هدي رواية منقولة من صفحة على الفيس و هي قصة واقعية صارت ايام ثورة 17 فبراير ....
تحكي على بنت و قصة معانة و كيف قاومت حتى وقفت على رجليها من اول و جديد
مجتمعنا مجتمع منغلق ديما يحط اللوم على البنت بدون ما يعرفو القصة و خليك على الإشعات الي تنقال بجد نقدم اكبر تحية لي البنت الي قاومت و مخلتش كلام الناس يأثر فيها
و حابه ان قصتها توصل لي كل ليبي و ليبيه لان نضرتهم لي بنت مغتصة انها هيا الي غلط بس لو فكرت شوية الدنب مش دنبها دنب الي اغتصبها كلمة راجل متنقالش لي اي ذكر تقال لي شخص الي يكون محترم و يحترم الناس و افعاله يتسمى راجل ......
ههههههه دويت هلبا و توا نبدو في الحلقة فوت قبل متقرو و تعليق بعد متقرو 😉😉
_____________________________________________________
___________
_______
____
__
_
..
#حكاية_حيااة
الساعه2فالليل كنت راقدة في سريري ومطفية الضي بس مش جايني نوم
نرجى فيها المكالمة هذي من زمااان مرايفه عليها وعلي جوها وعلي كل شي فيها
*رن النقال*
وكالعادة مابحتش فالرقم رفعته ورديت طول
فارس.الو
انا.الو من معايا
فارس.تي عاساس مش ساهرة ترجي فيها يعني
انا زرتني الضحكه.لاه يعني وشن بيضمني انك بترن اصلا
فارس.تعرفي سنتين مرن وقريب صكرنا التلاته وانا كل ليلة نقول رن عليها وهدرزوا زي قبل وصكر وبعدين نتراجع
انا.وانا كل ليلة فهالوقت كنت نرجا فيها كنت نقول لو رن حندوي معاه ونصكر بدون اي اسئله المهم نسمع صوته بس
فارس.حبنا غريب وواعر
انا.بس نهايته حلوة
فارس.الحمدلله
انا.امبدري قتلي بنوريك الدليل على اني كنت نفكر فيك طول الوقت وريني
فارس.حلي فايبر
انا.حليت
"شويه وجوني صور قدم ليا في فساتين وانا مبتسمه وانا نبكي وسكرين شوت لرقم فارس في نقالي لما كان اسمه
"فارس💔"
انا.شن جابهن عندك😲
فارس.مذكرة يوم اللي امك الله يرحمها رقدت فالمستشفى
انا.اهااا
فارس.لما جبنا نقالك خديتهن
انا.يوم اللي
فارس.يوم اللي حضنتيني وقعدتي تبكي لو كان في يدي وقتها راه وقفت الزمن عند هذك اللحظه
انا تنهدت
فارس.شن بتسميني توا
انا.كيف؟
فارس.زمان كان اسمي فارس وجنبه قلب مكسور وتوا
انا.مش عارف
فارس.خليه كيف ماهوا توا نقولك بعدها شن تسميه
انا.بالقلب المكسور
فارس.اااه
انا.به وانته شن مسميني
فارس.زيك حياة والقلب المكسور
انا.كسرنا قلوب بعض واجد
فارس.كسرتك لانك كسرتيني
انا نزلت دمعه من عيني.اسفه
فارس.انا اللي اسف خلاص وعد معش ندوو عالماضي بككل
انا.بااعكس الماضي جزء من حياتنا تناسينا لاه عمره ماكان حل للمشكله
فارس.صح
انا.نسالك سؤال
فارس.شنو
انا.حبيتها وداد
فارس.ليش تسألي
انا.بنعرف بس
فارس.تعودت عليها وتقبلتها وهي حبتني كنت نبادل فيها فالحب والمودة بس
انا.بس شنو
فارس.بس زي حبك انت ماوصلتش تعرفي لدرجة شنو
انا.شنو
فارس.لدرجة انها لما توفت كانت تحتضر قالتلي خود البنت اللي تحبها وصورها في نقالك
انا قعدت نبكي.حراااام
فارس.قتلتها الحرب زي ماقتلت كل حاجه حلوة فينا
انا.اهاا
فارس.وانت
انا.انا شنو
