#حكاية_حياة
سالم كان نازل من عالدروج يجري
يوسف.سااالم
سالم.نعم
يوسف.انبدري نزلت هدى تبكي وماسكه بنتها ومعاها دبشها ولما سالتها كنك قالتلي اسال صاحب السكرتيرة شن في
سالم.مش عارف شن صاير والله ماني عارف
يوسف.وانته شن بتدير
سالم.بنعديلها نجيبها
يوسف.اول شي خليها تهدا وتفهم الوضع بلكي ظالمتك لانك لو عديت توا حتطينها اخرى تاني شي انته في بينك وبين السكرتيرة شي
سالم.انته اكثر واحد عارف اني نحب هدى وعارف اطروحها البنت هذكي وعارف اني مش قادر نطردها لانه باتها شريك معانا
يوسف.صار بينكم شي اليوم
سالم.كيف
يوسف.صار بينكم حاجه
سالم كيف اللي انصعق.زعمك حقت لا ياراجل ازف
يوسف.شن ادوي
سالم.امبدري كلمت السكرتيرة جت ورايا حطت الاوراق قدامي وطبست بطريقه حقيرة وبعدها باستني وخرتها وهيا دارت روحها انحرجت وطلعت بس هدى لا كانت قاعده ولا شافت شي انا متأكد
يوسف.اول مرة تديرها السكرتيرة
سالم.تبي الحق اها من قبل طروح خفيفه لكن في هذي تجرأت بككل
يوسف.معناته هدى شافت كل شي شوف جوك
سالم.انا تو نعرف كيف نصرف توا ليل وبكرة يحلها حلال
يوسف.اييوه
--------
مجدي.انت طالق
انا.شنووو*وفتحت عيوني زين*
مجدي.اللي سمعتيه
انا.بس بس انته قتلي بنسافرو
مجدي.قلت بنسافر
انا بصدمه.قتلي حنستر عليك كذبت علي هلي وقلت متفاهمين كيف نبي نقوللهم توا
مجدي.حنستر عليك اااه
انا.كيف وانته طلقتني ياحق*قاطعني*
مجدي.ماتستفزنش ياحياة وخليني هادي واحمدي ربك بعدين انا قلت طالق لما نسافر
انا تنهدت
مجدي.بكرة الصبح طيارتي حنسافر بس قبلها حنحطك في شقتنا عيشي فيها مدة 6ولا7شهور فيها تموين كامل وبعدين روحي لهلك
انا.ممكن نعرف ليش تدير هكي
مجدي.شن اللي ليش
انا.من ناحية مش مصدقني ومن ناحية تستر عليا
مجدي.قلبي يتمنى يصدقك وكل شي ضده وفي نفس الوقت واجعيني خوتك حسيتهم يحبوك وكويسين يستاهلوش فضيحه زي هذي بسبب اختهم الانانيه
انا.تبيش تغير وجهة نظرك يعني
مجدي.الموضوع مش وجهة نظر الموضوع حقيقة انت ناكرتيها وتبي تكذبي وتماطلي نين الناس يصدقو كذبتك
انا.نكرهك انا نكرهك والله نكرهك
مجدي.ولا انا نحبك صدقيني
انا.حطني عند هلي
مجدي.مانقدرش انا لما نقول كلمة نوفي بيها توا صبي لمي دبشك ورايا سفر بكرة الصبح
انا.باهي فهمني وين بتحطني وكيف وشنو بالزبط
مجدي.حنعدو بكرة للشقه حنحطك فيها ومعاك تموين كامل يسدك ولو نقصك حاجه ترني عليا تو نشوفلك من يجيبه لكي وطلوع وخشوش لاا ااااه تقعدي فالشقه نين تكمل السنه وبعدين تعدي لهلك عاساس تطلقتي وروحتي ولو رنو عليا حنقول ماتفاهمنش وطلقتها ونصكر نقالي وانت حطي الحق عليا من غادي
