#حكاية_حياة
خشيت وحاسه انها زفتي مش مجرد رؤية عمري ماحسيت الاحساس هذا الا مع فارس سواء يوم مجدي ولا قاسم فارس فالمرتين اللي صارلي معاه فيهن هالموقف كان يخلي في قلبي يدق ومشاعري كلها تتلخبط
خشيت وقعمزت عالصالون ومزال ما رفعتش عيوني
قعد هوا ساكت وانا ساكته
"خش يوسف بحت فهم الجو"
يوسف.علي تعال قالك مصطفى
علي.كنه
يوسف.حول السيارة مصكرة الطريق
علي.لا ياراجل مخلي مكان انا فوته تو بعدين نحولها.
فارس.علي😒
علي.نعم
فارس.اختك متحشمه منك ذوقيا مفروض تطلع عشان هي تقول شروطها وانا نقولهن ونتفاهموا
علي.لا ادوي عادي حياة متحشمه مني تو انت
انا في عقلي تو نشوفو ياعلي كان ماقعمزتلك وقت مكالمه سهى مانبدا حياو وتو نشوفو من يتحشم
يوسف.يارا مبردك تعال
فارس.مش عارف لصق اول مرة يحق اخته
علي.😒تي به اني طالع
*"للتذكير"فارس وعلي ويوسف اصحاب من قبل وبينهم دلالة*
"طلع علي ويوسف سكت فارس شويه رفعت عيوني وبديت نبحت فيه حسيته مرتبك وخايف اشر مني"
فارس.ح حياة
اول ماسمعت اسمي من فمه انهار سقف مشاعري
فارس.حياة نبيك تسامحيني
انا كنت فاهمه شن يقصد بس نبيه يعترف بيها. علي شن
فارس.نبيك تسامحيني
انا.على ايش يافارس
فارس.عشان سيبتك وماوثقتش فيك ومافهمتش منك
انا.علي هذين تبيني نسامحك
فارس.ااه
انا.مش ساهله
فارس.ليش
انا.انا وقت اغمى عليا كنت بنقولك انته فاهم الشي هذا ولا لا انا فضلت اني ندويلك انته على اني ندوي لخوتي انته عارف العذاب اللي شفته بعدك ولا مش عارف انا انهرت كنت في كل مرة نفكر فيك ونتمنى نعرف بس شن صار ليش انسحب وهوا وعدني يقبلني زي ماانا
عذبتني يافارس اول ايام حبيتني فيهن لاني كنت رافضه هالشي وعذبتني بعد حبيتك لاني كنت حاسه بالقهر عشان مش قادرة نعترفلك واخرها عذبتني لما سيبتني وخطبت غيري
فارس.اسف والله بس انا فهمت غلط لو مروة حكتلك شن صار مع الممرضه انا ماتحملتش الموضوع كان صدمه ليا كنت نحبك وواثق فيك ومتصور انك اشرف بنت فالدنيا وجت الممرضه وفهمتني عكس هكي بكلامها ماخطرش في بالي تفسيرك انت ومروة بكككل
انا تنهدت.معاك حق تفكر هكي
فارس.سامحتيني لانه بجد لو سامحتينيش حنقوللهم اني رافض انا عارف انه خوتك ممكن يغصبوك او هكي فقولي من توا
انا قعدت نبكي.ماشلتش عليك اصلا بيش نسامحك يافارس
فارس.مزلتي تحبيني
انا مسحت دموعي.انته اللي بعد هذا كله مزلت تحبني.
فارس.عمري مانسيتك وتو نوريك الدليل لقدام.
