الوقت دغيا تيدوز، دغيا وجدو الأوراق و كانو الحوايج مجموعين و البيي ديال الطيارة مخلصة، مع الفجر تلاقينا حدا واحد القهوة و وصلنا بابا حتال المطار، شحال و هو تيوصي فينا ، تعانقنا و شبعنا بوسان، انا و مروة جلسنا حدا حدا و سعد و علي قرابين لينا ،شحال و حنا مدابزين شكون يجلس حدا الشرجم فالاخير جلسات هي ، الطريق شحال طويلة ولكن ميجيكش الملل عرفتو ديك الطيارة شحال كانت زوينة فيها كلشي، و أخيرا وصلنا، مشينا للاوطيل اللي كنا حاجزينو من قبل و خدينا 2 ديال لي شومبغ، انا وصلت مدگدگة يالاه انبداو ندابزو انا و مروة على البلاصة طحت دودة حلفت منفيق، نعسنا و معقلناش شحال نعسنا، فقنا و ستفنا الحوايج و قادينا المسائل و مشينا نشوفو الولاد فينهم ملقيناهمش .
انا : آش بان ليك نعملو دابا؟
مروة : يالاهي نخرجو
انا : و إذا تلفنا؟
مروة : كاينة شي حاجة تدعى جوجل مابس
أنا : اوكي زطم
ايوا و خرجنا نتساراو داك العالم عجيب الناس كلهم تيتشابهو هههه مشينا لواحد المطعم كلينا الأكل الكوري هو فالحقيقة زوين ولكن أغلب مأكولاتهم حارة، لقينا شي وحدين تما تيهضرو بلونجلي بقينا شادين معاهم الحديث، تعجبو فاش قلنا ليهم را حنا من المغرب قالو لينا متوقعناكمش تكونو عرب أصلا، هضرنا ليهم على التراث ديالنا و زدنا شي فيخرات ههه ضروري و سمعناهم الشعبي حماقو عليه بقينا معاهم شي جوج سوايع ولا كثر محسيناش بالوقت، من بعد مشينا للمحلات تيبيعو فيهم شي تويشيات انا نشري و مروة تتقولي باراكا، بدأ تيضلام الحال قلنا نرجعو، غير حطينا رجلينا فالاوطيل حتا تيبانو لينا علي و سعد جايين جهتنا.
علي : فين مشيتو من الصباح و حنا تنقلبو عليكم
انا : ايوا حنا اللي قلبنا عليكم ملقيناكمش و ضربنا دويرة و رجعنا
سعد : كان عليكم تعلمونا على الأقل
مروة : حنا لقيناكم بعدا المهم موقع والو دابا
علي : زينب ممكن تجي دقيقة
انا : نعام
علي : يالاهي نخرجو انا و ياك شوية
انا : منقدرش نخلي مروة بوحدها
علي : مروة راها ماشي بوحدها و زايدون مسمعتيهاش فاش قالت هانا انعس دابا؟
أنا : صافي واخا هانا نبدل غير حوايجي و نجي
علي : متعطليش واخا
انا : اوكي كبيدة
مشيت بدلت لبست تيشورت بيض خفيف و صاية حد الركبة فالرمادي و صندالة بلا بيضاء و جمعت شعري من الجنب و هبطت لقيتو تتسناني.
انا :مشينا؟
علي : لا
انا : علاش آش كاين؟
علي شدني من الخصر ديالي و قربني ليه حتا تلاصقنا و طبع قبلة ففمي و قاليا
علي: دابا مشينا
انا : أمم اه صافي واخا يالاه
خرجنا تسارينا مرة أخرى و حنا مقابطين ،جلسنا فواحد الكرسي و حط راسو على كتفي و بقيت تنلعب ليه فشعرو
انا : يا حلييلي شعرك زوين
علي : عارف احبيبة عارف
انا : ايوا مضسرش
علي : قربي حدايا
انا : مممم هاني
علي : عرفتي داك الفيم عندك شحال بنين منكرهش نسرقو و نخليه فجيبي و عرفتي شحال تتسطيني مدايرة فحال شي بنوتة صغيورة
انا : انا ماشي صغيرة را عندي 17 عام
علي : و انا عندي 100 عام هههه
انا : ههه
علي : عرفتي فاش تضحكي هاكا شنو تديري فيا ، كون تعرفي الإحساس ديالي فاش تنهضرو فالليل داك الصويت عندك تيحمقني انت كلك شي نهار اتسطيني
انا : و انت واش عارف قلبي كيفاش تيضرب مع كل كلمة تتقولها ليا دابا
علي : واعديني معمرك تخلاي عليا
انا : معاك حتال الموت
علي : تنبغيك الحمقة ديالي
انا : و انا تنموت فيك
علي : عرفتي منكرهش غير شي بنوتة تكون فحالك نبقا غير معنقها النهار كامل
انا : و انا لمن تخليني
علي : انت الكل فالكل ولكن عرفتي مغديش نقدر نعنقك ديك الساعة انقدر نعنق غير بنتي
انا : و علاش بالسلامة؟
علي : حيت كرشك اتكون قد البطيخة انبقا نحيط يدي و نتلمس وليداتي اللي غادي يجيو
انا : ارا يديك ، حسيتي بيه كيفاش تيضرب
علي : والله إلا بصح
انا : شفتي شحال تنبغيك
علي : حتا انا و ربي شاهد
أنت تقرأ
طفولة ضائعة
Contoقصة بالدارجة المغربية على حياة زينب ? اللي كانت مليئة بالأحداث و المغامرات، القصة فيها طابع حزين ? و لكن فيها حس المغامرة و كلها تشويق....القصة من تأليفي نتمنى تعجبكم الكاتبة : khullo #khullo ✌