انا.اوكي*ووطيت راسي حسيت بالحقارة ليش مش عارف*
"وصبيت لميت كل شي فالشناطي ومشاعري تجاه مجدي مظطربة نكره نحبه نحترمه مش عارف لكن بالنسبه لإنسان مقتنع تماما أني عاهرة تصرفاته تعتبر كويسة عالأخر وللحقيقه معاه حق مايصدقنيش مافيش شي قلته يصدق والظروف والمواقف وكل شي ضدي"
طلعت بيهن لبست عبايتي وايشاربي وطلعت لقيته فالصاله يدخن
مجدي.لميتي تكسير الدار
انا.اها
"طلعنا للسيرفز وسلمنا المفتاح للشغاله اللي خشت عاينت المكان وطلعت"
السيرفز.الحساب2000جنيه+ 4000للتعويض عن الغرفه
مجدي مدله6000
"طلعنا للسيارة وانا نفكر فالحياة الجديدة اي جديدة تي موت هذا سنه كامله بروحي في شقه لا خشوش لا طلوع"
وصلنا للشقه نزلت انا وياه خشينالها
مجدي.لميلي دبشي وحاجتي
انا.به
"طلعت شنطته وبديت نلم وصكرتها وطلعتها للصاله"
مجدي طبس خداها طلعها ورد للشقه
مجدي.الكوجينه فيها التموين والمخزن كذلك التيفي والنت وكل شي جاهز وفي مكتبه بما انك تقري وكتب ومكتب كامل
انا.شكرا
مجدي.عفوا
"وطلع شور الباب حسيت قلبي انفك من مكانه لحقته بحت فيا وتلاقن عيونه طول وهوا يبحت شفت فيهن لمعة لمعة خيبة وكأنه يقول كل اللي تمنيته شريكه فحياتي واللي حصلته مغتصبه عندها ماضي وحبيب وخبر أسود والاسوء حبيتها بس مش قادر نعيش معاها الشك والغيرة وكل شي بيقتلني فيها"كل هالتفكير وعيوني يصبن وهوا يبحت فيا بلمعت عيونه نفسها"
مجدي.اسف انا عارف أني اهنتك واجد وضربتك وعذبتك بس والله نحبك والشي هذا هوا اللي صعب عليا وعليك الموضوع اكثر كنت نتمنا تكوني ليا ومايقربك حد غيري انا عارف انك ممكن يكون كل اللي قلتيه صح بس حتى لو كان انا اسف مانقدرش نعيش معاك ولا نتقبلك بس عشان نحبك ماحبيتكش تتأذي وانا عارف نظرة مجتمعنا وهذا اللي قدرت عليه سامحيني علي كل مرة مديت يدي فيها عليك بس والله من قهرتي علي حبي لكي لانك ياحياة انسانه تنحب بجد خلي شخصيتك ديما هك
انا.مسامحتك بس انته اللي سامحني صدمتك ودمرتلك حياتك ونكدت عيشتك وكلفتك وااجد
مجدي ابتسم.خلينا على تواصل
انا.ان شاء الله
"وجا بيطلع حسيت انه من حقه عليا شي أخير"
انا.مجدي
"برم"
مشيت جيهته كيف لقيت الشجاعه مش عارف حضنته وبعدين بسته علي فمه وهوا بالتالي باسني طولنا علي هالحال وجيت بنوخر حضني اخرى بعدها وخر
مجدي تنهد وعيونه تعبوا دموع.انت طالق بالثلاثه*وصكر الباب*
رديت جوا وقعمزت نبكي بحسرتي علي حياتي لييين خداني النوم.
