اسفه على التأخير بس كنت مشغولة شوي
.............._____________________________
#حكاية_حياة
ام فارس.يافارس اسمع عندي بنت اخت مرات خالك مطلقه والبنت طويسة وماعليها حاجه لكن راجلها كان صكار وحشاش شوي اطلقت منه وراني بنخطبها لكي
فارس.اااه متاكدة كويسه ياامي
ام فارس.اها كويسة ومافي كيفها سماحة وحرارة والله
مروة.فارس نبيك شوية
فارس.شنو
مروة.تعال شوية
ام فارس.كنك يابت
مروة.نبي نورية حاجه في داري
"وخشو هما الاثنين للدار"
فارس.كنك
مروة.تبي تزوزها صاح
فارس.اها خلاص المرحومة وداد توفت ويعني لازم نزوز
مروة.تبي تزوز اي وحدة وخلاص
فارس.عادي مش مدقق
مروة.فارس عااد بلا برود فاهمني.
فارس.شن تقصدي يامروة
مروة.نقصد حياة
فارس.كنها
مروة.تبيش تاخدها
فارس.خلاص يامروة كبرنا وهي ازوزت وانا ازوزت ومشن الايام
مروة.وكان يعني ازوزها هي توا مطلقه وكملت حتى العدة
فارس.مااضنش خوتها يوافقوا ولا حتى امك
مروة.امي عليش
فارس.عشان خو حياة وهكي خلاص يامروة انسي
مروة.سؤال واحد تحبها.
فارس سكت
مروة.رد عليا تحبها ولالا تخليهش تضيع منك مرة اخرى
فارس.حتى لو انحبها انا متاكد انها كرهتني بعد اللي صار
مروة.اصبر "وطلعت النقال"
مروة.الو
انا.الو
مروة.بسرعه ردي بكلمتين مزلتي تحبي فارس
انا.شنو
مروة.تحبي فارس؟
انا.عليش تسالي توا خلاص كبرنا علي هالكلام ومشى الوقت
مروة.باختصار تحبيه ولالا
انا خنقتني العبرة.مانبيش ندوي فالموضوع خلاص
مروة بعياط.تحبيه ولالا
انا.اها يامروة نحبه نحبه نحبه ومزلت نفكر فيه كيف المراهقات وقاعدة موقفه نصيبي ومش قادرة نوافق عالراجل عشان هوا مزال في قلبي ومزلت نحبه
مروة تنهدت.تمام
انا.عليش السؤال هذا توا
مروة.هكي بنسأل بس
انا.نكدتي عليا عنشكلك ولخبطتيني عاررفة توا شن بندير
مروة.شنو
انا.بنطلع لخوتي نقوللهم اني موافقه على الراجل اللي قتلك عليه
مروة عيطت.لا رد بالك
انا.عليش
مروة.هكي عندي قريبي نبيك لاه
انا.خلاص مش لعبة هي بنوافق ونشوف نصيبي معاه
مروة.قوليلهم نعطيكم رأيي فالليل
انا.عليش
مروة.هكي نبي ندزلك صور وحاجات يفيدنك فالموضوع
انا.كيف؟؟مروة مش لعبة هي
مروة.سألتك بالله عشان الصحبة اللي بينه وكل شي اجلي الموضوع لعند الليل
انا.والفايدة
مروة.وافقي وتو نشريلك باكو كيندر يابت ازح
انا. به به تمام خلاص
*وصكرت*
مروة.شن رايك
فارس تنهد.مزالت كيف ماهيه هبله
مروة.اها تكبرش البنت هذ
فارس. ساكت
مروة.تحبها.
