اسفة ع التأخير بس كنت مشغووولة و حنعوضكم إن شاء الله
#حكاية_حياة
.....................
انا.الو
فارس.الو كنك
انا.انته كويس
فارس.الحمدلله كويس شن في كنك
انا.قريت علي انفجار خفت تكون فيه
فارس.موسعها بنغازي توقعتيها فيا ليش
انا.لاني عارفه انه حظي مستحيل يخليني نفرح بدون ماينكد عليا
فارس.اعوذ بالله معش تقولي هكي
انا.اوكي باي نرن علي علي ويوسف
فارس.به تمام
"صكرت ورنيت علي يوسف"
انا.الو
يوسف.الو
انا.كويسين فيكم حاجه
يوسف.الحمدلله كنك
انا تنهدت.به تمام
يوسف.ههههههه خوافه
انا.خفت عليكم
يوسف.باهي صكري توا
انا.والنبي فكوني من الرعايش
يوسف.اوكيي ياقذائف فكني من الرعايش ومعش تطيحن اختي الكيوت تتحملش
انا.خسارة فيك الرن
يوسف.تي صكري كان يخش خوك توا يحسابني فايت المحل ونهدرز
انا.هههههههه باي
يوسف.بالسلامه
"وصكر"
انا صبيت من مكاني وقلت نخش نديرلهم مقطع عالمهل هههههههه ان شاء الله يزبط.
خشيت وحطيت الطبيخه ابتاعه والقديد وبديت نعجن فيه ضربته وحطيت زعتر واكليل وحاجات هذين وقصصته وحطيته عالنار عالواطي طاب طفيت عليه وقعمزت عالنقال حولت الحظر من علي فارس ودزيتله اضافه شوي قبلني وقتي خشيت علي صفحته وقعدت نقرا في بوستاته كان ينشر في غزل اندلسي ديما من ايام لما كنت مزوزة ومطلقه لقيت تعليقات من وداد عليه وهوا راد عليها بقلوب بس واضح انه الوصف والكلام ليا كنت نقرا ومبتسمه وانا عارفه انه قاعد في صفحتي يفتش فيها اكيد شويه وخشلي خاص.
فارس.يابت
انا.ياعيون البت
فارس.هههههههههه سحرتي الواد يابت
انا.حبيبي ياواد مالك
فارس.كنك عليش ضايفه شباب
انا.عادي يعني اصدقاء وهكي
فارس.حلوة هذاه احدفيهم كللهم
انا.بس
فارس.احدفي امهم ازح
انا.باهي اوكي والبنات اللي عندك
فارس.في فرق هذكين زميلات عمل وقريبات لكن هذوم شنو
انا.اوكي به
فارس.انغار عليك بس،😎
انا.به بنسالك
فارس.من غير ماتسالي عمري مانشرت شي ماكانش لكي وعليك وبيك
انا.حتى انا والله
فارس.شن عشاكم
انا.مقطع
فارس.اووووو خاطري فيه بعدك
انا.ههههههه زعتر وقديد بنته فايحه
فارس.اممممم به سهفتيني
انا.خلاص جو باي
فارس.باي
"سيبت النقال وصبيت فتحت الباب لقيتهم مروحين هما الاثنين"
علي.بنة مقطع ابتاع امي
انا خنقتني العبرة
يوسف.صح والله
انا.ماقتلك بندير مقطع
يوسف.يستر الله الجلاء مصكر راه
انا.راه نلقاك تاكل بس
يوسف.هههههههع
علي خش بروحه خشيت،بنلحقه لقيته مصبي فالجنان ويبكي بعبرته مابيتش نخش قعدت فالكوجينه
يوسف فهمها لكن مابش يدوي
انا.للدرجة هذي
يوسف.لنقانها نفس البنه حطي جعت"وطلع"
"بديت نصب فيه فالصونية وحطيت معاه خبزة"
انا.علي تعال شيل الصفره بالله
