مروة : صافي مشينا ؟
أنا : بلاتي نجمع صاكي التلفون ،السوارت، مراية، غلوز و مسكارة، و الكادو بالطبع .
مروة : ويلي كنت غا نسا منديش ليه الكادو.
انا : هههه كوراه يجري عليك من الباب تصدقي مرجعانا حتال هنا.
مروة : ايوا زدتي فيها، زيدي را تعطلنا .
انا : غا بشوية عليك لا تعكلي فالدروج.
مروة : آي وا ربي قوستي عليا كنت غنتكربع بسبابك و نصدقو مجلوقين فالسبيطارات و نفلتو القص.
انا :هامك غا كرشك بعدا نتي اللي غتفلتيه أما أنا انصدق واكلة كسكسو يميييي،هاي مروة قولي لخالتي طيبو بالتفاية متناكلش ديال الخضرة.
مروة : وا بااز على وجهك زيدي زيدي.
ركبنا فالطونوبيل وصلنا سعيد و رجع حتا نعيط ليه و يجي يدينا، دخلنا للفيلا لقينا الناس عاد بداو تيجيو، بان لينا سعد جاي لجيهتنا.
سعد : فإينا جبل مات الذيب حتا جيتي.
انا : ايوا مبغيناش نخصرو ليك و صافي.
شد يدي بكل حنان و باسها.
سعد : شرف كبير ليا.
انا : وااااع جبتي ليا الارارة بهاد الهضرة.
سعد :( ضربني لكتفي ) سري هاداك انا اللي باغي ندير فيها واعر
انا : شوف أصحابي داك البروتوكول و الصباغة الخاوية تنديروها مع البراني ماشي مع عشرانا اوكي.
مروة : وا اوكي اوكي وا ربي ربي مرضتوني بهاد الهضرة ديالكم.
انا : غنضربك دابا حتا تنكونو منساجمين فشي حاجة عاد تتخصريها علينا واش محرشك شي واحد عليا ولا شنو.
سعد : صافي سكتونا لبديتو ديك الهضرة ديالك جا ميسكتكم، احم احم منسيتوش شي حاجة؟
أنا : أنا بعدا را جبت ليك الكادو ولكن الأخت را نساتو حتا كنا فالطونوبيل عاد تفكراتو و مقدرناش نرجعو ليه.
مروة : وا بااز داغي صاوبات الكذبة و زوقاتها، هاكا أخويا كادوك.
سعد : لا لا زينب خاطار.
انا : هاكا الكادو حتا انا.
سعد : ميغسي ميغسي علاش معدبين ريوسكم، انشوفو الكادو ديال زينب.............واو مكانة واعرة و باينة غالية آري شي بوسة.
انا : متكونش غلا منك علا انا شحال عندي من سعد.
سعد : شكرا حتا نتي بلاصتك بوحدها، انشوفو شنو جابت هاد الزقرامة.............ياه عرفت هاد الباغفان ولكن مكيتباعش فالمغرب منين ضبرتي عليه ، عنداك يكون مسروق نصدقو واحلين فالحباسات.
انا : متخافش انا نبقا نجيب ليك القفة غير تهنا.
مروة : آسير قالاك مسروقة هاديك را مدايرة عليها الكوموند هادي شهر و الزيادة.
سعد : قول دابا نتي هادي شهر و نتي مفكرا عيد ميلادي
مروة : فحال دكشي.
سعد : شتي انا شحال محظوظ، المهم هايا الحفلة بدات تتعمر هانا نسلم على شي ناس و نجي، و نتي ازينب شطحي و قيسي.
انا : ههه جاب ليا الضحكة والله، امممم ماعرف فوقاش ايحطو الماكلة جاني الجوع.
مروة : نتي اللي ضاربك ضربك على كرشك ياربي السلامة.
انا : الالة كرشي هاديك تنبغيها و تتبغيني و عندنا ذكريات و الله يبعد علينا الحساد.
مروة : ايوا نهار تولي فيك 100 كيلو متجيش تشكي عليا اوكي.
انا : اووف اصلا انا تناكل و نقيس ماشي فحالك نتي تطيحي طيحة وحدة
مروة : المهم زيدي نشطو رانا فحفلة زعما
انا : هايا الموسيقى بدات نوضي نشطحو
ايوا و شطحنا و حيحنا و كلينا و برككنا و تعرفنا على ناس جداد و سالات الحفلة.
انا : اووف و اخيرا شوفي الجوج دابا راسي ضرني و جاني لموت ديال النعاس يالاهي نمشيو.
مروة : حتا انا فحالك يالاهي، ولا بلاتي .
انا : شنو مالكي.
مروة : ختي زينب ياك انا عزيزة عليك.
انا : جيني كود شنو بغيتي؟
مروة : زينوش بغيت نطلبك فواحد الطليبة.
انا : طلبيني فواحد الطليبة مابها لغتك الدارجة تئكل الدق؟ خلص يعم وسيبك من مقدمات طويلة دي، عايزة ايه؟!!
مروة : تباتي معايا
انا : هههه واهيا سيدي وا مولاي وا العمالة وا ضحكتيني ازمر و انا مفيا اللي يضحك.
مروة : شنو قلتي دابا
انا : صافي زيدي هاوا سعيد جا نيت
مروة : حتا تجاوبيني عاد انمشي
انا : خلي نفكر فالطونوبيل و نجاوبك
مروة : لاء بت نبت حتا تقولي
انا : وا مصيبة نتي، معرفتش شنو درت فحياتي حتا بلاني الله بيك
مروة : اسيري قالاك مصيبة، انا، را ملاك سيفطو ليك الله
انا : صافي صافي شحال فيك ديال بلا بلا راني مت بالنعاس غطلعي ولا نزيد و نخليك
مروة : را قلت ليك مغنتحرك حتا تجاوبيني
انا : اوووف صافي نبات معاك غا طلقينا
مروة : ياااااس العز زيدي عطلتينا
انا : وا باز على وجهك
أنت تقرأ
طفولة ضائعة
Short Storyقصة بالدارجة المغربية على حياة زينب ? اللي كانت مليئة بالأحداث و المغامرات، القصة فيها طابع حزين ? و لكن فيها حس المغامرة و كلها تشويق....القصة من تأليفي نتمنى تعجبكم الكاتبة : khullo #khullo ✌
