حكاية حياة .........
_____________________
يوسف.انزلي انا مانيش نازل
انا.عنك والله مانزلت
'ونزلت وخبطت الباب
خشيت للمحل لقيت مروة مابيتش ندوي عالموضوع وهي كذلك سلمنا عادي وبعدها"
مروة.شن تديري هنا
انا.جايه نشري في حاجة الطاولة
مروة.شورك الطاولة ولا شورنا
انا.تيالي شوري فارس قال
مروة.قاللي شورنا غريبة
انا.حي علما قصدك قاعد معاك
مروة.من بيجيبني مالا
انا.ومن قلة المحلات ماجيتوش الا لهذا
مروة.ماهذا المحل الوحيد اللي كويس بعد الحرب وحاجته راقية
انا.حي عليا كان يحقني
مروة.طالعه من وراه
انا.ومهزبته اخرى
مروة.حيي علمك بعدك فاااااصل فصله
انا.حي حي خوك حصله و
"مروة قعدت تفنص وحسيت بيد ضاغطه علي يدي من فوق غمضت عيوني عرفته هوا ومروة فنص فيها وخرت وعدت"
فارس برمني لاه وانا مغمضه عيوني
فارس.بحتي فيا
انا.تفنصش🙈
فارس خضني.حلي عيونك وبحتي فيا
انا فتحت عين وحدة وصكرتها.هه تفنص
كرني للمحل من جوه
فارس بتهزيب وصوت عالي.توااا ان"حضنته"
انا.اسفه اسفه اسفه عارفة روحي فلمت لكن متعاركة مع يوسف ومعصبة ويومين عالقتهن بكا وضغط ورانة عليك نبيك تخفف عليا لقيتك تهزب فيا فمعش تحملت انفصلت
فارس.بس
انا ضغطت عليه بيديا وضغطت راسي علي صدره.بس شنو
فارس هدى صوته.وخري المحل تو مرات يخش حد
انا.به
*ووخرت وفتحت عيوني بشويه*
فارس.انت تعرفي كيف تخليني نهدى
انا.ماخير مانتعارك انا وياك فالمحل وننفضحوا وحضرتك تعيط
فارس.ههههههه وجهة نظر
انا.لما نقعد راقيتلي ونفترش هكي ماددقش معايا
فارس.بس مهما كان قولت راني حامقه صكر لكن دوتك امس قلق بكل
انا.اسفه
فارس مسكني من شدوقي
انا.اااه اطلقهن
فارس.هههههههههه
انا.خلاص تو يخش يوسف معش تحز
فارس.تي بعد خطرها شن مطلعك من غير ماتقوليلي
انا.يعنييييييي ماهو بنوتي للعرس طبيعي بنطلع
فارس حط يده على راسه.تي شن ندير فيك انت بس
انا.ماعندك ماتديرلي الله غالب
فارس.حصلة وحصلتها
انا.هييي"وضربته على كتفه"انا حصله
فارس.هههههههه باهي انت توا شن بتشري
انا.بنشري حاجات الطاولة
فارس.ههههههه مش قلتي شوري
انا.بيني وبينك انا متعاركة مع يوسف وواصلة بينه للسما وركبت معاه قاللي وين نشيلك قتله وين مانبي وسكتت فهو حطني هنه وخلاص
فارس.هههههههههه عشان مروة رفضاته
انا.لالا قصة وحدخرى المهم
فارس.شنو
انا.تو نعدي نطلع ليوسف نحجز ديكور المسرح وانته اشرو حاجات الطاولة
فارس.شوفي $$$$حاجاتهم صح بكل صاحبي يشتغل فيه يجيب من ايطاليا دغري
انا.باهي تمام
*وبرمت بنطلع نخصني في اجنابي*
انا.وووووووه
فارس.عليك عيطه فضحتينه
صاحب المحل.معليش ياشاب ترا اطلع وفكنا من الاحراجات عيب عليك يرا كيف خواتك معليش يااختي سامحينا
انا.لا ولايهمك المهم فكونه منهن هالاشكال فالمحل واصلا انا طالعه
"ورقصتله حواجبي وطلعت ركبت فالسيارة"
فارس.ازح ريت كيف ردتها وقتي عليك موقف
-
انا.شيلني لمحل$$
يوسف.تو شن شريتي من هنا
انا.😒المحل اسمه$$
يوسف.اففففففف
"وطلعنا نين وصلنا للمحل نزلت"
