#حكاية_حياة
#حلقة66
سالم.شن في يادكتور
الدكتور.حاجة بسيطة مش صعبة مجرد تخثر دم"وصبه من يلاه طلع للممرضة"
الدكتور.زي مافهمتك
الممرضة.تمام
"وجت لهدى"
الممرضة.معليش ياريت تكشفي عن صدرك
هدى.اوكي
"وطلعت الممرضة يبرة وشفطت من الكتله هذاه دم وطلعاته وفعلا انفشت الكتله وبعدين وخرت"
الممرضة.دم متخثر هذا عادي
هدى.بس في اعراض تانية غريبة الجلد الي جنبها ناشف وفيها انتفاخ ومرة ومرة الحلمة يطلع منها دم!
الممرضة.لالا الدكتور شاف التحاليل والصور مافيش شي
هدى.به الحمدلله
"وطلعت هي وسالم"
هدى.الحمدلله خفت نحسابها تطلع حاجة صعبة
سالم.لالا انت مخوفة روحك ومركبة عليها بس
هدى.ساتم دامنه العيال عند ماما خلينا نتكو على حيو بعد المستشفى عديتلهش
سالم.مش فاضي
هدى.تي كيف مش فاضي ماعديتلهش بكل عيب تو تزعل وبعدين انت كنك كل ماندويلك عليها ترقالك
سالم.هكي مرقيها ليا موضوعها
هدى.باهي واطلقت يعني شن فيها
سالم.بس بموضوعها هيا مفروض الي يجيها تشبط فيه وتسكت
هدى.ماتقولش هكي حرام عليك اختك هيا وموضوعها ماهوش في يدها ولا هو غلطتها تي حتى الي تغلط يعطوها فرصة تصحح غلطتها
سالم.هذكي برة مش في ليبيا
هدى.مادخلش ليبيا وبرة فالموضوع انت هو الي تنظرلها هكي
سالم.خلاص نفختي راسي
هدى.بارك الله فيك دوتي توا تنفخ الراس قعدت
سالم.للاسف ياريت تسكتي
هدى.تو يجيك يوم ونسكت بكل وتتريح
سالم.بعيد السو عليك نبصر معاك
هدى.مسمطها هالبصارة الثقيلة
سالم.ههههههههه
"ودرس بيها قدام حوش هلي"
فتحت الباب.اهلا
هدى.اهلين كيف حالك
انا.الحمدلله كيف صار جاية من بيموت
هدى.جاية بنهدرز عليك
انا.تفضلي
"وخشت"
هدى.كيف حالك توا وشن دايرة
انا.ماشي الحال الحمدلله انت كيف حالك
هدى.متريحة بقرارك هكي
انا.نقولو ان شاء الله
هدى.باهي وشن السبب بالضبط ياحيو يعني سالم فهمتش منه الموضوع كويس
انا.تفاهمنش يا هدى والتمن اسباب واجد والله
هدى.ان شاء الله ربي يرزقك بالي خير منه"الكلمة وجعتني وسط قلبي خيرمنه!خير من فارس مافش حد خير منه ابدا!"
