هدا اخر بارت نزلته الصفحة لي توا و بأذن الله نزل وقتي
نحاول اني منعطلش عليكم
و اسفه ع التأخير كان عندي ظرف خاص ملحقتش نزل
و شكرا على متابعتكم للقصة
........................................................
وجت بتنزل حرك السيارة ومشى بيها
سهى.تي هي كنك قريب طحت!بعدين عليش مشيت
علي سكت مشى بالسيارة نين وصل لمكان فاضي وقفها وبرم يبحت فيها
سهى.كنك
علي.شن درتي فيا انت
سهى.خلاص علي قلت عرم كلام يجرح وسكتتلك خلااااص
علي.نحبك
سهى برمت عليه😳 مسك وجها وباسها وخرت بقوة تحسابه رد نفس اللقطة ابتاع السيارة
علي.كنك
سهى قعدت تضرب فيه على صدره تلعب بيا انت تلعب مش لعبة انا مش بجوك انا مش بجوك مش بجوك
علي مسك يديها.اشششششششش اهدي
انهارت قعدت تبكي
سهى.حرام عليك أنت كنك هكي من أمس مرة نقول يبيني مرة لا بطل تلعبش بمشاعري عاد
علي.ماقدرتش قلبي يقول الحقها وعقلي يقول لا مليون قرار في الدقيقة
سهى.وانا مش لعبة بينهن شيلني لهلي خلاص
علي.لالأ انت مكانك عندي وفي قلبي وبين ضلوعي بس
سهى.وين كان الكلام هذا امبدري لما كنت تبيني نعدي ردني ياعلي خلاص
علي نزل من السيارة وجاها فتح الباب وشمرها
سهى.سيبني
علي.اسسسسس
وجا ركب بيها في الكرسي ابتاعه ووخره لااوة
علي.نحبك
سهى.الحب يبي ثقة وهي انعدمت بينه
علي.ماانعدمتش انهزت شوية وتصير عادي اعقلي خلاص وحطها على صدره وسكت
سهى سكتت
علي.تعرفي أن قلبي طلع معاك لما طلعتي للسيارة
سهى.وانا قلبي قعد معاك
علي.نحبك
سهى.وحتى انا نحبك بس معش تدير هكي وتقعد تلعب بمشاعري واعصابي
علي.كنت لما شمرتك بنقولك نبيك بس ماقدرتش الساني ارتبط ماقدرتش نحبك يااخي افهميها خلاص
سهى.وانا نحبك ونموت فيك"وباساته على مكان قلبه"
علي لف يديه عليها وطبس وقعد يهمس جنب وذنها.نحبك بس معش تدسي عليا شي انا وقتها لو قعدت فالحوش راني طلقتك لاني مستحيل نتحملها حاجة هكي لكن جاب ربي وطلعت حتى امبدري كنت ناوي ومصمم على هكي لكن استهديت بالله وحكمت عقلي وقلبي عشان هكي لو في حاجة اخرى داستيها قوليها من توا خير
سهى.شن بيكون في مثلا
علي باسها بالشويه.
سهى.وين كنت باهي لنص الليل
علي.فم الحوش
سهى.ومخليني نحرق جوة وخايفه عليك حرقت دمي حرام عليك
علي.عقاب بيش مرة تانية تدسيش عليا شي الي تصيرلك قوليها انت وراك راجل بايع الدنيا كلها عشانك تحسسيش انك مش قادرة تعبي عليه لدرجة ان حقير زي هذا يمد يده عليك وتحاولي تدسيها عليه
سهى.حشاك انت بالذات ينحس معاك بالامان
سهى.بس غلط تصرفك معاه حي عليك
علي.فوتيه توا وهي نروحوا
رفعت وجها وباساته علي لحيته.معش تدير هكي تصرف بلا عقل معقوله انت توا اب وولدك يبيك
علي.مزال ماجا تو بعد يجي ساهل
سهى.خلاص جا
علي.كيف جا؟
سهى.انا حامل
علي طبس بوجه عليها.تدوي جد
سهى باساته علي فمه.جد الجد
علي.كيف عرفتيها
سهى.امس لما قعدت نرعش ونرجع اذكرت كم علامة عرفتها ودرت التحليل تاكدت
علي.مبروك علينا
سهى.ربي يطلعه من حفظة كتاب الله
رفع كرعيها فوق عالكرسي وبده يسوق
سهى.ههههه والله إلا فيها جو بس الناس مرات يشوفونا
علي.هههههههه الطريق فاضية عادي
وقعد يسوق لين وصل الحوش شمرها ونزل للحوش قعمز على الصالون
علي.ان شاء الله انسجمتي انت هكي
سهى.ااااه نبي نبقى هك نعوض البكا الي امبدري كله
علي.قصدك علقتيها من طلعتي.
