#حكاية_حياة
..........
كنت فالشقه نبرم وهكي ونقرا في كتاب إسمه أرض الإله لأحمد مراد
سبحان الله وصف ناديا اللي فالكتاب زيي بالزبط يعني طريقة الشعر والطبيعه وهكي حبيته واجد لييين سمعت الباب يدق؟؟غريبة البواب يجيب في الخبزة قيس المغرب مش توا زعمك جابها توا لبست محرمتي وفتحت الباب
البواب.يامدام دي الخبزة ابتاعت بوكرة جبتها دلوقتي لانه قالو ناقصه خفت مااحصلهاش
انا.اهاا شكراً
البواب.العفو عايزة حاجه تاني
انا.لا
"صكرت الباب طبعاً البواب متفق معاه مجدي يجيبلي حاجتي كلها وهكي شاكة فيه هوا اللي قال لمجدي إني طلعت"
#علي
جيت للعمارة وسألت البواب علي شقة للبيع قاللي اااه الدور الاخير معروض للبيع ركبت خطمت علي شقة مجدي لقيت شكارة كناسة فم الباب استغربت قلت شكله واحد من الجيران حاطها قدامهم وانا نازل فطنت لبابها اصكر؟؟
ركب فيا الشك عديت للبواب!
علي.معلش بنسالك الدور الخامس ساكنين فيه
البواب.ااه مسكون
علي.من
.البواب.عيله
علي.اهااااا غريبه
البواب.ايه الغريب ياباشا
علي.شي شي
روحت وتكيت علي يوسف روحت بيه ووصلت للحوش بنرقد مدهكل لكن الموضوع شغلني الشقه فيها حد زعمك ملخبط فالشقق انا اكيدة ملخبط تو نسال يوسف بكرة كم رقمها ان شاء الله غير مش واحد زاقب فيها
-----------
البواب.الو
مجدي.ايوا يامنعم كنك ران
البواب.اقلك ايه ياباشا
مجدي زفر.طلعت مرة تانية
البواب.لا ماخرجتش بس في حد بيسأل اذا كان مسكونة ولا لأ
مجدي بنت.ماتقولش قلتله مسكونه
البواب.ا اا ا الا لا ماقلتلوش
مجدي.تمام تو نصرف شكراً
البواب.اوكي ياباشا*صكر*
#مجدي
جيت بنرن عليها نقوللها لكن قلت شن الفايدة مش حتفرق واجد بعدين علي ممكن كان يأكد عشان سمع باللي يزقبوا كيف بيعرف اصلا في حد جوا ولالا
#عند_فارس
ناض فالصبح لقا وداد راقدة فالسرير وكاشه ونقالها يرن
فارس.وداد وداد
وداد.اممم
فارس.نقالك يرن
وداد.اوووف مش وقته"خدت النقال حلاته وحلت السبيكر".
بنت.الو يادودي شن صار اكيده تدوشي يابنت المحظوظة ااه
وداد نطت من السرير للنقال.عنشكلك ياسارة وعنشكل اللي مزال يصاحبك
"طبعاً فارس طايح علي ظهره بالضحك علي منظر نطتها وشعرها اللي اشتشت"
وداد.حالة السبيكر
سارة.قصدك الطرف يلاك
وداد.مزلت ماصكرت السبيكار اسكتي
سارة.هييييييه تي شن ترجي
وداد.عارفه نقالي يستك نسقم فيه قاعده
سارة.عليك فضيحه انفضحت خلاص
وداد.انت مش مخليه وجهك عنده انا اللي يلاه
سارة.هوا اللي يضحك
وداد.اااه
سارة.حتى ضحكته طرفه يناعليا
وداد.سارة اولا السبيكار قتلك مزال مفتوح ثانيا راهو راجلي ثالثا راعي وسام
سارة.هي يعني جت علي هذي اولا
وكان راجلك نزغرتلك ثانيا
ثالثا وسام فكيني منه تر رايح
وداد.ممكن تصكري توا
سارة.سلميلي عالطرف
وداد.سلمك صكري*صكرت*
فارس عيونه دموع.هههههههههه بطني خلاص
وداد وجها حمر ومنحرجه.اسكت خلاص
فارس.حاكيتيلهن عليا
وداد.ااه اول يوم طلبتوني فيه كلهن علمن قلتلهن الشروط ودزيت صورتك يأكدنلي عليك وكلل شي