فارس.حبيتيه او حتى تقبلتيه
انا.انته مروة ماحكتلكش اللي صار
فارس.قالتلي طلقك ورديتي حوش هلك وشهدت معاك وخلاص
انا.خلاص فوت نبيش ندوي فالموضوع
فارس بصوت مخنوق.شن دار
انا.ضربني يافارس ضربني مرتين وبشكل وحشي لدرجة اثاره،قعدن فترة اشهور بيش حولن هوا فالنهاية كان من صدمته لا اكثر وتصبايته،معايا ماننساهش يكفي انه خلاني في شقته وكال وشرب ومصاريف علي حسابه نين،جا علي وانكشفت
فارس
فاارس
تبكي؟
فارس كان يبكي بس بصوت مكتوم.انا السبب انا السبب فاللي صارلك انا السبب في كل شي
انا.مش ذنبك انته دخلكش
فارس.كملي
انا.علي خش للشقه وقعد من الصدمه،يشمر فيا،ويطوح علي طول حذفته لدرجة صارلي رضوض لكن مادويتش وقتها شالني للحوش،وماكانش اهون من مجدي ضربني بشكل خيالي نين قفع،يوسف الباب وفكني منه حكيتله
القصه قعد من صدمته يهز فيا ويحكي يقولي ليش مادويتي عدى.جاب مروة وشهدت روح بيها وجا سالم ماكانش فاهم القصه قعد يضرب فيا وماما تحز نين جا يوسف وفكني وقال انه طلقها قهرني الحيوان مش عارف شن دخلها
فارس.لا دخلها انت كنت خايفه ومصدومه وهيا كنها ماحكمت ذرة عقل ودوتلي هي كانت عارفه اني نحبك ليش مادوت لخوك راجلها فالنهاية
انا.والله كانت تبي تقول اكثر من مرة وانا اللي نصد فيها كنت خايفه اخر شي نتوقعه انه علي يزوزني غصب
فارس.خلاص فترة وعدت
انا.اااه
فارس.بنسالك
انا.شنو
فارس.مزلتي تكتبي
انا.ااه وننشر عفيسبوك
فارس.باهي حولي الحظر
انا.هههههههه حاضر
فارس.تعرفي ياريتك جنبي
انا.عليش😦
فارس.بنبحت فيك بس بنشبع من عيونك وخدودك وفمك وشعرك ووجهك بنبحت فيهن ونتأمل بس
انا.انا مش سمحه لهدرجة
فارس.بس فيك حاجه غريبة انثى كاملة وطفلة صغيرة فس نفس الوقت
انا.☺☺
فارس.مذكرة يوم السيارة
انا.اين واحد
فارس.اول مرة تعترفيلي بحبك
انا.اهاااا
~~~~~~~
الشاب.اووو ياسمحه
انا.لو سمحت بعد واحترم نفسك
الشاب.تخافيش نبي منك الشيت ابتاع المحاضرة الاخييرة بس
انا.اها ابتاع الدكتور فلان
الشاب.اها الثقيل الدبه هذ
انا.ههههههههههههههه
"ومافطنتش الا وفي يد كارتني من يدي"
انا.انته هيييييه"وبرمت بحتت فيه لقيته فارس"
الشاب.تفهمش غلط ياخونا كنك انته
لكن فارس كرني من يدي للسيارة حل الباب القدامي وطوحني جوه وسكر الباب وانا نرعش وركب وسكر البطم
فارس.هذا اللي رديتيني عشانه اللي عاساس تبي تقري وتعيشي مع امك وتبيش تزوزي عشانه هذا الشلتوت المعفن اللي تجاهلتي حبي لكي عشانه
انا.فارس شن تقول انته
فارس.ششن نقول توا مش عارفتيني شن نقول نقولك انا ترديني عشان هذا
انا.انته فهمت غلط هذا مافيش بيني وبينه شي ولانعرف حتى اسمه يبي مني الشيت بس
فارس.اها اقتنعت توا صدقتك والله
انا.شن قصدك
فارس.ليش الكذب بس كنتي قلتيلي مرتبطه بواحد غيرك ومانحبكش مش تعطيني اعذار واهيه وتصكري عليا
انا تعصبت وفقدت اعصابي كنت نبكي.ومن قالك اني مانحبكش اااه
فارس بصدمه.شنو
انا.سكوت*فطنت لروحي شن قلت*
فارس.انت تحبيني
انا بعياط وبكا.اها نحبك نحبك نحبااااااااك*وغطيت يديا وبديت نبكي*