سهى.اااه ياقاسي نبكي وانت فالسيارة ونقالك مقفل
علي مسكها من حنكها ورفع وجها باسها علي عيونها الاثنين.تمام هكي
سهى باساته علي لحيته.تمام
علي.بنرقد انا صبي
سهى بجعونة.حبيبييييي نبيش نصبي تاعبة بكككل شيلني انت بعدين انا حامل مش كويس ليا التصباي
علي.تبيش تعدي بكرة للجامعة ااه
سهى.لالا عنديش نية
علي.تمام بكل معناته
"ومسكت في رقبته شمرها للدار اووووو"
#عندي_انا
انا.حبيبي هيا نوض كان بنعدوا نتغدوا عند هلك
فارس.فوتي مانبيش ننوض
انا.به براحتك"هبلة ولقيت سبلة"رديت رقدت
ساعة هكي و قيس ال11 رن التلفون
انا.فراس فيرو نقالك
فراس.ايواا
عميمة.شن فراس جايين ولالا
فراس.لا جايين جايين في الطريق في حاجة
عميمة.لا خلاص دامنكم في الطريق
فراس.تمام تمام
انا.شنو😑
فراس.تي كنك ماوعيتيني امي ترن وينكم
انا.خذاني النوم ماقالتلكش اذا عازمة أو لا
فراس.لا بس عليش
انا.لها كم مرة ماتعزمش في حد عالجمعة
فراس.اها غريبة والله صبي هي
انا.ماعنديش نييييية
فراس.حياة
انا.فراس
فراس.بطلي
انا مسكت خدوده.عشان خاطر عيون حبيبي الحلو الي نقدرش نردهم
فراس.ههههههه امي ترجى مابلاش ومسك يديه
انا.فياس تخيل انا ندوي بالياء
فراس.حتهبليني بعدها
انا.فيوسي تبي الغداء مكيونة ولا يز
فراس طبعا راح في خبر كان وانا معاه😂🙈
فراس.نهار أسود امي اكيد تطبخ طولنا صبي بسرعة
انا.هههههه حاضر به"وصبيت بسرعة وتيت روحي ولبست وحتى هوا وطلعنا"
فارس.شن نشيلو
انا.فش داعي جبت معايا حلو
فارس.شنو
انا.مقيوض حوش
فارس.وكنك ماعطيتيني منها
انا.هههههههه تو تأكل غادي بعدين انت كان عيفتها قاعدة ياك كملتها
فارس.مشا فيك حرف الراء
انا.ههههه نحبها اصلا القروجية
فارس.وصلنا انزلي هي
انا.انزل معايا نسلموا وبعدها اطلع
فارس.بحت في السيارة الي قدام الحوش حسيت وجه انقلب
انا.كنك
فارس.اسمعي الي جوا عيت خالتي
انا.خالتك من نعرفهش
فارس.خديجة
انا.بس هذي سمعت عليها سمع مرة!غريبة عمري ما شفتها ولا انت حكيت عليها
فارس.لا هي ديما هك بعيدة علينا
انا.وباهي كنهم
فارس.كنهمش تكثريش معاهم دوة وبالذات المطلقة بنتهم ومادابيك تفوتيهن بكل انا مش نازل بكل
انا.كنك عليش
فارس.هك نحبهنش
انا.به"حسيت في شي غريب يبيش يقوله"
نزلنا وخشيت ولقيت الفروخ الصغار في الاستقبال
وبعدها عميمة
انا.خير ياعميمة
عميمة.خيرات وينكم لتوا
انا.والله فارس عنده مشوار
عميمة.مشوار شنو الي توا ووعيونك منفخات من النوم
انا.والله بعد يخش اساليه خير ياعميمة
خديجة.خيرات ياحياة باهي الي شفتينا وسلمتي
انا.كيف حالك
خديجة.الحمد لله بخير
انا.ديما أن شاء الله
وخشيت شور مروة اول ماخشيت حسيت وجها انقلب
انا.اهلا
مروة.خير كيف حالك
انا.الحمدلله بخير وانت
مروة.الحمدلله وين عالنوم
انا.خير
مروة.نعرفك مودة بنت خالتي مطلقة وعايشة معاها
انا.خير مودة
مودة.خيرات
انا.عندها بنات أخرى
مروة.عندها بس متزوجات بحياشهن
انا.ربي يهنيهن ويبعتلك نصيبك
مودة.امين
مروة.حيو ماما. تناديلك
انا.تو نشوفها
وطلعت
انا.شن نديروا للغداء ياعميمة
عميمة.الساعة قريب 12ياحنه الغداء كسكسو بدينه فيه وقريب نكملوه
انا.ربي يعطيك الصحة
عميمة.امين شن حياة حملتيش
انا.لا مزال ماسخر ربي
عميمة.امممم به تو نرجوا لين يسخر
انا.يارب
وقعدنا في سريب الغدا نين كمل
تغدينا وبعده شلت السفرة نضم فيها ونسمع في فارس يضبح
انا طلعت.نعم
فارس.تعالي شوي
قربت منه باسني
انا.هههه تي كنك عيب افرض طلع حد
فارس.تصبيرة لعند المغرب انا توا طالع وتو نرد عليك
انا.اممممم به نرجى فيك
فارس.ماتحتكيش بيهم واجد اه وكلميلي مروة
انا.شن تو نقوللها
فارس.كلميها بس