قعدت ساكته
فارس جا وصبى قدامي مسكني من يدي وصباني قعدنا مصبيين قريبين من بعضنا وانا موطيه راسي ومرتبكه
فارس.حياة انا انحببببببك
ماكنتش نبي نفوت الفرصه الكلمه هذي كان ديما خاطري نقولها وبملو فمي كان مفروض نسكت او نتحشم بس قلتها
انا.وانا نحبك والله نحبك
فارس.مستحيل نسيبك خلاص انت حتبقي ليا ديما ومستحيل نسمح لحاجه تبعدك عني
انا.ياريت والله
فارس مسك يديا الاثنين ورفعهن.تزوجيني
انا.خليني نفكر"وضحكت"
فارس رفع حاجبه.مزال فيها تفكير
انا.ههههههه يعني
فارس.بس عندي شروط راه
انا.موافقه علي شروطك كلهن مقابل شرط
فارس.شنو
انا.تجيبلي كندر كل يوم
فارس قعد يضحك وبعدهاحضني
فارس.نحبك ياهبله
انا.😳😳😳
انصدمت وقعدت نتنفس بسرعه"بس بيني وبينكم ماوخرتش عجبني الجو😂"
فارس وخر وقعمز.تو يخش الثقيل علي معش تحز
انا.ا ا اا ا ا ا ا😳😳😳
فارس.قعمزي بس
"قعمزت سكتت شويه ودويت"
انا.بس عندي طلب
فارس.ادللي
انا.☺نبي عرس
فارس.شنو؟؟!عنجد عرس
انا.ليش لا
فارس.حياة الوقت تغير انت مطلقه وانا ارمل مانش كيف من سنتين فاتن
انا.فارس حرام عليك خاطري في عرس ليا انا ونخش بالفيلو والناس يشوفوني وتخش انته ونصورو
فارس.تي الشباب اللي متزوجين جديد مواليد 2000ونصهم مايديروش وانت شايفه الوضع نجو نحنه نديرو
انا.يعني اول طلب نطلبه منك وتردني
فارس.بس
انا تعابير وجهي لما نزعل كيف البيبي فمي يتقوس لوطه وعيون ينفتحن واجد وحواجبي ينزلت تميت نبحت فيه
فارس قعد يبحت فيا فترة بعدها زفر.اوكي به تو نشوف ونديرو عرس ليلة وحدة فالصاله اااه
انا.رغم انه خاطري في حنايات وجو"قاطعني"
فارس.حياااااة
انا.ههههههههه خلاص خلاص
فارس.ممكن طلب
انا.تفضل
فارس.اطلقي شعرك
انا.😳😳😳حراام
فارس.لالا عادي هي رؤية ومن حقي نشوفه
انا.والله!
فارس.والله سائل عليها شيخ
انا.به
"وفكيت المساكه وهزيت راسي شوي انتفض"
فارس.سبحان الله هوا هوا ماتغيرش
انا.امتى شفته انته
فارس.شايفه كم مرة حضرتك مش معدلة عالحجاب واجد
انا.هههههههههههه كنت عادتك خويا
فارس.وتوا
انا.خلاص بنطلع
فارس.باهي اطلعي تو يخشو خوتك
انا طلعت مبتسمه
فارس.حياااة
برمت.نعم
فارس.رقمك الاول قاعد
انا.لالا
فارس.باهي كيف يصير
"رديت للمربوعة"
فارس.اكتبيه ليا
بحتت فالمربوعة مالقيتش شي ونبيش نخش ونرد نطلع قدامهن
انا.اصبر شويه
"وبرمت عطيته بظهري طلعت قلم كحلل من ال&&&"شورنا البنات طبعا قلم كحل للاحتياط فالمخبأ السري"
فارس.😳منين جبتيه الكحل
انا.نسحر ماقلولكش
فارس.وانا نقول شن اللي خلاني ندور في جرتك هالسنين هذين كلهن
انا.ملح والله ماعطيتك الرقم
فارس.هيا بس ياعصبية
قعدت نبرم
فارس.عندكمش ورق هنا
انا.لالا منين بنجيب ورقة توا
فارس اكتبي هن خير😍"ومد يده"
انا.به
"وجيت مسكت يده وبديت نكتب عليها كملت رفع يدي وباسها"
فارس.تهبلي ونحبك وجننتيني بيك
"طلعت من المربوعة نجري"
#عند_يوسف
طلع هوا وعلي بره للشارع
علي.عليش طلعتني اهو لاسيارة لاشي
يوسف.خليهم بروحهم بلا طروح
علي.رايحات طوال عندك
يوسف.شنو
علي.القرون
يوسف.بلا تخلف اختك تتحشم منك واكيد عندها شروط بتقولهن للراجل
علي.تي علي من تضحك انت قول يحبو بعضهم وماصدقو طقوا في هاللحظه راني فاهم بس نستتعبط
يوسف.ودامك فاهم ليش طروح الثقاله
علي.لاني مش كيفك بقروني مخلي اختي مع حبيبها