فارس.حياة انا
اناحليت الباب وبرمت عليه.انحبك وتحبني بس مش مكتوبين لبعضنا اسفه
~~~~~~
فارس.تعرفي جاني ارق ليلتها من كترت مافكرت ليش.قلتي هكي
انا.هههه بس غيور انته بككل ليش
فارس.هكي حسيك ملكي نبيش حد يبحت في عيونك نخاف يحبك زي ماحبيتك
انا.☺☺تذكر لما انته قتلي نحبك
فارس.وانا ننسى
~~~~~
كنت في دارك نبي نحدف من نقال مروة الحاجات
فارس.حياة تيالي عيب انك تسللي لدار حد وتدخلي بينه وبين اخته
انا.😳😳😳😳😳😳😳😳
فارس صبا من مكانه وصكر الباب بالمفتاح وخداه وبرم عليا
انا.ف فف فارس انا كنت نبي بس
فارس.فاطنلك من لما كنت تأملي فيا راه
انا.نب نب نبي نطلع حول حل الباب
فارس.انت خشيتي داري ومش حتطلعي الا بإذني
انا.فارس عيب تو حد يفهم غلط
فارس.وليش مافكرتي هكي لما خشيتي
انا.كنت نبي نشوف الساعه
فارس عندكش نقال ماله
انا.فارس خلاص ماتزرنيش
فارس قعد يقدم عليا وانا نوخر لين لصقت فالساس وكنت مشفشفه شعري
فارس.غلط خشتك وغلط مسكتك للنقال
بس حنمشيها لكي عشان غاليه عليا
انا كانت بنة عطره مدوختني عالاخر وقربه مني ماخلش فيا حيل.باهي وخر خلاص بنطلع"بصوت يرعش"
فارس.اطلعي باه
انا.كيف بنطلع وانته مقدم وخر
فارس.مانيش متحرك
انا.فااارس عاااد
فارس.احكيلي ليش تبكي كل ماندوي معاك وشن الشي اللي داستيه وقلتي مأساتي مايقدر حد يخفف عليا فيها نطلقك
انا.نبيش نقولك باهي مش غصب هوا
فارس.خلاص معناته دبري كيف تطلعي وخدا المفتاح حطه في جيبه ومدلي يستيك كان في يده.لمي شفاشيفك حمو هنا حميتلك
انا.فارس نبي نطلع
فارس تربع في وسط الدار.احكيلي اللي مضايقك خليني نساعدك تطلعي
انا.مانقدرش والله مانقدر نبيش نقول راعي مشاعري عااد*خنقتني العبرة*
فارس صبا من مكانه.حياة انا نبي نساعدك بس
انا.صدقني تقدرش تساعدني الا بشفقه وانا نبيش شفقه حد
فارس.انت مريضه
انا.لالا
فارس.باهي شنو ازح احكي*وقدم شوري* رقتلي منه عليك تسلط فيه قدمت عليه ودفيته وحطيت يدي في جيب السوريه وطلعت المفتاح
انا.وخر من عالباب نبي نفتح
فارس.تاريتك قويه
انا.تخلينيش نعيط نلم عليك الناس
فارس.ديريها عنديش مشكله
انا.فارس وخر من عالباب تعصبنيش
فارس.وشن بتديري كان عصبتي
انا رقتلي منه بكل قدمت عليه بقوة وبديت نضرب فيه علي صدرة .وخر وخر وخر
فارس.هههههههه شرسه*ووخر من عالباب*
انا فتحت الباب متعصبه وبنطلع
فارس.حياااة
انا.نعم😡
فارس عزقلي العطر مسكته.هاكي ومعش تبخي عطر حد عيب
انا.😳😳😳😳😳😳
وبعدها لما روحت للحوش سهرت الليل جت الساعه2ورن نقالي
خديته من دون مانبحت فالرقم عارفتك انته
انا.الو فارس شن تبي عليش ران
فارس.كنك تدوي هكي
انا.عاساس مش داير شي انته
فارس.تي نحلف عليك عاجبك الوضع وكنت مقعمزة تفكري فاللي صار وتبتسمي
انا.وعليش بنبتسم ان شاء الله
فارس.لانك تحبيني
انا.شنوه😳
فارس.لأنك تحبيني*سكت شويه*
وأنا نحبك *سكت شويه*
ونبيك *سكت شويه*
ورايدك بالحلال *سكت شويه*
نبي نعيشو مع بعضنا*سكت شويه*
وتكوني مراتي وام عيالي *سكت شويه*
حيااة حياة اووو حياة قصدك تبكي ايييه ردي ازح.
