17حكاية حياة
#بعد_اسبوعين
انا.خير
مروة.اين خير
تصوري انه فارس يبينه نخطبوله
انا.شنوه😟
مروة.يبينه نخطبوله قال يبي وحده لاتشتغل لا تقرا لا شي ومتخمرة
انا.عليك تخلف كنه
مروة.ولا اخرى عمره ماكان عندها تليفون
انا.ولقيتو وحده من العصر الجاهلي هذا
مروة.كثر الله ماكثرهن ياحنه تحسابي الناس كلهم كيفنا جو ودلع
انا.اهاااا باهي ربي يهنيه ويسعده انت شن مضايقك
مروة.تي كيف نبي نأمنها علي عيال خويا هذي وحده جاهله حتى قراية لا ولا تطلع لاتخش لاشي انا عارفه انه خويا عنده عقد شرقيه لكن مانحسابش توصل لهدرجة1
انا.مش كل وحده مش قارية معناها جاهله
مروة.مهما كان
انا.باهي نبي نصكر انا تبي حاجه
مرروة.تعرفيش وحده هكي
انا.ماناقص الا نخطبله
مروة.شنو
انا.قتلك نبي نصكر
مروة.باهي راك تضربي
انا.بالسلامه
مروة.بالسلامه
#مروة
عيني عينك حاطه عينها عليه وتبيه واضح اصلا
تي مفروض وحده في حالتها تفكرش في الارتباط بكل لو مش عشان هيا ماتنفضحش عشان تحافظ علي سمعة خوتها مساكين.
انا
صكرت منها وطلعت لوسط الحوش لقيتش ماما حسيت روحي مش مضايقه لأ منقهرة كان نلقى نكسر أي شي ندير أي حاجه تفش غلي
صبيت للحوش هذى جنان هذى مطبخ هذي صاله كل شي نظفته علي خشت ماما
انا.اهلا
ماما.ماشاء الله علي بنتي شن الحرارة اللي نازله عليك
انا.اهو
ماما.باهي تمام
انا.وين كنتي
ماما.طالعه نهدرز عند فتحيه
انا.هدرزتك عند فتحيه دمرت حياتي
ماما.شنو
انا.شي
ماما.هههههههه نموت ونعرف ليش تكرهيها والله مرا كويسه وفي حالها
انا.باهي باهي
ماما.تديريلنا بكلاوة
انا.باهي تو نكمل طلي الدولاب نديرها
ماما.تو نكمله انا عدي ديريها
"بديت انا فيها وماما تطلى فالدولاب يلايا ونهدرزو كان ليا زماااااااان ماهدرزتش معاها هدرزة رايقه بعيدا عن مواضيع الزيزة وفلانه اللي ازوزت وانظر شنو كملنا حوستنا وعسلت البكلاوة وقعمزنا"
ماما.جاية طعمتها تهبببل
انا.اها
ماما.امتى بتمشطي هالشفاشيف
انا.ههههههه مدررهات كبدي ليش شعري ماجاش ناعم كيف البنات
ماما.والله نعمه شعرك وغزارته ولونه غير انت اهو
انا.نقولك تو نخش نغسله ونديرله الكريمه وامشطيه ليا
ماما.باهي هي. وخدت طرف بكلاوة كلاتها
انا.خلاص ياحنه نبدو نعانو فالسكر بعدها
ماما.ههههههههه خشي اغسليه بس خشي
"خشيت تحت الدوش وكأنه اللي كتمته امبدري كله طلع بدن دموعي ينزلن ونغسل في شعري بحتت فالميه لقيتها فااااايرة من كثرت القهر ماانتبهتلهش طلعت وجلدي سااااخن حطيت الكريمه علي شعري وراجيته شوبه ومصمصتها ولبست دبشي وطلعت"
ماما.نعيما
انا.ينعم عليك
"وجيت قعمزت قدامها وبدت تمشطلي تعرفو حسيت روحي مرايفه عليها كملتلي مشط رقدت علي كراعها وبديت ناكل فالبكلاوة ونهدرز انا وياها ونضحكو"
وخشو خوتي
انا.كنتو مع بعضكم شكله
يوسف.اها كنا زاردين نحنه التلاته والجماعه
سالم.جو لاقوة الا بالله
علي.امي انت واكله من البكلاوة
ماما.ماكترتش طريفين ولاتلاته
انا جيت بندوي بعدها خفت منه ديما يقولي تخليهش تاخد حلو وهيا كملت تبسي بروحها.