يوسف.مش خاطفها هوا جاي يدير في رؤية يعني بيقعد راجلها ولازم يدوو
علي.هيا خنشوفو اخرتها معاك شنو بس والله رايحات طوال
يوسف.بنديرلهن ملمع اخرى تره اسكت
علي.ههههههههههههه نخشوا زعمك
يوسف.هيا خش لكن خلينا نسمطوا عليه لانه ايام نعدي لمروة مادارش فيا خير
علي.هيا هي كساد كساد
"وخشو هما الاثنين للمربوعة لقو فارس مقعمز"
يوسف.شن الاسود في يدك
علي.ااه كتيبه وخربشه
فارس.شي شي
يوسف.متأكد هاك منديل
فارس.تو نمسح"ومسك المنديل حطه جنبه"
علي.تي امسح اللبز ياراجل
فارس.تو نمسحه خليه توا
يوسف.عمري ماريت واحد يقبل اللبز ويبيه
فارس.كلمولي هلي نبي نروح
علي.هههههههههههههه خليك خليك وخلي اللبز فش مشكله
فارس.سمطوها راكم
يوسف.ان كنت ناسي افكرك
فارس.رد ثار يعني
يوسف.تقدر تقول هك
فارس.اممممممم تو نشوفو
#عندي_انا
خشيتلهن وقعمزنا
امه.ياودي هوا عارفك وانت مااضني ترفضيه
انا.☺☺
امه.وتوا نتفقو علي يوم تلبسي فيه بديلتك ويجي ياخدك ياحنه
انا.ا ا ا ا تو خوتي يقوللكم ياعميمة
مروة.ياخيا متحشمه
انا.☺☺
"طبعا وضع المتحشمة عشان يقولوش ماصدقت الا انا فالواقع قريب نرقص"
#خشت_هاجر شايله صفرت الموالح
قدمتلنا وخشت جابت تبسيها وقعمزت
امه.خير ياهجورة كيف حالك
هاجر.الحمدلله ياعميمة
امه.كيف حال امك والله من عزا المرحومة معد شفتها سلميلي عليها
هاجر.يوصل سلامك
امه.انا والله امبدري مانقصدها لكن بعد قالت مريوة السفرجية قلت ناخد رقمها عشان بالك نلقاها
هاجر.لا ولايهمك ياعميمة سوء تفاهم وغيرة زايدة
امه.غيرة شنو
هاجر.شي شي
"طبعاً انا زرتني الضحكه"
مروة.كم عمرك ياجوجو
هاجر.اصغر من حيو بشهور
مروة.اهاااا شنسم اكاونتك عالفيس بيش نضيفوك
هاجر.اسمي جوجو وحاطه صورتي كان يوسف ماحدفكش تلقيني صديقه مشتركه معاه
مروة.لالا ماحدفنيش يوسف هذين طروحه من ايام العلاقه لما نتعاركو يسيبني يومين ويصاحب وحدخرى بيش يقهرني لكن بعدها يرد يرد
"طبعا حاولت نعرف العلاقة بين الكلام اللي قالاته هاجر واللي ردت بيه مروة ماقدرتش😂"
هاجر.اهاااا ومرتبطه انت توا
مروة.لا طبعا مستحيل نبحت في حد غير يوسف البنات كلهن اصلا عيونهن عليه ويبنه مستحيل نخليه لهن
هاجر.غريبة رغم انه يوسف مايتاخدش
مروة.وكنه ياحنه يوسف شن ناقصه نين مايتاخدش
هاجر.يعني نحبش ناخد واحد عنده ماضي خاصة ماضي هكي ولانفكر فيه
مروة.اهااااا وعليش ضايفتيه معناته
هاجر.عادي يعني كان ضايفته معناته عيني عليه طلب صداقه مش زواج هوا بلا تخلف
مروة.شن قصدك
هاجر.والله ماقصدي شي
انا.اهدو ياجماعة
هاجر.لا ندردشوا بس وزي مايقولو اسمعي ياجارة
انا.اهاااا ومن الجارة،😂
هاجر.لا شي كلمة ماشيه في فمي بس
مروة.😑😑😑😑😑😑😑
انا وقتها تمنيت الوطا تنشق وتبلعني لاني واضح اني بنضحك وماسكتها
امه.فتحته هالفيس وماخشلي راس واصلا ماعندش لاه وقت نروح من الصيدليه مرهقه نرقد
انا.ربي يعطيك الصحه ياعميمة
امه.ويعطيك علي قد ماتبي
انا.☺☺
هاجر.نحط للرجاله موالح ونجي
"صبت حطتلهم تباسي لحقتها"
انا.كنكن يابتي عيب عميمة
هاجر.لازم تفهم اني مستحيل ناخد حبيب وحدة تانية مش حقيرة انا
انا.هي مضايقه عشانه بس تدققش عليها والله طيبه
هاجر.اممممم به نطلعلهم ولا تطلعي انت
انا.لالا تو نطلع انا
وشلت الصفرة لهم ومالبستش العباية.
