#حكاية_حياة
.....
#بعد_شهرين
علي.الو
سهير.الو علي
علي.الو من معايا وين سهى
سهير.انا اختها
علي.كنها
سهير.شن نقولك نحنه معاها فالمستشفى"وبدت تبكي"
علي.كنها شن صارلها
سهير.طاحت قذيفه عالحوش وهي اغمى عليها شلناها للمستشفى لكن الدكتور قال انها بين الحياة والموت
علي من الصدمه النقال طاح من يده وطبس رفعه.اين مستشفى
سهير تبكي.ال1200قاعدة فيه
"علي طلع من الحوش يجري للسيارة ولعها وعلق للمستشفى"
طلعت من الحمام مالقيتش
انا.علي علييي
"عرفته طلع غريبه من اول ماتوفت ماما ماطلعش فالليل"
قعدت نبرم فالحوش كانت اول مرة نقعد فيه بروحي هكي خوفني بكككل
كنت نقدر نركب لعيت سالم بس حسيت خاطري نقعد فيه قعمزت في وسط الحوش وبديت نفكر انا توا شن بندير.بنكملها فالحوش وكال ونوم زعمك نشتغل؟معقوله بعد القرايه هذي كلها نشتغل فالحوش؟باهي نكمل قرايتي مش قادرة معش قادرة نحتك بالبشر ماعندش فيهم ثقه ومعش نحب المكانات العامه لازم ندير شي مليت من التفكير
مسكت النقال وفتحت عليه عالنت بديت نصفح
زمان ايام شقه مجدي كنت نفتح فيه واجد بس بعدها سيبته
رديت فتحت صفحتي الاولى وقعدت عليها لقيت قروب ابتاع روايات خشيت وبديت نتفرج جذبتني رواية اسمها سعادة كاذبه قعمزت عليها الليل كلللله قريتها كانت تهبببل فطنت للساعه حي 5الفجر علي كنه ماروح رنيت علييه صكر عليا قلت انظر كنه خشيت رقدت وخلاص
#عند_علي
وصل للمستشفى خش يجري لقا هلها كلهم يبكو وحالتهم حاله
سهير.قلتلها.اطلعي معانا قالتلي لا ياريتها طلعت
علي.وين تطلع
سهير.كنه طالعين مشوار وهي مابتش تطلع
علي.~~~~~~~
~~~~~~~
سهى.علي رانا طالعه مع هلي باهي
علي.لالا فوتي وضع البلاد يطمنش
سهى.علييش
علي.الصابري قايمه فيه الحرب فوتي ماتطلعش
سهى.اووف شن دخل هذي في هذي
علي.هك تطلعيش
سهى.ههههه خايف عليا
علي.لا مش هكي قصدي
سهى.😳😔به به"صكرت"
~~~~~~
علي.اووف انا السبب ياريتني خليتها تعدي
سهير.ربي ينجيها ياااارب
علي.يارب
سهير.نبي نقولك حاجه
علي.شنو
سهير.سهى بجد بجد تحببببك بشكل لا يوصف كانت كل ليلة تسكر منك تقعد تبكي تقولي كل ماليا نتعلق بيه وهوا مزال مانسش اسيل
علي.وليش تقولي فيها توا
سهير.نبيك تعرف بس لانها بين الحياة والموت وخفت مانتلاقوش اخرى
علي.باذن الله نتلاقوا في عرسنا انا وياها
سهير.يااارب
علي وخر لاورة ووطه راسه علي صدره
علي.انا كنت نعذب فيها اخرى بس والله نحبها ماكنتش عارف بس توا حاس روحي بنموت خوف يارب نجيها ليا والله ماصدقت حصلت بنت نحبها ومانبيش نخسرها ياااارب
"طلع الدكتور"
علي.ها شن صار.