"طلع من الجنان وشال السفرة وطلع"
لحقته وقعمزنا ناكلو
يوسف.باهي والله قبل عابي علي عشا من بيزا توقعتكش تعرفي
انا.ديما مستهين بقدراتي
يوسف.تي اوكي ياسوبر وومن ريت هالمقطع السمح
انا.هههههههههه علي بالله سمح ولالا
علي.سمح وكويس ديما ديريه
انا.عجب علي اللي مايعجبه العجب مزلت تشرط
علي.😒تتعرفيش تلمي السانك
انا.ههههههههههه
"وكملو وكالهم صبيت شلت الصفرة وضميتها وحطيت بخور وطلعت قعمزت عالتلفزيون"
انا.غريبة
يوسف.شنو
انا.هدى لعند توا ماجتش باركتلي
يوسف.بلكي مش فاضيه
انا.مهما كان ترن قولت مبروك انخطبتي ولا اي حاجه نين نرن نعزمها كيف الغريبات عالفاتحه
يوسف.تي فوتي يعني مش مهم
انا.لامهم انا نبي نعرف توا بتقرو فاتحه مع مأذون برواحكم ولا بتعزموا رجاله وتديرو عشا
يوسف.اسالي علي شوره الحاجات هذين
انا.اساله انته ماشور شي انا
يوسف.به به
"خشله فالدار"
يوسف.علي قولي توا الجمعه بتعزم انته وتدير عشا ولا عالسكيتي
علي.عالسكيتي عليش مزوزها بالدرقة انا لازم نعزموا مش عزومة كبيرة لكن لازم الناس تعرف رانا زوزنا اختنا
يوسف.اهااا باهي بنسالك
علي.شنو
يوسف.جو بيان تديرو
علي.كيف
يوسف.تعزم هي قريباتها وهكي وتلبسها ام فارس الدبله والجو هذا
علي.والله شوفها بجوها هذاه تبي تعزم تعزم
يوسف.باهي تمام
"طلع لقاني فالصاله نتفرج"
يوسف.اوكي بيعزم اااه
انا.يعني نعزم انا
يوسف.قالك بجوك
انا.به تمام
"خديت النقال"
انا.الو ايوا هدى
هدى.اهلين كيف حالك
انا.الحمدلله كنك لاجيتي لاقلتي مبروك عليك
هدى.لا غير عمل وقلة فضوة
انا.كان رنيتي حتى بالتلفون
هدى.اهو رنيتي انت عادي كيف بعضنا نحنه
انا.امممم به المهم راهو الفاتحه والبيان يوم الجمعه نبيك تجي من الخميس تساعديني
هدى.به نحاول
انا.بالسلامه
هدى.بالسلامه
"صكرت"
يوسف.كنه حسيت المكالمه فوق النفس
انا.وين نندري علي امها انا تكشخ
يوسف.فوتيها
انا.عليك قصة تو بندير موالح وحلويات ولا بنشري
يوسف.شريتهن ودورتهن شن الفرق
انا.فرق ممكن30و40جنيه دورتهن ارخص
يوسف.اشريهن معناها وفكك من اللبز
انا.باهي والكوافير والحاجات ابتاع البيان وكل شي المفروض مش انا نديره"وقعدت نبكي"نبي اخت تساعدني ازح شنو هذا شي شي كل حاجه نفكر فيها ونديرها بروحي البنات كلهن يقعدت متريحات في عرسهن الا انا
يوسف.كنك تبكي يامشفشفه توكل شي نديروه
انا.من يبي يساعدني توا من
يوسف.باهي ماعندكش خوات عندك خو تقول عسل وعندك صحبات
انا.مانقدرش نقوللهن تعالن
يوسف.لالا تقدري انت ديما تصبي معاهن صح ولالا
انا.اااه
يوسف.خلاص معناته كلميهن
انا.زعمك"ومسحت دموعي"
يوسف.هههههههههه كلا انت اوفر دراما.
