#حكاية_حياة
#لوطة
علي بعد انا ركبت قعد مصبي فم الباب
سهى.خلاص خش تو بكرة تهدى وتتفاهم معاها
علي.دارت حاجة ماتترقعش جاية من ورا راجلها وتو شويه ويجي الاخ يعيط اختك طالعه من ورايا
سهى.الصراحة معاها حق ياعلي
علي.معاها حق لكن اخت ظروفها خاصة مفروض تقدرهن
سهى.كيف يعني
علي.قصة طويلة انسي
سهى.به
"شويه هكي ووصل فارس وكان جاي في سيارة تاكسي بحت لقا سيارته دق عالحوش فتحله علي"
فارس.كلمها ليا
علي.خش نتفاهموا قبل
فارس بصوت عالي.علي كلمها ليا اختك المحترمة طالعه عقابات الليل من ورايا كانك مش عارف
علي.لو انك جبتها لما تعاركتوا راهي ماجتش من وراك
فارس.انت مصبي معاها
علي.انتم الاثنين غالطين
فارس.باهي بنركب ندوي معاها
علي.خليك معايا هنا نتفاهموا قبل
فارس.خليني نركب شوية نحكي معاها وبعدين ننزل نحكي معاك
علي.باهي اركب
"فارس ركب وعلي قعد فم الحوش دق عليا بقوة فتحت الباب مسكني من يدي ودفني جوه وصكر الباب"
فارس.شن طلعك من الحوش
انا.قتلك شيلني مابيتش
فارس قعد ماسكني من يدي بقوة بككل
انا مسكت يده وفكيت يدي بقوة وحولتها
انا.يدك خليها لوطة وماتمدهش
فارس.نمدها لما تقعدي عديمة تربية وتطلعي من ورا راجلك
انا.احترم نفسك
فارس.حياة البسي ونزلي روحي معايا والحوش نعرف كيف نصرف معاك
انا.تحلم انت
فارس.حيااااة
"علي سمع عيطة فارس ركب وقعد يدق"
انا.تبي تعيط عيييط طززز معش تخوف فيا كيدك غير علي صوتك
فارس قعد يفنص فيا وواضح ان حمق بكل
انا.حاولت نتفاهم معاك كم مرة مابيتش انا خلااااص مليت نبي نطلق
فارس.علي طشة قراية
انا.علي حياة كاملة فكيتها مني وخليتني عايشة عشانك انت بس
فارس.حياة ازح كنك اانت شن متعاطيه
انا.مامتعاطيه شي
فارس.روحي معايا
انا بعيااط.منيييش مرووووووحة طلقنيييييي طلقنيييييي يافارس طلقني"ططااف"ااااااااااه
فارس ضربني كف وقعد يخبطة في ظهري في الساس ويعيط.معش تقوليها الكلمة هذي معش تقوليها
انا.وخر حرام عليييك اااااااه وخررر اااااااه
فارس وخر وفطن لروحه شن دار وانا طحت لوطة جا مسكني وقعد يحول في شعري من على وجهي.حياة حياة بحتي فيا حياة انت عارفة اني مانبيهش لكي حياة انت نرفزتيني بحتي فيا حياة تعرفي اني نحبك ومانقدرش نطلقك الكلمة هذي مانقدرش نقولها ليش تخلي فيا ندير فيك هكي بحتي فيا حياة "رفعني فوق"
انا.حوووول حووول وخر
علي سمع عياطي قفع الباب وشاف المنظر
علي.فارس انت شن تدير
فارس وخر وانا طحت عالوطا اخرى حاسة كرعيا انشلن
فارس.البسي عبايتك واطلعي معايا صبي
علي قدم ومسكه من سوريته .انت كيف تمد يدك عليها هكي
فارس ودفه
علي قدم عليه وبدو يضاربو
انا قعدت نعيط بعلو صوتي
وسهى ركبت تجري
انا صبيت وقعدت نفك فيهم وصبيت في النص قعدت ندف في علي وهو يبي يضربه.