بات سهى.طمنا يادكتور بنتي جبتها لكم مغمى عليها ومافيها شي عليش العمليات
الدكتور.بنتك جايتها شظيه في راسها تحقها تقول مافيها شي وهي صايرلها كسر فالجمجمه وتوا خشت في غيبوبة
علي.يستر الله
بات سهى.نسفروها بره
الدكتور.تحريكها حيكون خطر عليها حاليا تبقى في مكانها
"وعدى الدكتور واسهروا معاها لعند الصبح"
علي.ياعمي انا قاعد معاها روح انته واختها وعمتي مريضه متعب لها المكان
بات سهى.لا مايصير شي
علي.روح بيهن ورد بعدها اقعد معايا
بات سهى.زعمك
علي.اها ماشور شي قعدتهن فالمستشفى وانته شايف وضع البلاد
"وروح بيهن بات سهى"
الدكتور.حاليا في تحسن في حالتها تعدلن نبضات القلب والعمليه على مايبدو نجحت
علي.دكتور عادي نخش نقعد معاها
الدكتور.اوكي تفضل بس حاول ماتنوضهش او تزعجها
علي.تمام
"خش علي لقاها معلوقة فالاجهزة وحالتها حاله مسكينه قعد يبحت فالاجهزة"
علي.سادك عذاب مشاعرك معايا عليش هذين كلهن اكيد يزيدن فيك ألم
"وقعمز عالكرسي ووطه راسه ومسك يدها"
علي.كنت مش حاس بيك نحكيلك علي اسيل وعلي ايامي معاها وتسمعي فيا وتضحكي نين حسيت انه الموضوع عندك عادي وانتي كنت تضحكي بيش تغطي علي بكيتك اكثر من مرة تسالي فيا تقوليلي اعجبت بيا ونمشي فيك ونرد ندوي علي اسيل الموضوع مش مني انا بس تعودت اني ندوي عليها لاني مانعرفش ندوي مع بنات اصلا فما صدقت لقيت الموضوع هذا ندوي فيه باريحيه كنت نحس براحة لما نحكيلك حتى ولو علي انثى ثانيه كنتش نحساب الشي هذا يبكيك بس والله من رعشتي عليك اكتشفت اني نحبك"ونزلن دموعه"انت اول بنت ينزلن دموعي عليها بعد
اختي وامي حتى اسيل عيطت وخبطت لكن مابكيتش انا كنت جاف مععاك بكل حتى مشاعري تجاهك كتمتهن سهى انا نحبك والله نحبك ومانبيش نخسرك رد بالك تموتي وتسيبيني ردي بالك
"حس.بيد سهى تضغط عليه بحت لقاها شبه فاتحه عيونها وبعدين ردت صكرتهن
علي طلع للدكتور.بسرعه تعال شوفها حلت عيونها وصكرت
خشلها الدكتور شاف النبض وكل شي
الدكتور.هذا شي طبيعي وهي حالتها مستقرة مزال نقدروش نحكموا علي صحتها مادامها ماناضتتش بوعي كامل
علي وطى راسه.اهاااا به
وطلع الدكتور وخش علي قعمز عالكرسي ومسك يدها وبده يقرا في قرآن نين خداه النوم
بعد نص ساعه
بات سهى.علي علي
علي ناض منفجع.نعم نععم
بات سهى.ها طمني شن صار فيها
علي.فتحت عيونها وصكرتهن
بات سهى.باهي روح دوش وتريح من امبدري متعبينك
علي.لالا خليني
بات سهى.عدي اقل حاجه غير دبشك وافطر
علي.باهي نص ساعه ونكون هنا
بات سهى.تمام به
"وهوا.طالع تلاقا مع فارس"
فارس.اووو عليوا
علي.خير فارس شنجو
فارس.تمام الحمدلله شن تدير هنا
علي.المدام طايحه عليها قذيفه فالحوش وساعفينها هنا بايتين معاها
فارس.حالتها خطيرة
علي.في غيبوبه والله
فارس.لا ياراجل ربي يشفيها
علي.وانته شن تدير هنا
فارس.بنقعد بابا
علي.مبروك مبروك
فارس.الله يبارك فيك
علي.فارس بالنسبه ليوسف
فارس.ولا يهمك اثنين وماتفاهموش اطلقوا عادي ماتأثرش علي صحبتنا
علي.مش عارف شن نقولك والله
فارس.ماتقولي شي عادي
علي.باهي بالسلامه هي
فارس.بالسلامه
وطلع علي للحوش خش دوش وطلع يجري
انا.علي وينك الليل كله
علي.كنك شن في
انا.انشغلت عليك وينك
علي.فالمستشفى سهى جايه فيها شظايا من قذيفه
انا.هيييييه نعدي معاك
علي.عنجد تعدي وال1200مليان جرحى ومصابين وحاله حتى البلاد وضعها متأزم
انا.شن في
علي.مش عارف شكله حفتر يبرم في بنغازي
انا.اهااااا ربي يوفقهم
علي.ياريتهم ماطلعوا خربوا البلاد ودمروا بنغازي وخلاص
انا.يعني الاغتيالات اللي كانن فيها احسن
علي.ماندريش لكن الوضع هكي مش عاجبني
انا.يستر الله بنسالك
علي.شنو
انا.يوسف يبيش يرد للحوش بكل
علي.لا مايبيش بيقعد غادي معش بيرد
انا.باهي ادويله قوله يرد
علي.حياة انا وسالم سامحناك وتقبلنا الموضوع لانه ماكنش مقربين منك وعاطينك الفرصه انك تعترفيلنا بس يوسف!