انا.من عيوني به
وخشيت
عميمة.هذا كله تودعي فيه
انا.كنا نحكوا
عميمة.عندكمش حوش
انا.نعم
عميمة.ديريلنا شاهي انت ومروة
انا.به بس مروة يبيها فارس
مروة طلعتله وانا خشيت للمطبخ
فارس.مروة انت فاهمة القصة وعارفة أمك وخالتك
مروة.شن تبيني ندير
فارس.ماتخليهش تحتك بيهن بالذات خالتك تعرفيها بتاع طروح وخطط مرات تدير أي شي
مروة.خلاص سمطتها راك عليك تخوف
فارس.هي تبي حاجة
مروة.سلامتك
"وطلع"
خشت مروة
عميمة.كنه شن يبي
مروة.يبيني في حاجة
عميمة.عاميته هالفرخة عمى يعميها
مروة. حرام عليك مش شورها بكل
عميمة.تي انا الي نعرفه أمه راني
مروة.به به
وخشت
وانا درت الشاهي وطلعت بيه وانا طالعة نسمع فيها تحكي
عميمة.والله ماهو بيدي ياخديجة انا فاهمه لكن نقدرش شي زي هكي نغصبه عليه
خديجة.به به براحتك خسارة مانا خوات
عميمة.تعرفيني شن نتمنى لكن والله ماقدرت عليه وحتى هي ماقدرت عليها
انا خشيت بالسفرة وحطيتها لهن يشربن وجيت بنقعمز مروة شيرتلي جيتها
مروة.خليهن وتعالي معانا
انا.تو أمك تقول كنك خشيتي وسيبتينا
مروة.لالا غير تعالي بيقعد مع بعضهن هن
انا.اممم به هدرزنا نين كملت العشية ووجعتني يناري خوتها مدرهين كبدها بعد تطلقت نين خشت علينا عميمة في الدار
عميمة.حياة راجلك برة
انا.تو نشوفه
وطلعت
فارس.هيا بنخش لباتي شوية نبيه ونروحو بعدها
انا.باهي هي
"وخشيت جوا"
مروة.مروحة
انا.ااه
مودة.بالسلامة
انا.الله يسلمك
ولبست وشاحي وعبايتي وطلعت لقيت فارس وأمه يحكوا"
فارس.امي الموضوع هذا تسكري عليه خلاص
عميمة.يافارس والله ماتديرلك حاجة في حالها
فارس.ياامي خلاص فوتيه مانبيش وربي يكتب الي فيه الخير
عميمة.باهي به
فارس.هيا حياة
انا.بالسلامة ياعميمة
عميمة بحتت فيا وخشت
انا.عليك حالة
وطلعت ركبت للسيارة بده يسوق
فارس.تعبتي اليوم
انا.لا عدينا متأخرين بعدين حسيت اليوم أمك كان تلقى تبيني نبعد حتى عزومة العشية دارتها هي واختها بروحها وانا والبنات بروحنا قلت لمروة خلينا معاهن قالت فوتي بيقعدن بروحهن
فارس.ماه قتلك هي بعيدة عن العيلة فلما تجي لأمي ماتصدق يقعدن بروحهن
انا.ليش حاسة في شي غريب اليوم
فارس ملامحه تغيرن.عليش شن في حد قالك حاجة صارت حاجة؟
انا.لا بس تصرفاتك انت وامك ومروة وخالتك غريبات فارس احكي شن في
فارس.تي شن جو.التحقيق هذا بطلي دراما
انا.ههههههه اوفرت
فارس.بكل
انا جيت بنقوله على الكلام الي سمعته بعدها فتت حسيت روحي ندير في دراما من لا شيء
روحنا للحوش وخش فارس يبدل وانا قعدت نفكر نديرله أي جو بلا هالملل الي لنا فترة فيه
طلعت الإذاعة وعلقتها ووتيت كل شي بعدها خشيت للدار
فراس.تجي نتفرجوا
انا.لالا نبي ندير حاجة غير اليوم عدي تفرج عالتيفي ومادابيك توتي سفرة وحاجات حلوة على ماجيت
فراس.ايييييه غريبة مروحة رايقة
انا.هههههه ماه ملتهية عليا اليوم
فراس.هههههه تو نكلم خالتي كل جمعة
انا.شفت كيف تو كان قاعدين من الصبح رآه جونا أحلى بواجد مش نسرقو في الوقت مع بعضنا سرقة
فراس.حتى هكي كويس
انا.به براحتك غير عدي توا بس
"طلع من الدار وانا طلعت قفطان حلو وضابط أحمر وحطيت ميكاب خفيف وشعري كنت مدوشة في الصبح كاين جاف كيف الغجري طلقته وحطيت ميكاب جريء ليا زمان عليه وطلعت لقيته مطفي الضي وكل حاجة"
فارس.حبيبتي القمر
انا.عيون حبيبتك "وعديت للإذاعة ولعت اغنية مابعرف كيف"
فراس مدلي يده مسكت فيها وحط يده على وسطي والأخرى على شعري وانا يديا ورا رقبته"
انا.مابعرف كيف بنظرة بتعمل هيك بتاخدني إليك وبموت عليك
مابعرف شو الي عم يسحرني هيك لمسة ايديك ضحكة عينيك "وحطيت يدي على صدره"حسيت بقربك بالأمان صرت بزمان غير الي كان