علي.طرفين ولا تلاته بس
يوسف.وين قرعتي
انا.فالتلاجه
سالم.وانا.
انا.قول لمراتك
سالم.ههههههههه ماضني تعرف تديرها
انا.هههههه والله نرن عليها نقولها
يوسف.تقتلك بعدها
علي.تخاف منها قصدك لا عليك عبا والله
انا.كلا انته ياعلي يانويييرتي علي سهى اللي طاحت فيك
علي.هههههههه وعليش
انا.عقد مجموعة عقد
علي.وشن تحسابيني بنعاملك كيفها
يوسف.اوووووووو قصف جبهات
انا.ساديني يوسف وسالم مانبي منك شي
علي.يعني نفوتهن500الدبش اللي قلتي تبيهن امي
انا.لا مش هكي عاد انته خويا الكبير وغالي عليا
علي.اهاااا سبحان الله
انا.سالم هدى ليش ماتنزل
سالم.جاياتها خواتها تيالي
انا.صااح فطنتلهنش جن كنها ماقالتلي عارفتني غالي عليا نكسد معاهن
سالم.لنقنها قالتلي كلم حيو تركب عنديش رصيد وانا اللي نسيت نقولك لكن مااظني الا روحن تو نركب نشوفها بلكي تنزل*وطلع*
انا.بنقول اصله عندهش عليهن الطروح هذين
يوسف.باهي اللي شريت لمروة شقه بره وانت واخده دور الصبيه بقوة واندفاع
انا.ههههههه حتى مروة تو نوريها حتى كان شقه برة
علي.وسهى
انا.لا سهى فيها اللي مكفيها ساد طاحت فيك انته نزيد انا عليها
علي.وكني انا
انا.لا ترن لا تهدرز لا خشيت يوم البيان لاتشيل في هدايا ماتقول خطيبتك بكككل
علي.ماعنديش لها راس
انا.بس حرام عليك هكي فترة الخطوبه داروها الناس بيش تتعرفو علي بعضكم ماتجيش بعد الزواج وتقول اصله مش متفاهمين اصله مش فاهم عليها اصله في حاجات تبيهن انا مش موافق عليهن
علي.اللي نبيه قلتوه لها
انا.لاااه انا ماقلت شي وماما ماقالت شي نحنه الاثنين وليدنا كويس وانظر شنو عاساس انته تدوي معاها وتفاهمو ياعقده
علي.اهاااا
انا.رن عليها تفاهمو واعرفها مزال قدامك
وقت انته عرسك في 2016 وحتى فاتحه مادرتوش
علي.باهي يصير خير
يوسف.حيو رايحه حكيمه وجو
انا.اها صقع عليك😎😎
يوسف.اهو نزل العبيط ومراته العبيطه
انا شادة الضحكه.عيب يامسخ
هدى.السلااام عليكم
انا.وعليكم السلام😒
هدى.كنك ماركبتي
انا.كنك مانزلتي كلمتيني
هدى.كيف صار
سالم.مش قتلك نسيت نقولك
هدى.😒هذا اللي يعبا عليك
انا.كانك تبيني راك نزلتي مش دزيتيه
هدى.لا ياحيو بالعكس ماهو ديما نلتمو مع خواتي ونباتو ونهدرزو عليش يعني مانبيكش
انا.هههههههههههه نبصر عليك بس اصلا كنت مشغوله
هدى.واضح مشغوله سالم قاللي بكلاوة وحركات
انا.تفضلي خودي
وبرمت لقيت ماما تهدرز هي وعلي ومكملة التبسي كله
انا.مامااا😲حي عليكي كملتي التبسي
ماما.حي😟عادي عادي بينه مايضررش عطيهم من اللي فالطاجين
"صبيت جبت الطاجين ورديت حطيتها لهم"
هدى.بعد خطرها ليش قلتيلي غيريلها الحليب بذات لانه فعلا اول مابطلته بطلت بكا
سالم.فعلا حسيته تريحنا من عياطها ونكدها طول الليل
يوسف بهمس لسالم.واجعك عياطها طول الليل
سالم.تي اس يامسخ اس
هدى.تهبببل ياحيو عليك بكلاوة
انا.سلمك
"وبدينا نهدرزو وجونا حلو💖وبعدها فطنت لعلي خش لداره"
علي.الو
سهى.الو معليش من معايا
علي.اوووو ياحلوة عليك صوت فيك
سهى.لو سمحت احترم نفسك ومعش ترن انا مخطوبه