علي.اطلع برا واختي معش حتشوفها ولا تحلم بظفرها
فارس بحت فيا.تبي هكي؟
انا مارديتش
فارس طبس خذا مفتاح سيارته وطلع من الشقة نزل لوطة وعلي قعد يبحت فيا"
علي.عاجبك هكي ازح عاجبك
قعدت متكية عالساس ونبكي وعلي نزل وسيبني
سهى.حيو انزلي ارقدي لوطة هنا كيف بترقدي مافش الا صالون وحاجات خفيفه
انا.ياريت تنزلي وتصكري الباب نبيش ننزل
سهى.اوكي براحتك
"وهي نزلت وانا صكرت الباب وقعدت نبكي بعلو صوتي جسمي تكسسر من خبطته ليا عالساس قعدت قريب ساعتين نبكي نين سمعت دق عالباب فتحته لقيت يوسف"
يوسف بحت فيا انفجع.شن صاير كنك
دغري حضنته وقعدت نبكي وهوا وخر بيا للشقه وقعد ماسكني ويده على كتفي نيييين سكتت
يوسف.شن صاير كنك
انا وخرت وبحتت فيه
يوسف فنص.حي علي امه شن الي في وجك هذا
انا.ماحكالكش علي
يوسف.انا كنت مار نبي نعطيه الفلوس آخر اليوم حلت سهى وقالت صايرة بينك وبين فارس مشكله وجايه حرجانه فوق وعلي وفارس اضاربوا هذا الي عرفته لكن وجك كنه
انا.فارس ضربني
"وحسيت الكلمة كيف السيف في قلبي"
يوسف.وحق ربي نقتله ولد عيت$$$$ لكن شن صاير بينكم وشن جابك هنا وفهميني من الاول
انا.مافش مشكله بينه في الاساس لكن ليا توا 3شهور وانا نقوله نبي نقرا وهوا مايبيش يخليني نقرا سواقة لا حتى النت لا كل حاجة هوا وهله وانا تعبت من هالموضوع نبي نقرا مانقعدش بلا شهادة كم مرة ندويله ومايبش اليوم دوينا عنفس الموضوع وتعاركنا قتله شيلني لهلي وكالعادة مابش كل مانتعاركوا ولا حاجة مايبش يجيبني هنا خليته نين خش للحمام ولبست وجيت بروحي بسيارته
يوسف.ازح كنك مارنيتي عليا راني شلتك
انا.هك مافكرتش فيها كويس
يوسف.وعليش مد يده الفا#$$
انا.ركبلي فوق مسكني من يدي وقعد يهدد فيا يبيني نروح معاه لما قتله لا بده يعيط وبياخدني بالغصب عيطت وقتله مانيش مروحة ضربني كف وخبطني فالساس نين طحت وخش علي شافني هكي اضاربوا وطلع وسيبنا
يوسف.مد يده من قبل معناها وسكتيله كان هذا راهو مااستجرش يديرها وسط حوش هلك
انا سكتت وقعدت نبحت فيه
يوسف.ادوي
انا.مرتين مرة ضربني كف ومرة كرني من شعري
يوسف صبه من مكانه وعيط.وماعندكش خوووت يتيمه مقطوعة من شجرة كنك سكتيله عليييش ماعندكش سند ولاماعندكش من ياخد حقك ليييش سكتيله
انا.المرة الاولى مابش يخليني نجيكم وخذا النقال وتأسف وقال ان تعصب وماكانش يقصدها بكل والمرة الثانية كسرت نقالي من العصبيه وماعرفتش بيش نرن وهوا كالعادة مابش يشيلني كل مرة هك نتعاركوا ياخد النقال ويجيبنش نين يراضيني بشروطه
يوسف قعد يبحت فيا وانا رديت نرعش اخرى
قعمز يلايا ويده عليا حطيت راسي على كتفه وبديت نبكي
انا.ليش مش مكتوبلي نتهنى لييش حرام والله مش دايرة ذنب
يوسف.باهي بالاقناع ياحياة مش بالعصبية وبالعياط
انا.مابش ياما دويت وهديت وشرحت مصكر راسه لييش مش عارف
يوسف.وانت تبي تطلقي عشان القراية وهكي
انا.مش عشان لقراية وخلاص لكن انا تعبت من حياة كاملة عشانه هوا وهله يافيفا تعبت يااما نحوس في الحوش ياما نحوس عند هله وبس حاجة تانية مافش
يوسف.بس انت توا حامل
انا.البنت الي تعيش بين اب وام مطلقين نفسيتها احسن بواجد من ان تعيش بين اب وام مش متفاهمين
يوسف.وشن دراك انها بنت