"وبده يلف بيا بالشوية" عم اعشق انا عم اخلق من أول وجديد عاسمك انا عم بلبس خاتم عمري بالايد
فارس قعد يرقص بيا بالشوية وانا معاه والاغنية وكل شي آخر انسجام
فارس.نحبك ونحب كل تفاصيلك ونتمنى ناخذهن معايا وين مانعدي
انا ابتسمت
فارس.نتمنى نسمع ضحكتك طول الوقت ونشوف عيونك طول الوقت ونلمس شعرك طول الوقت وجهك وجسمك والحسنة الي في رقبتك وكل تفصيل صغير فيك
انا تنهدت.لهدرجة تحبني
فارس.واكثر ياحيو وأكثر بواااجد
انا.وانا نحبك ونحب حبك تعرف شن معنى نحب حبك نحب فكرة أن انت حبيبي أن لما نشوفك قلبي ينبض ولما نكون بقربك قلبي ينبض ومسكت يده حطيتها على قلبي
انا.حسيت بيه نحبه الإحساس هذا نحب فكرة أن انا مراتك وانت راجلي وملكك وانت ملكي وحبيبتك وانت حبيبي وحلالك وانت حلالي كل هالاشياء نحبهن نحبك يافراس ونحب فكرة ارتباطي بيك ونحب اني عايشة معاك وكل شي❤
فارس مسكني وقدم على الاذااعة حط اغنية من عنده ووخر بيا لعند نص الصالة
فارس.اخيرا قالها قال أحبك قالها
وانا قلبي قلبي قلبي قلبي نبضه توقف بعدها
أخيرا قالها قال أحبك قالهااااااااا
انا.اخيرا قالها قال أحبك قالها وانا قلبي قلبي قلبي قلبي نبضه توقف بعدها
فارس.من فديت انا العيون"وباسني على عيني" قال أحبك وبجنون ودي أطير ودي أعيش في الدنيا بقربها
انا.ههههههههه ربي مايبعدنا عن بعض
فارس.ولا يفرقنا شي
"وولعت الي بعدها مزمار درناوي "
انا مسكت يديه"ورقصت نزلت لعند لووطة"
فراس طبعا مذهول من فيفي عبدو الي طلعت
انا.ههههههههههه
فراس.تخيلتكش ترقصي ولا تعرفي اصلا
انا.مرة نرة بالجو
انا.ههههههه قعمز خلاص بنقعمز تعبت
فراس.تعاليي هي"وخذاني قعمزنا وانا في كتره"
انا.زيديني عشقا زيديني
فارس.ياام رداء ازرق زرقيني
انا.ههههههههههههههههه وين عدت الرومنسية
فراس.بعد وصلت الليبي الي توا تبيلي بيش نقلب رومنسي
انا.باهي نعدوا للدكتورة
فراس.ياحيو ياحبعمري وحياتي انت كثرة الدوة في الموضوع هذا تأخره أخرى رآه! خليها بالجو وكان على أمي كل ما تسأل قوليلها ماسخرش ربي وخلاص
أنا.امممم به تمام لكن كان كمل رمضان ومصارش حمل لازم نعدوا
فراس.تمام من هنا لبعد رمضان سهل لكن مثلا لو طلع العيب فيا بتسيبيني
انا.هههههههههه لا طبعا بس انت اصلا جبت من قبل فلو في عيب فهو في وهذا الي مخوفني
فراس.ولو فيك يعني شن بيصير
انا.فيرو حتى لو انت سيبتنيش أمك حتزوزك انا متأكدة
فارس.امي من غير شي بتزوزني
انا.كيف قصدك حاكية معاك في الموضوع
فارس.ههههههه تي لا نبصر عليك
انا.امممممم حاسة في شي
فراس.مش كأنه طولنا مارقدنش احنى
انا.عادي قاعدين نحكو
فراس.بس انا ورايا شغل بكرة وبنرقد
انا.فوته خليك معايا بكرة
فارس.لا نقدرش ورايا التزامات
انا كشخت
فراس شمرني من وسطي وحطني على كتفه
انا.تي اشمرني زي الناس
فارس.هههههههه وخظني
انا.اااااه رآه نطيح
فارس سقمني وقعد يبحت في عيوني.انت ليش سمحة هكي
انا.عيونك السماح حبيبي
وحطني عالسرير
وووووووووووووووووووو
"ومرررن الأيام يوم بعد يوم ليييين بده رمضان وانا ماحملتش☹وزنين أمه ورايا مخليني شايلة هم الموضوع طبعا كبيرة رمضان عند هله وكل جمعة كالعادة عند هله وفي أول جمعة من رمضان"
نضت الصبح وخشيت للمطبخ درت تشيز كيك وحطيته فالتلاجه بيش نشيله معايا ولا كان هذا نسمع موشح عن فلانه الي تجيب بالاربع اشكال وبعدها رديت رقدت نضت عال11"
انا.فارس حبيبي
"فارس كان راقد على ظهره قلت خليني نديرله جو مسكت خصلات شعري وقعدت نمشي فيهن على وجه وهو يحك وبعدها انقلب رقد على بطنه "
انا ضربته.وانت رايح كي السلحفاة
فارس.السلحفاة هذي مخك
