الـدخيل

بارت ١٦

"اول شي النومه بعدين البوسه؟ والله منت بهين" يضحك خالد لما شافني ادخل الشقه

"اكل زق" اقلب عيني و يركض لي مشعل و ارفعه من الارض

"اليوم ما حبيتك" يبوس خدي، و ابتسم له، بايس راسه

"حبيب ابوك انت" اقعد على القنفه و اهوا بحظني

"وينه؟" يسألني علي

"راح يجيب شغله من الشقه و يرجع" اقول له و يهز راسه

"كيوت مع بعض تصيرون تجننون و مشعل ولدكم تهتمون فيه ما اتحمل اموت" يبتسم مرزوق حاط ايده على خده، و قلبي تزيد نبضاته بس بالتفكير بالموضوع او حتى اتخيل

"اقول وين الدكتور هذا مسوي فينا خير هاليومين شاغلك عنا" اسكته و يصرخ خالد مغطي حلجه

"قويه قويه قويه!!" يضحك و يخزني مرزوق

"انت انسان تافه و حقير يازق باللعنه تلعنك انت و اهو" يوقف من مكانه و اضحك اشوفه رايح لغرفته، باب الشقه يتسكر و عرفت ان طلال رجع، اقعد عدل و انزل مشعل من حظني

"اوه قاعد يثقل جدام الحووووب" يضحك خالد و علي مشغول بلابتوبه

"سلام" يدخل و التفت له

"يا هلا بطلال" يرد خالد و يوقف علي

"امش اوريك غرفتك" يروح له و يسحبه خالد

"لا علاوي حبيبي اقعد معاي فهد ما عنده شغل" يقول له، و اطالع بطلال و اضح انه مو مرتاح، يحك رقبته و يطالع بخالد

"بس يقول لي عن الغرفه و يرجع لك" يقول له و اوقف من مكاني و علي يكلم خالد بهدوء و خالد يهز راسه له

"امش طلال اوريك غرفتك" اقول له و مشعل ماسك بايدي يخز بطلال، يبتسم له طلال و مشعل يلتفت عنه

"هذه غرفتك لما طلعت علي فضاها و نظفها مادري ليش بس صارت لك" اقول له و يهز راسه و نظراته واضح انه مو مرتاح

"مافي شقه فاضيه ثانيه؟ اكيد في راح ادفع اجارها" يقول لي و اطالع بمشعل

"حبيبي روح عند خالد و علي" اقول له و يركض لهم، اقرب منه و يلف راسه للجهه الثانيه منزله للارض

"اذا مو مرتاح قول لي.. اقدر اعطيك شقتين اذا تبي بس مو أمان لك.. قاعد تكلم لك ضابط جتني الف حاله ابتزاز مثل هذه عارف شنو اسوي و واضح ان اللي يكلمك يعرف صغيره و كبيره بحياتك الوضع خطر عليك و يمكن لما يصير فيك شي حتى لو بلغت احتمال ما نلحق و نساعدك.." اقول له بهدوء و عينه للارض ما رفعها

"طيب" هذه الكلمه الوحيده اللي تطلع منه و اقلب عيني

"طلال!" ارفع راسه بأناملي و يطالعني

"نعم" يرفع حاجبه

"لو..." اسكت لثواني لاني مو عارف شنو اقول مو عارف شنو يبي مو عارف شلون اهدي الوضع "لو مو مريحك الوضع قول لي و الحين اطلع لك شقه" اقول له و يهز راسه