نضت وكانت ظلام عالاخر شكله ليل صبيت للتلاجه لقيته جايبلي لحم ومش جايب ولا حاجت دجاج مدكر اني مانحبش😔طلعت كبدة ودرت قلايا وقعمزت ناكل بحتت فالساعه لقيتها2فالليل طلعت للتلفزيون وقعدت نتفرج ونخمم يعني بعدها معقوله نكمل سنه في شقه بروحي بس فالنهاية هي خير من الفضيحه
كليا وفتحت كتاب كان اسمه نسيان.كوم
قريته وعجبني وااجد احلام كانت خياليه نظرتها للرجال معاها حق همه مجموعة حقراء سواء فارس اللي سيبني ولا مجدي اللي حملني ذنب مش ذنبي ولا علي اللي تحكم في حياتي وغصبني علي شي نبيشي ولا سالم اللي مايندريش عليا بككل راسه وراس هدى حتى يوسف تعبش روحه يرن عليا بكككل ماتقول اخته والاحقر منهن كلهم الحقير اللي اغتصبني وعدا انا لازم نظير حد لكل الرجاله اللي في حياتي بس كيف انا حتى الجامعه انقطعت عليها
ياالاهي عيني قولي شن ندير وين نعدي حتى صلاتي من هالهم قعدت نعرم فيها مرة نصلي ومرة لا استغفر الله صبيت توضيت وصليت وبعدين رقدت اخرى
---------
سالم ناض وتى روحه وعدى للشركه
السكرتيرة بدلع.أ.سالم وين أ.هدى في شغل واجد ماكملاتش
سالم.امس طلبت مني عطله عطيتها لها حبيبتي يناري مرهقه ونبو نعدو بكرة نسافرو تغير جو
السكرتيرة.كيييف!!قصدي يعني تقدرش تاخد انته وياها اجازة توا في عمل واجد موقف.
سالم.تو نشوفله حد
السكرتيرة.تمشي وتجي طيب
سالم.اها بعد خطرها نبي نرقيك
السكرتيرة جت تحري حضناته.ميرسي بكككل&ودارت روحها تحشمت ووخرها سالم بيده وبده يفنص فيها مستغرب*
السكرتيرة.سوري
سالم.حتقعدي مساعد مدير القسم المالي السكرتيرة.بس هذا فالجزء الثاني من المبنى وو
سالم.بالظببط
الكسرتيرة.اوكي شكرا
"عدت للمكتب ورقتلها وسالم خش لمكتبه فتح كاميرات المراقبه"
سالم.كيف ماتوقعت بالظبط يااخي ورايا ورايا نين تخرب بيتي هالبنت
"وخدا التسجيلات وطلع لحوش هدى"
باتها.خير ياسالم
سالم.خيرات ياعمي
"وقعمزو شويه يهدرزو"
سالم.ممكن تكلملي هدى
باتها.هي مابتش تدوي لكن شكلكم متعاركين
سالم.سوء تفاهم وتو نحلوه
"صبا باتها كلمها خشت للمربوعة"
هدى.نعم
سالم.تو ياهبله يابنت الهبله انا نبحت فالسكرتيرة
هدى.انا قتلك نبيش نناقش فالموضوع شفتك بعيوني اللي مستحيل نكدبهن عشان هكي ورقتي توصلني
سالم رقتله.انت فاهمه غلط
هدى.لا فاهمه صح معقوله داير علاقه نع السكرتيرة كنت حاسه والله كنت حاسه
سالم.والله ماداير معاها علاقه
هدى.لا داير
سالم.معناته انا كذاب
هدى.اها كذاب ياعشيق السكرتيرة
"سالم رقتله من كلمتها ضربها كف"
هدى مفنصه فيه.عشان الصفرة الحقيرة يعني*وعيونها تعبو دموع*لهدرجة وجعاتك فيها*طلعت تجرب*
سالم.اووووفففف
"خش بات هدى.كنكم ياسالم شن في
سالم.قصه طويله ياعمي
باتها.من الغلطان
سالم.محد غلطان ادعي ربي يبعد علينا بنات الحرام بس
باتها.يااارب
سالم.انا طالع
باتها.بالسلامه
"جا سالم بيطلع طلعتله اسو"
سالم.حبيبت باباا عطي هذي لماما باهي
اسيا.امبه
سالم.وبوسيها ليا*باسها وطلع*
عدت بيهن اسيا لهدى
هدى.شنو هذي
اسيل.بابا قال عتيها لماماا*وجت يلاها وباستها بقوة*وقال بوسي ماما
هدى.بابا سامط لكن شنو هذين
"حطتهن فالنقال وتفرجت سالم لملها مواقف السكرتيرة وكيف كان هوا يصد فيها لعند موقف الصبح".