انا.ليش ماجبتي العيال
هدى.كنت فالعيادة شوي قلت نتكي
انا.ااه لاباس كنك
هدى.لا تحاليل بسيطات بس
انا.ان شاء الله خير
هدى.شن جو حملك
انا.كويس بدت بطني تبرز
هدى.باهي تجيبي بالسلامة انا بنعدي سالم يرجى لوطة
انا.كنه مانزل
هدى.مش عارف
رنيت عليه
انا.سالم اركبلي في الشقة نبي نشوفك كم ليا عليك
سالم.مش فاضيلك خلي هدى تنزل
انا.به!💔
هدى تبحت
انا.قالك انزلي
هدى.تمام به باي
"وتبعتها للباب صكرته وهي نزلت"
هدى.ليش مانزلت وكسفتها هكي حرام عليك
سالم.فكيني منها
"وتكوا على هلها خدوا العيال وروحوا"
#عند_يوسف
"طلع هو وعمه ومعاهم علبة شكلاطة وباكوين راني"
يوسف.خير ياعمي
خليل.خيرات
عمي.حاج خليل اليوم جايك نبوا نحددوا موعد الفاتحة
خليل.وامتى تبوها
عمي.الاسبوعين الجايات
خليل.خلاص الخميس الاخر تجي
يوسف.عمي بالله فكني من كثرة الشوشرة حفلة عالضيق
خليل.عشاء عائلي للإشهار بس
يوسف.تمام
عم يوسف.البنت ماعندهش شي شرط عالردة ولا حاجة
خليل.والله شن نقولك انت تعال نطلعوا للمربوعة الخارجية نتفقوا على باقي الشروط وخليهم هم يدووا كان عندهم مايدووا هم يعرفوا بعضهم من زمان وعندك العلم
عم يوسف.ماقلت عيب
"وصبوا هما الاثنين طلعوا وخليل قال لمروة تطلع"
فاطمة.اطلعي امشي
مروة.مانبيش مانقدرش مانقدرش
فاطمة.تي اطلعي شن جد عليك
مروة.مش عارف ياماما مش عارف
فاطمة.امشي وتوكلي على الله
#عند_يوسف
كان مقعمز يرجى فيها ومتوتر يطربق في صوابعه خشت بالشويه قعمزت عالصالون الي جنب الباب
يوسف.اا ا اهلا
مروة كانت ساكته
يوسف بصوت هاديييي.بطوطتي استاحشتك
مروة بدت تبكي
يوسف جا قعمز يلاها.اششش خلاص بس
مروة تبكي وصوتها مش باين من البكا.ليش هكي حرام علييك لييش
يوسف.انا؟
مروة.انت ااه انت الي بديت وانت غلطت وبهدلتني وكل حاجة وخليتني بلاك الوقت هذا كله وحرقت دمي"وقعدت تبكي اخرى بقوة"
يوسف بهداوة ورفع وجها.اسف
مروة مزالت تبكي
يوسف قعد يمسح في دموعها ويبحت فيها وهي تبكي ماقدرش يتحمل هو بروحه كان مرايف عليها حضنها.اسف اسف اسف على كل دمعة وكل كسرة وكل حاجة قهرتك بيها انا كنت غبي وضيعتك مرتين مرة بتهوري ومرة بأسلوبي ومستعد نكمل عمري نعوض فيك
مروة ساكته وراسها على كتفه ويديها على صدره وهو مصكر عليها بيديه الاثنين قعدوا شويه نين هدا نفسهاا بعدها
يوسف.ها حبيبي هدينا؟
مروة.ااه
يوسف باسها على راسها.نحبك
مروة.انت غبي
يوسف.يعني تحبيني
مروة.اااه
يوسف.ااه شنو
مروة وخرت.ااه نحبك
يوسف.كم ليا مرايف عليها منك تي انا نحببك مش بس نحبك نموت فيك.
مروة.من امتى داوي لبابا
يوسف.من زمااان بكل من اول مابديت نبني
مروة.وليش ماقتلي باه!