فارس.اها نحبها بس الحب مش كل شي
مروة.شن اخرى
فارس.امك مستحيل توافق
وخوتها مش حيوافقو
مروة.ماما خليها عليا وخوتها تو هي تقنعهم
فارس.باهي تمام اطلعيلها هي
مروة.اطلع معايا وقول انك تبيها وانظر شنو تقعدش مسلم كنك رايح مرخي
فارس.بعد موتت وداد حسي روحي مسِّلم في كل شي خلاص مراتين في حياتي وهنه الاثنين انقهرن مني
مروة.كلا حياة قهرها الزمان مادخلكش وكلا وداد كنها
فارس.وداد ماتت وهي توصي فيا نزوز حياة المسكينه عاشت ديما مع راجل مايحبهش قلبه مع غيرها
مروة.نقصت عليها حاجه عاملتها شين
فارس.لا والله
مروة.قالتلك انها تحبك
فارس.ااه
مروة.خلاص معناته لا قهرتها لا شي يكفي انها كانت فرحانه بحملتها منك قريب تطير مسكينه ربي يرحمها
فارس.ان شاء الله
"وطلعوا من الدار"
امه.ها نكلم العرب
فارس.لا في وحدة اخرى في بالي نبيها
امه.من
فارس.حياة صحبة مروة
امه.هذا ماناقص هما ولدهم يطلق بنتنا ونحنه ناخدو بنتهم المطلقه
مروة.ماما تخششيش المواضيع في بعضهن وانا بنعدي نخطبها لاه وهوا يبيها
امه.تي كنها جميلة محلاها وكويسه فكينه منها هالبنت والله ماني متريحتلها
مروة.ياماما حرام عليك حياة طول عمرها معانا وصحبتي وعشرت عمر نحنه واللي صار بيني وبين يوسف مادخلش فالموضوع وفارس اصحاب هو وياهم
امه.والله ماني عارفه
مروة.صبي صبي سلم فطومة البسي جلبابك ونعدو نطلبوها خيرلنا لانه جايها راجل وتبي توافق عليه
امه.خليها توافق ونشوفو غيرها خلاص
مروة.تي صبي بس صبي
امه.عليك عناد فيك
فارس.نشيلكم
مروة.عدي جيب علبة شكلاته وبوكيه ورد بيش كانهي موافقه تخش وتحقها
فارس.لالا فوتي مش لازم
مروة.عليش
فارس.مش قادر نحط عيوني في عيونها
مروة.عدي بس
امه.عليك حشم في هالعيل
مروة.هههههه
#طلع_فارس
فارس.الو مؤيد وينك
مؤيد.قاعد انته وينك
فارس.تعال فالكافي بندويلك
مؤيد.جايك هي
"شويه هكي وجاه مؤيد"
فارس.شنجو
مؤيد.ماشي الحال كنك انته مرتبك وحالتك حاله
فارس.مذكر حياة
مؤيد.اها وانا ننساها اللي ذاهبه شيرتك هذاه
فارس.اليوم ماشي بنخطبها
مؤيد.فرحتلك من قلبي يامان واخيراً صار منك وخديتها
فارس.مش غييير
مؤيد.نموت ونعرف ليش سيبتها في وقتها
فارس.حاجات
مؤيد.وتاخدها توا مطلقه
فارس.مزلت نحبها
مؤيد.نصيحتي الاولى نعاودها لكي تحبها دير اي شي عشانها وفوت كلام الناس لانهم داويين داويين
فارس.هذا اللي بنديره حتى انا
مؤيد.مالا صبي هي
فارس.وين
مؤيد.نعدوا للحلاق تبرم علي شعرك ولحيتك وعندي لبسة وساعه فالحوش جاياتني هدية خودهن صحتين عليك
فارس.تي لاياراجل عندي تعاليزنعدو للحلاق هي
مؤيد.تمام ماله صبي
"وعدو هما الاثنين للحلاق حلق وروح لحوشه لبس وعدى لحوش هله لقى مروة لابسه وامه كذلك"
مروة.احم احم مش قادر تحط عيونك في عيونها قتلي
فارس.شنو
مروة.لاشي نكح بس
#عندي_انا
صكرت من مروة وطلعتلهم
سالم.ها موافقه ولالا
انا.عطيني لعند الليل ونعطيك الرأي النهائي
سالم.ازح والفرق شنو
انا.خلاص صبر اسبوع يصبر لعند اليوم فالليل ورص ساالم
ساالم.ان شاء الله خير.
