هدي الحلقة اكيد تستنو فيها من اول ما بدأت القصة 😍😍 القصة قربت نهايتها ....
طبعا مش انا الي كاتبتها هي رواية منقولة
انا قريت الروايه و تعلقت فيها هلبااااا و عشت كل لحضات القصة
قصة واااقعيه والي صاير فيها من ضلم و نضرت المجتمع للفتاة المغتصبه يعني مجتمع متخلف بدل ما يحطو الغلط على راجل لا يشوفو في البنت هيا الغالطه برغم انها ضحيه ومليهاش اي دنب ... ذنبها الوحيد انها بنت يعني لو الرجل دار اي شيء عادي لان راجل و ميعيبه شيء بس ديما البنت هيا الضحيه
طبعا مش المجتمع الليبي فقط الي نضامهم هكي لا جميع المجتمعات الدول العربيه الرجل لا يعيبه شيء اما الفتاة تبقى فتاة مهما حاولت و صانت نفسها
اتمنى من الكل يقراها و يخبر اصقائهم عليها اتمنى منكم الدعم ليس من اجلي بل لي اجل كل فتاة عربيه تم اغتصابها و تعرضت لي الاهانة و ذل المعاملة من المجتمع
....................................................................
.......
.....
استمتعو بالقراءة و لا تنسو الفوووت والتعليق حبايبي
حكاية حياة
.................................................
#عند_مروة
مروة.يافافي لمي الحاجات هي خلاص العرب روحوا نبو نروحوا حتى نحنه
فاطمه.في واحد يبيك فالمطبخ
مروة.اكيدة واحد من عيال عمامك وقته هوا
"ولبست عبايتها وطلعت للمطبخ"
مروة.وينه اللي قال يبيني
الطباخه.اهو جنب الباب قاعد
"مروة قدمت جنب الباب بحتت وصبت مكانها"
يوسف كان يبحت فيها ومبتسم
مروة.شن تبي انت
يوسف.نبي ندوي معاك
مروة.على شنو
يوسف.ليش مكبرة راسك ومعاندة وانت الغالطه اعتذري وخلينه نردواا
مروة.نعم نعم من الي يعتذر اانا اللي طلقتك اللي سيبتك اللي حاولت توضحلي الموقف كم مرة وصديتك وهنتك
يوسف.اها بس انا جيت بنردك واعتذرت وقتلك اللي تبيها حاضر وحضرتك سيبتيني وقلتيلي نبيكش
مروة.لا والله غلطانه كان مفروض اول ماتجي نردلك دغري
يوسف.اكيدة لانك تحبيني
مروة.خلاص انسيته الحب كيف مانسيتك
يوسف.كذابة لمعت عيونك مزلت نحق فيها
مروة.شن تبي
يوسف.نبيك
مروة.نبيكش نين تعتذر وتعترف انك غالط وبعدها نتفقوا على شروط الردة
يوسف.تي انت الغالطه واللي تعتذري
مروة.ملح يارا
يوسف تنهد.حبيبتي المسترجله
مروة.شنووو من المسترجله
يوسف.معترفة يعني انك حبيبتي
مروة.ملللللح يامطرشق
يوسف.والله ندوي جد بنردك راه
مروة قعدت تبحت فيه يوسف جا صبه قدامها ولصق فيها وقدم بيبوسها عطاته كف
يوسف.😳😳😳😳😳😳
مروة.قليل ادب
يوسف.انت كيف تمدي يدك هكي
مروة.انت ليش تقرب هكي
يوسف.ماهو انت خسارة فيك اصلا الدوة اقعدي فيها عاللي يردك ولا يعبرك ولا حتى يحبك متخلفه معقوله تمدي يدك هذا ماناقص