يوسف.لأن انا وياك طولنا في علاقتنا واجد ومتأكد لو ردينا ندووا قبل الفترة هذي راه تعاركنا اخرى العلاقة لما تطول بلا زيزة تخرب
وحاجة اخرى ان انا ماكنتش لاقي الشجاعة اني نقولك!غروري يسمحش
مروة.وليش ماتبيش تدير عرس باه
يوسف.هذكي موضوع بروحه
مروة.شنو احكيه
يوسف مسك يديها.تو نقولك الفترة من تطليقتي لكي وبعدها كل ماندير حاجة تصكر نلقى في حاجات فالمحل وكم حاجة يخوفن ونستغرب دويت لواحد صاحب عطاني رقم شيخ عديتله قالي انت متشيعه عليك عين قوية وعندك حتى سحر
مروة.عوذ بالله
يوسف.وقعدت معاه بالعلاج وامية الرقية وزيت مرقي وزعفران نييين افتكيت وفرجت والشيخ قالي فوت الهرجه والحاجات الي تشيع عليك العين لانك ماشاء الله صغير بمحلاتك وبحوشك وسيارتك وغيرك ماعندهمش ومش كل من حق النعمة قال ماشاء الله
مروة.وااو بكل
يوسف.متذكرة يوم الي جيت بنردك؟
مروة.اها خلاص طالما انتهى كل شي معش تجيب سيرتهن
يوسف رفع يديها باسهن.رايفتلك بكل
مروة.حتى نا
يوسف.اسمني قبل العرس ااه
مروة.ههههههه
يوسف.نبيك بطتي زي قبل مش الفصعونة
مروة.ساهله تو بعد نجيك ساهل ماحتى سمنت في اسبوعين
يوسف.الله وتقعدي على صدري ونوكلك نين تنتفخي اخرى
مروة.يوسف خلااص
يوسف.ههههههههههههه
مروة.مش مصدقه عرسنا بعد اسبوعين خايفة حاجة اخرى تصير وتخرب علينا
يوسف.بإذن الله لا
مروة.باهي واختك مش معارضة
يوسف.بالعكس مسكينة طول فترة حتى لما كانت مزوزة وهي تقولي عليك لكن انا مابيتش نقوللها
مروة قعدت ساكته وتبحت فيه وتذكر في طريقتها مع حياة
يوسف.كنك سكتي
مروة.لانك بليد وجبتلي قولون عصبي انا واختك طايحة السعد
يوسف.انقنها طايحة سعد توجع فيا حتى خوك هذا يفصع الرقبة
مروة.فكنا منهم هم في حالهم ونحن في حالنا
يوسف.يكون احسن
مروة.صح بنسافروا بعد العرس
يوسف.اها شهر العسل في تونس
مروة.مممم به احسن حاجة
يوسف.وبعدها نردوا نسكنوا فالحوش
مروة.يوسف نحبك
يوسف.حتى انا نحبك ونعشقك ونموت فيك
ومرايف عليك لما تغنيلي غنيلي ياميما
مروة.مابلاااش تغييب عنا تااني مابلاااش ياسايب اراضينا مابلااش تغيب عنا تاني مابلاش
قولي ميين هيملا في يوم مكانك قولي مييين يعوضني حنانك قولي مييين في حزني يقولي مالك قولي مييين
الحقيقة ان الحياة ضحكت علينا لا الفراق ولا القا كانوا بايدينا لما يومها حضنتني وبعدين مشينا لي ماقلتش ان دا الحضن الاخير"وبدت تبكي" كنت سيبني لحد اخر لحظة جنبك سبني قولك اد اي وازاي بحبك مهما طال بينا البعاد مش هنسى حضنك واشوفك يوووم على خيير
يوسف تأثر بكل
مروة تنهدت ودموعها ينزلن
يوسف.خلاص عااد نتحملش دموعك
مروة بدت تبحت فيه.كنت قاسي وجافي بكل كيف قدرت مش عارف كيف يوسف الحنون الي نحبه قدر يدير فيا هكي ندزله ونهين روحي ونقوله اني نحبه ومزلت نبيه ويردني ويكسفنيي كيف بس
يوسف.واعتذرتلك ولا انت بتمسكي فالقصة توا
مروة.خلاص سكتت
يوسف.بعدين عوضتك واهو جيت خطبتك
مروة.يوسف اضبط كلامك واعرف شن تقول انا مش مروة الاولى الي ترضالك بأي كلمة تقولها وتمشي
يوسف.نبيش نهزبك من اول يوم فماتقوليش هكي انا مش سكران نين نفطنش لكلامي
مروة.لا سكران شكلك
يوسف.اكيدة سكران