جيت يلا المربوعة وبندق لقيت فارس طالع من حمام المربوعة الجانبي
فارس.😍😳
اناا.ااا اا ا ا خود السفرة
فارس جا قدم ومسكها وقعد ماسك يديا عليها
انا.اط اطلقني
قدم باسني علي راسي وخدا السفرة ووخر
رديت نجري جوا
فارس.احييييه شن بيصبرني
"وخش للمربوعة"
يوسف.تي كيف صار عديت للكوجينه ولا الحمام
فارس.لا ماهو طلعت لقيتها مصبيه فم المربوعة مدتها ليا وخشت
يوسف.اهاااا
"وقعدنا نحنه نهدرزوا فمواضيعنا وهدى الوضع بين مروة وهاجر"
علي.نحنه طبعا نعرفوك ومافش داعي لانسالو لا شي ونلقوش خير منك نسيب وحياة اكيدة موافقه
يوسف.موافقه موافقه سالتها
علي.خلاص معناته حدد يوم نقرو الفاتحه وتاخدها
فارس.بس انا نبي عرس نقرو الفاتحه الاسبوع هذا وبعد شهر العرس
علي.نعم!
فارس.كنك
يوسف.فارس عرس بجد؟يعني صاله ومعازيم
فارس.اها كنك
علي.يعني حسيها ماشور شي بكل
فارس.واحد مزوز وبيدير عرس عادي تيالي
علي.والله انته حر يعني بس تيالي ماشور شي الناس شن بيقولو
فارس.لالا صدقني مافيها شي والناس مش حيقولو شي
علي.به به
فارس.باهي تمام امتى الفاتحه
علي.الجمعه الجايه
يوسف اتكى.لالا خلوها يوم الزفه فالصبح
علي.اها صح
فارس.وعليش
يوسف.نبيش سريب خشوش وطلوع ومكالمات بكل
فارس بعصبية.والله
علي ببرود.كنك عصبت
فارس.يعني نبي نطلعوا ونشروا حاجات العرس وهكي شن فيها بتقعد مراتي وبنقرا عليها الفاتحه بيش نطلعوا من حقي الشي هذا
يوسف.علي علي بحت عيونه يلمعن
علي.اها حسيته تأثر وشويه ويطلع واحد ماسك كمان ويعزف لحن حزين
فارس.عليم الله اني طحت في انسابه ثقلاء
يوسف.جيت بروحك ماطيحناك
فارس.لا والله الا جيتكم طايح
علي.باهي الفاتحه الجمعه والدفع 2000والموخر عادي والذهب تلات اوقيات
فارس.تمام ولايهمكم
يوسف.بس عندي شرط
فارس.تفضل
يوسف.رد بااااالك في يوم تفكر بس انك تمد يدك عليها والله نقتلك يافارس مش نضربك لالا نقتلك
فارس.معقوله انا نضربها عمري مانديرها
يوسف.المهم انا قتلك
علي.الحمدلله وبجد يافارس مانلقوش خير منك نسيب
فارس.اصلي ياطير والله نسبكم يشرف
يويف.تراني تأثرت لحظه ابكي
فارس.شي شي الثقيل ثقيل كلم هلي قوللهم بنطلع
يوسف.لا اصبر شويه بلكي الطرف اللي تحوس تطلعلنا صغرة اخرى ناخدها منها
فارس.تي كلمهم هيا
يووسف خش
يوسف.عمتي فاطمه قالك فارس هيا
امه.هيا انا طالعين وراني شايله عليك يايوسف
يوسف.حتى انا ياما شايل"وطلع"
امه انصدمت.ريتيه
انا.خليكم ياعميمة اشربو شاهي وخلوط
"طبعا مش عارف وين كان عقلي ونحنه ماعندنش خلوط"
امه.لالا خليها وقت اخر
انا.به بالسلامه
'وطلعن روحن سقدتهن وخشيت وهما فالمربوعة خشيت للكوجينه"