انا.مش عارف بلكي
يوسف.بحتي توا انت شن تبي من السوق
انا.طالما بنعزم وندير بيان يبقى نبي حلويات ونبي موالح ونبي خلوط وعصير وشكلاطه
يوسف.اكتبيهن في ورقة ونطلع انا ووحدة من صحباتك نشروهن
انا.العب غيرها تو نطلع معاك انا عادي
يوسف.تبا😐
انا.ههههههههه بكرة من الصبح نطلعوا
يوسف.تمام به
#تاني_يوم
نضت الصبح فطرت وحطيتلهم فطورهم
علي.كيف مانكش فاتح اليوم
يوسف.لالا نبي نشيل حياة للسوق تبي تشري كم حاجه
علي.ااه به تمام
يوسف.صبي هي
انا.اوكي
"خشيت للدار درت كريمة واقيه ولبست عبايتي وطلعت"
يوسف.اكتبي في ورقة
انا.كتبته امس كلله
"طلع هوا وانا رديت جبت النقال وطلعت للسيارة القيته مسخنها ركبت"
يوسف.هي
"طلعنا نحنه الاثنين للحلواني قبل حجزنا اربع اشكال حلويات قهوة وعدينه للمعمل حجزت خمس اشكال موالح
انا.معليش نبي من هذا وهذا،وهذا وهذا وهذا80طرف كل واحد
المدام.اوكي امتى الاستلام
انا.يوم الخميس
المدام.اوكي 200توا
يوسف طلعهن مدهن لها
يوسف.شن مزال اخرى
انا.الخلوط"ونقالي بده يرن"
انا.شويه بس
انا.الو
فارس.اهلين حبيبتي
انا.انا فالسوق توا صكر
فارس.ياسلام وشن شالك للسوق بلا ماتقوليلي
انا.فالسوق قاعده
فارس صكر عليا
يوسف.من
انا.مروة تبي تهدرز
يوسف.اها به
اناا.الخلوط
المدام.عندنا كم تبي كيلو
انا.نبي 80باكو نستلمهن كاملات
المدام.اوكي40جنيه وعالاستلام
انا.تمام
ومدلها يوسف الاربعين وطلعنا
عدينا لابتاع الاماعين وهكي شريت حاجات نبوهن وطلعنا
يوسف.هيا شن مزال
انا.اممم الورقه خلاص تميتها
يوسف.تمام بكل لاني شبه فلست خلاص
انا.ا اا اهاا"ياعيني هذا يحساب الحلويات والموالح والخلوط هذا حد حقهن يحسابش هذا كله عربون"
يوسف.هي نروحو
انا.ااه تمام
"روحت للحوش مرهقه وفي نفس الوقت شاغلني فارس سلحت العباية،ولبست توتتي وطحت عالسرير بنرقد خلاص ررنيت عليه
انا.الو
فارس.الو شن تبي
انا.فهمتش امبدري كنك معصب
فارس.شن طلعك للسوق بلا ماتقوليلي
انا.طالعه"وقعدت نغمض في عيوني خلاص"مع يوسف مش بروحي
فارس.كنت سألتي البهيم خطيبك راني طالعه قوليلي بس قدر الموضوع ازف
فارس.حياة حيااة"بحت فالنقال لقاه مفتوح"
فارس.حيااة ردي كنك
فارس.حي علما شن صارلها هذاه نسمع في نفسها بس"صكر عليا"
فارس.الو
يوسف.الو يافارس
فارس.شن بنقولك
يوسف.كنك شن في
فارس.رنيت علي حياة نبي نسألها عالبيان دوت معايا وفجأة معش ردت ونسمع في نفسها شكله صارتلها حاجه ترا شوفها
يوسف صبى بسرعه من مكانه ولبس فنيلته وطلع لداري قعد يضحك
فارس.شن فيي ادوي
يوسف.راقدة والنقال علي وذنها من التعب مسكينه
فارس.رعشتني نعنشكلها
يوسف.صكر صكر
"وصكر يوسف وجاني"
يوسف.حيوو حيووو
انا.نعم نعم
يوسف.راقدة والنقال مفتوح ومش متغطيه عليك حاله
انا نطيت من مكاني.حي علما
يوسف طلع من الدار يضحك
انا خديت النقال ورنيت علي فارس
انا.الو
فارس.الو نضتي
انا.اها واعاني يوسف اسفه والله من التعب والارهاق نين بككل
فارس.مشكله خربتي عليا الهزيبه
انا.اين هزيبه
فارس.سمعتيهش
انا.لالا
فارس.ااااه ياربي صبرني المهم معش تطلعي بلا ماتقوليلي
انا.حاضر بس عليش يعني انا طلعاتي طشه للسوق وهكي ومع خوتي مش بروحي
فارس.مهما كان قوليلي اقل شي نحس روحي مهم عندك
انا.ياخيا والله اهم واحد انته بطل طروح
فارس.ههههههههه
انا.فارس نبييي.وسكتت
فارس.شن تبي
انا.خلاص فوت
فارس.شنو والله
انا.نبي نشري حاجات للبيان وفلوس كملن ونبيش نطلبهن من خوتي حسيها شينه عطوني فلوس نبي نشري حاجات البيان
فارس.باهي اوكي كم تبي
انا.مش عارف خمسميه ممكن
فارس.كيف نجيبهن لكي
انا.مش عارف
فارس.نجي نهدرز بعدين فالليل تو ندبر كيف نخشلك نعطيهن لكي
انا.به تمام
فارس.شن شريتي اليوم
انا.حلويات وموالح وخلوط واماعين
فارس.كيف صار؟
اانا.واحد صفق واحد طار كنك
فارس.وكيف يصير
انا.حمامه وطير هههههههههه
فارس.عنجدك المهم الحاجات ابتاعات
انا.ابتاعات شنو
فارس.يعني الشغل السمح ابتاع فيكتوريا هذا امتى
انا بعصبيه.فارس
فارس.تي كنك تنتي نسال بس
انا.قليل ادب
فارس.هههههههه تهبلي وانت معصبه
انا.خلاص بنصكر انا باهي رصيدي كمل
فارس.باي
انا.انحببك
فارس.حتى انا انحبك
"صكرت"
ورديت رقدت اخرى نضت فالعشيه خشيت للمطبخ حطيت صلصة تطيب وطبخت مكرونه وقعدت مكسدة عالنت.
