....................
مروة جت تبكي للدار وترعش
انا.كنك
مروة.الكلب فارس هذ
انا.كنه
مروة.ضربني وفك مني النقال
انا.عليش!!
مروة.قاللي كنت مصاحبتيه شكله خوك مكثر فترشه
انا.حي علمك
"خشت ام مروة"
فاطمه.تعالي يبيك بوك لوطه
مروة.عليش
فاطمه.ماهو يوسف يبي يشوفك باتك موافق عليه
مروة.باهي شويه بس
"طلعت امها"
مروة.عدي جيبيه ليا ورس امك
انا.شنوه
مروة.هوا راقد توا عدي خوديه احدفي اللي فيه وتعالي
انا.عدي انت
مروة.يبوني لوطه ماهو شفتي ورس حيو كان يفتشه يقتلني
انا.ياااربي متأكده انه راقد
مروة.اها رديت للدار لقيته راقد
انا.تي كنك ماخديتيه دامنك رديتي
مروة.خفت😟
انا.وانا مانخافش
مروة.مش هكي هيا وراس حيو اول مرة نصبي عليك عاااد
انا.به
وطلعت هيا نزلت ليوسف وانا قعدت نسلس لدار فارس
"مروة"
خليل.خشي يامروة
مروة.حاضر
"خشت قعمزت عالصالون وباتها طلع"
يوسف.وفيت بوعدي ولالا
مروة.💜نحبك
يوسف.وانا نموت فيك
مروة.باهي عليش طلبتها الرؤية مانك شابع مني
يوسف.مرات فيك حاجه جديدة ماشفتهش
مروة.زي شنو مثلا
"صبا من مكانه وجا يلاها مسكها من يدها وصباها"
مروة.يوسف وخر تو يخش بابا
وووووووووووو
يوسف.اووو مروة نوضي
مروة.بنطلع انا
يوسف.هههههههه دختي بكل
مروة.تحشم خلاص
يوسف.فالبيان بنحيب المأذون بيش تقعدي مراتي رسمي
مروة.تدوي جد
يوسف.اها ندوي جد
مروة.مش مصدقه حبيبي وعمري بيقعد راجلي خلاص
يوسف.وحبيبتي وعمري بتقعد مراتي💜
مروة.خلاص بنطلع
يوسف.باهي اركبي هي
" طلعت مروة وشويه هكي وخش باتها جايب قهوة"
يوسف.خلاص ياعمي تو الصبايا يتفقن عالبيان والحاجات خذين
خليل.باهي تمام بس بنقولك شروطي
يوسف.اشرط ياحاج
خليل.مروة تكمل قرايتها هذي لازم منها وراهو لو في يوم فكرت تمد يدك عليها او تقربها اذكر انه وراها هل وانه مستحيل نخليها تردلك
يوسف.اكيد ياعمي بنتك حتكون امانه في رقبتي
خليل.وشي تاني مكالمات ماعندش مانع بما انك بتقعد راجلها بس طلوع وخشوش لأ
يوسف.حاضر ياعمي
خليل.اييييوه
يوسف.وين فارس
خليل.مروح من العمل تاعب خش رقد
"وقعدو يدوو وشويه هكي ونادو عليا انا ومامل نروحو"
#عندي_انا
عديت للدار دفيت بابها لقيته مردود حليته وخشيت كان راقد قعدت مصبيه ونبحت فيها شكله كان يهببل شعره نازل علي عيونه والسلسله اللي لابسها كان بمعنى الكلمه جذاب لقيت عطره عالزيانه بخيت منه علي يدي وشميته كان يهبل بعدها سمعته يتمتم خفت ينوض طبست علي نقال مروة وبديت نحدف ماعقبتش ولا حاجه شور يوسف وصكرته وصبيت بنطلع.بس
فارس.حياة تيالي عيب انك تسللي لدار حد وتدخلي بينه وبين اخته
انا.😳😳😳😳😳😳😳😳
فارس صبا من مكانه وصكر الباب بالمفتاح وخداه وبرم عليا
انا.ف فف فارس انا كنت نبي بس
فارس.فاطنلك من لما كنت تأملي فيا راه
انا.نب نب نبي نطلع حول حل الباب
فارس.انت خشيتي داري ومش حتطلعي الا بإذني
انا.فارس عيب تو حد يفهم غلط
فارس.وليش مافكرتي هكي لما خشيتي
انا.كنت نبي نشوف الساعه
فارس عندكش نقال ماله
