الـدخيل

بارت ٥٠

-

وصل فهد للشقه و فرحان انه يقدر يمشي من جديد لكن شي ناقص بحياته و مو عاجبه وضعه، حذف مفتاحه على الكنبه بالصاله

"ها راح؟" يسأله مرزوق

"اي راح" يرد بهدوء و بدون ملامح، و يدخل لغرفته و مشعل كان قاعد و حاط سماعات مو سامعهم ولا يدري عنهم و خالد نايم و منصور يدرس

يفتح الخزانه و يلقى ملابس لطلال ما اخذهم معاه، و اخذ تي شيرت، و شمه و باسه، اخذه معاه للحمام و سحب بوكسر نظيف قبلها، اخذ شور من بعد الشغل، و لبس البوكسر و تي شيرت طلال يبي ريحته تكون فيه، و قعد على السرير و الفوطه نشف فيها شعره و نشف خفيف كونه صغير

يبي ينام لكن ما يبي طلال يدق عليه و ما يرد عليه، فوقف اخذ شورت لبسه، و لبس كروكس، و معاه تليفونه، و طلع من الشقه و راح لشقته يلهي نفسه بالرسم لصوره لطلال ثانيه لحد ما طلال يتصل

فصخ بلوزة طلال لانه ما يبيها تتدمر بالالوان و حطها بعيد تماماً عن الالوان، و قعد بدون تي شيرت يرسم

-

"الحين حجزت و خلصت؟" يسأله مرزوق

"اي خلصت و شارس الهدايا بس خاشهم مابيه يعرف وينهم" كان حاطهم بشقة فهد اللي محد يعرف عنها، كون انه عرف ان فهد يرسم و عنده شقه

"كيوت انت والله ماشالله عليك" يقول له مرزوق و يرن تليفونه و يوقف من مكانه

"متعب الحب جاء باي" يوقف من مكانه و يسحب السماعه من راس مشعل و يبعد، يفز مشعل ملتفت و يلقى مرزوق طالع من الصاله

"ااففف يازققق" يصرخ و يركض وراه و يطق مؤخرة مرزوق كونه الشي الوحيد اللي يوصل له

"قلبوس" يبتسم له مرزوق طالع من الشقه، و يسكر الباب وراه

"خل يجي ابوي ولا اقول له اذاني اذاني" يتحلطم و دمعته تطيح من خده و يشهق مغطي عينه

"تعال عمري تعال" يفتح له علي ايده و يجيه مشعل و يحظنه علي و يقعده بحظنه يكلمه

-

بعد ساعتين من الانتظار الطويل بالنسبه لفهد كل دقيقه يطالع تليفونه خايف يتصل و مو سامعه، و فز لما سمع تليفونه يرن، و مسح ايه بالفوطه بسرعه بسبب الالوان و سحب تليفونه و رد عليه شايفه رقم سعودي

"الو" يرد بسرعه

"هلا بهالصوت" يبتسم طلال و يبتسم فهد متنهد براحه

"هلا عمري و حبيبي انت وصلت؟" يسأله و طلال يطالع حوله بالمطار

"اي وصلت يا بعدي بس غيرت خطي لسعودي و كذا يعني علشان كذا طولت" يشرح له

"اهم شي انك وصلت بخير عندك من يوصلك لبيتك؟" يسأله و هو يلعب بالفرشه و الالوان بأيده الفاضيه