يوسف حس روحه انطعن منك ومن مراته اقرب اثنين لاه عارفات حاجه هكي وهوا فاتحلكن الحرية كامله ومقرب منكن ومادويتلش ليش
انا عيوني تعبن دموع.بس
علي.خليه تو بلكي يقعد فترة ويرد
انا.تو نعديله
علي.براحتك انا توا راد للمستشفى
انا.به
"وطلع علي وانا قعدت نبرم فالحوش وبعدها ركبت دقيت حلتلي هدى"
انا.سالم قاعد
هدى.اها قاعد
انا.كلميه
هدى.خشيله قاعد فالصاله
"خشيت كان مقعمز فالصالون يتفرج"
سالم.اووو المشفشفه كنك
انا.نبي نعدي ليوسف شيلني
سالم.بس
انا.بس شنو
سالم.فوتي الفترة هذي تعديلش
انا.نبي نعديله شيلني والنبي
سالم.به
انا.هيا توا
سالم.الساعه10
انا.اها عارفه هي صبي
سالم.تمام انزلي البسي هي
هدى.وبعدها تعالي تغدي عندنا اليوم
انا.كيف صار فش عمل اليوم دايرة غدا
هدى.هههههه اها جمعه عاد دايرة
انا.شنو
هدى.محشي ورز بالتقليه
انا.اااه مااسمحه
هدى.تمام وكلمي علي
انا.ماحتى علي خطيبته فالمستشفى مش حيجي
هدى.هيييييه ينااااري
"نزلت لبست عباية ووشاح وطلعت لقيت سالم مسخن السيارة ركبت وبده يسوق"
سالم.هوا راقيتله منك عشان
انا.عارفه دوالي علي
سالم.غلطتي في حقه غلطه كبيرة
انا.خلااص ياساالم مش ناقصه الحكاية
سالم.باهي علي خفتي منه وانا
انا.انته وعلي نتحشم منكم اكثر حتى مانخاف
سالم.ويوسف؟؟انتم كنتوا تدووا حتى على علاقته مع مروة و ماتتحشموش من بعضكم بكل
انا.ماقدرتش في وقتها
سالم.مش عارف
انا.وصلنا
سالم.اها الدور الرابع شقه3
انا.نركب بروحي
سالم.يكون احسن
انا.به
"ركبت للشقه وانا قلبي يدق داير مهرجان دقيت الباب وراجيته نين يفتح لما فتح صدمني شكله ناقص وجه اسود عيونه حمر"
انا.ا اا ا ايوسف
يوسف.شن تبي شن جابك هنا
انا.يوسف كنك قعدت هكي
جا بيصكر الباب دفيته وخشيت
قدعنا مصبيين جنب الباب وهوا مفتوح
يوسف.شن تبي
انا.نبي ندوي معاك
يوسف.مانبيش ندوي معاك بكل
انا.يوسف انته عارف القصه كلها عليش مزلت مقاطعني عارف اني ماغلطتش
يوسف.ماغلطتش تمام بكل وانا مقاطعك هكي مزاج
انا.باهي قاطعني لكن رد للحوش
يوسف.مانبيش نردله
انا.عليش
يوسف.نبيش نشوف خلقتك
انا.لهدرجة
يوسف.واكثر اكثر بووووااااجد
انا.باهي ومروة
يوسف.كنها
انا.عليش طلقتها شن ذنبها هي
يوسف.ذنبها كيف ذنبك بالضبط واشر اخرى
انا.يوسف حرام عليك
يوسف.والله انت اللي حرام عليك اطلعي ياحياة
انا.طول عمرك تقولي حيو شن تغير توا