فارس.شن قالن
وداد.قالن ااا ولا فوت
فارس.ندوي جد شن قالن
وداد.تدوي جد تزعلش
فارس.ااه
وداد.هوا شي مامسكنش عليك شي اللي يعرفنك كلهن في قروب كيد النساء قالن في حاله ويحبش خلطة الصبايا وصحباتي اعترضن علي موضوع قالت هذا متخلف لا نقال لا شي لكن حسيتك عادي يعني امس خدينه سلفي ونزلته وعندك واي ماكس مش متخلف يعني وكل شي لا وهكي
فارس.اف بي اي هذا حي علما
وداد.ههههههه اها
فارس قرن حواجبه.موضوع النقال انا مزلت متمسك بيه هاتي نقالك
وداد شرعت عيونها وفمها تقوس تلقائيا.بس
فارس.مابسش من الاول قلت لانقال لانت
وداد سقمت قعميزتها قدامه.والنبي ورس فاااارس الخمار وقلت باهي وقراية احسن بكل نبيش نقرا والشفرة خودها اصلا نرن بالفايبر بس النقال و النت نبيييهن والنبييي
فارس قعد يضحك.عنجدك طفله بكككل
وداد.حتخليه يعني
فارس.انا وقت قلت الشروط هذين كنت حامق من حاجه معينه وعدت في وقتها لكن عادي خليهن عندي فيك ثقه المهم تكوني قدها
وداد تمت تنط عالسرير.هاااااي
فارس.واحدفي اصدقائك ابتاعي المدرسة
وداد.والله اصدقاء بي مافي بينه حاجه وحتى كان اعجبت بواحد منهم تو نقولك اول واحد والله
فارس.قولي والله لا فيك الخير تبي تقوليلي كان اعجبتي بيش تعزميني نحضر الفاتحه
وداد.هههههههههههه نبصر بس والله لكن تو نحدفهم كلهم
"تامي تتصل"
فارس.ردي وحلي السبيكار
وداد.عليش
فارس.هكي
وداد.فوت البنت هذي فضيحه والله
فارس.حلي بس
وداد.الو
تامي.شن تديري
وداد.مكسدة عالسرير
تامي.ااااه ياقلبي ااااه الطرف وين
وداد.الله يجعلكن مفضوحات فالدنيا قبل الاخره ايييوا
"فارس قعد يضحك"
تامي.ههههههه عليش
وداد.شي شي
تامي.امتى نضتي
وداد.تو كيف نضت
تامي.ليلة صباحي طبعا وانا الكلب معتز نرن عليه من امس مايردش عارفني بنقوله حرك روحك واخطبني
"فارس قعد وجها مصدوم"
وداد وجها حمررر.باه خلاص
تامي.شكله ينادي عليك صاح قولي صاح شن يقولك ياددو ولا يادودي ولايقول حبيبتي
وداد.صكري نبيش نصكر عليك
تامي.مستعجله يناااري عليك ياتامي لا راجل لاحبيب مطنقرة في حوش هلك كي البنغلاديشيه
"فارس يضحك من جد جده ويخبط"
وداد.نصكر عليك
تامي.عدي للطرف عدي وانا تو نرن ننكد علي معتز
وداد.ربي يعينه
فارس.فيهن جو صحباتك يفهمن فالجو
وداد.جو شنو
فارس قدم باسها ومسكها من كتوفها.الجو هذا
"صار اللي صار بعدها"
فارس.النقال يرن مديه ليا تره
وداد.حتى انت حل السبيكار
فارس.لالا يصير شي
وداد.فااارراااس وحدة بوحده عاااد
فارس.يستر الله مايفلمش
وداد.هههههه
فارس.الو
حمد.حييي عريس وترد علينا شكلك فايتينك وراقد فالصالة كيف سمير زمان
فارس.لا صقع عليك*وباس وداد علي راسها*
حمد.حاااسدك للمليون ازح
سمير.خاطري ندير فيك اللي درته فيا ليلة عرسي
حمد.تعديش في خاطرك ياسمور صبي هي
فارس.لاا يجماعة بلا جو شين ماشيين لهلي دايرين صباحيه
حمد.اممممم به معناته امتى.