بعدها صبيت حطيتهن في تباسي في صفرة وحطيت في وسط الحوش
انا.علي تعال كان ببتغدا
علي.تي قريب المغرب توا قولي عشاء
يوسف.ماهو بيش ماتديرش وجبتين
انا.متعب التسواي راه
يوسف.تنباله
انا.ههههههههههه
علي.بس والله يصير منك تسوايك،في طعمه وبنه
يوسف.ههههههههه هيجي هي
انا.اها مانحكيلك فرحت حسني
"قعدنا ناكلو ونقالي جنبي جتني رسالة رفعه علي وبحت فيها"
علي.من امتى يصرف عليك فارس
انا.شنو😳
علي فتح المكالمات ورن عليه
فارس.الو
علي.الو فارس من قالك مخليين اختنه بلاش نين حضرتك تدزلها رصيد
انا.😳😳😳😳😳😳😲
فارس.لا يعني شن فيها خطيبتي ودزيتلها
علي.لالا.فكني منهن الطروح هذين بعد توصلك في حوشك اصرف عليها لكن مادامها عندي مصروفها عليا
فارس.تي اوكي درت قصه علي عشرة جنيه،رصيد جن بالجو
علي.هي بالسلامه
فارس صكر دغري
يوسف يبحت فيا هك😏
علي.اطروح يصرف عليك فكيني منهن اه
انا.به بس هوا هكي دزه يعني انا ماقتلش
علي.اللي هوا
انا.شبعت الحمدلله"وصبيت للكوجنيه"
يوسف لحقني وعلي صبا طلع للشارع
يوسف.مش كنه فالسوق كان قلتيلي راه عبيتلك ولا خديتي من درج علي عليش تقوليله
انا.والله ماقتله باهي
يوسف.موقف سامط وعلي كتر على ماوصوه
انا.معناها بنقولك حاجه
يوسف.شنو
انا.امبدري قتله جيبلي فلوس
يوسف فنص.علييش ازح تطلبي منه شن ناقصك
انا.مش هكي بس حاجت البيان هوا مفروض يدفع حقها القفطان وكل شي
يوسف.شلتك وشريتي ولالا ومزال تبي تطلعي اخرى نشيلك
انا.نبيش نكثر عليكم
"خش علي للكوجينه"
علي.ماتكثريش زي مانحنه عندنه حق فالدكاكين هذين انت عندك لانهن ورث من باتي وانا مش مدقق في تقسيمة الصرف فيه لكن حقه ندس فيه نصرف منه عالحوش واللي تنقصه حاجه منه ياخدها وخلاص
انا.😶😶
علي.بكرة الصبح نحسبلك من المصرف.4000الاف اشري بيهن تمام
انا.به تمام واسفه عالموقف والله انا ماقتله ولاطلبت منه
علي.دويتلك حاجه انا دويتله هوا ومش عشان شي لكن عشان مايجيش في يوم ويقولك جيتيني مستحقه حتى الرصيد نشريلك فيه ولا يقولك نصرف عليك من وانت في حوش هلك فهمتي كيف ولالا
انا.صح معاك حق
علي.ديريلي قهوة بالله
انا.به
"طلع من الكوجينه درتله قهوة ويوسف ساكت مايدويش"
انا.كنك ساكت
يوسف.علي هذا تبحت فيه هكي تسحه سامط وجوه شين ويدير في مواقف نين تحسه يكرهك لكن لما تفهمه تلقاه يفكر صح وعلي بعد تلاتين سنه لقدام
انا.اها عاقل بكل
يوسف.كيفي انا بالظبط
انا.هههههههه حتى انته عاقل والله غير تسلم
يوسف.يستر الله التزليز هذا شن وراه شن مزلتي تبي
انا.نبيش شي لكن بالله نبي نكلم هاجر بكرة تطلع معايا نشرو قفطان ماتضايقهش
يوسف.مضايقه مني هيا
انا.اها تحسابك تقهر في مروة بيها وجعتها
يوسف.لا والله انا مروة نسيتها وفتت الموضوع
انا.علي من تكذب؟؟تي نفهم فيك راه لهفت عيونك علي نقالي لما نقول مروة تصبي يلايا بتسمع اي حاجه تقولها مذكرتك وصورها وكل حاجه اللي مزالن في اول درج وكل مانضم دارك نلقاهن متحركات يعني كل ليلة تشوف فيهن والله حرام عليك ياخيي تظلم في روحك وفيها
يوسف.غيري ام الموضوع
انا.به تو نغيره لكن راهي جايينها عرب وهلها موافقين وهي رافضه لكن مش حتطول بيش تقتنع
يوسف.كيف جايينها عرب؟؟
انا.اها واحد مطلق حتى هوا لكن على ورق بس كيف حالتها بالظبط
يوسف.باهي ربي ييسرلها الخير
"وطلع من الكوجينه بحتت فيه لقيته ركب للسطاح"
.طفيت عالقهوة وحطيت يلاها بشكوط وطلعتهن لعلي في وسط الحوش.