مروة.المشكله توا بتموت بيش تردني
يوسف.تي نعنك والله مارديتي معش نبيلك وجه
مروة.انا اللي نبيك عاساس خزي مبردك وصايع اخرى
يوسف طلع وصفق الباب
سالم غمز لعلي.خش لمراته
علي.ااه
"يوسف جاهم والكف باين في وجهه"
علي جا بيدوي وسكت
سالم.اووووو كنك
يوسف.خليك في حالك
سالم.تصير تصير مرة تضربك مرة تضربها
علي.حزت عليك الطباخه ولالا
سالم.اوووو قوية ياعليوة تعرف تشفط والله
يوسف.مبردكم ازف
سالم.شن صار
يوسف.قدمت منها شلفطتني بكف
علي.وانت عليش تقرب منها مش مراتك هي
سالم.هههههههههه والله بنت امها
يوسف.القصه انها معاندة وعلى اساس مش غلطانه وتبيني انا اللي نعتذر وتبي تشرط اخرى
سالم.والله
يوسف.ااه
علي.قصدك انت تبيها تأسف ومعليش انا الغالطه
يوسف.هي اللي رفضتني لما عديت بنردها
علي.مادرتش فيها هوين انت
سالم.يارا قصتكم معقدة شن الحل بعد هالكف
يوسف.تملح عاللي يردها
سالم.تو عاساس ماكانش بيموت بيش يدوي معاها امبدري
علي.خليه توا يتمحقن يحسابها ايام العلاقة تي اصلا ان شاء الله هلها يرضوا بردتها لكي
يوسف.قصدك مرات يرفضوا
سالم.بنتهم مش لعبة
علي.يصير خير انت توا خليها هي كيف فاسخه ومزالت راقيتلها وتبي وقت خليها
سالم.بس بجد حسيها قلبت محقنه وسماطه خلاص انتم مش فروخ صغار لا اعتذرلي لا نعتذرلك انت الغالط لا انت تحسابوا ارواحكم فالابتدائي
علي.حسيتها تمت لعب مفرخ
يوسف.ماهو انا مش مهزب رفضوني المرة الاولى بأي وجه ماشيلهم مرة تانية
علي.شوف جوك يايوسف انتم تعتبروا مزوزين سنتين وفاهمين بعضكم كويس
يوسف.خليها توا وتو نعرف نصرف معاها
سالم.باهي توا انت خطيبتك جت وروحت
علي.ااه عزمتها حياة
سالم.نذكر زمان لما قريت فاتحة هدى كل عرس تعديله انا وراها لكن هذا اللي يسمعش كلام سالم قتلك اقرى الفاتحه مع البيان قتلي لا فوت
علي.تي تعرف تسكت ولالا
سالم.مسكيييييين معليشيييي مسكييين
يوسف.تي عاساس انت نكسرتش فيك وهدى قاعدة فالعزا
سالم وجه شحب.خطرت عليا المواجع تو الواحد يروح يلقا الحوش فاضي ومهبي بعد خطرها وين اسو
يوسف.جوا عدي خودها
سالم.تو نخش لعمتي ناخدها
يوسف.ننصحكش
سالم.عليش
يوسف.ولا نقولك خش خش
سالم فاته وخش للقاعه
علي.كنك
يوسف.هههههههه بنات عمه قاعدات تو هدى تعلمها تدير فيه نهار لكن خليه
علي.خزي امسخ
يوسف.هههههههه قتلي سهى روحت ومن غير ماتشوفها
علي.من قالك نبي نشوفها اصلا
يوسف.اسالني انا الي حتى شوفتها بعباية ووشاح ردت فيا الروح&تنهد&
علي عزق فيه حيطه.تحشم ينعنشكلك
يوسف جرا بعيد.ههههههه مقهووور
#عند_سالم
سالم.يافاطمه كلميلي اسو وينها
فاطمه.حاضر هي
"وخشت جوا"
نسرين.خير ياسالم كيف حالك
سالم برم وجهه.
