الغد شدينا الرحيل مشينا لتطوان و كرينا دار مرة اخرى نعسنا و فالغد تفقنا نطيبو الحوت و نديوه معانا للبحر ،انا حلفت منقيس الحوت خضر عيفني خليت مروة تتنقيه، و مع هي حادگة تبارك الله و متتخرجش من الكوزينة عرفات مزيان كيفاش تنقيه .
انا : مروة واش عباد الله الحوت تيتنكل بمصارنو
مروة : علاش مال المصارن ماشي بنادم
انا : وا باز على وجهك
مروة : الالة نتي اللي عندك الوجه، لاقيا اللي ينقيه و تتهضري
انا : آسيري بغجتيه كامل انا بعدا غيبقا فيا غا علي و سعد أما أنا مغناكلوش
مروة : لهلا فين تاكليه
انا : صافي انا تقلقت دابا
مروة : شوفي فيا و الله يمسخك ههههه
انا : تفو متخليو الواحد حتا يغضب على خاطرو
علي : مالكم تدابزو من الصباح؟
أنا : متندابزوش غير تنهضرو
علي : على البنات تيهضرو هاكا؟
أنا : حنا حالة خاصة ياك ا مروة
مروة : ضروري
علي : و فاش تدابزو كي تتكونو ؟
أنا : هو دابا حنا ديما مدابزين ولكن غا على الخوا الخاوي غا عكس و صافي، يعني الضحك ديالنا كلو دابيز
علي : سبحان الله معمرني شفت شي صحابات فحالكم، المهم دابا علاياش مدابزين؟
مروة : اسيدي انا تنقي الحوت و هي تشترط
انا : دابا هادا حوت منقي
علي : صافي انا نكملو نتوما صايبو لي سالاد
انا : و تعرف؟
علي : اه نعرف
خلينا علي تيصايبو و حنا صايبنا دكشي لاخر و ديناه معانا للبحر عمنا و كلينا جا بنين بزاف حسن من اللي توقعت، دوزنا 3 أيام و النهار الرابع طلعنا لطنجة خدينا جوج غرف فالاوطيل و طلعنا للبحر و فالعشية دوشنا و بقينا تنفكرو فين نمشيو، انا تنقول نمشيو جيهت الكورنيش و مروة بغات تمشي للمدينة و تفرقنا انا و علي مشينا جيهت الكورنيش و مروة و سعد مشاو يدورو فالمدينة ،جلسنا حدا الكورنيش و الهوا ديال البحر تيعطي إحساس زوين بزاف، بقينا تنهضرو ، شوية حسيت بالوجع و بقيت صابرة، خفت بزاف ليجيوني ليغيگل و نصدق مشوهة تما .
انا : علي واخا نرجعو
علي : علاش معجباتنيش البلاصة نمشيو لشي بلاصة أخرى؟
أنا : لا ماشي على دكشي و لكن بغيت نرجع
علي : مالكي واش ضاراك شي حاجة؟ كليتي الدوا ديالك قبل منخرجو؟
انا : اه ولكن بغيت نرجع عافاك
علي : واخا اللي بغيتي
رجعنا للدار و كليت دوايا و نعست الغد مشينا لطنجة و الفنيدق و المديق الموهيم درنا الشمال كامل، دوزنا 10 أيام فيها العجب ،بقيت 4 أيام غير فالفراش و هوما بقاو مقابليني مساكن جاني تأنيب الضمير حيت خصرت عليهم السفر، فاش وليت شوية كملنا هبالنا و رجعنا، كنا تنتلاقاو كل نهار تقريبا تنسافرو تنخرجو مع معا تنتجمعو فالليل دايمن و تنبقاو مقصرين حتال الصباح، سالات العطلة و رجعنا نقراو، تفقنا منضغطوش على راسنا بزاف و نحفضو بالقياس و دكشي اللي كان ،أصلا الباك سهل من السيزيام، كنا ديما منوضينها فالليسي، اللي ماكانش عارفنا ولا تيعرفنا ،ولينا معروفين انا و مروة ب نيگالو و سوزان، هبالنا نهار على نهار تيزيد، كنا تنديرو غا الزبايل ولكن أخطر حاجة هي نهار مشينا حدا السكة كالعادة، جالسين تنتصورو و نضحكو حتا تنسمعو التران جاي، مروة رجلها وحلات فالسكة و مقدارتش تحيدها ،أنا شفتها هاكاك طاح مني النص، التران تيقرب و هي باقا واحلة، جريتها من يديها بالجهد و التران داز على شوية كان غيعجنها، مشينا للطبيب و لقينا رجلها تشقات و دارت الجبس و حلفنا منعاودو نمشيو لتما و مقلناها لحتا واحد اللي سولنا تنقولو ليه غير طاحت، دازو أيام و قرب راس العام، كلشي ناشط و فرحان و بالخصوص انا تنموت على شي حاجة سميتها حفلة، عرض علينا سعد نمشيو لعندو و دكشي اللي كان ،وجدنا الحوايج اللي انلبسو و تافقنا على كلشي، لبست كسوة حد الركبة بيضة بلا كمام و فيها سمطة الوسط و مربوطة فالخصر و مزوقة بأحجار فالصدر و معاها طالون بيض و سنسلة ديال الذهب الأبيض جابهالي علي فعيد ميلادي و جمعت شعري اللي ولا تيوصل لنص ضهري و درت كحل و مسكارة و غلوز اما مروة فلبسات كسوة فالگرونا طويلة و فيها فتحة من الجنب و دارت معاها اكسسوارات و طلقات شعرها الطويل و دارت مكياج خفيف.
انا : جيتي قوقة أالساطة
مروة : منكونش حسن منك
انا : لا تكوني
مروة : حتا نتي جيتي تيتيزة متعطيناش النمرة، و غمزاتني
انا : لا حبي مصاحبة
مروة : صافي بالناقص
علي : يالاه ساليتو نديكم، ماجا فين يسالي ديك نديكم حتا بقا حال فمو فينا
انا : شكون اللي حسن انا و لا مروة؟
علي : اممم الصراحة بجوجكم
انا : لا قول
علي : الجمال ديالكم مختالف نتي عينيك خضرين و الملامح ديالك شهبين و مروة عينيها و ملامحها كحلين كون كنتو كتشابهو نقدر نحكم ولكن لا كل وحدة و الجمال ديالها .
انا : قنعتيني، بالمناسبة حتا انت جيتي بوكوس
علي : عارف
انا : ايوا مضسرش
علي (قاسليا نيفي بلطف و قال) : انا مضسرتش انا غير تنتفشش
انا : ايوا سعداتك لاقي علامن تفشش
علي : علاه نتي مكتفشيش
انا : بالعما
مروة : ناري السقف غيطيح بهاد الكذبة، لا انا مبغيتش هادي لا حكا كتعجبني هاديك لا انا تقلقت لا بعدو مني و قالت ليك مكتفشش و باااز
انا : حضيوني حضيوني را غنفعكم ،يالاهو نتحركو
أنت تقرأ
طفولة ضائعة
Short Storyقصة بالدارجة المغربية على حياة زينب ? اللي كانت مليئة بالأحداث و المغامرات، القصة فيها طابع حزين ? و لكن فيها حس المغامرة و كلها تشويق....القصة من تأليفي نتمنى تعجبكم الكاتبة : khullo #khullo ✌
