.........................
#فالليل
كنت نتقلب فالسرير ونفكر فيه نتمنى يرن وكان نلقى مايرنش
*شويه هكي ونقالي كان يرن*
انا خديته من دون مانبحت فالرقم
انا.الو فارس شن تبي عليش ران
فارس.كنك تدوي هكي
انا.عاساس مش داير شي انته
فارس.تي نحلف عليك عاجبك الوضع وكنت مقعمزة تفكري فاللي صار وتبتسمي
انا.وعليش بنبتسم ان شاء الله
فارس.لانك تحبيني
انا.شنوه😳
فارس.لأنك تحبيني*سكت شويه*
وأنا نحبك *سكت شويه*
ونبيك *سكت شويه*
ورايدك بالحلال *سكت شويه*
نبي نعيشو مع بعضنا*سكت شويه*
وتكوني مراتي وام عيالي *سكت شويه*
حيااة حياة اووو حياة قصدك تبكي ايييه ردي ازح.
وقتها كنت نبكي بعبرتي جت اللحظه اللي خايفه منها وماقدرتش نمنعها اعترف بحبه وخرب علاقتنا كنت نبي نرد عليه ونقوله نحبك ونبيك ونتمنا نعيش معاك بس اسفه يافارس😞انا إنسانه غير صالحه للزواج خديت النقال ورفعته
فارس.حيااا اووو حياة ازح تبكي نسمع فيك تشهقي
انا.اسفه فارس بنصكر
فارس.ليييش اقل شي ردي عليا حياة ماقتلكش شي غلط انا ومش ناوي الا الحلال ماتردينيش هكي
انا.فارس لو سمحت تصعبش عليا الموضوع اخرى انساني خلاص انا مانبيش نزوز ولانبي نحب ولا شي نبي نقرا بس
فارس.لو عالقرايه اقري عندي عادي او نخطبك ونرجاك ليين تكملي
انا.اسفه انته مش فاهم وانا مانقدرش نقول*وصكرت*وانهرت بكا كانت الحياة كل مالها تنسود اخرى علي مرة مرة يلمحلي بفكرة انه عال20بنزوز فارس اللي كنت نتمنا تستمر علاقتنا بدون مايعترف بحبه اعترف وخرب كل شي ماما مرضها يزيد اخرى خوتي تمو كل واحد لاهي في حبيبته ومايندروش عليا
وصلت حدي خلاااص ماكانش قدامي الا
#الانتحار
خديت شريط حبوب من التلاجه مش عارفه ابتاع شنو وعديت للدار طلعت منه قريب 15حبه وجيت بنزمطهن علي آذان الفجر
وقفت فطنت لروحي في لحظة تجلي فطنت اني هكي نخسر دنيتي واخرتي صبيت توضيت وطوحت الحبوب صليت
ومسكت المصحف حليت بالحظ وجا على آيه(لعل الله يحدث بعد ذلك أمرا)
قريتها ودعيت لربي ييسر أمري ويبينلي شن ندير شن الصح وين نعدي تمنيت لو يرد بيا الزمن لاورة للحظه اللي صار فيها هالشي لو عيطت وكلمت خوتي والناس ودافعت علي شرفي راهو مصارش هالشي لكن لله حكمة فالأمور ربي رايد يصيرلي هكي لحكمة يعلمها.
رقدت وخليت النقال مفتوح وانا عارفه انه فارس مستحيل حيرن مرة تانيه وقررت إني معش نحتك بيه بككل ولانقرب جيهته ننساه ونخليه ينساني
رقدت وبديت نحلم بإني نجري في مكان ونبكي ونعيط وفي وحش يجري ورايا بديت نخبط فيه ونحول فيه ومافطنتش الا بكف ويوسف يخض فيا وماما يلاه تبكي
يوسف.حياااا حياااة
انا.نعم نعم
يوسف.كنك شن صايرلك
انا.كني
يوسف.كنت مقعمزة عالسرير وتبكي بصوت عالي وتعيطي وانت راقدة مش مدكرة
انا.لالا
يوسف الحاله هذي لها فترة مبطله ليش ردت
انا.مش عارف
ماما.ربي يهدي سرك يابنيتي
"طلعوا ورديت انا رقدت اخرى"
#فارس
حسيت بأحقر إحساس ممكن يحسه حد فالتاريخ أخر شي نتوقعه إنها تردني بهالطريقه توقعتها تصكر عليا تدير طروح ثقل او ترد من اول مرة عادي لكن تبكي وتقول الكلام هذا وبعدين تصكر كرهتها وكرهت روحي اللي دويت معاها انا شكلي كنت نتوهم انها تحبني ولازم نبعد عليها✋
نضت تاني يوم فالصبح راسي مصدع طلعت للصاله نشرب في نسكافي
ماما.صباح الخير
انا.صباح النور
ماما.نبيك تطلعي مع يوسف ليوم تشريلي حاجات نبي ندير بيان يوسف وبعدها بيان سالم مع بعضهم
انا.والله ماعندي جهد ياماما فوتي
ماما.انا نبيش نطلع ومن بيجيب الحاجات خوتك يعرفوش