يوسف.تغير اني كنت نحساب روحي قريب لكي نحسابك ماتدسيش عليا في شي نحسابك تحكيلي كل حاجه مش تدسي عليا حاجه كيف هذي وتزوزي وتفضلي تدوي للبراني وتذلي روحك لاه وماتدويليش انا واخرى خربتي بيني وبين ومروة
انا قعدت نبكي.شن خربت بينك وبين مروة
يوسف.حتى هي اشر منك فالنهاية انا راجلها وحاجه زي هذي تندسش كان لازم تدوي لازم تقولي اي حاجه مش تعلم وتدس اكثر من مليون مرة نسال فيها كنها حياة وتقولي نعرفش وتطلع عارفه وداسه
انا.باهي انا غلطت وهي غلطت ووالله انا حلفتها تدس وماتدويش انته تبيش تنسى وتسامحنا
يوسف.لا مستحيل
انا.ليش سواد القلب حرام عليك
يوسف.لاني كنت مصفي معاكن القلب عالاخر والنتيجه استغفلتني ودسيتن عليا
انا.مااستغفلناكش عاااد
يوسف.حياة من الاخير شن تبي
انا.رد للحوش
يوسف.بعد تطلعي منه تو نرد
رقاها ليا عيطت بدموعي.احسن مانبيلكش وجه ياحقود وقلبك اسود
"وطلعت من الشقه وصفقت الباب ونزلت ركبت فالسيارة"
سالم.ها شن صار
مارديتش عليه لكن البكا بصوت عالي.خانقته العبرة والدموع الغزيرات كان افضل رد
سالم.قتلك خليه الفترة هذي
انا.لاه شهور الموضوع
سالم.مزال خليه اخرى تو يهدى ويرد بروحه
انا.شايل مني شيلة غريبه توقعتهش منه هوا
سالم.كيف
انا.الحق يعني توقعتك انته وعلي تديروا هكي وهوا يصبي معايا مش العكس
سالم.لا بالعكس يوسف كان قريب منك فاللي صار يعتبر طعنه لاه لكن نحنه لانه انا لاهي عليك ومش من النوع اللي نقعمز ونهدرز وهكي وعلي واعر واكثر من مرة ضربك وهكي فتقبلنا موضوع انك ماحكيتيلنش ونوعا ماحسينا حتى بالذنب رغم انه هذين كلهن مش مبررات لكن يلا تقبلناهن
انا.والله ماكنت قادرة ندوي ماكنتش قادرة كنت متوقعه اني نوقف كل شي وندس السر لروحي وتوقعتش علي يزوزني غصب عني
سالم.هذي غلطة كبيرة منه وهذا كله مزال مااتعضش منها
انا.كيف
سالم.الاسبوع اللي فات صاحب علي مطلق وعنده عيل طلبك منه علي قاله تمام نشوفه ونقولك انا دغري قتله مزلت بتكرر نفس الغلطه قاللي ها مالا بنخليها فالحوش بروحها
انا.يعني بيزوزني
سالم.في راسه يديرها شكله
انا.مزال ماشعفش
سالم.ليش انت داسه حاجه اخرى
انا.لا والله لا لكن خلاص مانبيش بنقعد فالحوش
سالم.تقدريش؟
انا.ليش
سالم.يوسف سيب الحوش وعلي طول الوقت فالشغل وانا نبي نسيب الشقه ونطلع شريت فيلا بره يعني الحوش اغلب الوقت فاضي
انا.انا بنشتغل وبنقعد فالحوش ومش من حقه علي يزوزني مرة اخرى
سالم.يستر الله وخلاص هوا حاليا قتله يهمد الموضوع بس انت عليش رافضه بقوة هكي