انا.ان شاء الله"في عقلي كان يامروة مايطلع وراك حاجه مسقمه نقتلك"
"طلع سالم"
يوسف بحت فيا بنص عين.كنها
انا.مش عارف
يوسف.سمعيني المكالمه
انا.عليش
يوسف.في حاجه بنتاكد منها
انا.لالا
يوسف.شن حكيتو
انا.سالتني سؤال وبعدها قالتلي ارجي توافقيش عالراجل لعند الليل نبي نقولك حاجه
يوسف.شنو السؤال
انا.فوت
يوسف.شور فارس مه
انا وطيت راسي.اااه
يوسف.بتخطبك يعني
انا انصدمت لاني كيف بديت نجمع خيوط المكالمه زعمك!!!لالا مستحيل مستحييييل تبنيش احلام ورديه ياحياة
يوسف.حيااااة حياااة حيااااااااة
انا.نعم نعم
يوسف.ازح خليتيني بقروني تحلمي بيه من اول مكالمه خليني نعدي وعيشي في عالمك الوردي
انا.مااحقرك وتفكيرك تافه انا سرحت في حاجه تانيه
يوسف.عيني في عينك
انا.بطل عاااد
يوسف.ان شاء الله ربي يهنيكم مع بعضكم فارس كويس وتستاهليه وانت يا حياة كويسه
انا.تي اهدى اهدى😐وانته قريب تحجز الصااله راك تسرعت فش شي من اللي في بالك
يوسف.هههههههه به تو نشوفو علي كم تراهني
انا.تي اقعد فييييهها😑مااسمطك"وخشيت للدار قفعت الباب وقعدت نضحك من قلبي حتى لو اللي نفكر فيه مجرد اوهام فالاوهام حلوات مرة مرة"
#فالعشيه
كنت مقعمزة ولابسة توته نتفرج نين رن الجرس
انا.من
"مافيش رد"
#فالسيارة
فارس.ارجن شويه ندق الباب وبعدها انزلي ياامي بيش تقعدش مصبيه كرعيك يوجعنك
مروة رفعت حاجبها.تو ننزل انا وبعدها ننزلها معايا
فارس.عليش تعرضي في طولك فالشارع اقعدي نين يفتحو
مروة.قصدك تفتح
فارس.تي ازح راه نهبكك راه فتحنالك دلالة واجد
مروة.ههههههه انزل انزل
#فارس
دقيت الباب وانا ندعي من قلبي تفتح هيا
فتحت الباب وقلت.من وطلعت راسها الحركه الهبله اللي ديما تدير فيها وانحل شعرها نزل كان شكلها هوا هوا سماحتها صوتها تعابير الطفله في وجها وهي تقول من وصدمتها لما شافتني واخيرا ياحياة اخيرا بعد كللللل الي صار دفيت راسها جوه مزلت بعد هدا كللله نغار عليها كيف المراهقين وأشد سذاجة اخرى
#انا
.سمعت الصُّوت اللي طول عمره كان يقتل فيا الصوت اللي خلاني نذوب فيه الصوت ابتاع اكثر انسان نحبه فالتاريخ.
بحتت قدامي لقيته مصبي لابس لبسة حلوة وشكله يهبببل هوا هوا نفس مكان تغيرتش سماحته ولا اي شي فيه قعدت مطلعه راسي ونبحت نين شعري طاح كنت مستكه ونرعش
فارس دف راسي جو.تي خشي ولاتبيش تخليني نخش
خشيت نجري لداري وبعدها طلعت لدار يوسف
انا.يوسف اطلع بسرعه الباب يدق
يوسف.به به"وطلع"
.وقعدت مصبية فم الممر ونسمع فيه خاش هوا ويوسف.