علي.كنه هذا ركب للسطاح
انا.اه مش عارف
علي.اهااا به
انا.تبي حاجه
علي.لالا سلم ايديك عالقهوة
انا.☺"وخديت نقالي من وين ماكنه مقعمزين وخشيت للدار"
انا.زعمك نرن ولالا نرن ولالا
انا.الو
فارس.نعم
انا.شن نقولك يعني
فارس.انا خوووك يدويلي هكي كنه عليييش شن لقاني دازلك نين يدوي هكي انا نتمعيل بالشكل هذا انت كيف تخليه اصلا يفتح النقال
انا.عادي يعني كنت نتغدى معاهم والنقال عالعام جت الرسالة شوي رفع وحقها
فارس.اقفليه النقال
انا.عمري ماقفلته وديما بيني وبينهم ثقه وعمرهم مافتشوه النقال ولا دوولي نجيش توا ونقفله
فارس.هذا ماخلاك هكي لانهم عمرهم مافتشوه
انا.خلاني شنو يعني
فارس.باهي انت مش تسمعي في كلام خوتك عليش رانه عليا شن تبي
انا.رانه بنقولك ماتجيش وماتجيبش الفلوس علي سحبلي فلوس من المصرف
فارس.اهااا نظام مانبيش منك شي يعني
انا.ماتقولش هكي عاد مش هذا قصدي
فارس.ها مالا شنو
انا.فارس حرام عليك والله تبدش تهزب فيا هكي نعرفش حتى ندوي بعدها"وقعدت نبكي"
فارس.خ خ خلاص عليش تبكي نتناقشوا نحنه اسكتي
انا.تدويش علي خوتي هكي نحبش الجو هذا هوا ماقصدش شي لكن يبيش حد يصرف عليا قاللي انت مش مستحقه خويا وخايف عليا والموقف صار غصباً عني تبدش تحاسب فيا عليه
فارس.اسف خلاص اسكتي بس بطلي بكا
انا.بارد
فارس.ماباردة الا انت
انا.وكلوط وعصبي وتمزط فيا وتخلي فيا نبكي
فارس.ههههههههه خاطري نفهم حاجه
انا.شنو
فارس.ليش دموعك يديرن فيا في هذا كله نقدرش نقاومهن ولا نقدر حتى ندوي لما تبكي
انا.هههههههههه غريب
فارس.بجد والله
انا.مش عارف
فارس.باهي مش حنشوفك فالليل يعني
انا.اصبر للجمعه
فارس.كان خلوني خوتك نخش
انا.مش عارف لكن ماانظنش
فارس.ههههههههههه ياعليك قصه،تو نقنعهم
انا.يوسف خش وسالم خش وعلي بس مابش يخش
فارس.خوك علي هذا ربي يعين سهى عليه
انا.لا والله طيب وكويس هوا بس تحسه غامض شويه
فارس.اها
انا.بس والله بفكر في مصلحتي ديما
فارس.امممم باهي قوليلي
انا.شنو
فارس.من اكثر حد تحبيه فالدنيا
انا.قامبول
فارس.عنجدك بكل
انا.ههههههههههه
فارس.هي والله بنصكر نبي نطلع
انا.نحبك انته من غيرك يعني
فارس.وانا نموت فيك
"صكرت وركبت للسطاح"
انا.يوسف يوسف ويينك
يوسف.انزلي ياحياة
انا.بس
يوسف.انزلي
انا جيت قعمزت يلاه.كنك معصب
يوسف.مش معصب
انا.لما تدخن تبقى معصب
يوسف.اها
انا.بس بنته سمحه بككل
يوسف.هههههههه
انا.بجد يايوسف والله خلاص رد انته ومروة
يوسف.
#يتبع
