طفولة ضائعة

الجزء 9

صبح الصباح ^_^
بابا : الزين صباح الخير
انا : صباح النور :)
بابا : كصبحتي مزيان نعستي بعدا مرتاحة .
انا : الحمد لله غير منين راكم حدايا هاديك الدنيا و ما فيها .
بابا : يالاه نوضي تفطري باش تخرجي مع خواتاتك تشري ليك دكشي اللي خاصك.
انا : واخا بابا
مشيت غسلت وجهي و كنت انخرج حتى تفكرت واحد الحاجة مهمة بزاف (صلاتي) رجعت توضيت و صليت و حمدت الله و شكرتو .
فطرت و خرجت معا سلمى و ندى و شريت كاع دكشي اللي بغيت أي حاجة عجباتني تنشريها .
سالينا الشوبينغ و رجعنا دخلت للدار سولت على بابا لقيتو خرج لشي شغل كنت بغيت نسلم عليه توحشتو و نشكرو و نسولو على أنس و نوفل.
كنت طالعة فالدروج تلاقيت بواحد المرأة زوينة و باينة فيها ضريفة بقات تتشوف فيا مدة و ضحكات معايا و شوية هضرات.
هي : نتي هي زينب اذن ،تتشبهي لباباك سمحيلي لبارح كنت عارفاك اتجي ولكن تعطلتو و داني النعاس بكري و مقدرتش نشوفك انا كنزة سلمت عليها و طلعت .
مشيت لبيتي بديت نلبس و نحيد الكساوي و السبابط و السراول....حتى عييت مشيت قاديت البلاكار و ستفت داك الشي تما حتى سمعت بابا داخل هبطت تنجري عنقتو و بديت تنبوسو نبوسو فحالا مشفتوش 4 سنين هادي ههه (ورا بصح مشفتوش) شوية جات ديك المرأة (كنزة) و تصدمت فاش شفتها مشات سلمات عليه بقيت غير حالة فمي .
كنزة : واش باباك مقالش ليك عليا؟
أنا (مصدومة) : لا شكون نتي (و شفت فبابا لقيتو حادر راسو و مزير)بابا قول شكون هادي؟
بابا : هادي اممم زعما......هادي كنزة .
انا (بغضب) : نتا فاهمني شنو تنقصد جاوبني.
كنزة : سمعيني ابنتي انا عارفة شنو طرا بين باباك و ماماك ، هي خلاتكم فأكثر وقت كنتو محتاجين ليها فيه ، و ختك ندى اللي كان عندها عاد 4 سنين مكانش اللي يربيها و حتى باباك كان خصوصا اللي يقوم بيه و حنا تعرفنا على بعضياتنا هدي 3 سنين أو قررنا نتزوجو و نكون فمحل الأم ليكم و الزوجة لباباكم .
لا ميمكنش زعما بابا يكون دارها بصح، و لكن علاش علاش، انا عارفة كلامها منطقي و بابا محتاج اللي يعوضو فاللي فقد و لكن الامر وقع وقع الصاعقة عليا ، لهضرة حبسات ليا فحلقي، و تفكيري وفق ،بقيت تنفكر غير كيفاش انوازن مبين تقبلي للرغبات ديالو اللي هي منطقية و صعوبة التأقلم خصوصا و اني مكنتش كنتوقع شي حاجة بحال هاكا.
طلعت تنجري لبيتي مقديت نزيد حتى دقيقة تما و بابا تيعيط عليا و انا متنجاوبوش مكنت باغا نهضر معا تاواحد ،اصلا انا فاش تنكون مقلقة ولا معصبة متنبغي نهضر مع تا واحد و هكا حسن من انني نقول شي هضرة فلحظة غضب للي نندم عليها حياتي كاملة.
دخلت و سديت عليا و تلاحيت فوق الفراش ،مبغيت نفكر فوالو دابا ،واخا تيبان ليا را هدشي اللي خصو يكون حيت ميمكنش راجل بوحدو يربي 6 دالاولاد .
ياااه نسيت مسولتو على أنس و نوفل ، كون كانو دابا هنا كوراني مشيت لعندهم هما اللي تيفهموني و تيحسو بيا بزاف ،حطيت راسي على الوسادة و بدا تيديني النعاس حتا تنسمع الدقان فالباب و بابا تيعيط ليا ، انا مبغيتش نجاوبو ديك الساعة خلي حتى نفكر على خاطري .
من بعد تفكير عميق عرفت ان الحل هو انني نتقبل الوضع و نحاول نتاقلم بشوية ، و تفكرت قرايتي خصني نجيب انتقال ديالي من الرباط .