سمعنا الدقان فالباب و بعد عليا دغيا، دخلات مروة و جات تتجري لعندي عنقاتني مبغات تطلق مني ،استأذن علي و خرج
مروة : حمارة كلبة انت ولله خلعتيني عليك خفت لتوقع ليك شي حاجة
انا : ههه هبيلة انا لاباس و كتر من القياس گاع
مروة : آش واقع؟
أنا : علي
مروة : مالو؟
أنا : تيبغيني قالها ليا
مروة : اواااه حلفي فرحت ليك والله
انا : كون تشوفي انا
مروة : هادي هيا عمرني نبغي عمرني نتصاحب و دكشي
انا : وا صافي راني كبرت زعما دكشي كان قبل ميكون علي
بقينا تنهضرو حتى صبح الحال و بقيت تما يومين كانت مروة و علي و سعد و بابا و خواتاتي و طاطا كنزة ديما تيزوروني، خرجت من الطبيب و دوزت النهار فالدار، الغد جات عندي مروة تتهلل عليا كالعادة.
مروة : شنو ضهر ليك العشية نخرجو نتمشاو
انا : على أساس كنا تنزحفو را ديما تنتمشاو
مروة : زعما نتفقدو أوضاع المدينة
انا : اودي اللي درتيها انا معاك
خرجنا ندورو كالعادة الطريق كلها و انا تنهضر ليها على علي
انا : عرفتي شنو اللون المفضل ديالو؟
مروة : الرمادي هادي خامس مرة اتقوليها ليا
انا : و عرفتي شنو أفضل بلاصة عندو؟
مروة : المرسى
انا : و عرفتي.....
مروة : اوووف منك صدعتيني أو هادي كلها فيك هضرة
انا : وا را غنتسطى عرفتي بغيت عيني يتعماو لاشافو فشي واحد غيرو ، بغيت قلبي يسكت لبغى غيرو ،هانتي حطي يديك شفتي شفتي كيفاش تيضرب
مروة : وا الحمقة وا البليدة وا زينب انت تتحبي و انا مالي خاطيني عليك هضرة البنات ارحم باباك
انا : صافي انا غير اعتبرتك صحبتي و قلت نشارك معاك فرحتي ساعا معامن
مروة : وا را حتا انا فرحت ليك من قلبي ولكن را بزاف
انا : هههه صافي هاني نسكت
مروة : زيدي زيدي البهلة
اليوم نهار جديد، نفس الروتين، لبست فطرت و مشيت نقرا فحال ديما ،خرجنا مع العشرة ،تنسمع تيليفوني تيصوني.
انا : آلو
علي : صافاتون؟
أنا : هانياتون و انت ؟
علي : اوسي، كيبقات الكريشة لاباس؟
أنا : لا الحمد لله
علي : توحشتك
انا : كذيذيب كون توحشتيني كون جيتي لعندي.....مكملتها حتا تنحس بشي يد تحطات على كتفي، تندور تنلقاه هو
انا : عليليش جا يشوفني
علي : لبارح علوش و ليوم عليليش غدا منعرف شنو
انا : ياااا توحشتك
علي : و انا ايضا
انا : انتقابطو فحال جوج تيبغيو بعضياتهم
علي : احح ضسرتي ضسرتي
انا : الحب و ميدير
علي : و نعلمك من دابا خلي شوية ديال التيقار بينك وبين سعد منبغيش نشوفو معنقك ولا قابطليك فيدك ولا تيلعب ليك فشعرك ولا كذا ولا نقتلكم بزوج
انا : احح قلبي
علي : داوي بصح
انا : و ديرها زعما
علي : لا غير تنهضر و صافي
انا : تضربني شي نهار
علي : يدي تقطع قبل متمد عليك
انا : صافي صافي جبتي ليا الارارة
علي : حميمقة ديالي
دازو أيام و علاقتي بعلي نهار على نهار تتكبر، تنحاول نخلي حدود بيني و بين سعد حيت بصح قتانعت بالهضرة ديالو ،مبقيتش تنكمي بفضل ربي سبحانه و تعالى اولا و بفضل علي ،كان ديما تيقول ليا غتبقاي ختي حتا تولي مراتي، تنحس بيه بصح تيبغيني و تيحماق عليا، تيخاف عليا و تيفششني، تيشد ليا الخاطر و ديما محزرني، معمرني حسيت بيه طامع فيا بل بالعكس، هادي مدة و حنا تنبريباريو للوطني، اتفقنا منبقاوش نتلاقاو بزاف حتا يفوت الامتحان، شحال و انا تنخدم باش نجح بمعدل مزيان.......باقي نهار واحد ،تنحس براسي حفضت و فهمت كلشي، دوك الأيام مكنتش تنعس مزيان ولا باين عليا الإرهاق.......وصل الوقت و دوزنا الوطني، حطوه صعيب بزاف لكن تنحس براسي خدمت، دازو أيام و تعلقو النتائج و فرحت فاش لقيت راسي ناجحة بمعدل 18،52، و تكلاسيت من الأوائل ،مروة جابت 18،20 فرحت لينا بزاف، بدات العطلة و حنا تنتافقو فين ندوزوها .
انا : اممم تركيا
مروة : ايوا صافي كملات
انا : مالكي معجباتكش؟
مروة : نتي كل عام تمشي ليها معييتيش
انا : تركيا بلادي أرضي و أرض اجدادي
مروة : انا بغيت نمشي لكوريا
انا : هاهاها كوريا تسطيتي ولا شنو؟ 20 ساعة فالطيارة بغيتيني نموت ؟ سعد انت هضر شنو بان ليك؟
سعد : انا مبان ليا والو هاد الساعة ضبرو راسكم ولا سولي صاحبك هو يعرف حسن مني
انا : علي شنو بان ليك؟
علي : حتا انا مبان ليا والو
انا : اوووف منكم انا اللي معندي عقل مسولاكم
مروة : هانتي آجي نلعبو كارطة و اللي ربحات فينا تختار
انا : اوكي مشات
بقينا قصارين كارطة ،مروة كتربح طرح ورا لاخر آو اش هاد العجب، بانت ليا القضية حماضت رميت وراقي و استسلمت، صافي انمشيو لكوريا، واخا نكون يهودية منخسرش 7 الطروحة متابعين .
أنت تقرأ
طفولة ضائعة
Short Storyقصة بالدارجة المغربية على حياة زينب ? اللي كانت مليئة بالأحداث و المغامرات، القصة فيها طابع حزين ? و لكن فيها حس المغامرة و كلها تشويق....القصة من تأليفي نتمنى تعجبكم الكاتبة : khullo #khullo ✌