وقتها كنت نبكي بعبرتي جت اللحظه اللي خايفه منها وماقدرتش نمنعها اعترف بحبه وخرب علاقتنا كنت نبي نرد عليه ونقوله نحبك ونبيك ونتمنا نعيش معاك بس اسفه يافارس😞انا إنسانه غير صالحه للزواج خديت النقال ورفعته
فارس.حيااا اووو حياة ازح تبكي نسمع فيك تشهقي
انا.اسفه فارس بنصكر
فارس.ليييش اقل شي ردي عليا حياة ماقتلكش شي غلط انا ومش ناوي الا الحلال ماتردينيش هكي
انا.فارس لو سمحت تصعبش عليا الموضوع اخرى انساني خلاص انا مانبيش نزوز ولانبي نحب ولا شي نبي نقرا بس
فارس.لو عالقرايه اقري عندي عادي او نخطبك ونرجاك ليين تكملي
انا.اسفه انته مش فاهم وانا مانقدرش نقول*وصكرت*
~~~~~~~~~
فارس.تعرفي يومها كرهت حبي لكي اللي خلاني نتمسك فيك بهالطريقة وانت تصدي.فيا
انا.تعرف ليلتها من البكا لدرجة عيوني تورمن وقعدت تاني يوم نديرلهن في كمادات
فارس.هههههههههه تخيلتهن منفخات
انا.عههههه شكلهن الله لايروعك
فارس.باهي تبي عرس من جدك
انا.ورس فاااااارس نبي عرس
فارس.راح فيها فارس وعدى فيها العرس
انا.ههههههههههههه والله نبي عرس
فارس.خلاص الجمعه الجايه الفاتحه وبعد شهر العرس
انا.تمام
فارس.شن اخرى
انا.اثاث الحوش
فارس.كنه
انا.شنو بتديرله
فارس.نغير ديكورة نبرم عليه بس اني نشريه من الاول جديد حنتكسر بكل شايفه وضع البلاد
انا.لاعارفه اكيدد نقصد دار النوم يعني
فارس.كنها_😈
انا.تبيش تغيرها
فارس.عليش شن بنديرو فيها نحنه كيفها كيف باقي الحوش
انا.عنجد هذ
فارس قعد يضحك.كنك
انا.حبيبي مستتحيل نعيش في دار ابتاع مرا غيري
فارس.شنو
انا.🙊🙊
فارس.واخيراً سمعتها منك ياحبيبتي
انا.حبيبي وقلبي وروحي وكل شي
فارس.حيه عليا درت جناية
انا.شن قصتك انته
فارس.تذوبي فيا انت هكي واانا نتحملش
انا.بطل سماطه عاد
فارس.نردو لدار النوم كنها
انا.غيرها
فارس.يا شنو
انا.ياقلبي
فارس.ياعيوني انت حاضر بس قوليلي
انا.شنو
فارس.شن بتجيبي للدار
انا بنت وعصبيه.فارس
فارس.مزلتي عصبية
انا.هههههههههه
فارس.نحببببك اخرى مش بس حب لالا تخطيتها المرحلة هذي
انا.من يقول فالصبح كنت حاسه روحي خلاص خسرتك للابد ومستحيل نكون لبعض وفالليل مخطوبين وتقولي نحبك
فارس.من يقول الحمدلله ربي كاتب نصيبنا مع بعض
انا.الحمدلله
فارس.نبيش نصكر
انا.حتى انا هههههههه
فارس.الساعه كم
انا.الفجر اذن
فارس.صبي صلي وارقدي وبكرة اول ماننوض نرن عليك
انا.تمام به
فارس.نحبك تصبحي عخير
انا.نحبك وانته من اهل الخير
فارس.وانت من اهلي😘
#عند_علي
علي.الو
سهى.الو
علي.شنجوك
سهى.اهو كويس بديت نطلع نشري في حاجت العرس ارهااااق
علي.اها ربي يعينك مزال شهرين حاولي تلحقي
سهى.امتى بتبدى فالصيانة ابتاع الحوش
علي.بعد عرس حياة نبدى
سهى.كيف مش قتلي بتقعد معانا هي
علي.لالا اليوم انخطبت وعرسها بعد شهر خطبها فارس
سهى.عرس!عرس يعني صالة وهكي
علي.لالا يلفو عالنار سبع مرات ويديرلها خط حمر
سهى.قصدي ماهيش شباب هي ولافارس صغير
علي.والله الراجل يبي عرس بنقوله لا
سهى.باهي الحمدلله
علي.كيف يعني
سهى.كنت عابية عليها بتقعد معانا شايله همها
علي.وعليش شايلتيه
سهى.حسيها طبعها وااعر كم مرة احتكيت بيها وانخاف نقعدو في نفس الحوش يبدن بينا مشاكل انا اصلا بيتوتية ونحبش الاحتكاك واللمه
علي.اهااا فالنهاية حوش هلها هذا
سهى.باهي بس سالم عنده فيلا ويوسف عنده شقه وحياة ازوزت يعني مافيها شي كان كتبته باسمك