انا نعايب عليه.نينينينينينه السلحفاة مخك بدال ماتدير جو رومنسي وتقلبني زي الهنديين لالا انقلب على بطنه
فارس.تعرفي تديري مساج
انا.شن جايبني من تايلاند
فارس.تتعبيش من الملاطعه انت
انا.عشان نحبك نتعبش هههههههه
وصبيت عالسرير وبديت نمشي على ظهره
فارس.اااه اييوه هنا هك
انا.متأكد عمرك فال30حسيك فال70
فارس.خدمة الززار مأساة لما تشيل السقايط ينقسم ظهرك نصين
انا. يحياتي التعيب انا
فارس.خلاص انزلي
انا.معش يوجع فيك
فارس.لا يوجع بس ديريلي بيديك ثقيلة راك رايحة
انا.ههههههه وكال ونوم"وطوحت روحي يلاه"
فارس.ياهبلتي كسرتي السرير
انا.هههههههههههه كنك عالصبح
"وقعمزت يلاه وقعدت نديرله في مساج لظهره وهو منسجم"
انا.حبيبي
فارس.ياعيونه
انا.امس زعلت عشان دويت على هلك
فارس.بكل زعلت"ومسك خشمي بين صوابعه"
انا.باهي عاد حرام عليك والله حسيك مفرط فيا عشانهم
فارس.طشة يوم فالاسبوع هوا
انا.انت اليوم الوحيد الي تطلعش فيه للعمل هو الجمعه ونعدولهم فيه وياريته حتى جو حلو
فارس.شن فيه من شين الجو غادي
انا.خلاص تو تزعل اخرى
فارس.قولي بس
انا مزلت ندلك فيه.امك من اول مانخش تبدى فيا هزايب وينك في لمة فلانه وعلانه تبيني كل عشيه نلبس ونمشي معاها علي قولتها ماصدقت حصلت كنه مسقمه ماتقول مزوز وداد قبلي
فارس.علي هذي بس
انا.لا مش هذي بس نخش للكوجينه مرات نلقاها جايبة 3ولا4دوارات ننظفهن انا كلهن ونحشيهنن وندير معاهن رز وهي تشرف بس واختك تبش تعاوني عشان تقرا ومرات تقعد عازمة عرم ومرات تدز للجارات ويعني تعب بكل والله نروح من التعب نين حيلي مهدود
فارس برم عليا وحطني على صدره.باهي حبيبتي والحل هلي بنقاطعوهم
انا نمشي بيدي على صدره.نخففوا من المشي بس جمعه فالشهر كويس وتكسيدة عشية مرة مرة ماشي الحال
فارس.لالا يصير شي لازم منها الجمعه عند هلي نقة كان عيل واحد وبنقاطعهم
انا.معناها شنو
فارس.مش عارف شنو
انا.معناها بعد نروحوا حتى انت تديرلي مساج مادخلنيش بيك
فارس.هههههههههه باهي تمام يادلوعة
انا.مش دلوعة لكن انا مش متعودة عالتعب هذا
فارس.لانك دلوعة
انا.ااه دلوعة باهي صقع عليك
فارس جا قرب مني بيبوسني
انا.لااا مافيش عطيتك فرصة انبدري درت جو سلاحف بعدين نسيت رمضان
فارس.تي من بعيد أخوية
انا.انت بالذات يتأمنلكش
فارس.هههههههههههههه هبلة وحقربي "وصبه من عالسرير"
انا.هي خش للحمام علي ماوتيت روحي ونعدولهم هلي حبيبي الغالي
وصبيت لبست وهوا لبس وطلعنالهم
فتح عمي الباب
انا.خير ياعمو كيف حالك
عمي.خيرات يابنيتي كيف حالك
انا.تمام الحمدلله شن صار فالنقال يخدم كويس
عمي.لاتمام سلم يديك من وقت درتيه وهوا تمام
انا.تمام الحمدلله
فارس.كيف صار ياباتي فتتني وتهدرز مع حياة
عمي.خير منك كل ماتجي تخشلي بالك تبي حاجة مرة مسقمه التلفزيون ومرة النقال هذك اليوم قبل المغرب بساعة قلتلها نبي مقطع لقيته واتي مش انت حتى الجمعه بعد تجي تحطها وتعدي وتجي تاكل وتروح راسك فالمحلات
فارس.اوووو هههههه صار كاسبة احد الاطراف
انا.هههههههه عمو يهبل وكيف بابا بالزبط
عمي حط يده على راسي.وحتى انت كيف بنيتي والله حتى يوم تتعاركي معاه تعاليلي وانا نضربه لكي ونلزه
فارس.خيانه ياباتي
انا.ههههههههه خلاص من يوم وغادي تزعلني نكلملك عمو
عمي.ههههههه خشي جوا لعمتك هي
انا.حاضر هي
"وخشيت وجا فارس بيخش للمربوعة مع باته كريته"
انا.تعال خش معايا
"وخشينه لقيناها مقعمزة في وسط الحوش"
انا.السلام عليكم
عميمة.قولي مسائكم خير
انا.مسائكم خير☻
"فارس فطنتله شد ضحكته"
عميمة.وينك لتوا
انا.زحمة الطريق وهكي
عميمة.زحمة الساعة2في رمضان عشنا وشفنا