هدى.وكنه مادوالي فاالح غير يضربني والله نشعفه
#تاني_يوم
جا سالم بعد الغدا خشتله هددى
هدى.نعم عليش جاي
سالم.جاي نروح بيك
هدى.بعد ضربت امس؟؟تي تحلم
سالم.بطلي عناد
هدى.قلتلك ورقتي توصلني
سالم.خلاص ازح مسكتي فيها سوء تفاهم ووضحته لكي والضربه اسف انا غبي اصلا وهبل لكن نرفزتيني بكلمة كذاب.
هدى.مش انا اللي ننضرب ياسالم تنرفز عندك السيسان اربعه والسقف خامسهن انا ماتمدش يدك عليا*طلعت وسيباته*
#ومشن_الايام
قبل يوم عرس فارس
هاجر.هدى تحني معانا
هدى.ااه خاطري فيها
هاجر.تبيش تروحي لحوشك
هدى.مانبيش نروح لكن حنرن عليه يشيلني للعرس ملزوم بيا وهوا نساني بكل
هاجر.اهااا به
#تاني_يوم
"كان يوم عرس فارس كنت نبي نعدي بأي طريقة من ناحية بنشوفه ونبيه يشوفني خليه ينقهر زي ماسيبني وقهرني بس!!انا اللي صديته
بس هوا اللي انسحب لما جيت بنقوله كل شي ليش ماصبر حقير طالما عارف اني نحبه وقلتها لاه كان لازم يحاول عشاني اكثر من مرة نش ينسحب لكن!!زعمه مروة حكتله هذا عليش انسحب
اكيده الحقيرة هذ اصلا من يومها خايفه نرتبط بخوها اكيد بعد عرفت انه طلبني دوتله بيش يفوتني وهوا الحقير لانه شرقي ومليان عقد فاتني
#كللللهم_حقراء ومحد حاس بيا الكل يبي نفسه ومصلحته وحياة المغتصبه تنحرق عاللي يعبرها
كنت حاسه روحي راقيتلي وحياتي متبهدله ومقهورة خاطري نعيط نضرب نكسر نقتل ماكنتش نفكر بكككل بككككل في ولا شي
فتحت الفيس ودورت علي سائقه اجرى قلتلها تجيني ووصفتلها المكان بيش تشيلني
وصبيت اذا كان هوا انسحب ايا كان السبب ابتاعه فأنا حنقهره زي ماقهرني
لبست أحلى قفطان فالدولاب وحطيت مكياج كأني العروس وتسريحة ولبست عبايتي والخمار ورنت عليا السائقه
-----------
هدى.الو
سالم.الو
هدى.حضرتك ناسي انه عندك مرا
سالم.مش ناسي لكن هيا لا تبي ترد لا تروح
هدى.باهي تعال شيلني للعرس راك ملزوم بيا وعميمة تبيني
سالم.عرس فارس
هدى.اااه
سالم.مافيش مشي
هدى.علييش
سالم.هكي مافيش مشي
هدى.تو نعدي مع بابا
سالم.تعدي يصير فيها كلام اخر
هدى.باهي شيلني لازم نعدي عميمة تبيني
سالم.والمقابل
هدى.يعني
سالم.تروحي معايا الحوش
هدى.لأ
سالم.فش مشي معناته
هدى.تي حرام عليك عااد راك راجلي يعني ملزوم تشيلني واتذكر شن درت تو تعرف ليش نبيش نرد معاك
سالم.عناديه وتي روحك جايك
هدى.نرجا فيك
"ولبست ودارت مكياجها وخلت اسو مع البنات وطلعتله"
سالم بيرفع الخمار.هدى حولت يده
سالم.مراتي ونحقش وجك
سالم.مش ضربتني عليه شن تبي تشوف فيه
سالم مسك يدها وباسها.اسف والله حمار وغبي اخر مرة نمد يدي عليك بس حتى انت اوزني كلامك يعني معقوله تقوليلي كذاب
هدى. نرفزتني انته
سالم وصل بيهم للحوش
هدى.تي نبي العرس
سالم.في عرس فوق خيالي بككل اركبي عازمك عليه
هدى.ياسالم.