فارس.مش لازم
حمد. لا لازم
فارس.ياحمد سمير ازوز وعدى انته اللي دورك جاي فوت الموضوع خيرلك
حمد.فيها تفكير والله
فارس.صكر صكر عقبالك
حمد.زعمك ياربي نرن عليكم وهيا جنبي وندويلكم مرة ومرة نبوسها
فارس.تي اسكت ازح
حمد.عاساس تديرش فيها نسمع فيك
فارس.عهههههههه
حمد.والكلب سمير جايني بنته عطر نساء راعوني راني عازب ازح
فارس.ههههههههههه فضحتني
حمد.تي بينه ياراجل
فارس.لا بينه مانحكيلك
حمد.باهي هدرزلي
فارس.تي فوتني نعدي نشوف المدام
حمد.اااه ياناري ياناري
فارس.ااه مانحيلك"صكر عليه"
وداد.صاحبك صايع
فارس.وصحباتك رنن سمعن عليك المصحف صاح
وداد.نحنه بنات عادي
فارس.ههههههه عنجد هذ
وداد.قصدك تدوو زينا فالمواضيع هذين
فارس.واشر اخرى
وداد.باهي نبي نصبي ندوش ونبي نرجا الكوافير نلبس عربي وانته البس عميمة دايرة صباحية قالت
فارس.اها به
"صبت وداد ولفت الفوطه وعدت للحمام"
فارس بحت فالفراش
فارس.هه ضيعت حب حياتي علي خاطر بقعه زي هذ عاساس استفدت بيها تواا
وصبى طلع للحمام الخارجي دوش وخش بالديشنمبر للدار
وداد طلعت بالديشنمبر صبت فم باب الحمام.اطلع عاااد
فارس.عنجد اطلع بنلبس صقع ناخد برد
وداد.باهي نلبس توتتي بس اطلع
فارس مد يده طلع باكو.هاكي هه البسيها فالحمام واطلعي
وداد. اوففف مش هذا مدلي توته
فارس.تخلينيش نجيك عدي هيا نبي نلبس
وداد تحشمت وخشت تجري للحمام
'لبساته كان طرف اسود لعند الركبه يلمع وظهره عريان وصدره كله فصوص'
وداد.فضيييحه هذا يناعليا
"فتحت الباب وطلعت"
فارس بحت فيها.لازم منها المشيه
وداد.ااه😳لازم اااه
فارس وخر.باهي طلعيلي العربي هي
وداد طلعتله الجلابيه وكل حاجه والفرملة وخدت توتة وعدت للحمام
طلعت لقت فارس لابس
خدت النقال ورنت علي اختها
وداد.الو
نهى.الو ياعروسة
وداد.شن صار وين فالكوافير
نهى.جايتك انا وياها توا
وداد.تمام نرجا فيكم
فارس.باهي انا نقعد ولا كيف يسير
وداد.خليك عادي
فارس.به
وداد.نفطروا
فارس.هيا حسيت روحي جعت
عدت للكوجينة وبدت تحط فالحاجات
وخش فارس قعمزوا يفطروا ويدووا عادي بعدين جت الكوافير ونهى ومكيجت ولبست وهنه طلعن
فارس.طالعه تهبلي ماشاء الله
وداد.صاح هيا ناخدوا سيلفي
فارس.ههههههه باهي هيا😎
وداد.طلعت سمحة*حطتها ستوري*
فارس.حدفتيهم ولالا
وداد.حدفتهم كلللللهم اااه
"سارة تتصل"
فارس.ردي عليها
وداد.ههههههههه به
وداد.الو
سارة تنهدت.ليش تقهري فيا
وداد.كنك
سارة.صورته بالعربي عالسناب لييش هكي ليييش
وداد.ههههههههه
سارة.بس طالعه اسمح منه يافرخه يمشي معاك العربي والمكياج واخد جوه
وداد.هههههههه
سارة.كنك تضحكي وخلاص
وداد.يسمع فيك ههههههه
سارة.عنشكلك😱
"صكرت عليها"
فارس.صحباتك فيهن جو اعزميهن
وداد.ههههه تو نجيبهن لكن تتحمل المسؤولية
فارس.هي نعدولهم هي
وداد.هي
"مروة تتصل"
فارس. ارجي شويه
فارس.الو
مروة.فارس ماتجوش
فارس.كنكم
مروة.راجل خالتك خوه توفا
فارس.ياحول الله
مروة.ااه يناري
فارس.باهي به*صكر*
وداد.خسااارة
فارس.تعالي نصورو بالعربي فالمصوراتي ونروحو خلاص
وداد.باهي هي
"طلعت هيا وياه عدو للمصوراتي صورو وروحو"
فارس.جن يهبلن الصور
وداد.بطني توجع فيا
فارس.كنك
وداد.شي شي"خشت سلحت ولبست توته وخشت رقدت"
فارس.غريبة كنها
"قعمز يتفرج عالتيفي لعند قريب ال6"
خشلها لقاها تتوجع وحرارتها عالية وحالتها حاله.
