............
فالليل سمعت صوت تخبيط وبكا جاي من دار علي صبيت واسحبت صبيت قدامها وسمعته يقول
علي.كل شي ماعنديش فيه حظ كل شي
*وضرب المراية بيده*لييييييييش ليييييش
خشيت للدار
علي بحت فيا وانصدم.اطلعي
انا.كنك شن في
علي.اطلعي وصكري الباب
انا.احكيلي شن في قبل
علي.مانيش حاكي حاجه خاصه بيا
انا.علي انته تبكي؟؟احكيلي كنك شن في
علي.اطلعي مانبيش نحكي مع حد
"طلعت وانا راقيتلي منه ومستغربه فيه"
وفطنتله شويه وطلع للشارع لحقته لقيته يهدرز مع صاحبه فم الحوش خشيت.
~~~~~~~~~~~~~
علي.الو مصطفى وينك
مصطفى.فم الحوش مش جايني نوم كنك ياطير
علي.تعالي نبيك
مصطفى.تم اني جايك
"خمس دقايق وكان قدامي"
مصطفى.كنك شن في
علي وهوا يبكي.ماتت ياراجل ماتت
مصطفى.من
علي.اسيل
مصطفى.حبيبتك؟؟
علي.اها حبيبتي وروجي وحياتي
مصطفى.كنها
علي.رنت عليا توا اختها قالتلي ماتت وهيا تنطق في اسمك
مصطفى.
علي.كانت تقولي ماتديرش شي رسمي نين نصح وكنت نراجي فيها تصح دقيقه بدقيقه *وبده يعيط*
مصطفى.خلاص ياعلي خلاص
علي.مش قادر ناااار نحبها نحبها نحبها نبيها ليش هكي لييييش
مصطفى.ياعلي صبي توضى وصلي وادعيلها ربي يرحمها وبكرة عدي فالجنازة
علي.ياااااارب صبرني ياااارب فرج عليا ربي يرحمها ويسامحها ياااارب
مصطفى.خلاص ياراجل معقوله تبكي
علي.نبكي وزيادة اسيل ماكانتش بنت عاديه كانت مميزة كانت حبيبتي💔 البنت الوحيدة اللي حركت قلبي الوحيدة اللي خلتني نفكر نستقر ونكون اسرة الوحيدة اللي تخيلت عيالي يكونو منها
مصطفى.احكيلي عليها
علي.مش وقته توا
مصطفى. احكيلي توا فش غلك
علي.نذكر اول مرة شفتها فيها كانت طالبه جديدة خاشه معانا فالكورس وهوا كله شباب مافيش الا 3بنات شايفه روحها ومش عاطيه وجه لحد كانت ماشيه للمدرج وانا نراقب فيها لفتت انتباهي نين جت عندي كنت مصبي في نص الممر ناض واحد من الشباب طلق صفارة قوية انفجعت خبطت فيا"
علي.تي تبحتي قدامك
اسيل.انته اللي مصبي فالنص كي عنود العركه حول
علي.غير عليش شايفه روحك بس
اسيل.وانته عليش مقهور من الموضوع
*مرن شهور الكورس وهيا كيف ماهيا شايفه روحها وديما نتعاند انا وياها كنت نحب نعاندها بأي شي وكل شي*مرة من المرات
التيتشر.علي تفضل فالكونفرزيشون
علي.اوكي
التيتشر.من اخرى يقرا معاه
اسيل.انا نقدر
علي.مستحيل ماتقدريش تجيبي كلمتين على بعضهن
اسيل.ههههههههه تي عاساس انته تعرف فالا نجليزي حاجه
التيتشر.تتعاركو كيف العيال الصغار قدامي مش معقول هكي تفضلو برة انت الاثنين
اسيل.بس
التيتشر.لو سمحتي
*طلعنا نحنه الاثنين*
كنت حاط يديا في جيوبي وجو تمام وهيا تحرق
علي.تي عليش راقيتلك
اسيل بحتت فيه من فوق للوطه.تدويش معاي
علي.عليش شايفه روحك تحسابي روحك من ماتدويش معايا ليش من حظرتك
اسيل.وانته عليش قاهرك الموضوع نشوف روحي مانشوفهاش انته شن واجعك
علي.ماواجعني شي موتي عادي
اسيل.عاساس انته مش شايف روحك
علي.لا ماني شايف روحي يامتكبرة
اسيل.مغرور ولا تطاق
علي.متكبرة
اسيل.مغرور
علي.القعدة معاك تقصر العمر اقعدي فيها
اسيل.لااا بنموت ماتسيبنيش لاااا تي عدي وانته واخد في روحك مقلب
علي.هههههههه عنجد راسك ياختشه
اسيل خدت شنطتها وجت بتطلع
علي.من بيوصلك
اسيل.