انا.هك احساس في داخلي يقولي انها بنت
يوسف.من ناحية معاك حق ومن ناحية غلطانه بس هوا شن اسبابه عشان يبيش هذين كلهن
انا.على قولته نغار عليك غار عليه صاروخ يطرطش مصارينه ويدشش عظامه ويشفشفه
يوسف.هههههههههههههه خلاص يابعيدة عليك دعوة سودة تي انت قريب نبتت في راسك نخلة بيش خديتيه
انا.واخته الكلبة طول النهار تاكل في كبدي خلي خوك يخطبني خلي خوك يجي كانهي راضيه عليا تساعدني وكان هذا احشي ياحياة دوارة ولا اتنين بروحك عميمة مريضه عااد عيب تساعدني لكن عادي تحش الجارات الحوامل عصبان عطهن مايعصبنهن
يوسف.هههههههههههههه صار تحشي عندهم فالعصبان ونحنه معيشتينا علي شربة ماجي
انا رديت نبكي اخرى.تعببببببببت تعببببت انا عمري ماتوقعت يجي يوم اني نحوس عند وحدة تجي امه تتأمر عليا وتحرق دمي وساكته عشانه ويجي هوا يقول هكي ويدير هكي انقهررررررت
يوسف.تو تنحل بينكم الامور وتو ندووله وتردي معززة مكرمة
انا.مستحييييل خلاص معش نبيه ولا نبي وجه
يوسف.متأكدة
انا.ااه
يوسف.باهي بطلي هبال توا وانزلي باتي عند عيت علي
انا.لالا بات معايا هنا بنبقى هن
يوسف.باهي حاضر
" دق الباب"
#عند_سهى
سهى.علي خلاص بطل حرق
علي.خليني في حالي
سهى.تعال تعشى به
علي.نبيش
سهى.باهي بنشيللهم صفرة فوق
علي.شيلي
سهى.به
"وخشت للمطبخ لقت نقالها يرن"
سهى.الو
ابتسام.الو
سهى.معليش من معايا
ابتسام.معاك صحبة حياة انا واخدة رقمك منها
سهى.اهاا اهلين
ابتسام.ممكن تقوليلي وينها لاني نرن ماتردش
سهى قعدت تأتأ
ابتسام.تعاركت مع فارس وجتكم مه
سهى.ااه جت بسيارته من وراه وقاعدة مصكره علي روحها شقة سالم
ابتسام.ياعليييك قصة البنت هذ باهي باي
سهى.باي
"وصكرت" وخدت الصفرة وركبتلي وبدت تدق فتحتلها"
سهى.حيو "ومدتلي صفرة عشا كانت دايرة دحي وجبنه وتن في صفرة"
انا.شكرا ياخيا تعبناك معانا ورعشناك
سهى.لا كيف خيتي عادي نجييبلكم فراشات نفر
انا.ياريت
سهى.به وقتلك رنت عليا صحبتك
انا.من
سهى.ابتسام تسأل عليك فالبداية بيتش ندوي لكن طلعت تعرف انك هنا فقتلها مصكرة علي روحها فوق
انا.تمام به تو نشوفها
سهى.به"ونزلت"
حطيت الصفرة ليوسف ورديت خديت نقالي ولقيت مكالمات عرم من فارس قبل مايجي ومكالمات من ابتسام دزيتلها رسالة"خليني نين ننظم اموري وتو نرن عليك"دزتلي"والرواية"
انا"حاضر تو بلكي اليومين الجايات نفتح نت ونحكيلك"
ردت."ربي يهديك وييسر امرك ويفرج عليك"
قفلت النقال بعدها قعمزت مع يوسف
يوسف.كولي
انا.عندش نية
يوسف.غير كولي بس
انا.والله ماعندي نية يايوسف
يوسف.كولي راه نوكلك بالغصب
انا.فوت بطني توجعني
يوسف.به ياسي
"وقعد ياكل وانا خديت الفراشات من سهى فرشتهن وحطيت امخاد وقعمزت في فراشي"
يوسف شال الصفرة وجا قعمز على فراشه
يوسف.باهي شن تهدرزيلنا بعيدا عن راجلك وهله
انا.تعرف حطيت يدك عالازمة بالظبط مافيش في حياتي غير فارس وهله
يوسف.حسيك مبالغة
انا.مش مبالغة لأ
يوسف.باهي والحل
انا.مش عارف
يوسف.الطلاق حاولي تفوتيه الاقناع وسيلة انت تبي تقري حندووله نحنه
انا.بتخليني نردله بعد ممدة يده
يوسف.بنخليك ترديله لانه في طفل في النص مستحيل نشيل ذنبه
انا.باهي والحل
يوسف.الحل انك اوكي بتحرجي هذا حقك بعد الي صار يجي كيف الكلب ويجيب هله ويعتذر ويردك وقرايتك لازم تقري مالش الحق يحرمك منها