انا.فارس خلاص ماتزرنيش
فارس قعد يقدم عليا وانا نوخر لين لصقت فالساس وكنت مشفشفه شعري
فارس.غلط خشتك وغلط مسكتك للنقال
بس حنمشيها لكي عشان غاليه عليا
انا.باهي وخر خلاص بنطلع"بصوت يرعش"
فارس.اطلعي باه
انا.كيف بنطلع وانته مقدم وخر
فارس.مانيش متحرك
انا.فااارس عاااد
فارس.احكيلي ليش تبكي كل ماندوي معاك وشن الشي اللي داستيه وقلتي مأساتي مايقدر حد يخفف عليا فيها نطلقك
انا.نبيش نقولك باهي مش غصب هوا
فارس.خلاص معناته دبري كيف تطلعي وخدا المفتاح حطه في جيبه ومدلي يستيك كان في يده.لمي شفاشيفك حمو هنا حميتلك
انا.فارس نبي نطلع
فارس تربع في وسط الدار.احكيلي اللي مضايقك خليني نساعدك تطلعي
انا.مانقدرش والله مانقدر نبيش نقول راعي مشاعري عااد*خنقتني العبرة*
فارس صبا من مكانه.حياة انا نبي نساعدك بس
انا.صدقني تقدرش تساعدني الا بشفقه وانا نبيش شفقه حد
فارس.انت مريضه
انا.لالا
فارس.باهي شنو ازح احكي*وقدم شوري* رقتلي منه عليك تسلط فيه قدمت عليه ودفيته وحطيت يدي في جيب السوريه وطلعت المفتاح
انا.وخر من عالباب نبي نفتح
فارس.تاريتك قويه
انا.تخلينيش نعيط نلم عليك الناس
فارس.ديريها عنديش مشكله
انا.فارس وخر من عالباب تعصبنيش
فارس.وشن بتديري كان عصبتي
انا رقتلي منه بكل قدمت عليه بقوة وبديت نضرب فيه علي صدرة .وخر وخر وخر
فارس.هههههههه شرسه*ووخر من عالباب*
انا فتحت الباب متعصبه وبنطلع
فارس.حياااة
انا.نعم😡
فارس عزقلي العطر مسكته.هاكي ومعش تبخي عطر حد عيب
انا.😳😳😳😳😳😳
صكرت الباب.وعديت لدار مروة انا وصلت وهما كلموني قالو يوسف يضبح
انا.اوكي يامروة حدفته كله
مروة.طولتي وكنك ترعشي
انا.شي شي
"ولبست عبايتي وطلعت"
ماما.وين غبتي بكل
انا.كنت مع مروة انسجمت
ماما.اهااا باهي هي
فاطمه.بالسلامه
ماما.تبقوا علي خير
"ركبنا للسيارة وقعدو ماما ويوسف يهدرزو وانا نذكر فاللي صار مع فارس ومبتسمه😍ياخيا يهببببل"
وصلنا للحوش غيرت وقعدت نفكر فاللي صار ياربي كل ماليا نحبه اكثر💔تفاصيله ووجها وعطره وكل شي فيه تصرفاته و هباله وعقالته في نفس الوقت نظرته الجديه وظحكته اللي تذوب القلب اااااه ياربي فرج عليا
#فارس
فطنتلها من لما خشت فالبدايه قلت حياة استغربت بعدها سكتت نبحت فيها بخت عطري وصبت تبحت فيا وتبتسم بعدها طبست علي نقال مروة شكل شعرها نازل علي وجها بشرتها اللي مابين البيضه الناصعه والسمورية السمحه كانت تهبل وعيونها وهيا تبحت فيا يلمعن كل يوم يزيد يتأكدلي أنها تحبني بس!شنو السر اللي وراها شن هوا نبي نعرف قررت قرار وان شاء الله يكون صح
#فالليل
كنت نتقلب فالسرير ونفكر فيه نتمنى يرن وكان نلقى مايرنش
*شويه هكي ونقالي كان يرن*
انا خديته من دون مانبحت فالرقم
انا.الو فارس شن تبي عليش ران
فارس.كنك تدوي هكي
انا.عاساس مش داير شي انته
فارس.تي نحلف عليك عاجبك الوضع وكنت مقعمزة تفكري فاللي صار وتبتسمي
انا.وعليش بنبتسم ان شاء الله
فارس.لانك تح،،،،،،،،
#يتبع