علي.ندويلك انا
اسيل.بناخد تاكسي لانه مش وقت مرواحتي وبسببك انطردت ونبيش نقعد
علي.نروح بيك
اسيل.ياسلام عليك دلالة
علي.يعني ماهو بتركبي تاكسي
اسيل.هففف باه هي
علي.انا نجمل عليك مش انت مجملة عليا راه عليش تأفأفي
اسيل.بتاخد حقها
علي.يصير خير اركبي هي
اسيل ركبت لاورة وطول الطريق علي يبحت فيها من مراية السيارة وهيا سرحانه.وصلها للحوش مدتله 10جنيه
علي.تخشمي علي وجهك راه نصرفقك
اسيل.تصرفق عينك احترم نفسك وتخلينيش نندم اني ركبت معاك
علي باهي خشي للحوش راه حد يشوفك
اسيل.به😐
"وهكي استمريت انا وباها فالعناد نحنه الاثنين نكرهو بعضنا ونتعاندو كنت نضحك عليها فاوقات واجد عصبيه بكل ولما ترقالها مني وجها ينحمر ههههه"
نين يوم جت وحسيتها في وجها مضايقه وشكلها باكيه جيتها فالفطور
علي.اسيل لو سمحتي ممكن تجي تشرحيلي البارت هذا
اسيل.اشمعنا انا
علي.تبي ولالا
اسيل.اوكي تمام
*ركبنا للمدرج الفوقاني وبدت تشرح وانا منسجم نبحت فيها*
علي.كنك مضايقه
اسيل تعبو عيونها دموع بس زي عادتها عصرتهن وقالت.ماكني شي خلينا فالدرس
علي.ادوي كنك
اسيل.مضايقه بس خلينا فالدرس
علي.احكيلي كنك بلكي نقدر نساعدك
اسيل.محد يقدر يساعدني الا ربي
علي.باهي فضفضي
اسيل خدت نفس وبعدين تنهدت. عندي سرطان
علي.شنوو
اسيل.عندي سرطان فالمخ ومرحله متقدمه
علي.شن بتديري
اسيل. مش حندير شي
علي.وهلك كيف بيخلوك
اسيل.هلي مايعرفوش انا درت التحليل بروحي لاني شكيت فالاعراض
علي.والحل
اسيل.حنعيش حياتي طبيعيه نين نموت
علي.لأ لازم اتعالجي
اسيل.عليش نتعالج شن الفايدة يعني
علي.عشان الناس اللي يحبوك
اسيل.من اللي يحبوني ماما اللي طلقت وسيبتنا ولا بابا اللي ازوز وخلانا فالحوش بروحنا ولا خوتي اللي كل واحد بشغله ومابندريش عليا ولا اختي اللي طول النهار تشتغل من هااا قولي انا ماعنديش من يحبني فهالحياة
علي.انا نحبك
اسيل.😳
علي.انا نحبك نحبك نحبك سمعتيني ولالا*وخنقاته العبرة*وانت تبي تتعالجي عشاني وبتصحي عشاني وتردي قويه عشاني تمام هكي
اسيل.علي لو سمحت مافيش داعي للشفقه مش معقوله تحبني
علي.وديني نحبك وانت
اسيل.انا
علي.تحبيني ولالا
اسيل تنهدت.عندك شك فاني نحبك
علي.وليش ماقلتي
اسيل.شن بنقول
علي.انك تحبيني
اسيل.ياسلام ليش ماانته تقول
علي.انحبك
اسيل وطت راسها.