انا.معليش وريني ديكورات المسارح
الشاب.قصدك انت عروس يعوينه والله
يوسف.تي احترم نفسك
انا.😖😖
الشاب.تي ندوو مع الزبونة شن دكك
يوسف.خوها مثلا
الشاب.اااااه به
"وطلع الكتالوج خديته وبديت نتفرج وانا مضايقه عالاخر"
الشاب.اين واحد عجبك
يوسف.خلي دوتك معايا انا وفوتها ره خيرلك
الشاب.تي باهي ازح نسال فيها بيش نتمم الحجز
انا.رقم سبعة
الشاب.ذوقك حلووو
يوسف.زمممري
الشاب بحت فيا.كلا خوك هذا عقدة
انا.احترم نفسك وخليك في حالك
"وطلعت من المحل نسمع في عركة وبعدها طلع يوسف للسيارة"
انا مالحقتش للسيارة عديت للمحل اللي بعده لحقني
انا.ديكورات المسرح وين
البنت.اهو شوفي الكتالوج
انا بديت نتفرج كانن عاديات ليين لقيت واحد خيالي بكل الكراسي كاانن منفردات تقهر فيا لقطة كرسي واحد يقعد هوا مبوووج الفيلو وهي مالية الكرسي والمسكين مقعمز عالجنب ونش باين بكل
وكاين كيف القلب من ورا الكراسي كله ورد ابيض واحمر
انا.تقدرو تديرو الورد طبيعي
البنت.يعني نديروش في طلبيات هكي والله
انا.باهي نقدر نوصلكم مع محل ورد تديروها ليا وندفع حقها المهم نبيها ورد ابيض واحمر يكون طبيعي
البنت.تو نشوف ونقولك
انا.به "واخترت تشريفة حلوة بككل وديكور عالطاولات"
انا.تمام كملت اليوم هي للحوش
يوسف.قدامي هي
"طلع ركبت فالسيارة وولعها وروح بيا"
يوسف.شن تديري الغدا
انا.مانيش دايرتلك شي
يوسف.وعليش
انا.ولكي عين تسأل
"وخشيت للدار سلحت العباية واطوحت عالسرير"
يوسف جا واتكا عالباب.نوضي ديريلي غدا
انا.انلأ
يوسف.لواء يلوي رقبتك صبي
انا.مانيش دايرة ازح
يوسف جا صبى جنب السرير.شن قلتي
انا.مانيييش دايرة
يوسف.اللي بعدها
انا.ازح😀
يوسف.عليك قلة ادب عيني عينك هكي
انا.كان عاجبك
يوسف.مش عاجبني
انا.اهووو واحد اتنين تلاتة اربعة وعندك الارضيه والسقف اختار وين تخبط
يوسف.والله صبي جعان
انا رفعت حاجبي.اعتذر
يوسف.اسف
انا.عشان
يوسف.عشان هزبتك
انا.وعشان
يوسف.وعشان خليتك تبكي
انا.ومش
يوسف.ومش حنخليك تبكي مرة اخرى
انا.يا
يوسف.ياحيو البهيمه
انا.بهيمه في عينك
يوسف.تي هيا ذليتي امي صبي ديري غدا
انا.وانا رايحة كي سندريلا طول النهار نحوس عليكم"وصبيت من السرير"
يوسف.عدي بس
انا طلعت من الدار للمطبخ لقيت طرف كيندر عالطاولة
انا.شنو اللي عالطاولة
يوسف.سم فيران
انا.لالا اللي لونه حمر
يوسف معجون اسنان
انا.ازح الاخر
يوسف جاني فالكوجينه.انت واخدتيها دلالة عنجد ازح
انا.مشت في لساني
يوسف.لالا معش تقوليها عيب بكل
انا.اوكي وانته رايح كي علي
يوسف.هههههههههه شن بتديري
انا فتحت الدولاب طلعت باكو شوربة ماجي
انا.ماجي
يوسف.شاريه هذا كله وانا نقول كنها معش كملت
"وفك الباكو حطه فوق التلاجه"
انا.شن تبي باه
يوسف.شوفي جوك نبي حتى دحي بالقديد
انا.به تو ندير حساء
يوسف.به هي
انا.مانكش ماشي للمحل
يوسف.عندش لاه جو
انا.به براحتك
يوسف قعمز عالطاولة وانا بديت نحوس
انا.ادوي عارفتك بتدوي
يوسف.دويتي معاها عالموضوع امس ولا اليوم