انا.هك معش نبي خلاص
سالم.فكري على مدى طول العمر مش سنه سنتين من توا فكري لما بتجي سهى وتسكن فالحوش
انا.وكان تجي هي في دارها وانا في داري
سالم.حياة انت طبعك واعر وانا نعرفه عصبيه وعندك لكل حاجه شروط خاصه وتقاليد حتى للحليب ابتاع الصبح تبي تمشي المرا عليهن ولالا
انا.هفففف يعني
سالم.يعني قيمي الحاله كلها وفالنهاية انت مزلتي صغيرة ومش اول وحدة تطلق
انا.باهي به
سالم.الراجل علي قاله خليها فترة لانها مضايقه عشان امها الله يرحمها وهوا مزال يرجى كان بتوافقي وافقي وهذا كله مانزروكش ماتبيش قولي مانبيش
انا.تو نشوف
سالم.انزلي هي انا ماشي مشوار
"نزلت خشيت للحوش وصكرت البيبان والرواشن وكل شي وولعت التكييف وخشيت لسريري"
انا.ااااه غير منين ولا منين ولامنين بنلمها بس
وتغطيت بالورغان ورقدت
الساعه3 نسمع في دق قوي عالباب
التفيت فالورغان وطلعت
انا.ها ها تعرفوش حاجه اسمها واحد راقد"فتحت الباب"
سالم.تي ازح قريب كصرت الباب لا تردي عالتليفون ولاتفتحي ولا شي
انا.اسفه كنت راقدة
سالم.مش قالتلك هدى عابيين بيك بالغدا
انا.ااااه والله نسيتها ببكل
سالم.باهي اركبي هي
انا.باهي هي
"ورديت طرحت الورغان وخديت نقالي وركبت"
هدى.اهلا ياكونتيسا
انا.اسفه والله رقدت خداني النوم
هدى.هعهههههه انفجعت والله دقيت دقيت حليتيش ورن ماترديش كلمت سالم قتله تعال ابسرعه
انا.فجعتكم معايا
سالم.هي بس حطوا راني جعان
هدى.واتي كله شوي بس
"وخشت جابت المفرش طرحاته وخشيت انا وياها بدينه نحطوا فالحاجات وقعمزنا ناكلو"
انا.وين اسو
هدى.راقدة غديتها من بدري
انا.اهااا
هدى.جايات البنات بعدين
انا.صاااح بعدك كم ليا ماشفتنهش والعزا ماطقيتش نهدرز معاهن
هدى.حتى هنه قاللي يبنك وهكي
انا.الحمدلله"وصبيت"
هدى.كملي
انا.لالا شبعت خلاص سلمك سواية
هدى.سلمك
"وخشيت غسلت فتحت الباب نسمع فيهم يدوو"
سالم.تعرفي بعد قلتي ندق ماتردش انفجعت توقعتها انتحرت
هدى.حتى انا توقعتها مسكينه حالتها توجع ديرولها حل
سالم.شن بنديرولها من حل
هدى.مش عارف والله بس حرام طول الوقت بروحها
سالم.يوسف الحيوان هذا
هدى.مزال يبيش يرد
سالم.شي مصكر راسه ولما شلتها لاه سمعها كلام والله واعر نين بكلل نزلت تبكي بعبرتها
هدى.حرام عليه خلاص مش ناقصها هي
سالم.انظ""خبطت الباب.بقوة عاساس توا كيف فتحته وطلعت"
هدى صبت وبدت تشيل فالتباسي وسالم خش رقد وانا ضميت مع هدى وبعدها قعمزنا فالصاله.