انا.نجيك نجيك نجيك يااحسن هجورة فالدنيا
هاجر.ليا ياسمحه هيا انا بنروح
انا.كم حقهن
هاجر.هوا مفروض نقولك لا عيب عليا وهني صاح
انا.لالا ياهبله مش بينه لازم تاخديهن
هاجر.120
انا.هاكي هه
هاجر.😚😜
انا.بجد والله بلاك راه قعدت نحوس بروحي
هاجر.ليش مارنيتي علي هدى
انا.نحسابهمش جايين كان مهذا راه جبت وحدة تحوس ووتيت موالح وحلويات زي مادرت لهل قاسم
هاجر.باهي ان شاء الله ربي يتمم علي خير.لكن نسالك عادي
انا.تفضلي
هاجر.تحبيه صاح
انا.كيف عرفتي
هاجر.عيونك يضحكن والله
انا.مش نحبه بس ياهاجر نموت فيه وفرقنا الضروف
هاجر.ان شاء الله ديما مع بعض
انا.يارب
هاجر.هي بالسلامه
انا.بالسلامه
"طلعت هيا وكانت ضامه الكوجينه حتى الاماعين مستفتهن"
خشيت غيرت لبست بيجاما وطلعت للمربوعة
علي.ها علي من موافقه فارس ولا قاسم بيش نقولو للراجل يرجى قاعد
انا.ا ا عادي يعني كيف ماتبي
يوسف.هاااابا يناعليا
علي.باهي اصلا انا نبيش نسبته فارس تو نقول لعيت قاسم يجو بكرة يحددوا وقت الفاتحه
انا عيطت.لااا
يوسف اطربق ضحك
علي.تي ها مش قلتي كيفف ماتبي
انا.قصدي يعني قاسم بنتعب مع العيال فارس خير
علي.😒😒تاخدي فيهم اجر صدقيني
انا.بس
علي.وحتى هله كويسين قاسم خير والله
انا.علي عااااد فوته قاسم
علي.به به"ورن علي سالم"
علي.الو
سالم.الو
علي.قول لقاسم مصار شي
سالم.تي ليش
علي.اليوم فارس تقدملها ووافقنا عليه
سالم.اهااا به تمام
علي.بالسلامه"وصكر"
يوسف.مبروك ياحيو
انا.يبارك فيك
علي.انا بنرقد
انا.لالا خليك شويه بنهدرزوا
علي.لالا بنرقد تعبت
انا.خليييك
علي.تي كنك
انا.نبو نهدرزوا
علي.بكرة بكرة"وطلع"
يوسف.كنك
انا.والله نوريه"وصبيت لحقته للدار"
علي.كنك
انا.ارقد ارقد وتو نطفيلك الضي نبي نكنس الدار
علي.بكرة كنسيها اطلعي بنرقد
انا.لالا ارقد انته مش حنزعجك
علي.حياة ازح اطلعي
انا.مانيش طالعه بنكنس
علي.اطلعي
انا تربعت فالوطا.بنكنننننس
"علي جا شوري ويفنص فالبداية خفت لكن ثبتت في مكاني"
علي.اطلعي
انا.بنكنس
"طبس عليا ومسكني يد وكراع وطوحني برة الدار "
علي.عناديه
"وصكر الباب بالمفتاح"
انا.هههههههه"ورديت للمربوعة يوسف يلعب بالسوني"
يوسف.هههههه لزها
انا.مزطته شويه اقل حاجه"وحليت حكية بيبسي وبديت نشرب'
يوسف.اهااا تعرفي امبدري فارس يده مليانه لبز اسود
شرقت بيها نين طلع من خشمي
يوسف.ههههههههههههههه كنك
انا.شي-_-
يوسف.زعمك شنو اللبز
انا.فوته توا بنسالك
يوسف.شنو
انا.انته ومروة
يوسف.صكري الموضوع
انا.يعني موضوع نهائي مش فترة زعل وبتردها
يوسف.اها نهائي