انا.لالا
يوسف.لما خشت شن قالت
انا.خشت تبكي وعطتني الحديدة وقالتلي في حاجة بينه انكسرت نقدرش نرد نصلحها وخلاص
يوسف.بس
انا.قهرتها مسكينه
يوسف.لما جيتها ردتني
انا.جيتها بعد شنو
يوسف.توقعتهش تنخطب كنت ديما نقول تو فالنهاية نصالحو ونردلها
انا.متوقعها ترجاك عادي
يوسف.عارفها غلطه غبيه لكن كنت كل مانقول خلاص صالحها وردها يخطر عليا كذبها عليا نصكر عالموضوع
انا.خلاص يايوسف معش فيها
يوسف.عارفها خلاص
انا.موضوع تاني
يوسف.شنو
انا.محملني انا الذنب صاح
يوسف.لا والله لا انا امس كنت نبي نفش غلي بس ومعصب والله مانقصدها
انا.صدقني تقصدها
يوسف.حيو ماتشيليهش في قلبك والله ماقصدي وعارف انه اللي صار ذنبي مش ذنبك
انا.به
يوسف.صافي يالبن
انا.تبي الحق لنقنه ماهو صافي ولنقنها واجعتني وحاستها في وسط قلبي وشايلتها
يوسف.تشيلي عليا انا
انا.مانشيلش عليك لكن كلامك واعر
يوسف.والله ماهو بقصد فترشة حمق وعدت واسف علييها
انا.باهي به
يوسف.باهي شن تبي بيش تسامحيني
انا.نبيش شي خليها بالجو
يوسف.حيو تبديش سامطه نحبهنش طروح هذين
انا.مش طروح خلاص انا ممشيه الجو عادي ونضحك
يوسف.بس شايله عليا
انا.خلاص شن يهمك شايله مش شايله
يوسف جا وصبه ورايا كنت نقرض في سلاطه.
انا.وخر
بده يدغدغ فيا
انا.ههههههههه بطل ااااه بطل والله تحول الله اااااااه خلاص
"وطحت علي ظهري"
يوسف.قولي سامحتك
انا.لأ مانيش خليك هك انحرق كيف ماحرقتني
يوسف.ننحرق صار
"وحط ركبته علي صدري"
انا.اااه وخر
يوسف رد يدغدغ فيا اخرى
انا.ههههههه ووخرر ااااه وخر
يوسف.مانيش مبطل نين تقوليها
انا.مش بالغصب اااااه هههههههههههه خلاص بطل ههههههههههههه
يوسف.بالغصب
انا.به خلاااص خلاااص سامحتك والله والله
يوسف رفع ركبته وانا صبيت.ايواه
انا.عنشكلك
يوسف.وشكلك
انا.خزي الناس تصالح تشيل مطعم تشري هدية انته عكسهم كلهم
يوسف.انا اصدار خاص
انا.هههههههههه
وبرمت عالطنجرة حركتها
يوسف.زعمك تردلي ياحيو
انا.اليوم جايين يديروا في رؤية العرب لو ماوافقوش يكون عندك فرصة نوعا ما
يوسف.وكان وافقوا
انا.يبقى خلاص ارضى بنصيبك وشوف غيرها
يوسف.بس
انا.يوسف في لحظة معينة سألتك قتلك موضوع نهائي قتلي نهائي توا صحلك وطلعت متوقع انك فالنهاية تردلك
يوسف.انا الغلطان نستاهل
انا.يعوضك ربي خير
يوسف تنهد.يارب
انا.خلاص غير جو نحبش نشوفك وانته هكي متنكد وكابي
يوسف.حاس الدنيا ضاااااايقة بييييا
انا.والحل
يوسف.مش عارف خاطري نعدي لحوشها نخطفها ونعدي بيها عاجبها مش عاجبها المهم معايا
انا.فكرة تعرف
يوسف.والله
انا.هههههههه اااه عديلهم فالليل ونط علي دارها ارفعها بالورغان بكل وجيبها هنا ياتردلك يا
يوسف.يااشنو
انا.مافيهش يا تردلك ياتردلك
يوسف.هههههههه بنسالك
انا.شنو
يوسف.شفت سيارة فارس فالمحل
انا.اااااا شفتهمش مش عارف
يوسف.سوبهاااان الله
انا.هههههههههه خلاص هذا نص ساعه ويكون طايب
يوسف.تمام
"طلعنه نحنه الاثنين انا لداري وهو لداره"
انا.الو