انا.هدى خشي ارقدي انا بننزل راه
هدى.لالا خليني معاك نهدرزوا
انا.تي هو يوم عطله فالاسبوع واكيده سالم ناوي علي حاجه خشي خشي وتو ناخد اسو معايا نبيها ونركبلك بعدين بعد يجن البنات
هدى.هههههههه وحق ربي تفهمي فالجو لكن قبلها بندوي معاك في موضوع
انا.شنو
هدى.خايفه سالم يقعد يخون فيا
انا.ليش
هدى.بنات الشركه كلهن عيونهن عليه وهنه ياانتي طروف والله خايفه يتعلق بوحده فيهن ويسيبني
انا.لاياهبله انت مراته وام بنيته مستحيل يخونك وبعدين واخدك عن حب
هدى.بس خلاص اكيده مل مني وخاصة اسلوب حياتنا ممل لا طلوع لا خشوش لا رومنسيه لا شي الا يوم الجمعه باقي الايام كيفي كيفه نطلعوا من الصبح نروحو الظهر تاعبين ومرهقين نرقدوا واللي ينوض قبل لاخر يطلع الوجبه من الفريز يحطها فالميكرويف ونقعمزوا ناكلوها وتمشي العشيه عاديه نهدرزوا ولا حاجه حتى ال&&&قعدنا اغلب الوقت نفوتوا فيه عشان الارهاق و الدوش والقصه وورانا عمل
انا.اووووو بكل هكي
هدى.وفي نفس الوقت انا حابة عملي ونبيش نسيبه نبيش نقعد ربة منزل وهكي نبي نشتغل
انا.باهي انت تشتغلي مع سالم خلي عملك تلات ايام فالاسبوع
هدى.زعمك
اانا.اها بيش لا تهملي شغلك لا تهمليه هوا
هدى.تو نقوله
انا صبيت خشيت لدار اسو
انا.اسو اسوتي
اسو ضحكن.ميمه
انا.عيون عميمة نوضي ننزلو لوطه
اسو.نعدو لامي
انا.امي عدت 😔
ناضت شمرتها
هدى.طبعاً الانسه مش حاطه في راسها تتعلم حمام بككل
انا.هههههههه خليها مهيجه
هدى.مخليتها اصلا عندش وقت لها ولوجيج الحمام
انا.بس كيف.دايرة معاها انت
هدى.مرات نحطها عند هلي ومرات كانت تنزل لامك ومرات الحظانه ابتاع العمل
انا.اهاااا باهي من يوم وغادي نزليها ليا نلعب معاها
هدى.لالا تضايقك
انا.لا بالعكس'بستها'غلايا هذي
هدى.تمام به
"وشمرتها ونزلت"
هدى خشت للدار لقت،سالم راقد خدت حاجتها وخشت للحمام دارت جوها وطلعت قعمزت وراه
هدى.حبيبي
سالم.هممممم
هدى.سامو
سالم فتح عيونه.شنو
هدى.نوض نبي نهدرز معاك
سالم.تي اطلعي لحياة مش عزمتيها
هدى.نزلت
سالم برم عليها وبحت.تي ااااااه رايقه اليوم
هدى.ديما رايقه انا
سالم.😒تي لنا توا اسبوع ومعاها مش.طايقتيني بكل من اللي رايقه
هدى.حبيبي ضغط شغل والله
سالم.قعد يضايق فيا الموضوع
هدى باساته.فكك منه توا
سالم حضنها.باهي شنو السماحه هذي
هدى.ديما سمحه انا
سالم.اها بالذات يوم الاربعاء لما ننوضك فالصبح
هدى.سااالم😦خلاص عاد حتى انته تمزط فيا بالشغل وماندويش مش غير انته متمزط
سالم.شن تغير فيا
هدى.تغير واااجد لا.طلوع لاخشوش لاكلام رومنسي لاهدايا ديما شغل شغل نين مليت حتى انا وساكته ومراعيه بالذات بعد التعب اللي صاير للشركه والظروف الامنيه وقلة السيوله وعارفتك مليت مني ومن شغلي بس انا نبيش نسيب الشغل والله لكن والنبي ماتزوز وحدى اخرى تو نحاول نغير الوضع*وبدت تبكي*
سالم حضنها.هذا كله شايلتيه وداسه وفترشتيه في مرة وحدة ياهبله ليش مادويتيلي من قبل