نسرين.كنك
سالم.خشي البسي عبايتك
نسرين.هييييه كنك طول عمرنا خوت عمرك مادرتهن هالطروح
سالم مابش يرد عليها هي انسحبت خشت وفاطمه جابتله اسو
سالم.تعالي حبيبت بابا
فاطمه.هاك هذين ياسالم
سالم.شنو
فاطمه.قرعت هدى وهاجر موصية عليها حيو قبل لاتطلع
سالم.به تمام
فاطمه.هاك هه
"مدتله الشكارة وطاح وشاحها رفعه لها سالم وخدا الحاجات ومسك يد اسو وطلع"
#عندي_انا
انا.ووووووه
فارس.لا ازح "وبرم الدومان بقوة"
انا.شنو الصوت هذا
فارس.رصاص معش تعيطي
انا.يخوف بكل
فارس.خوافة ههههههههه
انا.ههههههههه بطل سماطه
فارس.خلاص وصلنا"ودرس السيارة كان طبعا حوشه فالهواري"
والشباب بدوا يمتعوا ويبرموا كللهم وبعدها عدوا
فارس نزل من السيارة وصكر الباب وجاني فتحلي الباب مدلي يده مسكتها ونزلت صكر الباب ورايا ونزلنا نحنه الاثنين بالشوية كان قلبي يدق بقوة بكل
فارس.كنك حبيبتي
انا.لا شي حسي روحي داهشه وهكي
فارس رفع يدي باسها.اهدي بس
"وفتح باب الحوش خشيت وهوا خش ورايا"
صبا قدامي فك بطمة البرنوس ونزل الطربوش وباسني على راسي
فارس.مبروك
انا.مبروك علينا
فارس مسك يديه رفعهن وباسهن
انا.اا خ خلينه نتفرجوا عالحوش قبل
فارس.تعالي هي"ومسك يدي"
وبدينه نتمشوا فالجنينه الورانية والجنان وبعدها برمنا وخشينا للدور الاول كان قاسم لوطه معاشه وفوق منامه
وراني المطبخ كان بار حلو والصالة كانت طريقتها حلوة واثاثها راقي بكل ودروج الدور الثاني طالعات من النص ركبنا فوق
فارس.شن رايك فالحوش
انا.يهبببل احلى حتى من الصور
فارس.تمام خشي للدار اهياه
انا قعد قلبي ينبض بقوة
فارس حط يده عليه
فارس.كنك
انا.ا ا ا
فارس.ادوي حبيبتي كنك
انا.قعدت ساكته ونبحت فالوطا
فارس.خشي بدلي وتعالي نتفرجوا عالتيفي هي
انا.فارس
فارس.ياعيونه كنك مرتبكه وخايفه
انا.مش عارف حاسه حاجه غامه على قلبي
فارس.ياقلبي انت خشي بس
"خشيت للدار سلحت الفيلو ولبست روب ابيض حلو بكل كان كيف الطرف طويل وسيور رقيقات من فوق وعليه طرف ابيض كنت خايفه انا تجاربي الاثنين الاولات ماكاننش كويسات الموضوع هذا مرتبط عندي ديما بذكريات شينه واحساس بالالم فضيع قعدت مصبية قدام المراية ونبحت مش عارف ليش تذكرت هذك اليوم سبب دمار حياتي كلها وكل شي صارلي قعدت نبكي مر بيا شريط الذكريات على كم حدث على إسقاطي للعيل اول مرة نفطن لنضرات فارس ونركز عليهن على مجدي والي دارة فيا ولما اغتصبني على كم حاجه وحاجه على يوم كشفوني خوتي ومافطنتش الا بيديه من ورايا يمسحن في دموعي
فارس.انا فاهم في شن تفكري بس صدقيني الموضوع يفرقش معايا انا نحبك انت صفاتك انت ضحكتك انت شخصيتك انت مانحبش بقعة الدم الي مالهش ولا علاقة بمفهوم الشرف برمت عليه حضنته
فارس.بطلي بكا باهي دموعك يخلن فيا نرتبك بس نقولك حاجه غريبة نحبهن
"وخرت راسي وبحتت فيه"
فارس.اييواه اللمعه الي تعكس على لون عيونك هذي النظرة الي تحسس فيا انك طفلة سرقوا لعبتها التعابير كل حاجه
قعدت نبحت فيه ومبتسمه
فارس.تعالي للصالة هي
انا.نحبك
فارس.وحتى انا نحبك خلينا ننزلو للصالة احسن ههههههه
انا.خزي سخيف
فارس.تي اوكي عاساس انت لابسه محرمة الصلاة
انا.مش هكي والله
فارس.والله شنو"رفع حاجبه وحط يده لحيته"
انا.اوكي نسيت حتى شن بنقول
فارس.هههههههههه هيا ياسمحه
انا.هي
"وطلعت انا وياه وصلنا للدروج"
فارس.قبل خاطري نديرها بالفيلو لكن مصارش شي نديرها توا
انا.شنو
"طبس شمرني حطيت يديا ورا رقبته"
فارس.خفيفة انت
انا.بالعكس جسمي مليان انت الي عملاق
فارس.هههههههه انت الي طشه
انا.قعدت نبحت فيه مبتسمه باسني على فمي
انا.هييي عالدروج كان طحنا
فارس.ههههه "ونزل بيا للصالة قعمزنا وقعمزت جنبه حط يده ورا رقبتي اتكيت عليها"
انا.شنو الفلم
فارس.اختاري
انا.فلم اشيكي تو عندك
فارس.سحر هذا؟
انا.هههههه لا فلم هندي امبيسي بوليوود
فارس.تي فكيني منهم المليسين
انا.انت مليس محلاااهم بالذات شاروخان ولا سلمااان خان ولا ارناف ولا رودرا
فارس رفع حاجبه.