انا.اااه "وقعمزت وقعمز فارس"
انا.وين مروة
عميمة.راقدة
انا.اممم شن بتديري الفطور اليوم
عميمة.اليوم جايات بنات خويا محمد عالفطور
انا شرعت عيوني.مش الجمعه الي فاتت جو
عميمة.لا هذكوم عيت خويا علي
انا.اممممم وشن بنديروا
عميمة.فخذ الهانم وكسكسو بالتقلية وبوريك وشربة ونبوا خبزة حوش وبطاطا مبطنه ومحشي
انا.عميمة الساعة اثنين وانت تبي حاجة ال50طرف من كل شي امتى بنكملوا
عميمة.انشطي روحك نكملوا وبلا تمرخاي
انا.باه
"وخشيت لدار المعيشة سلحت العباية وطلعت لقيت فارس طالع"
عميمة.ابدي فالمحشي توا
انا خشيت للمطبخ وبديت نخلط في حاجة المحشي وهي خشت بدت تدير في الكسكسو"
عميمة.وينك في لمة عيت علاء اول امس ملتمات الصبايا
انا.تي يعميمة مرات ولد اختك شن بيشيلني لها
عميمة.كيف شن بيشيلك لها
انا.ياعميمة فارس يروح قبل المغرب بنص ساعة مدهكل مرات يرقد بدبشه نين يأذن يفطر ويدوش ويارقد ياتفرج عالتلفزيون يعني بدال مانريحه ونقعمز معاه كني مولعة فيه النار نوض فلانه جابت نوض علانه ولدها نجح عليش
عميمة.انت الي ماتبيش مش هوا كان هذا مشيوير لعندنا ونحن نشيلوك ونروحوا بيك لحوشك
انا تنرفزت جرحت روحي.اااااااه
عميمة.كنك اسمالله تعيطي
انا نبكي.جرحت روحي
عميمة.اسمالله ياحنه لفي عليه خرقة وكملي
انا طلعت من المطبخ وخشيت للحمام غسلته وحطيت عليه ضمادة ورديت للمطبخ نكمل فاالتقريض وهي كل مرة مخلطة طنجرة
عميمة.هيا ياحياة انشطي روحك مزطتيني هذا كله تقرضي في محشي
انا.ياعميمة خضرتك وااجدة
عميمة.باهي انا مش مصورة معاها قرضي بسرعة بيش نلحقوا نكملوا
انا.حاضر ببه كان هذا كلمي مروة تدير البوريك
عميمة.خليها راقدة امس ساهرة تقرى
انا.نوم العوافي"وصبيت حطيت الصونية وخلطتلها بهاراتها"
عميمة.ابدي ديري فالبوريك هي
انا.وين القلاش
عميمة.لا مانحب مرطزته اعجنيه
انا.لالا تو ندز علي قلاش كلا عجن مايصير شي وقت علينا والعجينه متعبه
"وطلعت من يلاها قبل ماتدوي"
انا.الو
فارس.ايوا قلبي
انا.تعرف لو ماتجيبلي توا عجينه قلاش واتية قبل ماامك تعجن وديني نطوح روحي من الدور التالت وخليك انت وامك وطنجرة المحشي والبوريك
فارس.هههههههههههههههههههههه تي كنك
انا.يافارس تهزب فيا يافااارااس"وقعدت نبكي"
فارس.تحمليها كيف امك وتو نجيبلك قلاش حاضر
انا.اممم به تمام
فارس.وشن اخرى
انا.خاطري في كنافة من السمحة ابتاع الجبنه هذك
فارس.اوو راه يطلع وحم
انا.تي ماقتلك
فارس.ههههههه باهي
انا.خلاص صكر باي
فارس.امممواه"وصكر"
وانا خشيت للكوجينه
عميمة.وليش جيتي كنك ماخليتيني بروحي للمغرب
انا.لا عيب ماتجيش
عميمة.مافيش حمل
انا.لا مافيش
عميمة.وشن ترجي
انا.طائر اللقلق مزال ماجا
عميمة.شنو
انا.مزال ماسخر ربي ياعمتي
عميمة.امممم يستر الله
انا.مش مستعجلين مزال بدري
عميمة.اهي ابدي في البوريك هي اهي عجينته
انا.خليني ندير البطاطا توا
عميمة.باهي كملي نبي نقرا جزء اليوم مزال ماقريتش
انا.به حاضر
"وطلعت هي وقعدت انا حايسة بين الطناجر وكل مرة نشوف حاجة نين خش فارس"
فارس.حيي علما
انا فنصت فيه.كنك
فارس.وين مراتي
انا.وانا شنو
فارس.انت الفلبينية
انا.نصبي نفطر عليك راه
فارس.هههههههههههههه تي انت معصبة اكثر مني تقول تحششي اهدي واسترخي
انا.حبيبي
فارس.نعم
انا.حط عجينة القلاش واطلع بيش بكرة ماتطلعش فالجريدة
فارس.شن بيقولو فالجريدة
انا.زوجة تقتل زوجها وتقليه مع البطاطا المبطنه
فارس.ههههههههههههه"وقعمز يلايا وانا نلبس فالبطاطا"
انا مديتله الصفرة.نتعبك ارميها ليا فالزيت لانه ساخن وتو ننحرق
فارس.هاتي هي"وخذا الصفرة بده يحط فيه فالزيت خشت امه"