انا.توقعتكش هكي قلبك اسود
يوسف.صكري الموضوع
انا.وهاجر
يوسف.اهي مواضيع تفتح النفس كنها
انا.من جدك الجو اللي تدير فيه لها ولا غير تقهر في مروة
يوسف.لا من جدي البنت كويسه ووبنحتك بيها بلكي نخطبها
انا.مستحييييل نخطبها لكي راه
يوسف.نشيل هدى وبلا جميلك انا خوك راه مش مروة
انا.تصبح عخير
يوسف.وانت من اهله
"طلعت من يلاه خطرت عليا بيسو رنيت عليها"
انا.الو
ابتسام.الو ياقلبي كيف حالك
انا.بسومة حياتي قولي شن صار
ابتسام.شن صار
انا.اليوم خطبني فارس
ابتسام.كذااابه
انا.والله
ابتسام.لولوولولولولولوليييييييييش
انا.هههههعهعههه
ابتسام.الحمدلله مش قتلك تو ربي يرزقك بنهاية حلوة
انا.الحمدلله ياربي
ابتسام.خلاص يعني نخلوها رواية
انا.اكيد
ابتسام.خليها نبدى فيها بعد نكمل قرايتي بيش نقعد فاضيه
انا.بس غيري الاسماء
ابتسام.اها اكيد انت شن نسموك
انا.مش عارف
ابتسام.نسموك اسماء
انا.لالا حياة احلى
ابتسام.اشمعنى
انا.لانه حاسه انه انا حياة كاملة فرح وحزن ووكآبه وسعادة كل شي فيها
ابتسام.والرواية شن نسموها
انا.مش عارف
ابتسام.طالمه انت حاسه روحك حياة كامله يبقى حتكون حكاية حياتك يعني #حكاية_حياة
انا.حلووو بكل
ابتسام.ياخيا كانك يلايا راه حضنتك
انا.هههه حتى انا والله حبيتك وخشيتي قلبي
ابتسام.ميرسي ياقلبي
انا.تعرفي شن بندير توا
ابتسام.شنو
انا.بنقعمز ونرجى حبيبي يرن عليا نفس ماكان يرن زمان
ابتسام.يعوييييينك😢وانا نعدي نقرى الادب ابتاع استاد منصور
انا.ههههههههههه عدي عدي واجعتيني والله
ابتسام.خزي ياابتاعت فارس
انا.نشوفلك يوسف هوا خلاص صكر علي مروة بكل
انا.حرام ياانتي كنه هكي
مروة.والله ماني عارفه شن نديرله علي مادويت مابا يقتنع
ابتسام.تو خليه ورد بالك تخليه يخطب وتو كان مابش يردها نخلوه نحنه بطريقتنا
انا.كيف
ابتسام.تو نفكر في طريقة لكن بعد اقراية مش توه لاني مش فاضيه
انا.به
ابتسام.وانت تبطلش زنين عليه
انا.اكيده
ابتسام.باهي بالسلامه نعدي نقرا
انا.باي
"وصكرت منها"
فعدت نلف فالحوش تمنيت عندي اخت نحكيلها عاللي داره فارس ونضحكو وتحضني ونقعدوا مع بعضنا يعني يوسف مهما كان نقدرش ندويله هكي
"قعدت مكسدة لعند قيس الساعه 9كان الباب يدق"
انا.منن
ابتسام.حلي
انا.هيييه جيتي ياهبله"حليتلها الباب"
ابتسام.بابا طالع لصاحبه قتله حطني خمس دقايق ناخد منها المذكرات ونطلع قدرتش لازم نشوفك في يوم زي هكي
انا .هههههه ياخيا"وضحنتها ونبكي"
ابتسام قعدت تبكي.فرحتلك من قلبي والله
انا.ياخيا حبيبتي
ابتسام.خشي خشي
"وحشينا خطمنا عالمربوعة"