انا.معش ترفع حاجبك بيش نقدر ندوي
فارس.اسكتي احسن
انا.هههههههههه
فارس.جايب فلم رعب حطي عليه وخلاص
انا.اممممم به هي
"ولع الفلم"
انا.يخوفش راه
فارس.صاح
انا.والله
فارس.به
"في نص الفلم قعد يخوف شويه"
انا.فارس خلاص غير
فارس.عليش
انا.نحبش
فارس.خفتي
انا.لالا خفتش
فارس.مانيش مغير خليه
انا صبيت للكوجينة جبت شيشتين عصير وشكلاطه
انا.هذا عليش نكرهن عراس العشيه هذا كللللله الساعه8
فارس.هههههههههههه
انا مديت يدي مديتله العصير كرني قعمزني في كتره ولف يديه على وسطي
فارس.من حبيبتي"وباسني"
انا.انا
فارس.ومن عيوني"وباسني"
انا.انا
فارس.وقلبي وروحي وحياتي كللها
انا برمت بسته على خده.انا هذين كلهن وانته حياتي كلها
فارس.نوضي نصلوا خير ماننسوها
انا.باهي هي
"ركبت انا وياه خش للحمام الخارجي وانا خشيت لحمام الدار توضيت وحولت المكياج وطلعت لقيته مفرش الصلاية"
فارس.البسي محرمة الصلاة هي
انا.هي
"لبستها وصبيت وراه صلى بيا كان صوته فالتجويد اول مرة نسمعه خراافه صوته حلو بككل كمل صلاة وبرم عليا حط يده على راسي وقال الدعاء"
فارس.ربي يخليك ليا يانعمة
انا.يارب"وحولت محرمة الصلاة"
فارس.نازل نطفي التيفي
"نزل هوا وانا صبيت عالمراية درت ايلاينر ومسكرة وروج خشلي حط يديه في وسطي وباسني على رقبتي وووووووووووو"
#نضت_فالصبح
بحتت فيه لقيته راقد جنبي قعدت نبحت فيه ومبتسمه وننابش فيه صبيت دوشت و لبست بجامة وردية وبرمت على شعري وبخيت عطر وجيت قعمزت يلاه.
انا.فروسي
فارس حبيبي
فوفو
"طبست بسته على خشمه ومسكته فتح عيونه"
انا.هههههه نوض صباح الخير
فارس ابتسم
انا.كنك
فارس.يما حلمت بيه الصبح الي نفتح عيوني نلقاك قدامي
انا ابتسمت
فارس ناض من مكانه
انا.كنك طولت فالنوم انا نايضه من بدري
فارس.رقدتش اصلا
انا.عليش
فارس.انت مسرع ماخذاك النوم وانا قعدت نتأمل في وجهك الليل كله
انا.والله
فارس.والله خذاني النوم عالفجر
انا قعدت نلعب بشعره.نوض نفطروا هي ساد امس دازينه بلا عشا
فارس فنص
انا.كنك
فارس.العشا نسيته فالسيارة من لاورة
انا.هههههههههههه مرقدني جعانة والعشا حمض بره
فارس.قصه بنته تو تحصل
انا.شيلها للغسيل قبل ماتردها لصاحبها
فارس.يصير خير
"وناض من مكانه نزلت انا وياه للمطبخ"
فارس.ندوش ونجي
انا.به تمام
"خش هوا للحمام وانا فالمطبخ لقيت التلاجة حلويات وشكلاطات وخلاص قلبشت قلبشت لقيت توست طلعته وطلعت مربى وشكلاطه ودرتهن سندوتشات فآلة التوست ودرت قهوة بحليب حطيتهن عالطاولة وبديت نتمشى فالحوش كان سمح وكبير حلو بكل ركبت فوق مشيت لدار كانت شبه فاضيه فرشة ومرايات بس كانت دار وداد قبل لقيت مكان القذيفة صح مصين ومزوق لكن لما تركزي فالتفاصيل يبان عليك طلعت منها ونزلت لوطة عديت جيهت الحمام لقيته طالع بتوتة ينشف في شعره شكله يهببل وشعره المبلول"
انا.نعيما
فارس.ينعم عليك
انا.تعال نفطروا
فارس جا معايا خشينه للمطبخ قعمزنا مقابلين بعضنا
انا.شن رايك
فارس.في شن
انا.فالفطور
فارس.ريت هالمناب هو سندوتشات توست تقول ماشي للروضه