عميمة.هااابا علي بختي فارس كنك تقلي شن في
فارس.اه لا غير بالجو جت مدتلي نحطهن فالقلاية على مكملت حشو
عميمة.وغالبة فكم طرف بطاطا انت
انا.تي اين كم طرف بطاطا تي قريب50طرف لتوا
عميمة.اطلع يافارس هذاماناقص راجل مندك مع الصبايا فالكوجينه
فارس دار روحه سمعهش حط البطاطا كلها وحط الصفرة وغسل يديه وهي تبحت وانا نلبس فالبطاطا
عميمة.شنو هذين
فارس.عجينه قلاش وكنافة بالجبنه
عميمة.كنه عليش جايبهن
انا.انا قتله جيبهن لانه مدت العجينه وفردها قصة طويلة ياعميمة وكلا الكنافة خاطري فيها
عميمة.وانت طول النهار خاطرك مش مخلية عليه قرش
انا قعدت نبحت فيه نبيه يدوي وهو داير روحه مش فاطن يبحت فالطاجين
انا قعدت ساكته ونلبس وهو طلع وسيبنا وهي برمت عالحاجات عالسريع وطلعت كملت الطاجين وصبيت طلعت الاولى وقليت التانية انكب من الزيت طشة علي يدي قعدت نبكي وطوحتها تقلي وبديت نحشي فالبوريك نيييين كملته كله وانا نبكي وطيبته وخطرت عليا الشربة خلطتها وحطيتها وطفيت عالباقيات وبحتت فالساعة 7وربع
عميمة.خير خير كيف حالكم
"وبدن الوفود يخشن للحوش والرجالة برة مكثرهم وانا سلمت عليهم وخشيت لحمام الحوش دوشت ولبست لبسة كنت جايبتها معايا والانسة مروة ناضت وهذا كله وانا نمشي فيهم ويدي توزوز وفطروا بعدها وانا طبعا غسلت الاماعين ومروة تنشف وتستف وهنه ماخشنش عاونن بكل كملت
طلعت قعمزت معاهن شويه وبعد التراويح بدينه قهوة نسكافي شاهي موالح وبرة وجوة طبعا ونحوس انا ومروة مرة تهدرز مرة تطلع ماسمعتش فارس يقول هيا حياة بنروحوا الا وفالعين بلة لبست وجيت بنطلع
عميمة.بيش تجي الجمعه الجايه
انا.حاضر ياعميمةاصلا كل جمعه عندك
عميمة.وجيبي معاك شكل حلو ومالح جاي خو الحاج
انا.حاضر به وطلعت للسيارة.
فارس.شن جو اللمة
انا.كويسة
و نزلت كرسي السيارة ورقدت
فارس.كنك
انا.ظهرييي خلااص
فارس.كليتي كنافة بالجبنه
انا.رصوها القوم الي برة لحقتش ناخد منها
فارس.ههههههههه لسانك حار
انا.تي من الهم
فارس مسك يدي عيطت
فارس.كنك"وبحت في يدي شاف حرقة الزيت"
فارس.شنو هذي
انا.لاحسن ماتسالش لان خطرت عليا موقفك انبدري
فارس.كيف شنو
انا.امبدري لما دوت وهزبت ليش مارديت عليها
فارس.تي معقوله بنرد عليها مشيها وخلاص
انا.بس انا عادي
فارس.شن دخل يدك بس
انا.حمقت وقعدت نحط فالبطاطا فالطاجين انقلب علي يدي زيت انحرقت وماقدرتش نديرلها شي اصلها بتقعد تتهزى عليا سكتت وكملت باقي الحوسة وان شاء الله غير ترضى عليا بعد هذا كله
فارس قعد يسوق بيد وماسك يدي بيد وانا حاسة بروحي مخنوقة بكل نين وصلنا خشش السيارة للصور جوة
انا.اشمرني
فارس.انزلي بس
انا.اشمرني انت وعدتني تديرلي مساج ابدى من توا
فارس.قتيلي من فاا70
انا.يناعليا كل عظمة في جسمي توجع في حوش هلي كنت طشة تبسي وكشكين في غسالة الاماعين مش هذين كلهن علي يدي"وجا فتح بابي وشمرني مسكت في رقبته لييين وصلنا لدار حطني عالسرير"
سلحت العباية وبدلت لبست داخلي وعليه طرف شبكي وخشيت فالسرير وظهري حالته حاله خش فارس
فارس.مدي يدك
انا.عليش
فارس.الحرق تو يسيبلك اثر ولا يعفن هذي كريم حروق
انا.تحرق
فارس.لالا"ومسك يدي ودهن عليها بالشويه كانت توجع قعدت نبكي"
فارس.كنك
انا.واعرة
فارس.تي بلا دلع يادلوعة
انا.يامرخية عقولت امك
فارس.هههههه تخيلي نقوللها راهي مش قادرة تلمس صوابع كرعيها تي تمسكها ذلة لكي
انا تنهدت.نموت ونعرف شن مخليها تعاملني هكي
فارس.هي مكسدة وانت كنه وحدة وتبي تباهي بيك في كل حاجة تتحمليها فترة لين تجيبي وتلهي وهي تزوز مروة وتلهى فيها وتمشي
انا.زعمك
فارس.ااااه
انا.باهي الهزايب عليش