علي.كيف!!هذا حوش العيلة ويبقى باسمنا كلنا وديما مفتوح
سهى.يعني قصدك جمعة الجمعه والاعياد والزرادي عندي
علي.اااه
سهى.والله يعني هدى ومرات يوسف بيجن متأنتكات كل مناسبة وحوسي عليهن ياسهى اصله حوشك حوش العيله
علي.تي شن،تحكي انت علي حوسة
سهى.علاوي انا الكلام هذا اول مرة نعرفه عاساس الحوش بيقعد لكي وموضوع اللمات هذا ماعندش بيه علم فوته اشرو مزرعة ولاحاجه والتموا فيها ولا اشري شقة برة نعيشوا فيها الا هكي انا مستحيل نرضى
علي.الحوش حوش العيلة ويبقى ديمه مفتوحلها عاجبك باهي مش عاجبك مزلنا عالشط
سهى.بتسيبني
علي.شن نديرلك عااد انت مش واخدة راجل من الميتم نين لاتبي هله لاشي انت واخدة كبير العيلة توا وهذا الحال عجبك مرحبتين عجبكش نعاودلك مزلنا عالشط
سهى.لاحظ انك تاني مرة تقولها يعني مستهين بيا كيفي كيف قلتي"وقعدت تبكي"
علي.سوسو ياحبيبتي والله ماقصدي كلامك رقاها ليا ماتبيش هلي شن معناها تبينيش
سهى.مش هكي والله لكن قصدي انا متعب الموضوع عليا انا نحبش الخلطه والناس وهكي
علي.انا ماقتلك طول النهار عندنا هيا جمعة فالشهر ولاالعيد بنلتموا فيه كلا غيره مااضنش عيت سالم هما الاثنين يشتغلوا ويوسف مايحبش كثرت الطلوع يعني كان ازوز مستحيل انه كل جمعه بيجي وحياة ممكن ومااظنش كل جمعه بتجي كل فترة وفترة بتجي وخلاص
سهى.به به
علي.خلاص اضحكي بلا طروح
سهى.نضحك تحقش فيا انته
"دقيت انا الباب"
#قبلها_بشويه_عندي
"صكرت وقعدت مبتسمة ونبحت فالسقف خطم يوسف من يلا الدار ولع عليا الضي
يوسف.سكنهم في مساكنهم يالله😂كنك مبتسمه وتبحتي فالسقف
انا بحتت فيه.نقولك حاجه
يوسف.هايامختله
انا.تعال نديرو بيتزا
يوسف.اشمعنى
انا.ههههههه خاطرات عليا ذكريات من بينهن ليلة اللي درنا بيتزا
يوسف.اه لما رن فارس ودويتيله عاساس مروة وقعدتي تلهي فيا بيش مانسالهش
انا.ايييواه-_-
يوسف.ههههههههه صبي هي
انا.انته تعجن
يوسف.وعليش
انا.اظافري طوال
يوسف.فكيني منهن قرف تو نعجن
انا.علي واعي
يوسف.يكلم قاعد
انا.امممم😈
يوسف.كنك
انا.عدي اعجن عدي علي مالحقتك
يوسف.هي
"عدى يوسف للكوجينه وانا جيت لدار علي"
انا.علييي"دقيت"عليييي
علي عاساس راقد.نعم
انا.تعال كول بيتزا
علي.نبيش
انا قعدت ندربك عالساس.تعال ياراجل والله سمحه
علي.زممري قلنا مانبيش
انا ندربك .تي فيها جبنه حيييه حييييه وزيتون حيييييه "وجا يوسف يرقص""فتح الباب بقوة يوسف هرب""
انا.شكلك كنت واعي"لقيته ماسك النقال"
علي.مانبيش ناكل
انا.تي فيها جبنه تعااال
"سمعت صوت وحدة.فالتلفون"
انا.هذي فاطمه
سهى.من فاطمه
علي.من فاطمه😱
انا بسذاجة.فاطمه اللي فالعمل
علي.اين
انا.هذكي الليي ساكنه طول النهار مكالمات
علي.تي هذي لها شهور ناسيها وانتقلت من العمل
انا.صااح غريبة لعند من اسبوع تلاقينا وقالتلي مزلت انا وعلي على تواصل
علي.😳😵😱😲
انا.المهم كان تبي بيتزا تعال
"وعديت لقيت،يوسف مصبي فالممر يسمع فينا ويضضحك لين وجه حممر"
#عند_علي
سهى.فاطمه صااار وانا نقول كاثرات انتظاراتك وتقولي عمل عمل تاريته فاطمه ضمن العمل
علي.تي شن تحكي انت
سهى.عليش هكي تي عرسنا بعد شهرين تهدرز مع هالفاطمه لييش بس
علي.انت انهبلتي حياة تبصر بس عارفتك عالخط وتشفط
سهى.مافيش بينه بصارة انته ترقع بس
علي.نكذب عليك يعني
سهى.مانندريش عليك
علي.باهي بعد تندري رني عليا
سهى.اقلبها عليا توا