"صكر عليها وطلع الشفرة الاخرى ورن عليها"
علي.الو
سهى.عليك مرطزة عليش رنيت اخرى
علي.ارجي ماتصكريش
سهى.شن تبي
علي.انا خطيبك علي
سهى.من
علي.انا خطيبك علي
سهى.يامرحبا هذا وين خطرلك وعرفت عندك خطيبه لسه بدري والله
"وصكرت عليه"
علي.😳😳عنجدها شنو هذا
ورد رن عليها اخرى
علي.الو
سهى.شن تبي
علي.احترمي نفسك كنك تدوي هكي خطيبك انا راه
سهى.والله ترا احلف هذا وين خطرلك ياخطيبي
علي.كنك راقيتلك وتهزبي انت بس
سهى.تي عالاثر مزوزيني غصبا عني عالاثر خطيب مش مدورني لا معبرني
علي.ههههههههه وانت مغصوبه عليا
سهى.مالا في وحده بعقلها توافق عليك
علي.وكني انا شن
سهى.حتى الرؤية الشرعيه جيت عالسريع ودوة مادويتش ولا درت شي هكي بحتت في وجهي وقعدت تهدرز مع بابا تحساب روحك تقيم في بضاعه
علي.هههههههههههههه عنجد راسك مش هكي والله لكن لاني مش متعود ندوي مع البنات ماعرفتش شن نقولك
سهى.واهو منطلق وتهدرز ولا تدير في طروح راني مؤدب ونعرفش بنات
علي.تي باك تدوي كويس وتبطلي جلاطه
سهى.هعههعهههه تبي الحق انا والله مش جالطه لكن انته نرفزتني تقول حاجز بضاعه مش انسانه
علي.حاضر تو من يوم وغادي نرن عليك وندوو ونتناقشو بالذات في موضوع مزوزيني غصبا عني
سهى.هههههه تمسكش فيها
علي.تصبحي عخير
سهى.وانته بخير
"وصكر منها"
~~~~~~~
هدى.تصبحو علي خير
ماما.وانتم بخير
انا.وانت بخير*وبست اسو ومديتها لها*
سالم خدا منها البنت.تصبحن علي خير
"وركبو هما الاثنين"
يوسف حتى انا نعسااان عالاخر
انا.تصبح علي خير
"وخش يوسف لداره وانا قعدت عالتلفزيون وماما رقدت يلايا"
--------------
يوسف.الو
مروة.الو
يوسف.شن جوك حبيبي
مروة.تمام بكل وانت
يوسف.الحمدلله
مروة.شن تعشيت
يوسف.بكلاوة
مروة.الله😍
يوسف.تعرفي تديريها
مروة.اها نعرف لكن ليا زمان مادرتها
يوسف.باهي الحمدلله بعدك غاليه عليا
مروة.حبيبي نسالك
يوسف.شنو
مروة.شن الحاجه اللي ممكن تفرق بينه
يوسف.ولا شي بعيد الشر
مروة.لا مش هكي يعني مثلا شن الشي اللي ممكن يخليك تسيبني او تكرهني
يوسف.الكذب والخيانه حاجتين ممكن نموت ومانسامحكش عليهن لو درتيهن
مروة.اهااااا
يوسف ليش تسألي
مروة.لا شي بنعرف باهي احكيلي شن لون لبسة العرس
يوسف.نفكر كحليه
مروة.تطلع عليك سمحه
يوسف.كم مزال عليه بالظبط
مروة.خمس اشهور واسبوع
يوسف.ههههههههه حاسبتيهن
مروة.هههههههه اكيد
يوسف.باهي انا نعسان
مروة.تصبح علي خير
يوسف.وانت من اهله
'وصكر يوسف ورقد"
-------
حسيت روحي نعست جيت لماما
انا.ماما نوضي ارقدي في سريرك ماما
ماما مااااماااااا امااااااماااااا
ياعلييييي يايوسسسسف ماما تعاااالو حييييه عليا ياماماااااااااا وووووووه عليا
#يتبع
18
هدى باست سالم علي خده.حبيبي
سالم.ياعيون حبيبك
هدى.نسمع في هرجة لوطه
سالم.تدوي جد
هدى.مش عارف تيال حييييه اسمع كانها حيو تندب*وصبت من مكانها*
سالم نط من السرير لبس السروال وجلابيه ونزل يجري لقاني في وسط الحوش نبكي ويوسف وعلي شامرين امي وطالعين بيها
