طفولة ضائعة

الجزء 50

واحد النهار خرجات مروة و انا مكان فيا منخرج بقيت فالدار تنتفرج، شوية صونا شي واحد فالباب، حليت لقيتو سعد .
سعد : السلام كاينة مروة
انا : اه راها لداخل دخل لعندها
سعد : واخا
غير دخل سورت الباب و سديت القفل ،هو دار شافني و تعجب
سعد : علاش سديتي را انهضر معاها و انخرج
انا : و شنو بغيتيها؟
سعد : الحصة اللي فاتت مجيتش و بغيت نقل الدرس
انا : كان ممكن طلبو من عندي ياك حنا تنقراو فقسم واحد و en plus انت ديما كنتي تتقول را خطي حسن من خطها و مفهوم عليه و لا حتا من الدفتار هو التالي مبقيتيش باغيه من عندي
سعد : دابا من هدشي كامل فينا هي؟
أنا : مكايناش خارجة و مغتجي حتال العشية
سعد : صافي فاش تجي قولي ليها دوز لعندي
انا : لأ حبس تم معندك فين تمشي ليوم نفرگعو هاد الرمانة غير قوليا واش عمرني قلقتك؟ شي نهار خرجت فيك العيب؟ و لا انت متتحملنيش من الأصل غير كنتي تتمثل عليا
سعد : لا هادي لا ديك
انا : عافاك سعد مبغيتش نخسرك
سعد : زينب عافاكي خليني عليك
انا : سعد قوليا مالك؟
سعد : وا طلعتي ليا فراسي صافي مبقيتش باغي نتعاشر معاك تهنيتي دابا
انا : سمحيليا، هاكا أخويا الساروت
خطفو من يدي و حل الباب و شكون كان واقف موراه، علي ،بقا تيشوف فسعد و سعد خرج و مشا فحالو، دخل علي و هو معصب
علي : ايوا ألالة زينب
انا : نعام
علي : فينها صحبتك؟
أنا (بإرتباك) : خرجات
علي (بعصبية) : و شنو كنتي تديري معا داك خونا لداخل و مسورتين عليكم
انا : كنا غير تنهضرو و صافي
علي : فاش بالسلامة؟
أنا : شي حاجة بيناتنا
علي : واش باغا تحمقيني ولا شنو ؟
انا : علي غير بشوية عافاك
علي : دابا غتهضري تقولي آش كاين ولا لا؟واش تلقا حبيبتك فالدار بوحدها مع ولد و الباب مسورت و فاش تسولها تقوليك بيناتنا و تتقولي ليا تهدن من الفوق
انا : غير كنت تنسولو علاش تبدل عليا
علي : و انت باغاه يرجع يعنقك و يبوس فيك كفما بغا ياك
انا : علي انتبه لكلامك سعد راه خويا من أيام الابتدائي منبغيش نخسرو
علي : زينب من الأفضل تبقاو هاكا
انا : صافي اللي بان ليك
علي : سمحيليا مبغيتش نقلقك و لكن را تنتعصب هاكا فهميني
انا : صافي فاهماك
من ورا داك النهار تكفسو الأمور كثر و كثر، سعد شحال من مرة حاول يعتذر على الكلام اللي قالولي ولكن تنتفاداه، علي تيحاول يبعدني على سعد قدر الإمكان، و انا واحلة بيناتهم ،هادي مدة وليت تنغيب بزاف كل مرة تنمشي للطبيب و كلشي تخلع عليا، فقدت القدرة على التركيز، تنحاول نتبت راسي، مروة ديما معايا ديما مقابلاني خيرها معمرني نساه .
مروة : زينب نسولك واحد السؤال
انا : أهاه
مروة : هادي مدة و انا باغا نسولك ولكن متنقدرش
انا : سولي
مروة : فراسك را شحال من مرة فالليل تتنوضي تغوتي فالليل حتا تنسكتك عاد تترجعي
انا : انا ؟ امتا و فوقاش ؟
مروة : وا ما هي مرة ما هي جوج ،تتبقاي تغوتي تتقولي بعد مني بعدو مني فرقوني عليكم حتا بقيت تنشك واحد الوقت واش مسكونة
انا : الله يستر را غير انكون تنحلم و صافي
مروة : ولا تتبقاي تقولي "صغيرة ولكن زوينة، صغيرة ولكن تتشهي ،منقدرش نصبر حتا تكبري"
انا : هاد الهضرة معمرها تنسى ليا ،قالها ليا داك خونا، عاقلا كيفاش كان تيشوف فيا و هو تيقولها، عاقلة على كل لحظة بحالا غير البارح، المنظر ديال الدم و كيفاش محنش قلبو لدموعي و انا فديك الحالة ،عرفتي كنت تنطلبو تنقوليه عمي عافاك عمي هدا و هو متيسمعش ليا
مروة : لا زينب عافاكي متبكيش صافي سمحيليا مكانش عليا نسولك اصلا
انا : انت ماليك حتا ذنب غير انا مكتوب عليا تكون حياتي هاكا و مكتوب على دكشي يوقع اصلا
عنقاتني مروة عندها بقات تتواسيني، دازو أيام على الحديث ديالنا ،دازو أيام بنفس الروتين، و حتا عيد ميلادي 19 داز ممل الحاجة الوحيدة اللي تبدلات هي قائمة الامنيات و كانت كالتالي :
1 : ترجع علاقتي مع سعد فحال قبل
2 : تنقص الغيرة ديال علي عليا من سعد و يرجعو صحاب
3 : نقدر نتخلص من عقدة سميتها الماضي
4 : نتلاقا بخويا أنس ولا غير نسمع عليه شي خبار
5 : نبقا مع علي
6 : نولي خالة
7 : نبقا مع مروة للعام القادم
كانو هادو هوما امنياتي، اللي مقدرتش نحققهم العام الماضي بقاو و تزادو شي وحدين و صافي ،سالات الدورة اللولة و رجعنا لمكناس، دوزت دوك الأيام مع عائلتي، بان ليا بابا شوية عيان ، قاليا را غير مع البرد و صافي و انا محكرتش، رجعنا للرباط عادي فحال كل مرة، واحد النهار صونا ليا سعد .
سعد : زينب لاباس؟
أنا : لاباس الحمد لله كاين منقضيو
سعد : شوفي انا عارف راسي غلطت فحقك و بزاف
انا : اييه و من بعد؟
سعد : ممكن تجي الكافي اللي حدا المحطة
انا : علاش ؟
سعد : بغيت نهضر معاك فشي حاجة ضروري
انا : صافي نص ساعة نكون عندك
لبست حوايجي و هزيت الطونوبيل، وصلت للكافي دخلت لقيتو تيتسناني
انا : سلام
سعد : و عليكم السلام
انا : اييه علاش معيط ليا دابا ؟
سعد : بغيت نقوليك شي حاجة و نتمنى تسمعيني حتال الأخير
انا : الله يسمعنا خير