سعد : هادي كثر من خمس سنين و انا تنعرفك، دوزنا الحلوة و المرة، تشاركنا كلشي و مكانوش بيناتنا أسرار، ضحكنا معا معا و بكينا معا معا و فرحنا و نشطنا و سافرنا و قرينا و كلشي، كنا حنا الثلاثة ديما مقربين، و بالخصوص أنت، الوقت اللي دوزناه يخليني نعرف الصغيرة و الكبيرة عليك، نقدر نفهمك بلا متهضري، كنتي ديما قريبة مني، كلشي فيك زوين أخلاقك و هضرتك ضحكتك التقليقة ديالك الجمال ديالك و زيد و زيد، زينب هدشي تيخلي أي واحد يعرفك ميبغيش يتفرق عليك، نهار على نهار المكانة ديالك فقلبي تتزيد تكبر، تتكبر و تتكبر، لدرجة مبقيتش نقدر نتصور نهاري يدوز بلا بيك، النهار اللي متنسمعش فيه صوتك و ضحكتك متيكون ليه حتا معنى، زينب أنا هادي مدة و انا باغي نعترف ليك ولكن مقدرتش، مي مبقيتيش قادر نصبر، انا تنبغي..........
انا : حبااااس حبس حبس متكملش صافي صافي
سعد : وا زينب را تنبغيك واش متتفهميش
انا : هانتا سعد خويا هاد الهضرة غتبقا بيناتنا و غندير فحالا مسمعتهاش و انت دير فحالا مقلتيهاش و صفحة تطوات صافي
سعد : واش باغا تسطيني ولا شنو، انا ماشي خوك انا تنبغيك عييت هادي سنين و انا صابر، كل مرة كل مرة تنفكر فيها انك معا داك خونا، كل مرة تنشوفك فحضنو كيفاش فرحانة و تضحكي تنكره راسي، كل نهار كنت تنصبر راسي و تنقول را غير مراهقة را مبيناتكمش شي حاجة معقولة، ولكن نهار شفت الخاتم فيديك و كيفاش فرحانة تمنيت نموت و ملقيتش
انا : سعد سمحيليا را ماشي بيدي عافاك
سعد : غتختاري من دابا اما انا و لا هو
انا : ميمكنش عافاك متحطنيش فموقف بحال هاكا
سعد : دابا شنو آخر كلام عندك
انا : منقدرش نتخلى عليكم بجوج
سعد : اوكي صافي
مشا سعد و خلاني، حسيت بنفس الإحساس نهار خلاتني ماما و مشات بلا رجعة، بحال نهار عرفت را نوفل خويا و حبيبي خلاني نكمل حياتي بلا بيه، حسيت بشي حاجة فقلبي تحطمات و لا مشات معرفتش، عيطت على مروة قلت ليها تجي دابا و قطعت مكملاتش ربع ساعة لقيتها على راسي .
مروة : زينب مالكي خلعتيني آش واقع
انا : الصمت
مروة : مال وجهك مخطوف
مديت ليها السوارت ديال الطونوبيل و مشيت ركبت و خليتها تسوق، الطريق كلها مقدرت نقول والو، غير وصلت مشيت نعست، الغد قرينا و مروة كل مرة تسولني مالي و انا غير ساكتة، دازو 4 أيام سعد مجاش فيهم للقراية و مبقيتش شفتو حتا جات عندي مروة فالصباح تتغوت .
مروة : زينب فيقي فيقي ضروري
انا : شنو مالكي؟
مروة : سعد مشا
انا (قفزت من بلاصتي و غوت) : شنوووو فين مشا
مروة : عاد عيط ليا قاليا مشا لفرنسا يكمل قرايتو تما
انا : لا ميمكنش ميمكنش علاش دار هاكا علاش
مروة : زينب عافاكي غير بشوية عليك راكي مريضة
انا : انا السباب انا السباب بسبابي مشا
مروة : لا متقوليش هاكا
عاودت لمروة كلشي و الهضرة اللي قال و شنو وقع هي بقات غير حالا فمها مصدومة و انا كثر منها، داز داك النهار كئيب، أسبوع باش مشا و حنا كل مرة تنتسناوه يرجع، علي فاش عرف فرح حيت تهنى من مشكل كان خالقو ليه و معجبوش الحال حيت ولات هضرتي قليلة، كل مرة تيحاول يرجع دكشي كيف كان و نرجعو كيف كنا و لكن مقدرتش نسا، مقدرتش نتأقلم، حتال واحد النهار داز عندنا للدار و مروة خرجات بقينا غير بوحدنا .
علي : زينب تبدلتي عليا بزاف
انا : علي را ماشي لخاطري والله
علي : واش بسباب سعد عوتاني
انا : انت راك متقدرش تصور بلاصتو شحال غالية عندي، كنت تنعتابرو الأخ و الصديق و الرفيق و كلشي
علي : و هو ممعتابركش هاكاك
انا : و يكون
علي : كون مشيت انا كون گاعما ديري عليا هاكا
انا : الله ينجيك معندك فين تمشي
علي : هادشي اللي تديري عليه را ماشي الحالة ديال شي واحد معتابراه خوك
انا : شنو تتقصد بكلامك
علي : لاكان تيعجبك سيري لعندو
انا : كون كنت تنبغيه كون منتصاحبش معاك من الأول و كون رانا ممخطوبينش دابا اصلا
علي : حتا دابا باقي مافات الفوت ميتنادمش معاك الحال ألالة زينب
انا : علي عرف شنو تتقول تمشي تخرج شي حاجة تبقى نادم عليها عمرك كلو
علي : واش تدافعي عليه دابا؟
أنا : ندافع عليه و من حقي هو كان ديما واقف معايا و فوقما تنحتاجو تيكون فجنبي
علي : و انا معمرني وقفت معاك ياك
انا : مقلتش هاكا نتوما كلكم ديما تتكونو فجنبي، عرفتي من الأحسن منهضروش و حنا معصبين بدل الساعة بأخرى
علي : عرفتي انت بهاد التصرفات ديالك مع داك خونا و الهضرة ديالك معاه را كاينا موراها شي حاجة
انا : كيفاش كيفاش؟
علي : خليني ساكت
انا : لا غير قول لاش غتسكت
علي : شكون ضمن ليا انه مكانتش شي حاجة بيناتكم و انت لفقتيها اه حقا تغتصبت لاواه كدا
انا (بصدمة) : واش تيسمعو ودنيك شنو تتنطق بفمك ولا لا، عرفتي شنو مبقاتش بيناتنا شي هضرة غتقال من اليوم اللي كان بيناتنا سالا (رميت ليه الخاتم) خرج برا صافي خراااج
علي : زينب والله مقصدت را غير حيت تعصبت و صافي زينب عافاك
انا : متقيسنيش فرق مني فرقني عليك بعد مني مبغيتش نشوف وجهك من اليوم لا انا تنعرفك ولا انت تتعرفني
علي : زينب عافاك سمحيليا والله مقصدت نجرحك
انا : ولكن جرحتي، صافي خليني مبغيتش نشوفك من اليوم
علي : واخا هانا غادي
أنت تقرأ
طفولة ضائعة
Short Storyقصة بالدارجة المغربية على حياة زينب ? اللي كانت مليئة بالأحداث و المغامرات، القصة فيها طابع حزين ? و لكن فيها حس المغامرة و كلها تشويق....القصة من تأليفي نتمنى تعجبكم الكاتبة : khullo #khullo ✌