فارس.مش قتلك معش ترني عليا
انا.فروسي مش حضنتك وقلت اسفه
فارس.مش ساد
انا.شن تبي
فارس.نبي بوسة
انا.تبي عصا
فارس.علي ظهرك عصا عليك مرا معدومة رومنسية
انا.هههههههههع
فارس.باهي اممممممممواه
انا.امممممممواه تمام
فارس.بكل اخرى
انا.تجي تاكل حساء
فارس.مش مكروه والله
انا.هههههههه
فارس.وين جيسي
انا.في دار علي
"صبيت خشيت لداره لقيتها فالقفص طلعتها وقعدت نلعب فيها وطلعت برة الدار"
فارس.نسمع في حسها
انا.ههههههه اااه سمحه راحت ونفجت اخرى كبرت
فارس.باهي كويس
انا.باهي شن شريت للطاولة
فارس.خدت مناديل معطرة وتوبوات
انا.اسمهم شاليمواه
فارس.شيلنواه
انا.شاليمواه
فارس.توبوات مص وبطلي حناطه وخدت ستيكرز ابتاعات قزوزة ومناديل وشكاير ابتاع النسكافية
انا.حلوات والنبي
فارس.ااه عجبني واجد
انا.تمام تو ندزلك صورة المسرح اللي اخترته
فارس.تره
"وصلنه الصور عالفايبر"
فارس.حسيته عاااادي بكل
انا.ماهو شن درت الورد مش حيكون هكي لالا حيكون ورد طبيعي وخديت معاه تشريفة هذي"دزيتله صوره"وحتى هي ورد طبيعي وحنضبط الاضائة بطريقة حلوة ومعاها البوكيهات اللي عالطاولات شوفهن"دزيتله صورة"تطلع حلللوة
فارس.ماشاء الله يصير منك مصممه
انا.ههه زعمك نفوت الطب ونخش تصميم
فارس.هههههههههه
انا.شن مزال اخرى
فارس.المسرح
انا.تمام
فارس.الطاولة
انا.تمام القاعه
فارس.تمام
انا.امتى
فارس.21/12
انا.صاااح ليش ماقتلي
فارس.اليوم كيف حجزتها
انا.قاعة شنو
فارس.قاعة ال&&&
انا.ييي الثقيله هذي كلهم يديروا فيها
فارس.الله غالب عاد يااهيا يا$$$الباقي كلهن متصكرات
انا.قبل خاطري فالموناليزا محلاااها
فارس.راحت وراحن ايامها فالحرب
انا.به تمام
فارس.والعشا
انا.تو نحجز عند سيرفز يجيني واتي مش جو لفي وديري وقصه بكل
فارس.ماشاء الله مورقة البنت
انا.هههههههه الفين الدفع وفاضلات معايا الفين من قبل وعلي قاللي نجيبلك تلات الاف من المصرف اول ماتتوفر السيوله
فارس.هيجي نسلف منك معناته
انا.الالف يردلي الفين
فارس.واخد يهوديه
انا.ههههههههه الي هوا
فارس.بلا جميلك خليهن عندك
انا.ههههههه به كمل
فارس.العشا قلتي سيرفز
انا.البونبونيرة اللي فم الباب
فارس.هههههههه عليك قصة سودة
انا.كنك
فارس.بوننبرية شنو هذاه
انا.علبة صغيرة فيها خلوط وشكلاطه وحلوة ومستكه ومرات حلويات تمتد فم الباب اول ماتخشي
فارس.كلا انتن الصبايا بوودعة
انا.ههههههههه
فارس.ماهي تبي تخش للقاعه وتحش وتاكل
انا.خطرها نبيش نحط سلة موز فالنص مافيهش جو
فارس.شن بتحطي ها
انا.تو نوصي السيرفز على عصير طبيعي وعلى كيف مثلا دلاعة وفيها فراولة وكيوي وجو
فارس.شكلي بنفوتك ونقعمز عالطاولات
انا.ههههههههههههه
فارس.وعندك التورتة جتني هدية من مؤيد
انا.راه يجيب وحدة شينه
فارس.لالا ذوقه حلو ضامنه
انا.تمام والفرقة وين شفتهم
فارس.لالا مزال تو نشوفها
انا.به شوفها صكر هي علي جا
فارس.تمام باي
انا.حيييييييي علما
فارس.كنك
انا.الحساء سيبته عالنار
فارس.بسرعه صبيله'صكر'