انا.خزي والله هذا لقيته فالتلاجه الباقي كله شكلاطات
فارس.ههههههه عنجد منظر وجهك
انا.كنه
فارس.فمك تقوس وحواجبك ركبن ههه
انا.بطل سماطه
فارس.به
انا.شن نديروا توا
فارس.انا المحلات مسلمهن كلهن ومفضي روحي الشهر هذا
انا.خلاص نسافروا
فارس.مافيش جواز ليا واساسا لازم تأشيرة واساسا بكل الموضوع يبي بندقة علي العبد ويبي مشية لمطار علي الطلاق والموضوع مايساعدش من جميع النواحي
انا.صكرها وجاب مفاتيحها
فارس.اااه حتى هاكي مفاتيحها
انا.عليك قصة نبي نسافر
فارس.ههههههه تو كان فتحوا الجوازات نسافروا
انا.افففففف به
فارس.قصة البلاد فيهش وين نعدوا
انا.حتى كان صيف نعدوا للبحر
فارس.نعدوا لسوسة وشحات سمحات فالشتاء
انا.ياريت
فارس.خلاص تو نشوف جوهن ونعدوا
انا.به تمام
"وصبيت للحمام غسلت يديه"
طلعت لقيته مش قاعد فالصالة مشيت للجنينة اللي بره لقيته مقعمز فيها عالدرجيحه الواسعه
انا.الله محلاها
فارس.اااه"وقعمزت يلاه حط يده على رقبتي اتكيت على صدره ومسكت المخدة في كتري"
انا.فارس وين الواي ماكس
فارس.بعته لواحد صاحب الفترة الي فاتت يبيه ضروري تو كان حصلت الفترة الجايه نشروا واحد
انا.ييي ملل غالي عليا نفتح
فارس.اها فاطنلك ديما اون لاين
انا.هههههه
فارس.نذكر اول يوم ايام وداد من اول ماوصلنا الحوش ناخدوا سيلفي ناخدوا سيلفي وجت تبي تنزلها ستوري عالسناب مهووسة نت
انا مارديتش علييه حسيت نار ولعت فيا
فارس.ههههههه ورنن عليها صحباتها فالصبح كان فيهن جو حناطتهن مع بعضهن
انا صبيت وطوحت المخدة وخشيت للحوش
فارس.حي نعنجده حتى انا مالقيت ماندوي
"وصبا لحقني لقاني فالدار مقعمزة على كرسي الزيانه نبحت فالمراية وماسكه قلم الكحل نخبط بيه عالزيانه"
فارس.كنك
انا.كني شي
فارس جا صبه قدامي.بحتي فيا
انا.مانبيش
فارس.فهميني كنك
انا.عليش الطروح وتدوي على وداد انا نحبش الجو هذا بكل وبعدين الله يرحمه انت راجلي انا توا نحبش تدوي على مرا غيري
فارس.تغاري ياطشه
انا.مانغارش
فارس.معناها عليش راقيتلك وشدوقك حمر
انا.تحنط تحنط"وصبيت بنطلع'
فارس كتفني بيديه
انا.وخر
فارس.كنها طشتي الغيورة العصبية
انا.معش تدوي عليها
فارس.حاضر
انا.معش تستعمل تاء التأنيث اصلا
فارس.ههههههههه حاضر اي حاجة مؤنثة ندوي عليها بالمذكر
انا.ههههههه"وحضنته بيديه"اييواه"
فارس وخر بيا عالسرير رقد ورقدني على صدره وبده يلعب بشعري
فارس.تو انت ياهبله المرا ربي يرحمها توفت معقولة تغاري منها
انا.اااه
فارس.بس هكي عباطة
انا.انا عبيطه عندك مانع
فارس باسني على راسي.حبيبتي العبيطة
انا.هههههههه
"سكتنا شويه"
انا.تعرف اني حاسة روحي فرحانة ومالكه الدنيا كلها عشان انت معايا
ونتمنى نبقوا طول عمرنا فرحانين وعيالنا بينه فالحوش يلعبوا ووو فارس
حي علمك تجخر
فارس
فارس كان في عالم تااني رقد
انا.خزي وانا ندويلك
سقمته عالسرير ورقدت جنبه كنت حاسة روحي نعسانة بكل
#بعد_اسبوع
#عند_سالم
سالم.ها حبيبتي برة اطلعي
هدى.طالعه
"وطلعت دوتش معاه بكل وصل بيها للحوش"