فارس.مش هزايب هيا طول عمرها لسانها هك هذي دوتها حتي معانا
انا.مش منه عمي عايش فالمربوعة
فارس.شنو
انا.شي
فارس.هابا منك حتى انت نفطنلك تردي عليها بعدها تخافي تسحبيها
انا.ههههعهههههه"ورقدت على بطني"
فارس.شن رايك لانك تعبتي ظهري بشمرتك تديريلي انت
انا.دوري ياغشاش
فارس.باهي هي"واتكا يلايا وحط يديه علي ظهري وبده يديرلي"
انا.باهي احكيلي شن درت اليوم
فارس.جو المحلات العادي لكن بنسالك
انا.شنو
فاررس.لون العيون يتغير
انا نطيت من مكاني.نعمممم
فارس.يتغير
انا.كيف شن القصة
فارس.في زبونة فالمحل مرة شقر مرة خضر مرة رصاصيات
انا.وانت مركز في عيونها عليش
فارس رقدني ورد يديرلي.لا عادي يعني
انا.شن تقولك
فارس.كنه عليش
انا.نعرفهن جماعة العدسات وسريبهن
فارس.سألتني قالتلي من وين تشري في ثيابك نبي منهن لزوجي عشان ستايلك عاجبني وقلتلها
جيت بنط نزلني.نعم
فارس.متزوووجة
انا.عارفتها متزوجة هي تجي من غير المتزوجة قعدت فارس انت قايلي مانختلطش بينهن عليش توا الطروح
فارس.تي عادي مواقف بسيطة
انا.اوففف مشكلة ستايلك حتى الكويشات والشرتات حولناهن كانشي نخشلك على ستايلات الممدرسين
فارس ضغطني علي وسطي.هذا ماناقص
انا.ههههههه خلاص وقف
فارس وقف واتكى جنبي
فارس.نبوا سحور
انا.فارس عاااد
فارس.به
"شوية وفطنتله سحب برة الدار طلعت لقيته متسحر ويغسل في الماعين حسيت روحي كثرت عليه بالدوة في النهاية هو مش ذنبه لأن جا بينه نحن الاثنين ومش عارف كيف يرضي الطرفين تسحبت نين جيت وراه حظنته"
فارس.حبيبتي مش رقدتي
انا.انبني ضميري عشان درتلكش سحور
فارس.هههههههه قولي جعتي بلا دراما وجاية تبي تاكلي
انا.لا يابارد والله إلا نضتلك باهي كنك ماخليتهم راني غسلتهم
فارس.عارفك تاعبة اليوم وطايح سعدك قلت نغسلهم بيش توحليش فيهم الصبح
انا.الراجل الحنون رزق يافارس وانت رزقي من هالدنيا وحطيت راسي على ظهره مصمص يديه وبرم حظني
فارس رفعني.تو نحن ورانا رقدة عشان بكرة عندي شغل
انا.فوته بكرة"وحطني عالسرير وجا جنبي"
فارس.نقدرش
انا.به لعند امتى بتقعد تشمر فيا
فارس.لعند نشمر بنتي بعدها نفوتك
انا.عليك بيوع عيني عينك
فارس.ههههههههه
انا.بس نحبك
فارس.عارفك تحبيني اصلا من مايحبنش
انا.شن بيلمك هي انت كان قتلك مرتين نحبك تقعد مفرور وتصدق روحك
فارس.ههههههههه خلاص أسس
انا.به تصبح على خير
فارس.وانت من اهله
وخذانا النوم
#تاني_يوم
عدينه للدكتورة ودارتلنا الفحوصات وخشيتلها بيهن بروحي
الدكتورة.مدام حياة انت حملتي من قبل
انا.اها واسقطت
الدكتورة.كيف اسقطتي
انا.بحبوب
الدكتورة.دورتك الاخيرة كانت من مدة كم هكي
انا.اسبوعين
الدكتورة .بس كيف هكي ماتجيش
انا.هيا ديما هك مش منتظمه غابت شهرين وجت الشهر هذا يوم واحد
الدكتورة.اهااا باهي كلمي استاذ فارس يحضر معانا
انا.شن في
الدكتورة.كلميه بس
انا.في حاجة
الدكتورة.حندوي في وجوده عشان يكون عنده علم وفي نفس الوقت يمكن تحتاجيه فاللحظه هذي
انا.اوكي به
"وطلعتله نرعش مع بعضي كنت خايفة ومش قادرة نركز اول ماوصلت فيه حطيت راسي على صدره وبديت نبكي"
فارس.بسم الله كنك شن في
"ووخر بيا لدار تمريض كانت مفتوحة"
انا.مش عارف قالتلي كلمي فارس خفت منها شكله فيا حاجة
"وقعدت نبكي بالعبرة"
فارس.اششش ياهبله عادي حتى لو فيك مية شي انت سادتيني نبيش عيال
انا رفعت وجي.بس
فارس مسح دموعي.مابسش اسكتي وخلينه نخشوا للدكتورة والي تقوله عاجبني وراضي بيه
انا.به
"ومسكت في يده وضغطت عليها كنت نبي حاجة نتأكد اني عابية عليها نستمد قوتي منها خشينه قعمزنا قدامها"
الدكتورة.مدام حياة انت الي صايرلك$$$$$
