نصبنا الخيمات و شعلنا العافية حداهم و تعشينا و جلسنا تنهضرو و نتعاودو و نغنيو و مشينا نعسو، الغد ضرنا شوية و تافقنا نمشيو لأصيلة نكريو دار تما و ندوزو النهار فالبحر و دكشي اللي كان، مشينا للبحر و تبحرنا مزيان، انا كنغني و كنعوم كنسمع شي واحد تيهضر ضرت لقيت واحد البوكوس يا سلام .
البوكوس : صوتك زوين تبارك الله
انا : ميغسي
يا ربي السلامة هههه بادي بالكذوب من اللول
البوكوس : لا علاش الكذوب
انا : اويييلي على شوهتي تيسحابلي تنهضر غا مع راسي ساعا برحت
البوكوس : سميتي سعد و نتي.
انا : ياه مكانش يسحابليا كاع الباگص سميتهم سعد ،احم احم انا زينب
البوكوس : سميتك زوينة
انا : ربي يخليك
ما جيت فين نكملها حتا وقف عليا علي كشوف فيا مادوا ما تكلم ،حتا انا مفيا لي يجبد شي صداع درت التحية الأخيرة لسعد و خرجت و علي طالع ليه الدم تقول حصلني كنسرق الما من البحر، مشيت تكيت على الرملة و خليتهم تيعومو حتا تنسمع هاي ماهاي حليت عينيا .
غريب :.........واش ممكن نسولك ? hi can I ask you
انا : وي بالطبع yes of course
غريب : سميتي محمد و كنقلب على........... name's Mohamed I m looking
انا : ههههههه
محمد : علاش؟؟!نتي؟!!...........?!!you??! why
انا : زينب
محمد : انتي عربية كمان
انا : لاء انا موتوسكل
بقينا تنضحكو شوية وقف علينا بوليس الآداب
علي : شكون انت اسيدي
محمد : ايه ؟
أنا : هههه بقلك انت مين
علي : ياكما داروك مترجمة ديالو و عجبك الحال و كتفرنسي
انا : السيد بغاني نعاونو مافيها باس
علي : و مالو مخلي كاع البنات و ملقا غا خضرة العيون اللي مجبدة فوق الرملة
انا : شحال تتزيد فيه الراجل مناوي والو
علي : سحابليك گاع الناس نيتهم زوينة فحالك، و أصلا أي وحدة بهادا اللي نحشم نسميه لباس غيضسر عليها بنادم
انا : ايوا رانا فالبحر ياكما بغيتيني نعوم بجلابة و أصلا ممنحقكش تدخل فيا فهمتي شكون نتا ؟بابا؟خويا؟راجلي؟ حتا واحد اذن ممنحقكش تحكم فيا و لا تكريتيكي فلباسي اوكي ؟
علي : هدشي كلو خرج منك ألالة زينب، انا تنهضر معاك غير على مصلاحتك، أما نتي ضبري راسك و ديري اللي بغيتي مسوقيش، انا غير حيت تنبغيك تنخاف عليك و باغي ليك مصلاحتك
انا : تتبغيني؟!؟؟!
علي : أمم لا زعما اه ولكن بحال هاكا فهمتي
انا : شنو انفهم؟
علي : زعما بحال صحبتي من ناحية الصداقة زعما
قربت منو حتا بقاو بيناتنا غير سنتيمترات ،حطيت يدي على قلبو و تنحس بيه تيضرب بالجهد، الدقات ديالو متسارعة، شفت فعينيه لقيتو مرتابك و تيشوف فيا، بقيت مركزة فعينيه تنحس بيه متوتر، ضحكت فوجهو و نضت تنقز
انا : علي عتارف انت تتبغيني حصلتك بالجرم المشهود هاهاها
علي : شنو تتزربقي دابا
مروة : شنو واقع مال هادي تتنقز عاود
سعد : كلاسيك زينب، غتكون جاتها الحالة را ماشي أول مرة تدير هاكا، هادي حالتها فاش تتفرح
انا تنسمعهم تيهضرو و ما علاباليش، المهم فرحانة و صافي، كنت عارفاه تيبغيني من هادي شحال تنشوفها فعينيه و عارفاه ماباغيش يقولها و لكن دابا تأكدت، هاهوا دابا غار عليا ياااي، دوزنا عشية واعرة و انا نضور نضور و نضحك، فالليل رجعنا للدار و دخلت سديت عليا فالبيت .
انا : مروة علي تيبغيني
مروة : اويلي واش قالها ليك ؟
أنا : قالها بلا ميحس و حاول ينكر و لكن انا تنعرف
مروة : و مالكي فرحانة علي ماشي اول واحد غيقولها ليك
انا : وا آه و لكن را حتا انا
مروة : نتي شنو..........لا متقوليهاااااش هادي هي عمرني نتصاحب و دكشي غا تخربيق و تفلية و كدا
انا : صاحبتي حتا انا معرفتش كيفاش ولكن را تيعجبني من هادي شحال را تنبغيه بزاف، تنضل نفكر فيه تنبغي نهضر معاه نبقا معاه تنتوحشو كل مرة متيكونش فيها حدايا فاش تيكون حدايا متنبقا نفكر فوالو تنخاف نقلقو و الأهم من هدشي كامل آري يدك ،حسيتي بيه ،شفتي كيفاش تيضرب بالزربة، شفتي قلبي كيفاش تيدق فاش تنفكر فيه
مروة : ناري تصدمت مكانش يسحابلي شي نهار انبغيو نفس الشخص
انا : شنوووووو
مروة : ههههههههه وااااع تيقتيني
انا : طيحتي مني النص
مروة : ويتك ويتك صحبتي كتحب
انا : وا صافي باراكا
مروة : شحال باغا ديال الوليدات
انا : مرواااا
نضت تابعاها و هي تضحاااك ضاربنا مزيان بالمخاد ولات هي مشعكة و انا ولفت هاد الحالة حيت هاديك هي التسريحة المفضلة عندي هههه غير تنضحك .
أنت تقرأ
طفولة ضائعة
Short Storyقصة بالدارجة المغربية على حياة زينب ? اللي كانت مليئة بالأحداث و المغامرات، القصة فيها طابع حزين ? و لكن فيها حس المغامرة و كلها تشويق....القصة من تأليفي نتمنى تعجبكم الكاتبة : khullo #khullo ✌