*وخشت هدى تجري*
هدى.حيو شن في
انا نجري نلبس قي عبايتي وندوي.ماما ياهدى ماما ننوض فيها عرقانه وحاميه ونفسها مقطووع ياربي
هدى.استهدي بالله خلاص حبيبتي تو اكيده مافيها الا كل خير غير راقي عليها السكر شويه من البكلاوة
انا بديت نضرب في وجهي.هذي البكلاوة اللي درتها لها قتلتها حي عليا وووووووه عليا ياامي
هدى.حيو تفاوليش عليها
انا.ضبحي لسالم راهو يعدي
هدى.سالم ارجى
سالم نازل من فوق يجري.نعم
هدى.خود معاك حيو تبي تعدي
انا طلعت للسيارة ولحقني سالم.كنك رديت ركبت
سالم.جبت فلوس وجبت اوراقها وتقاريرها قاعدات عندي
انا.زعمك شن صارلها ياربي انا الا ماما ممكن نموت في جرتها
سالم.تفاوليش عليها خلاص
انا.يااارب احفظها ليا يااارب
*وصلنا للمستشفى نزلت نجري خبطت في دكتور*
الدكتور.تي هيي انت بحتي قدامك
انا.ترا حول من يلا وجهي مش وقتك بكل
الدكتور.قلة ذوق وقلة ادب
انا.ماقليل ادب الا انته
الدكتور.جالطه
انا.متخلف
"وسيبته وعديت طول شور علي ويوسف.لقيتهم فم الغرفه"
انا.شن صار
علي.السكر رقا عليها وسببلها.ارتفاع في عدد نبضات القلب متأكده طرفين بكلاوة
انا.سكوت
يوسف.لنقنها كملت تبسي بروحها فطنتلها
علي.عنجد اصل البكلاوة بكل طول النهار نعيط عالحلو فوتو الحلو ياجماعة لكن شي شي تسكير راس
يوسف.خلاص ازح تزيدهش علينا
سالم جا.كنها شن قالولكم
علي.فظحتنا ازف خش للحمام اغسل وجهك واستر روحك
يوسف كان مطبس راسه ويضحك
انا برمت بحتت في وجه لقيت جيهت فمه كلها روج ورقبته علامات شكلي مافطنتش فالظلام
سالم.كنه😳
علي.امشي للحمام امشي
"سالم طلع عدى للحمام وانا خديت كرسي وقعمزت"
سالم خش للحمام بحت فالمرايه
سالم.ينعنجدك ياهدى وجهي كله روج ازح*وبده يغسل فيه بالميه مابش يحول*
سالم.الو
هدى.الو طمني شن صار فيها عميمة
سالم.كويسه شن اللي في وجهي هذا
هدى.شنو
سالم.رقبتي كلها علامات ووجهي روج معقوله
هدى.هيييييييه قصدك عديت بيه غادي😱😱😱😱عليك تزليط ياناعلييااا
سالم.تي كنه مايبيش يحول
هدى.24ساعه حاطه مااظنيش يحول بسهوله
سالم.ينعنننن عليك دراه كبد
هدى.حاول معاه بالصابون خليني نبرم عالحوش لانه اكيد الناس بيبدو يجو افواج
سالم.باهي به
"صكر منها وبده يحك في وجها بالصابون نين حولن الروج وبعدها صكر الجلابيه لعند فوق وطلع"
يوسف.اااه يناري يناري ااااه يناري يناري
سالم.تي اسكت يامسخ لنقنها تزليطه قدام حياة وعلي اخرى
يوسف.ههههه هذا عشمي فيك
سالم.بالله شن حال امك
يوسف.كويسه غير علي مأوفر الموضوع بس
سالم.وحياة تندب وحالتها حاله
يوسف.اهو جا الدكتور
سالم.شن اسمه
يوسف.اسمه مجدي صاحب علي هوا
سالم.اهااا هي نعدوله قاعد يدوي معاه
يوسف.هيا
*وصبو هما الاثنين وعدو للدكتور وانا مقعمزة عالكرسي يلاهم*
مجدي.حالتها نوعا ما مستقرة لكن بتردو بالكم راهو قلبها ضعيييف عالاخر
علي.ان شاء الله
يوسف.الحمدلله
انا.تطلع اليوم
مجدي التفت بحت فيا.هوا انت
علي.تعرفها؟
مجدي.ههههههه كانت خاشه تجري خبطت فيا وهزبتني وكملت طريقها