ابتسام.خلينا نخشو هنا كان مهذا بيش لما يدق بابا نسمعه بعدك قايلتلها ماعندهش خوت الا واحد ومسافر
انا.خشي به
"خشينا ولقينا يوسف عالسوني"
انا.يوسف اطلع نبو المربوعة
يوسف.خير
ابتسام.خير☺
"طلع من المربوعة"
ابتسام.هذا يوسف
انا.اااه
ابتسام.باهي سؤال بس انا اللي كيف فارس وخوتك نحقش فيهم بكككل انت محاطه بيهم من كل تركينا ليش
انا.ههههههههههههه كيف
ابتسام.مانحقش في طروف بكل وانت خوتك وحبيبك وطليقك حتى قاسم اللي ارمل وكبير طرف
انا.ههههههه حظوظ
ابتسام.باهي احكيلي طلعتيله
انا.اااه طلعتله
ابتسام.شن دار😍
انا.ياخيا قاللي اسف وهكي وبعدها صبا قدامي وحضني
ابتسام.اااااه يناري عليا😢كملي كملي
انا.وخلاص كتبتله رقمي وطلعت
ابتسام.وبعدها
انا.طلعتلهم صفرة الحلويات وكنت لابسه القفطان المورد هذكي حقني خذا الصفرة وقعدن يديه على يديا وباسني علي راسي
ابتسام.يناعليا يهبببل ورومنسي بكككل
انا.هههههههههه اها بكككل
ابتسام.ربي يهنيكم ياااارب
"ودق الباب"طلع يوسف بيفتح
ابتسام نطت تجري.لااااا
يوسف صبا في مكانه.كنك
ابتسام قعدت تضحك.ههههههههه
انا.خش جوا بس
يوسف.الباب يدق بنفتح
انا.ماهو خش باتها تو تطلعلها
يوسف.😕"وخش جوا"
ابتسام.اكيد يحسابني مختله
انا.عادي عادي
ابتسام.ههههه يقتلني بابا لو عرف انه خوتك قاعدين
انا.هههههههههه
ابتسام.بس نظرت خوك لما قلت لاااا خياااال نين معش مسكت روحي من الضحك
انا.ههههههههههه هبله
ابتسام.بالسلامه
انا.بالسلامه
"طلعت لباتها وانا خشيت جوا"
يوسف.كنها المتخلفه هذاه
انا.هههههههه دخلكش صحبتي
يوسف.بس طرف
انا.كنك رايح تبحت بعد مروة
يوسف.اهو
انا.ماتخافش هذي بالذات مستحيل ترتبط
يوسف.هههههههههه
انا.هي بنخش نرقد تصبح عخير
يوسف.وانت من اهله
"خشيت لداري ويوسف لداره"
#عند_سالم بس من بدري
هدى.كنهم عليش وافقوش
سالم.اليوم جاها فارس خو مروة ووافقت عليه شكلها
هدى.وكنها مارنت لاكلمت لاقالت حتى تعالي نحوسلها بس بعدين مفروض حتى انته خوها كانو كلموك قالولك خدو حتى رايك
سالم.هدى كننك
هدى.كني
سالم.عمرك مادرتيهن هالطروح ولا هالكلام وانا الصبح كنت عندهم مقالوهش شكلهم جوهم فجأة
هدى.انا ماقصديش شي لكن معقوله بيجو خطاب فجأة
"هاجر تتصل بك"
هدى.شويه بس هاجر ترن
هدى.الو
هاجر.اهلين شنجوك
هدى.اهو ماشي الحال
هاجر.تعرفي اليوم حياة جوها عيت فارس خو مروة طليقة خوها فجأة مسكينه شريتلها الموالح والحلويات فاطريق وجيتها نجري
هدى.ا ا اهاااا
سالم.😒😏
هاجر.بس اخته
سالم.بيش تعرفي بس لما بتدوي علي هلي انهم مايديروش في مواقف هكي
"وطلع من الدار وصفق الباب"
هدى.هاجر صكري تو نرن عليك