سالم.انزلي راه نشمرك فالشارع
هدى.لا بلا فضايح
"نزلت خشت للحوش"
سالم مسكها من وسطها.حارمتيني وتعاقبي فيا هذا كله علي كف
هدى.تستاهل ياسمح وموضوع السكرتيرة هذا حنستلمه انا
سالم.شن بتديري
هدى.ماتخشش فيه احسنلك
سالم.اوكي انا طالع منها
"وشمرها من وسطها"
هدى.لا لا خليني نركب بروحي عيب
سالم.مافيش حد اسكتي
حطت يديها ورا رقبته وقعد راكب بيها وصلو للشقه فتح الباب وخشو
هدى.سالم حطني نسلح العبايه
سالم.تي
هدى.والله تلبزهش غاليه
"حطها عالوطا"
سالم.ندوش ونجيك
هدى.به
"خش للحمام وجاه مسج عالنقال من يوسف*زايط يامعلم*
رد عليه.*وينك*
يوسف.*نتفرج علي تايتنك يمثلو فيه علي دروج حوشنا*
سالم.*😒😒😒*
يوسف.*حااسدك*
سالم.*بطلل نق*
وهيا حولت العبايه وبرمت علي شعرها والقفطان والمكياج ووطفت الضوايا وولعت المنظومة"
سالم طلع.حي علي امه حي محنيه
هدى.امس حنيت
سالم.ههههههه راح فيها سالم الليله
هدى.بطلها الدوة السامطه هذاه
سالم جاها حط يده في وسطها وولعت هيا المنضومه وبد يرقصو
سالم.تهبلي القفطان والحنه وكل شي
هدى.☺☺
سالم.تو معقوله توقعتيني نخونك مع هذي
هدى.شفتها تبوس فيك.
سالم.كبسه اصليه
هدى.اااه بس والله نخليها تندم
سالم.حي علمك شن ناويه
هدى.ولا شي
سالم.ولا شي قلتيله تعرفي انا شن ناوي
هدى.شنو
سالم.ناوي*ونزل علي رقبتها*
وووووووو
#عندي_انا
وصلتني السائقه للقاعه نزلت كانت مليانه قعمزت فالطاولة اللي جنب باب القاعه وحاولت مانحتكش بحد بيش مايعرفني حد شفت ماما مقعمزة والحقيرة مروة تلقلها وخشت العروس!!
كانت كارثه ماقدرتش نصدقها فااارس اللي عيونه بروحهن يبن قلب لهن اللي شعره يسفي ولحيته خيال ياخد هدي محشنه ومجعكه وقصيرة وشعرها أكرد وواضح من الاستشوار مصبي وحالته حاله وازغدة المكياج والشكل تي شنو هذا قعدت ساكته جا العشا ماكليتش سمعتهم قالو العريس جا صبيت للحمام وخليته نين يخش وطلعت جت عيني في عينه محد فطنلي كانو مشغولين بيه وكنا مشغولين ببعض بحت فيا ززييين وطيت راسي وخشيت للحمام رنيت عالسائقه قالتلي 5د ونكون عندك لبست عبايتي والمحرمه والخمار وصبيت فم الباب بس
....؛حياااة
