.......
كنت فالغرفه ومكسده بحتت فالساعه لقيتها8كساد بكل شويه هكي وخش عليا
فارس
فارس.السلام عليكم
انا ونلبس في وشاحي.وعليكم السلام خير فارس
فارس.شن حال صحتك توا
انا.تمام الحمدلله
فارس.ممكن نسألك
انا.تفضل
فارس.شن اللي سببلك الصدمه
انا.كيف
فارس.سألت عليك وقالو صدمه عصبيه خفيفه شن سبب هالصدمه
انا.ااه لا شي ضعف بس
فارس.حياة الموضوع مالش علاقه بالضعف انا لما سعفتك فالسيارة كنت ترعشي مع بعضك وتفترشي في كلام
انا.شن قلت😳
فارس.كنت تعيطي وتقولي حول وبعد ولااا وبعدها ناديتي علي باتك وامك يعني في شي اكيد
انا.مش عارف انا بروحي مستغربه كنت طبيعيه اسأل حتى مروة
فارس.اه صح وينها مروة انا جاي نروح بيها
انا.اه*حي علما كان يزرق عليهم* تيالي عدت للكافي
فارس.اهااا وخوك يوسف وين
انا.ااه طلع مش عارف
فارس.اهاااااا
"وخشو يوسف ومروة يضحكو ولقو فارس قاعد عندي فالغرفه"
فارس.يبحت في مروة وراقيتله😡
يوسف.اا اا اخير يافارس
فارس.خيرات وين كنتي انت
مروة.اه كنت نجيب في دبش لحيو من السيارة
فارس.اهاا شنو حسيت بينكم دلاله تضحكو وتشفطو
مروة.لا مش هكي
فارس.صكري فمك وامشي للسيارة
يوسف.فارس كنك ياراجل مروة كيف اختي
فارس.ووين كنت انته وياها وبأي حق طالعين مع بعضكم نحنه خليناها تقعد مع حياة عشان ماعندهش خوات يقعدن معاها بيش ترافقها مش بيش تهدرز مع خوها اطلعي قدامي بنروح بيك هيا
يوسف.تي احترم نفسك شن تقول انته تحشم علي وجهك ياراجل
فارس.تي تحشم انته قبل وراعي الصحبه اللي بينا وماتجيش شور اختي
يوسف.ماجيتش شورها انته اللي مسوس هيا كانت فمكان وانا فمكان وتلاقينا ونحنه خاشين
فارس.اهااا ووين كنت حضرتك
يوسف.نشري من الكافي ومروة مش عارف
فارس.اهااا باهي صدقتك هيا مروة تحركي
*طبعا الكلام هذا كله ومروة مصبيه وترعش*
مروة.حياة ادويله والله كان نروح معاه يقتلني
انا.فارس ممكن تخليها تبات معايا
فارس.هذا وين كملت اطلعي قدامي"بعياط"
مروة خدت شنطتها وطلعت ويوسف جا قعمز يلايا
انا.تريحت هكي
يوسف.زعمك يجي شورها
انا.حيقتلها مش يجي شورها
يوسف.عليك فالطه ازف وانت كنك مارنيتي
انا.تي تحشم علي وجهك نندري عليك انا تهدرز مع البنت عيني عينك لاحشم لاشعرة فالتليفون باهي لكن فيس تو فيس تي وين ماشي انت
يوسف.شن تقصدي
انا.انته تشوه فيها هكي بعد تبدا خطيبتك دير اللي تبيه وادوي معاها قدام التلفزيون ان شاء الله مش فالمستشفا وقدام الناس تهدرزو وخاشين ضحكم واصل اخر.الدنيا
يوسف.باهي شن ندير توا
انا.مافيها ماتدير خليها تستاهل قاللها حد تخلي روحها لهالكلام انا مش عارف كنها كيف تسمحلك تدوي وتهدرزوا هكي
يوسف.خلاص ازف ركبتي فينا
انا.تستاهلو
يوسف.شغلتني
انا.خليها تو بكرة نرن عليها ترنش انته مرات خوها يقعد واخد التلفون
يوسف.زعمك
انا.ااه
"عند مروة فالسيارة"
مروة.يافارس والله ماتفهم غلط يعني
فارس.اسكتي وحق الله نربيك انا كان باتي مارباكش تركبيلنا في قرون ياحقيرة"وعطاها كف"
مروة بدت تبكي ودموع ينزلن بلا صوت
وفارس طول الوقت يجري ومتعصب
"وصلو للحوش ومروة نزلت تجري وفارس وراها"
فارس.انا تركبيلي قرون ياحيوانه وكرها من شعرها طوحها عالوطا وبده فيها بالكالشوات
جت امها تجري دفاته.كنك معاها كنك
فارس.الحقيرة المش متربيه تصيع هيا وخو صحبتها اللي يبقا صاحبي فالمستشفا عاساس قاعده مع صحبتها وتطمن عليها
امه.تي شن تقول انته شن تقول وخر من عليها حرام عليك"وتدف فيه وهوا يقدم علي مروة"
فارس.والله يامروة نوريك عليها تو تشوفي
"وطلع"
امها.كنك يافرخه شن دايرة
مروة.والله مادرت حاجه ولدك المتخلف هذ
امها.مرالا الا دايرة فالطه احكي
مروة.كنت ماشيه نجيبلها في حاجات من السيارة ويوسف كاين طالع تلاقينا فم الباب مش عارف شن قال ضحكنا وخشينا نلقو فارس وعارفتيه انت تعارك مع يوسف وماعقب ماقال المتخلف
امها.خشي دوشي وغيري وبعد يجي اعتذري منه عيب عليك خوك وفهميه الموقف عارفتيه انت يخاف عليك من كل شي
مروة.هذا تخلف مش خوف
امها.احترمي نفسك
"صبت مروة.للدار وخدت التلفون"
مروة.خزي هالحقير ماتعبش روحه حتى يرن يشوف الورطه اللي حطني فيها.