فارس.كنك
وداد.شي شي
فارس.مريضه
وداد.لالا
فارس.قصدي مريضة عليك
وداد.اااه
فارس معناته اكيدة كيف مروة لازم تاخد يبرة.صبي تبيلك اليبرة صاح تعالي نعدو
وداد تمت تبكي.لالا نبيش
فارس.بلاش دلع لازم منها صبي هي
وداد.لالا فكني منهن الايباري نحبهنش
فارس.كيف كنتي تديري باه
وداد.يبزولي فيها لكن نحبهنش
فارس.باهي ارقدي تو نجيبلك يانسون وكمون مطبوخات
وداد بوجع.حط فيهن سكر نحبش مرر
فارس.ههههههه عنجد الوقت وخلاص
وداد ردت تبكي اخرى
"خش للمطبخ طبخهن لها"
فارس.هاكي هه
وداد دفاته وصبت تجري للحمام ترجع
فارس.تؤتؤتؤتؤ كنك
وداد.هكي مش عارف*وبدت تبكي*
وخشت للسرير
فارس.هاكي اشربي تو تهدي
وداد شربت.يعععع طعمتهن
فارس.مش نوتيلا هي
وداد.جيبلي الفازو اللي فالتلاجة
فارس.تي اشربي اللي عندك قبل
وداد بجعونة.جيبلي النوتيلا
فارس.اشربي قبل
وداد شربتها كللها في شغمه وحدة ووقعدت تمسك في روحها تبي ترجعها
فارس.تو تهدي هكي خلاص
وداد.صبت واتكت عالسرير.جيبه والنبي
فارس عدى جابه لها ومعاه كاشيك وجا
حلاته وبدت تاكل
فارس.عنجد منظرك
وداد.تبحتش فيا وانا هكي والله كيوت لكن نحب ناكلها لماا*وطت راسهاوسكتت*
فارس.ههههههه"واتكا جنبها عالسرير ورقد
#فالليل
كانت وداد تبكي وتتوجع
فارس.كنك
وداد خانقتها العبرة.زادت اخرى
فارس.ديما هكي
وداد.اااه نين ناخد ابرة مسكنه
فارس.بكرة لازم نعدوا ناخدوها
"وقدم حظنها لاه حطت راسها علي صدره ورقدت"
#تاني_يوم
#يوسف
يوسف.الو
مروة.اهلين فيفا
يوسف.ياعيونه
مروة.شفت الشقه
يوسف.درتلها اضاءة زي اللي وريته لكي فالصورة بالظبط
مروة.حيي تطلع تهبل وانا حجزت الفيلو خلاص
يوسف.بدوا هلك يوتوا في حاجات العشا وهكي
مروة.ماما تبي تجيب سيرفز عرفت كيف
يوسف.كيف
مروة.قبل العرس باسبوعين تلاته نعدوا نحجزوا كل شي وندفعوا العربون ويوم الصاله نستلموها واتيه ونسلموهم الفلوس
يوسف.احسن والله وانا خلاص حجزت القاعه
مروة.المصورة
يوسف.تمام
مروة.الكوافير
يوسف.تمام
مروة.الديكور ابتاع القاعه
يوسف.تمام كيف حافظتيهن انت
مروة.نسمع عليك من ورقه
يوسف.مزال التورتة بس
مروة.ايييوه الورقه كلها درناها
يوسف.شن رايك المصورة والتورتة فاالشقه
مروة.ليش
يويف.ناخدوا راحتنا فالتصوير واللقطات انا عارفتيني مانعرفش
الخشه وبالمحوتك وافقت مابالك تورتة وهكي ناخدوهن للحوش وناخدو راحتنا ونصورو صور نلقوهن طول عمرنا سمحات وزي مانبوا
مروة.باهي والبنات بيشوفني،
يوسف.مش لازم يشوفنك بعدين نبي نقعد نبحت فيهن هذي قفطان وهذكي انظر شنو
مروة.معاك حق
يوسف.تمام
مروة.باهي نبوش نرقصوا يعني