وخشت مروة تلاقيت انا وياها فالممر جيتها نجري وهيا تجري حضنتها وقعدنا نبكو
بكينا بالعبرة ليييش مش عارف بس اللي نعرفه انه ماكنتش زعلانه كنت فرحانه فرحانه نين نبكي تمنيت ماما معايا وقتها
امه.كنكن اسمالله عليش تتباكن
مروة.لنا زمان علي بعضنا
امه.ربي يديم لقاكن
انا سيبت مروة وسلمت عليها.خير ياعميمة كيف حالك وينك معقوله لاتجيني بعد العزا لاشي معد شفتك بكل وانت عارفه اني عادتك كيف امي
امه.والله ياحبيبتي وانت كيف بنتي واكثر لكن اللي داره خوك يوسف
انا.مادخلش يوسف بيا انت تخشي للحوش ويوسف يطلع راك تنقطعي عليا مرة اخرى
امه.لا خلاص معد ننقطعوا ان شاء الله
انا.ان شاء الله
مروة.خشي ياعروس بدلي
انا.شنو
مروة.خشي البسي قفطان حلو واطلقي شعرك جايين نخطبوا فيك لفارس
انا.☺
"وخشيت للدار خطرت عليا هاجر"
انا.الو
هاجر.ايوه
انا.هاجر انتم حوشكم قريب نبيك تجيني توا ضروري
هاجر.اوكي كنك شن في
انا.جاييني خطاب فجأة ونبي حد يساعدني
هاجر.اوكي تمام في موالح حلويات
انا.جيبي ونسلكك
هاجر.تمام نص ساعه ونكون عندك
انا.نراجيك
"لبست فستان ابيض مورد وعليه دانتيل ابيض حلو واكسسوار بينك وطلقت شعري زي ماهو سرحته ودرتله قوس بينك وايلاينر وروج خفيف وقلوس وطلعت"
مروة.ماشاء الله ماشاء الله علي مرات خويا عليك سماحة
انا.سلمك
امه مبتسمه.قلتلها مروة تقولك قبلها بيش اقل شي تقعدي واتية
"وخشت هاجر"
هاجر.السلام عليكم
مروة.وعليكم السلام
انا صبيت خشيت معاها للكوجينه
انا.نحبك نحبك نحبك والله
هاجر.نموت فيك جبت 5اشكال موالح من كل واحد عشر اطروف وجبت كذلك حلو نفس الجو
انا.به تمام وهما جابو علبة كوليتي حطيها مع العصير
هاجر.كم لهم جايين
انا.توا
هاجر.تمام عدي حبيبتي هي
انا.تمام
"وطلعت قعمزت يلاهم"
امه.طبعاً حيوته انت بنيتي وفارس ولدي ومافيش خير منكم لبعضكم
انا.شكرا ياعميمة
مروة بهمس.من اللي خشت للكوجينه
انا.اخت هدى هاجر
مروة.ضايفتيها عالفيس
انا.اها
مروة.شن اسمها
انا.جوجو
مروة.اهااااااا قلتها نفس الوجه اللي فالصورة اصلا
انا خبطت وجهي بيدي.ضافها مه
مروة.اااه
انا.ههههههههههههههه
مروة.بعدي انا يبحت فهالمشرتله
انا.لالا تهبببل حرام عليك سماحة وذوق
"وخشت هاجر شايله العصير وشكولاطه"
مروة.قصدك هذي السفرجية اللي حكيتي عليها مرة
انا انصدمت من كلمتها
امه.كويس والله كان مهذا عطيني رقمها نلقاها فالعراس
انا.لا يابتي مااسمحها عالسفرجيات هذي اخت هدى
امه.ااااه يابتي اسفه حبيبتي والله ماقصدي
هاجر ابتسمت وخشت للكوجينه لحقتها
هاجر.معقوله هذي كلمة
انا.لخبطت تعرفكش
هاجر.مستحيل مش شكل سفرجية هذا
انا.ماهوو
هاجر.هذي مروة مرات يوسف
انا.اااه
هاجر.كيف عرفتني
انا.ماههو حضرتك في ايميله
هاجر.هوا اللي يدحنس وهو اللي ضافني تعدي تشوفه وطلقها يعني مفروض تفوته مش تمسك فالبنات
انا.اهدي والنبي علي خاطري
هاجر.به به ولعي الكوشه نعرفش
انا.به
"ولعتلها وطلعت لصاله وقعدنا نهدرزو في مواضيع الصبايا العاديات"