انا.لالا نبيش نرد
يوسف.بلا تصكير راس يامشفشفه
انا.يوسف انت عالم حاجة وغايبة عليك عشرة انا الوحيدة الي فاهمه القصه كلها لاني عشتها ومعش نبي نرد
يوسف.حيو كوني منطقيه عمرنا ماسمعنا بينكم مشاكل وطول الوقت متريحة فنطب تطلقي هذي عجيبه
انا.بنرقد
يوسف.به قتلك
انا.نعم
يوسف.خلاص تو ندير جوي
"وصبا من مكانه نزل لوطة دق الباب حلت سهى"
سهى.ها بالله يايوسف هدت ولا تبكي مزالت
يوسف.لا هدت عطيني تلجة بالله
سهى خشت جابتله وجت.تفضل
يوسف.شن جو العصبي الي جوه
سهى.دوش بكل قعمز فالصالة حامق وبعدها خش رقد
يوسف.كان حطيتي صبعك علي وجه ينحرق
سهى.ههههههههه رسمي
يوسف.يارا عيلة عصبية الي يحمق فيهم يخرب الدنيا
سهى.حسيتكم انته وسالم هاديين لكن علي وحياة يناعليا وعااارة وعصبية
يوسف.تي انا وين تلقي كيفي بس
سهى.هههههههه مش غير
يوسف.عندكش عروس
سهى.هههههههههه للاسف لا
يوسف.التلجة ساحت جيبي غيرها
سهى.ههههههه حاضر
سهى خشت جابت غيرها
يوسف.اوكي بنركب والعصبي الي جوه تخليشي يرقد هكي مرات تصيرله حاجة واعيه
سهى.به
"وركب يوسف وسهى خشت للدار"
علي مغمض عيونه.شن قالك
سهى.بسم الله واعي
علي.واعي ااه شن قالك
سهى.قالي سكتت ويبي تلج
علي.ال$$$اكيدة الكف معلم فيها هذا عليش يبي التلجة وديني نربيه علييه ودييني
سهى.خلاص حبيبي بطل اعصاب من بدري وانت تحرق مش كويس
علي.كيف بنهدى بس
سهى جت قعمزت يلاه وحط يدها علي خده
سهى.صدق يوسف الي قال خده يحرق نين وجك ساخن من الحرارة
علي.تشفطي انت
سهى.ههههههههههه افرد وجك خلاص كانك علي حياة تو يومين ويجي يردها وترد معاه واحتمال تقولك من قالك تضربه
علي.زعمك
سهى.نحن الصبايا هك صدقني
علي.تمخولن الواحد
سهى.ههههههه افتح عيونك
علي.عليش
سهى.عشان نبيك بندوي معاك
علي.لالا بنرقد
#شويه_هكي
سهى.علي واعي
علي.ااه واعي شن تبي
سهى.زعمك بكرة نركب لحيو ولا نخليها براحتها
علي.لالا بكرة خليها تنزل تتغدى معانا لوطة نروح نلقاها معاك
سهى.تمام به
#عندي_انا
بعد طلع يوسف وهدت الشقه حطيت يدي على مكان الكف كان واااعر ومعلم فيا شفته في سيلفي النقال قعدت حاطة يدي عليه ونبكي وكاتمتها نين فطنت لحاجة مسقعه جت عليه
يوسف.امسكي التلجة خليها علييه
انا.كسرة ان شاء الله
يوسف.وراسك كلا هذي يدفع حقها ولد عيت$$$$
انا.شن بتدير
يوسف.نعرف شن ندير
انا.فكنا من المشاكل ساد علي اليومين الي فاتن
يوسف.كنه
انا.اخت حمد صاحبه قالتلي كارين واحد للمزرعة ونازلين فيه ضرب انظر شن بينهم وبينه
يوسف.ههههههه احلفي
انا.وحق الله
يوسف.وكيف عرفت هيا
انا.سمعاته يحكي هو وياه
يوسف.والله جو العصابات هذاه
انا.ههههه
"وسكتت شويه وحولت التلجة ورقدت"
#"ومررررن أسبوعين فارس معش جا وخوتي مابوش يعدوله وانا قعدت في شقة سالم نظفتها ورتبت الاثاث وركبت دار أمي من لوطة حطيتها فوق وشريت ماي فاي واستقريت فيها ننكرش اني رايفت علي فارس لكن كل ماندكر المكالمة والي صاير ومدة يدة الاخيرة وكل حاجة نكرها"
في يوم سمعت الباب اللوطاني يدق في دقة نعرفها دقته هوه اول ماسمعتها قلبي انتفض من مكانه غبي مزال يحبه"
#يتبع
...
توقعاتكم نبي تعليقات زي الحلقة الي فاتت☹❤