مروة.هييه تسكر عالاثر دخان
يوسف ضحك.والي يسمع صوتك مايسكرش
مروة.ماابردك فجعتني
"يوسف طلع السبسي وولعه"
مروة بدت تبحت فيه
يوسف.كنك
مروة.نحب بنته لما تتخلط مع العطر لكن انت مش يضرك هكي
يوسف.تؤتؤ ماشيين امورنا ومتفاهمين
رن نقال مروة كانت امها
مروة.خلاص بنخش
يوسف صبا ومسك يدها صبت باسها على راسها .نرن عليك ردي بعدين باهي وحولي البلوك
مروة.حاضر وقعدت مصبية
يوسف.ههههههه تبيش تخشي
مروة.تؤتؤ نبيش
يوسف حضنها.عليش ياهبلة
مروة.نبيش نسيبك
يوسف.خلاص اسبوعين بس هانت
مروة باساته على كتفه.خليني نخش توا بيش فاطمة تخليني نعيش اسبوعين"وخشت"
يوسف.هههههههههه نحبها
#عند_مروة
خشت لامها
مروة.ماما كيف هكي بابا ليش ماقاللنا راهو يوسف داويلي وهكي
فاطمة.طول عمره باتك ساكت نين يجلطني
مروة.مش موقف بكل وكيف بنوتي روحي توا بسرعة
فاطمة.ماني عارفة
"وكملوا الرجالة كلامهم واتفقووا ودارولهم عزومتهم وروحوا خشت فاطمه لخليل"
فاطمة.كيف ياحاج شن صار
خليل.الخميس الاخر عرسها واهن فلوسها تطلع توتي حاجتها الخاصة وتيالي في الي قاعد من الاولى وحتى فيلوها قاعد ويجيها ياخدها وكلا اثاث وكل حاجة واتية راهو قال
فاطمة.وكنها لاعرس ولا شي
خليل.الراجل مايبيش عرس شن نغصبه
فاطمة.نديروا نحن عرس
خليل.لالا فكيني مصاريف وشوشرة هكي احسن
فاطمة.وبه
"وخشت لمروة"
فاطمه.سمعتيه
مروة.باهي كيف بناخد دبشي
فاطمة.تو بكرة نبدوا نطلعوا وتشري الي ناقصك كله
مروة.به
"وخشت للدار"
#عند_يوسف
روح للحوش ومعاه قرعتي من المنفي انا وسهى وعلي عطاها لسهى وركبلي
انا.مبرووك والله فرحتلك من قلبي
يوسف.يبارك فيك
انا.ليش ماخليتها هي مثلا تدير عرس في قاعة وانت تعدي تاخدها
يوسف.ماهو حكيتلك من قبل عالسحر الي دايرينه ليا
انا.ومن الي دايره
يوسف.ماقاليش اسم هوا عرفتي كيف لكن قالي وحدة مرا وحاطتك في راسها لانها تجدد فيه كل فترة
انا.اعوذ بالله منها شنو هذا
يوسف.ناس ماتخليش حد في حاله
انا.باهي دويت معاها
يوسف.اها.طلعت دوينا
انا.باهي ربي يهنيكم ببعضكم
يوسف قعد يبحت فيا كان خاطري نساله فارس قاعد ولالا وماقدرتش
انا.كنك
يوسف.عاساس تحشمتي يعني اسالي قوليها
انا.قاعد
يوسف.مزال في تركيا
انا.اهاا به
يوسف.هي تبي حاجة
انا.لالا سلامتك
"وطلع روح وانا رديت للمطبخ حطيت نسكافيه ومنفي وقعمزت عالتلفزيون خطر عليا فارس اخرى لازم من حلو مع القهوة ياندير يايجيب معاه من الحلواني ياربي رايفتله بكككل وفي نفس الوقت نبيش نردله"
#تاني_يوم
#عند_سالم
ناضت هدى فالصبح لقت مكان الحبه متضخم كأنه عنبه
هدى.ساالم ساالم
سالم.كنك شنو
هدى.شوف
سالم.ااووو شنو هذا كنها قعدت هكي
هدى تبكي.مش عارف شنو هذي
سالم.صبي بسرعة البسي تو نعدوا للمستشفى
هدى.به
"وصبت لبست وطلعوا للمستشفى"
الدكتور.اممم هذاه كيس بسيط مافيش داعي تفزعو تعالي الثلاثاء نديرولك عملية نحولوه
سالم.متأكد كيس يادكتور
الدكتور.اها واضح كيس
سالم.امتى موعد العملية
الدكتور.الثلثاء
سالم.اليوم فالعشية نجيك في ايي
عيادة خاصة تديرها لها؟
الدكتور.اليوم جمعه مافش عمليات بكرة في عيادة$$$$ تعال
سالم.تمام
"عدوله تاني يوم ودارلهم العملية💔."