علي.قلبتهش انت غلطانه اصلا"وصكر عليها"
#عندي_انا
جيت ليوسف طايح فالممر ويضحك
انا.تعابير وجهه خيااال
يوسف.ليلته سودة اكيدة
انا.خليه ههههههههههه
يوسف.هيا عجنت وحطيتها فالطواجين ديري الباقيي بناكل واحكيلي
انا.شن نحكيلك
يوسف.شن اشارطتو انت وفارس
انا.ماشرطتش شي
يوسف.وهوا
انا.ماشرطش شي
يوسف.لاقال اشروطيي موافقه عليهن هي
انا.اهاا
يوسف.المهم تفاهمتو
انا.ااااه
يوسف.تمام به
"وولعت عالبيتزا وطلعت انا ويوسف قعمزنا فالصاله طلع علي حامق"
علي.هذا مالقيتي ماتقولي
انا.شنو😊
علي.فاطمه لهااا زمان منتقله وناسيينها
انا.احسبتها هيا سألت كنك شن فيها سؤال
علي.😡😡😡😡😡😡
انا.كنك راقيلك انته
علي.كني شي"وخش للحمام صفق الباب"
يوسف.ههههههههههههه شكله صار فيها الجو ابتاع والله مانعرفها ياسوسو
انا.هههههههههههههه والله اسف ياسوسو
علي.سمعتكم ياكلاااب
يوسف.حي علمك حي
انا.عادي شن بيدير
يوسف.فاتحتك الجمعه الجايه توقعي منه اي لقطه
انا.😟حي حي شن يدير زعمك
يوسف.توقعي اي حاجه
انا.لااا تو اكيدة يخلش فروسي يخش😢
يوسف.تي تحشمي علي وجهك"وطلق فيا المخدة"
انا.نصبي نشوف البيتزا😒
يوسف.صبي صبي حليتي دلالة
"علي طلعت علي من الحمام"
انا.علي نحطلك بيتزا
"عزق فيا المفاتيح وانا جريت جن فالساس"
علي.عنبو البيتزا اللي الساعه 6الصبح صبي يايوسف لشغلك وتي روحك وصلي الفجر صبي
انا.هههههععهههههه "وخشيت طلعتها وحطيتها في تبسي معاها عصير وطلعت"
قعمزت انا ويوسف ناكلو طلع علي من الدار بحت فينا وجا قعمز
انا.مش قلت ماتبيش
علي.خير من وجك
انا.تو يايوسف اين خير انا ولا البيتزا
يوسف زمط اللي في فمه.البيتزا بدون وجه مقارنة
انا.خزي
يوسف.تي انت كيف جاتك الجرئة تقارني روحك بيها اصلا
انا.هاااابا
يوسف.ههههههههههه بعد خطرها عالبيتزات والبيزات قالو جماعة نعرفهم ياكلو في خواتم عند بيزا
علي وجه سبعين لون
انا.ياكلو في خواتم😅
يوسف.اها جابولهم خاتم في تبسي البسوه
انا.😂😂😂تي ااااااه قالتلي صحبتي عليهم يهبلو كانو
علي.صبى من يلانا بدون ولا صوووت
"صبى للدار لقى سهى ترن"
علي.نعم شن تبي
سهى.كنك هكي اسلوبك
علي.من سماحت اسلوبك
سهى.اسفه
علي.تو ياهبله عرسنا بعد شهرين وبنخونك واحد يشيلك لمطعم ويديرلك جو رومنسي ويكبسه خوه ويذله بيها كللله عشان تقوليله نحبك بس يخونك
سهى.عارفه لكن اعصابي تعبانه اصلا
علي.حسيتك اصلا تفترشي في كلام واجد اليوم
سهى.تعبت ياحبيبي تعبت
علي.كنك حبيبتي شن في شن مضايقك
سهى.هكي نفسيتي تعبانه ومضايقه
علي.من شنو
سهى.ملتمات عليا القراية وضغط العرائس والحاجات نبي نوتي كل حاجه قبل العرس ونبي نقرا كنت عابية نكملو قراية قبل العرس لكن اظطرينا نكملو لعند نهاية السنه وزيدها بنات عمي اللي طول النهار كلام بايخ ودوة ويفتنن فيها بين بابا وعمو كلله عشان رفضت خوهن لما جا
علي.ربي يعينك هيا صعبة لكن انت تقدريها ورد بالك تسيبي قرايتك وتهمليها كملي بيش تاخدي الشهادة وتحققي حلمك وبعدين شن قصته خوهن
سهى.واحد متخلف كل حاجه عنده لا سيب المتخلفات اللي كيفه كلللهن وجا لوحدة تقرا وتسوق وقاللها سيبي السواقه والقراية وشغل مافيش وتلبسي خمار وتقعدي فالحوش وهو حتى شغل ماعنده رفضته هنه رقتلهن كيف نرفض خوهن
علي.امممممم عليك قصه باتك شن رايه
سهى.بابا عادي عارفني اصلا وراضي من قبل وهوا قاللي ارفضيه لو تبي توافقيش عشان ولد خويا
