طفولة ضائعة

الجزء 47

علي : خسرتي هههه
انا : اه ،يالاه خصني نمشي غذا حكم حكمتك
علي : لا غنحكمها دابا
انا : يالاه دغيا را مروة تتسناني
علي : تبقاي معايا هاد الليلة
انا : علاش؟
علي : تكون أول ليلة تندوزوها بجوج غير انا و انت الراس فالراس
انا : معرفتش خليني نفكر
علي : راكي عارفاني انت غتبقاي ختي حتا تولي مراتي
انا : اه تنتيق فيك و فوق القياس غير معرفتش ولكن الحكمة تتبقا حكمة و خصني نقبل بيها كيفما كانت
علي : آري داك الراس نبوسو، عرفتي را ندور الدنيا كاملة و نقطع البحور كاملين و منقدرش نلقا شي بنت فحالك معمرني شفت شي وحدة فحالك لجيت نقوليك تنتسطا عليك تنموت عليك تنعشقك حتا حاجة متقدر تشرح دكشي اللي تنحسو من جيهتك
انا : حتا انا كنتسطا عليك و معمرني نبغي شي واحد من غيرك إما انت ولا حتا واحد
علي : آش بان ليك نتفرجو فشي فلم
انا : واخا ولكن يالاه نخرجو نشريو مناكلو بعدا
علي : هي اللولة
مشينا للسوبر مارشي خدينا الحلوة و تشيبس و الشكلاط و كلشي ،هضرت مع مروة قلت ليها را غنبقا معاه شي ساعة و هي توصي فيا ههه ، رجعنا للدار وجدنا دكشي و طفينا الضو و جلسنا تنتفرجو، راسي على صدرو و يديه فشعري و مرة مرة يشوف فيا و يتبسم معايا، معقلتش امتا و فوقاش داني النعاس، فقت لقيت راسي فحضنو فوق الناموسية و معنقني بيديه، نضت بشوية باش منفيقوش و مشيت نغسل وجهي، لقيت العقدة اللولة ديال القاميجة محلولة و الحزام مرخوف، خرجت بان ليا عاد فايق
علي : صباح الخير
انا : صباح النور
علي : كانت افضل ليلة فحياتي
انا : اه علاش؟
علي : كيفاش علاش؟ تكون ناعس و حداك البنت اللي تتبغي شكون فحالك
أنا : آه
علي : مالكي ياك لاباس بنتي ليا ماشي حتال لهيه
انا : انت اللي حليتيلي هادو؟
علي : اه انا داك النعاس و رخفتهم حيت كانو مزيرين عليك، كنت غنمشي نعس فالبيت الآخر و انت بقيتي شاداني و قلتيلي غير بقا واش معقلتيش؟
أنا : لا والله معقلت اصلا داك الدوا اللي تناكل تيدوخني
علي : ربي يشافيك و متبقاي خاصك لا دوا لا والو قولي امين
انا : آمين
)عنداك يسحابليكم را علي دار ليا شي حاجة فالليل بلا منحس هههه)
فطرنا و حنا تنهضرو و رجعت للدار مروة دارت ليا إستجواب، عاودت ليها كلشي بالتفصيل الممل، و خرجنا تغدينا على برا و فالعشية خرجنا ندورو، الأيام تدوز و عيد ميلادي تيقرب نهار على نهار ، بقا نهار و نكمل 18 عام، بقا نهار و مغنبقاش قاصر و غنحقق دكشي كامل اللي تنحلم بيه هادا زمان ،بزاف ديال الحوايج تنحلم بيهم من صغري ،قاطع تفكيري الصوت ديال مروة
مروة : هيهو نحن هنا
انا : اه را تنسمعك
مروة : ايوا شنو كنت تنقول؟
أنا : قلتي مشيتي معاها و بقا تيشوف فيها منزلش عليها عينو
مروة : اويلي على غدايدي واش انا وصلت للعرس ديالهم و انت فين باقا
انا : سمحيليا والله مكنت منتابهة را عقلي دايخ
مروة : فاش يا ترى؟
أنا : عقلتي على قائمة الأمنيات اللي تنديرها كل عام فعيد ميلادي؟
مروة : اه اه عقلت
انا : هانتي فاش كملت 17 عام كانو هادو هوما امنياتي :
1 : ندوز شي راس العام مطرطق
2 : ندير شي كارثة
3 : يتشكى مني شي واحد لبابا
4 : نسافر لشي بلد مختلف على ثقافتنا 100 درجة
5 : نجرب اول قبلة فحياتي
6 : نتعلم نقول لا
7 : نطيح مريضة ولا نتهرس
8 : ندوز شي ليلة حمقة
9 : نجرب شي حاجة تخلي قلبي تيضرب بزاف
10 : نبقا مع مروة للعام القادم
مروة : اووه هدشي كامل ايوا راكي دوزتي منو كلشي يمكن ، رأس العام اللي فات دوزناه مسطي بزاف، الكوارث حياتك كلها فضايح و مصايب ههه ،يتشكى منك شي واحد را تشكى داك جاركم نهار حكمنا عليك تعصبيه و انت سديتي عليه الباب بالقفل و رميتي السوارت هههه ،تسافري لشي بلد مختالف را مشينا لكوريا، الخامسة راكي كل نهار تتجربيها يمكن ،تقولي لا راكي تتقوليها، السابعة راك دوزتيهم بزوج، ليلة حمقة را مكانتش غير وحدة كانو بزاف 9 معارفاهاش و 10 هاني واقفة حداك هههه
انا : اه والله حتا بصح
مروة : التاسعة جربتيها؟
أنا : آه
مروة : امتا ولا صافي عرفت
انا : وا را داك النهار اللي دخلنا للمقبرة مع 12 ديال الليل و بأن لينا العساس هاز شمعة و حنا نعلقو كلنا هههه قلبي كان غيسكت
مروة : هههه آه والله حتا بصح
انا : هانتي آجي نكتبو ديال 18
مروة : زيدي
انا :
1 : ندوز البيرمي
2 : نشري طونوبيل
3 : ندخل للبواط اللي تمشيو ليها غير اللي فوق 18+
4 : نتلاقا بخويا أنس ولا غير نسمع عليه شي خبار
5 : نبقا مع علي
6 : نقدر نعزف ديك الموسيقى اللي تتعجبني بإتقان هاديك ديال بيتهوفن
7 : نولي خالة
8 : نسافر لأكثر من 5 الدول
9 : نفرح شي انسان
10 : نبقا مع مروة للعام القادم
مروة : هاديك الأمنية العاشرة مالها مكتبدلش؟
أنا : لبغيتي نبدلوها هانية
مروة : باز خصك غير السبة
انا : لا والله ماهاكاك ولكن انت را هي الكل في الكل
مروة : احياني عليك
انا : و انت؟
مروة : انا شنو؟
أنا : واش غير انا اللي حاسباك هاكاك ولا شنو؟
مروة : صافي راكي عارفة
انا : لا معارفاش
مروة : منقدرش نقول حيت مكايناش شي حاجة ممكن توصفك عرفتي نهار تتمرضي ولا تطرا ليك شي حاجة تنحس بقلبي معلق تنخاف تخليني شي نهار منعرفش شنو يقدر يطرالي
انا : نبقاو انشاء الله حتا نشوفو حفيداتنا مصاحبين فحالنا ههههه
مروة : بلاتي نتخيل ههههه عالام انت والله