انا صبيت نجري للكوجينه لقيته مصكر عليه يوسف ومقعمز ياكل
انا داهشه.باهي المهم طفيت عليه
يوسف.خطر عليك بعد قريب ساعه
انا.هههههههه المهم
"خش علي"
علي.السلام عليكم
انا.وعليكم السلام نحطلك حسا
علي.كيف صار وين ماجي
يوسف.طوحتها فالكناسه
علي.ههههههه علي مادورتها فالدولاب بيش نطوحها مالقيتهش
يوسف.باكو كامل مش وحدة مش اتنين
انا.ليش طوحتها والله مساعدتني نخلطها مع مية وخلاص تطيب
علي.حطي حسا حطي
انا صبيتله في صونيه ابتاعه وصبيت لروحي وقعمزنا ناكلو
علي.شريتو
يوسف.اها تمام
انا.مزال في اخرى لكن نبي هدى معايا
علي.هدى عمل مش فاضيه حتى لحوشها علي قولت سالم
انا.تو نكلم هاجر
يوسف.ايييواه
انا.تشعفش انته
علي.شنو
يوسف.اه لاشي
انا.شي شي
علي.خلاص حتى بكرة اقعد يايوسف واطلعي معاه
انا.تمام به
يوسف.تي انا سواق ولا شنو
علي.مفروض تفرح مفتك من المحل وماشي السوق
يوسف.تي تعذيب مش سوق تلات ساعات من المشي عالكرعين وانته تسمع في حياة تدوي عن الحاجات الغريبة هذا دامتيل وهذا سيفيريه وهذكي وردة حلوة وهذا نقشته شينه وريت هذيكه عديمة الذوق وريت هذكه اللي راسه مش عارف كيف وتخش تقيس البدلة وتطلع تشريها نوصلو للمحل الاخر ترد تردها وبعدها تكمل باقي السوق وبعدين ترد للمحل تشري البدلة نفسها مرة اخرى وشوف بعد هذااااا كللللله نوصلو نص الطريق تقولي نسيت ناخدلها قبال رد وتستمر المعاناة نروح من الالم لدرجة اني نبي نبكي
انا نبحت فيه ومصدومة يعني هوا كلامه صح كله بس لما سمعته حسيته عذاب يناري
علي.هههههههههههههههه حط في بالك لما بنزوز انت بتشيلها للسوق انا مستحيل نتحمل حاجه هكي
يوسف.ماسواق بوكم انا
انا.لا حشاك مش سواق بونا سواقنا نحنه
علي.المهم شوف جوك بكرة طلعها
يوسف.تي به به
انا.ايواه😎
علي صبى طلع للدار ويوسف طلع فم الحوش وانا لميت الحوسة وخشيت للدار رنت عليا مروة
انا.الو
مروة تنهدت.درنا رؤية اليوم
انا.بب باهي مبروك
مروة.ووافق عجبته
انا.اكيدة طرف ماشاء الله
مروة.بس انا مانبيشي من اول مرة قالي انا عارف انه وراك قصه نين تنقرا فاتحتك سنتين ويسيبك قبل العرس بشهور
انا .. تنهدت.تحملوا مسؤولية قراراتكم المتسرعة المليانه مشاعر وبدون اي احكام عقلانية مفروض فكرتي في شي زي هكي قبل ماترفضيه امس كنت وافقتي وحطيتي شروطك
مروة.. حيو بنفضفضلك بتسمعيني ولا بتدرهي كبدي بالكلام اللي يقولو فيه كلهم
انا.ادوي حبيبتي نسمع فيك
"هدرزت معاها مية موضوع وموضوع وصكرت"
#بعد_3اسابيع
وهكي مشن الثلاث اسابيع وانا نحجز ونوتي وكل شي نين طاح سعدي
كنت فرحانه وفارس يساعد فيا ويوتي حتى هوا.
#عند_مروة
خالد.الو
مروة.الو
خالد.كيف حالك
مروة.كويسه الحمدلله ماما تنادي فيا ندووا بعدين
خالد.مروة مش حال هذي انا خطيبك مش معقوله هكي
مروة تنهدت.شنو
خالد.انا درت فترة خطوبة بيش نتعرفوا
مروة.باهي شن نعرفك
خالد.الاخ اللي كان مزوزك قبلي تحبيه مه
مروة خنقتها العبرة.ليش تسأل
خالد.&$&###&#&-$$++&-
مروة.
#يتبع