علي.خلاص تمام معناته تعبريهنش
سهى.وفي نفس الوقت خايفه ياعلي خايفه"وقعدت تبكي"
علي.شنو حبيبتي كنك تبكي اخرى دموعك يقهرن فيا راه
سهى.كلهم يقولولي غيري مجالك خودي مجال ساهل البشري صعب تقدريشي وراجلك حيمل ومعش يبى يوصلك وحتهمليه وتهملي حوشك بيش تقري وكلام هك
علي.اهاااا ومن قالك اني اصلة ممكن نسمحلك انك تسيبي قرايتك زي ماانا تخرجت من هندسه وحققت غايتي ودرت مكتبي حتى انت تحققي غايتك وتقعدي احسن دكتورة قلب بعدين مش تسوقي انت عدي بروحك
سهى.لا ماهو قبل قلت نسيبها لما نزوز
علي.عليش
سهى.هكي يعني احسبتك ماتبيش
علي.لالا سوقي انا اهم حاجه عندي القراية حتى حياة زيزتها الاولى غصبتها عليها عشان مجالها حلو، ونبيها تقراه برة بس يلا كانت غلطه كبيرة كان لازم يكون برضاها
سهى.هي ليش تطلقت
علي.اسباب خاصة بيها
سهى.اهاا به
علي.خلاص معش تفكري هكي بكل باهي وانا حندعمك نين تكملي والجاهلات هذين فوتيهن
سهى.امبه انحببك يااحلى واحد فالدنيا
علي.وانا نموت فيك
"وصكر.وطلع من الدار مبتسم وانا "ويوسف مصبيين ندوو نوصي فيه علي حاجات من الدكان"
يوسف.شكله صار فيها اسف ياسوسو سامحاته ومشا الجو
واشتغلت عندي الضحكه الشهدارة
علي بحت فينا.كنكم
يوسف.لا شي شخبار،سوسو😊
علي.سوسو من!
يوسف.خطيبتك يارا
علي.تي كنك رايح لاتستحي لاتتحشم انته
يوسف.ضاربني الجفاف يااخي
علي.احترم روحك قدام اختك
يوسف.نقوللها اخطبيلي تقولي غير مروة لأ شن ندير
علي.عنجد هذ حياة كانهو يبي يزوز دوريله وحدة وبلا نقاش فالموضوع لانه معاه حق
.انا وطيت راسي وتحشمت لانه فالنهاية موضوع حساس وعلي طلع من الحوش صكرت وراه الباب وخشيت ليوسف كان راقد قعمزت علي بطنه
يوسف.حولي مااثقلك حووولي.
انا.عليش هكي قدام علي ااه عليش"وقرصته"
يوسف.اخطبيلي
انا.غير مروة لأ وتو تشوف لوكان توافق نسحرك انا وياها.
يوسف.نقولك شوفيلي هاجر
انا.مرتبطه
يوسف.باهي المختله اللي امس
انا.بيس قصدك
يوسف.اااه صح مختله بس طرف نعالجها وناخدها
انا.تي مش هكي هي قالت لباتها خوتها مش قاعدين عرفت كيف وخافاتك تفتح باتها يهزبها
يوسف.اهااا وعليش تضحك باه
انا.ههههههههه عجبها منظر وجك لما انفجعت
يوسف.عجبتها انا ولا وجي بس😎
انا.لالا تخافش هذي بالذات تحبش الرجاله بكككل
يوسف.،😳😳
انا.لا يابهيم🌚نقصد انها تحبش ترتبط وتدير علاقة
يوسف.ليش شن فهمتي انت🌚
انا.لافهمت شي🌚
يوسف.طالع للمحل انا
انا.راك تنسى اللي فالورقة
يوسف.ماندير شي الا نصرف فالدخل كله عليك باهي اللي بتزوزي قبل مانفلس بعلي
انا.ههههههههههههه عدي بس
"وعدى هوا طلع وانا ظلمت الحوش وقعمزت رقدت ليين قيس الاثنين نسمع فالباب يدق صبيت حليت"
يوسف.شن الغدا
انا.خداني النوم درتش غدا تو نجيب بيتزا
يوسف.قريب نقعد بيتزا ستيف انا ازح
انا.من بيتزا ستيف هذاه
يوسف.اللي فالعم جدو
انا.تحضر فيه حتى انته
يوسف.ههههههه فيه جو
انا.ههههههههه عليك سخافه
يوسف.طلعي بيتزا طلعي تو نشيلها لعلي مسكين ياكل
انا.وعد الليل تتعشوا مقطع باهي
يوسف.به به صدقتك تعرفي تديريه عاساس
انا.تيالي نعرف تو نجرب
يوسف.نوصي علي سندوتشات من بيزا احتياط
انا.ااه وبيبسي بالله
يوسف.يعني واثقه انه حيفشل
انا.ههههههههه
"نقالي يرن"
يوسف.نقالك
انا.حل وافتح المايك مش فاضيه ايدي مسخات بنقص البيتزا
يوسف.به
"فتح النقال وحل المايك وقعد مبتسم"
فارس.صبح الحب حبيبتي
