طفولة ضائعة

الجزء 5

دوزت ديك العطلة بحال الكابوس و نفس الروتين كل مرة ،تبدل فيا كلشي، شعري ولا لونو غامق و عيني اللي كانو تيلفتو الانظار حيت كانو كبار و خضرين ولاو كلهم حزن و خيبة أمل، رجعت لجو القراية مرة اخرى و دابا عندي 11 عام يعني تنقرا فالسادس و بقيت كيفما انا فالقراية تنقرا مزيان و فالدار انا اللي تنجمع و نخمل و كلشي و هي راها خدامة تبيع فلحمها للي يسوا و اللي ميسواش ، ولفت ريحت الشراب و الكارو و نشوف دكشي ولا تيجيني عادي و قررت معمرني نجربو و معمرني نتزوج ، اصلا كانت عندي عقدة من دكشي اللي دار ليا هاداك الحيوان فصغري و هي زادت كملات عليا كان فنظري الزواج هو غير طريقة قانونية و شرعية تتلبا من خلاها الرغبات الحيوانية اللي فبنادم ، داز الشهر اللول و بدينا القراية ديال المعقول ، و كانت واحد الاستاذة ديال العربية ديما مهتمة بيا و بدكشي اللي تنكتب و بطريقتي فالتعبير و ديما تتبغي تقرب مني و لكن انا ديما تنبعد منها ،حتال واحد النهار كنت عندها نيت و حسيت بصدري مزير عليا جيت انوض نقولها ليها و انا نطيح فبلاصتي .
فقت لقيت راسي فالسبيطار ، دخل عندي الطبيب و قاليا على سلامتك و خرج .
ماما : عافاك ادكتور بنتي كبقات مالها شنو عندها ؟
الدكتور : مبغيتش نخلعك الالا ولكن بنتك را ضروري مديري ليها هاد السكانير عاد نقدرو نحددو شنو عندها .
الأستاذة : و إذا عرفنا واش ممكن تبرا ؟
الطبيب: خصنا حتا نعرفو شنو عندها عاد نشوفو شنو نديرو ، و خليتكم دابا بالشفا إنشاء الله.
الأستاذة : واش بنتك اول مرة ايوقع ليها بحال هاكا ؟
ماما : معرفتش و لكن متنضنش .
الأستاذة : و شكون ايعرف انا مثلا ؟
ماما سكتات و مجاوبتهاش و انا خرجت و مشينا للدار و حتا واحد متيهضر مع لاخر ، و فالغد مشينا درت السكانير و فاش خرج و ديناه للطبيب قالينا را ضروري نديرو التخطيط ديال القلب و دكشي اللي كان مشيت درتو و لقا الطبيب باللي قلبي ضعيف و هنا غتولي المعاناة مع المرض ، انا تصدمت ،ماشي من المرض و لكن على التعامل اللي ولات تتعامل معايا بيه ماما ، مبقاتش تتخليني نشقا ولا ندير شي حاجة و مبقاتش تضربني و لا تعايرني و فرحت بزاف حيت ديك المعاملة ديالها خلاتني نخرج شوية من العزلة ديالي و نبدا نرجع بشوية لزينب اللي كلها حيوية و ديما ناشطة و فرحانة ، حتا استاذتي لاحظات الفرق و ولات بيناتنا علاقة اقرب الى الصداقة عاودت ليها على خوتي و بابا و على نوفل و قلت ليها باللي متفاهموش و طلقو و انا قررت نعيش مع ماما ، بقيت متبعا الدوا و مرة مرة تنمشي للطبيب و قاليا باللي الحالة ديالي واخا متحسناتش و لكن مستقرة و هذا فحد ذاتو حاجة ايجابية .
كملت عامي على هاذ المنوال و نجحت بتفوق بحال ديما و هاد المرة ممشاتش معايا جارتنا و لكن مشات معايا ماما و حضرات للحفل ديال اخر السنة و صفقات ليا فاش سالات المسرحية و فرحت بزااااف و لاول مرة باركات ليا حيت نجحت و باستني ،و حسيت بواحد الاحساس فقدتو هادي مدة ،حسيت بالحنان و الحب و الامان و انا معاها ، مشينا للدار و خالتي عيشة جارتنا جات عندنا و باركات ليا ،و فالليل كنت جالسة فبيتي و سمعت ماما تتعيط ليا ، مشيت لعندها و لقيتها صاوبات واحد الحلوة واخا صغيرة و لكن زوينة و قالت ليا مبروك ، منوصفش ليكم احساسي عيني دمعو و عنقتها و جلسنا تناكلوها و تنضحكو ، سالينا و جمعنا الطبلة و جلسنا .
ماما : سمعيني ابنتي انا عارفة فهاد المدة كاملة اللي كنتي معايا عذبتك بزاف و تعديت عليك ، انا تنعطيك الحق فانك تكرهيني و تحقدي عليا و عارفة باللي مكاين حتا شي مبرر لهدشي اللي درت و اللي تندير ، انا تنطلب منك تسمحي ليا واخا السماحة بزاف فحقي و لكن نتي قلبك كبير و عارفاك اتسمحي ليا .
انا : حتا نتي سمحيليا الا غلطت فحقك شي نهار .
ماما : نتي دابا كبرتي را تبارك الله 12 عام راكي تقدري تفهي هاد الهضرة اللي انقوليك دابا فاش كنت صغيرة، كان جدك و اللي هو بابا تيجي يسكر فالدار مع صحابو و تيلقاوني بنت حداهم تيتعداو عليا ،و جداتك راكي شايفاها كيف شادة الركنة ما كتحركش و بسبابو حيت واحد النهار جا بحال ديما سكران و تيغوت و ناض تيضربها و جات فيها واحد الدقة من تما و هي مكتحركش رجليها. كنت أنا بوحدي لي عندهم ، انا اللي نطيب و نصبن و نشقى و فوق من هدشي كامل مكاين غا المعيار و الضرب و العصى و التكرفيص ، بقيت صابرة و فاللخر مشيت كنخدم فالديور و القهاوي كل مرة ملاوحة فقنت ،و تلاقيت بباباك بغاني و بغيتو و عودت ليه على كلشي عاد زاد بغاني و تعلق بيا و غير جا خطبني با شافو همزة و حلف لفلتها و حتا من الصداق هو اللي خداه قول هو اللي مزوج بيه،المهم تزوجنا و عيشني بحال الملكة وهو معمرو مكان مقصر من جهتي و معمرو خصر ليا خاطري و دار فوق جهدو على قبلي،انا براسي معارفاش كيفاش قدرت ندير ليه دكشي، عارفة راسي فشلت فكلشي مقدرتش نكون زوجة مزيانة ولا أم مزيانة مقدرت نكون والو فحياتي سمحت فولادي و لكن نتي مقدرتش نسمح فيك .