انا.حاضر ياماما تو نعدي
ماما.هاكي قائمة بالحاجات الللي نبوهن
انا.اممممم عليش هذا كله
ماما.خوتك دفعو حق كل حاجه ونبو حاجه تشرف قدام الناس
انا.حاضر
انا.يوسف هيا نبو معدو نجيبو حاجات البيان
يوسف.قولي لسالم
سالم.فوت ياراجل عنديش جهد
انا.ياسلام باهي علموني نسوق
يوسف.شكلها هذي اللي جايتك
سالم.خودها واطلعو خليها تتعلم مش فاضي نشيلها ومشاوير جامعتها بيبدن توا سريب
انا.اهااااا هيا يوسف
يوسف.باهي باه عليك سريب
*رن نقال سالم*
سالم.الو
هدى.حبيبي وين قاعد
سالم.فالحوش
هدى.نبيك تجي تشيلني نعدي نحجز قفطان للبيان عشان بابا مش فاضي
سالم.اوكي اني جايك باي
هدى.شكله يلاك حد ههههههه باي نحبك
سالم.هههههههه اها
*وصكر وصبت من مكانه*
ماما.وين ماشي
سالم.زرقلي مشوار والله
انا.المدام تبي تطلع تشري قفطان يقدرش يردها لكن اخته اللي تبي تطلع تشري حاجات بيانه فاتها عادي
ماما.عادي عادي مافيها شي
سالم.باهي صبي اطلعي معايا هي
انا بحتت فيه وكانن عيوني مليانات دموع.مانيش ماشيه عدي لهدى
سالم جا وحظني.عنها والله ماردت هدى المهم انت صبي نشيلك تشري وبعدها نتكو عليها تشري قفطان
انا.امممن به بس نبي كيندر
سالم.حاضر احلى كندر
انا.ونبي نتعلم السواقه
سالم.تبي تتعلمي معايا نعلمك كيف ماعلمت يوسف
يوسف.😂😂
انا.نذكر ايام تعلم فيه كان يروح وجه كدمات
يوسف.كان كل مانقدم غلط بوني نوخر غلط بوني نلفها بوني وجهي تمه كي الخبزة المدورة
انا.لالا معناته نتعلم مع يوسف خيرلي
سالم.ههههههه انت حرة صبي وتي روحك هي
*صبيت ولبست عبايتي ووشاح وطلعت*
ركبت لقدام وعدينه للاسواق بونبنيرات علي خلوط علي حاجات كله حجزناه وقالولنا موعد الاستلام وكملت خلاص حجزت كل شي
سالم.تمام كملنا ااه
انا.اها كملنا خلاص هيا نجيبو هدى تحجز قفطان ونروحو
سالم.باهي هي
"عدينا وقلنالها اطلعي طلعت لابسه سروالh.dوبدي قصير ووشاح شعرها بره وشنطه ومكياج واضح"
بحتت في كرسي السواق واجد تبيني نصبي نخليه لها في عينها بعدها ركيت
هدى.هاي
سالم.حياة ليش ماتنزلي تسلمي علي ام هدى تو تقول عيب وصلت لهنا وماسلمتش.
انا.اوكي به
" نزلت وكنت فاهمه انه يبيها بروحهم خشيت سلمت علي هدى وخواتها وقدملي عصير"
سالم.هدى شن المنظر هذا
هدى.كنه حبيبي
سالم.منظرك فضيحه عارفه الفضيحه
هدى.غير اهدى بس فضيحة شنو يعني مش لهدرجة
سالم.باتك وخوتك حقوك طالعه هكي
هدى.لالا مش قاعدين كان مهذا ماخلونيش نطلع معاك اصلا
سالم.خشي البسي عباية ولا حاجه طويله
هدى.عباية كيف الشحاتات هذا ماناقص
سالم.تخلينيش نعصب خشي بدلي ولا انزلي مانيش شايلك بكل
هدى.عليش النكد توا خليني لبستي سمحه ولبستها اصلا عشانك وبعدين لما خطبتني كنت نلبس هكي شن صحلك توا
سالم.لما خطبتك كنت تلبسي هكي لكن قلت تو بعد نخطبها نخليها تغيره نحسابش الدبش عندك اهم مني
هدى.لا مش قصدي حبيبي والله ماهكي
سالم.ها مالا شنو
هدى.هفففففف
سالم.خشي غيريها بلا عناد
هدى.نحلفلك بالله ماعندي حاجه طويله
سالم.باهي ماعندكش عباية
هدى.وحده ابتاع مناسبات تلمع كلها
سالم.تو نشرو دبش طويل توا لكن خششي شعرك وامسحي اللبز اللي في وجك
هدى.به😐
سالم.وافردي وجهك نغار عليك ياهبله ونبيش حد يحقك
هدى.كان عالغيرة حتى انا نغار
سالم.وشن تبيني ندير
هدى.معش تطلع بكل😜خليك فالحوش
سالم.ههههههههه وين حياة
هدى.منسجمه مع خواتي حسيتها
سالم.اها ديما خاطرها في اخت اصلا
هدى.اهي جت
ركبت للسيارة لقيت شويه تغيير مكياج ممسوح والشعر خش وتضحك اخرى😂خوتي واخدين عقول البنات قسمبالله
