نين نروح انا وياه
يوسف.نجي الصبح ولا توا
علي.تي توا ازح اين صبح انا الفجر طالع
يوسف.حاضر حاضر
"وجا يوسف وبكاء عليها ومروة حتى هي رغم ان متعرفهش واجد والفجر علي عده وسافر"
#عند_سالم
بعد رن على علي وعليا رد للغرفة أخرى! خطرت عليه كلمتها
هدى.يقولو الميت لما يموت يبقى يسمع في هله والي حوله قريب ساعة ولا اثنين لما نموت ياسالم اقرالي سورة من القرآن
سالم.هههههه غير موتي نختملك فوق رأسك
هدى.خزي يابارد
سالم.ااااااه ياهدى!"وطلع جاب مصحف وجا"
الدكتور.استاذ لازم نغسلوها ونشيلوها للثلاجة!
سالم.بنقعد معاها الليلة وبكرة تتموا اجرائاتكم
الدكتور.اوكي
"وقعمز عالكرسي جنبها يقرا بصوت عالي ومرات يغلبنه الدموع يسكت شوية وبعدين يكمل"
"وقعد عالحال هذي لعند الصبح سبحان من نزل في قلبه الصبر ونحن قاعدين نرجوا في بنغازي وعلي عداله في الصبح"
اول ماوصل طلع دغري شور المستشفى
علي.السلام عليكم في مريض هنا اسمه هدى&&&
الممرضة بان على وجهها التأثر.هيدي زوجة أستاذ سالم
علي.تعرفيه؟
هدى.مين مابيعرفون أي لك قديش كانوا مهضومين وبيضحكوا وحلوين وهما في أوقات العلاج وحتى لما تعبت كتير!كانوا قادرين يضحكوا بس امبارح لما الله اخد أمانته أستاذ سالم بكا كل المشفى بالكلام الي قالوا عنها واديش عم يبكي بحرقة عليها!والله اني بيحبها حرام"وقعدت تبكي"
علي.لا حول ولا قوة إلا بالله وينهم توا
الممرضة.موجود بالغرفة من امبارح عم يقراله قرآن مجرد ماتفوت على ممر 4راح تسمعوا وتعرف أي غرفة
علي.باه شكرا
"وطلع من يلاها عدا لممر 4سمع صوت سالم يقرالها كمل لعند وصله"
علي.السلام عليكم ورحمة الله وبركاته
وشاف هدى كيف راقدة عالسرير خنقاته العبرة
سالم.صدق الله العظيم "وصباله"
علي.عظم الله أجرك ياخيي
"سالم اضبطه وقعد يبكي"
علي.خلاص ياعلي تعذب فيها انت هكي
سالم.مش قادر ياعلي مش قادر نصدق كل شوية نقول حتنوض كل شوية حنقول تو تردلي ماقدرتش نقتنع أن معش بنشوفها نقدرش!
علي.استهدى بالله توا وروح وانا توا نتم الاجرائات كلهن
سالم.باهي💔
علي.تمام "وروح سالم للحوش قعد مقعمز في مكانه وصارله زي ستاكة مابعد الصدمة!مقعمز ويبحت كل مرة يذكر حاجة وكل مرة يخطر عليه موقف اذكر كلام الدكتور اول ماجو
الدكتور.لولا عملية الازالة كان المرض اسهل بكثير بس بسببها انتشر وصار صعب التحكم في"وقعد يدور في مخه الكلام والي صار"
#عند_هل_هدى
كانت امها راقدة في مكانها والبنات جنبها مقعمزات يحكن فجأة نطت في مكانها وقعدت تعيط
امها.يناعلييي بنتي يناعلي هدى هدى ماتت ووووو عليا بنيتي صغيرة ووو عليا
هاجر.يناعلي ياماما كنك تفاولي عليها غير اهدي شكلك تحلمي
امها.مانحلمش مانحلمش حسيت بيها يابنات حاسة بيها بنيتي يناعليييييي وووووووووه وقعدت تندب والبنات يسكتن فيها يحسابنها تكوبس ولا حاجة وهاجر رنت عليا
هاجر.الو ايوا حيو
انا حاولت نمسك روحي.نعم هجورة
هاجر.والنبي ماتدسي عليا هدى صايرتلها حاجة ماما من بدري تندب وتبكي وسالم ماحصلنش بيش يطمنها
انا قعدت نبكي سبحان الله على قلب الام وكيف قدرت تحسها رغم المسافة
هاجر.تقولهش ياحيو حرام عليك خيتي ماتقولييهش
انا.عقبتلكم طولة العمر
هاجر.وووووه وخيتي وووووووه عليا
امها.مش قلتلكم مش قلتلكم
وقعدن خواتها يندبن والتموا عليهم الجيران
#عند_علي
تم اجرائات التغسيل والتكفين كلهن وثاني يوم اسقد بيها هو وسالم وطبعا سالم سااااكت والحاجة الوحيدة الي في باله هدى والدكتور الي دار العملية"وصلوا للمطار لقوا يوسف وخوت هدى والناس يرجوا فيهم خذوا التابوت وطلعوا بيه للمقبرة بيدفنوها
علي.نزلها ياسالم
سالم.علي حرام عليك ماتحبش الظلام ديما تقولي نخاف منه
علي.سالم بطل بكاء كيف الصبايا قدام الرجالة امسك روحك وانزل بيها امسكها مني هي!