#عند_فارس
فارس.نبي ننجن نبي نطلعها من عقلي بأي طريقه مش معقوله طروح المراهقين هذين نرن عليها فالليل ونعديلها مرتين فالمستشفا وشايل باقة ورد
صاحبه.سمحه بالله؟؟
فارس.طرف
صاحبه.يعني
فارس.تهببببل
صاحبه.تي باهي ادويلها
فارس.ياراجل فرق بيني وبينها8سنين
صاحبه.عادي يانصي
فارس.لالا مش عادي بعدين انا حاس انه مافش منها اي مشاعر تجاهي بككل
صاحبه.حرت معاك ياراجل.
فارس.تو نطلعها من عقلي
صاحبه.هههههه كان طلعت انا مودة
فارس.شخبارها بالله
صاحبه.عندها توا بنت
فارس مامليتش تتبع في اخبارها
صاحبه.نادم بنموووت عشان سيبتها في وقتها كنت نحسابها زيها زي اي بنت يومين وننساها لكن!!لتوا مش ناسيها رد بالك يافارس لو تتأكدت انك تحبها تسيبها راهو والله مايصير فيك خير
فارس.خلاص وانته قلبت امها كآبه ازح
صاحبه.ههههههههه بنروح انا تبي حاجه
فارس.هههههههه سلامتك
#روح_فارس_للحوش
واول ماخش عدا للكوجينه بيشرب اميه خشت مروة
مروة.فارس
فارس بحت فيها بالجنب.نعم
مروة.اسفه بس والله انته فهمت غلط
فارس.كيف غلط
مروة.نحنه تلاقينا عالباب وضحكنا علي حاجه عادي انته بس كبرت الموضوع
فارس.يعني مافيش شي تاني
مروة.اها
فارس.اممم به
مروة.مش زعلان
فارس.لالا صافي يالبن
مروة.حليب يااقشطه
فارس.ههههه وجك هي
"سيبتها وخشيت للدار وتميت نفس كل ليله لييين الساعه4الفجر"
#حياة
الساعه 4ممكن راقدة رن التلفون ماتعبتش روحي وشفت المتصل رديت طول
انا.الو فارس
فارس.اهلين حياة
انا.ههههههه شن تبي تسال اليوم
فارس لا شي لكن امبدري تعاركت انا ويوسف واكيدة وترتك وانا غلطان اصلا
غير كنت معصب
انا.لا تمام حتى يوسف يبي يعتذرلك وقالي انك فهمت غلط
فارس.اهاا به تبيش تقوليلي شن سبب الصدمه
انا.مانقدرش
فارس.ليش
انا.اسباب خاصه
فارس.باه انت حرة
حسيت روحي اضايقت.تصبح عخير
فارس.وانت من اهله
حياة
وصكرت منه وتميت نفكر فيه بديت نحبه بكل تفاصيله رغم كل الحاجات اللي يفرقن بينه
فارس
صكرت وتميت نذكر فالمكالمه بالكلمه وشغلتني شن موضوع السر اللي داسته وتبيش تقوله شن سببلها الصدمه زعمك عندها حبيب وسيبها لاا ياربي ان شاء الله ماتطلعش مرتبطه
#تاني_يوم
مشا عادي نبي نروح بس قالولي لازم تقعدي نين نظمنو انه الصدمه مش دايرة مضاعفات عالمخ عليك كثرت وجيج
كنت مقعمزة نين خش عليااااااااا
#توووت_تووووت_تووووت
#يتبع