يوسف.فوتيها مش جوها بكككل
مروة.يايوسف عاااد كل حاجه مش جوها ليلة هيا
يوسف.باهي فالشقه
مروة.فالشقه فيش ديجي وسبوتليت وجو سمح ودخان
يوسف.باهي ياستي الرقصه به
مروة.نحببببااااك
يوسف.وانا نموت فيك
مروة.باهي شن مزال اخرى مادوينش فيه نبيش الليله هذكي ينقصها شي
يوسف.حاجه وحدة بس
مروة.شنو
يوسف.شن بتلبسي
مروة.توته شنو يعني فيلو
يوسف.بعد الفيلو طووط*صكرت*
مروة.ههههههههههه كلا هذي والله ماتحلم تدك راسك فيها ياربي امتى بس يوم أحلامي يبقن حقيقه
#عند_سالم
طبعاً عدى للعمل وهدى عدتش لقا بات حلا+السكرتيرة+ قاعد اسمه جمال
جمال.شن اللي صار امس ياسالم
سالم.عركة صبايا والله
جمال.تعرفش تلم مراتك تضرب في بنتي
سالم.تعرفش انته تلم بنتك اللي تتلصق فيا ليل ونهار
جمال.بنتي مستحيل تديرها انا واثق فيها
سالم.نوريك الفيديوات ولانفكو الشراكه باللتي هي احسن
جمال استك شويه.اا ا اصلا جاي بنفكها انا
سالم.خلاص انته ليك الربع يبقا انا اللي نحقلي نشري قانونيا
"بوووووووووم"
جمال.يستر الله شنو هذا
سالم.اكيده شي تفجير ولا اغتيال ياحول الله
جمال.ارحمنا ياربي وفرج علي هالبلاد
سالم.نردوا لموضوغنا انته لكي ربع الشركه
جمال.انبيعه لكي ب150الف وأرباح السنه شوري
سالم.نبيعلك انا التلات ارباع وعطيني هالمبلغ شن تحكي انته
"وكملوا اتفقوا علي شغلهم وباعله وروح"
"فتح الشقه وخش لقا هدى حايسه لراسها واسو تحوس فالحوش بتوتة وتلعب"
سالم.حبيبة بابا تعالي*وشمرها*
هدى.ياسلام وانا.
سالم.لالا انت بعدين موضوعك
هدى.هههههههه مافيش في عقلك إلا قلة أدب
سالم.تي عاساس يعني بس شن القصة الحوش كله شايل
هدى.استغليت انا فالحوش وانته طالع طيبت وكال الاسبوع الجاي كله ونكت الحوش بيش نقعد نبرم عالخفيف
سالم.يعطيك الصحه انا بنرقد
هدى.حلوة يعطيك الصحه امسك*عزقتله المكنسه*
سالم.شنو
هدى.كنس وسط الحوش علي ماشفت الكوجينه ينعن جد خاش بترقد وانا شنو نبيش نرقد
سالم.كنت فالعمل مرهق
هدى.ماكنتش حاطه منيكير ومقعمزة سالم عاااد عاونّي واعر راه
سالم.سكنان كلا انت باهي هي
*نزل اسو لوطه وبده يكنس وهي خشت للكوجينه*
#تاني_يوم
يوسف.وين ماشي
علي.للشقه نبي نتم اجرائاتها بنسالك
يوسف.شنو
علي.لما شلتو دبش حياة للشقه تذكرش رقمها
يوسف.رقم٦
علي.متأكد
يوسف.اااه
علي.يستر الله
يوسف.كنك
علي.شي شي
يوسف.باهي حطني عالكافي وعدي
علي.باهي هي
"طلعوا نزل يوسف للكافي وعدى علي للعمارة"
#انا
كنت فالشقه دايرة قلاية تيالي اكتر وحدة تاكل فيها هي انا دق الباب
يييي هذا البواب اللي سكن فتحت الباب ووووووووو
#يتبع