سالم نزل للقبر ومدوها لاه حطها وركب بعد عنهم وسيبهم وقعدن الاحداث يمشن بسرعة!
العزاء وايامه الثلاثة درناهن في حوش سالم
الاسبوع الي بعده روحنا للحوش
خش علي وسهى لحوشهم وانا ركبت نتريح ونبدل بيش نرد لان صاح خفوا الناس شوية بس مزالوا يجوا في العشية
علي.قهوة وراس سهى
سهى.حاضر"وخشت دارتها لاه وطلعت قعمزت معاه"
علي.في حاجة ناقصة حاجة؟
سهى.لالا تمام
علي.كنك حاسك في كلام بتحكيه
سهى.مش قتلك بعد تنتهي ايام العزاء لازم نحكوا
علي.خلاص ياسهى موقف وعدا وربي يسامحك انا كان غير حكيتيلي راني ساعدتك ماكانش في داعي تدسي عليا وان شاء الله ربي مايجيب بينه زعل
سهى.انا نقصد الي انت درته
علي.شن درت!
سهى.اولا انت طلعت حاكي لحياة حاجات مافش داعي تعرفهن لويتني من يدي الي توجع فيا في وقت المفروض انت الي تعالجها بيش معش توجع!لزيتني من الحوش مع ماما وانت عارف انها مش مقيمة خليتني في حوش خالتي الي هما اصلا مش محارم ليا وسمعت بسببك كلام ووصخ توقعتش روحي نسمعه في حياتي انا الي طول عمري نفشك بيك يجي يوم حد يقولي امتى بيجيك الي عازقك زي الكلبة مش عارف الصراحة شن نقولك ياعلي ومع ذلك ما خذيتش موقف وقت الي قلت اطلعي اقعدي مع اختي طلعت!مزلت مش حاس انك غلطان؟وانك زودتها وانك مدين ليا باعتذار
علي.اسف على الي صار بس انت الي دخلتي حياة وخليتيها تعلم
سهى.تشهد عليا حياة ولا نقعد في نار صبايا باتي!ليش تدير فيا هكي طول عمرنا نزعلوا ونرضوا في حوشنا ليش تستغل في نقطة ضعفي هكي!انا معش قادرة نصدق انك تحبني
علي.عنجد هذ تقوليش هكي
سهى.لو تحبني ماكنتش تدير هكي ولا تقول هكي لو تحبني تخليني في نظر الناس كلها عزيزة مش تذلني بيش تشفي غليلك انا مادرتش غلط يستاهل هذا كله
علي.تاريتك ياما شايلة كنه قلبك انسود
سهى.قلبي اسود هه
علي.انا اسف على الي صار كله بس تعرفيني لما نحمق نتنرفز
سهى مابتش ترد
علي.هههههههه حامقه ياسوسو حاضر تو غير تكمل حوسة العزاء نراضيك في احلى مطعم
سهى ابتسمت.باااه بنسألك
علي.شنو
سهى.انت تبي حياة ترد ولالا
علي.هههههه حياة حترد انا متأكد
سهى.هي تبي ياعلي راه!بس كبريائها مانعها ومن كلامها حسيت حتى فارس نفس الشي
علي.والحل؟نكلمه نقوله تعالللها
سهى.لما تجيب دير طروح ان تعال وولدك وهكي والعيل او البنت تو يدير راي ويحنن قلوبهم ويردوا
علي.ان شاء الله خير
وهكي ردوا زي ماكانوا!
الشهر الي بعده كان سالم شبه منقطع علينا نعديله مرة مرة نلقا في العيال في احسن حالة اسو تسأل على امها مرة مرة لكن خلاص بحكم صغر سنها تنسى اما ليث فيرضع من الرضاعة وديما ريحته حلوة
سالم قعد غريب شوية!اغلب الوقت ساكت ولما يحكي كلمتين ويسكت من الناااادر يضحك ولو ضحك فمجرد ابتسامة بسيطة وعادة لعياله واجعني حاله بكل مش قادرة نقوله ازوز مش هاين عليا ومش قادرة نخليه هكي لازم يرد لشغله علي قال معش نقدر نمسك شغله وشغلي واجد عليا مروة حملت وحياتها مع يوسف حلوة
ومررررررررن الاياااام
نيييين جا يوم الاربعين
سهى.حيو خلينا نعدوا لعيت سالم اكيد الناس بيجوا
انا.اها اكيد "ونزلتلها عدينا"
انا.نقولك حاجة خلينا نسيقوا فم الفيلا والسور حسيهن موسخات
"وبديت نسيق انا وسهى"
سهى.😲😲😲😲
انا.اااااااااه
#يتبع
الرواية حتكمل على الحلقة75💔النهاية قررررربت