سالم. ها شن صار
الدكتور.تمام حولناه الكيس وتقدر تديرله تحليل لو تبي المريضة عندنا دخول اليوم وبكرة تطلع
سالم.تمام بنخش نشوفها
الدكتور.تفضل
وثاني يوم استقرت حالة هدى وروحت وعديتلها بعد سمعت حمدت عالسلامة وكالعادة سالم مابش يخش وانا قاعدة ولا حتى يسلم عليا!
#بعد_اسبوعين.
كان يوم زفة يوسف.
طلع من شقته ولبس معاه علي وعيال عمه وطلعوا بزفة رجالة كاملة لحوش هل العروس تعشوا عندهم وبعدها طلعت مروة للسيارة مع يوسف وكان يسوق بيهم صاحبه وطلعن معاها خالاتها الاثنين وصلنها لعند حوشهم وروحن وخشت هي ويوسف ماسكين ايدين بعض للحوش.
يوسف.واخيرا وحدنا
مروة برمها يوسف بحتت فيه
رفع البرنوس وباسها على راسها
مروة قعدت تبحت في عيونه وتبكي
يوسف.ليش الدموع حبيبي
مروة.مش مصدقه
يوسف.ولا انا مصدق يابطتي
وحوللها البرنوس وحط يديه في وسطها قربها لاه وحط راسه على راسها
مروة حطت يديها ورا رقبته
يوسف.غنيلي
مروة.سمعني نبضك دفيني بنار حضنك ابيك الليلة وحدك الي تكون
قرب عليا حس بنار الي فيا ابي ايدك في ايديا نلف الكون
وش اقول وانت معايا
وش اقول انسى هوايا
وش اقول انت غلاي
يوسف.ماتقولي شي انا الي نقول
"وباسها على فمها"
مروة.ليا زماان ماغنيت بانسجام
يوسف.كل يوم لازم تغنيلي ياكاناري عمري
مروة.حاضر من عيوني
"وخشت للدار بدلت هي وياه وطلعوا يتفرجوا عالتيفي"
يوسف.انا نعست خلاص
مروة.لالا مزال بدري
يوسف حط يده تحتها.لا صدقيني نعست وليل متأخر
مروة.تي الساعة تمانية
يوسف باسها على فمها
مروة.مزال بدري بنكمل الفلم
يوسف.تي تعالي جوه في فلم احلى"وشمرها"
مروة تضحك.في رعب
يوسف.فيه اكشن ومغامرات وياما فيه
مروة.شن اسمه
يوسف.اسمه واخيرا يوسف طق في هاللحظة بعد صبر 5سنين
مروة وجها قعد يحمر
يوسف حطها عالسرير واتكى جنبها ويضحك.مكسوفة يااختِ
مروة.نقولك حاجة
يوسف.شنو
مروة.تو مش مفروض خايفة وجو هكي
"يوسف كرها لاه وقعدوا مقابلين بعضهم".اها
مروة.بالعكس حاسة روحي جوي تمام رغم انهن قاللي ديري طروح خوف وحشم بس قدرتش
يوسف.تو انت"وباسها على فمها"بتتحشمي من فيفا"وحط يديه ورا ظهرها"وانت تعرفيه لكي 5سنين "وفك الخيوط "ويحبك وتحبيه ومصدقتوا ازوزتوا"
مروة.لا طبعا
يوسف.خلاص مالا
"ونزل على رقبتها ووووووو"
#عند_علي
كان راقد فالحوش هو وسهى وفجأة بده الباب يدق بقوة نين انا فوق انفجعت ونضت
علي طلع يجري فتح الباب
علي😠😡😡😡😡
$$$.👿👿👿د
#يتبع
فهمت كل شي الا البنات الي مايديرنش لايك ويعلقن الا لما تطول الحلقة!
.