انا من الصدمه الطاجين طاح فالكوشة وخشيت نجيب فيه
يوسف.شن قلنا عالمكالمات نحنه نرنها طريحة ونمسكها من شعرها ونقوللها كنتي تكلمي فيه زي مادرت انته
فارس.اختك هذاه دير اللي بتديره بس وينها توا وكيف انته رديت
انا قعدت داكه راسي فالكوشيه عاساس ماسمعت شي ونطلع فالبيتزا
يوسف.داير روحها نعامة دفنت راسها فالكوشه وعاساس تسمعش
فارس.هههههههههههههههههههه
يوسف.معش ترن عليها اااه الا تاني يوم الفرح
فارس.باه باه غير اعبى
يوسف.تو ناخد النقال وخلاص
فارس.ههههههههههه تي ملح وينها
يوسف.يارا سكتتلك واجد شكلي حياة مافيش توا نبي نتغدا
فارس.سمسام جدي
يوسف.في بطنك وجك هي"وصكر عليه"
يوسف.هييي طروح النعامه هذين عليش طلعيلي البيتزا بناكل
ماكانش عندي وجه نطلعه اصلا
يوسف.ياحول الله "وكرني طلعني بالطاجين بكككل قعدت عاساس نرتب فيهن فالتبسي"
يوسف داير روحه يمسح في دموعه.سبحان الله جا الوقت اللي شفتك فيه متحشمه ووجك حمر انا فخور والله
انا.وجهي حمر
يوسف.ههههههههههه بكل
انا.خلاص هاكو حطيتها في تبسي ومعاها قزير
يوسف.تعبتي واجد صاح
انا.ههههههه بكككل لدرجة بنخش نرقد
يوسف.ههههههههه به
"وخذا التبسي وطلع" لحقته صكرت وراه الباب ورديت للكوجينه خديت بيتزا والنقال وخشيت لداري"
رنيت علي فارس صكر عليا وعاودلي
فارس.عليك ثقه عندك يوسف يفتح النقال ويحل السبيكر
انا.مش دايرة شي غلط نين نخافهم يفتحوا النقال حتى اللي ندوي معاه خطيبي
فارس.به كويس بس فوتيها لقطه شينه
انا.بككككل والله من الحشم نين قعدت فالكوشه عاساس نقص فالبيتزا
فارس.ااها قاللي رايحة كيف النعامة
انا.ههههههههههه كنه هكي عااد
فارس.نحبك يانعامة
انا.ونموت فيك يانعام
فارس.كيف
انا.انا نعامة وانته نعام
فارس.هههههههههههه وتقري بشري اخرى نعامة راجلها نعام والزرافة
انا.راجلها زراف
فارس.واللبوة مفروض راجلها لبو صاح
انا.صح ولله!غريبة🌚
فارس.غبية
انا.تقولش غبية انته غبي كان مهذا في حد يحب نعامة
فارس.هههههههههههههههه هبله
انا.تحبها الهبله
فارس.نموت فيها
انا.شن غداكم
فارس.رز بالتقليه
انا.نحنه بيتزا
فارس.نجيك تعطيني
انا.لالا فارس فوت
فارس.عليش
انا.مهمه كان مش كانهم مشيين حاجه واتنين نقرن بيهم ونجيبك للحوش عيب
فارس.باهي ياستي الجمعه لناظره قريب
انا.هههههههههههه
فارس.باهي كساد
انا.بكككل
فارس.شن نديروا
انا.كنت نبي نقرا كتاب شيفرة دافشني توا
فارس.قاريه قوي بككل
انا.صاح معناته نقراه
فارس.قريتي كتاب ارض الاله
ابتسمت عرفته شن بيقول.ااه قاريته
فارس.تعرفي لما قريته كانهم يوصفو فيك لدرجة قعدت نتخيل فيك وهوا يدوي وغرت عليك من كاي
انا.حي عالهبال يعني تتخيلني في دور شخصية وتغار عليا من البطل يامجنون
فارس.وخليتي فيا عقل انت
انا.هههههههههه صار ذوبتك كيف كاي واشر
فارس.مش غير
انا.باهي نبي نصكر انا توا بيش نقرا
فارس.فالليل لما تفضي رني عليا نعاودلك
انا.عليش تعاودلي يعني
فارس.هكي
انا.عادي مرة نرن عليك ومرة ترن عليا نحبش جو انا بس نصرف عليك ونبيش منك شي وهكي
فارس.مش هكي لكن انا مانبيش ندزلك رصيد مرات ماتعجبكش الحركه فنرن عليك برصيدي خير
انا.لالا ماتدزش ولما نرن عليك رد الحمدلله عندي رصيد
فارس.اممممم به
انا.باي هي
فارس.باي
"وصكر وانا بديت نقرا جتني نية نفتح الفيس فتحته لقيتهم مكتوب انفجار في$$$$$$حسيت قلبي وجعني دغري رنيت علي فارس
انا.الو الو
#يتبع