سالم.اسبوع كامل ياظالمه مسيبتيني بروحي
هدى.لولا انه حوش هلي حاليا متكركب ماكنتش روحتلك اصلا
"وخشت وصفقت الباب سالم لحقها"
سالم لحقها.كنك وعليش صفقة الباب
هدى عزقتله النقال.مستغل هدى العبيطه فالعزا ومسكد مع بنات عمتك فالعرس
سالم مسك النقال لقاه صورة لاه مصبي مع نسرين ويدوي وهي بلا عباية
سالم.يانعن جد بنات الحرام
هدى.ها شنو؟
سالم.والله ماصارت انا كنت خاش ناخد في اسو
هدى.تقدرش تاخدها من عمتك لازم تدحنس عالبنات
سالم.تي والله ماصارت ياهدى بحتي فيا ابرمي ندويش مع الساس انا
هدى برمت بحتت فيه وعيونها مليانات دموع
سالم.نسرين متربيين مع بعضنا وحتى لما جتني بالقفطان برمت وقلتلها البسي عبايتك وتنرفزت
هدى.والله
سالم.وحق ربي باهي
"وقدم عليها مسكها من كتوفها
سالم.تو ساتم يخونك
هدى.قهرتني الصورة
سالم.من دازهه لكي
هدى.مش عارف اكاونت عالفيس ودارتلي بلوك بعدها
سالم.وانت صدقتي دغري
هدى.كانت نفسيتي تعبانة وزيد عليها ضغط العزا وهكي
سالم.اهاااا بس انت فيك حاجه غريبة
هدى.كيف يعني
سالم.كم لها ماااا
هدى عيونها تشرعن.حييييي عليييييا
سالم.هههههههههههههههه
هدى.اضحك اضحك
سالم.هههههههههه بنقعد بابا مرة ثانية
هدى.مش قتلي نبيش عيال توا
سالم.خلاص حملتي شن بنردوه
هدى.قصة حملتي في اسو متعبة ووحمي واعر وبناخد اجازة
سالم.حرام عليك تنفريش العيل خلاص الحمدلله رزق من ربي
هدى.امممم
سالم.زعمك شنو
هدى.ان شاء الله عيل
سالم.ان شاء الله بنت وعيل خلاص خير وبركة
هدى.عليش؟انا كان نلقاهم واجدين
سالم.حبيبتي شايفه وضع البلاد اثنين ونعيشوهم كويس خير من خمسه ومايلقوش ماياكلو
هدى.صح معاك حق
سالم طلع للصاله وجاب اسو رقد بيها عالسرير ومعاهم هدى
سالم.اسو
اسو.نعم
سالم.بطن ماما فيها بيبي
اسو.هييييييه كلاته
سالم.ااااه داراته سندوتش
اسو بدت تفنص في امها
سالم.وحطت معاه طماطم وهريسه
اسو غطت عيونها
هدى.بابا يشفط حبيبتي هنا في بيبي بروحه بروحه انا كليتش
اسو.ثاح
هدى.اااه يقعد عندك خي صغيرون وسمح
اسو.نلعبوا مع بعضنا
هدى.اااه تلعبوا
اسو.امتى يجي
هدى.يجي بعد9شهور خلاص عدي نني
اسو صبت طلعت من الدار وسالم وهدى رقدوا
"وهكي مشن الايام"
مرن عليا وانا اسعد انسانه فالدنيا كلها مع فارس وجونا حلو حياتنا متريحة وبدينه نوتوا لعرس علي كانت الحياة بمعنى الكلمة بمبي يوسف عاش فالشقه ابتاعه وكم مرة نحاول نعزمهم همه وعيت مروة لكن ديما تصير حاجة تخرب الموضوع وهمه الاثنين يبو يردوا لكن حاستهم يبوا فترة بعد او مش عارف
سالم وهدى جوهم سمح مع بعضهم وهدى بطنها بدت تطلع
علي صين حوش هلي وقلبه كله قعد شكله حلو لكن خلا دار امي مصكرة عاساس لو بنجي للحوش نقعد فيها على قولته وشال الاثاث كله لشقة سالم
#في_يوم
انا.حبيبي نبي نعدي نسيق حوش علي عشان خلاص الاسبوع الجاي يجو هل سهى يفرشوا وهوا بكرة بيفرش
فارس فارس
"خشيت للدار لقيته مش قاعد ولقيت نقاله فيه رسالة محلولة طبست قريتها خلتني نرعش طلعت من الدار نجري"
#يتبع