علي.ههههههه باهي امتى تبدي فالعلاج
اسيل مش حنبدا العلاج يبي كيماوي وانا مانبيشي وشكلي حيقعد شين وحنضعف ونمرض مانبيش خليني بقوتي هذاهي لعند النهاية وخلاص
علي.اسيل اسمعيني انا مستحيل نسمحلك انك تدفني روحك حنعالجك وحنصبي معاك تبي باهي ماتبيش غصبا عنك
اسيل.به بس تكون معايا فكل خطوة
علي.اكيد
"وهكي بديت معاها فالعلاج باتها عطاها الفلوس وقاللها اهتمي بالعلاج مع اختك
وقعدنا ماشي جاي عالمستشفا مشت بالعلاج وكل شي تحسنت حالتها وكنت نبي نخطبها بس صارتلها نكسة قوية خششناها للمستشفى وقعدت معاها وصلت للحوش نبي ناخد فلوس نعدي لامي فالمستشفى قالولي بايت معاها يوسف قلت نرقد ونرد فالصبح رنت عليا اختها وصار اللي صار"
~~~~~~~~~~~~~~~~~~~
مصطفى.كانت بنت مميزة
علي.بكلل
مصطفى.ربي يصبرك ياطير لنقنه الحب واعر
علي.مش حب اللي انا فيه هذا عشق وغرام وتيه
مصطفى.خش خش الفجر اذن ارقد وتريح وعدي شوف امك وشوف الجنازة
علي.به😔
*خش علي فطنتله لاني انا مارقدتش من التخميم*
خش واطوح عالسرير ورقد
#تاني_يوم
انا.علي علي
علي ناض بشويه.
انا.نوض شيلني لماما هيا
علي ووجع فالمخده.شوفي سالم عندي مشوار
انا.باه ماتبيش تشوفها
علي.نجي فالعشيه اطلعي من يلايا
انا.به😐
"طلعت وخشيت لسالم"
جيت بنفتح نسمع فيه يدوي
سالم.قوليها قبل مانصكر
سالم.قوليها
سالم.اممممووواه قوليها ياروح سليمو
سالم.حتى انا نحبك ونموت فيك صكري هي
"خشيت وبحتت فيه باستحقار"
سالم.صباح الخير
انا.هيا نوض شيلني لماما
سالم.هيا هي
"طلعنا انا وياه ومشينا للمستشفى"
خشيت نجري للغرفه لقيت الدكتور مع يوسف
الدكتور.تقدرو تروحو بيها بس جافظو عليها من الانفعالات العاطفيه ولازم تحافظ عالدواء
يوسف.اوكي تمام
انا.الحمدلله نقدرو نخشولها
"وخشينا نحنه الثلاثه"
انا.حمدالله علي سلامتك ياماما
ماما.الله يسلمك
انا.معقوله ماتاخديش دواك فجعتينا عليك
ماما.كمل وقلت تو نشريه ونسيته
سالم. من يوم وغادي صبي عليه ياحياة اكدي عليه الدوا
ماما.غير اشقي بقرايتك بس
انا.مزااال نين تطلع هالشهادة.
ماما.ان شاء الله خير
يوسف.هيا نروحو
ماما.هيا مانحبها القعده هنا بكل
يوسف.هيا
"طلعما نحنه وياها وروحنا للحوش"
ماما.كيف وين علي لا جاني لا هو قاعد
انا.علي مسكين صايرتله قصه امس الليل كله ساهر
ماما.ربي يفرج عليه هالعيل
انا.ان شاء الله
#عند_علي
علي كان مصبي فم حوشها وحق خوها وامها وعيال عمها طلعو بالتابوت كان مصبي ومش قادر يقرب لانه ماعندش اي صفة تبعهم بالسيارة لعند المقبرة دفنوها وروحو وخشلها قعمز علي قبرها وبكا
علي.انت بالذات عوضت فيك حياتي كلها انت الانسان الوحيد اللي حقني في حميع حالاتي قدامك بكيت وضحكت وانكسرت وتجبرت انت كنت شي مميز في حياتي ليش عديتي وسيبتيني ليييييش ليييييش وصبه وبده يعيط فالمقبرة وركب للسيارة وبده يلف لعند الساعه6 خش علينا فالحوش
