وصلنا و الموسيقى كتسمع منين و منين، الفيلا بانت مبدلة، الضو و الموسيقى و الدنيا عامرة، دغيا ندامجت معاهم و مشيت نشطح، تعرفت على شي بنات و دراري و ندامجنا مع الموسيقى شوية تيبانليا شي شخص مغريبش، حطيت يدي على كتفو و هو دار يشوف شكون.
يونس : آه زينب مناسبة زوينة هادي فين تلاقينا
انا : اه متوقعتش نشوفك هنا
يونس : حتا انا ،سعد راه صاحبي و معرفة قديمة
انا : و سعد راه عشيري و غمزتو
يونس : مكانش يسحابليا مقربين حتال هاد الدرجة
انا : كتر من اللي كتصور
يونس : مزيان
انا : نوض حتا انت تشطح معانا
يونس :كنت باغي نقولها ليك ساعا خفتك ترفضي
انا : لبقيتي تخاف عمرك تنجح
يونس : عندك الصح
مدليا يديه و نضرنا نشطحو انا و ياه
يونس : اه بالمناسبة سمحيليا على دكشي اللي طرا داك النهار
انا : اينا نهار؟
يونس : فاش قالت آية ديك الهضرة
انا : هههه لا معليش أصلا هي باقا صغيرة و قالت غا اللي شافت
يونس (ولا وجهو حمر) :اه أمم صافي
انا (مع راسي) : هادا مالو حشم غا بوحدو مالي شنو قلت " معليش أصلا هي باقا صغيرة و قالت غا اللي شافت " قالت غا اللي شافت" اللي شافت"، قلت بالجهد اويلي شنو قلت و هو مسكين تخلع معرف باش تبلا .
يونس : زينب مالكي؟
أنا : اويلي لا والو غا بوحدي
يونس : اه اوكي
ندمجت مع الموسيقى مرة أخرى و يونس حتا هو، هاد الدري عجبني صافي حتا هو ايولي عشيري، تنحس بشي يد جراتني من بين الزحام و خرجاتني تندور تنلقاه علي .
انا : علي مالك
علي : شفتك مندامجة مع السيد و هو عاجبو الحال
انا : و شنو فيها
علي : المفروض جينا معا معا خصنا نبقاو معا معا
انا : جينا معا معا و لكن كل واحد حر يدير اللي بغا
علي (بغضب) : لا زيدي جلسي معانا
انا شفتو هاكا بغيت نبرد و مشيت جلست حداهم، جاني الملل مبغيتش دابا نهضر بغيت ندير شي حاجة اخرى ،هزيت كأس ديال الشراب و بديت تنشرب و نتنفخ معاجبنيش الحال كيفاش يتحكم فيا ماشي من حقو
علي : زينب متشربيش غدوخي و غنبقاو واحلين فيك من بعد
انا : اسيدي متوحلش فيا غيجي الشيفور يحطني حتال قدام الباب
علي : را الشراب ممزياناش
انا : ايوا رأس العام هادا العالم كامل تيشرب
علي : حنا رانا مسلمين
انا : اوووف هاوا مزيان دابا؟ وا ها أنا غادية نجلس بوحدي و متبعنيش الله يخليك
علي : ضبري راسك
مشيت غضبانة بعدت على داك الصداع و جلست حدا لابيسين و شعلت گارو تنكميه حتا تنسمع شي حد مورايا
يونس : تتكمي؟
أنا : آه، و عارفاك فاش غتفكر دابا انا را خارجة الطريق و متنسواش و غتاخد عليا نظرة خايبة و كدا و لكن متيهمش مبقيتش تنتسوق
يونس : شفتي دابا نتي حكمتي عليا حكم مسبق قبل متعرفيني، نتي باقا كيفما نتي بالنسبة ليا ،ديك البنت الضريفة الضحوكية اللي قلبها بيض متبدلاتش نضرتي عليك ابدا
انا : شكون قاليك انا ضريفة و قلبي بيض؟
يونس : نهار شفتك هازة آية و كيفاش عاطياها الخاطر و تتسمعي ليها، فاش شفتك كيفاش تتهضري مع الناس و تتسمعي ليهم و تتراعي مشاعرهم، هادي غير نظرة أولية و لكن شاملة لشخصيتك
انا : يمكن عندك الحق، الصراحة ناس قلال تيفهموني، الأغلبية تنبان ليهم ديك البنت المفشة و القراية و اللي دافعة كبير على بنادم واخا لا علاقة بشخصيتي
يونس : هوما اللي خسرو ماشي نتي
انا : عندك الصح
يونس : فراسك باللي التفكير ديالك ناضج، قليل فين تلقا بنادم فحالك، عقلك و تفكيرك كبر من سنك، الطريقة باش تتهضري و تتعاملي، الاجوبة ديالك و الخبرة اللي عندك فجميع المجالات، و زيد عليها جمالك، هاد الأشياء نادرا فاش تيتجمعو فشخص واحد ،انا مسرور حيت تعرفت على شخص فحالك
انا :(واااع بدينا فالتعناب) شكرا حشمتيني
يونس : لمن تتشبهي فوالديك؟
أنا : لبابا بالطبع هو اللي مثقف و ذكي و تيعرف يتواصل و هو الرقم 1 فحل المشاكل و زيد على هدشي عينيه خضرين فحالي
يونس : و غتكوني حادگة فحال ماماك اذن
انا : لا
يونس : علاش
انا : صافي عافاك قلب الموضوع
يونس : يكما قلقتك فشي حاجة
انا : لا غا ميعجبنيش نهضر على ماما و صافي
يونس : السبب؟
أنا : هاكاك متنحملهاش
يونس : لا متقوليش هاكا مكاينش شي واحد تيكره ماماه
انا : انا تنكرهها
يونس : و كيدايرة العلاقة بيناتكم؟
أنا : يونس ماما ماتت هادي تلت سنين ولا كثر
يونس : سمحيليا بزاف مقصدتش والله
انا : معليش أصلا دكشي ديال الماضي
يونس شد يدي بيدو و ركز عينيه فعيني، محسيتش براسي حتا صرفقتو بالجهد ،هو بقا غير مصدوم و انا أعدى حاجة عندي هي يقيسني شي واحد ولا يحط عليا يديه
يونس : زينب مالكي
انا : علاش قستيني؟
يونس : قست غا يديك
انا : متحطش يديك عليا
يونس : سمحيليا مقصدتش و لكن مكانش عليك حتا نتي تمدي عليا يديك
انا : تنكره شي واحد يقيسني بلا إذن
يونس : زينب واش واعية راكي صرفقتيني غير دابا
انا : و انت واش واعي راك قستيني غير دابا؟
يونس : تقدري تهضري بفمك و تجمعي يديك
انا : ايه زيد زيد اسي يونس برافو
يونس : انت غلطتي خاصك تعتاذري
انا : اوكي غلطت سمحيليا
أنت تقرأ
طفولة ضائعة
القصة القصيرةقصة بالدارجة المغربية على حياة زينب ? اللي كانت مليئة بالأحداث و المغامرات، القصة فيها طابع حزين ? و لكن فيها حس المغامرة و كلها تشويق....القصة من تأليفي نتمنى تعجبكم الكاتبة : khullo #khullo ✌