هاجر.لا انا رانه بنهدرز معاك بس خلاص صكري باي
هدى.باي
"صكرت منها"
هدى طلعت للصاله لقاته يتفرج عالتيفي واسو مصبيه علي كتوفه
هدى.اسو انزلي راك تطيحي
سالم بنت.خليها
هدى.به"وجت قعمزت يلاه ومسكت يده"
سالم.صبي من يلايا
هدى.حبيبي عااد
سالم.هدى
هدى.والله يعني وجعتني في روحي بس انها ماعبرتنيش وهكي كنتش نحسابه هكي
سالم.تي انت كنت تفتني فيها بيني وبينهم فاطنه لروحك شن قلتي
هدى.والله ماقصدي ياعيوني كنت راقيلي بس
سالم.باه باه
هدى.سامحتني
سالم.خليها بالجو توا راقيتلي
هدى حطت راسها علي صدره.اسفه
سالم.رد بالك مرة تانيه تخشي بيني وبين هلي هكي
هدى.مستحيل اصلا هلك هلي
"سالم باسها علي راسها"
اسو.هيييييه بابا اخيف
سالم.هههههههه تعبتش انت انزلي
اسو.انبه
سالم.نطي وانا نمسكك هي
اسو نطت علي ايدين سالم مسكها.
سالم.حبيبت بابا تخشي تنني
اسو بدلع.لالا
سالم.به شن نديرو
اسو.ندير زي ماما"وقعمزت في كتر سالم"
ايو.ماما حولي"ودفت راسها وحضنت سالم بيديها وكرعيها"
هدى.ياكلبه😲😳😡
اسو.بابا تاعي انا بس اش تاعك
هدى.ابتاعي قبلك المكان هذا
سالم.ياهبله بنتك
هدى.حولي صبي خشي سريرك
اسو.انننننننلا"وطلعت لسانها"
سالم حضنها بيديه.حبيبت بابا من
اسو.انا بس
سالم.اييييواه
"اسو صبت باست سالم علي فمه وردت احضناته"
سالم.شفتي ليش نقولك عيب قدامها
هدى.شن ندير كان هي تزرقش الا فالوقت الغلط
سالم.وراسك هذا بالذات الوقت الصح
هدى.وشن يصير
سالم.في شن
هدى.بنرقد انا
سالم.الدار قدامك انا بنقعد مع بنتي مش صاح اسو
اسو.بابا تاااااااعي
هدى.به به يامسخه تو تقولي نبي حاجه باهي
سالم.فوتيها اللي تبيها نعطيها لكي انا
هدى.تو نشوفوك ياسالم"وطوحت المخده"
"وصبت خشت للدار"
سالم.باتك ليلته سودة الليله في جرتك يااسو
اسو.😃☺😄
سالم.صبي ننو هي
"وحطها في سريرها نين رقدت"
"وخش للدار لقى هدى شبه راقده"
سالم.هدى حبيبتي
هدى.كنك
سالم.ابرمي عليا نبي نهدرزلك
هدى.عدي هدرز لاسو"وغطت وجها بالورغان"
سالم.تي بنت صغيرة كيف بنهدرزلها
هدى.هذي صغيرة هذي تي تعرف خير مني
سالم.لا صدقيني انت فش خير منك
هدى.بنرقد
سالم.نزل جنبها وحضنها من لاورة
هدى.بنررررقد بكرة ورانا عم
سالم باسها علي رقبتها وبرمها لاه
هدى بدلع.سالااااام
سالم.ياعيون سالللم"وكر عليهم الورغان"
ووووووو
#عندي_انا
سهرت ماجانيش نوم زعمك يكوم زي قبل ويرن عليا نفس الوقت اللي يرن فيه زمان خلااص ياحياة كبرنا علي جو المكالمات والمراهقين هذاه
تي شن كبرنا عمري21ونص بس
مهما كان مانش علاقه ولا اول زيزة
اااااه
في عز ماانا نفكر رن نقالي
#يتبع