انا.وينك طولت
علي.شغل شن حال امك
انا.كويسه خش هدرز يلاها تسال عليك
علي.باهي باه
"خشلها فالدار"
ماما.شن اخبارك ياعليوة وينك ياباتي خشيت للمستشفى ماتجيني بكل
علي.مطمن عليك وعارف حالتك مش خطيرة كان مهذا راهو اول واحد عارفتيني لكن المحل يبي من يصبي فيه وانت عارفه
ماما.ربي يوفقك ويقويك
علي.تصبحي علي خير
ماما.وانت من هله
"خش علي لداره رقد"
انا.يوسف كنه علي
يوسف.كنه
سالم.حسيته حتى انا
انا.مداير ومكتئب هوا صح نكدي بس مش هكي
سالم.يفرجها الله عليه هوا مايحبش يدوي بكل
انا.بكككل كتوم
يوسف.لالا كبصله
انا.صكفمك يافيفا
سالم.شن قصتها فيفا يامتعوس
انا.صكفمك ياسليمو
يوسف وسالم.هههههههههه ان شاء الله ماتشهدي علي مسلم
انا.ههههههههه حي نقالي يرن
"خدين النقال ورديت"
انا.الو
مروة.الشهادة طلعت ياحيو
انا.😱😱😱😱😱😱شن صار فيها
مروة.نجحنا نجحنا 💜
انا.تدوي جد
مروة.والله ندوي جد
ةنا عزقت النقا لوقعدت ننط في مكاني نجحت نجحت نجحت وجضنت يوسف وبديت نبكي
يوسف.خلاص ياهبله في حد ينجح ويبكي
انا.مش مصدقه السنه هذي كانت صعبه
سالم.مبروك تستاهلي والله
انا.حي مروة طوحت النقال جيت لقيتها مصكرة
يوسف.هيا تعالي نعدو نديرولك حفله فلاقونا هيا
انا.بنتكو علي مروة
يوسف.راضيه عليها😂
سالم.هههههههه هيا
انا خشيت لماما حضنتها.ماما ماما نجحت نجحت
ماما.مبروك حبيبتي مبرروووك
انا.الله يبارك فيك
سالم.نوضي هيا نعدو للاقونا
انا.نكلم علي زعمك
سالم.مش حايابا عارفتيه
انا.تو نقوله وخلاص
حليت الباب وكان ماسك نقاله ويبحت فيه
انا.علي
علي.نعم
انا.نجحت
علي.مبروك عقبال الشهادة الكبيرة
انا.تعدي معانا للاقونا بنديرو حفله
علي.لالا عدو وعقبولي قرعتي
انا.باه
"طلعت لقيت ماما لابسه جلبابها طلعنا"
وتلاقيت مع مروة غادي حضنتها وبدينه نبكو
انا.صاح راقيتلي منك عشان سارقه خويا مني بس والله نحبك باهي😭😭😭
مروة.حتى انا نموت فيك مش مصدقه ياخيو نجحنا مش مصدقه
انا.ربي عوضنا بخير
مروة.بذات انت
انا.الحمدلله
يوسف.مبروك يامروة
مروة تمسح في دموعها.الله يبارك فيك
يوسف.تعالن هيا بلا دراما
فارس.مبروك ياحياة
حياة.الله يبارك فيك💜
فارس.هيا تعالو التورته عليا
يوسف.لا حجزتها من بدري التورته تو تجي
"احتفلنا وهدرزنا وضحكنا وفرحت واجد وتمنيت هاللحظه توقف وما تمشيش"
ولما جا وقت المرواح
سالم.ينعن جده
انا.كنكم
يوسف.عجلة السيارة نازله
فارس.لا ياراجل
انا.شن بنديرو توا معاك عجلة احتياط
سالم.لالا
فارس.باهي تو نروح بالبنات ونجيب عجلة احتياط من الحوش ونجيكم
يوسف.تدير فينا خير والله
فارس.تم كون هاني
"مش عارف ليش حسيت فارس ورا هالموضوع"
فارس.مبروك ياحياة
انا.يبارك فيك
فارس. انزلي هي يامروة
"نزلت مروة ونزل فارس جاب العجله"
فارس.نحطك فالحوش ونشيللهم العجله
انا.تمام
فارس.حياة ان
#يتبع
زعمك شن بيقول فارس لحياة😉؟؟؟
حلقة11