مروة.بنخش الحمام
انا.حوشي حوشك تعرفي المكان
مروة.اها نعرفه
"كنت عارفتها ماشيه لدار يوسف مش الحمام بس فتتها"
خشت للدار وبدت تتفرج عليها وحلت الدولاب وبدت تشوف في دبشه ولقت عطره قعدت ماسكه التيشرت وبخت عليه العطر وقعمزت عالسرير وبدت تشم فيه وتبكي
مروة.حرام عليييييك يايوسف حرام عليك ليش هكي
وبدت تبحت فالدار والديكور وكل شي ولقت حديدة ربط صغيرة يوسف ديما يلبس فيها خدتها
#وانفتح_الباب
يوسف انصدم.شش شش شن تديري هنا
مروة.اه ا ا ا ا ا ا ة اا نا بس كنت
يوسف.اطلعي تفضلي ومعش تخشي داري
مروة.كنت نحسابها دار حياة
يوسف.اها انا وحياة نفس بعضنا اصلا
مروة جت يلا الباب.والله اللي يغير كلامه بعد سنتين فش فرق بينه وبين اخته"وطلعت وصفقت الباب"
يوسف.عنبوام كلامها اللي توزنش فيه بكل
وطلع
#عندي
امه كانت تكلم فالتليفون
انا بهمس.ها شن صار
مروة.شن صار فالحمام
انا.عليا انا برضو
مروة.قاللي شن تديري هنا قتله نحسابها دار حياة قاللي كيف فش فرق بيني وبين حياة قتله ااه اللي عندش كلمه فش فرق بينه وبين اخته
انا.لا سلمك لامك والله
مروة.اسكتي تره ينرفز راه
"وطلع يوسف خش للكوجينه"
مروة.صبي صبي للكووجينه
انا.عليش
مروة.خوك خشلها
انا.وكان
مروة.فيها هاجر
انا.اااااه تي خليه اكيده بياخد ميه ويطلع
مروة.وعليش يدحنس فالحوش وفيه صبايا اصلا
انا.عمره مادارها شكله يقهر فيك بس.
مروة.اااااه ياربي
انا.استمري فهالحال ويصير خير معاه باهي تو كان ردك قابليني
مروة.اسكتييي
انا.به
#فالكوجينه
هاجر.تبي حاجه
يوسف.اها عصير
هاجر تفضل
يوسف.كنك حامقه
هاجر.شي
يوسف.ههههههه به
"وطلع من الكوجينه وانا خشيت"
انا رافعه حاجبي.شنو
هاجر.كنك يبي عصير
انا.هاجر يوسف لا
هاجر.مش حاطته في بالي وحق الله
انا.كنه يدحنسلك باه
هاجر.مش عارف والله انا كلام هذك اليوم ببصارة قلته
انا.فوتي فوتي خويا يدير في طروح لمروة
هاجر.عارفته بس مش حنكون انا اللي يقهرها بيها مش مهزله انا
انا.فوتيه انت بس وتو انا نشوفه
"وطلعت لوسط الحوش وكانو علي ويوسف فالمربوعة"
خشلي وضبح طلعت للممر
انا.كنك
يوسف.اطلعي خليه يشوفك وخلصوني
انا.كيف
يوسف.يبي يدير رؤية شرعية
انا.نلبس عبايتي
يوسف.هي به
"خشيت وقعدت تايهه كمية المشاعر اللي حسيت،بيها خيااال لبست عبايتي وطلعت"
امه.عليك طروح كلا فارس ماهو ديما يشوف فيك
انا من كترت الارتباك قلتلها.لا مش طالعه لفارس
امه انصدمت.مالا وين ماشيه
انا.قصدي يعني
مروة.هههههععع لخبطتيها و خوفتيها ياماما عدي عدي ياحياة نراجو فيك
انا.به
"وطلعت وصبيت فم المربوعة"
يوسف.خشي هي وانا.خاش نجيب في قهوة من هاجر
انا.خليك معايا علي تو مرات يدير طروح
يوسف.خشي بس
انا خشيت وحاسه انها زفتي مش غير الرؤية عمري.ماحسيت الاحساس هذا الا مع فارس سواء يوم مجدي.ولا قاسم فارس فالمرتين اللي صارلي معاه فيهن هالموقف كان يخلي في قلبي يدف
خشيت وقعمزت عالصالون ومزال ما رفعتش عيوني
فارس.
#يتبع
